Þriðja bylgjan væri þegar hafin.

 

Í kjölfar þeirrar sem við virðumst vera ná tökum á, ef sóttkví og seinni skimun hefði ekki náð að greina smitbera við landamærin.

Stórfrétt sem fær enga athygli á Mbl.is eða Ruv, leiðréttingin er birt, en ekkert fjallað um hvað í henni felst fyrir daglegt líf landsmanna.

 

Af sem áður var, og var fyrir 2 dögum þegar upplýsingafulltrúa almannavarna varð það á að segja að enginn smitberi hefði fundist við seinni skimun, þá upphófst Þórðargleði mikil, og sönnun um að smitvarnir virki, var snúið uppá andskotann með því að segja að þetta væri sönnun þess að skimun við landamærin væru óþörf.

Fyrsta frétt Ruv á laugardagskvöldinu sem leitaði síðan upp fólk sem hvatti til að sóttvarnir á landamærum væru felldar með málsókn.

 

Hvað gengur þessum fjölmiðlum til??, hverjum þjóna þeir, hver er tilgangurinn??

Og hvaða blaðamennska er þetta að kasta inní umræðuna einhliða áróðri sem vegur að sóttvörnum og vegur af því frelsi landsmann að fá að lifa án ótta og hamlandi sóttvarna án þess að leita fleiri sjónarmiða eða spyrja gagnrýna spurninga þegar augljóst er að blaðagreinarnar sem vitnað var í, annars vegar í Fréttablaðinu og hins vegar í Morgunblaðinu, voru hluti af hannaðri atlögu gegn seinni skimun við landamærin.

Svarið getur aðeins verið eitt, fréttastjórar Mbl.is og Ruv voru hluti af hinum keypta áróðurspakka, annað er alvarleg vanhæfni sem bendir til að viðkomandi eru óhæfir til að gegna störfum sínum.

Spurning reyndar hvort það sé skömminni skárra að vera í samstarfi við almannatengil við hönnun frétta sem hafa þann tilgang að ná ákveðnum markmiðum fyrir sérhagsmuni gegn almannahag.

 

 

Þegar Reimar Pétursson slær fram einhverri meðalahófsreglu þá er hann ekki spurður hvað það þýðir á mannamáli, er eitthvað meðalhóf að bera saman 5 daga sóttkví ferðamanna á landamærum við innilokun þúsunda Íslendinga á hjúkrunarheimilum með mjög ströngum heimsóknarreglum, felst hófið þá í að óþægindi ferðamanna vegi þyngra en óþægindi innlendra.

Og af hverju var hann ekki spurður nánar út í þennan rökstuðning sinn áður fréttin um niðurstöður hans fór í loftið?

"Að minnsta kosti benda viðbrögð annarra Evrópuþjóða, eyríkja sem annarra, sem búa við stjórnskipun og löggjöf sem líkist okkar, til þess að síður íþyngjandi aðgerðir séu nú um stundir taldar nægjanlegar. Engar þeirra virðast álíta það markmið raunhæft eða samrýmast hófsemd að reyna að skapa veirufrítt svæði með því að stöðva allar ferðir yfir landamæri.".

Núna vita blaðamenn, þeir hafa sjálfir verið að birta fréttir um það, að í mörgum Evrópulöndum, reyndar bara með örfáum undantekningu, eru svokallaðir rauðir listar sem þýðir að krafist er 14 daga sóttkvíar við komu til landsins.  Er það meira meðalhóf, 14 dagar, en 5 daga sóttkví??

Blaðamenn vita líka að það eru til fleiri lönd en Evrópulönd, vestrænu ríkin á Suðurhveli, Ástralía og Nýja Sjáland loka hreinlega á ferðamenn, mörg Asíuríki hafa svipaðar reglur eða gera skilyrðislausa kröfu um 14 daga sóttkví, sem er 8 dögum fleiri en gert hér á Íslandi. Lágmarkið hefði verið að spyrja Reimar hvort það sé birtingarmynd rasisma að taka ekki aðgerðir Asíuríkja með þegar hann reiknaði út meðalhóf sitt.

En hin algjöra heimska, eða vísvitandi lygi, var að tala um minni íþyngjandi reglur í Evrópuríkjum.  Blaðamenn Ruv og Mbl.is birta nær daglega fréttir um að Evrópuríki séu að herða sóttvarnir vegna þess að faraldurinn er að fara úr böndum í löndum þeirra.

Að vitna í það sem var, til ráðast á það sem mun verða, slíkt er í besta falli áróður, hefur ekkert með fag eða fagþekkingu viðkomandi lögfræðings að gera.

 

Rökstuðningur sem heldur ekki vatni er ekki tilefni fréttar um mögulega málsókn einstaklinga gegn sóttvarnaryfirvöldum.

Tilgangurinn hlýtur því að vera annar.

 

En þetta er ekki tilviljun, annarri blaðagrein sem var hampað er grein eftir íslenskan prófessor við Harvard háskóla, og snobbið eða undirlægjuhátturinn er það rótgróið að grein hans var hleypt athugasemdarlaust inní umræðuna.

