Raunveruleikinn ræðst á sóttvarnaryfirvöld.

 

Segir svona á mannamáli að þau séu fífl þegar þau spá heildarfjölda smita kringum 1.000.

Raunveruleikinn ætlar að ná þeim fjölda um og uppúr helgi, hann kann nefnilega stærðfræði, kann veldisútreikninga á bak við útbreiðslu vírusa.

 

Raunveruleikinn segir okkar líka fréttir um að hátt í 400 manns hafi fallið í litlum bæ á Norður Ítalíu, og menn rétt farnir að telja.

Hann hlær að fíflunum sem segja að það gildi ekki um Ísland, við höfum sko spálíkan um að veiran sé saklaus flensa á Íslandi.

 

Samt segir raunveruleikinn að hún sé svo bráðsmitandi að eitt fótboltamót, innan fólk sem var lítt eða ekkert smitað, beri ábyrgð á fjöldasmiti í Vestmannaeyjum, þar sem enginn virðist vera endirinn.

Raunveruleikinn sagði okkur líka frá því hvað gerist á fiskiskipum okkar sem eiga að bera björg í bú.

Eitt smit, og fárveik áhöfn kemur í land.

 

Raunveruleikinn segir að þetta sé rétt að byrja.

En hjarðhegðun heimkunnar hlustar ekki á raunveruleikann, hún leitar athvarf hjá þeim sem hlæja, gera lítið úr ógninni eða segja að þær þjóðir heims sem snúast hafa til varnar, séu fífl, allavega stjórni fífl þeim, sem hlusti ekki á íslensk sóttvarnaryfirvöld.

Og sé efi til staðar, þá munu enn ein fíflaskilaboðin berast frá Bessastöðum, um að við eigum að standa saman.

Að fara með bros á vör inní gripaflutningavagna kórónuveirunnar.

 

Meinið er að raunveruleikinn ræður.

Ekki fíflin, ekki hjarðhegðun heimskunnar.

 

Það fer núna hver að verða síðastur að gera lítið úr þessari drepsótt.

En það verður reynt.

 

Á meðan er það ekki gert sem þarf að gera.

Kveðja að austan.

409 smitaðir af kórónuveirunni

Hver er munurinn á Bergamo og Íslandi??

 

Jú íbúafjöldinn, það búa aðeins 122 þúsund í þessum litla ítalska bæ.

Og fjöldi látinna af kórónuveirunni.

 

Gefum bæjarstjóra Bergamo orðið;

"Gi­orgio Gori, borg­ar­stjóri Bergamo, skor­ar á ráðamenn alls staðar að sofna ekki á verðinum og nýta tím­ann vel til að hefta út­breiðslu kór­ónu­veirunn­ar og lenda ekki í sömu hremm­ing­um og íbú­ar Bergamo".

 

Af hverju er hann svona dramatískur, miðað við sviðsmynd færustu íslenskra vísindamanna og sóttvarnaryfirvalda þá ættu ekki nema um 300 mann smitast í bænum, og vel innan við 10 deyja.

Meinið er að kórónaveiran hefur ekki frétt af þessari sviðsmynd, og í vanþekkingu sinni fer hún sínu fram;

"Hátt í fjög­ur hundruð manns hafa látið lífið í Bergamo í Lang­b­arðalandi. Þar vant­ar grím­ur, önd­un­ar­vél­ar, lækna og hjúkr­un­ar­fólk og súr­efni er af skorn­um skammti. Her­inn hef­ur sent tutt­ugu her­lækna á vett­vang til að aðstoða. Á miðviku­dag hafði fjöldi smitaðra næst­um tvö­fald­ast á fjór­um dög­um og fjöldi lát­inna þre­fald­ast.".

 

Mikil er hjarðhegðun heimskunnar að láta bjóða sér þetta kjaftæði.

Hví átt menn sig ekki á hinni dauðans alvöru??

Og hætta að rífast við raunveruleikann.

 

Mér er spurn.

Kveðja að austan.

Líklegt að 1.000 smitist

Íslenskir blaðamenn, hæfni þeirra og dómgreind.

 

Er undir í þessum fordæmalausa faraldri sem ógnar bæði lýðheilsu og efnahag þjóðarinnar.

Almenningur á að geta treyst því að þeir hafi þekkingu til að spyrja réttra spurninga og að fá rétt svör.

 

Miðað við útdrátt Mbl.is (vinnubrögð til fyrirmyndar) virðast sóttvarnaryfirvöld komast upp með að þegja eða gera litið úr smithættu af smituðu erlendu ferðafólki??

Það lést ferðamaður úr kórónuveirunni, fyrst var reynt að telja okkur í trú um að eitthvað annað hefði orði bráðhressum manni að bana, og svo þegar ekki var lengur hægt að horfa í hina áttina, þá er okkur sagt að hann hafi verið svona ódæmigerður.

Eins og það sé huggun fyrir hinn látna mann.

 

Hvað er þessi ógæfusami maður búinn að dreifa smiti víða??

Við fáum fréttir að smituðu fólki sem hefur haft mjög lítil eða engin samskipti við Ítalíusmitberana, leigubílstjóri, maður sem fór í lyftu sem Ítalíusmitberi hafði notað stundinni áður og svo framvegis.

Og að utan fáum við alvarlegar aðvaranir frá fremstu sérfræðingum heims um að einkennalaus maður geti dreift lungasmiti veirunnar með fráöndun sinni.

