Gróa hefur fullt traust ritstjórnar Morgunblaðsins.

 

Það urðu vatnaskil í síðustu viku í stóra KSÍ málinu þegar lögmaður Kolbeins afhjúpaði rangfærslur sem óðu uppi gagnvart KSÍ og formanni þess.

 

Það var ekki KSÍ sem gerði út lögmann til að þagga niður í meintum fórnarlömbum Kolbeins Sigþórssonar, það var lögmaður meintra þolenda sem fór fram á miskabætur gegn þöggun um atburðinn ásamt því að kæra gagnvart Kolbeini var dregin til baka.

Í millitíðinni upplýstist að axarskaft Guðna formanns KSÍ, sem hafði enga aðkomu að viðkomandi sátt eða viðbrögðum KSÍ í kjölfarið, var að telja sig bundinn trúnað við föður annars af meintu fórnarlömbum Kolbeins, að þetta mál væri afgreitt, það væri liðið með afsökunarbeiðni Kolbeins ásamt greiðslu hans á miskabótum.

Guðni greyið sá ekki fyrir rýtingsstungu hins meinta fórnarlambs, sem þáði bæturnar en taldi sig ekki lengur bundið að meintu samkomulagi við Kolbein, eða að heiðurssamkomulag Guðna við föður hennar hefði eitthvað gildi.

 

Þegar Sigurður G. lögmaður breyttist í fjölmiðil, og birti skúbb byggt á leka innan lögreglunnar þar sem allavega einn lögreglumaður ofbauð nornafárið gegn Guðna og Kolbeini, þá var ljóst að meintur sýnilegar áverki vegna ofbeldis Kolbeins, var ósýnilegur, en alveg hugsanlegur, svona á meðan hið meinta ofbeldi var ekki sannreynt.

En engan veginn í samræmi við lýsingar hins meinta fórnarlambs.

 

Eitthvað sem blasir algjörlega við og enginn hefur farið efnislega gegn, en nornafárið þess í stað veist að Sigurði G. fyrir að vera ólaunaður starfsmaður KSÍ, sem og að birta frásagnir kvenna sem hafa upplifað kynferðislegt ofbeldi, að sögn því það er ókært, og þær látnar vitna um að andmæli gegn vitnisburði meintra þolenda sé endurupplifun á þeirri eigin reynslu.

Röksamhengið ekkert varðandi þetta mál, en eftir stendur spurningin, "hví er ekki staðið á réttinum sem tryggður er með lögum??".

 

Ritstjórn Morgunblaðsins hefur treyst Gróu á Leiti til að stjórna umfjöllun blaðsins um það sem fullyrt er að sé gerendameðvirkni með nauðgunarmenningu, sem og þöggun þar um, þá gagnvart þeim landsliðsmönnum sem nauðga kvenfólki sem og að beita því öðru kynferðislegu ofbeldi.

Gróa væri ekki Gróa ef hún vitnaði í staðreyndir, eða kannaði sannleiksgildi áburðar, rógur og slúður er hennar vettvangur, og því hefur Gróa þagað mjög síðustu daga.

Jafnvel hún, þó það gildi reyndar ekki um Gísla Martein, hefur vit á að þegja þegar staðreyndir hafa afhjúpað rangfærslur í stóra KSÍ málinu, sem og sett alla málavexti í nýtt ljós.

Gróa veit eins og er að eftir að Guðni Th, forseti Íslands, sem er ekki sami maður og Guðni Bergsson fyrrverandi formaður KSÍ, stendur berrassaður út á berangri slúðursakursins, að þá er stutt í að fleiri verði krafðir um afsökun.

Sem og játningu um að hafa farið rangt með.

 

Gróu er samt ekki alls varnað, og í skjóli þess trausts sem hún nýtur innan ritstjórnar Morgunblaðsins, þá matreiðir hún einn eina frétt, sem á að styðja sögnina um gerendameðvirkni Knattspyrnusambandsins gagnvart nauðgunarmenningu sem á að  hafa þrifist í búningsklefum landsliðs þess í áratugi, og þá birtingarmynd samskonar nauðgunarmenningu innan íslenskrar knattspyrnu í þá sömu áratugi.

Skítum út, rógberum nóga marga er víst ritstjórnarstefna blaðsins þessa dagana, og þá er Gróa betri en engin.

 

Lesum kjarna fréttar Gróu;

"Þá hafa tveir leik­menn karla­landsliðsins verið sakaðir um nauðgun á sam­fé­lags­miðlum, án þess þó að hafa verið nafn­greind­ir. At­vikið á að hafa átt sér stað árið 2010 en þeir voru ekki í ís­lenska landsliðshópn­um í síðasta lands­leikja­glugga.".

Gróa telur sig vita að þeir voru ekki í hópnum í síðasta landsleikjaglugga, því Gróa veit hverjir þeir eru.

Og með róg sínum þrengir þá mjög hin hóp sem liggur undir grun.

 

Ég veit ekki hvaða fólk skipar ritstjórn Morgunblaðsins  í dag.

Ég veit hins vegar að því fólki yrði brugðið ef Gróa léti ekki staðar numið að saka landsliðsmenn um nauðgun, og íslenska knattspyrnumenn almennt um að vera meðvirka með nauðgunarmenningu, að hún myndi saka það næst um nauðgun, kynferðislegt ofbeldi.

Það og fjölskyldur þess.

Því það er ekki eins og Gróa hafi ekki áður slúðrað um ritstjórn Morgunblaðsins og eigendur þess.

 

Myndi hún þá njóta trausts ritstjórnarinnar??

Þó heimildin væri aðeins gróusaga og slúður, vissulega eitthvað sem er talið gjaldgengt innan Kennarasambands Íslands, enda kennarar aðeins láglaunafólk sem gegnir því ómerkilega starfi að mennta æsku landsins, sannast hið fornkveðna, að þjóðin uppsker það sem hún sáir til.

Þar liggur efinn.

 

Hingað til hefur Morgunblaðið ekki fjallað um eigið slúður, það er slúður sem beinst að einstaklingum innan ritstjórnar, eigendum, eða fjölskyldum þeirra, blaðið hefur jafnvel fordæmt Gróu við hin ýmsu tækifæri.

En það var þá, nýir tímar krefjast kannski að blaðamenn eins og Gróa séu séu það sem koma skal, annars eigi hefðbundnir fjölmiðlar ekki séns gagnvart slúðri samfélagsmiðla, að það sé lesið en fréttir sem byggjast á staðreyndum, eða að orðrómur sé rannsakaður, áburður sé kannaður, og sannreyndur, sé eitthvað sem enginn les, og því sjálfdautt, fjölmiðillinn dauður, allir atvinnulausir.