Enginn fagaðili, eða þeir sem gagnrýnin beindist að, spurður hvort hann hefði athugasemdir við rök eða niðurstöðu.

Nema Vísir.is sem sá í gegnum blekkinguna, blaðamaður þar hafði rekist á feisbókarfærslu og tók í kjölfar viðtal við "Jón Magnús Jóhannesson, sérnámslæknir á Landspítalanum".  Birti útdrátt úr rökstuðningi Jóns í athugasemdarkerfinu en niðurstaða hans er lýsing á vinnubrögðum sem kennd er við loddara;

"Þetta er, akkúrat núna, eitt stærsta vandamál sem við höfum glímt við lengi í heimi smitsjúkdóma og í læknisfræðinni almennt. Það er einhvern veginn bara ekki viðeigandi að setja þetta fram á þennan hátt, því ef maður les þetta án þess að hafa þá vitneskju sem þarf í faraldursfræði og tölfræði þá hljómar þetta eins og þetta sé ekkert svo hættulegt og við getum bara komið samfélaginu aftur af stað. Það gengur bara ekki upp og passar ekki miðað við raunveruleikann.";".

 

Eins má hefði átt að spyrja út í þessar fullyrðingu prófessorsins; "Það er óraun­hæf út­ópía að búa í veiru­fríu landi því það er ekki hægt að loka veiruna úti til lengd­ar eins og ný­leg dæmi frá Fær­eyj­um og Nýja-Sjálandi sanna", ekki bara vegna blekkingarinnar að vísa í Færeyjar og Nýja Sjáland, heldur líka vegna hugarfarsins sem grefur undan öllu sóttvörnum.

Það er vissulega rétt að veirur eru hluti af lífi okkar, en það þýðir samt ekki að það sé ekki hægt að berjast við hættulega smitsjúkdóma, halda þeim í skefjum og jafnvel útrýma þeim.  Sóttvarnir halda mörgum smitsjúkdómum í skefjum svo faraldrar af þeim heyra sögunni til.  Vegna bólusetninga eru barnasjúkdómar hugtak sem yngri kynslóðir þekkja ekki til á eigin skinni, og það eru ekki mörg ár síðan Alþjóðaheilbrigðisstofnunin lýsti yfir sigri á bólusótt, þeim skelfilega sjúkdómi en á Vísindavefnum má þetta lesa um hana; "Bólusótt er bráðsmitandi sjúkdómur sem herjar eingöngu á mannskepnuna og orsakast af veirunni variola virus".

Samt vogar íslenskur prófessor í Bandaríkjunum sér að vega að lýðheilsu þjóðarinnar með fullyrðingu sem hann veit að er röng.  Og þá skulum við íhuga hvað felst í því sem dæmin sanna, það er seinni bylgju veirunnar í Nýja Sjálandi og Færeyjum.

 

Með sóttvörnum á landamærum náðu Færeyingar þeim tökum á faraldrinum að enginn féll vegna kórónuveirunnar, seinni bylgja þeirra var vegna þess að slakað var á sóttvörnum við landamærin.  Samt er dánarhlutfall þeirra 0.

Nýja Sjáland fékk seinni bylgju með lúmskri leið veirunnar, í gegnum innflutning á frystum matvælum.  Í kjölfarið einangruðu þeir smitsvæði í þeim tilgangi að útrýma veirunni aftur.  Þeir ætla að lifa í veirulausu landi líkt og Kínverjar ætla sér og hefur tekist hjá þeim fram að þessu.  Dánarhlutfallið hjá þeim er 4 per milljón íbúa.

Dánarhlutfallið í Bandaríkjunum sem prófessorinn segir að séu slakir þessa dagana og veiran sé þar á niðurleið, er 565 per milljón íbúa.

Munurinn er mannslíf, lifandi fólk, sem sóttvarnir á byrjunarstigi faraldursins komu í veg fyrir að köfnuðu lifandi.  Vissulega að megninu til eldra fólk, vissulega líka fólk með undirliggjandi sjúkdóma, en hvaða ómenni segir að þá megi það deyja í nafni tölfræði og meðalhófs??

 

Og þetta er kjarni málsins, hvaða ómenni segir það??

Þessa spurningu spurði Styrmir Gunnarsson í nýlegum pistli sínum og hefur ekkert svar fengið;

"En um leið og SA segir að stjórnvöld verði að rökstyðja mikið peningatjón, sem ferðaþjónustan verði fyrir, verða þau sömu samtök (og þingmenn sem eru sömu skoðunar) að útskýra hvað þau telji vera "ásættanlegt" tjón í mannslífum eða langvarandi veikindum, ef ekkert hefði verið gert eða yrði gert. Eru þau tilbúin til þess??? ".

En það ættu fleiri að svara þeirri spurningu en þingmenn Sjálfstæðisflokksins og forsvarsmenn Samtaka Atvinnulífsins.