En á Íslandi er okkur sagt, ekkert að óttast, eins og að veiran fúlsi við íslenskum hýsil eftir að hún hafi kynnst erlendum, og vilji því hvergi annars staðar vera.

 

Af hverju er ekki gengið á sóttvarnaryfirvöld eftir þeirri þekkingu og upplýsingum sem við höfum að utan.

Við erum með 967 smit per milljón íbúa, Taivan sem er með 5 smit, hefur miklar áhyggjur að seinni bylgju smitbera, eftir að landinu tókst að loka á hina fyrri með frábærum árangri.

Þetta segir þeirra heilbrigðisráðherrra, Chen Shih-chung: ".. told a press conference that more drastic measures are necessary given the possibility of a large-scale outbreak. "If we don t close our borders now, I am afraid it will be too late".

Við lokum áður en það er orðið of seint, áður en veiran er búin að dreifa sér.

 

Hvað er svo flókið við þetta??

Af hverju skilja íslenskir blaðamenn ekki þessi sannindi??

Eru þeir hræddir að spyrja, eða skilja þeir ekki í raun hvað það þýðir að loka landinu eftir að veiran hefur breiðst stjórnlaust út??

Skilja þeir ekki muninn á 108 smitum hjá 28 milljóna þjóð og 330 hjá 360 þúsund manna þjóð??

Halda þeir að þetta séu leikfangabílar, hertrukkarnir sem núna flytja líkkistur út ítölskum bæjum, að þetta sé bara 1. apríl gabb, í raun sé þetta meinlítil veira.

Og vitna svo kannski aftur í Þórólf sem sagði að ekkert yrði gert myndi sirka 300-400 smit greinast og þar af 30 á gjörgæslu og innan við 10 deyja.  Þar með sé ekkert að óttast, aðeins 70 smit eftir í efri mörk. 

Málið dautt.

 

Ég datt fyrir tilviljun á endursýningu á fræðslufundinum sem var í sjónvarpinu í gær.

Spyrillinn var vissulega Sigmar, og hann hefur langa reynslu í að þóknast yfirvöldum, til dæmis þegar ríkisstjórnin reyndi að telja okkur í trú um að fjárkúgun breta kennd við ICEsave væri lögleg, þá gat alveg eins kettlingur mjálmað í Kastljósi ef þau Jóhanna eða Steingrímur voru í viðtali, en samt.

Hann spurði um ummæli fyrrverandi þingmanns um hvort sóttvarnaryfirvöld hefði vísvitandi flutt inn smitið til að mynda hjarðónæmi, reyndar eitthvað sem ég hef ekki ímyndarafl til að ímynda mér en skítt með það, og svarið var að sjálfsögðu Nei, sérstaklega var svipurinn á Ölmu landlækni sterkt Nei, enda skilur maður það vel.

En það var ekki málið, heldur að svo reyndi Viðir almannavarnir að réttlæta þá ákvörðun að hafa ekki skorið á smitleiðir í tíma.

Hann sagði eitthvað á þá leið að ef við hefðum lokað landinu fyrir smiti, og værum þar með smitlítil eða smitlaus (innskot mitt), þá hefðum við þurft að hafa það lokað kannski í eitt til eitt og hálft ár.

 

Hvaða kjaftæði er þetta??

Ef rökin eru ekki betri en þetta, þá spyr maður sig um annað sem sagt er, er vitleysan ráðgjafi sóttvarnaryfirvalda??

Landið er aðeins lokað gagnvar smituðum svæðum á meðan faraldurinn gengur yfir. Ef svo vildi til að það tæki svona langan tíma, er þá ekki allt lokað hvort sem er??, eða er rétturinn til að flytja inn smiti, æðri lífi og limum fólks??

Á landið þá allan þennan tíma að vera í heljargreipum sóttkvía og samgöngubanns??, hvort skyldi nú trufla meira mannlíf??

 

Síðan er það ljóst að almenningur víðast hvar í heiminum mun ekki sætta sit við að þessi vírus fái að ganga frjáls.

Ef við erum svo líberal í nafni ferðafrelsis til smitsvæða að við viljum vera mest smitaða þjóð heims miðað við hausatölu, og stanslaust að viðhalda smiti með innflutningi á því, þá ættu öllu hugsandi mönnum, og já blaðamönnum líka, að þá mun enginn vilja sjá okkur, við verðum úrkast heimsins, fólkið sem ber með sér vírusinn. 

Lítið ferðafrelsi í því.

 

Eins er það ekki mikil skerðing á nauðsynlegum ferðum fólks, að það fari í 14 daga sóttkví við heimkomuna, sé það talið koma frá svæðum sem eru smituð.

Og allavega löndin í Austur Asíu hafa náð tökum á ástandinu, í bili að minnsta kosti, og því ætti ekki að vera ferðabann þar á milli.

Og þó lönd smitist, þá er hægt að segja veirunni stríð á hendur og drepa hana með útgöngubanni, það virðist hafa tekist í Hubei héraði í Kína, nýsmit koma aðeins með fólki á faraldsfæti og núna hafa kínversk stjórnvöld ákveðið að slíkir faraldsfætur fari í sóttkví við heimkomuna.

 

Þjóð sem er 1,4 milljarðar, treysti sér í stríðið, við sem erum 360 þúsund, eyja með einn alþjóðaflugvöll, gerum það ekki.

Sjá menn ekki fáráðin í þessu.

Hvernig er hægt að ráðast svona á heilbrigða skynsemi fólks og komast upp með það??

 

Jú, jú, Harðhegðun heimskunnar, en hún er eins og veiran, lifir ekki sjálfstæðu lífi ef hún er ekki fóðruð.

