Farsinn um Trump.

 

Er vinsælasta efni raunveruleikafjölmiðlunar dagsins í dag, og verður það örugglega næstu daga, eða allaveg þar til næsta bombertan kemur frá Hvíta húsinu.

Sem mun örugglega kynda undir ófriðarbál, eða flýta fyrir harmageddon mannsins sökum loftslagsbreytinga.

En líklegast til lengri tíma, það er ólíklegt að Trump og hans ágætu ráðgjafar verði leyft að hraða endalokum mannkyns.  Því í því er lítill bisnsess, en lengi má græða á upplausn og ófriði, eða afleiðingum manngerða loftslagshörmunga.

En til skamms tíma blessunarlega losa heimsbyggðina við þetta sífellda leiðindasuð um hvort Trump sé normal eða abnormal.

 

Eins og eitthvað þurfi að rífast um það, Trump er ekki eins og fólk er flest.

Sá sem heldur öðru fram, segir aðeins um sína dómgreind, en ekkert um það sem er, og á ekki að vera hægt að rífast um.

 

Trump er ekki eins og fólk er flest.

Svoleiðis fólk hefði aldrei náð völdum í voldugasta ríki heims, án þess að hafa nokkuð bakland í þeim valdakreðjum sem bítast um völdin.

Og varðandi gáfnafar hans, þá ætti líka öllum að vera ljóst að nautheimskur maður hefði ekki lifað af í hinum harða heimi viðskipta New York borgar í öll þess ár sem Trump hefur verið þar áberandi.

Svo þarf síðan heldur ekki að rífast um að Trump er ekki fjölgáfaður, hann er greinilega ólesinn, og ýmislegt sem bendir til að hann þjáist af einhvers konar lesblindu.  En slíkt er truflun á taugatengingum og hefur ekkert með gáfnafar að gera.

Síðan er maðurinn sjálfhverfur með afbrigðum, hann græddi meir að segja morðfé á sjálfhverfu sinni þegar hann sá viðskiptatækifæri í raunveruleikasjónvarpinu, og gerði sjálfhverfu sína að meginefni þáttaseríu kenndan við hann.  En sjálfhverfa hans er ein skýring þess að hann náði toppnum, og ekki einn um það.  Hins vegar má spyrja hvað margir sem eru andhverfa þess hafi náð alla leið.  Þeir eru allavega ekki margir.

 

En Trump er snillingur.

Það þarf ekki að efast um það.

Ekki rífast um það.

 

Að benda á einhverjar persónuleikaraskanir til að mæla því mót, segir aðeins um þann sem ekkert veit eða skilur eðli snilligáfu.

Það er ákaflega sjaldgæft að snillingar skori hátt í persónuleikaprófum sem mæla samskipahæfni eða hvað menn telja honum til vantekna.

Sá sem nýtur Mozart eða Beethoven, hlustar á tónlist þeirra, en les ekki útprentanir á sérvisku þeirra eða skorti á mannasiðum.

 

Snilli Trump felst fyrst og síðast í að lesa í þann hluta heila okkar sem þróaðist fyrst, hið frumstæða sem kom á undan rökhugsun Homo sapiens.

Og hann spilar á fólk útí í eitt.

Í heimi þar sem áreitin er fleiri en sandkorn Sahara, er það klár snilld að halda sjálfum sér á toppi umræðunnar í núna að verða 2 ár.

Geri aðrir betur, og þeir sem gera það, gætu kannski sett út á Trump, en mér er til efs að þeir sæju eitthvað athugavert við hann.

En það hefur bara enginn gert það.

 

Hins vegar ættum við sem eigum líf sem þarf að vernda, íhuga af hverju, á þessum tímum þar sem mannkynið er langt rekið að feigðarósum sínum, er maður eins og Trump á toppnum.

Hvað fór úrskeiðis hjá okkur??

