Vér morðingjar.

 

Það er engin þversögn í því fólgin að telja að veirur smiti eftir þjóðerni, og að aðeins Íslendingar geti smitað aðra Íslendinga.

Svo ég vitni í orð aðstoðarmanns landlæknis; "Þegar maður horf­ir á þetta svona blákalt, þá er auðvitað ákveðin þver­sögn í þessu" þegar hann útskýrir að fólk sem kemur með sömu flugvélinni, frá sama landinu, en er með mismunandi ríkisfang, að aðeins sá hluti sem er íslenskir ríkisborgarar geti smitað.

Því þetta er þvílík heimska að leitun er að öðru eins.

 

Íslenskir ferðalangar, á skíðum á Ítalíu, fyrir utan skilgreind sóttvarnarsvæði, smituðust af veirunni, þó öruggt sé að þeir hafi hagað sér á nákvæmlega sama hátt og aðstoðarmaður landlæknis lýsir hjarðhegðun erlendra ferðamanna hér á landi.

Líkurnar á smiti, í landi þar sem aðeins skráð tilvik voru vel innan við þúsund, þegar Íslendingarnir voru á svæðinu, og allflest  landfræðilega á þröngu strjálbýlissvæðis, ættu næstum því að vera engar þegar ferðamenn eiga í hlut.

Samt eru komin 3 staðfest smit.

Vegna þess að kórónaveiran er smitandi, og miklu útbreiddari en Exel embættismannanna segir að hún sé.

 

Að halda því síðan fram við fullvita fólk, að líkurnar séu ekki gagnkvæmar, að smitað fólk sem hingað kemur til landsins, smiti ekki vegna þess að það sé ferðamenn er út úr öllu korti vitsmunalegrar umræðu.

Í raun voru líkurnar að íslensku skíðaferðalangarnir hittu smitaðan einstakling miklu minni en að smitaður erlendur ferðamaður hitti Íslendinga.

Eða halda menn að aðeins útlendingar afgreiði ferðamenn, að þeir séu ekki fólk, búi í gámum og hafi engin samskipti út í samfélagið.

 

Hvað er að blaðamanni Morgunblaðsins að birta svona bull án þess að spyrja gagnrýnna spurninga??

Er það tengdamamma hans sem honum er svo illa við??

Eða er þetta spurning um arf til að létta á fjárhagsstöðunni??

 

Sér hann ekki siðblinduna sem kemur fram í þessum kattarþvotti aðstoðarmanns landlæknis??

"Kjart­an tek­ur und­ir þær þakk­ir og seg­ir yf­ir­völd reyna að höfða til sam­fé­lags­legr­ar ábyrgðar fólks, af því að á sama tíma og vitað er að um 80% þeirra sem grein­ast með sýk­ingu fái ein­ung­is væg ein­kenni séu ákveðnir litl­ir hóp­ar, til dæm­is fólk með und­ir­liggj­andi heilsu­fars­bresti, sem geti veikst al­var­lega vegna veirunn­ar".

Eða er hann sammála henni.

 

Sem og að það veit enginn hvað er að gerast á Ítalíu annað en veiran hefur stökkbreyst.

Í morgun var mannfallið 34 á móti 83 sem höfðu náð bata.

Hvað verður um restina??

Og smitið er rétt að byrja á meðan fífl stjórna vörnunum.

 

Það er staðreynd að veirusmit er aðeins stöðvað með því að rjúfa smitkeðjuna.

Til að  hindra nýsmit.

 

Að segja að nýsmit fari eftir þjóðerni, hvort smitberar séu innlendir eða erlendir, er ekki heimska.

Það er enginn svona heimskur.

Það býr annað undir, hvað sem það er.

 

Og ef einhver fellur vegna Ítalíusmitanna.

Þá er sá sem ábyrgðina ber.

Ekki Vér.

 

Höfum það á hreinu.

Kveðja að austan.

Ferðamenn frá áhættusvæðum ekki í sóttkví

Evrópa er að smitast vegna þess að Ítalíu var ekki lokuð.

 

Í Suður Kóreu er það rætt í fullri alvöru að lögsækja þá sem bera ábyrgð á útbreiðslu veirunnar, fyrir morð.

Hvað verður gert í Evrópu við þá sem ábyrgðina bera á ítalska smitinu??

 

Gerum okkur grein fyrir alvarleika málsins.

Í The Guardian mátti lesa grein í gær þar sem líkur voru leiddar að því að smitið á Ítalíu hefði grasserast miklu lengur en opinberir aðilar vilji viðurkenna. 