Þá reynir á blaðamannastéttina og þó ljótt sé frá því að segja, þá virðist hún öll sem leggur sig farið á endurmenntunarnámskeið í Pjongjang, og lært þar auðmýkt gagnvart stjórnvaldi.

Hún aflar sér ekki upplýsinga, hún spyr ekki, hún fjallar ekki um alvarleikann, hún gengur aðeins í takt.

 

Samstaða er vissulega nauðsynleg.

En ekki samstaða á röngum forsendum.

Þá er menn að bregðast hlutverki sínu, skyldu sinni og ábyrgð.

 

Og slíkt er ekki gert á tímum hinnar dauðans alvöru.

Þá er gjaldið of hátt.

Kveðja að austan.

Í beinni: Blaðamannafundur vegna kórónuveiru

Jæja, eru ekki allir kátir??

 

Veldisaukningin á smitunum er byrjuð og enginn veit hvernig ástandið verður í næstu viku, en sporin frá Ítalíu hræða.

Hitt er vitað að á blaðamannafundinum sem verður á eftir, munu menn byrja fundinn á að þakka hvorum öðrum fyrir þennan mikla árangur.

Árangur sem má alfarið skrifa á tregðuna við að skera á smitleiðir í tíma.

 

Í dag þurfa Íslendingar sem koma frá útlöndum, fara sjálfkrafa í 14 daga sóttkví.

Þarft verk en af hverju var það ekki gert strax og ljóst var að hættulegur veirufaraldur var að breiðast út um heimsbyggðina??

Hver er munurinn á að hafa gert það í dag, eða í lok febrúar þegar ljóst var að Ítalía var miklu smitaðri en opinberar tölur gáfu upp.

 

Sem og, af hverju er landið ennþá opið fyrir ferðafólk frá smitsvæðum??

Í gær mátti lesa þessa frétt frá Taivan; "Taiwan announced Wednesday it will close its borders to foreigners as part of stepped-up measures to slow the spread of the new coronavirus."

Þó eru þarlendir með aðeins 108 smit skráð, og þar er innifalið smiti frá Demantsprinsessunni.

 

Við eigum nefnilega ekki að vera kát.

Það er ennþá vitlaust gefið.

 

Veirunni í vil.

Kveðja að austan.

„Við erum komin af stað upp brekkuna“

Ítalir deyja.

 

Vegna þess að sóttvarnaryfirvöld þar í landi töldu ekki ástæðu til að loka á smitleiðir frá Kína.

Tóku skammtímahagsmuni fram yfir langtíma hagsmuni.

Í dag er Ítalía lokuð og allt að hruni komið.

Fólk deyr og ekkert er við ráðið.

 

Sama viðhorf, sama andvaraleysið hefur sýkt okkur Íslendinga.

Og forheimskan er svo mikil að það er hæðst að þjóðum sem reyna að skera á smitleiðir.

Til að undirstrika það er birt viðtöl við fólk sem segir; "Hún á erfitt með að skilja rök­in að baki ákvörðun­inni um að loka land­inu, en eins og fram hef­ur komið í frétt­um var ákvörðunin ekki tek­in að und­ir­lagi heil­brigðis­yf­ir­valda í land­inu, enda ekki talið lík­legt að hún skili til­ætluðum ár­angri.".

Já, það skilar ekki árangri að loka á smitleiðir er heilaþvotturinn sem landsmenn eru mataðir á.

Það eru allir fífl nema við.

 

Svo fáum við fréttir af skrípó í ráðherrastólum sem eyða tíma sínum að mótmæla lokun smitleiða.

Enginn lítur í eigin barm og spyr sig, af hverju erum við smitaðasta þjóð í heiminum miðað við hausatölu?

Hver er skýringin, hver er orsökin??

Af hverju skerum við ekki á smitleiðir??

Hvað þurfa margir ferðamenn að deyja í anddyrum spítala okkar til að við föttum að veiran smitar alla, og smitaðir, hvort sem þeir eru innlendir eða ferðamenn, smita aðra.

 

Hvað þurfum við hlusta oft á utanríkisráðherra fullyrða að aðrar þjóðir líti til Íslands í árangri að smita heila þjóð á sem stystum tíma?

Hvað þurfum við að hlusta oft á sóttvarnarlækni verja þá stefnu sína að leyfa ferðamenn frá smitsvæðum koma til landsins?? 

Með þeim rökum að þeir hafi ekki sýkt ennþá.

 

Erum við að bíða eftir að forheimskan springi framan í okkur??

Að fyrirsögn þessa pistils, sem og annarra, breytist úr Ítölum í Íslendinga??

Eða er engin mörk á hjarðhegðun heimskunnar??

Þarf drepsóttin að drepa til að við skiljum að drepsóttir drepa??

Eða er það okkur eðlislægt að standa í auðmýkt með húfu í hendi þegar yfirvaldið er annars vegar??

 

Eigum við ekki líf sem þarf að vernda??

Börn, mæður, feður, afa eða ömmur.

Eða náungann, fólk sem við þekkjum sem hefur gengið í gegnum erfiða sjúkdóma, og er í mikilli hættu þegar veiran verður stjórnlaus.

Er það mikilvægara að vera heimskur og kóa með, eða vernda það sem er okkur mikilvægast?

Líf okkar, líf náungans, hvort annað.

 

Ítalir deyja í dag.

En þeir voru ekki svo mjög að deyja fyrir 3 vikum síðan.

Aðeins 4-5 gamalmenni, og svo nokkur í viðbót.

