So what??

 

Samherji telur sig getað sannað að fréttaflutningur Ruv frá 2012 hafi verið rangur, eins og að það hafi fundist fólk á þessum tíma sem lagði trúnað að aðför ríkisstjórnar Jóhönnu Sigurðardóttir að almenning eða fyrirtækjum þjóðarinnar.

Jóhanna beitti sér jú fyrir gjaldþroti þjóðarinnar, almennings, sem og fyrirtækja hans.

 

Hvort þetta skjal, eða ekki þetta skjal skýri meintar mútur Samherja í Namibíu, er tenging sem öllum er hulið nema því fólki sem náði að selja taugatrekktum forstjóra Samherja þá bábilju.

Eiginlega aumlegt að fylgjast með þessum vinnubrögðum, meint ófagleg vinnubrögð Helga Seljan blöstu við öllu hugsandi fólki, og hann er jú óbeint dæmdur fyrir þau vinnubrögð, með dóminum yfir samstarfi Más Guðmundssonar og Steingríms fjármálaráðherra.

Helgi lætur misnota sig og það er ekki einu sinni opinbert leyndarmál.

 

Verra er að Samherji telji sig umkominn að fjármagna atlögu hægri öfga að sóttvörnum þjóðarinnar.

Að fyrirtækið geri út blað sem hvetur til þess að almenningur sé í herkví sóttvarna, að skólastarf sé truflað, eða aldraðir lokaðir inni svo ekki sé einu sinni samanburður í hámarksöryggisfangelsum vestan hafs.

 

Hvað gengur Samherja til??

Af hverju blossuðu allt í einu hægri öfgarnar upp á síðum Morgunblaðsins??

Hvaða tilgangi þjónar það??

Svona miðað við að markhópurinn sem hefur tíma og nennu til að lesa um sagnfræði Samherja, er hópurinn sem hægri öfginn á Morgunblaðinu vill drepa með vísan að það bjargi ferðamannaiðnaðinum.

 

Það blasti við öllum að Þorsteinn Már fór á taugum í kjölfar umfjöllunar Kveiks á meintum mútugreiðslum Samherja í Namibíu.

Það blasir við í dag að taugar hans hafi ekki náð sér.

 

Allur þessi málatilbúnaður er svo heimskur.

En verra er að fórnakostnaðurinn sé líf og limir þjóðarinnar.

 

Þar er meinið.

Og í því meini liggur feigð Samherja.

 

Nema reyndar, hæli voru ekki fundin upp að ástæðulausu.

Eitthvað sem mætti hafa í huga.

Kveðja að austan.


mbl.is Samherjaskjalið fundið og birt
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Mikið rosalega er ég sammála þér Ómar.

Það er margfalt verra að Samherji (með Eyþór Arnalds sem lepp) kosti hægri öfgastefnu frjálshyggjunnar gegn sóttvörnum í þágu almannahagsmuna þjóðarinnar, en meint karfa kaupa braskið.

Símon Pétur frá Hákoti (IP-tala skráð) 25.8.2020 kl. 16:30

2 Smámynd: Guðmundur Ásgeirsson

Skjalavistun virðist vera í algjörum ólestri hjá Verðlags­stofu skipta­verðs.

Guðmundur Ásgeirsson, 25.8.2020 kl. 16:50

3 Smámynd: Gunnar Rögnvaldsson

Nú þyrfti að gera húsleit hjá DDRÚV og leggja hald á öll bókhaldsgögn þess í nokkur ár, keyra fjölmiðlaherferð á starfsmenn þess í 8 ár og stefna starfsmönnum þess og eigendum. Passandi skaðabætur til Samherja gætu til að byrja með numið 10 milljörðum króna. Stöðva verður útsendingar RÚV undir dulnefninu fjölmiðill, sem þar að auki er í skattaskjóli, áður en það eyðileggur Ísland enn meira en orðið er. Þessa Rúnkstöð vinstrimanna á framfærslu okkar skattgreiðenda verður að stöðva. Þetta gengur ekki lengur.

Kveðjur

Gunnar Rögnvaldsson, 25.8.2020 kl. 16:52

4 Smámynd: Magnús Sigurðsson

Það er frekar kostulegt að sjá 8 ára gamla lummu verða að helstu vörn "Gula Guggubanans" fyrir Namibíu svindlinu sem komu upp seint í fyrra.

Ef mér skjöpplast ekki minnið þá var það ekki síst klúður alþingis við lagasetningu sem kom í veg fyrir að ekki var dæmt fyrri gjaldeyrismisferli í kjölfar seðlabankafársins.

Það vita það svo allir sem vilja vita hvernig skiptaverði er fyrirkomið í skjóli besta fiskveiðistjórnunarkerfis í heimi.