Að það sé skýring þess að Gróa sé í vinnu, að hún sé blaðamaður hins nýja tíma.

 

En samt, Gróu halda engin bönd.

Hvað ef??

 

Já hvað ef??

Því að hafa Gróu í vinnu er engin lausn.

 

Aðeins gálgafrestur.

Kveðja að austan.

Leikmenn gætu hætt vegna afskipta stjórnar KSÍ

En ertu fjárkúgari Guðni??

 

Það eru þín orð sem felldu stjórn KSÍ, sem vógu æruna af Kolbeini Sigþórssyni.

 

Eftir að meint fórnarlamb Kolbeins Sigþórssonar varð margsaga með staðreyndir máls, tölvupóstar og lögregluskýrsla afhjúpaði rangfærslur, svo eftir stóð, að augljóst var að Kolbeinn var dauðadrukkinn, og ástand hans var notað til að afla fjár, ásamt ókeypis borgarferð.

Þá verður að spyrja, hver er þáttur Guðna Th Jóhannessonar í seinni atlögunni að KSÍ og Kolbeini??

Málið var löngu afgreitt, miskabætur greiddar, kæra felld niður, Kolbeinn var tekinn úr landsliðinu í kjölfar þessa máls.

 

Væntanlega hefði þá málið átt að vera afgreitt, nema eitthvað gerðist.

Augljósar grunsemdir í dag, miðað við afhjúpaðar staðreyndir, að akur fjárplógsins hafi aftur verið nýttur, voru meiri peningar í spilinu??

 

Eitthvað sem Guðni Th gat ekki vitað um.

En af hverju stökk hann á vagninn??

 

Finnst honum virkilega ekki að einstaklingi, þó frægur sé og fulltrúi þjóðarinnar í landsliði Íslands í fótbolta, sé ekki nægjanlega refsað vegna atburðar á skemmtistað þar sem viðkomandi var augljóslega ofurölvaður, að hann gengist við sök, þó hann kannaðist engan vegin við hana, en kaust að taka orð meints fórnarlambs trúanlegt.??

Fannst Guðna Th það ekki vera nægjanleg iðrun að greiða miskabætur, og ná samkomulagi við hið meinta fórnarlamb, um að kæran væri felld niður??

Og af hverju fannst Guðna Th það ekki vera nægjanlegt hjá landsliðsþjálfurum Íslands að þeir tóku Kolbein úr liðinu sem spilaði í Bandaríkjunum??

 

Er Guðni Th púrítani eða talbani sem finnst aldrei nóg refsað þegar fólki verður á, þegar mannlegur breyskleiki fær það til að gera eitthvað sem það iðrast seinna??

Talibanar eru ekki gott fólk, samt vill Guðni Th vera betrungur þeirra.

Að vera svona ómenni eða illmenni.

 

Forseti þjóðarinnar!!!

Þá finnst mér það betra að hann sé meðvirkur, jafnvel gerandi, að hann hafi jafnvel verið uppá hlut.

 

Í þessu samhengi er aumast af öllu aumu að leita sér að skálkaskjóli að hann hafi notað rétt íslenskt mál, því það að vera fáviti í einhverju hefur ekkert með misþroska eða vanþroska að gera,

Reyndar eruð aðeins fávitar sem halda öðru fram, svo heimskt er það.

 

Íslensk tunga hefur þróað orð yfir fólk sem hefur ekki meintan vitsmunalegan þroska á við okkur hin (eins og bros þeirra, til dæmis Downs fólks, sé eitthvað ómerkilegra en hroki rétttrúnaðarins), hún notar ekki lengur orðið fáviti yfir það.

En hún er hörð á því að fáviti er sá sem sýnir af sér fávitahegðun.

 

Guðni ber af sér að vera fáviti

En hvað stendur þá eftir??

Að hann ærumeiði og illmælgi saklaust fólk, svona af því bara!!

 

Hvað er hann þá??

Og hvað eru þeir sem taka afsökun Guðna gilda??

 

Hafa menn ekki heyrt um kattarþvott??

Kveðja að austan.

 

Guðni biðst afsökunar

Stígamót og sannleikurinn.

 

Stígamót þáðu greiðslu frá Kolbeini Sigþórssyni vegna uppgjörs hans við tvær ungar konur sem sökuðu hann um annars vegar kynferðislegt ofbeldi ásamt líkamsárás, hins vegar að hann brást illa við þegar "hin" unga konan hafði afskipti af málinu.

Stígamót tók þessa sátt Kolbeins alvarlega, samtökin sáu ekki ástæðu til þess að upplýsa um mál Kolbeins í fjölmiðlum, eða leggja fram opinbera kröfu um að hann spilaði ekki meir fyrir íslenska landsliðið í fótbolta.

 

Það sem seinna gerðist er ekki á ábyrgð Stígamóta á nokkurn hátt.

Hafa skal það sem sannara reynist, og talskona Stígamóta féll til dæmis ekki í þá gryfju að staðfesta róg og áburð Hönnu Vilhjálmsdóttur um aðra meinta hópnauðgun landsliðsmanna, heimild þar um ekki frá samtökunum komin.

 

Í múgæsingu nýliðinna atburða, eftir að Þórhildur Gyða Arnardóttir steig fram, og upplýsti um meint brot Kolbeins gegn henni, þá er ljóst að hún í kastljósi athyglinnar, hefur orðið margsaga um efnisatriði sáttarinnar við Kolbein Sigþórsson, hún fór rangt með að lögmaður KSÍ hefði boðið henni fjármuni gegn þagnarskyldu, og hún véfengir að Guðni Bergsson, formaður KSÍ hafi talið sig bundinn trúnaði gagnvart föður hennar að fjalla ekki um þetta leiðindamál.

Lögmaður Kolbeins hefur afhjúpað rangfærslur hennar að hluta, Sigurður G. Guðjónsson hjó einnig í trúverðugleik hennar þegar hann sýndi fram á með birtingu skýrslu lögreglunnar að Kolbeinn hefði farið rétt með í yfirlýsingu sinni að hann hefði gengist við ábyrgð, en hann kannaðist ekki við að hafa brotið á Þórhildi. 

Eitthvað sem kemur fram í lögregluskýrslunni.

 

Í öllu þessu fári hafa Sígamót virt sáttina, þau hafa haldið sig til hlés.