Rökin eru að veiran hefur stökkbreyst þar í landi, er ekki eins og upprunalega veiran sem kom frá Kína.

Stökkbreytingar eru skýring þess að stjórnlausar veirusýkingar eru vá, þær geta orðið hættulegri, bæði banvænni sem og að þær finna sér fleiri smitleiðir.

 

Þessi staðreynd gæti verið skýring þess að sóttin er miklu alvarlegri á Ítalíu en hún var nokkru sinni í Kína.

Af 1.694 sýktum eru þegar 34 dánir, sem er um 2% sýktra.

Og gleymum ekki að veiran hefur sinn meðgöngutíma, þegar dánartölur eru bornar saman við fjölda þeirra sem hafa náð bata, er niðurstaðan skelfileg eða 34 á móti 83, sem er 40% dánarhlutfall.

 

Samt er veiran flutt inn með vitund og vilja sóttvarnarlæknis og almannavarnarráðs.

Allar sýkingar hérlendis má rekja til Ítalíu, allir þeir tugir eða hundruð sem eru í sóttkví, eru vegna þess að þeir hafa umgengist Ítalíufara, eða eru sjálfir nýkomnir þaðan.

Ef smitið fer úr böndum, hvað þá??

 

"Það er svolítið af rugli í gangi eins og gengur," segir fulltrúi almannavarna.

Og það er vægt til orða tekið, en ruglið er alfarið hjá honum og hans mönnum.

Það eru þeir sem gera lítið úr hættunni, dreifa falsfréttum um að þetta sé ekki svo hættulegt nema þá fyrir gamla fólkið, og reyna að réttlæta hið óverjanlega með vísan vanhæfni þeirra sem stjórna sóttvörnum á meginlandi Evrópu.

 

Og það er ekkert svolítið rugl í þeim, ruglið er algjört.

"Hann segir að heilbrigðiskerfið sé viðkvæmt og megi ekki við því að margt starfsfólk þess fari í sóttkví. Landlæknir sé því að fara yfir hvaða tilmælum eigi að beina til heilbrigðisstarfsfólks varðandi ferðalög. „Svo er líka það að það var dálítið af heilbrigðisstarfsfólki í þessum ferðum og var að koma frá Ítalíu þannig að það er svolítið af heilbrigðisstarfsfólki í sóttkví nú þegar. Við megum ekkert við miklu svoleiðis.“".

Nei, við megum ekki við miklu svoleiðis.

 

Og af hverju voru þá ferðar til Ítalíu ekki stöðvaðar þegar ljóst var hve alvarlegt ástandið var þar í landið.

Afsökunin er ekki að vísa á önnur dómgreindarlaus fífl.

 

Evrópa er að stöðvast vegna þess að ekki var skorið á innflutning á smiti frá Ítalíu.

Það má vel vera að smit hefði samt breiðst út, en það væri ekki að gerast í dag, eða á morgun, því smitið eru að megninu til ítalskt.

Það eru þau sem eru að koma öllu í uppnám í Evrópu.

 

Og hver dagur, hver vika sem er hægt að hefta faraldurinn er dagur og vika sem það er styttra í að læknavísindin komi með bóluefni sem virkar á veiruna.

Því það mun gerast, mannsandinn mun sigra þessa ógn eins og aðrar.

 

En þangað til þarf að berjast með öllum tiltækum ráðum.

Það er ekki gert í dag.

 

Því miður.

Kveðja að austan.

Starfsmenn Landspítala í sóttkví

Hugsanlegir smitberar eru hvergi velkomnir.

 

Lífið er jú okkur í blóð borið.

Þeir sem hneykslast í öruggu skjóli, ættu að bjóða sig fram til að leysa af þá sem eiga hættu á að smitast.

Það er nefnilega auðvelt að gjamma í örygginu.

 

Stjórnvöld bera full ábyrgð á þessum uppákomum, að ekki sé minnst á því viðmóti sem Ítalíufarar mæta, því fáir hafa skilning á því ábyrgðarleysi að hafa líf og heilsu annarra í flimtingum.

Þess vegna ættu þau Guðni og Katrín, sem og aðrar fígúrur sem lögðu blessun yfir innflutning á smiti, að hitta þessa Ítali, og margbiðjast afsökunar á að þau skyldu hafa lent í þessum aðstæðum.

Að setja saklaust fólk í svona aðstæður er alltaf forkastanlegt.

