Ítalir deyja.

 

Vegna þess að sóttvarnaryfirvöld þar í landi töldu ekki ástæðu til að loka á smitleiðir frá Kína.

Tóku skammtímahagsmuni fram yfir langtíma hagsmuni.

Í dag er Ítalía lokuð og allt að hruni komið.

Fólk deyr og ekkert er við ráðið.

 

Sama viðhorf, sama andvaraleysið hefur sýkt okkur Íslendinga.

Og forheimskan er svo mikil að það er hæðst að þjóðum sem reyna að skera á smitleiðir.

Til að undirstrika það er birt viðtöl við fólk sem segir; "Hún á erfitt með að skilja rök­in að baki ákvörðun­inni um að loka land­inu, en eins og fram hef­ur komið í frétt­um var ákvörðunin ekki tek­in að und­ir­lagi heil­brigðis­yf­ir­valda í land­inu, enda ekki talið lík­legt að hún skili til­ætluðum ár­angri.".

Já, það skilar ekki árangri að loka á smitleiðir er heilaþvotturinn sem landsmenn eru mataðir á.

Það eru allir fífl nema við.

 

Svo fáum við fréttir af skrípó í ráðherrastólum sem eyða tíma sínum að mótmæla lokun smitleiða.

Enginn lítur í eigin barm og spyr sig, af hverju erum við smitaðasta þjóð í heiminum miðað við hausatölu?

Hver er skýringin, hver er orsökin??

Af hverju skerum við ekki á smitleiðir??

Hvað þurfa margir ferðamenn að deyja í anddyrum spítala okkar til að við föttum að veiran smitar alla, og smitaðir, hvort sem þeir eru innlendir eða ferðamenn, smita aðra.

 

Hvað þurfum við hlusta oft á utanríkisráðherra fullyrða að aðrar þjóðir líti til Íslands í árangri að smita heila þjóð á sem stystum tíma?

Hvað þurfum við að hlusta oft á sóttvarnarlækni verja þá stefnu sína að leyfa ferðamenn frá smitsvæðum koma til landsins?? 

Með þeim rökum að þeir hafi ekki sýkt ennþá.

 

Erum við að bíða eftir að forheimskan springi framan í okkur??

Að fyrirsögn þessa pistils, sem og annarra, breytist úr Ítölum í Íslendinga??

Eða er engin mörk á hjarðhegðun heimskunnar??

Þarf drepsóttin að drepa til að við skiljum að drepsóttir drepa??

Eða er það okkur eðlislægt að standa í auðmýkt með húfu í hendi þegar yfirvaldið er annars vegar??

 

Eigum við ekki líf sem þarf að vernda??

Börn, mæður, feður, afa eða ömmur.

Eða náungann, fólk sem við þekkjum sem hefur gengið í gegnum erfiða sjúkdóma, og er í mikilli hættu þegar veiran verður stjórnlaus.

Er það mikilvægara að vera heimskur og kóa með, eða vernda það sem er okkur mikilvægast?

Líf okkar, líf náungans, hvort annað.

 

Ítalir deyja í dag.

En þeir voru ekki svo mjög að deyja fyrir 3 vikum síðan.

Aðeins 4-5 gamalmenni, og svo nokkur í viðbót.

Annars meinlítið kvef eða þannig.

 

Við erum á þeim stað í dag.

Og harðhegðun heimskunnar trúir að það ásand sé komið til að vera.

Að það versni ekki.

 

Eitthvað svipað viðhorf og var í Bretlandi en loksins kveiktu menn á perunni þar; " Líkanið sýndi að með því að reyna einungis að hægja á faraldrinum með þeim aðgerðum sem stjórnvöld höfðu þegar kynnt en ekki stöðva hann kallaði ríkið yfir sig hörmulegan faraldur, gjörgæsludeildir myndu ekki ráða við álagið. Útreikningarnir bentu til þess að án frekari aðgerða myndu 260 þúsund manns láta lífið á Bretlandseyjum ekki bara úr COVID-19 heldur einnig vegna þess að heilbrigðiskerfið gæti ekki sinnt öðrum sjúklingum sem þurfa sérhæfða þjónustu. ".

 

Við vitum ekki hve slæmt þetta verður.

Það eina sem við vitum að hér standa menn vaktina, og það er lofsvert, þakkarvert.

Við vitum líka að smitið er komið úr böndum og það þarf að grípa til harkalegra aðgerða en þegar hefur verið gert.

Vandinn er að réttar ákvarðanir eru teknar of seint, og þær virka ekki afturábak.

 

Það er loksins búið að taka ákvöðun um að allir Íslendingar sem koma til landsins, fari sjálfkrafa í 14 daga sóttkví þegar þeir koma til landsins.

Rétt ákvörðun, en hefði hún verið tekin fyrr, þá værum við ekki svona smituð eins og við erum í dag.

Og við höfum ekki reist sóttvarnargirðingar og því fær veiran að smitast í alla landshluta, og við höfum ekki sett á útgöngubann, til að drepa veiruna.

Það verður gert, en fyrst þarf fólk að deyja.

 

En þess þurfti ekki.

Þess þurfti ekki.

 

Munum það.

Kveðja að austan.

 

 

 

475 létust á einum sólahring

Skyldulesning fyrir sóttvarnaryfirvöld.

 

Sem leyfðu landinu að sýkjast því þetta væri bara meinlaus veira, nema jú fyrir fólkið sem myndi hvort sem er deyja.

Skyldulesning fyrir vanhæfa blaðamenn sem átu allt upp sem var sagt, án nokkurrar gagnrýni, og brugðust þar með frumskyldu sinni að upplýsa, að fræða, að segja satt og rétt frá.

Undanfarna daga höfum við upplifað blaðmennsku og hópsál sem einna helst má finna í landi heilaþvottarins, Norður Kóreu.

 

Næst þegar sóttvarnarlæknir vitnar í falsaðar tölur frá Kína, spyrjið hann þá um tölur frá Ítalíu.

Breska ríkisstjórnin trúði sama sérfræðibullinu.

Á vef Ruv má lesa frétt í gærkveldi þar sem breska ríkisstjórnin fékk nýja skýrslu um alvarleika drepsóttarinnar þar sem nýtt hættumat var gert vegna gagna frá Ítalíu sem öskruðu á þessa sömu sérfræðinga.

Raungagna, sem sögðu að fólk væri að deyja, og heilbrigðiskerfið réði ekki við ástandið.

 

Eitthvað sem allir hafa vitað.

Nema tveir hópar, sóttvarnalæknar nokkurra Evrópuríkja og hópurinn sem kennir sig við hjarðhegðun heimskunnar.

Já, og svo Kári klári.

 

Hættan hefur verið vanmetin játar Evrópusambandið í dag.

Var þetta fólk ekki með augun opin??

Hefur það ekki dómgreind??, eða skýlir það sér á bak við sérfræðingaheimskuna??

Fékk það engar fréttir frá Austur Asíu um árangur, hvernig skjót viðbrögð á fyrstu dögum réðu úrslitum??  Þar sem lykilatriðið er að skera á smitleiðir, og berjast svo við hvert tilvik sem slapp áður en skorið var á smitleiðirnar.

 

Aldrei í nútímasögu Vesturlanda höfum við upplifa aðra eins tilraun til vísvitandi fjöldamorða.

Aldrei áður höfum við haft aðra eins vanhæfa leiðtoga.

Með undantekningum þó, í Danaveldi er ung kona sem sagði sóttvarnarsérfræðingunum að halda kjafti. 

Þeir væru ekki guðir með valdi yfir lífi og limum fólks.

 

Og þið þarna úti, sem stolt gangið í takt við hjarðhegðun heimskunnar, lesið þessa grein.

Hún fjallar um dauðans alvöru.

Ekki heimsku.

Ætti ekki samt að vera ykkur ofviða.

 

Enn og aftur, lesið svo þennan link á grein um af hverju við þurfum að bregðast við strax.

https://medium.com/@tomaspueyo/coronavirus-act-today-or-people-will-die-f4d3d9cd99ca.

Hún gæti bæði læknað heimsku ykkar og bjargað lífi ykkar.

 

En jú jú.

Heimska er valkvæð, og auðvitað megið þið halda áfram að þakka landlækni, sóttvarnarlækni og yfirvöldum fyrir að hafa leyft drepsóttinni að dreifa sér um  landið.

Þakkað þeim að bregðast of seint við á öllum stigum málsins.

 

Vissulega eru meiri líkur en minni að þið lifið af ykkar heimsku.

En ofboðslega eruð þið firrt ef þið skiljið ekki hvað felst í þessum orðum Rutar;

"Einu hljóðin sem við heyr­um hér í ein­angr­un­inni heima hjá okk­ur eru stöðug væl í sír­en­um sjúkra­bíl­anna, dag og nótt, og við reyn­um að hugsa ekki um fólkið og sög­una á bakvið hvern sjúkra­bíl sem brun­ar hjá.“".

 

Það er saga á bak við hvern sjúkrabíl.

Saga sem við eigum á hættu að verði sögð hér eftir ekki svo marga daga.

Ekki nema að við séum guðsútvalda þjóð sem njótum þeirrar verndar að drepsóttin sé meinlaus kvefpest hjá okkur, og við sleppum með skrekkinn.

 

Ég myndi ekki treysta á það.

Og þó svo væri, hefði verið jafn heimskt að treysta á það.

 

Og þeir sem fatta það ekki.

Þeir eiga engu að ráða,.

Kveðja að austan.

Tölurnar segi ekki alla söguna

Mette Fredrisen rís upp sem leiðtogi.

 

Í stríði við vágest sem engu eirir fái hann að ganga laus.

Hún talar tæpitungulaust við þjóð sína;

".. sagði rík­is­stjórn­ina hafa ákveðið að frek­ar skyldi gengið of hart fram en of skammt. „Við erum á ókunn­um slóðum. Ég hef spurt mig hvort við mun­um gera ein­hver mis­tök, og svarið er klár­lega já. En ég vil frek­ar að við göng­um of harka­lega fram en öf­ugt.".

Og bætti við, "við verðum öll að hjálpast að við að rjúfa smitkeðjuna"."

 

Við Íslendingar værum ekki með flest smit í heiminum miðað við höfðatölu, ef einhver hefði risið upp sem leiðtogi og fordæmt innflutning sóttvarnaryfirvalda á smiti frá Ítalíu og skíðasvæðum Austurríkis.

Ef einhver hefði sagt, "ég vil frekar ganga of harkalega fram en öfugt".

 

Þess í stað áttum við leiðtoga sem kóuðu með innflutningnum.

Sem studdu þá ákvörðun að rjúfa ekki smitkeðjuna strax á landamærum okkar.

 

Eins og það er einfalt, einn millilandaflugvöllur.

Þau sögðu að við ættum að brosa og styðja hina röngu ákvörðun.

Þá ákvörðun að smita þjóðina vísvitandi.

 

Það dó 21 gamall fótboltaþjálfari á Spáni í dag.

Hann hafði áður fengið hvítblæði, ónæmiskerfið réði ekki við drápsveiruna.

Hvað þekkjum við marga sem hafa fengið krabbamein??, unglinga, ungar mæður, fólk sem á lífið framundan, hefur sigrast á vágesti en er núna á dauðalista kórónuveirunnar?

 

Af hverju var þetta leyft, og af hverju sagði enginn eitthvað?

Af hverju er forystufólk okkar fígúrur sem kann fátt annað en að brosa, og setja inn statusa á feisbók?

 

Margrét Danadrottning ávarpar þjóð sína í kvöld.

Alvörumanneskja, sem hefur eitthvað að segja.

Mette Fredrisen segir það sem þarf að segja.

 

Hér??

Hér??

 

Hér er bara beðið eftir fyrsta dauðsfallinu.

Og það réttlætt með aldri eða undirliggjandi sjúkdómi.

 

Ungi maðurinn í Madríd var með undirliggjandi sjúkdóm.

Hann átt samt rétt á að fá að lifa og verða gamall, eiga börn, sjá þau vaxa, og í fyllingu tímans, færa honum barnabörn.

 

Hann dó vegna þess að enginn hafði kjark að rjúfa smitkeðjuna.

Vegna þess að land hans var leiðtogalaust.

Smitið fékk að dreifa sér samkvæmt hinu frjálsa flæði hins evrópska regluverks.

Eitthvað svipað og hér.

 

"Ég geri mistök" sagði Mette.

Það er rétt.

 

En hún gerði eitthvað.

Þar liggur diffinn.

Kveðja að austan.

Strangt samkomubann tekur gildi í Danmörku

Rödd skynseminnar.

 

Er orðræða Bjarna Benediktssonar fjármálaráðherra.

"Um­hverfi bank­anna verði að vera þannig að ekki verði tekn­ar af­drifa­rík­ar ákv­arðanir á meðan það versta geng­ur yfir. „Að það sé gengið að veðum vegna þess að menn séu í van­skil­um og svo fram­veg­is. Nei, við þurf­um að skapa al­veg nýtt svig­rúm fyr­ir bank­ana til að bregðast við þess­ari stöðu og skapa réttu hvat­ana. Þannig held ég að við björg­um flest­um störf­um og höld­um starf­semi gang­andi,“ sagði Bjarni. Mik­il­vægt sé að gera meira held­ur en minna og tak­ast á við af­leiðing­arn­ar þegar far­ald­ur­inn er yf­ir­staðinn. ".

Það er eins og blessað barnalánið hafi horfið á einni nóttu.

 

Að maðurinn sem sætti sig við börn í ráðherraliði sínu, sem samþykkti markaðsvæðingu orkuauðlinda okkar undir styrkri stjórn skrifræðisins i Brussel, að hann sé það sem hann á að vera.

Leiðtogi.

Að loksins hafi maður risið upp yfir börnin.

 

Það kemur í ljós.

Allavega er þetta í fyrsta skipti sem ráðherra tjáir sig um alvarleika mála, og um það sem þarf að gera, og færir skynsemisrök fyrir máli sínu.

Og hann virkar ekki eins og fífl, eða einhver sem hefur ekki þroska til að takast á við ábyrgð embættis síns.

Það er eins og Bjarni sé kominn heim.

 

Prófsteinninn er samt eftir.

Frysting verðtryggingarinnar og lögreglurannsókn á þeim sem nýttu sér löggjöf Evrópusambandsins um innflutning á sýklum sem ógna bæði lýðheilsu fólks, og heilbrigði búfjárstofna.

Skynlausar skepnur eiga ekki að ganga lausar, og reglugerð Evrópusambandsins er engin réttlæting fyrir glæpi þeirra.

Sem gerast ekki alvarlegri, ekki nema þeir játa að hafa vísvitandi dreift kórónuveirusmiti um samfélagið.

 

Frysting verðtryggingarinnar er síðan svo augljóst að ef fjármálaráðherra dregur lappir þar um, þá er eitt ljóst.

Að tilvitnuð skynsemisorð hér að ofan, eru ekki hans.

Heldur ráðgjafa eða almannatengla sem forrita orð ráðherrans.

 

Sem ég trúi ekki.

Það er tíðinda að vænta úr stjórnarráðinu.

Það á að gera það sem þarf að gera.

 

Slíkur er máttur veirunnar.

Hún bjó til fólk úr börnum.

 

Og það er þakkarvert.

Kveðja að austan.

Ekki verði gengið að veðum í ástandinu

Loksins, loksins, loksins.

 

Fengust skýringar á því afhverju drápsveiran fékk að ferðast óhindrað til Íslands.

 

Skýringin er sú að sóttvarnalæknir trúir ekki á þá sóttvörn að loka á innflutning á smiti frá sýktum svæðum, heldur telur hann að sóttvörn byrji þegar smitið hefur borist til landsins.

Hann er sem sagt hlynntur dælubúnaði á mígleku skipi, en telur það þjóna engum tilgangi að þétta lekann, því það gæti alltaf byrjað að leka aftur, og það flýtur á meðan það ekki sekkur.

Sem það gerir eiginlega aldrei til lengdar.

 

Lesum þessi orð sóttvarnarlæknis og íhugum þau gaumgæfilega;

"„Við erum kom­in með veiruna inn í landið og hún kom með Íslend­ing­um. Það hef­ur eng­inn út­lensk­ur ferðamaður greinst hér með veiruna. Að loka núna myndi ekki breyta neinu, ekki nema við ætl­um að loka Íslend­ing­ana úti sem eru að koma að utan. Veir­an er kom­in hingað inn og við vit­um að þótt við reynd­um að loka alla úti myndi hún koma hérna inn fyrr en síðar þegar það yrði opnað aft­ur. Þannig að ég held að það sé ekki sniðug taktík".

 

Af hverju komu Íslendingar með veiruna inní landið??

Jú, það var vegna þess að þeim var leyft að ferðast til smitaðra svæða, og báru með sér veiruna heim.  Krítíska augnablikið var að eftir að fyrsta smitið greindist hjá Ítalíufara, þann 28. febrúar, þá mátti ljóst vera að Ítalía væri mun smitaðri en opinberar tölur gáfu til kynna.  Í þess samhengi má minna á að þann sama dag birti The Guardian grein þar sem ítalskir veirusérfræðingar höfðu sterkar vísbendingar um (út frá stökkbreytingu hennar) að veiran væri búin að vera í landinu mun lengur en sóttvarnarkerfið hafði upplýsingar um.

Það voru lönd sem lokuðu á Ítalíu og höfðu lokað á Kína, sem sitja ekki í sömu súpunni og við.

 

Enn og aftur, munum að Singapúr með 5,7 milljónir íbúa á um 770 ferkílómetrum, þéttbýlla gerast lönd varla, er með 247 skráð smit og ekkert dauðsfall.  Samt greindist fyrsta smitið þar 23. janúar.  Taivan með 24 milljónir íbúa er með 67 skráð smit, eitt dauðsfall, fyrsta smit skráð 26. janúar.

Bæði Taivan og Singapúr eru með mikil tengsl við Kína sökum bæði viðskipta og skyldleika, samt lokuðu þau á smitleiðir þaðan, og náðu að hindra útbreiðslu kórónuveirunnar.  Fyrstu smit voru skráð þar rúmum mánuði áður en hér (28. feb), samt er fjöldi smita hér þrefaldur á við Taivan en okkur vantar ennþá 45 smit til að ná fjöldanum í Singapúr, en þeir eru ennþá að glíma við afleiðingarnar af fyrsta smitunum frá Kína, áður en lokað var á landið.

 

Ef maður vill vera kurteis, þá má segja að sóttvarnarlæknir sé haldin meinloku, þegar hann kennir ferðalögum Íslendinga um innanlandssmitið, því það var hans að skera á smitleiðir í tíma.

Síðan er það afneitun á mjög háu stigi að kannast ekki við árangur Austur Asíu þjóðanna sem einmitt gerðu það sem hann lagðist gegn að yrði gert.

 

Ferðamenn smita ekki segir hann síðan.

En hvernig veit hann það fyrirfram??

Ítalía byggði sína greiningu á fyrsta Ítalanum sem greindur var með kórónaveiruna, en ef veiran var þá þegar útbreidd, munum að annars hefði hún ekki stökkbreyst, hverjir komu þá með smitið??

Fuglarnir??

 

Það er lán að ferðamenn frá smituðum svæðum sýktu okkur ekki, en það gat enginn séð fyrirfram.  Það eina sem er vitað er að sá sem er smitaður, hann getur smitað aðra.

Skiptir ekki máli hvort hann er innlendur eða erlendur, ferðamaður eða skipbrotsmaður, smitaður einstaklingur ber með sér smit.

Við virðumst bara hafa verið svo heppin að þeir sem komu hingað voru lítt eða ekkert smitaðir, en það var ekki vitneskja sem lá fyrir, og er aldrei hægt að fullyrða um fyrr en eftir á.

 

 

Meinloka, afneitun, en hvernig er hægt að útskýra þau orð hans að "við vit­um að þótt við reynd­um að loka alla úti myndi hún koma hérna inn fyrr en síðar þegar það yrði opnað aft­ur".

Hver er að tala um að loka alla úti??

Það er engin smithætta af fólki sem kemur frá löndum sem tóku veiruna strax föstum tökum og hafa náð að stöðva útbreiðslu hennar. 

 

Líkurnar á að ferðamenn frá Taivan, Hong Kong, Japan, Singapúr, frá stórum svæðum Suður Kóreu, og jafnvel Kína innan skamms, beri smit hingað er hverfandi, sem og að Íslendingar sem færu þangað, kæmu smitaðir heim.

Kæmi upp slíkt tilvik, þá er mjög einfalt að einangra það með öflugum smitvörnum líkt og menn nota þarna austur frá, og við höfum að mörgu leiti gert hérna líka.

 

En er þá lokað frá löndum þar sem veiran er ennþá grasserandi??

Nei, fólk sem kemur þaðan fer sjálfkrafa í 14 daga sóttkví, og síðan er fylgst með því.

Ekkert flókið og þetta virkar.

 

Af hverju bullar þá sóttvarnarlæknir þá svona??

Hvað veldur?

Og hvað er að dómgreind og þekkingu þess fjölmiðlafólks sem lætur bjóða sér svona fullyrðingar.

 

Það tekur svona 15-20 mínútur að afla sér upplýsinga um hvernig ríki Austur Asíu tókust á við veiruna.  Og ef menn eru nýkomnir af fjöllum, og hafa ekki vitneskju um þann árangur, þá sjá menn þetta eftir mínútu skoðun á listanum um kórónuveiruna í heiminum. 

Það þarf aðeins að kunna að lesa úr töflu, kunna að nota leitarforrit, og vera svo læs á einfaldan texta á útlensku, ef blaðamenn Morgunblaðsins eða Ruv eru það ekki, þá er til forrit sem heitir Google Translater, og gamalt fólk notar töluvert til að þýða úr ensku yfir í íslensku.

En flestir lesa hana bara.

 

Hvað afsakar Morgunblaðið eða Ríkisútvarpið?

Sóttvarnarlæknir er kannski að kikna undan álaginu, enda má aldrei gleyma að mikið og gott starf  hefur verið unni í baráttunni við veiruna, mistökin fólust í að loka ekki á hana í tíma.

En að blaðamenn elti hjarðhegðun heimskunnar í máli sem er dauðans alvara, þætti ekki einu sinni góð blaðamennska í Norður Kóreu.

 

Það er mál að linni.

Það eru mannslíf í húfi.

Rangar ákvarðanir hafa verið teknar, og þjóðinni er hótað að veiran fái að dreifa sér svo hún myndi hjarðónæmi.

Þegar það er hægt að stöðva hana með sóttvörn.

 

Stór skref í rétta átt hafa verið tekin.

Vonandi duga þau, en ef ekki, þá þarf að taka stærri.

Því mannslíf eru ekki metin, hvorki til fjár, óþæginda eða annað sem menn setja fyrir sig til að réttlæta tómlæti sitt gagnvart þeim.

 

Þetta var sagt austur frá.

Og þetta var framkvæmt austur frá.

 

Að við smáþjóðin, eylandið, getum ekki gert það sama.

Er fásinna, styðst hvorki við staðreyndir eða þá þekkingu sem við höfum.

 

Núna vitum við skýringuna.

Og það er okkar að bregðast við.

 

Gleymum því aldrei.

Kveðja að austan.

Hinn kosturinn væri að gera ekki neitt

Lang­flest­ir sem smituðust af veirunni fengju væga sýk­ingu.

 

Minnir sóttvarnarlæknir þjóð sína á, réttlætir þar stefnu sína að leyfa þjóðinni að sýkjast, undir kontról en ekki stjórnlaust.

 

Endurtekur nákvæmlega sömu frasana og ítalski kollegi hans þegar hann róaði landa sína fyrir 2 vikum eða svo. Vissulega væri eldra fólki hætta búinn, en að öðru leiti væri veiran meinlítil.

Jú, eitthvað eldra fólk hafði dáið, en það hefði dáið hvort sem er.  Og jú, einhverjir voru á gjörgæslu, en allt viðráðanlegt, síðan væri sýkta svæðið, nokkrir bæir í Lombardy héraði í sóttkví.

Allt undir stjórn, eitthvað sem gengur yfir án teljandi erfiðleika.

 

Í dag talar enginn svona á Ítalíu, veiran tók sér tíma í að sýkja fólk, 3-5 vikur, og alltí einu urðu væg einkenni lífshættuleg, líka hjá fullfrísku fólki sem ekki var komið á aldur.

Og það voru ekki sérfræðingar í sínum fílabeinsturni sem sendu út neyðarkallið, það var fólkið á gólfinu.

 

Íslensk kona á viðtali við K-100 sagði frá einu neyðarkallinu; "Ég fékk send skilaboð frá starfsfólki á spítala. Það hvetur fólk til að vera heima og að það eigi að taka þetta mjög alvarlega. Það er fólk á mínum aldri sem er mjög veikt núna inni á spítala. Það er ekki nógu mikið pláss fyrir alla. Starfsfólkið á spítölum er komið á þann stað að það þarf að velja hver fær að lifa og hver að deyja".

 

Tilfallandi dramtík??

Lesum þá á enskri tungu (þýtt úr ítölsku af Gúgla þýðara) ákall Ítalski læknirinn Daniele Macchini á feisbókarsíðu sinni;

"One after the other, the unfortunate poor come to the emergency room. They have anything but the complications of a flu. Let;s stop saying it;s a bad flu. In these 2 years I have learned that the people of Bergamo do not come to the emergency room at all. They did well this time too. They followed all the indications given: a week or ten days at home with a fever without going out and risking contagion, but now they can;t take it anymore. They don;t breathe enough, they need oxygen.".

Já sjúklingarnir halda þetta ekki út, þeir geta ekki andað, þeir þurfa súrefni til þess.  og þetta er ekki bara fólk sem er hvort sem er veikt eða gamalt, og ef deyr ekki úr þessu, þá deyr það bara úr einhverju öðru, hinn undirliggjandi tónn fyrirlitningarinnar gagnvart mennsku náungans.

"I also assure you that when you see young people who end up in intubated intensive care, pronated or worse in ECMO (a machine for the worst cases, which extracts the blood, re-oxygenates it and returns it to the body, waiting for the organism, hopefully, heal your lungs), all this tranquility for your young age passes. And while there are still people on social networks who pride themselves on not being afraid by ignoring the indications, protesting that their normal lifestyle habits are "temporarily" in crisis, the epidemiological disaster is taking place.".

 

Hér er annað ákall sem ítalskur læknir birti á Twitter daginn áður en ítölsk sóttvarnaryfirvöld viðurkenndu að þetta væri ekki meinlaus sótt sem gengi yfir samfélagið án teljandi afleiðinga.

" 6/ My friends call me in tears because they see people dying in front of them and they con only offer some oxygen. Ortho and pathologists are being given a leaflet and sent to see patients on NIV. PLEASE STOP, READ THIS AGAIN AND THINK.

7/ We have seen the same pattern in different areas a week apart, and there is no reason that in a few weeks it won’t be the same everywhere, this is the pattern:

8/ 1)A few positive cases, first mild measures, people are told to avoid ED but still hang out in groups, everyone says not to panick 2)Some moderate resp failures and a few severe ones that need tube, but regular access to ED is significantly reduced so everything looks great

9/ 3)Tons of patients with moderate resp failure, that overtime deteriorate to saturate ICUs first, then NIVs, then CPAP hoods, then even O2. 4)Staff gets sick so it gets difficult to cover for shifts, mortality spikes also from all other causes that can’t be treated properly.

10/ Everything about how to treat them is online but the only things that will make a difference are: do not be afraid of massively strict measures to keep people safe, ".

 

Verið ekki hrædd við útgöngubann, það er eina leiðin til að bjarga fólki.

 

Ítölsk sóttvarnaryfirvöld höfðu að vísu ekki Kára klára til að segja þeim að þetta væri móðursýki, það fylgdi starfinu að sjá fólk deyja.

Þau létu undan, gáfust uppá að stýra útbreiðslunni, gripu til alvöru sóttvarna til að lágmarka mannfall í þjóðfélagi þar sem drepsótt breiddist út á veldishraða.

 

Og það virðist enginn hafa frétt af honum Kára á Spáni, í Þýskalandi, í Frakklandi, Noregi eða Danmörku.

Þar er líka gripið til sóttvarna í tilraun til að stöðva vírusinn en ekki láta hann mynda hjarðónæmi eins og stefnan er hér á Íslandi.

 

En á Íslandi er Kári maðurinn, um orð hans efast enginn, staðreyndir heimsbyggðarinnar eru þvættingur hér, ef Kári segir svo.

Fólk trúir því að það sé ekki hægt að stöðva útbreiðslu veirunnar þó milljóna þjóðir og tugmilljóna þjóðir hafi gert það.

Þjóðir sem höfðu mikil samskipti við Kína og fengu smit þaðan í árdaga heimsfaraldursins.

Þar er ekkert Ítalíu ástand, þar er vírusnum haldið i skefjum og þar gengur mannlífið sinn vanagang.

 

Hér á að leyfa þjóðinni að sýkjast.

Enda að sögn sóttin ekki alvarleg nema fólki i áhættuhópum.

Reynslan af hinum stökkbreytta vírus á Ítalíu hundsuð.

Hvað þá að menn íhugi í eina mínútu hvað gerist ef veiran verður ennþá illvígari og leggst af fullum þunga á yngra fólk.

 

Við vitum betur.

Við erum klárust.

 

En mun raunveruleikinn taka undir það viðhorf??

Þar liggur efinn.

Kveðja að austan.

 

Ps.  Ítalía nýjustu fréttir, fjöldi látinna síðasta sólarhring 349, heildarmannfall 2.158.

Singapúr, nýjustu fréttir; fjöldi látinna síðasta sólarhring 0, heildarmannfall 0.

Þetta hljóta að vera rosalega molbúar og heimskingjar í Singapúr, við erum heppin að hafa sömu sérfræðinga og Ítalir, það eru sko menn sem kunna sitt fag.

Misskilningur í gangi um hjarðónæmi

368 dánir á Ítalíu í gær.

 

Fórnarlömb lungnasjúkdóms sem kæfir fólk.

Fórnarlömb sérfræðinga sem ætluðu að stýra dreifingu veirunnar.

Fórnarlömb sérfræðinga sem löttu stjórnvöld að grípa til aðgerða sem dugðu.

Að skera á smitleiðir þegar ljóst var hverslags ógnarsjúkdómur var á ferðinni.

 

Sömu sérfræðingar riðu röftum í fjölmiðlum, sögðu að miðað við smittölur frá Hubei héraði í Kína, væri þetta ekki mjög smitandi og alls ekki bráðdrepandi, og fólk trúði þeim á meðan veiran virtist meinlaus, flestir sem smituðust með væg flensueinkenni.

Fólk sem dó var hvort sem er á leiðinni að deyja.

Eða þannig.

 

Svo liðu dagarnir, hátt í þrjár vikur, og veiran sprakk út, heilt samfélag var að sýkjast og þeir dóu ekki bara sem voru hvort sem er á leiðinni að deyja.

Og við dánartölur bætast fljótlega við þeir sem hefðu fengið lækningu við lífshættulegum sjúkdómum, það er ef þeir eru ekki meðhöndlaðir rétt, en fá hana ekki því heilbrigðiskerfið er sprungið.

 

Í dag vogar enginn sérfræðingur á Ítalíu sér að vitna í dánatölur Hubei héraðs, enda myndi enginn fjölmiðlamaður láta þá komast upp með slíkt tal.

Í Hubei var gripið til sóttvarna sem dugðu, tölur þaðan, hvort sem þær eru falsaðar eða ekki, því í engu sambærilegar við tölur frá landi þar sem veiran fékk að breiða úr sér stjórnlaust, þó sérfræðingarnir segðu að henni væri stýrt.

Og veiran stökkbreytt, miklu skæðari en þegar hún smitaði fyrst í Kína.

 

Þetta útskýrir hið svokallað panik í Evrópu í dag.

Stjórnvöld sem brugðust of seint við, eru að reyna að bæta úr afglöpum sínum.

 

Höfum þetta í huga næst þegar við hlustum á sérfræðinga hér heima.

Talandi sömu tungur og dró allt þetta fólk að óþörfu til dauða á Ítalíu.

Við erum með sömu veiruna, sömu tímalínu, en vissulega harðari sóttvarnir.

 

En hver er munurinn á dauðaveiru sem dreifir sér undir kontról og dauðaveiru sem dreifir sér stjórnlaust?

Enginn fyrir þann sem féll.

 

Höfum það í huga.

Kveðja að austan.

368 dauðsföll á Ítalíu á einum degi

Við getum ekki stöðvað útbreiðslu veirunnar.

 

Segir sóttvarnalæknir og hæðir þar með þjóðir sem hafa gert það.

Milljónaþjóðir sem fengu veiruna á fyrstu stigum og hafa náð tökum á útbreiðslu hennar.

Besta dæmið er Kína með sína 1,4 milljarða sem er með skráð 25 nýsmit meðan íslenska þjóðin undir öruggri stjórn sóttvarnarlæknis er með 10 nýsmit.

Þeim fer fækkandi í Kína, en fjölgandi hjá okkur, meinið er að við erum aðeins 360 þúsund.

 

Taivan er með 24 milljónir íbúa, nýsmit 6, Singapúr er 5,9 milljónir, nýsmit 14, Japan 126 milljónir, nýsmit 35, allt lönd sem lokuðu í tíma á innflutningi á smiti.

Og slógust svo líkt og íslensk sóttvarnaryfirvöld, en náðu stjórn á útbreiðslunni því hugarfarið var, eitt smit er einu smiti of mikið.

Fólkið þarna austur frá er jafn vel menntað, í það minnsta og okkar fólk, það kaus einfaldlega að sætta sig ekki við útbreiðslu veirunnar, vill gera allt til að hindra mannfall.

Og árangur þess er á skjön við fullyrðingar sóttvarnarlæknis, það hefur stöðvað útbreiðslu veirunnar.

 

Það hefur stöðvað útbreiðslu veirunnar.

 

Annars vegar orð, hins vegar staðreynd.

En rétt er það að þessi aðferðafræði, að loka á innflutningi á smiti, sem við gerðum ekki, en Japanir, Suður Kóreumenn, Taivanar og Singapúrar gerðu, dugar ekki þegar veiran er farin að lifa sjálfstæðu lífi, þá dugar aðeins allsherjarlokun.

Útgöngubann líkt og Kínverjar gripu til.

Og það er kaldhæðni að einræðisríki, kommúnistaríki hafi kosið að fara þá leið, að bjarga fólki á kostnað efnahags.

 

Þeir sem ætla að stjórna útbreiðslu veirunnar, líta hins vegar á mannfall áhættuhópa sem óhjákvæmilegan fórnarkostnað, það sé leiðin svo við hin getum fljótlega farið að lifa aftur eðlilegu lífi.

Áhættan sem þau taka er gífurleg, engin veit hvernig veiran stökkbreytir sér, það er engin trygging að hún finni ekki leiðir framhjá varnarviðbrögðum hinna yngri og heilbrigðari, hefur þegar náð árangri í þá átt á Ítalíu.  Og hún er aðeins rétt að byrja.

Síðan vita menn ekkert um dánartölur þar sem hún fær að smita heilu samfélögin, það er rangt að vitna í tölur frá Kína, þar var gripið til sóttvarna til að hindra slíka dreifingu.

 

Nærtækar er að vitna í dánartölur frá Ítalíu.

Þar er dánarhlutfallið um 7% af skráðum fjölda smitaðra, um 77% þegar fjöldi dauðsfalla er borinn saman við fjölda þeirra sem hafa náð bata.

Ekkert lýðræðisríki þolir slíkt mannfall án þess að snúast til varnar.

Kínverska leiðin, að loka á allt mannlíf á smituðum svæðum, sem er nota bene öll Ítalía, var loks valin, hætt var við að reyna að stýra útbreiðslu veirunnar.

Spánn er að fara svipaða leið, aðeins dagaspursmál hvenær Frakkland og Þýskaland grípa til sömu aðgerða.

 

Hérna á Íslandi er reynt að telja okkur í trú um að þetta sé pólitík, ekki sóttvörn.

Forsendan er þá að afneita staðreyndum um árangur þeirra þjóða sem kusu að slást við útbreiðslu veirunnar frá fyrsta degi.

Afneita árangri kínverska stjórnvalda í að stöðva nýsmit frá Hubei héraði, sem og smit innan héraðsins.

Að fólkið þarna austur frá séu molbúar, en við sérfræðingarnir viti betur.

 

Þetta kallast að leika rússneska rúllettu með líf og limi samlanda sinna.

Það er alls ekki hægt að útiloka að það takist að halda smiti frá áhættuhópum, en hvernig??

 

Heilsugæslan í Mosfellsbæ tilkynnir lokun því einn starfsmaður greindist með smit.

Hvernig með alla aðra starfsmenn í heilbrigðiskerfinu, á það bara að reka sig sjálft án starfsfólks þegar allir eru komnir í sóttkví??

Hver á að þrífa, hver á að gefa mat, hver sér um umönnun að ekki sé minnst á hjúkrun og lækningar??

Ef þjóðin á að sýkjast hægt og hljótt, en samt öllu lokað þegar fyrsta smit greinist, hvernig á þá þjóðlífið að ganga þegar smitið er orðið útbreitt??

 

Þessi aðferðafræði er full af mótsögnum þar sem hvert rekur sig á annað.

Að halda að það sé hægt að leyfa þjóðinni að sýkjast, án þess að smit beristi til áhættuhópa er ekki óraunhæft, það er ekki hægt.

Ekki nema að veiran sé miklu mildari hér en annars staðar í heiminum.

Sé ekki eins smitandi, sé ekki eins banvæn.

 

Tapi sóttvarnaryfirvöld þessari rúllettu, hver er þá ábyrgð þeirra??

Hver er ábyrgð stjórnvalda sem gripu ekki inni??

 

Munum að þetta er ekki geimvísindi, þetta eru ekki fávísir aular sem reyna að hindra smit á milli fólks, og láta þannig veiruna deyja út.

Það hefur skilað árangri án teljandi mannfalls hjá miklu fjölmennari þjóðum en okkar.

Stýrð útbreiðsla endaði í stjórnlausu mannfalli á Norður-Ítalíu, þar sem heilbrigðiskerfið er ekki síðra en okkar.

Veiran var einfaldlega öflugri og banvænni en þarlendir sérfræðingar reiknuðu með.

 

Segjum við þá bara Úps, sorrý Stína.

Eða látum við menn sæta ábyrgð??

Eða getur ábyrgðin orðið alvarlegri en sú sem menn sitja uppi með á Ítalíu??

 

Veit ekki.

Veit bara að menn eiga ekki að spila rússneska rúllettu.

Hvorki með sitt líf eða annarra.

 

Hvað þá með þjóð sína.

Kveðja að austan.

 

60% þurfa að smitast til að mynda hjarðónæmi

Við erum ekki fallin á tíma.

 

Ef niðurstöður íslenskra erfðagreiningar eru nærri lagi um útbreiðslu veirunnar, þá er ljóst að faraldurinn er ennþá innan þeirra marka að það sé hægt að ráða við hann, hindra þannig frekari útbreiðslu og láta þannig vírusinn deyja hægt og rólega út vegna þess að hann fær ekki nýja hýsla til að sýkja.

Valið stendur í raun um að drepa vírusinn eða hann fái að drepa samborgara okkar, veikja fólk alvarlega þannig það býður þess aldrei bætur og svo framvegis.

 

Veirur fjölga sér með veldishraða og þó varnaraðgerðir íslenskra sóttvarnaryfirvalda hafi hægt á útbreiðslu hennar, það er lækkað veldisstuðulinn, þá er ljóst að útbreiðsla hennar er komin á þau mörk, að alltí einu verði sprenging á fjölda smitaðra og faraldurinn verði stjórnlaus með tilheyrandi hruni heilbrigðiskerfisins.

Og mannfelli.

 

Í fróðlegu viðtali sem Viljinn endurbirti við Michael Osterholm, einn þekktasta vírusfræðing heims, sem ítrekað hefur varað við skelfingu heimsfaralda af völdum vírussjúkdóma, má hlusta á lýsingu hans á smitberum, sem virka einkennalausir, en eru með lungun full af veirunni, og smita út frá sér án þess að nokkur verði þess var.

Eitt prósent í dag er 5 prósent innan ekki svo langs tíma.