Þar til í dag að þau ráðast á þann sem segir satt um atburði.

Með fáheyrði heimsku;

"Kon­ur sem kæra of­beldi eiga alltaf yfir höfði sér ógn­ina um að verða kærðar fyr­ir rang­ar sak­argift­ir sé málið þeirra fellt niður og ef þær voga sér að segja upp­hátt hver beitti þær of­beldi dett­ur kæra fyr­ir meiðyrði í hús.".

 

Hver er að kæra einhvern fyrir rangar sakagiftir??

Er afhjúpun staðreynda, bein vísan í þau efnisatriði sem koma fram í lögregluskýrslu, af hverju málið gegn Kolbeini var fellt niður, það er vegna sáttar hans við Þórhildi, með aðkomu Stígamótan, einhver ógn gagnvart þeim þolendum kynferðisofbeldis sem segja frá og kæra viðkomandi ofbeldi??

Í hverju felst þá ógnin??

Er það viðtekin venja að þeir sem kæra fara rangt með??

 

Stígamót hafa kannski upplifað þrýsting ofstækisafla sem er í heilögu stríði við samfélagið og stofnanir þess, að þau hafi verið sökuð um meðvirkni með meintum ofbeldismönnum þegar þau halda sig til hlés eftir uppgjör og iðrun þess sem braut af sér, en samt, er þetta rétta leiðin til að bregðast við??

Skiptir trúverðugleiki engu máli??

Skiptir það engu máli að það sem réttara er þegar fjallað er um kynbundið ofbeldi og ásakanir þar um??

Er betra að falla með ofstækinu sem óðum fjarar undir??

 

Það fall er þá ekki það fyrsta sem fár og ofstæki hafa náð að eyðileggja.

Samt, sá málstaður sem Stígamót stendur fyrir á betra skilið.

 

Og hann óttast ekki sannleikann.

Kveðja að austan.

 

Stígamót skora á Áslaugu að setja Helga af

Hann upplýsir um staðreyndir.

 

Og er sakaður um þöggun.

 

Rökin gegn staðreyndum er síbyljan um að alltaf eigi að trúa þolendum.

Ofsinn og ofstækið þolir ekki málefnalega umræðu, gegn henni er virkjuð hatursorðræða samfélagsmiðla.

Vart má á milli sjá hvort við séum stödd á Íslandi í dag eða í Kína á dögum menningarbyltingarinnar.

 

Lögregluskýrslan sannar að Kolbeinn fer rétt með í nýlegri yfirlýsingu sinni að hann hafi gengist við ábyrgð sinni, það er hann véfengir ekki ásakanir Þórhildar, en hann kannist ekki við þær.

Þetta eru hans orð þegar lögregluskýrslan er tekin, hann afneitar engu, biðst afsökunar á meintum gjörðum sínum, hann trúði meintum þolendum.

Hann gekkst við ábyrgð, hann greiddi miskabætur.

 

Hvað réttlætti síðan það sem gerðist??

Hvað réttlætir þegar Styrmir féll frá, ásjón Morgunblaðsins seinni hluta síðustu aldar, að Morgunblaðið skuli hafa ráðið Gróu á Leiti til að dreifa slúðri og rógi, í stað þess að leyfa alvöru blaðamönnum að fjalla um ásakanir á hendur KSÍ.

Hverjar eru staðreyndir að baki ásakanir um meintar hópnauðganir, af hverju er Hanna Vilhjálmsdóttir ekki láti standa við stóru orð sín, spurð um hvaða staðreyndir búa að baki ásökunum hennar um allavega tvennar hópnauðganir sem íslenskir landsliðsmenn frömdu, og KSÍ er sagt hafa þaggað niður.

Hvernig er hægt að ásaka KSÍ um nauðgunarmenningu þegar ekkert er í hendi um slíkar nauðganir annað en orðrómur.

Hvenær varð orðrómur að frétt??

Og af hverju er það ekki rannsakað hvaða fólk eða samtök voru meðsek um þann glæp að þagga niður og hvetja meint fórnarlamb hópnauðgunar til að kæra ekki??

 

Af hverju fékk Gróa að matreiða frétt um meint heimilisofbeldi Ragnars Sigurðssonar, þegar ljóst er að í tilfinningaójafnvægi beindist ofbeldi hans eingöngu að húsgögnum og húsmunum??

Af hverju komst Gróa upp með að setja fyrirsögn á frétt um löngu liðna atburði sem tengjast Kolbeini, og segja að "Önnur kona stígur fram", þegar ljóst var í efnisatriðum fréttarinnar að þessi "önnur kona", var hin konan sem tengdist máli Kolbeins frá 2017, og augljóst var samkvæmt hennar eigin frásögn að Kolbeinn beitti hana engu kynferðisofbeldi, og ljóst var að hennar pústrar voru vegna þess að hún þóttist vera dyravörður, greip inní meinta ofbeldishegðun, í stað þess að ná í dyraverði sem eiga að kljást við slík mál.

Eigi skal ætlast til að Gróa hefði spurt hvort hún brugðist eins við ef þetta hefði verið einhver rafvirki út í bæ, en að setja frásögn hennar í sambandi við kynferðislegt ofbeldi og síðan hnykkja á ásökunum um nauðgunarmenningu og gerendameðvikni er vítaverð fréttamennska.

 

Svona má lengi halda áfram um gerendameðvirkni ritstjórnar Morgunblaðsins gagnvart slúðri og orðrómi, að ekki sé minnst á nauðgun ritstjórnarinnar á arfleið Styrmis Gunnarssonar.

Gjaldþrot ábyrgar blaðamennsku, uppgjöf fyrir slúðri samfélagsmiðla.

 

Blaðið lætur meir að segja Gróu rífast við staðreyndirnar sem Sigurður Guðjónsson birtir í færslu sinni.

Ertu meðvirkur í nauðgunarmenningu, ertu að taka þátt í þöggun, hvernig vogar þú þér að segja satt og rétt frá??

 

Ég játa á mig þá sök að ég trúði þegar ég heyrði fyrst, bæði frásögn kvennanna tveggja sem skömmuðu KSÍ fyrir að þegja yfir máli Kolbeins, sem og að ég hélt að meint nauðgun hefði átt við einhver rök að styðjast, af hverju ætti fólk annars að koma svona fram undir nafni, og skila frá sér skömminni??