Hvort sem það eru þolendur óttans, eða þeir sem geta hvenær sem er fengið hringingu um að þeir eigi að fara í sóttkví því þeir hafa lent í að umgangast Ítalíufara.

 

En í þessari frétt las ég í fyrsta skiptið hér á Mbl.is greiningu á hinni raunverulegu ógn sem stafar af þessum heimsfaraldri.

Gefum Ítalanum Marco Di Marco orðið;

"„Ég veit ekki hvað á eft­ir að ger­ast. Von­andi skýr­ast aðstæður á þeim tíma. En ef satt skal segja er ég hrædd­ari við efna­hags­leg­ar af­leiðing­ar veirunn­ar held­ur en veiruna sjálfa,“ seg­ir Marco. „Ég er frá Sikiley, þar sem 80% gistinátta fyr­ir sum­arið hafa verið af­bókuð. Þetta er meiri hátt­ar vandi.“".

Raunveruleiki sem hin fávísu börnin okkar virðast vera fyrirmunað að skilja, að orða, hvað þá að hefja þegar undirbúning þjóðarinnar vegna þeirra efnahagslegu áfalla sem eru yfirvofandi.

Að ekki sé minnst á hugsanlega vöruskort vegna hnökra á framleiðslu og vörudreifingu.

Kína er hætt að framleiða, það sanna loftmyndir, og það er aðeins byrjunin.

 

Og við í meðvirkni okkar sættum okkar við firringu barnanna.

Eins og enginn sé morgundagurinn.

Kveðja að austan.

Ítölum verið vísað á dyr hérlendis

Afsakanir vanhæfra.

 

Eru á engan hátt betri þó hægt sé að benda á aðra jafnvanhæfa, eða vanhæfari.

Af öllum löndum Evrópu, átti Ísland auðveldast með að stöðva samskipti við Ítalíu, eftir að ljóst var að stjórnlaus faraldur hafði brotist út í landinu.

 

Í Kína sáu vanhæfir sóma sinn til að segja af sér.

Á Íslandi er okkur sagt að treysta dómgreindarlausum mönnum.

Eins og það sé kvóti á dómgreindarskort, og þeir hafi klárað hann.

 

En er það svo?

Kveðja að austan.

„Stífari reglur en hjá nágrannaþjóðum okkar“

Smitdreifing í boði almannavarna.

 

Og ekkert stjórnvald grípur inní.

Vil vitna í Jón Bjarnason, orð sem segja allt.

"Maður fær á tilfinninguna að þetta sé nú ekki svo alvarlegt því dauðsföllin séu aðallega hjá sjúku fólki og þeim sem eru yfir sjötugt osfrv. Að sjálfssögðu gerum við sem erum yfir sjötugt okkur grein fyrir að við höfum minna mótstöðuafl gegn sjúkdómum en þau sem yngri eru.

Mér finnst samt skrýtið að ekki skuli beitt formlegum takmörkunum á hópferðum til fyrirfram sýktra svæða erlendis og íslensk landamæravarsla virkjuð. Látið er að því liggja að það sé á ábyrgð þeirra einstaklinga sem taka þá persónulegu áhættu að fara í þessar hópferðir m.a. inn á sýkt svæði.

En þetta fólk kemur aftur til landsins og þá eru þessar ferðir ekki lengur einkamál þeirra. Heimkomið eru allir aðrir undir, vinnufélagarnir, öll félagsleg samskipti, börnin í skólunum, en líka þeir sem eru aldraðir og með skert ónæmiskerfi.

Ábyrgðin er svo sett á Almannavarnir, sóttvarna og heilbrigðiseftirlit sem vantar mannskap til að svara í símann ".

 

Hve lengi enn??

Hve lengi geta óábyrgir einstaklingar komið ábyrgðina yfir á aðra.

Í boði almannavarna, sóttvarnarlæknis og íslenskra stjórnvalda.

 

Er ekki mál að linni.

Kveðja að austan.

Annað tilvik af kórónuveiru greinist á Íslandi

Óvissa er fínt orð yfir öruggt gjaldþrot.

 

Það eina sem er öruggt er gríðarleg fækkun farþega þegar heimurinn í örvæntingu sinni reynir að ná tökum á heimsfaraldrinum, og fyrirtæki án tekna er sjálfkrafa gjaldþrota.

Fólk bara feisar þetta ekki og þess vegna fer eins og það fer.