Annars meinlítið kvef eða þannig.

 

Við erum á þeim stað í dag.

Og harðhegðun heimskunnar trúir að það ásand sé komið til að vera.

Að það versni ekki.

 

Eitthvað svipað viðhorf og var í Bretlandi en loksins kveiktu menn á perunni þar; " Líkanið sýndi að með því að reyna einungis að hægja á faraldrinum með þeim aðgerðum sem stjórnvöld höfðu þegar kynnt en ekki stöðva hann kallaði ríkið yfir sig hörmulegan faraldur, gjörgæsludeildir myndu ekki ráða við álagið. Útreikningarnir bentu til þess að án frekari aðgerða myndu 260 þúsund manns láta lífið á Bretlandseyjum ekki bara úr COVID-19 heldur einnig vegna þess að heilbrigðiskerfið gæti ekki sinnt öðrum sjúklingum sem þurfa sérhæfða þjónustu. ".

 

Við vitum ekki hve slæmt þetta verður.

Það eina sem við vitum að hér standa menn vaktina, og það er lofsvert, þakkarvert.

Við vitum líka að smitið er komið úr böndum og það þarf að grípa til harkalegra aðgerða en þegar hefur verið gert.

Vandinn er að réttar ákvarðanir eru teknar of seint, og þær virka ekki afturábak.

 

Það er loksins búið að taka ákvöðun um að allir Íslendingar sem koma til landsins, fari sjálfkrafa í 14 daga sóttkví þegar þeir koma til landsins.

Rétt ákvörðun, en hefði hún verið tekin fyrr, þá værum við ekki svona smituð eins og við erum í dag.

Og við höfum ekki reist sóttvarnargirðingar og því fær veiran að smitast í alla landshluta, og við höfum ekki sett á útgöngubann, til að drepa veiruna.

Það verður gert, en fyrst þarf fólk að deyja.

 

En þess þurfti ekki.

Þess þurfti ekki.

 

Munum það.

Kveðja að austan.

 

 

 

475 létust á einum sólahring

Skyldulesning fyrir sóttvarnaryfirvöld.

 

Sem leyfðu landinu að sýkjast því þetta væri bara meinlaus veira, nema jú fyrir fólkið sem myndi hvort sem er deyja.

Skyldulesning fyrir vanhæfa blaðamenn sem átu allt upp sem var sagt, án nokkurrar gagnrýni, og brugðust þar með frumskyldu sinni að upplýsa, að fræða, að segja satt og rétt frá.

Undanfarna daga höfum við upplifað blaðmennsku og hópsál sem einna helst má finna í landi heilaþvottarins, Norður Kóreu.

 

Næst þegar sóttvarnarlæknir vitnar í falsaðar tölur frá Kína, spyrjið hann þá um tölur frá Ítalíu.

Breska ríkisstjórnin trúði sama sérfræðibullinu.

Á vef Ruv má lesa frétt í gærkveldi þar sem breska ríkisstjórnin fékk nýja skýrslu um alvarleika drepsóttarinnar þar sem nýtt hættumat var gert vegna gagna frá Ítalíu sem öskruðu á þessa sömu sérfræðinga.

Raungagna, sem sögðu að fólk væri að deyja, og heilbrigðiskerfið réði ekki við ástandið.

 

Eitthvað sem allir hafa vitað.

Nema tveir hópar, sóttvarnalæknar nokkurra Evrópuríkja og hópurinn sem kennir sig við hjarðhegðun heimskunnar.

Já, og svo Kári klári.

 

Hættan hefur verið vanmetin játar Evrópusambandið í dag.

Var þetta fólk ekki með augun opin??

Hefur það ekki dómgreind??, eða skýlir það sér á bak við sérfræðingaheimskuna??

Fékk það engar fréttir frá Austur Asíu um árangur, hvernig skjót viðbrögð á fyrstu dögum réðu úrslitum??  Þar sem lykilatriðið er að skera á smitleiðir, og berjast svo við hvert tilvik sem slapp áður en skorið var á smitleiðirnar.

 

Aldrei í nútímasögu Vesturlanda höfum við upplifa aðra eins tilraun til vísvitandi fjöldamorða.

Aldrei áður höfum við haft aðra eins vanhæfa leiðtoga.

Með undantekningum þó, í Danaveldi er ung kona sem sagði sóttvarnarsérfræðingunum að halda kjafti. 

Þeir væru ekki guðir með valdi yfir lífi og limum fólks.

 

Og þið þarna úti, sem stolt gangið í takt við hjarðhegðun heimskunnar, lesið þessa grein.

Hún fjallar um dauðans alvöru.

Ekki heimsku.

Ætti ekki samt að vera ykkur ofviða.

 

Enn og aftur, lesið svo þennan link á grein um af hverju við þurfum að bregðast við strax.

https://medium.com/@tomaspueyo/coronavirus-act-today-or-people-will-die-f4d3d9cd99ca.

Hún gæti bæði læknað heimsku ykkar og bjargað lífi ykkar.

 

En jú jú.

Heimska er valkvæð, og auðvitað megið þið halda áfram að þakka landlækni, sóttvarnarlækni og yfirvöldum fyrir að hafa leyft drepsóttinni að dreifa sér um  landið.

Þakkað þeim að bregðast of seint við á öllum stigum málsins.

 

Vissulega eru meiri líkur en minni að þið lifið af ykkar heimsku.

