Algjör trúnaðarbrestur ríkir!!

 

En hver á að víkja???

Sá sem skammtar fjármuni á þann hátt að ríkisendurskoðun getur ekki uppfyllt skyldur sínar skammlaust miðað við þær kröfur sem Alþingi gerir eða sá sem þarf að velja og hafna verkefnum???

Er óeðlilegt að sá sem þarf að velja á milli aðkallandi verkefna, taki mið af áhuga þingmanna til viðkomandi verks??  

Er óeðlilegt að hann hafi það til hliðsjónar að þeir aðilar sem upphaflega báðu um viðkomandi skýrslu sýndu engin merki um að þeir hefðu áhuga að fá hana í hendur??? 

Eða átti hann að hafa samband við spákonu og fá að vita hjá henni hvaða mál myndu henta Birni Vali að leka í Kastljós þegar hann vildi forðast umræðu um það sem máli skiptir og ríkisstjórnin hefur engin áform að takast á við.

Ef trúnaðarbrestur ríkir, er þá ekki einfaldast að Björn Valur víki????   Það er hvort sem er ljóst að hann muni ekki vera endurkjörin að ári.  

Eða erum við bara í Zimbabwe????  Að vanhæfir stjórnmálamenn, sem þjóna fámennri auðklíku, að þeir geti vaðið á skítugum skónum yfir embættismenn og dómskerfið, alveg eins og þeim dettur í hug.

 

Sem betur fer er svarið Nei, hinir gjörspilltu sitja nokkra mánuði í viðbót og svo mun hin algjöri trúnaðarbrestur þjóðarinnar við þessa skósveina auðmanna sjá til þess að þeir víki.

Og það ekki tímabundið.

Kveðja að austan.

Vill að ríkisendurskoðandi víki

Tóku þeir ekki yfir þingið???

 

Og halda því enn.

 

Kveðja að austan.

Hefðu tekið yfir þingið

Hvað vill Sjálfstæðisflokkurinn gera???

 

Ég bara spyr???

Hvenær ætlar hann að útskýra stefnu sína???

Hvernig getur flokkur verið með um 40% fylgi án þess að segja eitt orð um hvernig hann ætlar að takast á við snjóhengjuna??'

Samfylkingin reynir þó, hún vill taka upp evru svo allavega auðmennirnir sleppi með fé sitt úr landi.

 

En Sjálfstæðisflokkurinn???

Hann talar og malar, en segir ekki orð af viti, eða óviti heldur ef útí það er farið.  

Hann segir ekki neitt um efnisatriði málsins, lætur duga að gagnrýna og gagnrýna ríkisstjórnina fyrir að framkvæma stefnu AGS sem nota bene Sjálfstæðisflokkurinn samdi um á sínum tíma.

Og uppsker 40% fylgi fyrir vikið.

 

Hvað segir þetta um Sjálfstæðisflokkinn, hvað segir þetta um þjóðina????

Kveðja að austan.

Á að senda almenningi risareikning?

Evran í ruslið???

 

Nei, ekki ennþá, fyrst lenda evruríkin þar eitt af öðru, hægt og rólega, en óflýjanlega líkt og lygn á sem rennur alltaf að ósi.

Aðeins dagaspursmál hvenær Spánn lýsir sig gjaldþrota og fer fram á líknarmeðferð AGS og Evrópusambandsins.

Spánn sem áður var fyrirmyndarríki evrunnar er alltí einu orðið úrhrak hennar.  

Og á því er aðeins ein skýring, erlendur gjaldmiðill. 

Því engin þau áföll hafa dunið yfir efnahag landsins sem smá gengisfelling hefði ekki lagað á nokkrum mánuðum.  Og getur ennþá lagað ef Spánverjum bæri gæfa til að reka Eurokratana frá völdum og taka aftur upp pesetann.

 

Þess vegna er svo óumræðanlega fyndið, fyndið ekki grátlegt, að hlusta á gal íslensku evruhananna sem ekkert sjá og skilja en standa uppá spéhól og gala gegn krónu, gala fyrir evru.

Einn fyndnasti evruhaninn, fyrrverandi formaður Rafiðnaðarmanna, gól í Morgunblaðinu fyrir nokkru að "Krónan væri mesti óvinur launamanna".