 

Það er aðeins tvennt sem getur hindrað áður óþekkt mannfall í nútímasögu sem ekki má rekja til styrjaldarátaka.

Annað, og við er von okkar bundin, er að vísindamenn nái að þróa bóluefni í tíma áður en veruleg röskun verður á öllu mannlífi vegna þeirrar varnarviðbragða sem eru óhjákvæmileg.

Hitt er að rjúfa smitleiðina með ströngum sóttvörnum.

Eins og hefur verið gert í Kína í dag.

 

Fólk sem telur sig knúið til að leika fífl og gera lítið úr alvarleik ástandsins, talar um kvef og kvefpest, ber saman óskylda hluti eins og þessa veiru og venjulega inflúensuveiru, vitnar í að skráð dauðsföll, skráð því þau eru miklu fleiri, séu ennþá innan við 3.000.

Á því er aðeins eins skýring, að eftir að kínversk stjórnvöld höfðu tekið íslensku almannavarnirnar á þetta, og glöp sóttvarnarlæknis, í nokkrar vikur, þá sáu þau að kjaftæði og heilaþvottur áróðursins virkaði ekki sem sóttvörn, og gripu til aðgerða sem dugðu.

Þau lokuðu sýktum svæðum, og bönnuðu því sem næst allar mannaferðir innan þeirra.

 

Og það virkar.

Ein staðfesting þess hve drastísk þessi sóttvörn kínverska stjórnvalda er, má sjá í annarri frétt hér á Mbl.is, en þar eru birtar loftmyndir af Kína sem sýna mengun fyrir og eftir sóttkvína.

Mengunin er því sem næst horfin, enda er enginn að menga.

Það dugar ekkert annað.

 

Og mikið má fólk vera heimskt þegar það horfir framhjá þessari dauðans alvöru, hvað þá þegar það afhjúpar fávisku sína með því að bera þessa veirusýkingu við alls óskylda hluti, eða gerir lítið úr alvarleik hennar.

Einn eldri borgari, fyrrum ráðherra er ekki í þessum hópi.

Hann róar ekki sjálfan sig með því að vitna í að þetta sé enginn Svarti dauði eða Stóra bóla, sem nóta bene setti sjálfa sig ekki á safn, heldur eru þetta ekki drepsóttir í dag vegna þess að lækning er til við þeim.

Hann einfaldlega spyr af hverju líf hans sé ekki jafn mikils virði og annarra, af hverju það sé talinn ásættanlegur fórnarkostnaður hjá stjórnvöldum að láta eldra fólk, og fólk með undirliggjandi sjúkdóma falla.  Af kurteisi bendir hann ekki á nasistana sem höfðu svipuð viðhorf til þeirra sem veikar stóðu, og gerðu sitt til að hjálpa þeim yfir móðuna miklu.

 

Skrif Jóns Bjarnasonar eru frábær, segja það sem segja þarf, á skýru og rökföstu máli.

Meinið er að svona skrif eru þögguð niður af forheimsku fjölmiðlanna, þar virðast bara vinna fólk sem ekkert óttast, og telur sig ekki eiga nána aðstandendur í áhættuhópi.

Hér er linkur á bloggpistil Jóns, það er bara að hægrismella og opna nýjan glugga.

https://jonbjarnason.blog.is/blog/jonbjarnason/entry/2246435/

Skora á fólk að lesa hann.

Okkur veitir ekki að skynsemisröddum.

 

Flugfélög fara á hausinn.

Ferðaþjónustufyrirtæki fara á hausinn.

Nema núna þegar séu lögð drög að hamfaraáætlun sem frystir lán og veitir aðstoð á meðan greinin aðlagar sig að veruleika heimsfaraldursins.

 

En fávísu börnin okkar eru víst að hugsa um annað.

Og hin meðvirku fífl dansa með.

 

Feigðarós er ekki forðað á meðan.

Kveðja að austan.

Óvissa um afkomu Icelandair vegna veirunnar

Raunveruleikaskyn ráðamanna okkar.

 

Er líkt og þau séu öll fædd á hlaupári, og stað þess að vera komin á aldur, jafnvel fullorðinsaldur, þá hljóma þau lítt eldri en 10 ára eða svo.

 

 

Engin ráðherra eða ráðamaður hefur tekið samtal við þjóðina um að af hverju stjórnvöld telji það mikilvægara að flytja inn veirur í stað þess að vernda líf eldra fólks, og fólks með undirliggjandi sjúkdóma.