En ofboðslega eruð þið firrt ef þið skiljið ekki hvað felst í þessum orðum Rutar;

"Einu hljóðin sem við heyr­um hér í ein­angr­un­inni heima hjá okk­ur eru stöðug væl í sír­en­um sjúkra­bíl­anna, dag og nótt, og við reyn­um að hugsa ekki um fólkið og sög­una á bakvið hvern sjúkra­bíl sem brun­ar hjá.“".

 

Það er saga á bak við hvern sjúkrabíl.

Saga sem við eigum á hættu að verði sögð hér eftir ekki svo marga daga.

Ekki nema að við séum guðsútvalda þjóð sem njótum þeirrar verndar að drepsóttin sé meinlaus kvefpest hjá okkur, og við sleppum með skrekkinn.

 

Ég myndi ekki treysta á það.

Og þó svo væri, hefði verið jafn heimskt að treysta á það.

 

Og þeir sem fatta það ekki.

Þeir eiga engu að ráða,.

Kveðja að austan.

Tölurnar segi ekki alla söguna

Mette Fredrisen rís upp sem leiðtogi.

 

Í stríði við vágest sem engu eirir fái hann að ganga laus.

Hún talar tæpitungulaust við þjóð sína;

".. sagði rík­is­stjórn­ina hafa ákveðið að frek­ar skyldi gengið of hart fram en of skammt. „Við erum á ókunn­um slóðum. Ég hef spurt mig hvort við mun­um gera ein­hver mis­tök, og svarið er klár­lega já. En ég vil frek­ar að við göng­um of harka­lega fram en öf­ugt.".

Og bætti við, "við verðum öll að hjálpast að við að rjúfa smitkeðjuna"."

 

Við Íslendingar værum ekki með flest smit í heiminum miðað við höfðatölu, ef einhver hefði risið upp sem leiðtogi og fordæmt innflutning sóttvarnaryfirvalda á smiti frá Ítalíu og skíðasvæðum Austurríkis.

Ef einhver hefði sagt, "ég vil frekar ganga of harkalega fram en öfugt".

 

Þess í stað áttum við leiðtoga sem kóuðu með innflutningnum.

Sem studdu þá ákvörðun að rjúfa ekki smitkeðjuna strax á landamærum okkar.

 

Eins og það er einfalt, einn millilandaflugvöllur.

Þau sögðu að við ættum að brosa og styðja hina röngu ákvörðun.

Þá ákvörðun að smita þjóðina vísvitandi.

 

Það dó 21 gamall fótboltaþjálfari á Spáni í dag.

Hann hafði áður fengið hvítblæði, ónæmiskerfið réði ekki við drápsveiruna.

Hvað þekkjum við marga sem hafa fengið krabbamein??, unglinga, ungar mæður, fólk sem á lífið framundan, hefur sigrast á vágesti en er núna á dauðalista kórónuveirunnar?

 

Af hverju var þetta leyft, og af hverju sagði enginn eitthvað?

Af hverju er forystufólk okkar fígúrur sem kann fátt annað en að brosa, og setja inn statusa á feisbók?

 

Margrét Danadrottning ávarpar þjóð sína í kvöld.

Alvörumanneskja, sem hefur eitthvað að segja.

Mette Fredrisen segir það sem þarf að segja.

 

Hér??

Hér??

 

Hér er bara beðið eftir fyrsta dauðsfallinu.

Og það réttlætt með aldri eða undirliggjandi sjúkdómi.

 

Ungi maðurinn í Madríd var með undirliggjandi sjúkdóm.

Hann átt samt rétt á að fá að lifa og verða gamall, eiga börn, sjá þau vaxa, og í fyllingu tímans, færa honum barnabörn.

 

Hann dó vegna þess að enginn hafði kjark að rjúfa smitkeðjuna.

Vegna þess að land hans var leiðtogalaust.

Smitið fékk að dreifa sér samkvæmt hinu frjálsa flæði hins evrópska regluverks.

Eitthvað svipað og hér.

 

"Ég geri mistök" sagði Mette.

Það er rétt.

 

En hún gerði eitthvað.

Þar liggur diffinn.

Kveðja að austan.

Strangt samkomubann tekur gildi í Danmörku

Rödd skynseminnar.

 

Er orðræða Bjarna Benediktssonar fjármálaráðherra.

"Um­hverfi bank­anna verði að vera þannig að ekki verði tekn­ar af­drifa­rík­ar ákv­arðanir á meðan það versta geng­ur yfir. „Að það sé gengið að veðum vegna þess að menn séu í van­skil­um og svo fram­veg­is. Nei, við þurf­um að skapa al­veg nýtt svig­rúm fyr­ir bank­ana til að bregðast við þess­ari stöðu og skapa réttu hvat­ana. Þannig held ég að við björg­um flest­um störf­um og höld­um starf­semi gang­andi,“ sagði Bjarni. Mik­il­vægt sé að gera meira held­ur en minna og tak­ast á við af­leiðing­arn­ar þegar far­ald­ur­inn er yf­ir­staðinn. ".

Það er eins og blessað barnalánið hafi horfið á einni nóttu.

 

Að maðurinn sem sætti sig við börn í ráðherraliði sínu, sem samþykkti markaðsvæðingu orkuauðlinda okkar undir styrkri stjórn skrifræðisins i Brussel, að hann sé það sem hann á að vera.

Leiðtogi.

Að loksins hafi maður risið upp yfir börnin.

 

Það kemur í ljós.

Allavega er þetta í fyrsta skipti sem ráðherra tjáir sig um alvarleika mála, og um það sem þarf að gera, og færir skynsemisrök fyrir máli sínu.

