Sóttvarnarlæknir hafnar hugmyndinni.

 

Og þá er það eins og guð hafi sagt það.

 

En hver eru afrek hans??

Undir styrkri stjórn hans erum við sýktasta þjóð heims miðað við hausatölu.

Þjóðir sem hafa notað þá aðferðafræði sem hann hafnar, að loka á smitleiðir, þær eru minnst sýktar þjóðir heims miða við hausafjölda.

Og lögreglan sem á að gæta öryggi borgaranna étur upp orð hans þó raunveruleikinn æpi á að þau séu bábiljur.

 

Lögreglan á Austurlandi, sem hefur fengið svipað ákall frá íbúum fjórðungsins, hafnar beiðni um lokun með þessum orðum; " .. þjóni ekki tilgangi sínum fremur en að loka landinu öllu. Það muni fremur fresta vandanum en leysa hann enda óvíst þá hversu lengi landshlutinn yrði að vera lokaður.“".

Sama dag og myndir bárust frá Whuan sem sýndu fólk á ferli.

Jafnvel lögregla, sem ekki veður í vitinu, á að geta talið á puttum sér dagana frá því að Whuan var sett í sóttkví og allsherjar útgöngubanni var komið á og þar til opnað var aftur.  Og ef hún getur það ekki þá hlýtur einhver kennari veitt þeim aðstoð við að telja. Það er gert svona; einn, tveir, þrír, fjórir, alveg þar til síðasti dagur sóttkvíarinnar er talinn.

Það er ekkert óvíst í þessu, veiran lifir ekki sjálfstæðu lífi og ef lokað er á allar smitleiðir hennar þá deyr hún út.

 

Ábyrgð lögregluyfirvalda á Austurlandi og Norðurlandi Eystra er mikil.

Deyi fólk á þessu svæði, þá er ábyrgðin þeirra.

Þau höfðu valdið til að grípa inní, en gerðu það ekki.

 

Það sárgrætilega er að það enda öll byggðarlög meira eða minna í sóttkví vegna smæðar og nálægðar.

Munurinn á sóttkvínni á norðausturhorninu og Húnaþingi vestra er sá að fólki var leyft fyrst að sýkjast í Húnaþingi, og svo var lokað. 

Þar sitja menn uppi með óttann og áhyggjurnar af afdrifum ættingja sinna og vina.

Og meðan er ekki lokað á smitleiðir þá er alltaf hætta á að sagan endurtaki sig.

 

Vissulega er fólk miklu meira á varðbergi núna, en halda menn að fólk hafi ekki gætt að sér í Vestamannaeyjum??

Að þetta séu bara sóðar sem kunni ekki að þrífa á sér hendurnar??

Meinið og málið er að veiran finnur sér smitleiðir líkt og hópurinn sem fór í skíðaferðalag fyrir norðan komst að.

Eina örugga sóttvörnin er að loka á öll samskipti við hana.

 

Íslensk sóttvarnaryfirvöld loka á öll samskipti við veiruna eftir að fólk er sýkt.

En sóttvörn felst í því að gera það áður.

Og hefur verið gert með góðum árangri í mjög fjölmennum löndum.

 

Það er ekki hægt að loka augunum fyrir þessari staðreynd.

Mjög fjölmenn lönd hafa náð að halda veirunni í skefjum og það er ekkert sem bendir til þess að hún brjótist þar stjórnlaust út.

Geri hún það samt í einhverri ókominni framtíð þá hafa viðkomandi stjórnvöld keypt þjóðum sínum tíma, hindrað ótímabær dauðsföll meðal íbúanna, og stytt þann tíma sem er í óhjákvæmilega lækningu.

Við lifum jú á 21. öldinni og þetta er ekki drepsótt eins og Svarti dauði sem gengur aftur og aftur.

 

Í vörn sinni fyrir hinu óverjanlega er þá gripið til staðleysa eins og það sé ekki hægt að loka samfélög inni, útgöngubann raski daglegu lífi fólks og stöðvi í raun allt samfélagið.

En er það ekki hvort sem raunveruleikinn í dag, æ fleiri á leið í sóttkví, aðrir lifa í viðvarandi ótta um að sýkjast??

Og hver tekur á móti fólki frá sýktasta landi í heimi??

Við erum að fá á okkur svipaðan stimpil og holdsveikir höfðu á öldum áður eins og íslenskir ferðalangar hafa reynt á eigin skinni í fjarlægum löndum.  Og það er rétt að byrja.

 

Það er því grátlegra en nokkrum tárum tekur að beiðni læknanna sem standa vaktina á norðausturhorninu hafi verið hafnað með vísan í órök og bábiljur, þvert gegn reynslu þjóða sem hafa gripið til slíkra aðgerða.