 

Til dæmis þeir blaðamenn sem tóku þátt í hinni hannaðri áróðursherferð helgarinnar gegn sóttvörnum á landamærunum.

Vissulega þarf mann til að skjóta úr byssu, en það þar líka byssu til að það sé skotið.

 

Styrmir spyr hvert er hið ásættanlegt tjón í lifi og heilsu.

Ég spyr um innrætið.

 

Svarið er ekki hin opinbera skinhelgi þeirra sem grafa undan sóttvörnum.

Það eitt er víst.

Kveðja að austan.

 

 

 

Þrír smitaðir: Seinni skimun „bráðnauðsynleg“

Lærdómur aldanna.

 

"Til eru þeir menn sem virðast telja, að þar sem allir menn muni hvort sem er deyja að lokum, þá skuli afnema allar sóttvarnir og líkast til alla siðmenningu mannkynsins frá örófi alda.

Mér er nokkuð brugðið að þannig menn séu enn á meðal vor; menn sem halda fram frelsi veirunnar til að drepa sem allra flesta. Einhvern veginn hélt ég að það hefði betur gagnast mannkyninu til framfara og almennrar velmegunar, að koma í veg fyrir drepsóttir, en hvetja til frelsis veiranna til að drepa.". (Símon Pétur frá Hákoti)

 

Þessi meitluðu orð eru kjarni þeirra átaka sem við upplifum á Íslandi í dag, milli mennsku og mannúðar annars vegar og myrkursins hins vegar með öllu því ljóta og vonda sem hefur hrjáð manninn í gegnum aldirnar.

 

En fleiri vísdómsorð hef ég lesið í dag, þessi pistill er tengdur við frétt sem allir ættu að lesa.

Ung kona tekur á beinið alla hina sjálfsögðu sérfræðinga sem haldið hafa umræðunni um nauðsynlegar mótvægisaðgerðir í einhverju kviksyndi tregðunnar með þeim afleiðingum að stjórnvöld bregðast illa og of seint við.

 

Hún bendir á heimskuna í málflutningnum;

"Hún bend­ir á að marg­ar af þeim rann­sókn­um sem nú er vísað til í þeim til­gangi að rök­styðja það að hærri at­vinnu­leys­is­bæt­ur hafi letj­andi áhrif á at­vinnu­leit og dragi úr sköp­un starfa séu gerðar yfir lang­an tíma, 20-30 ár, og góðar og gild­ar í því sam­hengi, ekki í tíma­bund­inni niður­sveiflu eins og heims­byggðin glím­ir nú við vegna far­ald­urs kór­ónu­veiru.

Þess­ar rann­sókn­ir skoða það hvernig fólk hag­ar sér und­ir eðli­leg­um kring­um­stæðum.

"Ég set bara mikið spurn­ing­ar­merki við að fólk sem er í ráðgjöf varðandi þessi mál núna og er mikið að vitna til for­dæma­lausra tíma taki síðan [mið af rann­sókn­um] í sinni hag­stjórn­ar­ráðgjöf sem taki ekki mið af for­dæma­laus­um aðstæðum."".

 

Hún bendir á staðreyndir;

"Í þætt­in­um ræddi Kristrún einnig um brú­ar­lán sem hún sagði að hefðu verið dauðadæmd frá upp­hafi. Fyr­ir­tæki vantaði fjár­magn í dag vegna þess að þau hefðu lent í tekjutapi og það gengi ekki upp að skuld­setja sig fyr­ir tekjutapi.

"Það hef­ur al­gjör­lega sýnt sig núna að það skipt­ir engu máli hvað pen­inga­stefn­an ger­ir ef fólk hef­ur ekki áhuga á að taka lán og sér ekki út vegna óvissu."".

 

Og hún veit hvert hlutverk stjórnvalda er;

"Kristrún sagði að það væri al­gjör­lega eðli­legt að stjórn­völd legðust í auk­in út­gjöld þrátt fyr­ir að það ylli halla á rík­is­sjóði. Hún sagði ekki eðli­legt að reka hið op­in­bera með halla í mörg ár und­ir venju­leg­um kring­um­stæðum en um tíma­bundið áfall væri að ræða og því þyrfti að bregðast við. „Þetta er bara eins og að lenda í seinni heimstyrj­öld­inni,“ sagði Kristrún.".

 

Ung kona segir allt það í viðtali á Sprengisandi sem sagt hefði átt að vera fyrir löngu á þingi.

Jafnt af ráðherrum, stjórnarþingmönnum sem og þingmönnum stjórnarandstöðunnar.

 

Ríkisstjórnin gumar sér að aðgerðum sem virka ekki.

Það er rifist um atvinnuleysisbætur, þrengt var að hlutabótaleiðinni og mikil óvissa ríkti um framhald hennar langt fram eftir sumri.

Annað sem þarf að gera, er ekki gert.

Allavega ennþá.