Og hann virkar ekki eins og fífl, eða einhver sem hefur ekki þroska til að takast á við ábyrgð embættis síns.

Það er eins og Bjarni sé kominn heim.

 

Prófsteinninn er samt eftir.

Frysting verðtryggingarinnar og lögreglurannsókn á þeim sem nýttu sér löggjöf Evrópusambandsins um innflutning á sýklum sem ógna bæði lýðheilsu fólks, og heilbrigði búfjárstofna.

Skynlausar skepnur eiga ekki að ganga lausar, og reglugerð Evrópusambandsins er engin réttlæting fyrir glæpi þeirra.

Sem gerast ekki alvarlegri, ekki nema þeir játa að hafa vísvitandi dreift kórónuveirusmiti um samfélagið.

 

Frysting verðtryggingarinnar er síðan svo augljóst að ef fjármálaráðherra dregur lappir þar um, þá er eitt ljóst.

Að tilvitnuð skynsemisorð hér að ofan, eru ekki hans.

Heldur ráðgjafa eða almannatengla sem forrita orð ráðherrans.

 

Sem ég trúi ekki.

Það er tíðinda að vænta úr stjórnarráðinu.

Það á að gera það sem þarf að gera.

 

Slíkur er máttur veirunnar.

Hún bjó til fólk úr börnum.

 

Og það er þakkarvert.

Kveðja að austan.

Ekki verði gengið að veðum í ástandinu

Loksins, loksins, loksins.

 

Fengust skýringar á því afhverju drápsveiran fékk að ferðast óhindrað til Íslands.

 

Skýringin er sú að sóttvarnalæknir trúir ekki á þá sóttvörn að loka á innflutning á smiti frá sýktum svæðum, heldur telur hann að sóttvörn byrji þegar smitið hefur borist til landsins.

Hann er sem sagt hlynntur dælubúnaði á mígleku skipi, en telur það þjóna engum tilgangi að þétta lekann, því það gæti alltaf byrjað að leka aftur, og það flýtur á meðan það ekki sekkur.

Sem það gerir eiginlega aldrei til lengdar.

 

Lesum þessi orð sóttvarnarlæknis og íhugum þau gaumgæfilega;

"„Við erum kom­in með veiruna inn í landið og hún kom með Íslend­ing­um. Það hef­ur eng­inn út­lensk­ur ferðamaður greinst hér með veiruna. Að loka núna myndi ekki breyta neinu, ekki nema við ætl­um að loka Íslend­ing­ana úti sem eru að koma að utan. Veir­an er kom­in hingað inn og við vit­um að þótt við reynd­um að loka alla úti myndi hún koma hérna inn fyrr en síðar þegar það yrði opnað aft­ur. Þannig að ég held að það sé ekki sniðug taktík".

 

Af hverju komu Íslendingar með veiruna inní landið??

Jú, það var vegna þess að þeim var leyft að ferðast til smitaðra svæða, og báru með sér veiruna heim.  Krítíska augnablikið var að eftir að fyrsta smitið greindist hjá Ítalíufara, þann 28. febrúar, þá mátti ljóst vera að Ítalía væri mun smitaðri en opinberar tölur gáfu til kynna.  Í þess samhengi má minna á að þann sama dag birti The Guardian grein þar sem ítalskir veirusérfræðingar höfðu sterkar vísbendingar um (út frá stökkbreytingu hennar) að veiran væri búin að vera í landinu mun lengur en sóttvarnarkerfið hafði upplýsingar um.

Það voru lönd sem lokuðu á Ítalíu og höfðu lokað á Kína, sem sitja ekki í sömu súpunni og við.

 

Enn og aftur, munum að Singapúr með 5,7 milljónir íbúa á um 770 ferkílómetrum, þéttbýlla gerast lönd varla, er með 247 skráð smit og ekkert dauðsfall.  Samt greindist fyrsta smitið þar 23. janúar.  Taivan með 24 milljónir íbúa er með 67 skráð smit, eitt dauðsfall, fyrsta smit skráð 26. janúar.

Bæði Taivan og Singapúr eru með mikil tengsl við Kína sökum bæði viðskipta og skyldleika, samt lokuðu þau á smitleiðir þaðan, og náðu að hindra útbreiðslu kórónuveirunnar.  Fyrstu smit voru skráð þar rúmum mánuði áður en hér (28. feb), samt er fjöldi smita hér þrefaldur á við Taivan en okkur vantar ennþá 45 smit til að ná fjöldanum í Singapúr, en þeir eru ennþá að glíma við afleiðingarnar af fyrsta smitunum frá Kína, áður en lokað var á landið.

 

Ef maður vill vera kurteis, þá má segja að sóttvarnarlæknir sé haldin meinloku, þegar hann kennir ferðalögum Íslendinga um innanlandssmitið, því það var hans að skera á smitleiðir í tíma.

Síðan er það afneitun á mjög háu stigi að kannast ekki við árangur Austur Asíu þjóðanna sem einmitt gerðu það sem hann lagðist gegn að yrði gert.

 

Ferðamenn smita ekki segir hann síðan.

En hvernig veit hann það fyrirfram??

Ítalía byggði sína greiningu á fyrsta Ítalanum sem greindur var með kórónaveiruna, en ef veiran var þá þegar útbreidd, munum að annars hefði hún ekki stökkbreyst, hverjir komu þá með smitið??

Fuglarnir??

 

Það er lán að ferðamenn frá smituðum svæðum sýktu okkur ekki, en það gat enginn séð fyrirfram.  Það eina sem er vitað er að sá sem er smitaður, hann getur smitað aðra.