En grímurnar tvær urðu grímurnar margar, þegar ofsinn jókst í samfélaginu, og hann var keyrður áfram af upphrópunum ásamt heift gagnvart þeim sem vildu ekki kannast við, eða skildu ekki alveg samhengið milli ásakana gagnvart einstaklingi eða einstaklingum, og þess að heill hópur var sekur, og heilt samband íþróttafólks var allt í einu orðið sekt um þöggun, gerendameðvirkni og nauðgunarmenningu.

Ég hjó síðan eftir því að Þórhildur varð síðan tvísaga, og síðan margsaga um alla atburðarásina varðandi hið meinta ofbeldi Kolbeins, og í ljósi staðreynda var bæði ljóst að Kolbeinn hafði gert upp sitt mál, afplánað sinn dóm, og ekkert réttlætti núverandi skít og níð um hann, sem og að Guðni formaður var í mesta lagi sekur um klaufaskap, en ekki þöggun, hvað þá að hann væri hluti af nauðgunarmenningu.

 

Staðreynd sem var öllum ljós, ekki nema að baki ásakana væri annarlegar hvatir, heift eða ofstæki.

Og það fólk stjórnaði umræðunni og fjölmiðlar dönsuðu með, misheimskir, misforhertir.

 

Þetta er ömurlegur blettur á þjóðarsálinni.

Þetta er vanvirðing gagnvart öllum þolendum kynferðisofbeldis í gegnum tíðina, að sársauki þeirra og áþján sé notuð sem réttlæting í fordæmalausum rógi og níði gagnvart saklausu fólki, í miskunnarlausu valdabaráttu ofstækisfólks sem hefur yfirtekið umræðuna um kynferðislegt ofbeldi, sér og sínum til framdráttar.

Og þetta er vanvirðing gagnvart arfleið Morgunblaðsins, þessarar kjölfestu íslenskrar blaðamennsku.

 

Það þurfti lögmann til að upplýsa um staðreyndir.

Á meðan Gróa, kennd við Leiti, stjórnað umfjöllun blaðsins, sem var keyrð áfram á slúðri og orðrómi.

 

Engar efasemdir, engar spurningar.

Engin fréttamennska.

Líkn blaðsins var þó að Styrmir þurfti ekki að upplifa þessa niðurlægingu, þetta gjaldþrot blaðsins, endalok alls þess sem það hafði staðið fyrir, og haft í heiðri.

 

Það er það eina sem hægt er að telja núverandi ritstjórn til tekna.

Kveðja að austan.

Þreyttur á „atlögum“ í garð knattspyrnumanna

Landsleikur í skugga ofbeldis.

 

Það er óhætt að segja að það hafi gustað um íslenska landsliðið og KSÍ síðustu nokkra daga, landsliðsmenn eru sakaðir um að vera ofbeldismenn og nauðgarar, og ríkjandi menning innan KSÍ er sögð vera "nauðgunarmenning og gerendamenning".

Þetta eru stór orð og að baki hljóta að liggja atburðir í fortíð og nútíð sem kalla á þau.

 

Halla Gunnarsdóttir, brennandi fótboltaáhugamanneskja, orðaði kjarna málsins vel í pallborðsumræðum um málefni KSÍ, svo ég vitna í frétt Ruv;

"Þessi hegðun sem er lýst, að labba inn á skemmtistað og haga sér svona, þetta gerðirðu ekki bara einu sinni á ævinni og svo aldrei meir,".

 

Það er nefnilega þannig að ofbeldismönnum fylgir slóð, sem blasir við og ekki er hægt að þagga niður til lengdar, og þó lögfræðingum hafi tekist að afvegleiða réttarkerfið í þágu skjólstæðinga sinna, að hvert ofbeldismál verði að skoðast eitt og sér, en ekki í samhengi við önnur mál svipaðs eðlis, þá er það svo að það er síendurtekið ofbeldi sem ljáir mönnum stimpilinn ofbeldismenn.

Nærtækt er að benda á mál Harvey Weinsteins eða Andrew Bretaprins, þegar eins steig fram undir nafni, þá fylgdu margar á eftir, og í dag gistir Weinstein grjótið en orðstír Andrew er enginn annar en sá að hann níddist á unglingsstelpum í partíum sem eitt villidýr í mannsmynd hélt fyrir ríka og fræga fólkið.

 

Þessi slóð er ekki til staðar í málefnum meintra ofbeldismanna landsliðsins, þrátt fyrir að fjölmiðlar og slúðurmiðlar hafi leitað af henni ítarlegra en tekur að finna nál í heystakki.

Það hafa engar stúlkur stigið fram undir nafni og ásakað Kolbein Sigþórsson um svipaða framkomu og hann var ger af eitt kvöld 2017.  Kolbeinn hefur gengist við verknaðinum, tekur fram í yfirlýsingu sinni að hann kannist ekki við hann, en bætir við að hann sé að vinna í sínum málum.  Lesið milli línanna þá virðist hann hafa farið í blakkát og gert ýmislegt af sér sem hann man ekki eftir.

Ásökun um aðra hópnauðgun reyndist vera flugufrétt sem talskona Stígamóta sver af sér að sé frá samtökunum komið.

Úr leitinni stendur aðeins eftir meint ofbeldi Ragnars Sigurðssonar á húsgögnum heimilis hans, en þó margur perrahátturinn sé til í þessum heim, þá verður slíkt seint flokkað undir nauðgun.

 

Einhver slóð getur verið þarna sem ekki hefur komið fram, og það má vel vera að það sé algjör viðbjóður, en útfrá því sem ekki er þekkt og vitað, er ekki hægt að úthrópa saklaust fólk sem níðinga, eins og gert hefur verið undanfarna daga af íslensku hópsálinni.

Hvað þá að það sé hægt að slá því fram að innan KSÍ sé ríkjandi nauðgunar og gerendamenning.

Slíkt er árás á almenna skynsemi sem og almennt siðferði, siðað fólk ásakar ekki annað fólk um alvarlega vanrækslu, yfirhylmingu á glæpsamlegri hegðun, eða varpar sekt á hóp vegna gruns um að einn innan hópsins hafi framið alvarlegan glæp.

Ef það hefur ekkert annað í höndunum en orðróm og gróusögur, og rökin er vísan í síbylju orðræðu múgæsingarinnar.

Hér er vissulega ekki verið að brenna hús eða taka fólk af lífi vegna orðróms, nema þá í óeiginlegri merkingu, en menn ættu samt að staldra við og íhuga af hverju Biden forseti baðst afsökunar á voðaverkunum í Tulsa eða ríkisstjóri Virginínu náðaði í dag 7 svört fórnarlömb múgæsingar, 70 árum eftir aftöku þeirra, þeirra sök grunur um glæp.