Hvort skyldi vera erfiðara að loka Raufarhöfn eða Peking??

Íslendingar í Peking segja borgina ósýkta og lífið sé farið þar að ganga sinn vanagang.

Samt á að sýkja byggðirnar fyrst áður en þeim er lokað.

 

Það er verið að gambla með líf fólks.

Og allir sem ábyrgðina bera eiga að skammast sín.

 

Skammist ykkar.

Kveðja að austan.

 

PS. Tölulegar staðreyndir ljúga ekki og orðavaðall um að aðrar þjóðir líti til okkar sem fyrirmynd í baráttunni við kórónaveiruna geta ekki vísað í slíkar staðreyndir. 

Ísland.  Smit 648 eða 1.899 per milljón íbúa.  Dauðsföll 2 eða 6 per milljón íbúa.

Singapúr.  Smit 558 eða 95 per milljón íbúa.   Dauðsföll 2 eða 0,3 per milljón íbúa.

Hong Kong. Smit 387 eða 52 per milljón íbúa.   Dauðsföll 4 eða 0,5 per milljón íbúa.

Taivan   Smit  235 eða 10 per milljón íbúa.    Dauðsföll 2 eða 0,08 per milljón íbúa.

 

Þessi Austur Asíu ríki fengu fyrsta smitið um mánuði á undan okkur, hafa mikil samskipti við Kína, bæði vegna nálægðar sem og að íbúarnir eru flestir af kínverskum ættum.  Við höfðum mánuð til að undirbúa varnir okkar og læra af þeim.

Tölfræðin segir að það hafi ekki verið gert.

Læknar vilja loka

Við erum ekkert að grínast.

 

Segir andlit sóttvarna Íslands.

 

Ef blaðamenn væru ekki mjög heimskir þá myndu þeir spyrja, af hverju leyfðir þú veirunni að dreifast um landið,

Af hverju erum við sýktasta land í heimi þegar þú sagðist ekki vera að djóka.

Jókerinn hefði sagt það sama, en hann var siðblint ómenni, en hann hefði vissulega hrósað sér af því að smita heila þjóð þannig að leitun væri að öðru eins.

 

Í hverju er þá grínið fólgið??

Útgöngubanni í samfélögum sem þið kallið óskilgreinda sóttkví.

Hvenær mun það enda??

Hvenær verður aftur sótt að Húnvetningum eða Vestmannaeyingum þegar næsta smitbylgja gengur yfir??

 

Eða húmorinn þegar þið gátuð ekki einu sinni séð til þess að það væri hægt að mæla smit í landinu vegna þess að þið voruð að verða uppiskroppa með pinna (því þið vanmátu veiruna), og þá hættuð þig bara að mæla, og eruð svo stoltir að því að þið hafið Evrópumet í fækkun smita.

Hvað heimskir getið þið verið að þegar faraldur sem á sér rætur aftur til 8. mars, að hann loki núna heilu bæjarfélagi, að þá sé allt í rénum, eins og dagatalið frá 8. til 24. sé ekki til.

Það er ekki hægt að toppa heimskuna, en sjálfsagt eru til grínarar sem gætu gert það.

Mér skilst að Gísli Marteinn sé á lausu.

 

Hert samkomubann hjá sýktustu þjóð Evrópu.

Eru það 20? einstaklingar sem mega ekki lengur hittast?

Nema pólitísku ræflarnir í Þýskalandi og Bretlandi sem tala um 2 einstaklinga, þeir eru ekki grínarar, þeir hlusta ekki á speki hinna íslensku sóttvarnarsérfræðinga.

Náð okkar þjóðar er mikil að eiga svona frammúrskarandi sérfræðinga sem halda haus, þegar aðrar þjóðir, milljóna þjóðir, tugmilljóna þjóðir halda að útgöngubann virki, þegar við vitum betur.

Vit okkar er miklu meira en hlutfallið frá 2 yfir i 20, við erum gáfuðust, við höldum sko blaðamannafundi.

 

Á meðan dreifist veiran út.

Eins og enginn sé morgundagurinn.

 

Og ég get svo svarið það.

Hún er ekki að grínast.

Kveðja að austan.

 

PS. Og ef eitthvað getur toppað heimskuna, þá eru það þessi orð landlæknis;

" „Við erum upplýst og dugleg þjóð. Við eigum frábærlega menntað og duglegt heilbrigðisstarfsfólk. Við erum með góða innviði og kunnum að standa saman þegar á þarf að halda. Ef við við getum ekki tekist á við þessa veiru hver þá?“".

Við erum ekki upplýst þjóð, þá værum við ekki með um 1.899 smit á milljón íbúa, þá værum við ekki svo hissa að þjóðir í nauðvörn hleypi ekki smituðustu þjóð í heimi í land á flugvöllum sínum líkt og nýjustu fréttir herma.