Og rökstuðningur hans er kostulegur.  Veit fólk til dæmis að kaupmáttur lækkaði að meðaltali um 0,4% árlega frá 1945 til 1985 en jókst til dæmis um 1,6% að jafnaði í Danmörku, árlega á sama tímabili. 

Munið þið ekki eftir myndunum af íslenskum heimilum frá árinu 1945, þetta voru einbýlishús, stór, jeppar fyrir utan og stofur hlaðnar af húsgögnum.  Og ekkert heimilisfólk á myndum, allir í sólarlandaferðum.  

Svo 1985, gömul hrörleg hús, fátt um húsmuni, enginn bíll í bílastæðinu, allir heima.  

Munið þið ekki hvað fólk hafði það gott 1945, og skítt 1985, enda ekki nema von, árleg kaupmáttarrýrnun um 0,4% árlega er ansi mikil á 40 ára tímabili.

Eða var þetta öfugt?????

 

Fyrir utan svona sorglegt bull sem gerir ekki einu þá kröfu að til staðar séu lágmarks vitsmunir hjá evrufylgjendum þá er heimskan sem gegnsýrir röksemdir þessa fyrrum verkalýðsleiðtoga æpandi að maður spyr  sig hvort flytja þurfi inn simpansa svo Samfylkingin eigi einhverja von í næstu kosningum.

"Kjarasamningar ógiltir jafnóðum af þeim sem fara með hagstjórnina" og þá tilvísun í þann tíma þar sem fastgengisstefnan hélt ekki, einmitt vegna kjarasamninga sem tóku ekki mið af kaupmætti þjóðarbúsins, og fljótandi gengi kennt um.

 

Hvað hefði gerst ef gengið hefði ekki verið fellt????

Segjum að þegar öll nauðsynleg útgjöld þjóðarbúsins hefðu verið gerð upp og afgangs hefði verið gjaldeyrir til að kaupa 100 jeppa.  Og þegar öll heimili landsins hefðu verið búin að gera upp öll sín útgjöld, að þá hefðu þau kaupmátt til að kaupa þessa 100 jeppa.

Þetta einfalda jafnvægi kallast gengisstöðugleiki.  

Segjum að í kjarasamningum næsta árs hefðu menn viljað viðhalda þessum gengisstöðugleika???  Reiknað með að nettótekjur þjóðarbúsins hefðu aukist um 10%, að 110 jeppar væru til ráðstöfunar.  Kaupið því hækkað um 10% og því kaupmáttur til staðar að kaupa þessa viðbótar 10 jeppa.

En þegar árið var gert upp, þá hækkuðu nettótekjur þjóðarbúsins aðeins um 5%, nettógjaldeyrir var aðeins fyrir 105 jeppum.

 

Hvað gera bændur þá?  Hvað gera heimili landsins þegar tekjur reynast minni en áætlað var???

Jú, þau eyða minna.  

En hvað gerir þjóðarbúið í sömu stöðu???   Getur það keypt 110 jeppa fyrst að kaupmáttur kjarasamninga gerir ráð fyrir því???

Nei, það getur aðeins keypt hina 105 jeppa, gjaldeyriseignin leyfir ekki meir.  

Og eina ráðið sem hagstjórnin hefur er að lækka innri kaupmátt þjóðarinnar, aðlaga hann að þessum 105 jeppum.  Til þess er gengisfellingin einfaldasta ráðið, fyrst að kjarasamningar byggðust á áætlun, en ekki raunveruleika.  

Kjarasamningarnir voru óraunhæfir, þeir vildu eyða meir en aflað var.

 

Og verkalýðsleiðtoginn fyrrverandi sem gerði þessa kjarasamninga, lýtur ekki í eigin barm, kennir hagstjórn og gengisfellingum um að ekki var hægt að eyða meir en var aflað.  

Fattar ekki hið einfalda samhengi að til að auka kaupmátt þjóðarbúsins þarf að auka tekjur þess.  

Skammar staðreyndir fyrir að lúta ekki óskhyggjunni.

Talar um illa rekin fyrirtæki sem er bjargað með gengisfellingu.

 

Það er vissulega rétt að það er ekki góður fyrirtækjarekstur að samþykkja launahækkun sem menn geta ekki borgað, og þurfa gengisfellingu til að bjarga sér úr stöðunni.  