 

Hlálegt er svo að spjótum er beint að ötuli baráttukonu gegn kynbundnu ofbeldi, réttindum þeirra sem eru öðruvísi, manneskju sem hefur lyft grettistaki innan knattspyrnuhreyfingarinnar í jafnréttismálum.

Þar var stutt í hommahatrið og Þórðargleðin mikil yfir falli Klöru Bjartmarz.

Í valdabaráttu er ekkert heilagt, það sást að aðkomu aurapúkanna í félagsskapnum sem kennir sig við topp.

 

Landsleikurinn fer samt fram, í skugga þess ofbeldis sem saklaust fólk hefur verið beitt af ósekju.

Hvort sem það er kynbundið ofbeldi, líkamlegt ofbeldi, eða ofbeldi umræðunnar.

Landsleikurinn er prófsteinn á andlegan styrk þeirra ungu manna sem eru að taka við keflinu af hetjunum hans Lars og Heimis.

Þeirra er að fara inná og spila fótbolta, um það snýst þetta þegar allt annað er dregið frá, fótboltinn er ástríða svo margra, og hafi hann villst af leið, þá er það þeirra að draga hann að landi.

Þeirra er síðan lærdómurinn, hegðun þeirra innan og utan vallar skiptir öllu ef friður á að ríkja um íþrótt þeirra.

 

Hvort þjóðfélagið lærir á síðan eftir að koma í ljós.

Vonandi er einhver þarna úti sem tekur það að sér að rannsaka þetta mál ofaní kjölinn, fær allar staðreyndir uppá yfirborðið, hversu sársaukafullar þær eru.

Ekki til að dæma, ekki til að fordæma, heldur til að læra af.

 

Ef það er slóð, þá á að finna hana.

Það á að rannsaka ásakanir, fá botn í þær.

Sama hversu mörg helg vé eru undir.

 

Ef engi er slóðin þá þarf líka að fá það á hreint.

Okkar allra vegna.

 

Annað er ávísun á ljótleika sem mun engan enda taka.

Ljótleika sem líka er ofbeldi í sinni tærustu mynd.

 

Höfum það hugfast.

Kveðja að austan.

 

Mótmælt í Laugardal: „Skítinn úr skúffunum“

Þegar Gróa réð sig á Moggann.

 

Það er óhætt að segja að orðið heimilisofbeldi fái nýja merkingu í þessari frétt Gróu.

Þó hún sé þaullesin þá kemur hvergi fram að Ragnar Sigurðsson hafi beitt öðru ofbeldi en að níðast á heimili sínu.

Ekki konu sinni, ekki hundinum eða kettinum, nágrannanum eða lögreglunni, aðeins brotið og bramlað húsmuni.

 

Og ég sem var svo grænn að halda að orðið heimilisofbeldi merkti ofbeldi gagnvart öðru fólki, og þá innan veggja heimilisins.

En snillingar eins og Gróa geta með skapandi fréttamennsku gefið orðum nýtt lif eða aðra merkingu, enda ekki undir áþján gamaldags fréttamennsku sem fór í kistu Ara fróða með visku að betra væri að hafa það sem sannara reynist, því auðvita selur það meira að hafa það sem verra hljómar að æðsta boðorði fréttaskrifa.

 

Þá treystir Gróa sér að smjatta aðeins á KSÍ, "Knatt­spyrnu­sam­bandið hafi þá fengið upp­lýs­ing­ar um málið frá ná­grönn­um hjón­anna, en ekk­ert aðhafst.".

Til að geta skáldað í eyður þá fer Gróa örugglega rétt með að nágrannar Ragnars hafi haft sambandi við sambandið, hvað svo gerðist veit Gróa ekki, því að afla þeirra upplýsinga þarf gamaldags fréttamennsku, hringja í fólk, afla sér upplýsinga, fá álit og komment hlutaðeigandi.

Gróu dugar slúðrið, það er henni næg heimild.

 

Ef Gróa verður spurð, látin standa við frétt sína, sem reyndar er mjög ólíklegt í því andrúmslofti múgsefjunar, heiftar og haturs sem nú ríður röftum samfélagsmiðla, þar með þeirra sem ennþá kenna sig við fréttir, þá mun hún örugglega segja, "hvað er þetta maður, þú þarna gerandameðvirki með nauðgunarmenningu, hann var ekki rekinn úr landsliðinu".

Sem er rétt hjá Gróu.

Og hópsálin mun taka undir og klappa, og tilnefna Gróu til næstu blaðamannaverðlauna fyrir rökvísi sína og ályktunarhæfni.

 

Hún mun ekki spá í að KSÍ hafi verið vorkunn á þessum tíma.

Vissulega hafði Lars Lagerbäck tekið á mörgu agamálum innan landsliðshópsins, skrúfað var fyrir djammið og djússið á landsliðsferðum, auk margs annars sem snéri að aga og framkomu landsliðsmanna.

 

En hvernig var hægt að ætlast til þess að Lars hefði sett landsliðsmönnum siðareglur um hve mörg húsgögn og húsmuni mætti brjóta á heimilum þeirra áður en þeir misstu sæti sitt í landsliðinu.

Átti hann að miða við 5 bolla og undirskálar, 6 diska og einn stofustól, eða eitt bollastell og eitt sófasett??, hvenær ganga menn of langt í að misþyrma húsgögnum??

Eða átti hann að hafa þá siðareglu að þegar menn gæfu kost á sér í landsliðið, þá afsöluðu menn sér öllum rétti til að sýna mannlega hegðun, lenda í tilfinningalegu ójafnvægi, fá bræðiköst, líka þegar þeir væru ekki á vegum landsliðsins??

 

Þarna var Lars á, og er þar með orðinn sekur um gerandameðvirkni gagnvart nauðgunarmenningu, og augljóst að hann ætti að reka, væri hann ekki hættur.

Það er marka má Gróu.

Að afla sér upplýsinga hvernig hann tókst á við þetta mál, er algjört aukaatriði.

Hvað þá að það hvarfli að Gróu að það er hægt að takast á við mannlega harmleiki eða mannlegan breyskleika á annan hátt en að krossfesta menn opinberlega, úthrópa þá sem óbótamenn, útskúfa þeim.

Í hennar huga er slíkt alltaf gerandameðvirkni með nauðgunarmenningu.

 

Eftir stendur hlutur ritstjórnar Morgunblaðsins sem réði Gróu í vinnu.

Ef ráðning hennar er birtingarmynd nýrrar stefnu Morgunblaðsins til að halda velli í samkeppni við samfélagsmiðla, að blaðið hætti að vera miðill sem miðlar fréttum, og miðli slúðri þess í stað, þá verður eitt yfir alla að ganga.

Einelti og mismun varðar við ýmis lög í dag, blaðið getur ekki bara slúðrað um heimilissofbeldi knattspyrnumanna, aðrir verða að sitja við sama borð.

 

Þegar ég var ungur var oft sagt um menn að þeir væru vondir með víni, seinna þegar ég var eldri þá las ég oft í viðtölum við menn sem sóttu sér hjálp til að hætta að drekka, að vínið hefði farið illa í þá.

Sem er önnur hlið á sama pening, vísar í að undir áhrifum gerðu menn eitthvað sem ekki lengur var við unað.

Ritstjórn Morgunblaðsins ætti því að setja Gróu í það verkefni, svona fyrst blaðinu er fyrirmunað að skrifa frétt eða fréttaskýringu um hve hæft er í ásökunum um að KSÍ líði meintar nauðganir landsliðsmanna, að fara yfir gagnabanka blaðsins, og þefa uppi þá menn sem játuðu að vín hefði farið illa í þá.

Komast að því hvað var það sem þeir gerðu svo þeir hættu að drekka.

 

Nærtækt væri að byrja á núverandi og fyrrverandi starfsmönnum blaðsins, eins mætti athuga þá sem hæst hafa sig frammi í umræðunni í dag, það er karlkyns því eins og allir vita þá beita hvorki konur ofbeldi eða lenda í tilfinningalegu ójafnvægi.

Af hverju??, jú rannsóknir hafa sýnt að þeir sem hæst fordæma hafa oft ýmislegt að fela, með hávaða sínum eru annað hvort að koma grunsemd eða sök sem lengst frá sjálfum sér, eða innst inni þá skammist þeir sín fyrir hegðun sína, telja hana jafnvel ranga, og fá þá einhvers konar innri réttlætingu á að fordæma aðra fyrir sömu hegðun.

Eða þeir eru bara almennt séð skítseyði, geta ekki sett sig í spor annarra, finna ekki fyrir samúð eða samhygð, orðtök eins og aðgát skal hafa í návist sálar, eða eigi skal hrapa af dómum, er einhvers konar óskiljanleg latína í þeirra eyrum.

Og skítur fylgir alltaf skítseyðum, það er bara svo.

 

Þegar Gróa hefur tekið fyrir innanhússögur, þá má taka aðra fjölmiðla fyrir, nærtækt að byrja á Rúv, þar hefur margur drykkjuboltinn unnið.

Síðan má snúa sér að stjórnmálamönnum, ættingjum þeirra og vinum, svo leikurum, rithöfundum, háskólafólki, listinn er ótæmandi.

Það er bara að byrja og áratugurinn mun ekki endast Gróu til að smjatta á öllu þeim óhroða og mannlegum breyskleika sem hún grefur upp.

Ákærandi í dag, sakborningur á morgun.

Þannig er heimur Gróu, hann er saga án endis.

 

Eftir stendur.

Er þetta heimur sem við viljum lifa í?

Er þetta samfélag sem við viljum ala börnin okkur upp í??

Er þetta leiðin til að gera heiminn betri??

 

Ég held ekki.

Kveðja að austan.

 

 

 

 

 

 

 

Landsliðsmaður sagður hafa gengið berserksgang

Skilið skömminni til þeirra sem eiga hana.

 

Ekki dreifa skít og drullu yfir allt og alla, slíkt er í raun viðbjóður, graftarkýli sem sýkir allt þjóðfélagið sé ekki stungið á það.

 

Það er eðlismunur á því þegar Virginia Giuffre, ásakaði Andrés Bretaprins um kynferðislega misnotkun, um að vera ofbeldismann og geranda, og því ef hún hefði sagt sömu sögu, án nafngreiningar, en sagt ofbeldismanninn tilheyra einni þekktustu konungsfjölskyldu Evrópu.

Er það þá Kalli ríkisarfi??, eða Jóakim prins??, eða þessi eða hinn??

Og þeir fjölmiðlar sem hefðu tekið þátt í leiknum, velt sér upp úr hinni nafnlausu ásökunum, hefðu verið slúðurmiðlar, margfalt verri en frúin sem bjó á Leiti á sínum tíma.

En verst að öllu, alvarleikinn, brotið sjálft, það gjaldfellur, vegna þess glæps að röng sök er borin á saklausa, því það segir sig sjálft að þar sem er einn gerandi, getur ekki fleiri en einn verið sekur.

 

Virginia hafði þennan kjark, þegar hún hóf vegferð sína, vissi hún ekki um niðurstöðuna, hvort hún yrði lögsótt, jörðuð opinberlega af skjaldborginni sem yrði slegin um prinsinn, en hún vissi að tími þagnarinnar væri liðinn, ofbeldismaðurinn yrði að horfast í augun á gjörðum sínum.

Kjarkur hennar er kjarkur margra sem hafa risið upp og sagt frá.

Kjarkur sem er hliðstæður þeim kjark sem ung stúlka sýndi í strætisvagni í Montgomery þegar hún mótmælti kynþáttamismunun með því að neita að standa upp og færa sig aftast í vagninn.  Það eina sem Rósa vissi þá var að það gat haft afleiðingar, það hafði haft afleiðingar fyrir marga í hennar stöðu áður, en hún sat samt kjurr.

Tími þagnarinnar, tími kjarkleysisins var liðinn, það sem þurfti að gera, varð að gera.

 

Nauðgun á ekki að líðast.

Það er grátlegra en tárum tekur að hugsa til umræðu undanfarinnar margra ára um sögur af lyfjabyrlun á veitingahúsum og ekkert er gert.

Við höfum ekki sannanir segir lögreglan, en hvað hefur hún gert til að afla þeirra??

Af hverju er ekki stofnuð sérsveit til að takast á við þann alvarlega glæp og senda þar með skýr skilaboð út í samfélagið að þessi hegðun sé ekki liðinn, að gerendurnir verði hundeltir og afhjúpaðir. 

Þetta eru ekki margir, mynstrið er skýrt, það þarf aðeins að rannsaka þetta, takast á við þetta.

 

Sem er ekki gert, það er svo lítið gert.

Sem er smán samfélagsins, smán sem er blettur á okkur öllum.