Ef við værum upplýst, og sóttvarnaryfirvöld okkar væru ekki Jókerar, þá værum við með smit eins og Taivan, með 9 smit per milljón íbúa.

Og þeir sem deyja í dag og næstu daga, væru á lífi.

En Jókerinn spáir reyndar ekkert í slík sannindi, telur það reyndar löst frekar en kost.

En hver hefði trúað að hann væri helsti ráðgjafi íslenskra sóttvarnaryfirvalda.

Ha ha, því líkt bull, en sá sem hlær, hann tók ekki með í reikninginn Hjarðhegðun heimskunnar.

„Við erum ekkert að grínast með þetta“

Fávitafrétt um fávita.

 

Fólk er að deyja, og regluverkið þvælist fyrir.

Þó það sé frá Evrópu, þó það sé geirneglt í EES samninginn líkt og braskaravæðing orkuauðlinda okkar, eða innflutningur á sýklum, þá er mikið að ef Skriffinnurinn fær að flækjast fyrir.

 

Á stríðstímum er það fyrsta sem stjórnvöld gera (fullorðið fólk en ekki börn) er að fangelsa svona fólk.

Sem vinnur með óvininum hvort sem það er að miðla upplýsingum líkt og kostaði nokkra lífið á Bretlandi á sínum tíma (voru hengdir fyrir miðlun upplýsinga), eða vinnur með veiru.

 

Ef blaðamenn eru valdir eftir öðru en útliti eða klæðaburði, þá væri þessi frétt ekki svona orðuð.

Ef eitthvað er á milli eyrnanna, þá yrði einfaldlega spurt, af hverju er ekki búið að fjarlægja þessa manneskju??

Á það benti Kári í annað eða þriðja sinn í netfærslum sínum, nema hann var svo kurteis að benda á alvarleikann og afleiðingarnar en lét okkur hinum um spurninguna.

 

Ömurleikinn er nefnilega slíkur að það dugar ekki að tala við ráðherra, Kári þarf að virkja almenningsálitið svo kerfið lúffi.

Sem honum er ekki fyrirgefið, ný hindrun er sett út í stað þeirrar sem fólkið fjarlægði.

 

Þetta er ekki boðlegt.

Þetta er ekki viðunandi.

 

Og skammist ykkar Moggamenn að fatta það ekki.

Þið eruð ekki eyland, þið eigið líka ástvini eins og við hin.

 

Við breytum ekki fávitum EES regluverksins.

En á dauðans alvörum tímum er það fávitafrétt að vitna í þá.

Það eru mannslíf í húfi.

 

Gleymum svo ekki hvaða skoffín var það fyrsta sem flúði þegar ljóst var að hið evrópska regluverk um frjálst flæði á sýktu fólki hafði gert Ísland að sýktustu þjóð Vesturlanda.

Það var sjálfur sendiherra hins frjálsa flæði á sýklum og sjúkdómum.

 

Hann gat ekki feisað afleiðingar hins frjálsa flæðis.

En okkur ber skylda að berjast við það.

Kveðja að austan.

Gagnrýnir ÍE fyrir að láta ekki vita strax

Hvað er öðruvísi á Íslandi en öðrum sýktum löndum??

 

Jú faraldurinn er ekki eins langt genginn og því höfum við ennþá tíma.

Þess vegna spyr maður sig, af hverju er þessi tími ekki nýttur??

Hann bjargar jú mannslífum, er það ekki einhvers virði.

 

Það er strangt útgöngubann á Ítalíu og Spáni.

Sem fólk tekur alvarlega því það vill ekki að fleiri deyi, en þegar er teiknað í skýin vegna þess að kjarklaus stjórnvöld hlustuðu á úrelta sóttvarnarlækna sem sögðu, það er ekkert hægt að gera annað en að hægja á útbreiðslunni.

Á sama tíma var margt gert í löndum Austur Asíu, og það virkaði.

Við værum  til dæmis með því sem næst ósmitað land ef við hefðum lokað í tíma á þekktar smitleiðir, í stað þess að vera með fleiri smit í fjölda talið, ekki hina margfræga hausatölu, en milljóna þjóðir Austur Asíu.

Og hefðu Ítalía og Spánn haft leiðtoga sem segðu hinu úreltu sóttvarnaryfirvöldum að halda kjafti, og sett strax á útgöngubann, þegar ljóst var í hvert stefndi, þá væri Kína ennþá með flest dauðsföll í heiminum í dag.

Þau gerðu það ekki og fólk geldur þess með lífi sínu.