Enginn hefur þorað að taka slaginn við hina veruleikafirrtu foreldra sem fara með börnin sín í vetrafrí í skíðaparadís ítölsku Alpanna, og koma svo heim með vírus sem gæti dregið afa þeirra og ömmur til dauða.

Enginn hefur haft kjark til að mæta þeim peningaöflum sem meta fjárhagslega hagsmuni fram yfir líf og limi samlanda sinna.

Hvort sem það er þrýstingurinn á að leyfa flug til sóttvarnarsvæða Ítalíu, eða eyðileggja varnir þjóðarinnar gagnvart útbreiðslu á fjölónæmum sýklum og bakteríum. 

Hjá þessum skynlausu skepnum er gróði mannslífi æðra, og þær virðast ráða öllu.

 

Í daga talar formaður Sjálfstæðisflokksins, fjármálaráðherra þjóðarinnar, útlítandi eins og hann sé eldri en 10 ára, um bankasölu, ætlar að taka skref í þá átt í næstu viku.

Eins og fólk sé að ræða bankasölu þessa dagana.

Veit hann ekki að stór hluti hennar skiptist í tvennt, þeir sem gráta það að kórónaveiran kemur í veg fyrir sögulegan meistaratitil Liverpool, og þeirra sem gera grín að þeim, "þið verðið aldrei meistarar".

Sem er svona gálgahúmor til að mæta hinu grafalvarlegu ástandi sem hlýst af útbreiðslu kórónuveirunnar um alla Evrópu.

 

Þar sem flest smittilvik eru rakin til Ítalíu, ekki Kína.

Og enginn gerir neitt til að hindra þau.

 

Ef aðeins fótboltinn væri í húfi þá mætti kannski skilja þessa samræðu Bjarna við þjóð sína.

En í ljósi þess að dánarhlutfall eldra fólks er á bilinu 10-20% þá er það ekki beint taktískt.

Nær væri að ræða af hverju sé ekki gripið til varna, ekki bara vegna allra þeirra lífa sem eru í húfi, heldur líka vegna þess að leiðin til að berjast við smitleiðir veirunnar er þekkt, og hefur verið beitt með góðum árangri í Kína.

 

Að gera það ekki er kaldranalegt, en kannski ekki svo mjög heimskulegt, hjá þeim sem hugsa í debet og kredit.

En þó íslensk stjórnvöld ákveði að bjóða smitið velkomið, þá eru þau eyland hvað það varðar, úti í hinum stóra heimi er efnahagslífið undir og fjármálamarkaðir hafa þegar sýnt niðursveiflur sem eru áður óþekktar þegar ekki er hægt að rekja hrunið til undirliggjandi erfiðleika á fjármálamörkuðum.

Menn eru bara nógu skynugir til að skilja hvað lokun Kína þýðir, og hvað það þýðir að ferðalög fólks séu heft, hvort sem það er með beinum aðgerðum, eða upplýsingum um hættu á smiti á ferðamannastöðum.

Í raun blasir við gjaldþrot hjá einni af mikilvægustu atvinnugrein heimsins.

 

Fyrirtæki fara á hausinn, fólk fær ekki greidd laun sín, þeir sem lána, fá ekki lánin endurgreidd, þeir geta heldur ekki greitt sínum lánardrottnum.

Dómónínáhrif sem leiða til heimskreppu.

Nema að eitthvað sé gert til að bregðast við.

Frysting lána, skammtímafjárhagsaðstoð á meðan fyrirtæki aðlaga sig að breyttum forsendum og svo framvegis.

Því fyrr sem eitthvað er gert, því líklegra til viðspyrnu, og jafnvel gert þann gæfumun að greinin lifi af heimsfaraldur kórónuveirunnar.

 

En blessuð fávísu börnin, sem buðu og bjóða smitið velkomið samkvæmt reglugerðinni um hið frjálsa flæði, sem brutu vísvitandi niður sóttvarnargirðingar þjóðarinnar gagnvar fjölónæmum sýklum, sem rændu þjóðinni orkunni sinni, þó ennþá eigi eftir að staðfesta ránið, þau gera ekkert af þessu.

Þau ætla bara að selja bankana, eru að fara að leita af kaupendum.

Á meðan hlutabréfavísitölur heimsins eru í frjálsu falli, og enginn veit hvar botninn liggur.

 

Taktíst??

Fávíst??

 

Jæja, það er allavega hægt að segja eitt.

Það er ekki logið uppá þessi blessuð börn.