 

En þessi smán réttlætir ekki nafnlausar ásakanir, róg eða dylgjur.

Og hún réttlætir engan veginn andrúmsloft nornaveiða, gífuryrða gagnvart borgurum sem hafa ekkert gert af sér annað en að vera þarna, vera hluti af samfélagi sem sannarlega er gallað og þarf að breyta, en breytist aldrei með þeim vinnubrögðum sem nú vaða uppi.

Eða hverju breytti kínverska menningarbyltingin, ógnarstjórn Jakobína eða morðæði bolsévika??

 

En einn maður sem kom í nafni kærleikans breytti hins vegar miklu, hann kom í veg fyrir morðæði meirihlutans á minnihlutanum sem áður kúgaði hann, og gaf samfélaginu von um framtíð.

Það er reginmunurinn á Mandela og Robespierra, á Mandela og Lenín, á Mandela og öllum þeim sem réttlæta óhæfu sína með vísan í fyrri óhæfu eða glæpi.

 

Það er engin Mandela á Íslandi í dag.

Það er engin skömm skilað til þeirra sem eiga hana.

Heldur er skömmin mögnuð upp í forarpytt rógs og níðs.

 

Nauðgun er alvarlegur glæpur.

Svo alvarlegur að sá sem verður fyrir henni á að segja frá.

Aðstæður geta valdið því að viðkomandi treystir sér ekki til að segja frá eða taka slaginn við fjandsamlegt réttarkerfi, en kjósi hann að segja frá seinna, þá hvílir sú skylda á honum að segja satt og rétt frá, greina frá öllu, líka nafni geranda, hvort sem þeir eru einn eða fleiri.

Annað er vanvirðing við alvarleikann, sem og uppspretta vangaveltna um hugsanlegan geranda, þar sem margir er nefndir að ósekju.

 

Því miður var sá kjarkur ekki til staðar þegar greint var frá lyfjanauðgun þar sem gerendur voru þekktir knattspyrnumenn, og það kjarkleysi hefur undið uppá sig þannig að margir saklausir liggja undir grun.

Það er bletturinn á þessari umræðu í dag.

Í skjóli hinna nafnlausu ásakana vaða síðan allskonar dólgar uppi, skítandi allt og alla út, hvort sem það er í persónulegri krossferð, eða hluti af stærri valdabaráttu hinna rétttrúuðu.

Þeir eru nefnilega víða Talibanarnir þessa dagana.

 

Vendipunktur umræðunnar var samt fréttin á Mbl.is þar sem fjallað var um fjölmiðlaumfjöllun í Rúmeníu.

Þar fékk rógurinn andlit svo ekki verður við unað.

"Sam­kvæmt heim­ild­um mbl.is er hann þó ekki ann­ar þeirra, held­ur er um að ræða leik­mann sem er ein af stjörn­um landsliðsins í dag og ann­an sem hef­ur lítið komið við sögu hjá A-landsliðinu um langt ára­bil.".

Blaðamaður sem taldi sig geta hreinsað Kolbein af ásökunum um nauðgun, smækkaði þar með hópinn sem liggur undir grun.

 

Hverjir eru þá eftir??

Og eru þeir sekir??

 

Svona vinnubrögð eru ekki líðandi.

Ekki í siðuðu samfélagi.

 

Morgunblaðið verður að taka af skarið og segja það sem það veit.

Eða leggja sig niður ella.

 

Þar er enginn millivegur.

Kveðja að austan.

„Drullan dunið yfir mann“

Þegar ekki er bent á rót vandans.

 

Það er auðvelt að gaspra á þeim eina degi sem forysta launþega sannarlega þarf að mæta í vinnuna sína á meðan verkafólk á frí, það er auðvelt að slá um sig með frösum.

"Það verður held­ur eng­in sátt á meðan þeir rík­ustu kom­ast hjá því að greiða í sam­eig­in­lega sjóði, hvort sem er með skattaund­an­skot­um, skattaí­viln­un­um eða af­l­ands­fé­lög­um.".

En það krefst styrks að taka slaginn, að benda á rót vandans, sem er regluverk Evrópusambandsins um hið frjálsa flæði, sem samviskusamlega hannað til að arðræna verkafólk og gera arðræningjunum kleyft að skjóta fé sínu í skattaskjól.

 

Öll tilvitnuð orð forseta ASÍ hér að ofan eru bein lýsing á regluverkinu um hið frjálsa flæði fjármagns, og skattaskjólin eru ekki einhverjar eyjar í Karabíska hafinu, þau eru innan sambandsins og lifa þar góðu afætulífi á kostnað þorra þjóða sambandsins.

Þetta eru ekki bara lönd eins Írland, Lúxemborg eða útbúi rússnesku mafíunnar á Kýpur, heldur virðist bankakerfið umhverfast um að koma skítugu fjármagni í dagsljósið og þegar eitthvað kemst upp, þá eru viðbrögðin alltaf eins; úps þarna komst upp um okkur, pössum okkur betur næst.

En regluverkið er geirneglt og við því er ekki hróflað.

Og sá sem berst ekki gegn því, getur ekki fárast yfir afleiðingum þess.

 

Eins er það með vinnumarkaðinn, í Evrópu er hann fyrir og eftir hið frjálsa flæði á fólki og þjónustu.

Atvinnugrein eftir atvinnugrein, sem krefst ekki sérmenntunar, hefur orðið fórnalamb félagslegra undirboða, kjör eru markvisst brotin niður með því að sækja hluta vinnuaflsins frá fátækustu löndum sambandsins eða úr hópi ólöglegra innflytjenda sem eru að verða hin nýja engisprettuplága álfunnar.

Bætum síðan við regluverkinu um kvöð opinbera aðila um að taka lægsta tilboði innan evrópska efnahagssvæðisins, og kominn er vítahringur þar sem laun ófaglærðs, og í seinni tíð faglærða líka, eru miskunnarlaust keyrð niður í það lágmark sem þarf til að skrimta.

 

Eftir samfelda þróun tækni og vísinda frá seinna stríði, margföldun framleiðslunnar, sem er forsenda velmegunar og velferðar fjöldans, er svo komið í Evrópu að fátæktarhverfin þenjast út, atvinnuleysi á áður velmegandi framleiðslusvæðum er gífurlegt, launum er haldið niðri með kerfislægum félagslegum undirboðum og fólkið sem vinnur hin illa borguðu störf framleiðslu eða þjónustu, er orðið framandi í augun heimamanna.