 

Við breytum ekki þeirri staðreynd að þjóðinni var vísvitandi leyft að sýkjast og við stefnum óðfluga inní lokakafla veirusmitsins, þegar hún springur út og ekkert verður við ráðið.

En við þurfum ekki að láta allt enda með ósköpum eins og raunin varð á Ítalíu, og allt bendir til að verði líka á Spáni, þó var gripið fyrr þar í taumana svo hugsanlega verður faraldurinn þar ekki eins slæmur og hefði orðið ef menn hefðu tekið ítölsku smitleiðina alveg í botn.

Við þurfum þess ekki ef við höfum ennþá vott af manndóm í okkur og stöndum upp og mótmælum.

Þó það væri ekki annað en vegna ástvina okkar.

 

Ferðamenn smita ekki, það er ekki hægt að setja alla sem koma til landsins í sóttkví er okkur sagt.

Í Morgunblaðinu í dag er viðtal við konu sem fékk örugglega smit frá erlendum ferðamönnum því ekki hafði hún verið í tengslum við Ítalíufara þegar hún fékk smitið.  Til að geta haldið áfram að ljúga í þjóðina, þá var erindi hennar ekki svarað þegar hún bað um mælingu.  Hver veit hvað það vítaverða athæfi á eftir að kosta marga smitaða áður en yfir líkur??

Í öðru viðtali er sagt frá Ítalíusmiti, líklegast af hurðasnerli, og sami Ítalíusmitberi smitaði son sinn án þess að hitta hann, en sonurinn gekk frá farangri foreldra sinna.

Síðan er okkur talið í trú um að smitaðir ferðamenn geti ekki borið smit inní landið, að lífsýni sem þeir skilja eftir sig út um allt, sýki ekki íslenska ríkisborgara, en hvað þá með alla erlendu ríkisborgarana sem vinna hérna??, er smitveiran líka vandlát á þá??

 

Heimskan æpir framan í vitborið fólk, sem er tegundaheiti okkar, Homo sapiens, en samt komast sóttvarnaryfirvöld upp með útskýringar sínar eins og við séum öll stödd í Leikhúsi fáránleikans.

Og þegar allt um þrýtur, þá er sagt að ekki sé hægt að setja alla sem koma til landsins í sóttkví.

 

Af hverju er það hægt í Peking, íbúafjöldi 21 miljón, hjarta stjórnsýslu Kína?  Þar eru ótal leiðir inní borgina, og hún er ekki sýkt, það staðfesta útlendingar sem búa í borginni.

Af hverju er það hægt í Taivan, íbúafjöldi 28 milljónir, fjöldi smita 169, samt loka þeir á erlenda ferðamenn, við með okkar 569 smit, treystum okkur ekki til þess að sögn.

 

Þetta er drepsótt segja Ítalskir læknar.

Hérna heldur hjarðhegðun heimskunnar að þetta sé meinlítil flensa nema fyrir fólk í áhættuhópum.

Meinlítil flensa sem hægt er að stýra, og þegar það mistekst sem það augljóslega er búið að gera, þá er það vegna þess að ekkert er hægt að gera.

Annað en að veiran sýki okkur og drepi.

 

Ég las brandarabréf hjá leiðarahöfund Morgunblaðsins núna í morgun.

Ástæða þess að við tölum ekki þýsku og heilsumst með Heil kveðju er sú að fyrir nokkrum áratugum var eldri maður sem brást ekki þjóð sinni þegar hann sá í hvað stefndi.

Hann sagði ekki brandara, hann talaði mannamál á Ögurstundu.

Hann fór gegn Hjarðhegðun heimskunnar og hlaut bágt fyrir.

 

Hann er talinn maður að meiri í dag.

Kveðja að austan.

„Útgöngubann ekki á teikniborðinu“

Við erum öll Vestmannaeyingar.

 

Hugur okkar er hjá þeim, megi þeim takast að sigrast á þessum vágesti.

En til þess er aðeins ein leið, og það er stríð við veiruna, loka á allar smitleiðir hennar, því eins grálynd og hún er, þá lifir hún ekki ein og sér með sjálfri sér.

Hún þarf hýsil.

Vestmanneyingar þurfa að taka þetta stríð, það er ekkert shortcut hvað það varðar.

 

Við verðum svo öll Vestmannaeyingar innan ekki svo skamms, með smituðu samfélög, fólk sem við þekkjum í einangrun, óttumst bæði um líðan þeirra, sem og leitar á okkur spurningin, hver verður næstur.

Vegna þess að við tökum þetta ekki alvarlega.

Við kóum með hjarðhegðun heimskunnar sem mærir stjórnvöld sem á öllum stigum málsins hafa tekiði réttar ákvarðanir, en of seint.

Eltast því við skottið á veirunni og hún er að stinga af.