Væri gengið fast, eða menn notuðu evruna, þá er ljóst að menn myndu ekki hækka launin, nema þá til þess eins að fara á hausinn.  

Til hvers var þá verkalýðsleiðtoginn að krefja fyrirtækin um launahækkun?????  Þegar þau verða sjálfkrafa illa rekin þegar þau samþykkja hana????

 

Heimskt???  Mjög svo en það er verkalýðsleiðtogi sem talar svona.   Hann á að vita manna best hvað það þýðir að fyrirtæki þurfa að lækka launakostnað því endar ná ekki saman.  Þau segja upp fólki, eða þau knýja fram launalækkun.

Hvorutveggja hefur gerst á evrusvæðinu þar sem launkostnaður  fyrirtækja er of hár miðað við tekjur þeirra.  Til dæmis er atvinnuleysi nú um 15% í Portúgal, um 20% á Grikklandi og fer vaxandi.  En það segir ekki hálfa söguna, þeir sem hafa vinnu, hafa hana vegna þess að þeir hafa sætt sig við mikla launalækkun.

Og þeir sem hafa vinnu og hafa ekki þurft að sætta sig við launalækkun, vita ekki hvenær röðin kemur að þeim.  Því hagkerfið dregst sífellt saman.  Sá sem ennþá nær endum saman í dag, getur verið rekinn með tapi á morgun.  Valkostur, annaðhvort að lækka laun starfsmanna, eða verða gjaldþrota.

 

Er það þetta sem hinn fyrrverandi verkalýðsleiðtogi vill???

Er þetta sú draumsýn sem rekur hann til að slá fram þeirri fullyrðingu að "Krónan væri mesti óvinur launamanna".

Varla skildi maður ætla nokkrum svo svarta sál, að vilja stöðugt gengi á kostnað lífskjara almennings.  Að laun og atvinnustig sé breytan sem notuð er til að ná jafnvægi í hagkerfi.  

Á meðan þeir sem eiga peningaeignir þurfi engri skerðingu að sæta.

Að blóð almennings næri auð yfirstéttarinnar.

 

En ef hann er ekki svona svartur á sál, þá er hann óumræðanlega heimskur.  Og mér til efs að læsir simpansar myndu taka undir rök hans.  

Samfylkingin á því kannski enga von í næstu kosningum.

Evran er líka á leið í ruslið.

 

Eða hvað????

Kveðja að austan.

 

 

 

 

S&P lækkar einkunn sjö spænskra banka

Blindur steytir á skeri.

 

Ef hann á leið um skerjagarð.

 

Íslenska þjóðin mun steyta á skerjum evrunnar líkt og aðrar þjóðir Evrópusambandsins.

Í stað vonar kemur hið endalausa myrkur samdráttar og stöðnunar,  úr efnum í fátækt, frá velmegun í örbirgð.

Augljóst öllum nema þeim sem góla hæst gegn krónunni, vilja takast á við vanda dagsins með lausnum draumaríkis sem lýtur þeim lögmálum að  sögð orð verða strax að veruleika. 

Í slíku draumríki gildir ekki lögmál vísindanna, vatn sýður þar ekki við 100 gráður ef menn kjósa að það sjóði við 10 gráður, þar gilda ekki lögmál náttúrunnar, fæða sprettur upp af grjóti, og þar gilda ekki lögmál heilbrigðrar skynsemi, menn þurfa ekki að afla áður en þeir eyða.

Í slíku draumríki lifir evran góðu lífi.

Og það þarf ekki að taka það fram að í draumaríki evrunnar sigla blindir heilir í gegnum skerjagarðinn.

 

En því miður fyrir alla hina galandi rugludalla þá lifum við í raunheimi, í núinu, og við þurfum að lúta þeim lögmálum lífið byggist á.

Vatn sýður við 100 gráður, þó við höldum öðru fram, dugar lítt að breyta þeirri staðreynd með því að taka upp evru.

Og við eyðum ekki meira en við öflum, að teknu tilliti til þess lánstrausts sem við höfum, dugar lítt að breyta þeirri staðreynd með því að taka upp evru.

 

Það sama gildir um þjóðir, þær kaupa ekki meira inn frá öðrum þjóðum en þær ná til að selja þeim í staðinn.  

Þessi kaupmáttur þjóða kallast gengi, og það gengi er fast, óháð því hvaða gjaldmiðil þau nota.  Skiptir ekki máli hvort þau nota krónu eða evru, kanadískan dollara eða svissneska franka.

Þjóðir geta aldrei eytt meir en þær afla.

 

Eigin gjaldmiðill hefur kosti og galla líkt og allt annað í lífinu.  Það er aðeins í draumríki hugarburðarins sem allt er galllaust.

Einn helsti gallinn er viðskiptakostnaður sem getur dregið úr nettótekjum þjóðarbúsins.  

Helsti kosturinn er beintenging við hið óumbreytanlega lögmál að þú eyðir ekki meir en þú aflar, það geta ekki flætt meiri verðmæti úr landi en beinharður gjaldeyrir leyfir.   

Annar kostur, ekki síðri er að eigin gjaldmiðill neyðir aðila hagkerfisins til að skipta innbyrðis, en slík innbyrðis viðskipti eru forsenda öflugs atvinnulífs.  Ein meginheimska hinna galandi bullukolla er að þeir fatta ekki þessu einföldu forsendu fyrir hagvexti og velmegun.  Að því gefnu að það sé ekki stórt hagkerfi á Mars sem kaupir vöru frá jarðarbúum, þá getur hagkerfi jarðar ekki þrifist á útflutningi, það geta ekki allir flutt út, það verða einhverjir að kaupa inn.

 

Að nota erlendan gjaldmiðill hefur líka sína kosti og galla.  

Helsti kostur hans er að hann flýtur vel á milli hagkerfa, sem dregur úr kostnaði við millilandaviðskipti.  Annar kostur er að ef hann er notaður á stóru svæði, þá er erfiðara að fífla hann með ýmsum aðgerðum sem draga úr verðmæti gjaldmiðla.  Afleiðingin er það sem kallast aukinn stöðugleiki, sem reyndar er fínt orð yfir stöðnun sem er systir kreppunnar.  Sem er enn ein áminningin um að allt hefur sína kosti og galla.

 

Gallarnir við erlendan gjaldmiðil eru margir en sá stærsti er að notkun hans þarf að lúta lögmálinu um að þú eyðir ekki meir en þú aflar.  

Og þegar flæðið á fjármunum er óheft á milli landamæra þá er fjandanum snúnara að stöðva eyðslu umfram efni.  Afleiðingin er að hagkerfi geta þornað upp af fjármunum, ótæpilegar skuldir geta myndast í öðrum hagkerfum og þegar kemur að skuldadögum blasir aðeins auðn og dauði við.  

Líkt og í Evrópu í dag.  Niðursveifla sem ekkert lát virðist á.  

 

Það er skiljanlegt að almenningur þrái stöðugan gjaldmiðil, að laun haldi kaupmætti sínum, að það sé hægt að eyða þeim að vild hvar sem er í heiminum og svo framvegis.  

Það er jú alltaf gaman í draumríki hugarburðarins.

En það er almenningur sem blæðir í löndum sem nota erlendan gjaldmiðil (evran lýtur lögmálum erlends gjaldmiðils á evrusvæðinu fyrir öll löndin þar) þegar það þarf að skera niður.  Þegar ekki er hægt að skera niður verðmæti gjaldmiðils til að láta eyðslu mæta tekjum, þá eru laun skorin niður, bætur, útgjöld til velferðarmála, en þeir sem eiga, fá ekki hár skert á höfði sínu.

Þess vegna er yfirstétt allra landa svo hrifin af erlendum gjaldmiðlum, það er þá sem hún hefur allt sitt á þurru, það er þá sem hún þarf ekki að taka á sig byrðarnar af kreppum og samdrætti.  

 

Þetta er ennþá grátlegra því almenningur hefur sjaldnast nokkuð með það að gera að bólur eða þennsla myndast í hagkerfinu, en hann þarf alfarið að borga brúsann þar sem ekki er hægt að gjaldfella gengi gjaldmiðla.  

Að nota erlendan gjaldmiðil er eins og að allir íbúar við sömu götuna fái aðeins eitt kreditkort sem þeir nota að vild, eða þar til að það kemur að gjalddaga.  Það skiptir ekki máli að flestir reyni að eyða ekki meir en þeir eru borgunarmenn fyrir, það dugar að einn eyði ótæpilega út á lánstraust hinna.  Það þurfa allir að borga hina 10 Bensa og 1.000 fermetra sumarvilluna í Flórída, sem keypt var þennan mánuðinn.  Og enginn veit hvað hinum eyðslusama dettur í hug í næsta mánuði.  

Gjaldþrot er óumflýjanlegt en þeir geta ekki flúið, þeir sitja uppi með sitt sameiginlega greiðslukort og sleppa ekki úr snörunni fyrr en þeir eru allslausir, án eigna, án tekna, án nokkurs nema hinna sameiginlegu skuldar.

Þannig virkar hið frjálsa fjármagnsflæði, þannig gerist þegar meira fjármagn getur leitað yfir landamæri en aflað er í staðinn.  

Þannig gerist þegar útbúið er kerfi að einn getur eytt meir en allir afla.  En allir eru í sameiginlegri ábyrgð.

 

Ekkert hagkerfi þrýfst með frjálsum fjármagnsflutningum yfir landamæri.  

Það hefur aldrei gerst, það mun aldrei gerast.

Ekki frekar en að vatn sjóði við 10 gráður, ekki frekar en að vatn renni uppá móti.  

Það er aldrei hægt að flytja meir yfir landamæri en menn afla á móti.  

Frjálsir fjármagnsflutningar verða aðeins að veruleika þegar hagkerfi jarðar er eitt.  

 

Og það þýðir ekki að byrja á öfugum enda.

Að leyfa fyrst frjálsu fjármagnsflutningana og leyfa þeim að rústa öllu og síðan vona að eitt hagkerfi rísi upp úr rústunum.

Þó það sé reynt á evrusvæðinu, þá gengur það ekki.  

Ekki á meðan almenningur hefur lýðræðislegan rétt til að lifa sem manneskjur, ekki sem þrælar fámennar yfirstéttar.

Almenningur mun  alltaf rísa upp að lokum.

 

Og fréttir frá Evrópu herma að sú upprisa sé hafin.

Því almenningur í Evrópu er sleginn blindu fagurgala hinna gólandi evruhana, en hann er ekki blindur.  

Hann mun snúa frá skerjagarðinu áður líf hans og lífskjör stranda endanlega á skerjum heimskunnar.

 

Því almenningur er ekki heimskur.

Hann er aðeins trúgjarn.

 

Kveðja að austan.

 

 

 

 

Hlé verði gert á ESB-viðræðum

Nauðvörn þjóðar krefst nýrrar hugsunar.

 

Íslenska þjóðin er að glíma við sama vanda og þjóðir Evrópusambandsins, að losa um heljartök sýndarfjármálakerfisins á raunhagkerfinu, að ná jafnvægi á fjármálamarkaði og stöðugleika í gengismálum án þess að grunnforsendur nútíma þjóðfélaga séu eyðilagaðar. 

Grunnforsendurnar eru menntun, heilsugæsla, velferð, mannsæmandi lífskjör.

Sem eru forsendur velmegunar og stöðugleika, hagvaxtar og framþróunar.   

 

Nokkur lykilatriði þarf að hafa í huga.

Að almenningur sé ekki skuldsettur fyrir skuldum einkaaðila, að braskeign pappírsviðskipta sé metin á raunvirði þeirra viðskipta sem að baki liggja, að allur ránshagnaður hinna nútíma ræningjabaróna fjármálalífsins (eins og til dæmis hagnaður sem menn taka út úr fyrirtækjum með skuldsettum yfirtökum) verði gerður upptækur og lagður sé grunnur að heilbrigðu athafnalífi þar sem gegnsæi og eðlilegir viðskiptahættir eru leiðarvísanirnir.

 

Tillaga Samstöðu um Nýkrónu er ein þeirra leiða sem þjóðin þarf að ræða af fullri alvöru.  

Hún er ekki besta leiðin, eða sú leið sem farin verður.

Sú leið liggur í framtíð umræðunnar þar sem vandinn er kryfjaður og lausn fundin sem uppfyllir þau skilyrði sem minnst er á hér að framan.

 

Vandinn er miklu dýpri og alvarlegri  en svo að einhver plástur á kerfið fái hann tæklað.

Sjálfar forsendurnar, sjálft kerfið er rangt.

Sú grunnhugsun hans að lágmarka kostnað með öllum tiltækum ráðum leiðir aðeins til einnar niðurstöðu, enginn kostnaður, ekkert mannlíf, ekkert samfélag, ekki neitt.

Þróun mannsins frá árdaga hefur verið að auka kostnað, frá þrælahaldi til nútímra lífskjara þar sem allir hafa í sig og á.  Framþróun sem er rekin áfram af tækni, menntun, nýrri hugsun, nýjum aðferðum.

 

Þróun sem skyndilega var snúið við með hinn svokallaðri alþjóðavæðingu þar sem gróði stórfyrirtækja og auðmógúla byggist á sífelldri leit að hinum lægsta samnefnara.

Hinn aumasti af öllum aumum, hinn fátækasti af öllum fátækum, hið lélegasta af öllu lélega, drífur hina áfram hina alþjóðlegu framleiðslu. 

Með þekktum afleiðingum, þrælahaldi, arðráni, rányrkju og gegndarlausri mengun og gegndarlausum umhverfissóðaskap.

 

Þetta kerfi er hin raunverulega skýring á ógöngum Vesturlanda, og þetta kerfi ógnar allri tilveru mannsins.

Þetta er sjálft Dauðahagkerfið.

 

Tilvera okkar og framtíð byggist á að takast á við þetta kerfi, útrýma því.

Að tefla fram mannviti gegn heimsku, siðaðri hegðun gegn siðblindu, siðmenningu gegn villimennsku þrælahaldsins.

Það þarf nýja hugsun.

Það þarf að móta hagkerfi lífs gegn hagkerfi dauðans.

 

Og það verður ekki gert með klisjum og upphrópunum.

Það þarf nýja Sýn, Hugljómun um að til sé eitthvað betra, fallegra, að hægt sé að lifa góðu lífi hér á jörðu.  Og að allir fái lifað slíku lífi, ekki aðeins fámenn auðstétt eins og Dauðahagkerfið heldur fram.

Og það þarf þá bjargföstu trú að lífið sé þess virði að berjast fyrir.  

 

Sá flokkur eða hreyfing sem áttar sig á þessum staðreyndum mun leiða þjóðina út úr núverandi ógöngum inní Nýja og betri framtíð.

Í dag gera margir tilkall til þess en í raun hefur enginn stigið þau skref sem þarf að stíga.

Flokkar eins og Samstaða og Hægrigrænir reyna þó, og eiga þeir þökk skylda.  

En það þarf meira, miklu meira, ef þeir ætla að hafa hin minnstu áhrif á framgang sögunnar.   

 

Og á meðan tifar klukkan, Dauðahagkerfið á ekki mörg skref eftir.

Kveðja að austan.

 

 

Samstaða vill taka upp „nýkrónu“

Er þetta landráð fyrir opnum tjöldum???

 

Að funda með AGS og Framkvæmdarstjórn ESB um afnám gjaldeyrishaftanna.

Sem er fínt orð yfir hvernig á skuldsetja íslenskan almenning fyrir froðu útrásarinnar.

Grikkir vita hvað svona spjall við AGS þýðir.

Og var það ekki Framkvæmdarstjórn ESB sem sagði, borgið ICEsave og þegið.  Og fór síðan í mál þegar þeim var bent á sín eigin lög og reglur.

 

Er komið að skuldadögunum, uppgjör við þá forheimsku okkar að kjósa leppi Útrásarinnar til að stýra landinu.

Er komið að endalokum þess velferðasamfélags sem áar okkar byggðu upp með blóði sínu, svita og tárum.   

 

Upphafið af endalokum grísku þjóðarinnar var svona vinnufundur með AGS og Framkvæmdarstjórn ESB.  Á Spáni og Ítalíu óttast menn mjög svona fyrirhugaða vinnufundi.

En ekki á Íslandi.  

Hér eru allir ligegladir, ræðandi um um einhverja tölvuvæðingu sem átti sér stað fyrir 10 árum síðan.  Eins og ekkert annað sé brýnna þessa dagana.

Eins og engin ógn blasi við þjóð okkar en sú hvort er meiri slóði, Sveinn eða Björn.