 

Samt þarf að halda því til  haga að fjármálaráðherra hefur sýnt óvenjulegt innsæi í aðstæður og það er honum og seðlabankastjóra að þakka að þjóðfélagið fór ekki á hliðina við þessi áföll.

En þetta dugar ekki til, það þarf meira, það þarf að feisa raunveruleikann, að þetta sé okkar styrjöld.

Í styrjöldum hækka ekki húsnæðislán almennings sjálfkrafa vegna óviðráðanlegra ytri áfalla, sem og að engin þjóð hefur sigrað aðra þjóð með því að sleppa hjörð innheimtulögfræðinga á almenning, hvort sem það er andstæðinga sinna eða eigin.

Og menn gera það sem þarf að gera svo fólk komist af.

 

Um þessa grunnhugsun er algjör þögn á Alþingi.

Á Ögurstund þjóðarinnar fóru þingmenn í frí, þegjandi og hafa þagað síðan, nema þeir sem hafa vanvirt lögmál mennskunnar sem Símon lýsti svo vel hér að ofan.

Grafið undan sóttvörnum, skapað úlfúð og deilur, flækjast fyrir nauðsynlegum mótvægisaðgerðum, þeirra eina svar er að opnun landamæra fyrir ferðafólki í tímum drepsóttar leysi allan vanda sem við er að glíma.

Þeir eru í liði með myrkraröflunum sem hönnuðu fréttaflutning helgarinnar, sem varð svo andvana þegar í ljós kom að seinni skimun hefur líklegast komið í veg fyrir enn eina bylgjuna núna þegar við erum að ná tök á sumarbylgjunni.

 

Hvað er að þjóð sem líður svona háttsemi?

Líður svona tilraun til hryðjuverka því að baka dánartölum er lifandi fólk, og ég fullyrði að enginn að taglhnýtingum myrkraaflanna myndi vilja bjóða líf sitt í staðinn.

Sem líður svona þing og svona stjórnarandstöðu.

 

Peningar geta keypt margt.

Látum þá samt ekki kaupa dauðann.

 

Mótmælum þessari tilbúnu umræðu almannatengilsins.

Mótmælum þögninni eða bullinu á þjóðþingi þjóðarinnar.

Mótmælum því að við stöndum ekki öll saman á þessum fordæmalausum tímum þar sem bæði líf og lífsafkoma náungans er undir.

Og ekki hvað síst, mótmælum þeim röddum sem segja að líf náungans eða lífsafkoma séu andstæður, það þurfi að velja, og þegar annað er valið, þá sé hinu fórnað.

 

Látum lærdóm Hrunsins verða að við endurtökum ekki sömu mistökin.

Stöndum saman og förum heil út úr þessum brimskafli.

 

Það er óþarfi að kasta sumum fyrir borð svo restin megi lifa.

Kveðja að austan.

 

 

„Þetta er okkar styrjöld“

Smitvarnir virka.

 

Og í stað þess að fagna þá dregur myrkrið á Morgunblaðinu þá fáheyrðu ályktun að þær séu tilgangslausar.

 

Setjum þetta í samhengi.

Þegar fiskiskip voru skylduð til að hafa gúmbjörgunarbáta um borð, óháð því hvort þau voru með eldri gerð björgunarbáta, þá hefur það örugglega komið illa við margan útgerðarmanninn sem var á hausnum, en ég fullyrði að þó öll blöð landsins séu þaullesin frá þeim tíma, þá hafi enginn minnst á slíkar öryggiskröfur skertu frelsi hans til útgerðar og væru brot á meðalhófsreglu.

Hvað þá að einhver fjölmiðill tengdur bláfátækum útgerðarmönnum hefði slegið því upp í fyrirsögn að fyrst að ekki hefði reynt á gúmbjörgunarbáta fyrstu  fjórar vikurnar eftir lagasetninguna, þá sannaði það að þeir væru tilgangslausir.

Og jafnvel í dag, þegar við upplifum ár án sjóslysa, að þá komi einhver kverúlantinn á miðopnu Morgunblaðsins og skrifi lærða grein um að öryggisbúnaður um borð í fiskiskipum sé með öllu óþarfur.

 

Eitthvað svo augljóst, líka manninum sem þvingað fram þessa fyrirsögn á annars jákvæðum fréttum af sóttvörnum.

Svo spurningin er, hvaða fólk telur hann svo heimskt að það falli fyrir svona framsetningu??

 

Eða er þetta allt hluti af stærri áróðursherferð??

Og þá í þágu hverra???

 

Kannski að almannatengillinn sem skipulagði herferð gærdagsins viti svarið??

Kveðja að austan.

Nýtt fyrirkomulag hingað til tilgangslaust

Kverúlantar heimsins sameinast.

 

Undir kynda myrkraröfl.

Hvað þeim gengur til er vandséð, líklegast sjá þau gróða í stjórnlausum veirufaraldri og þeirri upplausn sem fylgir.

 

Munum aðeins tvennt.

Sömu myrkraföl kynntu undir andvaraleysi í hluta ríkja Evrópu sem og Bandaríkjunum, þess vegna náði veiran að breiðast út, og varð allt að því að verða óviðráðanleg, ef það hefði ekki verið gripið til harkalegustu sóttvarna í löndum eins og Bretlandi eða Ítalíu, eða borgum eins og New York,, þá hefði heilbrigðiskerfið hrunið, ekki vegna þess að menn hefðu ekki getað pantað fleiri rúm frá Kína, heldur að heilbrigðisstarfsfólk var komið að mörkum líkamlegrar getu sinnar.

Munum að aðgerðirnar sem dugðu ekki voru kenndar við persónulegar sóttvarnir.

 

Hitt, þegar einhverjir sem kenna sig við vísindi, tala um frelsi borgaranna í sömu andrá og þeir ræða alvarleik veirunnar, sem og þeir vitna í dánartölur sem eru afleiðing af því að gripið var til réttra sóttvarna í tíma, að þá eru þeir loddarar.

Ekkert flóknara en það.

 

Það er jú peningur í myrkrinu.

Kveðja að austan.

Gríðarlegur fjöldi mótmælir í Berlín

Áfram vegur Morgunblaðið að sóttvörnum.

 

Núna með röfli að utan, þó eru rökin ekki týnd af trjám af landsfundi Repúblikanaflokksins, heldur einhver prófessor borinn fyrir spekinni; ".. sé um­hugs­un­ar­verð enda sé vandmeðfarið að þrengja að frelsi borg­ar­anna með þess­um hætti.".

Nei þá er nú betra að þrengja að frelsi borgaranna með því að kippa þeim úr daglegu samfélagi og loka þá inni í sóttkví, loka skólum, leikskólum, fyrirtækjum, bara svo menn hafi frelsi til að smita aðra.

 

Sjaldan hefur frelsishugtakinu verið nauðgað á eins ómerkilegan hátt og hjá hægriöfganum á Morgunblaðinu, og langt er seilst í viðleitninni við að grafa undan sóttvörnum þjóðarinnar.

Þetta er farið að jarða við frelsisnotkun kommúnistanna á sínum tíma enda margt líkt með skyldum, öfgar til hægri og vinstri eiga einn sameiginlegan óvin, almenning og samfélag venjulegs fólks.

 

Tilgangurinn, nema fyrir utan að þjóna innrætinu, er að skapa tilbúinn þrýsting á stjórnvöld um að gefa eftir þegar þessi bylgja hefur fjarað út og innleiða aftur óttann við nýja bylgju.

Hugsanlegur er tilgangurinn einnig að senda skýr skilaboð til hægri öfganna í Sjálfstæðisflokknum að hann hefi eignast nýtt málgagn í baráttunni við borgarleg öfl innan flokksins.

Svo náttúrulega jú að gefa lesendum blaðsins fingurinn.

 

Sorglegt mál.

Sorgleg vegferð.

Að fara gegn sínu eigin fólki.

 

Kompásinn er greinilega vanstilltur.

Kveðja að austan.

Telur stjórnvöld hafa gengið of hart fram

Þetta er ekkert grín.

 

Er kjarni þessarar átakanlegu frásagnar eins af fórnarlömbum kórónuveirunnar.

Hún veiktist ekki illa af veirunni en hefur glímt við langvinn veikindi síðan, núna í fimm mánuði og enginn endir virðist vera þar á.

Hún er ekki ein, hún er aðeins ein af mörg hundruð af ekki svo stórum hópi sem smitaðist hérlendis og er ennþá að glíma við afleiðingarnar.

Heilsan kemur vonandi en það veit enginn hvort þessi fórnarlömb veirunnar nái nokkurn tímann fullu styrk.

Samt er fólk þarna úti sem vill sleppa þessari veiru lausri á íslenskan almenning.

 

Það er sárt að lesa þetta viðtal, það er átakanlegt.

Morgunblaðið á þökk fyrir að birta það, en vinnu blaðamannsins er ekki fulllokið fyrr en hann spilar aftur og aftur fyrir hægriöfgann sem skrifaði þessi orð síðasta sunnudag í Reykjavíkurbréf ritstjórnarinnar;

"Freistandi er að líta á þetta tal sem ábendingu um að við verðum að grípa næsta kostinn á eftir „hjarðónæminu“ sem rætt var um og einhenda okkur í að fletja út yfirferð veirunnar og segja það upphátt og gæta þá einungis þeirra sem varnarlausastir eru. Því það er næstum óhugsandi að þetta þýði að við gætum þurft að skella hundruðum eða þúsundum manna reglubundið í fjölbreyttar tegundir af sóttkví, sem sífellt verður ólíklegra að haldi, af því að við séum enn að reyna að gera landið algjörlega veirulaust. Taka verður af skarið ekki seinna en strax.".

Það er ekki nóg að það sé verið kalla eftir dauða hluta samborgara okkar, heldur líka veikla stóran hluta þjóðarinnar því slíkt er óhjákvæmilega afleiðing tilraunar til að ná hér hjarðónæmis.

Einstaklega ógeðfeld sýn í ljósi þess að bóluefni við kórónuveirunni eru þegar komin í almenna prófun víða um heim.

Nei, þá skulum við drepa fólk, eða veikla það.

 

Í því samhengi megum við aldrei gleyma að það er hrein hræsni að tala um að gæta að þeim sem eru varnarlausastir, þar að baki er ummönnun fólks sem óhjákvæmilega mun smitast ef veiran fær að ganga laus í samfélaginu.

Það er enginn eyland, nema hugsanlega í Svíþjóð, fólk á fjölskyldur, vini, ættingja, það þarf að sinna sínu daglegu lífi, hugsa um börnin sín, versla lífsnauðsynjar og svo framvegis.

Það er fásinna að ætla að það sleppi við smit, og ennþá meiri fásinna að halda að smit þess berist ekki til skjólstæðinga þeirra.

Það mikil fásinna að þeir sem slá fram þessum frasa, vita betur, fásinnan er aðeins ytri réttlæting svo mannhatrið sé ekki eins áberandi, sem og að fóðra heimska hægrið hér á landi.

 

Svona segir engin siðuð manneskja, og það er eitthvað mikið að á borgarlegum fjölmiðli þar sem raddir fá hljómgrunn.

Kannski hjálpar þetta viðtal við að þagga niðri í hægröfganum, kannski verður það hvatning fyrir aðra blaðamenn til að rísa upp gegn ritstjórn sem líður þetta.

Ef ekki þá er eitthvað mikið rotið uppí Móum.

 

Þetta er ekkert grín.

Þetta er dauðans alvara.

 

Illskan á ekki að komast upp með að halda öðru fram.

Kveðja að austan.

 

Fjórar vikur í einangrun en fjóra mánuði frá vinnu

Samherjafarsinn.

 

Endar með þessu áframhaldi á fjölum Þjóðleikhússins því jafnvel meistari ærslaleiksins, Dario Fo hefði ekki getað látið sér detta í hug sumar leikfléttur sem skemmta landsmönnum þessa dagana.

"Passaðu þig helv., ég tek þig fyrir næst", voru efnisleg skilaboð fyrrum löggu til blaðamanns, hélt að hann væri þegar kominn í vinnu hjá mafíunni.

Og fólk einhvern veginn svo dómgreindarskert að þetta var ekki síðasta verk viðkomandi fyrir fyrirtæki sem berst við að heimta úr mútum æru sína og orðstýr.

Eins og einhver hefði verið búinn að gleyma Gulu Guggunni í sjávarbyggðum landsins.

 

Þrasið um 8 ára gamla frétt er í þessum dúr, allt gæti örugglega verið rétt hjá Samherja, það þurfti ekki mikla vitglóru til að sjá á sínum tíma að skipulagða aðför var að ræða þar sem Helgi Selja var verkfæri eins og oft áður, en kommon, af hverju var ekki gripið til varna þá.

Vissu menn ekki einu sinni sjálfir hvaða skip þeir áttu miðað við þessi orð Þorsteins Má; "Hann bend­ir m.a. á að Sam­herji eigi ekki þrjú af þeim skip­um sem fjallað er um í skjal­inu.".

Það hefði verið nær að leiðrétta þá á meðan holskeflurnar gengu yfir fyrirtækið eða er þetta eitthvað betra; "Auk þess hafi komið í ljós við lest­ur skjals­ins að Rík­is­út­varpið hafi slitið upp­lýs­ing­ar úr því úr sam­hengi á mjög gróf­an hátt."

Hver vissi betur um hið slitna samhengi en fyrirtækið sem varð fyrir barðinu á vinnubrögðunum??

 

Hvað þetta snertir núverandi skítamál Samherja eða þögnina sem fyrirtækið hefur notað til að verja sig, er ekki gott að segja.

Líklegast mun einhver ungur afleysingarmaður sem veit ekki að hann á vera dauðhræddur við sjeffann, missa út úr sér, "égg held að þetta sé ekki að virka", og þá mega Sunnlendingar fara að passa sig og ég held að það sé út um Skagfirðinga.

Í Eyjafirði muna menn ennþá ósigurinn við Örlygsstaði og ennþá er beðið hefnda.

 

Miðað við sagnfræði þeirra myndbanda sem dælt er á veraldarvefinn í nafni Samherja og miðað við aulaháttinn hjá ráðgjöfum Þorsteins, þá gæti vont alveg versnað.

Svo mikið að loksins verði Sturlunga hefnt og hernámið á Grund verði endurtekið í öðrum héruðum.

 

Hinn möguleikinn er að menn fái sér bara róandi og íhugi að hollt sé að hlusta á skynsamt fólk en hundsa óráð töffarabjána.

Þau reyndust ekki vel í Namibíu miðað við nýjustu játningu Samherjamanna að þeim hafi láðst að verja dótturfyrirtækin sín fyrir slíkum töffurum.

 

Þá kannski hætta menn að hóta fjölmiðlum og fjölmiðlafólki, og taka upp varnir þess í stað.