Osterholm er höfundur bókar, "Deadliest Enemy: Our War Against Killer Germs", þar lýsir hann áhrifum svona heimsfaralda, afleiðingum þeirra á heilbrigðiskerfið, mannfell og svo framvegis, og hann bendir á að heimsbyggðin sé algjörlega óviðbúin svona heimsfaraldri. Í viðtalinu segir hann að "faraldurinn nú sé rétt að byrja. Hann geti orðið tíu til fimmtán sinnum skæðari en hefðbundin árstíðabundin inflúensa með tilliti til fjölda sýktra og látinna í heiminum og flest ríki heims séu vanmáttug til að takast á við afleiðingar þess sem koma skal.".

Allt sem hann spáði er því miður að rætast,

 

En það er hægt að berjast við þessa vírusa með því að loka á samskipti fólks þar til mögulegur smittími veirunnar er liðinn.

Það virkar.

 

Þessi leið er ennþá í boði fyrir okkur Íslendinga, sem betur fer, smitið er ekki ennþá það útbreitt.

Í grein Tomas Pueyo, Why you must act now, er útskýrt hvað felst í mótvægisaðgerðum þar sem skorið er á samskipti fólks útí samfélaginu.

Þar má meðal annars lesa þetta, svona til að gera sér einhverja hugmyndu um hve drastísk aðgerð slíkt er;

"Mitigation.

Mitigation requires heavy social distancing. People need to stop hanging out to drop the transmission rate (R), from the R=~2–3 that the virus follows without measures, to below 1, so that it eventually dies out.

These measures require closing companies, shops, mass transit, schools, enforcing lockdowns… The worse your situation, the worse the social distancing. The earlier you impose heavy measures, the less time you need to keep them, the easier it is to identify brewing cases, and the fewer people get infected. This is what Wuhan had to do.

This is what Italy was forced to accept. Because when the virus is rampant, the only measure is to lock down all the infected areas to stop spreading it at once.

With thousands of official cases — and tens of thousands of true ones — this is what countries like Iran, France, Spain, Germany, Switzerland or the US need to do. ".

Og hann ítrekar að það þarf að fara alla leið; "One approach is to gradually increase measures. Unfortunately, that gives precious time for the virus to spread. If you want to be safe, do it Wuhan style. People might complain now, but they’ll thank you later.".

 

Þetta er hægt og verður gert hérna fyrr eða síðar.

Það óskiljanlega er biðin, hikið, sem kostar einfaldlega bara mannslíf.

Hvort sökin er sóttvarnaryfirvalda, stjórnvalda sem draga lappirnar, eða hvoru tveggja, mun tíminn leiða í ljós.

 

Munum að fyrst var okkur sagt að sýkin myndi ekki breiðast svona hratt út.  Það var rangt.

Svo var okkur sagt að það væri óhætt að ferðast til svæða á Ítalíu sem væru utan sóttkvíar.  Það var rangt.

Svo var okkur sagt að sýkin væri bundin við áhættuhópa, eldri borgara og fólk með undirliggjandi sjúkdóma.   Það er rangt, yngra fólk tekur hana líka á Ítalíu, og á líf sitt að þakka læknum sem reyna að bjarga því á meðan foreldrar þess eða afar og ömmur eru látnar deyja án nauðsynlegrar læknishjálpar.

Síðan var okkur sagt að aðeins einræðisstjórnir lokuðu á ferðalög fólks til sýktra svæða.  Rangt, það er lýðræði í Taivan, Singapúr eða Japan, og núna hafa lönd eins og Danmörk og Noregur bæst við.

En stærsta lygin, stærsta rangfærslan var að það væri ekki hægt að loka á samskipti fólks í lýðræðisríkjum líkt og gert var í Hubei héraði í Kína.  Það er það sem Ítalir neyddust til að gera, alltof seint, en gerðu samt.  Núna í morgun bárust fréttir frá Spáni að slíku samskiptabanni yrði líka komi á þar í landi.  Áður höfðu Norðmenn gripið til strangra ráðstafana og fyrirsjáanlegt að Danir munu gera slíkt fljótlega.

 

Rangt, rangt, rangt, rangt, rangt.

Og hjarðhegðun heimskunnar sér ekkert athugavert við þessar rangfærslur, heldur þakkar sífellt fyrir þessa leiðsögn.

Hæðist að þeim sem benda á staðreyndir sóttvarna, hæðist að þeim sem benda á hvað gert hefur verið í öðrum löndum og virkar. 

Hæðist að þeim sem benda á að það yrði aðeins tímaspursmál hvenær sýkt nágrannalönd myndu grípa til nauðsynlegra aðgerða.

Í raun er leitun að meiri heimsku á dauðans alvöru tímum, höfum það bak við eyrað næst þegar við lesum enn einn fíflastatusinn um Sjálfskipaða Internetsérfræðinga.

Hættum svo að hlægja af læmingjum sem marsera í takt á eftir forystudýrum sínum fyrir björg.

 

Það er öruggt að það verði gripið of seint til nauðsynlegra aðgerða.

Veiran mun fá að dreifa sér út um allt áður það verður gert.

Það er líka öruggt að á blaðamannafundinum á eftir munu menn byrja að þakka hvorum öðrum fyrir góð störf, og gestir sem fá stundarathyglina munu þakka fyrir líkt og Formaður sambands eldri borgara gerði í gær.  Þó er hún fulltrúi þess hóps sem á að fórna vísvitandi því það má ekki láta þjóðina horfast í augu við alvarleik þessa heimsfaraldurs.

Það eina sem frestun á nauðsynlegum aðgerðum hefur í för með sér, er meira mannfall, meira fjárhagslegt tjón, að ekki sé minnst á að lokunin mun vara margfalt lengur en þyrfti ef strax hefði verið gripið til aðgerða.

 

Á hættutímum gegna lykilfjölmiðlar mikilvægu hlutverki.

Þeir hafa brugðist í dag, þeir eru hluti af hjarðhegðun heimskunnar.

Það eru þúsundir ferðalangar strandaglópar á ferðamannastöðu Evrópu í dag.

Allt fyrirsjáanlegt, en fólki samt leyft að ana útí ófærurnar og til skamms tíma breiða út smit til samborgara sína.

 

Þetta var fyrirsjáanlegt því það er ekki til önnur leið en að loka á samskipti þegar smitandi veirusjúkdómur breiðist út um heimsbyggðina.

Spurningin snérist aðeins um vanhæfni vestrænna ríkisstjórna, hve lengi gætu þau haldið niður sér andanum í sandholu sinni til þess að þykjast ekki sjá hættuna sem bar að ströndum Evrópu.

Henni hefur verið svarað, þau eru farin að grípa til nauðsynlegra varnarviðbragða.

 

Nema hér á Íslandi.

Af einhverjum ástæðum.

Sem eru óskiljanlegar.

 

En við þurfum ekki að sætta okkur við það.

Þetta er jú okkar líf sem er í húfi.

Kveðja að austan.

Skimun ÍE bendir til að 1% landsmanna beri veiruna

Heimskt er heimaalið barn.

 

En Gulla greyið tekst jafnvel að gera þau gáfuleg.