 

Er þetta skýringin á nýjasta stýrða lekanum í Kastljós.

Átti að tryggja að þjóðin elti spýtuna gjammandi um móana á meðan mat barna hennar er stolið.

Er þetta sú forheimska sem kennd var við brauð og leika.

Og endar með 55% fylgi Sjálfstæðisflokksins og skuldaánauð þjóðarinnar.

Er verið að leggja drög að samkomulagi sem hin styrka stjórn flokksins eftir kosningar mun framfylgja.   Með dyggri aðstoð Samfylkingarinnar.

 

Það eru margar spurningar sem vakna, og aðeins innvígðir vita svörin.

En ógæfa þjóðarinnar er grátleg, hún gín við leikum á meðan illfylgi ráða örlögum landsins.

Við vitum hvenær næsta skref verður tekið í hinu meinta afnámi gjaldeyrishaftanna.  

Það er þegar drögin af stjórnarskránni taka yfir alla umræðu.

 

Því þeir sem vilja þjóðinni illt, þeir sem ætla mergsjúga hana og skuldaþrælka, þeir þurfa ekki að vinna að framgangi myrkraverka sinna í felum.

Þeir þurfa ekki einu sinni að útdeila brauði, mútum eða plástri til að deyfa mesta sársaukann. 

Þeim dugar leikarnir, að fífla þjóðina.  

Að láta umræðuna snúast um það sem ekki er.

 

Því peningaöflin hafa keypt upp Andófið, og stjórna því frá A til Ö. 

Það er nefnilega  engin svona vitlaus að þegja um skuldaánauð og tala um stjórnarskrá, eða 10 ára gamla tölvuvæðingu, eða önnur ómál sem engu skipta.

Nema gegn borgun.  Hvort sem hún er efnisleg eða í formi loforðs um að fá að vera með þegar náhirðar valdsins ráða sínum ráðum eða raða sínum við kjötkatlana sem þjónar AGS fá að næra sig og sína.

 

Það er nefnilega ekkert tilviljun háð.

Ekki einu sinni ógæfa þjóðarinnar.

Kveðja að austan.

 

 

Funduðu um afnám gjaldeyrishafta

Hetjan Björn Valur.

 

Dettur óvart inní miðja atburðarrás eftir enn einn Farsann, "Kastljós hefur undir höndum gögn ....." og síðan byrjar óvart umfjöllun sem hentar núverandi valdhöfum vel.

Umfjöllun um ekkert þegar allt er undir hjá þjóðinni.

Og það er talað um spillingu, spillingu fyrri ráðamanna.

 

Það er segin saga og ný að innleiðing nýrra tölvukerfa kostar alltaf meir en áætlað er.  Skiptir ekki máli hvort það er hjá hinu opinbera eða í einkageiranum.  

Ef eitthvað samsæri er í gangi þá hlýtur það liggja hjá tölvunargúrúm sem alltaf virðast geta vanmetið kostnað og alltaf komist upp með það.

En það er ekki kjarni málsins.

 

Kjarni málsins er sú ótrúlega atburðarrás sem fór í gang við umfjöllun Kastljós, atburðarrás sem fær mann alvarlega að efast um fólkið sem nú starfar á Alþingi. 

Tökum nokkra gullmola af Ruv.is.

 

"Róbert Marshall, þingmaður Samfylkingarinnar, taldi aðgerða þörf. „Það þarf að fara fram sjálfstæð rannsókn á málinu vegna þess að það snýst ekki lengur um það hvort Ríkisendurskoðun eða einhver annar hafi brotið lög heldur snýst það um það að við verðum að geta borið traust til þessara stofnana.“"

 

Þegar haft er í huga að skýrsla ríkisendurskoðunar var gerð að beiðni þingflokks Samfylkingarinnar þegar árið 2004, þá eru þessi orð Róberts ótrúleg.  

Hvaða eftirfylgni er það með stjórnsýslunni að það þurfi stýrðan leka til Kastljós til að geta kallað eftir skýrslunni haustið 2012, 8 árum eftir beiðnina.  

Á að kenna Sjálfstæðisflokknum þennan drátt, þessi slælegu vinnubrögð????

Hvernig geta fyrstu viðbrögð þingmanns, þingmanns sem var þingflokksformaður Samfylkingarinnar, verið gífuryrði þegar hann hefur ekkert í höndunum um að hann hafi fylgt þessari beiðni eftir.  