Halda sér til dæmis við staðreyndir og láta þær vinna fyrir sig.

Sýna jafnvel smá iðrun og eftirsjá, játa smá sekt hér og þar.

Þá virkar kannski kenningin um að allt hefði verið gert í góðri trú og reksturinn þarna suður frá hefði verið samfélaginu þar til góðs.

 

En að taka Nixon á þetta, þegar hann opnaði munninn í stað þess að fá sér róandi.

Það er ekki leiðin til að vinna áróðursstríð.

Eða nokkurt stríð yfir höfuð.

 

Því svona handabakavinnubrögð eru í raun yfirlýsing, skrifuð stóru letri á kínversku tákni og er fest framan á meinta sakborninga niðri á torgi, og segir; "Ég er sekur".

Nema það vissu allir að í kínversku menningarbyltingunni þá lugu stjórnvöld og þvinguðu saklaust fólk til að bera slík spjöld.

Samherjamenn hafa bara eitthvað misskilið þetta því það þvingaði þá enginn til að setja slíkt spjald framan á sig, þeir gerðu það sjálfviljugir og þá dettur ekki nokkrum manni í hug að rangt sé sagt til um sektina.

 

Ótrúlegt að fylgjast með þessu.

Peningar geta greinilega ekki keypt allt.

Allavega ekki heilbrigða skynsemi og dómgreind hins venjulega manns.

 

Vonum að ungi maðurinn opni bráðum munninn.

Vonum svo að ný Sturlungavíg fylgi ekki í kjölfarið.

 

En miðað við farsann nú þegar er því ekki að treysta.

Kveðja að austan.

Þorsteinn sakar RÚV um óheiðarleg vinnubrögð

Allt kjaftæði þarf að enda.

 

Klassísk peningastefna lítur á gjaldmiðil sem fasta, að hann sé verðmæti í sjálfu sér.

Samkvæmt henni var það til dæmis ógæfa fyrir Aþeninga þegar þeir fundu silfurnámur í den, að þeir hafi komist í stórskuld við jörðina fyrir vikið.

Gjaldþrot klassískrar peningastefnu er debatið milli tveggja manna sem veðjuðu um hvor þeirra myndi lifa lengur á eyðieyju, sá sem leit á peninga sem æðstu verðmæti, eða sá sem leit á peninga sem mælieiningu á verðmætasköpun í samfélagi.

Sá fyrri fór með kistur fullar af gulli á eyðieyjuna, sá seinni hafði með sér kistur fullar af útsæði og verkfærum, hann lifði, sá fyrri dó úr hungri.

 

Að því gefnu að ríkissjóður Íslands hafi ekki tekið lán í erlendum gjaldeyri, þá skuldar hann ekki einum eða neinum, ekki eitt eða neitt, því hann og Seðlabankinn er eitt.

Peningaprentun Seðlabankans er peningaprentun hvort sem ríkissjóður er skuldfærður fyrir henni eður ei.

Hún virkar ef það er slaki, en veldur verðbólgu ef svo er ekki.

Hún er til góðs ef hún fyllir upp í gap vegna ytri áfalla, viðheldur þá eftirspurn sem gæti forðað fyrirtækum og jafnvel heilum atvinnugreinum gangandi í gegnum áföllin, sem og að hún getur fjármagnað sprota sem seinna meir gætu ýtt undir verðmætasköpun og hagvöxt.

En hún er til ills ef hlutverk hennar er að fjölga störfum hjá hinum opinbera, starfanna vegna, eða hún ýtir undir eyðslu sem fer beint í að kaupa aðföng erlendis frá. Eða hún hún skapar einhvern spíral sem ýtir undir víxlhækkun kaupgjalds og verðlags.

 

Þetta eru einfaldar staðreyndir sem byggjast á heilbrigðri skynsemi sem og þeirri staðreynd að við sem þjóð náðum að verjast atlögum landráðafólks sem vildu nýta fjármálakreppuna 2008 til að svipta þjóðinni bæði sjálfstæði sem og sjálfstæðum gjaldmiðli.

Við erum í góðum málum en þær þjóðir sem búa að evrunni eru í djúpum skít hins sameiginlega gjaldmiðils, og þerra eina von er peningaprentun evrópska seðlabankans, eða hvað apparatið heitir sem sinnir þessu hlutverki í Brussel.

 

Þess vegna eigum við að hætta þessu kjaftæði um skuldir á nafnvirði eða annað sem kastar umræðu um nauðsynlegar aðgerðir á dreif.

Gæfa þjóðarinnar er fjármálaráðherra og seðlabankastjóri sem skilja mikilvægi þess að þenja út ríkisreikninginn á hamfaratímum, en það er ógæfa ef við það er hnýtt eitthvað röfl um að aðgerðir  í dag séu einhver ávísun á skuldir og kreppur í framtíðinni.

Þegar það er þvert á móti, aðgerðir í dag koma í veg fyrir kreppur og skuldir í framtíðinni.

