Erum í stríði við veiruna.

 

Segir landlæknir, og það er ekki ofsagt.

 

Valið stendur á milli þess að sjá eftir foreldrum okkar, öfum og ömmum, náunganum okkar sem glímir fyrir við veikindi, í gröfina, og jafnvel líka ungt fólk á besta aldri veikjast illa, og ná sér aldrei bætur.

Eða berjast.

 

Viðrini hafa riðið röftum á samfélagsmiðlum, og gert lítið úr þessari drápsveiru.

Líkja þessu við kvef, eða vitna í dánartölur í upphafi heimsfaraldurs og bera saman við óhefta sýkingu af völdum inflúensu.

 

Sem er engu saman að jafna, að bera saman drápsveiru sem haldið er í skefjum með sóttkvíum, og inflúensu sem hefur lifað með manninum frá því að elstu menn muna, misskæð, en aldrei svo að ástæða hefur þótt að lýsa yfir stríði á hendur hennar, enda dánarhlutfallið aðeins promil miðað við drápsveiruna sem kennd er við kórónu.

Alvarlegast er þegar viðrinin kenna sig við lækningar, draga úr alvarleik hennar, tala um fjölmiðlaveiru og grafa þar með undan því fólki sem vill grípa til aðgerða sem duga.

 

Landlæknir hefur loksins mætt þessum skoffínum, og orð hennar er ekki hægt að misskilja,

"„Við erum í raun í stríði við þessa veiru og við erum að verjast innrás hennar. Við verðum öll að hjálpast að og standa saman. Það er svo mikilvægt að greina einstaklinga snemma og setja þá í einangrun.“".

Vonandi verða þessi orð hennar til þess að fólk hætti að deila statusum eða greinum þar sem lítið er gert úr drápsáhrifum kórónaveirunnar.

 

Kínverjar lýstu fyrstir þjóða yfir stríði á hendur kórónaveirunni, og þeir hafa þegar uppskorið árangur, í stað þess að tugmilljónir og jafnvel hundruð milljóna hafi sýkst, þar sem tugþúsundir liggja í valnum, þá fækkar sýkingum þar ört, og virðast í dag aðeins vera bundnar við upphafsstað smitfaraldursins.

Kínverjar töldu drápsvírusinn það alvarlegan að þeir lögðu efnahag sinn undir og í raun lokuðu verksmiðju heimsins, með tilheyrandi efnahagslegum afleiðinum.

Að ekki sé minnst á áhrifin á allt mannlíf, í raun hvarf það innan múra sóttkvíarinnar.

 

Íslensk stjórnvöld hafa ekki ennþá feisað alvarleik málsins.

En þetta er allt að koma.

Núna er varað við ferðalögum til sýktra svæða, og það er öruggt ef menn rekja smit til ferðamanna, þá verður tekið fyrir þá smitleið.

Hugsanlega of seint, en betur er seint en aldrei.

 

Sem og að í gær var tilkynnt um tímamótasamkomulag við aðila vinnumarkaðarins um greiðslur í sóttkví. 

Slíkt getur aldrei verið einkamál launþega eða atvinnurekanda, ástandið er nógu slæmt þó ekki bætist við gjaldþrot einstaklinga eða fyrirtækja vegna tilmælanna um sóttkví.

Slík byrði er alltaf okkar allra, og hlýtur að falla á sameiginlega sjóði.

 

Næsta skrefið er að gera einstaklingum og fyrirtækjum kleyft að lifa af þær óumflýjanlegar efnahagsþrengingar sem munu fylgja þessum veirufaraldri og stríðskostnaðinum sem fellur til í baráttunni við hann.

Það er ekki bara ferðamannaiðnaðurinn sem er undir.

Sá hluti hagkerfisins sem tengist mannamótum, mannfögnuðum, íþróttarviðburðum, skemmtunum og svo framvegis, verslun og þjónusta sem á allt sitt undir mannlífi og eðlilegu tekjuflæði í samfélaginu, mun upplifa fordæmalausa kreppu.

Starfsmannahald sem miðast við eðlilega veltu, verður myllusteinn þegar tekjur þorna upp, jafnvel vel stæð fyrirtæki munu lenda í erfiðleikum með launagreiðslur sínar.

 

Gengið mun falla, því það skráir aðeins jafnvægið milli tekna þjóðarbúsins versus útgjalda þess.  Því það þarf tekjur til að fjármagna útgjöld, og þjóðin er háð tekjum af ferðamannaiðnaðinum.

Enginn veit síðan hvernig áliðnaðurinn mun koma út úr þessari kreppu, snögg kólnun í heimsviðskiptum mun leita beint út í eftirspurn á áli.

Eftir stendur fiskurinn okkar, á meðan fíflin hafa ekki náð að drepa sjávarútveginn með ofurskattlagningu eða kvótauppboðum, þá mun hann standa þessa kreppu af sér, því matur er það síðasta sem heimurinn kemst án af.

Sem betur fer því annars væri hætt við svartnætti í gjaldeyrisöflun þjóðarinnar.

 

Þjóðin hefur áður upplifað áföll í gjaldeyrisöflun sinnu, nærtækast er hrun síldarstofnanna sem þýddi um 40% samdrátt í gjaldeyristekjum.

En þá bjó hún ekki við forheimsku verðtryggingarinnar, að samdráttur í tekjum sem verðlag þarf að aðlaga sig að, sé sjálfkrafa hækkun á lánum heimila og fyrirtækja.

Verði verðtryggingin ekki fryst, þá mun þjóðfélagið hrynja.

Svo einfalt er það.

 

Og að lokum þetta.

Þjóð sem á í stríði, fer ekki í verkföll.

Hún hefur ekki efni á því, hún þarf að verja það sem hún hefur.

Það eru engar kjarabætur í boði.

 

Þetta er allt svo augljóst.

Og væri öllum skiljanlegt.

Ef einhver ráðamanna okkar talaði mannamál, og hefði manndóm og kjark að segja þjóð sinni sannleikann.

Og styrk til að gripið væri til nauðsynlegra varnarráðstafana, ekki bara gagnvart hinu banvæna veirusmiti, heldur líka gagnvart efnahagslegum afleiðinum hennar.

 

Í dag er allavega ekki umframframboð af slíku fólki.

Forheimskan og fávitahátturinn er slíkur að í upphafi þessa heimsfaraldurs, fengu siðlausar skepnur að brjóta niður sóttvarnir þjóðarinnar gagnvart innflutningi á fjölónæmum sýklum, sem ógna ekki bara lýðheilsu þjóðarinnar heldur eru líka bein ógn við búfjárstofna hennar.

Og þegar það var ljóst að sóttvarnaryfirvöld heyktust á að banna innflutning á smiti frá sýktum svæðum Norður Ítalíu, þá reyndust bæði forseti okkar og forsætisráðherra okkar fígúrur sem báðu fólk um að smæla framan í veirusmitið.

Enginn manndómur eða kjarkur til að grípa inní og stöðva hið frjálsa flæði á smiti.

Þó æpti reynsla frá Kína á nauðsyn þess að stöðva öll samskipti við sýkt svæði.

 

Við þekkjum afleiðingarnar.

Um þær þarf ekki að rífast.

Sóttvarnaryfirvöld hafa lært sína lexíu.

En ekkert bendir til þess að fígúrurnar hafi vikið fyrir leiðtoga.

 

Stjórnvöld leiða ekki, þau fylgja.

Ef siðlausu skepnurnar bæðu um töku 2 á innflutningi á fjölónæmum sýklum, þá segðu þau já.

Ef sóttvarnaryfirvöld tækju ákvörðun um að hvetja til ferðalaga til smitaðra svæða, þá segðu þau fátt annað en að hvetja fólk til að vera jákvætt.

Ef launþegasamtökin tækju uppá að boða til verkfalla og óeirða, þá segðu þau að þau væru ekki kjörin til að stjórna á hættutímum, enda valin af almannatenglum eftir hæfileikum sínum til að brosa og slá á létta strengi.

 

Á stríðstímum er svona fólki skipt út.

Það er verkefni morgundagsins.

 

Annars er þetta stríð gjörtapað.

Kveðja að austan.

Blaðamannafundur vegna kórónuveirunnar

Laun í sóttkví er minnsta áhyggjuefnið.

 

Fólk ætti frekar að spyrja sig hvort það hafi vinnu þegar líður á sumarið.

Ferðaþjónusta er ein af þremur hryggjarstykkjum gjaldeyrissköpunar þjóðarinnar.

Atvinnulífið á landsbyggðinni, og minna mæli á höfuðborgarsvæðinu, er mjög háð henni.

Og menn ættu að spyrja sig hvað verður um fyrirtækin þegar tekjur þurrkast upp??

Hvernig verða áhrifin á gengið og áhrifin á lánin sökum verðtryggingarinnar??

 

Í alvöru ættu menn að ræða í tíma að frysta lán.

Og frysta vísitölu verðtryggingarinnar.

 

Veiran er nógu mikið áfall þó hamfarir af mannannavöldum bætist ekki ofaná.

Það er tími til kominn að ræða þá staðreynd.

Kveðja að austan.

Hafi ekki áhyggjur af afkomu í sóttkví

Hvenær axlar einhver ábyrgð?

 

Gagnvart þjóð sinn og sjálfum sér.

Með til dæmis að segja, "afsakið, fyrirgefið".

"Ég var algjört fífl".

 

Ætlar Guðni og Katrín að fara út á flugvöll og biðja þetta fólk afsökunar??

Ég man ekki betur þegar almenningi var farið að ofbjóða rænuleysi yfirvalda gagnvart innflutningi á smiti frá Norður Ítalíu, að þá hafi þau burðast með sitt lóð á vogarskál hjárænunnar og hvatt fólk til að vera jákvætt, taka á móti innflutningi á smiti með bros á vör.

Eða eigum við kannski að þakka að þau gengu ekki eins langt og kínversku embættismennirnir, sem nóta bena hafa allir sætt ábyrgð, og skipað blaðamönnum að skrifa jákvæðar fréttir.

Eða var það kannski gert, er það skýringin á hjárænuleysi fjölmiðla gagnvart ákvörðun stjórnvalda að leyfa smiti að flæða óhindrað frá Norður Ítalíu.  Var skýringin kannski ekki óvild útí tengdamömmum eða vonin um snemmborin arf??

 

Nei auðvitað munu þau ekki biðjast afsökunar.

Auðvitað mun enginn biðjast afsökunar.

 

Það biðst enginn valdamaður afsökunar á Íslandi afsökunar.

Jafnvel ekki þegar dauðans alvara er undir.

 

En hvernig er þetta með Eflingu?

Fara skúringarkonurnar ekki að hætta í verkfalli?

Það sárvantar blóraböggla.

 

En afsakið!

Neieiei.

 

Ekki á Íslandi.

Kveðja að austan.

Óvenjulegt flug frá áhættusvæði

Sóttvarnir rjúfa smitkeðju.

 

Annað er ekki í boði þegar veirusýkingar eru annars vegar.

Það þýðir að það er enginn samgangur við smitsvæði, og þar sem smit greinast eru þau sett í sóttkví.

 

Kínverjar náðu árangri því þeir virtu þessa staðreynd.

Þeir bönnuðu ekki aðeins samskipti innan sóttkvíar, þeir bönnuðu samskipti við svæði sem voru í sóttkví.

Þeir fluttu hvorki inn smit, eða út smit.

 

Íslensk sóttvarnaryfirvöld leyfðu samskipti við smitsvæði og uppskera núna fordæmalausa útbreiðslu kórónaveirunnar.

Þau búa ennþá að því skjóli að hafa tekið á móti þegar smitberar komu til landsins, en þau vita ekki um nýsmit þeirra, því veiran getur borist langar leiðir án þess að nokkur verði hennar var.

Eða sjá menn ekki samhengið, þegar um þúsund smit voru greind á Ítalíu, þá hafði Ítalía smitað yfir 10 Evrópulönd, og er uppspretta faraldurs á Íslandi.

Líkurnar á því eru engar, nema vegna þess að smitleiðir eru óþekktar, og veiran miklu útbreiddari en Exel sóttvarnarlækna gerir ráð fyrir.

 

Það er skýring þess að Kínverjar fórnuðu efnahag fyrir fólk, kusu að bjarga mannslífum þó það kostaði tímabundna efnahagserfiðleika.

Sömu rök hér á Íslandi, nema í öfugri merkingu, hér kusu yfirvöld að fórna fólki fyrir meintan efnahagslegan ávinning.

 

Íslensk sóttvarnaryfirvöld hafa sagt á þriðja viku að Kínverjar séu fífl þegar þeir gripu til sóttvarna, en þau séu gáfuð með því að gera það ekki.

Veiran er í rénum í Kína, en hún springur út hérna á Íslandi.

Enginn veit hvar sú sprenging endar.

 

Hvert er fíflið spyr maður þá.

Þeir sem vörðu mannslíf, eða þeir sem vörðu smitleiðir.

 

Þeir sem vitna í viðurkennd fræði.

Eða þeir sem vitna í Evróputrúarbrögð um hið frjálsa flæði.

 

To be or not to be.

Kórónaveirunni er skítsama.

 

Hún veikir og hún drepur.

Hún þiggur öll heimboð, spyr ekki um stjórnmál hjá húsráðanda.

Ef hún er velkomin, þá þiggur hún boðið.

 

Það er samt óþarfi að sóttvarnarlæknir og almannavarnarráð sé gestgjafi hennar.

Eða það hefði ég haldið.

Kveðja að austan.

 

 

Tíu ný smit í dag

Fávitar sem kenna sig við.

 

Almannavarnir, sóttvarnir eða ríkisstjórn Íslands, setja núna fólkið í sóttkví, sem aldrei átti að hleypa úr landi.

Þetta var svo augljóst fyrir þremur vikum síðan, við værum ekki í þeirri stöðu að vera mest smitaða landið í heiminum í dag, ef þetta fólk væri ekki svo heimskt, að það væri leitun að annarri eins heimsku.

Sóttvörn byggist á því að hafa ekki samskipti við smituð svæði, ekki á því að hleypa smiti til landsins, og setja saklausa innlenda í sóttkví.

 

Ef þetta væri ekki dauðans alvara, þá væri það augljóst að mikið væri rolan sem fjármagnar sóttkví hinna heimsku ef hún krefði ekki fíflin um ábyrgð.

Við treystum þessu fólki og það flutti inn smit.

Og það veltir kostnaðinum á saklaust fólk.

 

Aumingjaskapurinn og hjarðhegðunin er svo slík, að ennþá er orð þessa fólks eins og guð hafi sagt það.

Fréttatími eftir fréttatíma hjá Ruv er viðtal við fólkið sem vísvitandi dreifði smit til þjóðarinnar, og notar síðan vald sitt til að setja saklausa í sóttkví.

Níðist á fjöldanum á meðan það heyktist á að loka smitleiðina frá Ítalíu.

Þykist svo vera rosalega hissa eins og enginn hafi bent þeim á heimsku þeirra.

 

Fífl í gær, það þarf kraftaverk til að það sé ekki fífl í dag.

Og að baki eru fávísu börnin sem hafa enga sens fyrir alvarleik málsins.

 

Hvar er sóttkvíin??

Hvar eru neyðarráðstafirnar sem takast á við áföllin sem skekja atvinnulíf þjóðarinnar??

Hvar eru viðbrögðin við birgðaskorti sem er fyrirsjáanlegur þegar veiran frystir alþjóðaviðskipti??

Hvar er allt það sem fullorðið fólk gerir þegar bregðast þarf gegn ógn sem ógnar velferð og öryggi þjóðarinnar??

 

Svarið er einfalt.

Innflutningur á sýklum sem mun örugglega ganga af matvælaöryggi þjóðarinnar dauðu.

Að ekki sé minnst á hættuna af fjölónæmum sýklum.

 

Því fávísu börnin segja.

Það er ekki til heimska sem ekki er hægt að toppa.

 

Og heiglarnir sem eldri eru, láta þau komast upp með það.

Manndómur þeirra er enginn.

Kveðja að austan.

Allir farþegar frá Verona í heimasóttkví

Vér morðingjar.

 

Það er engin þversögn í því fólgin að telja að veirur smiti eftir þjóðerni, og að aðeins Íslendingar geti smitað aðra Íslendinga.

Svo ég vitni í orð aðstoðarmanns landlæknis; "Þegar maður horf­ir á þetta svona blákalt, þá er auðvitað ákveðin þver­sögn í þessu" þegar hann útskýrir að fólk sem kemur með sömu flugvélinni, frá sama landinu, en er með mismunandi ríkisfang, að aðeins sá hluti sem er íslenskir ríkisborgarar geti smitað.

Því þetta er þvílík heimska að leitun er að öðru eins.

 

Íslenskir ferðalangar, á skíðum á Ítalíu, fyrir utan skilgreind sóttvarnarsvæði, smituðust af veirunni, þó öruggt sé að þeir hafi hagað sér á nákvæmlega sama hátt og aðstoðarmaður landlæknis lýsir hjarðhegðun erlendra ferðamanna hér á landi.

Líkurnar á smiti, í landi þar sem aðeins skráð tilvik voru vel innan við þúsund, þegar Íslendingarnir voru á svæðinu, og allflest  landfræðilega á þröngu strjálbýlissvæðis, ættu næstum því að vera engar þegar ferðamenn eiga í hlut.

Samt eru komin 3 staðfest smit.

Vegna þess að kórónaveiran er smitandi, og miklu útbreiddari en Exel embættismannanna segir að hún sé.

 

Að halda því síðan fram við fullvita fólk, að líkurnar séu ekki gagnkvæmar, að smitað fólk sem hingað kemur til landsins, smiti ekki vegna þess að það sé ferðamenn er út úr öllu korti vitsmunalegrar umræðu.

Í raun voru líkurnar að íslensku skíðaferðalangarnir hittu smitaðan einstakling miklu minni en að smitaður erlendur ferðamaður hitti Íslendinga.

Eða halda menn að aðeins útlendingar afgreiði ferðamenn, að þeir séu ekki fólk, búi í gámum og hafi engin samskipti út í samfélagið.

 

Hvað er að blaðamanni Morgunblaðsins að birta svona bull án þess að spyrja gagnrýnna spurninga??

Er það tengdamamma hans sem honum er svo illa við??

Eða er þetta spurning um arf til að létta á fjárhagsstöðunni??

 

Sér hann ekki siðblinduna sem kemur fram í þessum kattarþvotti aðstoðarmanns landlæknis??

"Kjart­an tek­ur und­ir þær þakk­ir og seg­ir yf­ir­völd reyna að höfða til sam­fé­lags­legr­ar ábyrgðar fólks, af því að á sama tíma og vitað er að um 80% þeirra sem grein­ast með sýk­ingu fái ein­ung­is væg ein­kenni séu ákveðnir litl­ir hóp­ar, til dæm­is fólk með und­ir­liggj­andi heilsu­fars­bresti, sem geti veikst al­var­lega vegna veirunn­ar".

Eða er hann sammála henni.

 

Sem og að það veit enginn hvað er að gerast á Ítalíu annað en veiran hefur stökkbreyst.

Í morgun var mannfallið 34 á móti 83 sem höfðu náð bata.

Hvað verður um restina??

Og smitið er rétt að byrja á meðan fífl stjórna vörnunum.

 

Það er staðreynd að veirusmit er aðeins stöðvað með því að rjúfa smitkeðjuna.

Til að  hindra nýsmit.

 

Að segja að nýsmit fari eftir þjóðerni, hvort smitberar séu innlendir eða erlendir, er ekki heimska.

Það er enginn svona heimskur.

Það býr annað undir, hvað sem það er.

 

Og ef einhver fellur vegna Ítalíusmitanna.

Þá er sá sem ábyrgðina ber.

Ekki Vér.

 

Höfum það á hreinu.

Kveðja að austan.

Ferðamenn frá áhættusvæðum ekki í sóttkví

Evrópa er að smitast vegna þess að Ítalíu var ekki lokuð.

 

Í Suður Kóreu er það rætt í fullri alvöru að lögsækja þá sem bera ábyrgð á útbreiðslu veirunnar, fyrir morð.

Hvað verður gert í Evrópu við þá sem ábyrgðina bera á ítalska smitinu??

 

Gerum okkur grein fyrir alvarleika málsins.

Í The Guardian mátti lesa grein í gær þar sem líkur voru leiddar að því að smitið á Ítalíu hefði grasserast miklu lengur en opinberir aðilar vilji viðurkenna. 

Rökin eru að veiran hefur stökkbreyst þar í landi, er ekki eins og upprunalega veiran sem kom frá Kína.

Stökkbreytingar eru skýring þess að stjórnlausar veirusýkingar eru vá, þær geta orðið hættulegri, bæði banvænni sem og að þær finna sér fleiri smitleiðir.

 

Þessi staðreynd gæti verið skýring þess að sóttin er miklu alvarlegri á Ítalíu en hún var nokkru sinni í Kína.

Af 1.694 sýktum eru þegar 34 dánir, sem er um 2% sýktra.

Og gleymum ekki að veiran hefur sinn meðgöngutíma, þegar dánartölur eru bornar saman við fjölda þeirra sem hafa náð bata, er niðurstaðan skelfileg eða 34 á móti 83, sem er 40% dánarhlutfall.

 

Samt er veiran flutt inn með vitund og vilja sóttvarnarlæknis og almannavarnarráðs.

Allar sýkingar hérlendis má rekja til Ítalíu, allir þeir tugir eða hundruð sem eru í sóttkví, eru vegna þess að þeir hafa umgengist Ítalíufara, eða eru sjálfir nýkomnir þaðan.

Ef smitið fer úr böndum, hvað þá??

 

"Það er svolítið af rugli í gangi eins og gengur," segir fulltrúi almannavarna.

Og það er vægt til orða tekið, en ruglið er alfarið hjá honum og hans mönnum.

Það eru þeir sem gera lítið úr hættunni, dreifa falsfréttum um að þetta sé ekki svo hættulegt nema þá fyrir gamla fólkið, og reyna að réttlæta hið óverjanlega með vísan vanhæfni þeirra sem stjórna sóttvörnum á meginlandi Evrópu.

 

Og það er ekkert svolítið rugl í þeim, ruglið er algjört.

"Hann segir að heilbrigðiskerfið sé viðkvæmt og megi ekki við því að margt starfsfólk þess fari í sóttkví. Landlæknir sé því að fara yfir hvaða tilmælum eigi að beina til heilbrigðisstarfsfólks varðandi ferðalög. „Svo er líka það að það var dálítið af heilbrigðisstarfsfólki í þessum ferðum og var að koma frá Ítalíu þannig að það er svolítið af heilbrigðisstarfsfólki í sóttkví nú þegar. Við megum ekkert við miklu svoleiðis.“".

Nei, við megum ekki við miklu svoleiðis.

 

Og af hverju voru þá ferðar til Ítalíu ekki stöðvaðar þegar ljóst var hve alvarlegt ástandið var þar í landið.

Afsökunin er ekki að vísa á önnur dómgreindarlaus fífl.

 

Evrópa er að stöðvast vegna þess að ekki var skorið á innflutning á smiti frá Ítalíu.

Það má vel vera að smit hefði samt breiðst út, en það væri ekki að gerast í dag, eða á morgun, því smitið eru að megninu til ítalskt.

Það eru þau sem eru að koma öllu í uppnám í Evrópu.

 

Og hver dagur, hver vika sem er hægt að hefta faraldurinn er dagur og vika sem það er styttra í að læknavísindin komi með bóluefni sem virkar á veiruna.

Því það mun gerast, mannsandinn mun sigra þessa ógn eins og aðrar.

 

En þangað til þarf að berjast með öllum tiltækum ráðum.

Það er ekki gert í dag.

 

Því miður.

Kveðja að austan.

Starfsmenn Landspítala í sóttkví

Hugsanlegir smitberar eru hvergi velkomnir.

 

Lífið er jú okkur í blóð borið.

Þeir sem hneykslast í öruggu skjóli, ættu að bjóða sig fram til að leysa af þá sem eiga hættu á að smitast.

Það er nefnilega auðvelt að gjamma í örygginu.

 

Stjórnvöld bera full ábyrgð á þessum uppákomum, að ekki sé minnst á því viðmóti sem Ítalíufarar mæta, því fáir hafa skilning á því ábyrgðarleysi að hafa líf og heilsu annarra í flimtingum.

Þess vegna ættu þau Guðni og Katrín, sem og aðrar fígúrur sem lögðu blessun yfir innflutning á smiti, að hitta þessa Ítali, og margbiðjast afsökunar á að þau skyldu hafa lent í þessum aðstæðum.