Forheimskan er á því stigi að þegar aðrar þjóðir hafa náð raunverulegum árangri, eða gripið til róttækra aðgerða eins og að loka landamærum, þá hæðum við þær, segjum að við vitum betur.

 

Það er aðeins eitt sem getur hindrað að við verðum öll Vestmanneyingar, og það er útgöngubann.

Strax á morgun.

Um framkvæmd þess getum við lesið okkur til um hvernig að málum er staðið í dag á Ítalíu, eða Spáni, fer eftir hversu róttækra aðgerða er þörf.

 

Hvatning um samstöðu heimskunnar virkar hins vegar ekki.

Sorrý.

 

Það er bara svo.

Kveðja að austan.

 

 

27 smitaðir og tæplega 400 í sóttkví

Sóttvarnaryfirvöld stíga skref í rétta átt.

 

Á meðan íslenska ríkisstjórnin heykist á að setja útgöngubann líkt og alvöru stjórnvöld gera víðsvegar um heim þá er ábyrgðinni kastað á sóttvarnaryfirvöld að gera það sem þarf að gera.

Að drepa veiruna áður en hún drepur okkur.

Hertar aðgerðir gera aðeins eitt, minnka líkur á smiti einstaklingsins og þar með fækkar hugsanlegum dauðsföllum á næstu vikum.

 

Stóra spurningin er eftir, af hverju taka stjórnvöld ekki af skarið og vernda þjóð sína??

Með því að setja á útgöngubann líkt og núna gildir á Ítalíu, Spáni, í nokkrum borgum og ríkjum Bandaríkjanna og víðar.

Af hverju er þetta ekki gert í tíma, af hverju þarf að láta fólk deyja að óþörfu til að menn hafi kjarkinn til að gera það sem þarf að gera.

 

Hefði þetta verið gert strax á Ítalíu, þá væri veiran ekki stjórnlaus þar með tilheyrandi mannfalli.

Það er ástæðan fyrir því að þessi ákvörðun er tekin víðsvegar í Bandaríkjunum um leið og menn gerðu sér grein fyrir hraðri útbreiðslu veirunnar.

Og það er ástæðan fyrir því að það þarf að taka þessa ákvörðun hérna líka.

 

Mannslíf eru undir.

Og það er frumskylda stjórnvalda að vernda líf og limi landsmanna.

Stjórnvalda ekki embættismanna.

 

Það er með þetta eins og að frysta verðtrygginguna, það verður gert, þegar alvaran verður ekki umflúin.

Aldrei of seint, en skaði samt skeður.

 

Það er það sem leiðtogar vita og skilja.

Þess vegna grípa þeir til nauðsynlegra aðgerða í tíma.

Þannig næst mesta viðspyrnan, þannig eru hin sífeldu slagsmál til að lágmarka tjónið.

Gagnvart efnahag, gagnvart heilsu og lífi fólksins.

 

Svo ég vitni aftur í konuna sem reis upp í Danmörku; "".. sagði rík­is­stjórn­ina hafa ákveðið að frek­ar skyldi gengið of hart fram en of skammt. „Við erum á ókunn­um slóðum. Ég hef spurt mig hvort við mun­um gera ein­hver mis­tök, og svarið er klár­lega já. En ég vil frek­ar að við göng­um of harka­lega fram en öf­ugt.".

Núna þurfum við svona leiðsögn.

Embættismenn okkar eiga heiður skilið fyrir að þora stíga viðbótarskref sem mun gagnast í stríðinu við þennan grálynda vágest.

En þeir voru ekki kosnir til að leiða.

 

Á meðan grefur veiran um sig þrátt fyrir viðleitni til að stöðva hana.

Það munar um hvern dag.

Hver dagur til spillis lengir þann tíma sem veiran fær að leika lausum hala.

Hver dagur til spillis bitnar á heilsu og kostar líklegast líf sem annars hefði verið hægt að bjarga.

 

Það er ekki spurning hvað Ítalir myndu kjósa fengju þeir annað tækifæri.

Við höfum ennþá það tækifæri.

 

Nýtum það.

Kveðja að austan.

Tillögur um hertar aðgerðir á borði ráðherra

Heimurinn fraus.

 

Og meðan hann er í frosti er það grunnskylda stjórnvalda að frysta alla ytri umgjörð heimila og fyrirtækja.

Mörg stór skref eru stiginn, það er þakkarvert.

Önnur eru ekki stigin og það er skelfilegt.

Það er ekki hægt að stoppa útí miðri straumharðri á, og segja, sjáið, ég hef aldrei komist svona langt áður.

 

Þannig virkar talið um milljarðana  eða hlutfallið af þjóðarframleiðslu.

Það dreifir athyglinni frá aðalatriðinu sem er sleppt.