 

Þau eru jafnvel ofjarlar Baróns Munchausen.

Og þó gat hann logið mörgu.

Kveðja að austan.

 

 

Býst við skrefum í átt að bankasölu á næstu vikum

Á meðan við flytjum inn smit.

 

Skipta aðgerðir stjórnvalda engu máli.

Keðjan verður ekki rofin en slíkt er forsenda þess að útrýma veirusýkingum.

Kínverjar voru nokkrar vikur að fatta þetta, en sáu svo sig nauðbeygða að hefta ferðafrelsi fólks og setja heilu landsvæðin í allsherjar sóttkví.

 

Hér ætla blessuð fávísu börnin að endurtaka öll mistök kínverska stjórnvalda með nákvæmalegu sömu afleiðingum.

Stjórnlausri útbreiðslu og mannfalli.

 

Sjá menn ekki hvað er að gerast á Ítalíu eða Suður Kóreu??

Veiran breiðist hratt út frá og þó eru notuð öflugri ráð til að hefta útbreiðslu hennar en vinsamleg tilmæli á Feisbók um samstöðu.

Það má vera að það gildi önnur lögmál hérna, en mikil má trú manna á þau lögmál vera, ef menn hætta lífi fólks fyrir þá trú.

Og ég segi það satt, eldra fólk og fólk með undirliggjandi sjúkdóma á sama rétt til lífs og við hin.

 

Það er bara svo.

Virðum það.

Kveðja að austan.

Forsætisráðherra hvetur til samstöðu

Ferðatakmarkanir virka ekki segir sóttvarnarlæknir.

 

Samt er það svo að ef honum hefði borið gæfa til að leggja til bann á flugi til Ítalíu, og sett þá Íslendinga sem þaðan komu í 14 daga sóttkví, þá væri vandinn núna bundinn við einhverja gáma undir kontról.

Í stað þess að valda ofsahræðslu meðal þjóðarinnar með því að kalla fólk út af vinnustöðvum og vísa því í sóttkví.

 

Það liggur við að það hvarfli að manni að meðvituð ákvörðun hafi verið tekin að hindra ekki útbreiðslu veirunnar á Íslandi.

Hún sé álitin svona tæki.

Fækkunartæki.

 

Eða veit þetta fólk ekki hvað það gjörir.

Kveðja að austan.

Ferðatakmarkanir ekki inni í myndinni

"Sótt­varna­lækn­ir tel­ur ekki ástæðu til að tak­marka flug­ferðir til og frá Verona".

 

Með því tók hann staðfasta ákvörðun um að bjóða kórónuveiruna velkomna til landsins, og núna er ljóst að hún tók því boði.

Og hvað svo??

 

Játa menn dómgreindarskort sitt og vanhæfni og axla ábyrgð?

Eða verða menn svo ósvífnir að kenna veirunni um að hafa nýtt sér farið, senda henni tilmæli um að hætta því, og leyfa svo fólki að halda áfram að ferðast eins og enginn sé heimsfaraldurinn??

Einhver skálkaskjól verða allavega fundin, og örugglega verður sent erindi til Eflingar hvort einhver skúringakona sé ekki á lausu til að hægt verði að benda á sökudólginn.

 

Eftir stendur sú stóra spurning.

Af hverju er landið stjórnlaust??

Af hverju er dauðans alvara höfð í flimtingum??

 

Það segir allt sem segja þarf að stóra fréttin í morgun frá innlendum stjórnvöldum var að núna ætluðu ráðuneytin að fara vinna saman, eins og samvinna sé ný uppfinning.

Í öðrum löndum ræða menn ógnirnar, áhrifin á lýðheilsu, áhrifin á efnahag.

Og hvað sé hægt að gera.

Fyrirfram, ekki eftir á.

 

En slíkt er ofviða fávísu börnunum sem hafa fátt annað afrekað en að samþykkja regluverk um braskaravæðingu raforkunnar undir styrkri yfirstjórn skriffinna Brussel.

Að ekki sé minnst á að leyfa innflutning á hráu kjöti, frjálsan innflutning á sýklum.

Það er eins og blessuð börnin lifi í sýndarveruleik, og að raunveruleikinn sé þeim ofviða.

Að alvara lífsins sé utan þeirra skilnings.

 

Hvernig lentum við í þeirri stöðu að láta þetta fólk gambla með líf okkar??

Ég bara spyr.

Kveðja að austan.

Fyrsta tilfelli kórónuveiru greinist á Íslandi