 

Vissulega býr að baki langvinn undirgefni fyrir Mammon og hagfræði andskotans, en ólíkt ríkisstjórn Jóhönnu Sigurðardóttir sem fórnaði þjóðinni á altari þessarar heimsku, þá hefur ríkisstjórn Katrínar Jakobsdóttur undir styrkri stjórn Bjarna fjármálaráðherra hafnað leið skattahækkana eða aðgerðaleysis, heldur mætt kreppunni með mótvægisaðgerðum

Sem draga úr kreppu og skuldum framtíðarinnar.

 

Höfum þetta á hreinu og hættum kjaftæði um annað.

Slíkt er aðeins fóður fyrir þá sem hugsa um annað en hag almennings og þjóðar.

Kveðja að austan.

 

850 milljarða skuldahækkun

Sam­drátt­ur­inn án for­dæma

 

Á tímum sem eiga sér engin fordæmi í nútímasögu.

Veirufaraldur sem við ráðum ekki við með nútímatækni og eina vörnin felst í að skera á smitleiðir með öllum þeim afleiðingum sem því fylgir.

Ferðalög, mannfagnaðir, samkomur, íþróttaviðburðir, voru fyrstu fórnarlömb sóttvarna.

Höggið gríðarlegt en aðgerðir stjórnvalda hjálpuðu fólki og fyrirtækjum að komast yfir mestu erfiðleikana.

 

Núna þegar við glímum við seinni bylgjuna og sóttvarnir íþyngja, þá er eins og stjórnvöld hafi gleymt að gjörðum fylgir ábyrgð, engar aðgerðir voru tilkynntar þegar sóttvarnir á landamærum voru hertar.

Og umræðan öll svo skrýtin að hún farin að hverfast um fjárlagahalla og meintar skuldir við Seðlabankann.

Svona svipuð speki og maður taki lán hjá peningaveski sínu í hvert skipti sem maður fer útí búð og kaupi sér í matinn.

 

Þetta er ekki boðleg stjórnsýsla, íþyngjandi sóttvarnir kalla á viðbrögð samfélagsins, tilviljun á aldrei að ráða að einn sitji í súpunni á meðan aðrir sleppa.

Byrðum þarf að dreifa.

Óvissu þarf að eyða.

 

Annað er ábyrgðarleysi án fordæma.

Kveðja að austan.

Hamfarir í ferðaþjónustu

So what??

 

Samherji telur sig getað sannað að fréttaflutningur Ruv frá 2012 hafi verið rangur, eins og að það hafi fundist fólk á þessum tíma sem lagði trúnað að aðför ríkisstjórnar Jóhönnu Sigurðardóttir að almenning eða fyrirtækjum þjóðarinnar.

Jóhanna beitti sér jú fyrir gjaldþroti þjóðarinnar, almennings, sem og fyrirtækja hans.

 

Hvort þetta skjal, eða ekki þetta skjal skýri meintar mútur Samherja í Namibíu, er tenging sem öllum er hulið nema því fólki sem náði að selja taugatrekktum forstjóra Samherja þá bábilju.

Eiginlega aumlegt að fylgjast með þessum vinnubrögðum, meint ófagleg vinnubrögð Helga Seljan blöstu við öllu hugsandi fólki, og hann er jú óbeint dæmdur fyrir þau vinnubrögð, með dóminum yfir samstarfi Más Guðmundssonar og Steingríms fjármálaráðherra.

Helgi lætur misnota sig og það er ekki einu sinni opinbert leyndarmál.

 

Verra er að Samherji telji sig umkominn að fjármagna atlögu hægri öfga að sóttvörnum þjóðarinnar.

Að fyrirtækið geri út blað sem hvetur til þess að almenningur sé í herkví sóttvarna, að skólastarf sé truflað, eða aldraðir lokaðir inni svo ekki sé einu sinni samanburður í hámarksöryggisfangelsum vestan hafs.

 

Hvað gengur Samherja til??

Af hverju blossuðu allt í einu hægri öfgarnar upp á síðum Morgunblaðsins??

Hvaða tilgangi þjónar það??

Svona miðað við að markhópurinn sem hefur tíma og nennu til að lesa um sagnfræði Samherja, er hópurinn sem hægri öfginn á Morgunblaðinu vill drepa með vísan að það bjargi ferðamannaiðnaðinum.

 

Það blasti við öllum að Þorsteinn Már fór á taugum í kjölfar umfjöllunar Kveiks á meintum mútugreiðslum Samherja í Namibíu.

Það blasir við í dag að taugar hans hafi ekki náð sér.

 

Allur þessi málatilbúnaður er svo heimskur.

En verra er að fórnakostnaðurinn sé líf og limir þjóðarinnar.

 

Þar er meinið.

Og í því meini liggur feigð Samherja.

 

Nema reyndar, hæli voru ekki fundin upp að ástæðulausu.

Eitthvað sem mætti hafa í huga.

Kveðja að austan.

Samherjaskjalið fundið og birt