Frysting verðtryggingarinnar og skjól fyrir heimili og fyrirtæki gagnvart innheimtu lána.

 

Það er greinilegt að fjárúlfar, þessir sem fengu frítt spil til að blóðmjólka þjóðina eftir Hrunið haustið 2008, bera út fólk, hirða eigur þess, hvort sem það er heimili eða fyrirtæki fyrir lítið sem ekki neitt, að þeir hafa haft hönd í bagga með blessaða barnaláninu.

Fjármálastofnanir eiga að velja og hafna, gjöropið er fyrir klíkuskap, vinahygli, að ekki sé minnst á að hirða eigur af einum og afhenda öðrum á skilmálum sem upphaflega eiganda stóð aldrei til boða.

Lærdómurinn er enginn af Hruninu 2008.

 

Síðan er það öruggt að gengið mun láta undan.

Bæði hér og annars staðar.

Boðaðar aðgerðir ríkisstjórna um allan heim er í raun peningaprentun á meðan áfallið ríður yfir, í þeirri von að bæði heimili og fyrirtæki lifi af hið fordæmalausa ástand.

Það eina sem er öruggt er samdráttur, bæði vegna þess að ferðamannaiðnaður heimsins gufar upp á einni nóttu, sem og vegna þess að lokun samfélaga og ótti við smit, dregur úr allri neyslu.

 

Að hafa verðtryggingu við þær aðstæður eru áður óþekkt fáráð sem aðeins eitt toppar.

Og það er sú gjörð að leyfa skynlausum skepnum að flytja inn hrátt ófrosið kjöt inn í land sem er með einangraða búfjárstofna ásamt því að búa að kjötframleiðslu þar sem sýklalyfjanotkun er í lágmarki.

Sá djöfulskapur, því þetta er ekkert annað en fláráð ættað úr ranni illskunnar, hefði getað valdið hér svipuðum faraldri meðal búfjárstofna okkar og við upplifum með kórónaveiruna.

Fyrir utan að sóttvarnarlæknar vara okkur við að fjölónæmir sýklar séu mesta heilsufarsleg ógn sem mannkynið stendur frammi fyrir. 

En græðgin og siðblinda á því stigi að ekki var hlustað.

 

Alvara lífsins, að við séum dauðleg, er að renna upp fyrir okkur.

Veiran, hinn ósýnilegur óvinur getur drepið okkur umvörpum.

Efnahagsframleiðsla okkar er algjörlega háð maurabúum Kína, og þaðan koma veirusýkingarnar á færibandi yfir heimsbyggðina.

Frjálst flæði á vöru og þjónustu milli landa er ekki sjálfgefið, aðstæður geta komið sem loka á slíkt flæði. 

Og sjálfstæð ríki þurfa að vera undir það búin.

 

Vesturlönd eru berskjölduð í dag því þau leyfðu örfáum auðmönnum að flytja tækniþekkingu og arðbæra framleiðslu út landi í þrælaverksmiðjur globalvæðingarinnar.

Þessu þarf að breyta.

Eins þurfum við Íslendingar að stöðva eitt skipti fyrir allt skynlausar skepnur að hakka í sig fyrirtæki og heimili, sem og þær sem vísvitandi sóttu aðstoð til Brussel til að rústa íslenskum landbúnaði, fórna bæði matvælaöryggi þjóðarinnar sem og leggja lýðheilsu hennar undir.

 

Fyrsta skrefið er að afnema reglugerðina um frjálsan innflutning á sýklum, og dæma ábyrgðaraðila þeirra löggjafar til skóggangs líkt og gert var við óbótamenn á þjóðöld.

Annað skrefið er að frysta verðtrygginguna svo hin fordæmalaus kreppa sem framundan er muni ekki sjúga allt eigið fé úr heimilum og fyrirtækjum.

Þriðja skrefið er að fjötra Fernisúlf eða fjárúlfana, að þeim verði ekki leyft að rífa í sig heimili og fyrirtæki líkt og þeir fengu eftir Hrunið mikla 2008.

Fjórða skrefið er að halda samfélaginu á lífi með öllum þeim meðölum sem tiltæk eru, og séu þau ekki tiltæk, þá finna þau upp.

 

Því heimurinn mun þiðna.

Þá skiptir öllu að líf sé í samfélaginu og þróttur til að takast á við aðkallandi verkefni og vandamál.

Til að endurreisa, nýta tækifæri, til að vaxa og dafna.

Að gróandinn fái að græða og lækna.

 

En samt.

Blessað barnalánið stefnir í rétta átt.

 

Og það er bara flott.

En þetta er ekki búið.

O Nei.

 

Aðeins rétt að byrja.

Kveðja að austan.

„Heimurinn breytist við svona áfall“

Ítalíusmitberarnir eru á beinni ábyrgð sóttvarnaryfirvalda.

 

Þau leyfðu þeim að fara, þau leyfðu þeim að koma, og þau leyfðu þeim að dreifa smitinu útí þjóðfélgið.

Það næsta sem þau hafa komist til að játa mistök sín má finna í þessum orðum landlæknis í viðtali við Morgunblaðið; "Áttuð þið von á að út­breiðslan yrði svona hröð? „Nei, ég get ekki sagt það. Reynd­ar rann upp fyr­ir mér ljós fyr­ir nokkr­um vik­um um hvernig þetta gæti þró­ast en ég held að ekk­ert okk­ar hafi séð það fyr­ir þegar fyrsta til­fellið greind­ist 28. fe­brú­ar, hversu hratt til­fell­um myndi fjölga,“".

Við megum ekki gleyma því að allan tímann voru sóttvarnaryfirvöld vöruð við að leyfa ferðalög til Ítalíu, bæði í ljósi þess að þá virtist stjórnlaus faraldur hafa brotist út í Hubei héraði í Kína sem og að slíkt virtist í uppsiglingu á Norður Ítalíu, allavega höfðu stjórnvöld þar sett nokkra bæi í einangrun.

Af hverju þjóðin skyldi ekki vera látin njóta vafans á meðan þróun mála á Ítalíu myndi skýrast, er óskiljanlegt og í raun glæpsamlegt.

 

Um þennan glæp er öskrað á þjóðarsamstöðu í dag.

Engin lærdómur, engin trygging fyrir að sama dómgreindarleysið ráði för þegar við sem þjóð neyðumst til að grípa til sömu aðgerða og gert var í Whuan og ríki víða um heim eru þegar farin að grípa til.

Það var ekki flókið að loka landamærunum, það er gert í dag gagnvart íslenskum ríkisborgurum og enginn kvartar. 

Hefði það verið gert í tíma eins og í Taivan, þá værum við aðeins með örfá smit og hugsanleg allt undir stjórn.

 

Sóttvarnaryfirvöld í Taivan höfðu líka þá dómgreind og vitsmuni að skilja að veirusmit fer ekki eftir þjóðerni smitbera, allir sem komu frá sýktum svæðum fóru í sóttkví, og síðan fylgst með þeim. 

Hér gerðum við það of seint og bara gagnvart íslenskum ríkisborgurum.

Í raun er ennþá leyfður innflutningur á smiti, og því í raun unnið gegn þeirri viðleitni sóttvarnaryfirvalda að reyna einangra veiruna með sóttkvíum hugsanlegra smitaðra.

Við erum sem sagt með flott slökkvilið, um fagmennsku þess er ekki efast, en brunavarnir leyfa brennivargi að ganga lausum og kveikja í eftir vild.

 

Taivanar sem eru með prómil smit per milljón íbúa hafa samt áhyggjur af heimsfaraldrinum og telja ekki lengur neitt land vera öruggt.

Þess vegna hafa þeir lokað landamærum sínum fyrir allri umferð nema menn eigi þangað brýnt erindi.

Vegna þess svo ég vitni enn og aftur í þarlendan heilbrigðisráðherra; ""If we don t close our borders now, I am afraid it will be too late"", orð sem voru mæld á síðasta miðvikudag og landinu lokað deginum eftir. 

Hér truflar okkur það ekki einu sinni að erlendur ferðamaður látist í anddyri sjúkrastofnana okkar.

 

Við vitum nefnilega mest og best.

Restin af heiminum eru bara molbúar sem vita ekki hvað þeir eru að gera.

 

Eina haldreipi sóttvarnaryfirvalda er að veiran verði ekki eins morðóð hérna og á Norður Ítalíu, en það er ekkert sem bendir til þess.

Því miður en það má lifa í voninni.

 

En skynsamt yfirvald trúir ekki á glópalán.

Það grípur inní smitleiðir, það verndar þegna sína.

 

Veiran er líklegast það útbreidd að núverandi aðgerðir duga ekki.

Eina færan leiðin sem eftir er er Whuan leiðin sem margar þjóðir hafa gripið til.

 

Af hverju??

Hún virkar, hún bjargar mannslífum í stórum stíl.

Og hver dagur sem líður án þess að það er gripið til hennar, eykur mannfall.

 

Svo einfalt er það.

Faktur.

 

Næg er ábyrgð sóttvarnaryfirvalda þó þau geri þessi mistök ekki líka.

Það eru mannslíf í húfi.

Kveðja að austan.

 

473 smitaðir af kórónuveirunni

Wu­h­an veit­ir heim­in­um von

 

Er haft eftir framkvæmdarstjóra WHO.