Magnús Sigurðsson, 25.8.2020 kl. 17:40

5 Smámynd: Þorsteinn Briem

Í stað þess að skæla út í eitt í fjölmiðlum og láta dómstól götunnar dæma í þessu máli átta árum eftir þennan Kastljóssþátt ætti Samherji að sjálfsögðu að höfða mál gegn RÚV ef Samherji telur fullvíst að fyrirtækið hafi þar ekki gert nokkurn skapaðan hlut af sér, frekar en í Namibíu. cool

En það er að sjálfsögðu ódýrara að reka mál fyrir dómstóli götunnar, auk þess sem mál fyrir héraðsdómi og Landsrétti eiga það til að tapast. cool

25.8.2020 (í dag):

Kastljóss-skjalið kemur í leitirnar hjá Verðlagsstofu

Þorsteinn Briem, 25.8.2020 kl. 17:47

6 Smámynd: Þorsteinn Briem

Meirihluti Alþingis vill að hér á Íslandi sé rekið ríkisútvarp og Alþingi er kosið af íslensku þjóðinni en að sjálfsögðu kjósa öfgahægrikarlarnir frekar Hádegismóra, sem er nú enginn Matthías Johannessen. cool 

29.11.2019
:

"Almenningur treystir RÚV og vikulega nota um 92% landsmanna sér þjónustu RÚV á einn eða annan hátt samkvæmt nýjum tölum frá Gallup.

Yfirburðatraust landsmanna til fréttastofu RÚV er enn og aftur staðfest í nýrri könnun MMR sem gerð var nú í nóvember.

Alls bera 72% aðspurðra mikið traust til fréttastofu RÚV en traustið mældist að meðaltali 67% í könnunum MMR fyrir RÚV 2018." cool

Þorsteinn Briem, 25.8.2020 kl. 18:05

7 Smámynd: Ómar Geirsson

Blessaður Guðmundur.

Veit ekki, en ég held að þetta hafi aldrei verið formlegt skjal,

Það er umframframboð á lögfræðingum hafði ekki sett mark sitt á stofnunina, líkt og margar aðrar, menn unnu sína vinnu, en gættu kannski ekki alveg að lögformlegum undirskriftum og svo framvegis.

Varðveisla gagna er síðan eins og hún er á tölvuöld, ekki í skráðri möppu, heldur á nýjast drifinu eða eitthvað, sem úreldis svo á nokkrum árum, og þegar lengra líður, með öllu óskiljanlegt nútíma tækni.

Það sem ég er að segja er það þetta var bara svona, engin dýpri hugsun þar að baki.

Kveðja að austan.

Ómar Geirsson, 25.8.2020 kl. 19:48

8 Smámynd: Ómar Geirsson

Blessaður Gunnar.

Ég deili vissulega skoðun þinni á Ruv eftir Hrun, þó á ólíkum forsendum sé.

Niðurlæging stofnunarinnar var algjör þegar Sigrún Davíðsdóttir, lord Haw-Haw okkar Íslendinga, mætti fyrir utan Efta dóminn með hóp fordæmanda sem voru tilbúnir að segja, sögðum við ekki, þið brutuð lög ESB með því að segja Nei við ICEsave, líkt og lögleysa hafi eitthvað með neyðarrétt þjóða að gera, og svo féll dómur eftir lögum, ekki fyrirmælum framkvæmdarstjórnarinnar.

Sjaldan hafa eins margir þjóðníðingar verið eins kjaftstopp og þá, og þetta hafði engin eftirmál.

Orkupakkamálið og það sem eftir kom er hjóm eitt miðað við þessa niðurlægingu ríkisfjölmiðils okkar.

Breytir því samt ekki Gunnar að við vitum hvað höfum þarna, það vitum við ekki þegar eignarhaldið er rakið til skúffufélaga á Bresku Jómfrúareyjum.

Við höfum rétt á að hafa skoðanir á Ruv, getum gert kröfu, og ætlumst til að fjölmiðillinn sé þjóðarmiðill, ekki miðill sérhagsmuna og sérvisku sem kennt er við frjálst flæði auðmanna til að ræna og rupla í Evrópu.

Varðandi Samherjamálið þá var aðförin allan tímann augljós, en ótrúlegt var mjálmið til varnar (ég pistlaði meir að segja pistil með mjálm í nafngift), það batnar ekki núna.

Því menn verjast ekki eftirá.

Kveðja að austan.

Ómar Geirsson, 25.8.2020 kl. 19:59

9 Smámynd: Ómar Geirsson

Blessaður Magnús.