Og við ættum líka að spyrja okkur, af hverju látum við bakhjarla hans, hið Svarta fjármagn andskotans, ráða öllu í heiminum í dag?

 

Við erum kannski ekki eins snjöll og Trump.

En við ættum ekki að vera eins vitlaus og þau sem trúa öllu sem þau eru mötuð á.

Við tilheyrum jú Homo Sapiens, hinum viti borna manni.

 

En getum ekki einu sinni sameinaðast um það eina sem lífið ætlast til af okkur.

Að koma lífinu sem við ólum til lífs.

 

Og sökin er ekki heimska Trumps.

Það get ég svarið.

Kveðja að austan.

Falskar fréttir og nú „fölsk bók“

Eru bara gerðar loftárásir í Sýrlandi.

 

Og þá af stjórnarhernum eða aðilum honum tengdum??

 

Hvað með loftárásir Sauda á saklausa borgara í Jemen, eru þær aldrei frétt?

Eða lofárásir bandalagsríkja a la Nató, í til dæmis Sýrlandi, á Líbýu eða Serbíu á sínum tíma.

Allt í góðu með þær??

 

Ekki að þessar hörmungar i Sýrlandi eru ólýsanlegar, en það breytist aldrei neitt ef við gerum upp á milli stríðsaðila, að við látum annan aðilann mata okkur á fréttum.

Að það sér einhvers konar pólitísk rétthugsun gagnvart ofbeldi.

Hvað þá ef við látum þá sem ábyrgðina bera, komast upp með að stýra allri umræðu.

 

Þá er eins og við gerum upp á milli hörmunga.

Upp á milli fórnarlamba.

Og þar með eru engar líkur á að þeim linni einhvern tímann.

Ekki ef annar aðilinn er alltaf stikkfrí.

 

Þetta mættu þeir sem láta mata sig íhuga.

Kveðja að austan.

Ungbarn með ólýsanlega áverka

Borgarstjóri fagnar umræðu um loftmengun.

 

Sérstaklega þegar hann gat tekið undir með kverúlöntum umræðunnar sem hafa ekkert þarfara að gera en að agnúast út í áramótasiði landsmanna.

Gat sem sagt bent á eitthvað annað en sjálfan sig.

 

Núna reynir á manninn.

Var honum alvara??

Eða tekur hann hring á umræðuna, bendir til dæmis næst á veðurfræðinga fyrir froststillur spár þeirra.

 

Það er náttúrulega margt hægt að gera og fólk greiðir skatta og skyldur til að fá þjónustu.

Ekki til að sjá útþenslu hraðari en alheimsins á innviðum stjórnkerfisins.

Hvað þá til að fá tilkynningu um enn eina nefndina.

 

Þrif draga úr skít.

Einföld sannindi.

 

Og þegar sérfræðingur bendir á þau einföldu sannindi þá ætti sá vísdómur að síast inní hið ákvörðunarfælna stjórnkerfi Reykjavíkurborgar.

Að riddarar umræðunnar taki til að þrífa, í stað þess að benda.

 

Á aðra.

Kveðja að austan.

Götuþrif draga úr svifryki

Er Trump ekki bara Feik??

 

Svona með tilvísun hans í fake news þegar honum mislíkar innihald þeirra.

Það má samt segja að Trump sjálfur hefur dyggilega byggt þá ímynd að hann vaði ekki beint í vitinu.  Útprentun á samtali hans við þjóðarleiðtoga bentu sterklega til að vel gerður krakki hefði meira vit en hann.  Hlítur að hafa verið mjög súríalískt fyrir þá sem áttu samtal við hann, og örugglega mjög erfitt fyrir þá að halda andlitinu.

 

En það er mikil einföldun að afgreiða hann sem fífl og fávita, hann væri ekki þar sem hann er, ef hann hefði ekki mikla hæfileika á sínu sviði.

Hann er örugglega með margar persónuleikaraskanir, sjálfhverfur og almenn rökhugsun virðist ekki þjá hann mjög.

 

En hann veit sínu viti.

Og hann náði þangað sem hann ætlaði sér að komast.

 

Á toppinn.

Geri aðrir betur.

Kveðja að austan.

Flestir kalla hann „fífl“ og „fávita“

Innantómur orðavaðall.

 

Er skipan starfshóps um eflingu trausts á stjórnmálum og stjórnsýslu á meðan dómsmálaráðherra situr sem fastast og axlar ekki ábyrgð á dæmdum geðþóttarákvörðunum sínum.

Með því að segja af sér.

Þú skipar nefnilega ekki nefnd, en heykist á því að framkvæma.

 

Bjarni og Katrín verða að höggva á þann hnút sem Sigríður Andersen er fyrir ríkisstjórnina.

Áður en hennar skítur, verður þeirra skítur.

Kveðja að austan.

Starfshópur um traust á stjórnmálum

Heldur rennilásinn?

 

Glitnir tók að sér skítverk fyrir Flokkinn og annar flokksmaður, á launum hjá okkur hinum, greiddi götu þess skítverks.

Nú reynir á innistæðuna, er hægt að panta eftir þörfum rennilása á óþægilega umfjöllun.

Skyldi niðurstaðan fara eftir flokkshagsmunum?

Kveðja að austan.

Tekist á um vernd heimildarmanna

Málsvörn Sigríðar

 

Er "ég taldi".

 

Hún taldi sig vita betur en fagnefnd.

Hún taldi sig vita um hug Alþingis gagnvart niðurstöðu fagnefndarinnar, að það myndi telja sig vita betur en fagnefndin, og myndi því ekki una niðurstöðu hennar.

Hún taldi sig ekki þurfa að virða einfalda rökleiðslu með því að nota réttlætingu um dómarareynslu þegar hún skipaði mann með minni dómareynslu en einn af þeim sem hún hafnaði með þeim rökum.

Og hún telur sig vita betur en Hæstarétt um hvernig á að túlka stjórnsýslulög.

 

Eina sem hún ekki telur, er að hún eigi að axla pólitíska ábyrgð.

Dæmdur ráðherra vegna geðþóttaákvarðana.

 

Eftir stendur, hvað telur Alþingi?

Mun það krefjast afsagnar dómsmálaráðherra?

Mun það rannsaka hinar raunverulegu ástæður þess að ráðherra vék frá tillögum hæfnisnefndar?

Eða er það samdauna??

 

Kemur í ljós þegar þing kemur saman á ný.

Kveðja að austan.

 

Taldi sig starfa eftir núgildandi lögum

Trumpvæðing íslenskra stjórnmála nær nýjum hæðum.

 

Þó reyndar í hroka sínum hefur enginn ennþá náð Calígúla keisara.

Svona ef einhver skyldi ekki vita, þá skipaði hann gæðing sinn i öldungaráð Rómar.  Gæðingurinn var reyndar ekki tryggur þingmaður, hann var hestur.

 

Sigurður Ingi þekkir greinilega ekki þessa sögu, og gerir ekki greinarmun á gæðing og tryggum þingmanni.

 

En ömurleikinn er sá sami. 

Nema að Calígúla vissi allan tímann að gæðingurinn væri hestur.

En sú viska hafði greinilega farið framhjá Sigurði Inga.

 

Hvers á Trump að gjalda???

Ég bara spyr.

Kveðja að austan.

Þórunn formaður samgönguráðs

Fjölgun brota krefst víggirðinga.

 

Og viðurkenning þess er viðurkenning samfélagsins að þú fjárfestir ekki í frjálshyggjunni, og þeim flokkum sem hafa trúarbrögð Mammons sem sína trúarjátningu, án þess að uppskera afleiðinga gjörða þinna.