 

Tökum þá fyrir orð hetjunnar, Björn Vals, sem alveg óvart lét slá sig til riddara eftir hinn stýrða leka.

"Fjárlaganefnd mun auðvitað byrja á því að kalla fyrir Ríkisendurskoðun, spyrja tiltekinna spurninga um það hvers vegna þetta mál er þannig vaxið innan stofnunarinnar eins og hér hefur komið fram, hvers vegna það hafi ekki borist í hendur þingsins til umfjöllunar. ".

 

Björn Valur er formaður fjárlaganefndar og lætur eins og að hann sé fyrst að frétta af málinu núna.  Samt segir í annarri frétt Ruv um málið að "Björn Valur Gíslason þingmaður Vinstri grænna óskaði eftir upplýsingum um málið og afdrif þess hjá Ríkisendurskoðun árið 2009."

Hvað segir þetta um hetjuna Björn Val, sem óvart var miðpunktur hins meinta leka Kastljós.  

Af hverju fylgdi hann ekki þessu máli eftir?????

 

Ef þetta var svona leyndó, hver stövðaði þá Björn í að taka málið upp við Forseta Alþingis???   

Og ef hann hefði ekkert gert í málinu, hver stöðvaði Björn Val í að taka málið upp utan dagskrá undir liðnum störf Alþingis???

Var það kannski Davíð Oddsson????  Er hann búinn að vera forsætisráðherra frá 2009???

 

Þetta er ótrúlegur farsi og ótrúlegt að þjóðin skuli láta sömu aulana spila svona með sig trekk í trekk.

Og til hvers halda menn að leka sé stýrt í Kastljós????

Hvaða viðkvæm mál eru þá í farveginum sem má ekki ræða???

 

Síðan er það, ef málið er eins alvarlegt og það er látið hljóma, grafalvarlegt mál að Alþingi skuli ekki gæta að virðingu sinni og fara fram á við ríkisendurskoðun að hún drífi í að klára hina meintu leyniskýrslu.

Hún verði þá birt og rædd fyrir opnum tjöldum.  Og þá út frá staðreyndum mála, ekki gífuryrðum og upphrópunum.

Þetta er almannafé sem er verið að ræða um, ekki frjáls framlög frá stjórnsýslunni í kosningasjóði þingmanna sem ætla að slá bommertur til að tryggja sér athygli sem nýtist þeim í næsta prófkjöri.

 

Og ef það er rétt að stjórnsýslan hafi verið að leyna þinginu upplýsingum, þá verður að upplýsa í hvaða skjóli sú leynd átti sér stað.  Hvaða þingmaður eða ráðherra vann ekki sína vinnu???

Því stjórnsýslan ræður ekki, hún sýslar, hún framkvæmir ákvarðanir framkvæmdavaldsins.  

Hún á sér sína yfirmenn, hún þarf að lúta boðvaldi.

 

Hver brást í þessu máli annar en hetjan Björn Valur Gíslason???

Það væri fróðlegt að vita.

Kveðja að austan.

 

 

 

Ófullnægjandi útskýringar

Hvað segir þetta um vinnubrögð Alþingis???

 

Að enginn segi neitt öll þessi ár.

Að þegar málið fær athygli fjölmiðla að þá er rokið að stað með upphrópanir og yfirlýsingar, án þess að hafa nokkra hugmynd um staðreyndir mála.

Hver er fagmennska slíkra vinnubragða???

Og hvaða hlutverki þjónar farsinn????

Er leikaárinu ekki að vera lokið???

Eða hefst nýtt tímabil næsta vor????

 

Og ekki hvað síst, er þetta það sem við viljum???

Kveðja að austan.

Kemur niður á traustinu

Einn farsinn enn.

 

Um allt og ekkert, um geð og geðshræringu, með upphrópunum og yfirlýsingum.

Og svo??????

Falla aflandskrónurnar hægt og hljótt á þjóðina.

Hægt og hljótt er landið innlimað í Evrópusambandið.

Heilbrigðiskerfið hrynur innan frá.

 

Án þess að nokkur hrópi, án þess að nokkur slái í borðið.

Kveðja að austan.

Sagði skýrsluna vera þýfi