Skiptir ekki máli hvort hann er innlendur eða erlendur, ferðamaður eða skipbrotsmaður, smitaður einstaklingur ber með sér smit.

Við virðumst bara hafa verið svo heppin að þeir sem komu hingað voru lítt eða ekkert smitaðir, en það var ekki vitneskja sem lá fyrir, og er aldrei hægt að fullyrða um fyrr en eftir á.

 

 

Meinloka, afneitun, en hvernig er hægt að útskýra þau orð hans að "við vit­um að þótt við reynd­um að loka alla úti myndi hún koma hérna inn fyrr en síðar þegar það yrði opnað aft­ur".

Hver er að tala um að loka alla úti??

Það er engin smithætta af fólki sem kemur frá löndum sem tóku veiruna strax föstum tökum og hafa náð að stöðva útbreiðslu hennar. 

 

Líkurnar á að ferðamenn frá Taivan, Hong Kong, Japan, Singapúr, frá stórum svæðum Suður Kóreu, og jafnvel Kína innan skamms, beri smit hingað er hverfandi, sem og að Íslendingar sem færu þangað, kæmu smitaðir heim.

Kæmi upp slíkt tilvik, þá er mjög einfalt að einangra það með öflugum smitvörnum líkt og menn nota þarna austur frá, og við höfum að mörgu leiti gert hérna líka.

 

En er þá lokað frá löndum þar sem veiran er ennþá grasserandi??

Nei, fólk sem kemur þaðan fer sjálfkrafa í 14 daga sóttkví, og síðan er fylgst með því.

Ekkert flókið og þetta virkar.

 

Af hverju bullar þá sóttvarnarlæknir þá svona??

Hvað veldur?

Og hvað er að dómgreind og þekkingu þess fjölmiðlafólks sem lætur bjóða sér svona fullyrðingar.

 

Það tekur svona 15-20 mínútur að afla sér upplýsinga um hvernig ríki Austur Asíu tókust á við veiruna.  Og ef menn eru nýkomnir af fjöllum, og hafa ekki vitneskju um þann árangur, þá sjá menn þetta eftir mínútu skoðun á listanum um kórónuveiruna í heiminum. 

Það þarf aðeins að kunna að lesa úr töflu, kunna að nota leitarforrit, og vera svo læs á einfaldan texta á útlensku, ef blaðamenn Morgunblaðsins eða Ruv eru það ekki, þá er til forrit sem heitir Google Translater, og gamalt fólk notar töluvert til að þýða úr ensku yfir í íslensku.

En flestir lesa hana bara.

 

Hvað afsakar Morgunblaðið eða Ríkisútvarpið?

Sóttvarnarlæknir er kannski að kikna undan álaginu, enda má aldrei gleyma að mikið og gott starf  hefur verið unni í baráttunni við veiruna, mistökin fólust í að loka ekki á hana í tíma.

En að blaðamenn elti hjarðhegðun heimskunnar í máli sem er dauðans alvara, þætti ekki einu sinni góð blaðamennska í Norður Kóreu.

 

Það er mál að linni.

Það eru mannslíf í húfi.

Rangar ákvarðanir hafa verið teknar, og þjóðinni er hótað að veiran fái að dreifa sér svo hún myndi hjarðónæmi.

Þegar það er hægt að stöðva hana með sóttvörn.

 

Stór skref í rétta átt hafa verið tekin.

Vonandi duga þau, en ef ekki, þá þarf að taka stærri.

Því mannslíf eru ekki metin, hvorki til fjár, óþæginda eða annað sem menn setja fyrir sig til að réttlæta tómlæti sitt gagnvart þeim.

 

Þetta var sagt austur frá.

Og þetta var framkvæmt austur frá.

 

Að við smáþjóðin, eylandið, getum ekki gert það sama.

Er fásinna, styðst hvorki við staðreyndir eða þá þekkingu sem við höfum.

 

Núna vitum við skýringuna.

Og það er okkar að bregðast við.

 

Gleymum því aldrei.

Kveðja að austan.

Hinn kosturinn væri að gera ekki neitt

Lang­flest­ir sem smituðust af veirunni fengju væga sýk­ingu.

 

Minnir sóttvarnarlæknir þjóð sína á, réttlætir þar stefnu sína að leyfa þjóðinni að sýkjast, undir kontról en ekki stjórnlaust.

 

Endurtekur nákvæmlega sömu frasana og ítalski kollegi hans þegar hann róaði landa sína fyrir 2 vikum eða svo. Vissulega væri eldra fólki hætta búinn, en að öðru leiti væri veiran meinlítil.

Jú, eitthvað eldra fólk hafði dáið, en það hefði dáið hvort sem er.  Og jú, einhverjir voru á gjörgæslu, en allt viðráðanlegt, síðan væri sýkta svæðið, nokkrir bæir í Lombardy héraði í sóttkví.

Allt undir stjórn, eitthvað sem gengur yfir án teljandi erfiðleika.

 

Í dag talar enginn svona á Ítalíu, veiran tók sér tíma í að sýkja fólk, 3-5 vikur, og alltí einu urðu væg einkenni lífshættuleg, líka hjá fullfrísku fólki sem ekki var komið á aldur.

Og það voru ekki sérfræðingar í sínum fílabeinsturni sem sendu út neyðarkallið, það var fólkið á gólfinu.