Tek undir með að þetta sé furðuleg málsvörn, en líklegast má ekki segja þann sannleik, að viðskipti eru ekki stunduð þarna suður frá, án þess að greiða þóknun til valdhafa.

Þeir eru jú með marga á fóðrum.

En mikil er heimska vor ef við höldum að Suður Afrískur auðhringur sé valkostur fyrir almenning í Namibíu, og ítreka fyrri orð sem ég hef eftir frændum mínum (þeir eru og voru þrír bræður vélstjórar þarna suður frá og fluttust til Rússanna sem keyptu reksturinn) að heimamenn voru ánægðir og sóttust eftir vinnu um borð því tekjur voru margfaldar miðað við annað sem var í boði.

Hins vegar hefur enginn innfæddur fundist ánægður sem vinnur hjá SuðurAfrískum auðhring, hvað þá alþjóðlegum þrælahöldurum sem gera út frá Thailandi og fleirum þjóðum þarna í Suður og Austur Asíu.

Vildi bara taka þetta fram áður en ég ræddi málsvörnina, í mínum huga var það ljóst eftir að ég hlustaði á rökin, að þarna væri skotið yfir markið.  Menn eru ekki með alla þessa fræðinga í vinnu til að hægt sé að afhjúpa á svona augljósan hátt viðskipti innan sömu virðiskeðjunnar.

Lóðrétt virðiskeðja malar vissulega gull ef hún er vel útfærð, greiðslur til milliliða eru jú í lágmarki, en forsenda hennar í þessu samhengi er friðurinn, þar sem hlutaskiptakerfi byggist á henni.  Sjómenn kunna að tala saman, ekki bara í talstöð, og þeir eru fljótir að þefa uppi ef það er verið að plata þá.

Samanburðurinn er svo alltaf við sjálfstæða söluaðila, sem hafa líka þann hvata að ná betri sölusamningum þannig að lóðrétt virðiskeðja sé óhagkvæmari fyrir heildartekjur fyrirtækisins. 

Þetta eru margir kraftar sem togast á og ekkert einhlýtt í þessu máli svona almennt séð.

Nákvæmlega á þessum tíma var hvatinn að halda gjaldeyri utan gjaldeyrishaftanna, og þú ert líklegast að vísa í lagasetningu þar um.

Lögin móta jú hegðun fólks og fyrirtækja, og það gildir jafnt um okkur Magnús, sem og fyrirtæki eins og Samherja.  Það er aldrei hægt að segja að ef lögin hefðu verið öðruvísi að þá hefðu viðkomandi gjörð verið lögbrot.

En varðandi það sem kom til skipta, þá áttu allar upplýsingar að liggja fyrir, bæði varðandi innbyrðisviðskipti sem og þegar útgerðarfyrirtæki skiptu við óháðan söluaðila.

Til að hægt sé að svindla á sjómönnum þá þarf þá forsendu að fulltrúar sjómanna í verðlagsráði séu allt að því þroskaheftir, án þekkingar eða vits til að gæta hagsmuna umbjóðanda sinna.

Ég bara trúi ekki slíku bulli, að baki liggur alltaf áróður af einhverju tagi, og mismunandi sjónarmið eru jú alltaf eldsneyti deilna um kaup og kjör.

En ég þekki sjómenn, ég hef skipt við sjómenn, þó maður hafi fengið heilahristing eftir höfuðhögg, þá mætti ég vera mikið ruglaður til að taka mark á því sem er í nösunum á þeim þegar fiskverð er annars vegar.  Það vill oft gleymast í svona orrahríð að þetta er allt saman einfalt reiknisdæmi, og það er auðvelt að afla allra upplýsinga.

Þess vegna skyldi ég aldrei aumingjaháttinn í vörnum Samherja, og hann batnar ekkert þó núna sé rifist 8 árum seinna.

En tilgangurinn helgar víst meðalið.

Kveðja að austan.

Ómar Geirsson, 25.8.2020 kl. 20:24

10 Smámynd: Ómar Geirsson

Blessaður Steini.

Bla, bla.

Kveðja að austan

Ómar Geirsson, 25.8.2020 kl. 20:25

11 Smámynd: Ómar Geirsson

Blessaður Símon Pétur,.

Ég er eiginlega aldrei fáorður, en viðurkenni vissulega þegar eitthvað er sagt sem nær að draga saman efni pistla minna.

"Það er margfalt verra að Samherji (með Eyþór Arnalds sem lepp) kosti hægri öfgastefnu frjálshyggjunnar gegn sóttvörnum í þágu almannahagsmuna þjóðarinnar, en meint karfa kaupa braskið.".

Já ég er í sóttvörnum þessa dagana, og þar er mikilvægast að setja lög um skóggang hægri öfga.