Brandarinn um Emil og fílinn, þar sem hinir maurarnir kölluðu á Emil að kyrkja fílinn fékk nýja merkingu þegar Gulli tilkynnti að hann myndi taka bandarísk stjórnvöld á teppið fyrst að þau voguðu sér að setja Íslendinga í farbann, þjóð sem er hlutfallslega sýktust í heiminum í dag.

Og hann er hluti af blessaða barnaláninu sem hélt blaðamannafund með lúðraþyt þar sem tilkynnt var að ríkisstjórnin ætlað að bregðast við fordæmalausu ástandi í efnahagslífinu með því að fresta hörðum innheimtuaðgerðum á skatta og gjöld í vanskilum.

 

En á öllu eru takmörk, aðrar þjóðir líta ekki á það sem eftirbreytni að vitandi vits var kórónavírusnum látinn dreifa sér óhindrað inní landið þannig að á innan við tveimur vikum slógum við Kína út í hlutfallslega fjölda smita.

Ef einhver ríkisstjórn á að gera varið þjóð sína, þá er það eyland sem hefur engin bein landamæri við önnur ríki.

 

Í dag eru þjóðir í Austur Asíu eins og Singapúr og Taívan öfundaðar.

Þær höfðu kjark til að stöðva aðstreymi ferðalanga frá sýktum svæðum, um leið og menn gerðu sér grein fyrir alvarleik veirunnar.

Singapúr er til dæmis borgríki með 5,6 milljóna íbúa, á landsvæði sem er vel innan við 1000 ferkílómetra, með efnahag sem á mikið undir aðstreymi fólks, samt lokuðu þeir á Kína og settu þá sem þaðan komu í 14 daga sóttkví, og þegar önnur lönd bættust við eins og Íran, Suður Kórea eða Norður Ítalía, þá var ekki hikað við að loka.

"On 3 March, Singapore announced a ban on visitors arriving from South Korea, Iran and northern Italy from 4 March, with Singapore citizens, permanent residents and long-term pass holders returning from these places to be issued Stay-Home Notices (SHN) lasting 14 days. In addition, all travellers entering Singapore with fever or signs of respiratory illness will be required to undergo swab tests, with penalties for refusal. The travel advisory was expanded to include Iran, northern Italy, Japan and South Korea".

 

Í dag er Singapúr með skráð 212 smit, ekkert dauðsfall.

Ekkert dauðsfall.

5,6 milljónir, 726 ferkílómetrar, ekkert dauðsfall.

 

Hefði okkur borið gæfu til þess að loka strax á smituð svæði, þá var landið ekki eins smitað og það er í dag, og þá hugsanlega ættu orð Guðlaugs Þórs sér stoð í raunveruleikanum.

Í dag eru þjóðir að loka landamærum sínum þrátt fyrir að staðfest smit séu aðeins brot af útbreiðslu kórónaveirunnar hér á landi.

Vegna þess að ábyrg stjórnvöld gera allt sem hægt er að gera til að hindra ótímabært andlát náungans, þó hann sé bara gamall eða veikur fyrir.

Hér er bara reynt að hafa stjórn á mannfallinu, ekki reynt að koma í veg fyrir það.

 

Þó hjarðhegðun heimskunnar sé það mikil að fólk almennt telji að við séum mest og best, þá erum við ein um þá skoðun.

Vissulega eru til yfirvöld eins og í Svíþjóð, sem vilja fara sömu leið og við Íslendingar, en þeim fækkar með hverjum deginum.

Og á meðan dauðsföllum hjá hinum aðgerðalausu fjölgar, og á sama tíma berast fréttir um árangur í stríðinu við drepsóttina  hjá þeim þjóðum sem sættu sig ekki fyrirfram við að afskrifa samlanda sína, þá er öllu vitbornu fólki ljóst hvor leiðin er rétt.

 

Enda er það einföld staðreynd að veira lifir ekki án hýsils.

Ef smitleiðir eru stöðvaðar þá deyr hún út.

 

Hér er linkur á grein sem nú þegar tugmilljóna hefur deilt á samfélagsmiðlum þar sem farið er yfir staðreyndir mála.

https://medium.com/@tomaspueyo/coronavirus-act-today-or-people-will-die-f4d3d9cd99ca

Yfirskrift hennar er, Why you must act now.

 

Meðal margra annarra fróðlegra upplýsinga er stærðfræðin sem menn geta notað til að reikna út líklega útbreiðslu smita aftur í tímann út frá fjölda dauðsfalla. 

Sú stærðfræði sýndi fram á að fjöldi smitaðra á Norður Ítalíu var miklu meiri en opinberar tölur gáfu upp og þess vegna var vítavert að leyfa frjáls ferðalög þangað eftir að fólk fór þar að deyja.

 

Eins var sláandi að sjá línuritið sem sýndi hækkun á fjölda látinna í bandarískum borgum vegna inflúensufaraldursins sem kenndur er við spænsku veikina, eftir viðbragðshraðanum að banna mannfagnaði og fjöldasamkomur.

Því seinna sem brugðist var við, því fleiri dóu.

 

Og það er kjarni málsins, því seinna sem brugðist er við, því fleiri deyja.

Singapúr bannaði ferðalög til Norður Ítalíu 3. mars, hefðu við gripið til þeirra aðgerða þá, og bannað síðan skíðaferðir til Alpanna nokkrum dögum seinna, þá værum við ekki svo smituð í dag.

 

Í dag er bannað að ferðast til sýktra svæða, og lönd eins og Þýskaland og Frakkland komin á válista.

En af hverju var þetta ekki gert strax þegar ljóst var í hvað stefndi??

Hikið eða kjarkleysið mun kosta mannslíf.

Ótímabær andlát samborgara okkar.

 

Að það sé eftirbreytni fyrir aðrar þjóðir er þvílík fáráð að maður efast meir að segja um að hægt sé að afsaka heimskuna með skorti á þroska.

Að blessað barnalánið sé ekki skýring.

Heldur algjör veruleikafirring fólks sem getur aldrei tekið rétta ákvörðun þegar á reynir.

Fólks sem vísvitandi skemmir það sem þó er í lagi eins og sóttvarnir þjóðarinnar gagnvart innflutning á fjölónæmum sýklum eða hættulegum búfjársjúkdómum.

Að þetta séu ekki börn heldur hreinræktuð fífl.

 

Það er ljótt að segja þetta, en þetta virkar þannig.

Því hinn möguleikinn, að hin skynlausa skepna sem metur mannslíf einskis í gróðafíkn sinni, stjórni blessaða barnaláninu, er eitthvað sem maður getur ekki trúað fyrr en allt annað hefur verið útilokað.

Ég trúi því einfaldlega ekki uppá barnalánið.

Ég trúi því í alvöru að þetta fólk vilji vel.

 

En það er bara ekki hæft.

Eiginlega algjörlega vanhæft.

 

En það hreykir sér.

Já, það hreykir sér.

Kveðja að austan.

 

 

Aðrar þjóðir líti til viðbragða Íslands