Að setja saklaust fólk í svona aðstæður er alltaf forkastanlegt.

Hvort sem það eru þolendur óttans, eða þeir sem geta hvenær sem er fengið hringingu um að þeir eigi að fara í sóttkví því þeir hafa lent í að umgangast Ítalíufara.

 

En í þessari frétt las ég í fyrsta skiptið hér á Mbl.is greiningu á hinni raunverulegu ógn sem stafar af þessum heimsfaraldri.

Gefum Ítalanum Marco Di Marco orðið;

"„Ég veit ekki hvað á eft­ir að ger­ast. Von­andi skýr­ast aðstæður á þeim tíma. En ef satt skal segja er ég hrædd­ari við efna­hags­leg­ar af­leiðing­ar veirunn­ar held­ur en veiruna sjálfa,“ seg­ir Marco. „Ég er frá Sikiley, þar sem 80% gistinátta fyr­ir sum­arið hafa verið af­bókuð. Þetta er meiri hátt­ar vandi.“".

Raunveruleiki sem hin fávísu börnin okkar virðast vera fyrirmunað að skilja, að orða, hvað þá að hefja þegar undirbúning þjóðarinnar vegna þeirra efnahagslegu áfalla sem eru yfirvofandi.

Að ekki sé minnst á hugsanlega vöruskort vegna hnökra á framleiðslu og vörudreifingu.

Kína er hætt að framleiða, það sanna loftmyndir, og það er aðeins byrjunin.

 

Og við í meðvirkni okkar sættum okkar við firringu barnanna.

Eins og enginn sé morgundagurinn.

Kveðja að austan.

Ítölum verið vísað á dyr hérlendis

Afsakanir vanhæfra.

 

Eru á engan hátt betri þó hægt sé að benda á aðra jafnvanhæfa, eða vanhæfari.

Af öllum löndum Evrópu, átti Ísland auðveldast með að stöðva samskipti við Ítalíu, eftir að ljóst var að stjórnlaus faraldur hafði brotist út í landinu.

 

Í Kína sáu vanhæfir sóma sinn til að segja af sér.

Á Íslandi er okkur sagt að treysta dómgreindarlausum mönnum.

Eins og það sé kvóti á dómgreindarskort, og þeir hafi klárað hann.

 

En er það svo?

Kveðja að austan.

„Stífari reglur en hjá nágrannaþjóðum okkar“

Smitdreifing í boði almannavarna.

 

Og ekkert stjórnvald grípur inní.

Vil vitna í Jón Bjarnason, orð sem segja allt.

"Maður fær á tilfinninguna að þetta sé nú ekki svo alvarlegt því dauðsföllin séu aðallega hjá sjúku fólki og þeim sem eru yfir sjötugt osfrv. Að sjálfssögðu gerum við sem erum yfir sjötugt okkur grein fyrir að við höfum minna mótstöðuafl gegn sjúkdómum en þau sem yngri eru.

Mér finnst samt skrýtið að ekki skuli beitt formlegum takmörkunum á hópferðum til fyrirfram sýktra svæða erlendis og íslensk landamæravarsla virkjuð. Látið er að því liggja að það sé á ábyrgð þeirra einstaklinga sem taka þá persónulegu áhættu að fara í þessar hópferðir m.a. inn á sýkt svæði.

En þetta fólk kemur aftur til landsins og þá eru þessar ferðir ekki lengur einkamál þeirra. Heimkomið eru allir aðrir undir, vinnufélagarnir, öll félagsleg samskipti, börnin í skólunum, en líka þeir sem eru aldraðir og með skert ónæmiskerfi.

Ábyrgðin er svo sett á Almannavarnir, sóttvarna og heilbrigðiseftirlit sem vantar mannskap til að svara í símann ".

 

Hve lengi enn??

Hve lengi geta óábyrgir einstaklingar komið ábyrgðina yfir á aðra.

Í boði almannavarna, sóttvarnarlæknis og íslenskra stjórnvalda.

 

Er ekki mál að linni.

Kveðja að austan.

Annað tilvik af kórónuveiru greinist á Íslandi