 

Íslensk kona á viðtali við K-100 sagði frá einu neyðarkallinu; "Ég fékk send skilaboð frá starfsfólki á spítala. Það hvetur fólk til að vera heima og að það eigi að taka þetta mjög alvarlega. Það er fólk á mínum aldri sem er mjög veikt núna inni á spítala. Það er ekki nógu mikið pláss fyrir alla. Starfsfólkið á spítölum er komið á þann stað að það þarf að velja hver fær að lifa og hver að deyja".

 

Tilfallandi dramtík??

Lesum þá á enskri tungu (þýtt úr ítölsku af Gúgla þýðara) ákall Ítalski læknirinn Daniele Macchini á feisbókarsíðu sinni;

"One after the other, the unfortunate poor come to the emergency room. They have anything but the complications of a flu. Let;s stop saying it;s a bad flu. In these 2 years I have learned that the people of Bergamo do not come to the emergency room at all. They did well this time too. They followed all the indications given: a week or ten days at home with a fever without going out and risking contagion, but now they can;t take it anymore. They don;t breathe enough, they need oxygen.".

Já sjúklingarnir halda þetta ekki út, þeir geta ekki andað, þeir þurfa súrefni til þess.  og þetta er ekki bara fólk sem er hvort sem er veikt eða gamalt, og ef deyr ekki úr þessu, þá deyr það bara úr einhverju öðru, hinn undirliggjandi tónn fyrirlitningarinnar gagnvart mennsku náungans.

"I also assure you that when you see young people who end up in intubated intensive care, pronated or worse in ECMO (a machine for the worst cases, which extracts the blood, re-oxygenates it and returns it to the body, waiting for the organism, hopefully, heal your lungs), all this tranquility for your young age passes. And while there are still people on social networks who pride themselves on not being afraid by ignoring the indications, protesting that their normal lifestyle habits are "temporarily" in crisis, the epidemiological disaster is taking place.".

 

Hér er annað ákall sem ítalskur læknir birti á Twitter daginn áður en ítölsk sóttvarnaryfirvöld viðurkenndu að þetta væri ekki meinlaus sótt sem gengi yfir samfélagið án teljandi afleiðinga.

" 6/ My friends call me in tears because they see people dying in front of them and they con only offer some oxygen. Ortho and pathologists are being given a leaflet and sent to see patients on NIV. PLEASE STOP, READ THIS AGAIN AND THINK.

7/ We have seen the same pattern in different areas a week apart, and there is no reason that in a few weeks it won’t be the same everywhere, this is the pattern:

8/ 1)A few positive cases, first mild measures, people are told to avoid ED but still hang out in groups, everyone says not to panick 2)Some moderate resp failures and a few severe ones that need tube, but regular access to ED is significantly reduced so everything looks great

9/ 3)Tons of patients with moderate resp failure, that overtime deteriorate to saturate ICUs first, then NIVs, then CPAP hoods, then even O2. 4)Staff gets sick so it gets difficult to cover for shifts, mortality spikes also from all other causes that can’t be treated properly.

10/ Everything about how to treat them is online but the only things that will make a difference are: do not be afraid of massively strict measures to keep people safe, ".

 

Verið ekki hrædd við útgöngubann, það er eina leiðin til að bjarga fólki.

 

Ítölsk sóttvarnaryfirvöld höfðu að vísu ekki Kára klára til að segja þeim að þetta væri móðursýki, það fylgdi starfinu að sjá fólk deyja.

Þau létu undan, gáfust uppá að stýra útbreiðslunni, gripu til alvöru sóttvarna til að lágmarka mannfall í þjóðfélagi þar sem drepsótt breiddist út á veldishraða.

 

Og það virðist enginn hafa frétt af honum Kára á Spáni, í Þýskalandi, í Frakklandi, Noregi eða Danmörku.

Þar er líka gripið til sóttvarna í tilraun til að stöðva vírusinn en ekki láta hann mynda hjarðónæmi eins og stefnan er hér á Íslandi.

 

En á Íslandi er Kári maðurinn, um orð hans efast enginn, staðreyndir heimsbyggðarinnar eru þvættingur hér, ef Kári segir svo.

Fólk trúir því að það sé ekki hægt að stöðva útbreiðslu veirunnar þó milljóna þjóðir og tugmilljóna þjóðir hafi gert það.

Þjóðir sem höfðu mikil samskipti við Kína og fengu smit þaðan í árdaga heimsfaraldursins.

Þar er ekkert Ítalíu ástand, þar er vírusnum haldið i skefjum og þar gengur mannlífið sinn vanagang.

 

Hér á að leyfa þjóðinni að sýkjast.

Enda að sögn sóttin ekki alvarleg nema fólki i áhættuhópum.

Reynslan af hinum stökkbreytta vírus á Ítalíu hundsuð.

Hvað þá að menn íhugi í eina mínútu hvað gerist ef veiran verður ennþá illvígari og leggst af fullum þunga á yngra fólk.

 

Við vitum betur.

Við erum klárust.

 

En mun raunveruleikinn taka undir það viðhorf??

Þar liggur efinn.

Kveðja að austan.

 

Ps.  Ítalía nýjustu fréttir, fjöldi látinna síðasta sólarhring 349, heildarmannfall 2.158.

Singapúr, nýjustu fréttir; fjöldi látinna síðasta sólarhring 0, heildarmannfall 0.

Þetta hljóta að vera rosalega molbúar og heimskingjar í Singapúr, við erum heppin að hafa sömu sérfræðinga og Ítalir, það eru sko menn sem kunna sitt fag.

Misskilningur í gangi um hjarðónæmi