Sem sést best á því að tungutak hinna hálaunuðu forkólfa verkafólks, er soðið uppúr gömlum ræðum kreppukommanna sem sannarlega börðust fyrir bættum kjörum fólks sem hafði vart í sig og á.

Eins gatan hafi ekki verið gengin til góðs í áratugi í Evrópu, eða allt frá því að hið frjálsa flæði frjálshyggjunnar varð leiðarstef hins innra markaðar álfunnar.

 

Þetta blasir við og sá sem segir annað, berst við vindmyllur með innantómu gaspri, er í raun ekki að berjast fyrir verkafólk, heldur fyrir kerfið sem sökina ber.

Hann er því hluti af vandanum.

Ekki lausnin.

 

Þess vegna á verkafólk að hlusta gaumgæfilega í dag.

Ef einn, þó ekki nema einn, beinir spjótinu sínu að kerfinu, gegn hinu frjálsa flæði frjálshyggjunnar á félagslegum undirboðum og láglaunastefnu, þá er von í verkalýðshreyfingunni.

Því það þarf ekki nema einn til að taka slaginn, til að bylta.

 

Sá sem krefst þess að EES samningnum sé sagt upp á morgun.

Hann er maður framtíðarinnar.

 

Hinir, hinir eru bara á launum.

Og ekki hjá verkafólki þó það kannski borgi reikninginn.

 

Það er kannski nóg til en því verður aldrei dreift sanngjarnt á meðan þjóðin er hluti af hinu evrópska efnahagssvæði.

Það er bara svo.

Kveðja að austan.

„Það er nóg til“

Góðu fréttirnar eru.

 

Langt síðan að leikskólinn Jörfi var í fréttum, sterk vísbending um að nást hafi utan um hópsmitið þar.

Eins er langt síðan að tilkynnt var um sóttkví á höfuðborgarsvæðinu.

Góðu fréttirnar eru sem sagt að snögg viðbrögð heilbrigðisyfirvalda skila miklum árangri og vegna samkomutakmarkana eru aldrei um beinar stórar hópsýkingar að ræða.

Það er enginn yfirfullur Laugardagsvöllur vegna landsleiks, það er engin yfirfull Egilshöll vegna tónleika, og það er engin Þjóðhátíð í Eyjum.

 

Slæmu fréttirnar eru hótanir stjórnavalda um að aflétta hömlum of snemma og veikja öryggi landamæranna með allskonar pappírsvottorðum.

Líkt og enginn sé lærdómurinn af þrautreyndri sorgarsögu þeirra þjóða sem hafa slakað of snemma á sóttvörnum sínum.

Alvarlegasta hótunin er að hleypa smiti inní landið þegar hluti þjóðarinnar hefur aðeins fengið eina bólusetningu, í stað þess að bíða aðeins lengur, og hafa vörn fyrir alla.

Vonandi er ekki alvara að baki þeim barnaskap, heldur aðeins börn.

 

En göngum hægt um gleðinnar dyr.

Vil enda á að vitna í mann sem ég hef ekki lengi vitnað í nema þá til að skammast í honum, en þessi vísdómsorð sagði nú samt Gylfi Magnússon, hagfræðiprófessor nýlega í Kastljósi.

"Hagræn áhætta við afléttingar sóttvarnaaðgerða er fólgin í því að ef afléttingarnar eru of hraðar gæti þurft að skella í lás á ný. Þetta sagði Gylfi Magnússon, formaður bankaráðs Seðlabanka Íslands og prófessor við Háskóla Íslands, í viðtali í Kastljósi í kvöld. „Það mun hafa mjög slæm hagræn áhrif því það hefur þá ekki bara þau áhrif að útlendingarnir koma ekki, heldur líka þau að Íslendingar geta sig hvergi hreyft"".

 

Héðan af er þetta það eina sem getur ógnað sumrinu okkar.

Ferðalögum okkar eða bæjarhátíðum að ekki sé minnst á sjálfa Þjóðhátíðina i eyjum.

 

Höfum þessi orð í huga.

Njótum samt góðu fréttanna.

Kveðja að austan.

Gæti tekið smá tíma að fjara út

Þegar deilt er um keisarans skegg.

 

Er skynsamlegasta lausnin alltaf sú, að raka skeggið af keisaranum, og þá þarf ekki lengur að þrefa um skeggið.

Nálgun Kára, að ef við viljum ná hjarðónæmi, er vissulega rétt, en nálgun Þórólfs, ef við viljum vernda viðkvæma hópa, er líka rétt.

Mat þar á milli getur aldrei réttlætt sig með því að annað sé réttara en hitt.

 

En hvorugt skiptir máli ef landamærin hefðu verið varin með öruggri sóttkví.

Og verði varin með öruggri sóttkví.

 

Að veirunni sé ekki hleypt inní landið fyrr en þjóðin sé fullbólusett.

Annað er alltaf ávísun á veikindi eða jafnvel dauðsföll.

 

Ef þeirri staðreynd er afneitað þá er bólusetning eins og glópagullið, virkar gull en er í raun steinn sem er einskis virði.

Þetta verða stjórnvöld að fatta áður en óafturkræfar hörmungar eiga sér stað.

Veiklun og veikindi, jafnvel lífshættuleg, jafnvel dauði ef veiran sækir illa á.

 

Við höfum þraukað í svo langan tíma.

Örfáar vikur skipta engu málit til eða frá.

 

Nema fyrir sjálfsímynd þeirra sem lofuðu uppí ermina á sér, og telja núna þjóðinni í trú um að hálfvörn sé ígildi heillar.

Trúið mér, þetta fólk, jafnvel börnin í Sjálfstæðisflokknum, er ekki það heimskt að það kaupi aðeins fulla vörn frá Securitas á framhlið og bakhlið hússins, í þeirri trú að þjófar leiti ekki uppi óvarðar innganga á þeim hliðum sem ekki eru varðar.

En fyrir hönd þjóðarinnar gerir þetta sama fólk sér upp þá heimsku að hálf bólusetning sé ígildi fullrar.

 

Þetta nær engri átt.

Þetta er óráðshjal sem þarf að stöðva í fæðingu.

Það er ekkert það í húfi sem réttlætir áhættuna.

 

Þarna ber sóttvarnalæknir að grípa inní.

Hann nýtur trúnaðar.

Hann á að standa undir þeim trúnaði.

 

Ætlum ekkert annað.

Þó sporin hræða.

Kveðja að austan.

Skynsamlegt að endurskoða fyrirkomulagið