Orð að sönnu og munum að kínversk stjórnvöld gerðu ekkert annað en það sem er viðurkennt í fræðunum, þau skáru á smitleiðir milli fólks.

Og það er þetta sem er verið að gera víðsvegar í heiminum, núna síðast í stórum borgum Bandaríkjanna.

 

Eina spurningin snýst um vilja stjórnvalda á hverjum stað.

Hvort þau ætli að drepa veiruna með öllum tiltækum ráðum,  eða hvort þau leyfi veirunni að drepa fólk.

Þetta snýst ekkert um hvers eðli stjórnarfar viðkomandi landa, aðeins þetta grunnviðhorf.

Að gefast ekki upp fyrir veirunni fyrr en hún er sigruðu.

 

Hjarðhegðun heimskunnar er meðal annars fóðruð á Íslandi með því að þetta sé tiltölulega meinlaus flensa fyrir flesta, nema fólkið sem það telur missa sig, fólk komið á aldur og fólk með undirliggjandi sjúkdóma.

Það hefði gott af því að lesa þessa lýsingu manns á besta aldri, hreint út sagt, hann var hætt kominn;

"„Ég var mest með fjöru­tíu stiga hita. Ég var með þessi týpísku flensu­ein­kenni; bein­verki, höfuðverk og mik­inn hósta. Í fjór­ar næt­ur svitnaði ég út úr rúm­inu. Við þurft­um að skipta á rúm­inu; það var allt renn­andi blautt. Kær­ast­an mín fékk aðeins væg­ari hita, en hún er með viðkvæm­ari lungu og hef­ur verið með ofboðslega slæma vöðva­verki. Hún hljóðar und­an verkj­um. Hún hef­ur verið virki­lega kval­in,“ seg­ir Jón­as, sem seg­ir að kær­ast­an sé enn með hita af og til. ".

Munum bara, það eru ekki allir svo heppnir að veikjast bara illa.

Sumir koma ekki til baka.

 

Þetta er ekki flensa segir ítalskur læknir í miðri eldlínunni.

Þetta er drepsótt.

 

Þetta er drepsótt.

Feisum það.

Kveðja  að austan.

Fjölgar í hópi þeirra sem snúa smitaðir heim

Þegar krosstré bregðast.

 

Þá kemur einstaklingurinn til bjargar.

Og við munum örugglega upplifa þetta aftur og aftur á þessum fordæmalausum tímum.

 

Einhver hefði getað spurt, gat ráðfólk okkar ekki gert annað en að setja inn statusa á feisbók þar sem það hvatti til samstöðu um sýkingu þjóðarinnar?

Til dæmis með því að hvetja til að strengir væru stilltir og öll ráð væru úti til að klófesta lífsnauðsynleg lækningatæki.

 

Þó má segja þessu blessaða fólki til vorkunnar, þó skömm þeirra og smán sé engu að síður algjör, að sóttvarnarlæknir sagði að það væri ekki að óttast.

Miðað við lokað Kína þá sýktust aðeins örfáir, og heildarfjöldi á gjörgæslu myndi varla ná þeirri tölu sem öndunarvélar ná að telja á Landspítalanum.

En hvað sem skýrði þau fáráð, þá er það engin afsökun fyrir ráðafólk að hafa sett dómgreind sína á ís og trúa allri vitleysu sem þeim er sagt, þó sérfræðingur sé hafður fyrir.

 

Dauðatölurnar frá Ítalíu, núverandi útbreiðsla drepsóttarinnar hér á landi, hafa algjörlega slegið þetta bull út af borðinu, reyndar líka nýjasta bullið sem kölluð er spá um útbreiðslu og afleiðingar og napur raunveruleikinn blasir við.

Að fólkið sem kóaði með og spilaði sig hálfvita á feisbók, að það hafði ekki unnið vinnuna sína.

Þrátt fyrir að vera í hópi best launuðu ráðamanna heimsins, og þá er ekki miðað við hausafjölda.

 

Fordæmalaus faraldur hefur náð fótfestu á landinu, og munum, í boði sóttvarnaryfirvalda og íslenskra stjórnvalda, og hann hótar að drepa okkur.

Umvörpum.

 

Það eina sem dugar til bjargar eru öndunarvélar.

Og það er aldrei til of mikið af þeim.

 

Þökk sé einstaklingnum.

Þá hefur allavega verið gefið í.

Fari allt á verri veginn, þá mun þessi gjöf bjarga mörgum.

 

Mannslífum.

Fólki sem við þekkjum.

Náunga okkar, ættingjum okkar, vinum.

Samborgara okkar.

 

Smán þeirra sem ekkert gerðu.

Er algjör.

 

Hafi hinir æðstu þökk fyrir.

Kveðja að austan.

„Við erum mjög, mjög þakklát“