 

Í raun er þetta óttalegt væl hjá hinum opinbera starfsmanni, það er eins og hann hafi aldrei komið til Mið og Suður Ameríku, og upplifað öll þau tækifæri sem óréttur og misskipting elur af sér.

Menn eins og hann eru þar í fullu vinnu dag og nótt að tryggja öryggi hinna Örfáu sem fjármagna Sjálfstæðisflokkinn, að ekki sé minnst á bissnessinn við að reisa girðingar, og útbúa þær með öllum nýtísku öryggisráðstöfunum.

Það er eins og manninum skorti alla framtíðarsýn,.

 

Eins og blessaður yfirlögregluþjónninn sé ekki í vinnu hjá Samatökum Atvinnulífsins, sem réttilega benda á að hinir ríku, hvað þá hinir Ofurríku , borgi of mikið í skatt.

En glaðir greiði margfalda þá upphæð í varnir og vígi.

 

Algjör skortur á framtíðarsýn sem hrjáir lögregluna.

En verður bætt úr öllum kröfum Evrópusambandsins, OECD, Alþjóðagjaldeyrissjóðsins, eða hvað þær heita allar hinu hagfræðilegu skynsemisstofnanir hins alþjóðalegs fjármagns.

Sem í gjafmildi sinni hafa endalaust upphafið hagvöxt skúffanna í alþjóðlegum skattaskjólum.

Og til að vernda þann hagvöxt, þarf að fjárfesta í vörnum, víggirðingum, sem og reyndar öllu bullukollaliðinu sem dásamar þesa sjálftöku hinna Öfurríku.

 

Valhöll þarf að bregðast við.

Óupplýst fólk í kenningum Friedmans og Hayeks veður uppi, og Hannes hefur ekki undan að fræða og tukta þá sem í háskólann fara.

Sem reyndar er vandamál við lögregluna, hún útskrifar fólk án þess að það hafi hlustað á Hannes.

 

Sem bendir til þess að við vælnum og skælnum er aðeins eitt svar, og það er ekki metoo, heldur skortur á háskólamenntun lögreglumanna.

Vel menntaður lögreglumaður hefði aldrei látið svona vitleysu út úr sér.

Hann hefði bent á að fleiri skýrslur þurfi að semja, og þeir sem efni hafi á öryggi, þeir eigi að fjárfesta í því öryggi.

Fengið síðan stöðuhækkun, og seinna meir góða vinnu í einkabransanum.

 

Vel lesinn.

Víðsýnn.

 

Og tryði á hagvöxt öryggisleysisins.

Kveðja að austan.

 

 

 

 

 

 

 

 

Fjölgun brota krefst aukins mannskaps

Íþróttir án mismunar.

 

Er nútíminn.

Er hugarfar 21. aldar.

 

Sögur um mismun fortíðarinnar er hvatning um breytingar, og almenn skynsemi, að gera jafn vel við helming þjóðarinnar, ætti að hnykkja á hinni augljósu breytingu.

Og staðfesta að mannkynið sé aðeins eitt.

Og Rétturinn nái til allra.

 

Oft er því borið við að Rétturinn sé svo dýr, að ekki séu til fjármunir til að gera jafnvel við bæði kynin.

Og þá er vísað í gamla hefð, að fyrst íþróttaiðkun karla hafi komið á undan, þá njóti hún forgangs.

Ranghugmynd, sem vissulega má skýra með tíðarandanum, en ef svo er, þá má líka skýra ákvörðun KSÍ með tíðarandanum.

MISMUNUR er ekki lengur liðinn.

Og það þarf ekki að ræða það meir.

 

Önnur sérsambönd munu fylgja í kjölfarið.

Þau eiga ekkert val, þú rifst ekki við tíðarandann.

 

Og einn daginn munu íþróttir kvenna og karla vera jafnréttháar.

Rétturinn mun verða þeirra.

 

Það mun vera góður dagur.

Kveðja að austan.

KSÍ jafnar greiðslur til landsliða karla og kvenna