Sem nóta bene hafa ekkert að gera með sjónarmið eða skoðanir virðulegra íhaldsmanna, jafnvel þó þeir tjái síg á kjarnyrtan hátt svo undan svíði fyrir marga og þeirra nauðvörn sé að kenna viðkomandi við hægriöfga.

Og ganga þar með erinda hægri öfganna sem þeir þykjast fordæma.

Þá bið ég frekar um kjarnyrta íslensku gegnheilla íhaldsmanna, svona að því gefnu að þeir kalli mig ekki bolsévika, á öllu skömmum eru jú takmörk.

En eins og venjulega fer ég út og suður, kjarninn er að vegferð Morgunblaðsins er óskiljanleg eftir að Andrés Magnússon var ráðinn til blaðsins, eins og eigendur skilji ekki muninn á sérvisku Viðskiptablaðsins og hlutverki rótgróins íhaldsmiðils, borgarlega sinnaðan sem höfðar til fjöldans.

Ekki aðeins Örfárra sem meta allt út frá hagsæld buddu sinnar.

Eftir spjall okkar um ginnungagapið, þá las ég aftur yfir Reykjavíkurbréfið, það var eitthvað sem truflaði mig við fyrsta lestur.

Sá svo hvað það var.

Stíllin var flatneskjulegur, engin stílbrögð sem hreyfðu við manni.

Bréfið var eiginlega bara leiðinlegt.

Ef Davíð hefur skrifað það, þá myndi ég athuga hvort hann væri ekki á sömu vegferð og Biden.

Hægt og hljótt að hverfa úr þessum heimi.

Svo er náttúrulega hinn möguleikinn?

Skiptir svo sem engu, Samherji mun ekki græða á því að fjármagna aðför að sóttvörnum eða grafa undan Bjarna Ben.

Þetta er of heimskt til að meika sens.

Kveðja að austan.

Ómar Geirsson, 25.8.2020 kl. 20:38

12 identicon

Það skyldi þá aldrei vera, að þú hafir þar rétt fyrir þér um að 

1) Davíð skrifi ekki lengur Reykjavíkurbréfið

eða

2) Davíð skrifi nú úr kjallaranum eins og Biden.

En hvort heldur er, þá er augljóst að frjálshyggjudeildin, sem gert hefur út hið svokallaða Viðskiptablað og vefmiðilinn vb.is, hefur verið látið yfirtaka Moggann og þá af Samherja í gegnum leppinn Eyþór Arnalds.

Og þar ríma þau saman, Andrés og Sigríður Andersen.  Og Óli Björn er þá skammt undan.

Það er alla vega ljóst að Davíð ræður þar engu lengur, og er þar komin fram reiði Þorsteins Más í garð Davíðs.  Andrés líkast til gerður út sem yfirfrakki Davíðs (hvort heldur er skrifandi yfirfrakki, eða gólfið yfir kjallaranum.

Símon Pétur frá Hákoti (IP-tala skráð) 25.8.2020 kl. 21:00

13 Smámynd: Ómar Geirsson

Ekki verri getgátur en hverjar aðrar Símon Pétur.

Breytingin á ritstjórnarstefnunni er allavega augljós, og úr úr korti fyrir borgarlegan íhaldsmiðil að grafa undan stjórnvöldum á neyðartímum

Davíð hefur vissulega farið gegn Bjarna áður, en þá út frá hag þjóðar gegn yfirþjóðlegu valdi, en að láta blaðið elta minnihlutasjónarmið sem þegar hafa rödd, er mjög skrýtið svo ekki sé meira sagt.

Sérstaklega þegar minnihlutasjónarmiðin vilja áskrifendum blaðsins illt.

Annað skrýtið er að það skuli ekki allt loga út af þessari stefnubreytingu blaðsins sem var orðuð í Reykjavíkurbréfinu, hlýtur að vera mikil vonbrigði fyrir þann sem skrifaði.

Svo kannski fáum við krassandi bréf næsta sunnudag með stílbrögðum sem við könnumst við.

Eins og hér hefur áður verið sagt, lognmollan er leiðinlegust.

Kveðja að austan.

Ómar Geirsson, 26.8.2020 kl. 07:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Ómar Geirsson

Höfundur

Ómar Geirsson
Ómar Geirsson
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Screenshot (49)
  • Screenshot (49)
  • ...img_0104a

Heimsóknir

Flettingar

  • Í dag (29.3.): 0
  • Sl. sólarhring: 2
  • Sl. viku: 32
  • Frá upphafi: 0

Annað

  • Innlit í dag: 0
  • Innlit sl. viku: 30
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband