Að kunna ekki að skammst sín.

 

Er skiljanlegt fyrir mann sem er nýheiðraður fyrir framgöngu sína.

 

Fálkaorða fyrir dánarhlutfall uppá 30 per milljón íbúa, er alveg ágætt, gæti alveg verið verra, en hve margar orður hefði kollegi sóttvarnarlæknis í Færeyjum fengið úr hendi Guðna forseta svona í ljósi þess að hlutfall hans er 0,0 per milljón íbúa.

Mismunurinn er fólk sem dó, en jú, þetta gat verið verra.

Og enginn efast um að eftir að veirunni var vísvitandi hleypt inní landið með góðfúslega leyfi sóttvarnaryfirvalda, að þá var snöfurmannlega brugðist við.

Sem og að veiran var líka hjálpleg, þróttur hennar til að smita þvarr með hækkandi sól.

 

En að ábyrgðarmaður seinni bylgjunnar, maðurinn sem gaf hægri öfgunum í ríkisstjórn Íslands blessun sína við að hleypa inn veirunni, skulu skammlaust komast upp með að tala um ákveðin vonbrigði er fyrir neðan allar hellur.

Eina sem getur útskýrt þennan fréttaflutning er vonin um ríkisstyrk svo Mogginn komist á ríkisjötunina líkt og hinir meðfærilegu blaðamenn Rúv.

Í raun á Mogginn aðeins eftir að blessa ICEsave samning Svavars, og þá er botn lágkúrunnar endanlega náð.

Og enginn kann að skammst sín, hvorki sóttvarnarlæknir, hægri öfgarnir eða fjölmiðlamennirnir sem virðast vera firrtir allri skynsemi og viti.

Nema jú að þeir láti sig dreyma um ótímabæran arf fallinna ættingja.

 

Enginn minnist á að sóttvarnayfirvöld vissu að skimun við landamæri væri í besta falli 80% örugg, eða að ótímabær opnun landamæra í Evrópu væri bein ávísun á að áður örugg lönd fengju næstu bylgju, örugg tölfræði fortíðar segði ekkert um nútíðina eða aukningu smita í náinni framtíð.

Enda er lok lok og læs það eina sem fréttist frá Evrópu síðustu dagana.

Líkt og öruggt er að það verður lokað á okkur innan ekki svo langs tíma, enda seinni bylgja hafinn, ekki með aumingjaveiru líkt og síðast, heldur bráðsmitandi sem fékk Kára til að fölna í viðtölum gærdagsins.

 

Og það eina sem orðuþeginn hefur að segja um afglöp sín og rangar ákvarðanir er að raunveruleikinn sé ákveðinn vonbrigði.

Eins og hann hafi aldrei heyrt minnst á að ef smitleiðir eru ekki rofnar, þá smita veirur, og veldisaukning smita þeirra er einföld stærðfræði ef smit hefur á annað borð sloppið inn fyrir landamærin.

Það skiptir ekki máli hve margir greinast í tíma, það skiptir máli hve margir sleppa og smita.

Eitthvað sem sérfræðingur á að vita.

 

Það kallast svo að bíta höfuð af skömminni að benda á almenning og segja að hann hafi ekki gætt að sér.

Almenningur var á móti innflutningnum á smiti, almenningur hefur skömm á hægri öfgunum sem berjast gegn sóttvörnum og bera ábyrgð á nýsmiti í löndum eins og Bandaríkjunum og Brasilíu.

Almenningur ætlast til að sóttvarnarlæknir verji hann gegn atlögum hins heimska hægris, en leggi ekki blessun sína yfir afglöp þess.

 

Þórólfur brást, og bendir á aðra.

Alla nema sjálfan sig.

 

Það dugði síðast.

En dugar það núna??

 

Þar er efinn.

Kveðja að austan.

Fjölgun smita „ákveðin vonbrigði“

Ferðir á tímum farsóttar.

 

Er eins og göngutúr í miðjum fellibyl, ekki beint það gáfulegasta sem fólk getur tekið uppá.

Bæði er áhættan að smita á framandi slóðum sem og að sýkjast og bera smit með sér heim.

 

Í ósýktum samfélögum er ferðamaðurinn alltaf litinn tortryggnisaugum, er hann hugsanlegur smitberi??

Og ef smit blossa upp þá er eðlilegt að það sé litið á hann sem blóraböggullinn enda er saga farsótta liðinna alda tengd smitberum sem koma að.

Ef síðan heimamenn þurfa að sæta mikilli röskun á daglegu lífi, og sjá á sama tíma gleiðbrosandi ferðamann, þá þarf fólk með kalt blóð líkt og Íslendinga til að viðkomandi sé hreinlega ekki grýttur.

 

Í þessu andrúmslofti ótta og tortryggni, þrífst enginn ferðamannaiðnaður.

Fjandskapur heimamanna sem er áþreifanlegur hér á Íslandi og örugglega víðar, óttinn við smitast á ferðalögum, hinn sífelldi möguleiki að vera settur í sóttkví við heimkomuna, eða sæta ýmsum hömlunum á ferðalaginu vegna sóttvarnarráðstafana, jafnvel að vera lokaður inná hótelherbergjum líkt og margur ferðalangurinn upplifði í fyrstu bylgjunni víða á suðrænum slóðum, allt leggst á eitt.

Ferðalög eru ekki skynsamleg ákvörðun á tímum farsóttar.

Og án ferðamanna er enginn ferðaiðnaður.

 

Þennan raunveruleik þarf fullorðið fólk að feisa og gera ráðstafanir til að bjarga því sem hægt er að bjarga.

Það er engin skynsemi í því fólgin að láta eignir og fyrirtæki grotna svo ekkert sé til staðar þegar bönd eru komin á farsóttina og fólk tekur aftur að ferðast, sem það mun gera því flökkueðlið er innbyggt í genamengi okkar.

Eiginlega er það heimskara en sú víðáttuvitleysa að ætla sér að reka ferðamannaiðnað á tímum farsóttar og því þarf að endurfjármagna skuldir ferðaþjónustunnar á þann hátt að ekki sé gengið að henni næstu 2 ár í hið minnsta.

 

Slíkt er ekki flókið, um þetta geymir sagan ótal dæmi.

Sú mýta gengur að það hafi verið Bretavinnan sem kom þjóðinni inní nútímann en sannleikurinn er sá að það var fiskútflutningur okkar þangað sem kom með gjaldeyri og tekjur sem gerði íslenskum útgerðamönnum kleyft að endurnýja löngu úrelt skip og báta, og þau tæki nýttust okkur svo á eftirstríðsárunum til að afla tekna sem nýttust okkur svo til annarrar uppbyggingar.

En þetta var upphaflega hægt vegna þess að flotinn var ekki gerður upp í kreppunni miklu og skip seld úr land. 

Víxlar útgerðarmanna sem voru því sem næst tekjulausir ár eftir ár, voru endurnýjaðir, og ef það var hægt að slá víxil fyrir fyrstu olíunni á næstu vertíð, þá gekk dæmið upp og bátarnir, vissulega gamlir og úreltir, voru til staðar þegar verð á ferskfiskmörkuðum Bretlandseyja ruku upp.

 

Þetta er lærdómur sögunnar sem við eigum að nýta okkur.

Á stríðs og hættutímum, á tímum náttúruhamfara eða farsóttar, þarf að hugsa hlutina uppá nýtt, þar sem frumskylda stjórnvalda er að halda samfélaginu gangandi.

Það hefði til dæmis orðið lítið úr herhvöt Churchils gegn ofurefli nasismans ef það hefði dugað fyrir Hitler að senda innheimtulögfræðinga til að bera út fjölskyldur hermanna eða loka fyrirtækjum.

Þegar lífið var dauðans alvara skyldu menn þessi einföldu sannindi, aðeins samstaðan náði að sigrast á hinni ytri ógn.

 

Ríkisstjórn barnanna okkar hefur núna haft nokkra mánuði til að móta stefnu um hvað hún ætlar að gera til að hindra skipbrot samfélagsins.

Vart verður séð annað en að hennar eina haldreipi hafi verið að opna landið á ný fyrir smiti og treysta síðan á ferðamannaiðnað á tímum farsóttar.

Treyst á að þarna úti sé fólk sem ferðist þó það eigi á hættu að vera sett í sóttkví við heimkomuna.  Ferðist þrátt fyrir að það eigi á hættu að allt sé lokað vegna sóttvarna í því landi sem það ætlar að ferðast til.

Treyst á að þau séu ekki ein um að vera eins og þau eru.

 

Stefna sem vissulega gæti gengið vegna hjarðar hinna jarmandi sauða sem láta allt yfir sig ganga og kóa með vitleysunni, en gengur samt aldrei því við erum ekki ein.

Önnur lönd leyfa ekki ferðalög til landa þar sem seinni bylgjan blossar upp, við erum aðeins korteri í að það verði lokað á okkur, og reyndar er Evrópa um hálftíma frá því að setja skorður á ný á ferðalög yfir landamæri.

Því raunveruleikinn á alltaf lokaorðið og það er bara svo að ef það er ekki lokað á smitleiðir, þá sýkjast samfélög, og á meðan það er opinber stefna að berjast við útbreiðslu farsóttarinnar, þá er grunnforsenda árangurs að stöðva allan innflutning á smiti.

 

Haldreipið er því fúinn slitinn spotti sem heldur engu.

Og brýn nauðsyn er því á öðru reipi.

Að gera ekkert er ekki í boði.

 

Sagan segir að það fyrsta sem þjóðir gera á hættutímum, er að skipa út óhæfum leiðtogum og forystufólki.

Það er að segja þær þjóðir sem ætluðu sér að lifa af.

 

Við upplifum svoleiðis tíma í dag.

Kveðja að austan.

Hætta á gjaldþrotahrinu ferðaþjónustufyrirtækja

Er þessi heimska boðleg??

 

"Eng­in gögn styðja það að ís­lenskt sam­fé­lag sé í þeirri stöðu sem það er nú vegna þess að tek­in var ákvörðun um að opna landa­mær­in fyr­ir ferðamönn­um í síðasta mánuði".

Er iðnaðarráðherra virkilega svo einföld að hún telur að líf kvikni af sjálfu sér??

Að farsótt verði til úr engu??

 

Burt séð frá því að Íslensk erfðagreining hefur greint uppruna smitsins og ferils þess innanlands, þess vegna er jú verið að leita að óþekkta smitberanum, þá hafði ekki komið upp smit í nokkrar vikur áður en landið var opnað.

Og veirur hafa bara ákveðin líftíma áður en þær hætta að smita, þess vegna er talið duga að fara í 14 daga sóttkví til að útiloka nýsmit.

Núna þegar um tveir mánuðir eru liðnir frá því að fyrsta bylgja fjaraði út, á þá seinni bylgjan að hafa sprottið uppúr engu??

 

Jafnvel þó það væri ekki til tækni sem sannar að seinni bylgjan er komin erlendis frá, frá fólki sem fór ekki í sóttkví við komuna til landsins, þá er það svo heimskt að halda því fram að þessi seinna bylgja hefði átt sér stað þrátt fyrir að sömu sóttvarnir hefðu verið í gildi áfram líkt var þegar sú fyrri var lögð að velli.

Bæði reynsla okkar sem og annarra þjóða sannar að þegar skorið er á smitleiðir, þá fjarar veirusýking út, og tekur sig ekki upp aftur nema um utanaðkomandi smit sé að ræða.

Um þetta er ekki deilt, um þetta er ekki rifist, ekki frekar en tveir plúss tveir eru fjórir.

 

Samt ofvaxið fyrir ráðherra í ríkisstjórn Íslands að skilja.

Nema við göngum út frá því að hann sé vísvitandi að blekkja þjóð sína.

Það er kannski boðlegt, það virðist vera lenska í hjá ráðherrum ríkisstjórnar Katrínu Jakobsdóttir að fara frjálslega með staðreyndir og rífast við raunveruleikann líkt og þeir gerðu í Orkupakkamálinu.

Síljúgandi ráðherra er hugsanlega skömminni skárri en heimskur ráðherra.

 

En í alvöru; Nei.

Við lifum dauðans alvöru tíma og ég vil ítreka fyrri orð mín;

"Síðasta ár einkennist að raðmistökum varðandi sjálfstæði þjóðarinnar og vörnum gegn ytri ógnum. Innan ríkisstjórnarinnar eru börn sem skilja ekki eðli mistaka sinna og vita þar að leiðandi ekki að þau hafa gert mistök. Algjörlega óhæf til að leiða eitt eða neitt á ögurstundum. Og á meðan Katrín bregst ekki við, þá eflist sá grunur að hún sjálf skilji ekki eðli sinna mistaka. Hún fær ekki mörg tækifæri í viðbót til að hreinsa þann grun.".

Ég bað samt ekki um algjöra staðfestingu þeirra.

 

Þetta er ekki boðlegt.

Og til vansa öllum þeim sem láta bjóða sér þetta.

Eða kóa með.

 

Það er mál að linni.

Kveðja að austan.

Ásættanleg áhætta að opna landið

Samfélag í upplausn.

 

Enginn veit hvað má, og hvað ekki.

Fólk horfir á hvort annað og spyr; ert þú smitvaldurinn??

Því meðvirknin er svo mikil að við hlustum á ógæfufólkið og afglapana sem fluttu inn smitið til landsins, kunna ekki að skammast sín, og benda á mig og þig.

 

Líkt og jarmandi sauðir í röð í aftökuna einu látum við bjóða okkur þetta, að sökin sé okkar.

Ekki þeirra sem fluttu inn smitið.

 

Rúst er verslunarmannahelgin, rúst er allt það mannlífið sem hafið kviknað til lífsins.

Eftir allar fórnirnar fengu við ekki einu sinni sumarið í friði.

 

Óvitarnir, eða afglaparnir, hvernig sem við lítum á þetta aumkunarverða fólk.

Lét sér ekki nægja að afhenda sameign þjóðarinnar, orkuna, inní regluverk ESB, þar sem eina markmiðið var að braskaravæða ljósið sem við áttum öll, það lét ekki staðar numið við að flytja inn sýkla í beinni aðför að íslenskum landbúnaði, það þurfti einnig að farga sumrinu.

Flytja inn smit, dreifa því, og benda síðan á fórnarlömbin.

"Þið gættu ekki að ykkur".

 

Hvílíkt helvítis kjaftæði.

Hvílíkur helvítis aumingjaskapur að láta þetta yfir sig ganga.

 

Vanvitarnir sögðust hafa stjórn á smitinu.

Þeir sögðu að smit erlendra myndi ekki smita þjóðina.

 

Vanvitarnir höfðu rangt fyrir sér.

En vanvit þeirra er án  ábyrgðar, heimska þeirra og fáviska heldur áfram að flytja inn smit, þeirra eina ráð er að ráðast á saklausan almenning.

 

Samfélagið er í upplausn.

En fólk tekur ofan.

Líkt og jarmandi sauðir í sinni hinstu dauðagöngu.

 

Það er ekkert herkall.

Það er ekkert andóf.

 

Aðeins heimskan í sinni tærustu mynd.

Kveðja að austan.

 

 

 

 

Mörg tjaldsvæði svo gott sem lokuð

Orð í tíma töluð.

 

Almannavarnir eru aldrei án ábyrgðar.

Ef þær skaða, þá bætir almannasjóður fólki og fyrirtækjum tjónið.

Kallast að þinna út gjaldmiðil líkt og gert er á tímum styrjalda, náttúruhamfara eða annars sem réttlætir að ríkisvaldið taki yfir og haldi samfélögunum gangandi.

 

Óvitarnir, jæja miðað við orð Katrínar í fréttum á Ruv, þá er hún hreinn afglapi sem kann ekki að skammast sín vegna þess tjóns sem afglöp hennar hafa valdið almenningi, eru samt ekki heimskari en það, að þeir flækja lagaorðavaðal inní varnarráðstafanir sínar gegn afleiðingum afglapa þeirra, reyna að frýja sig ábyrgð á skyldum almannavalds á tímum styrjalda, náttúruhamfara, eða annars sem réttlætir neyðaraðgerðir stjórnvalda.

Eru greinilega ekki heimskari en það, en samt setja ný mörk fyrir óendanleikann í heimsku, því tekjur almannavaldsins er afleiðing af starfsemi einstaklinga og fyrirtækja hans, ekki öfugt, að tekjur séu fastar og því megi skattpína út í hið óendalega eða frýja sig ábyrgð á hamfaratímum.

 

Vanvitahátturinn er mál dagsins í dag.

Að valda skaða en bera enga ábyrgð á þeim skaða.

 

Líkt og að þjóðin sé ennþá í heljargreipum einvalds og aðals sem hugsaði um það eitt að mergsjúga hana.

Sem er ekki.

 

Lög og réttur verndar fólk gegn afglöpum óvita eða hreinna afglapa sem Katrín Jakobsdóttir kýs að skilgreina sig.

Hin skapandi list sem afglaparnir settu í sóttkví, eiga rétt og eiga að sækja hann gegn stjórnvöldum sem buðu nýsmiti aftur í heimsókn inní landið.

 

Afglapar og óvitar sæta alltaf ábyrgð gjörða sinna í vestrænu lýðræðisþjóðfélagi.

Það er ef einhver sækir rétt sinn.

 

Það er önnur spurning dagsins.

Sú fyrri var um ábyrgð afglapana, og munum að Katrín hvað úr um að hún væri afglapi en ekki óviti líkt og dómsmálaráðherra, geta þeir tekið ranga ákvörðun og komist upp með hana.

Sú seinni er.

 

Lögin segja að þið eigið að sæta ábyrgð gjörða ykkar.

Vísvitandi viljandi tjón ber að bæta.

Og þó afglapi hafi svarað fyrri spurningunni, þá svarar hann ekki þeirri seinni.

 

Nema hún sé ekki spurð.

Kveðja að austan.

 

 

 

Tilmæli eða fyrirmæli?

Samfélag í herkví!

 

Hver axlar ábyrgðina??

 

Við vorum veirulaust land og fólk gat farið að lifa eðlilegu lífi.

Hið innlenda hagkerfi þar sem afþreying og þjónusta er mikilvægur hluti hafði tekið við sér, atvinnuleysi fór minnkandi, allar forsendur voru fyrir að sækja fram og aðlaga bæði mannlíf og hagkerfi að hinni breyttri heimsmynd covid veirunnar.

 

En þá var tekin ákvörðun um að opna landið fyrir smiti á nýjan leik.

Með þekktum og núna staðfestum afleiðingum.

Frysting mannlífs, herkví fólks.

Þvert gegn aðvörun sérfræðinga og hagfræðinga.

 

Slíkt getur aldrei verið án ábyrgðar.

Svo ég spyr aftur.

 

Hver mun axla ábyrgð?

Kveðja að austan.

Samkomumörk í 100 og tveggja metra reglan skylda

Evrópa lokar á ný.

 

Svo fyrirsjáanlegt.

Svo heimskt að tárum tekur að lýsa.

 

Allar þessar fórnir, öll þessi samstaða, allt til einskis vegna vanvitaháttar.

Þess vanvitaháttar að mæta ógn með frösum.

Eins og raunveruleikinn taki mark á orðavaðli Eurokrata, hvort sem það er um einn sameiginlegan gjaldmiðil eða varnir gegn drepsóttum.

 

Þegar slakað er á sóttvörnum á meðan farsótt er í rénum, þá blossar hún upp á ný, fækkun smita var vegna sóttvarna en ekki vegna þess að veiran nennti þessu ekki lengur og ákvað að skreppa í frí til Brasilíu.

Þegar lítt sýkt lönd opna landamæri sín fyrir fólki frá sýktum svæðum, þá berast nýsmit aftur inní hið ósýkta land, og faraldurinn blossar upp á ný.

Allt kjaftæði um opin landamæri séu hornsteinn hinnar sameinuðu Evrópu og þess vegna þurfi að opna þau sem fyrst, áður en veiran er horfin, er aðeins bein ávísun á nýja bylgju.

Sýndarvörnin að loka á smituð svæði utan álfunnar hefur þar ekkert að segja, álfan er alveg sjálfbær hvað þetta varðar.

 

Ef eitt orð lýsir ástandinu innandyra hjá sóttvörnum einstakra Evrópuríkja í dag, þá er það Uppnám.

Vanvitahátturinn er fagfólki ljós og það spyr sig; hvernig gátum við tekið þátt í þessu, af hverju létum við undan þrýstingi yfirvalda??

Það vita allir að seinni bylgjan er skollin á, engin veit hvernig á að stöðva hana án þess að loka á ný.

 

Nema núna er almenningur ekki tilbúinn.

Til hvers á hann aftur að færa fórnir sem heimskt fólk getur eyðilagt á einni nóttu??

Á meðan fíflin stjórna er almenningur ekki með.

Traustið er gufað upp.

 

Líka á Íslandi?

Reynir á það næstu daga.

En líklegra er að veiran sé fljótari í förum en almenningur að herða sínar varnir.

 

Og til hvers á meðan stjórnvöld flytja veiruna inn??

Til hvers að lifa í fangelsi óttans á meðan enginn axlar ábyrgð á afglöpunum, hvað þá að biðja þjóð sína fyrirgefningar og lofa bót og betrun??

 

Á þetta benti björgunarhringur þjóðarinnar í viðtali við Morgunblaðið í gær.

Kári ætlar ekki að leita að hinum óþekkta smitbera nema það þjóni tilgangi.

Að einhver lærdómur sé dreginn af afglöpunum.

Þar á meðal að tekið sé fyrir innflutningi á nýsmiti.

 

Afglapar eða óvitar??

Það er Katrínar að útskýra fyrir þjóðinni í hvorn básinn ríkisstjórnin flokkast.

Stjórnunarvandi kerfisins felst ekki í einhverjum fáklæddum  lögreglustjóra, vandinn er dýpri en það.

 

Síðasta ár einkennist að raðmistökum varðandi sjálfstæði þjóðarinnar og vörnum gegn ytri ógnum.

Innan ríkisstjórnarinnar eru börn sem skilja ekki eðli mistaka sinna og vita þar að leiðandi ekki að þau hafa gert mistök.

Algjörlega óhæf til að leiða eitt eða neitt á ögurstundum.

 

Og á meðan Katrín bregst ekki við, þá eflist sá grunur að hún sjálf skilji ekki eðli sinna mistaka.

Hún fær ekki mörg tækifæri í viðbót til að hreinsa þann grun.

 

Tími hinna innantóma orða er liðinn.

Ekki bara í Reykjavík.

Kveðja að austan.

SMS-aðvörun til 700 Norðmanna

Það er allt fallt í fótboltanum

 

Leikmenn, félög, keppnir.

HM í Katar er líklegast lágpunktur þeirrar gjörspillingar, að halda heimsíþróttina í útnára eyðimerkunnar þar sem til skamms tíma var líklegra að finna mörgæsir en bolta.

Örfáir menn þáðu geipimútur en eftir sat smáð íþrótt, smánaðir stuðningsmenn, smánuð sú lífsýn sem svo margir deila að fótbolti sé Lífið, líkt og saltfiskurinn var í sjávarbyggðum okkar á áratugum áður.

Græðgin er að éta upp íþróttina innan frá.

 

Þess vegna vissu allir að arabafélögin kæmust upp með háttsemi sína.

Að þverbrjóta allar reglur, að kaupa allt upp.

 

Nema Klopp, hann er svo skrýtinn að vilja sanna sig á eigin forsendum, áttar sig á að jafnvel api getur stýrt arabafélögunum til sigurs.

Og svo sjaldgæfur að bráðum mun geirfuglinn víkja af stalli fyrir styttu af honum, og hætt verður að tala um síðasta geirfuglinn þegar átt er við eitthvað sem er svo sjaldgæft að það er að líða undir lok.

 

Spurningin var aðeins hvernig hinir keyptu reyndu að halda andlitinu nógu lengi til að gáfnaljósin í blaðamannastéttinni segðu eitthvað annað en "Fyrirfram ákveðin niðurstaða".

Og spyrðu í framhaldinu spurningarinnar, hvað kostar svona dómur??

 

"Ekki hægt að sanna sekt City" segir Mogginn og vísar í að það hafi tekið 93 blaðsíður að prenta þessi orð.

Sem fyrir utan að vekja spurningar um leturstærðina fær mann til að íhuga hvort það séu engin mörk á meðvirkni fjölmiðlafólks gagnvart allri vitleysunni sem almannatenglar auðsins matar það á.

 

Af hverju taka menn þátt í þessum skrípaleik??

Í gamla daga hélt öxin mönnum við efnið þegar brjálaðir valdsmenn áttu í hlut, en síðasta öxin er á safni eins og geirfuglinn þar sem styttan af Klopp verður bráðum.

 

Hver er þá afsökunin??

Varla sú að í blaðastétt veljist fólk sem ekki var lesið fyrir á kvöldin í æsku, og það hafi því ekki heyrt söguna um klæðlitla keisarann og litlu stúlkuna sem spurði af hverju hann væri nakinn??

 

Allavega er ljóst að það er margt að í þessum heimi, og hið fornkveðna um að heimurinn versnandi fer, hefur sjaldan verið kveðið af eins miklum þrótti og nú.

Og ennþá ljósar að ekkert lagast ef allir dansa með eða standa í hjárænu með lotið höfuð og húfu í hendi og beygja sig og bugta fyrir valdinu og auðnum.

 

Eins og enginn sé lengur frjáls og sjálfstæður, með hnarreist höfuð og blik í augu.

Standandi ístaðið gegn kúgun og ofríki.

Gegn Nenna níska auðsins sem allt vill eiga og engu deila.

 

Svei attan, svei attan.

Þetta er ekki blaðamennska.

 

Þetta er uppgjöfin ein.

Kveðja að austan.

 

 

Ekki hægt að sanna sekt City

Þegar óvitar fá eldspýtur.

 

Þá er slökkviliðið sett í viðbragðsstöðu.

 

Almenningur vild frí frá Kovid og að fá að lifa eðlilegu lífi í sumar.

Starfsfólk Landspítalans bað sér griða, sagðist vera fólk sem þurfti hvíld en ekki vélar sem væri hægt að keyra út.

Og þeir sem unnu fyrir almanna og sóttvarnir hugsa það sama þó ekkert væri sagt upphátt sem gengi gegn stefnu óvitanna.

 

Núna standa öll spjót á almenningi, heilbrigðiskerfinu og almannavörnum.

Vágestinum sem tókst að útrýma eftir fyrri heimsókn, var aftur boðinn velkominn til landsins, og hið óhjákvæmilega, strandhögg hans ógnar nú daglegu lífi fólks.

Næstu dagar skera úr um hvort böndum verði brugðið á gestinn, en heimboðið stendur enn svo óhjákvæmilega mun hann birtast aftur, og aftur.

Skipta þar engu þau höft sem verða sett á daglegt lif almennings, það er ekki hann sem smitar.

 

Enn og aftur skulum við rifja upp ólundarsvipinn á dómsmálaráðherra þegar hún harmaði í viðtali að íslensk stjórnvöld væru nauðbeygð vegna Schengensamstarfsins að loka áfram á Bandaríkjamenn, þá mikilvægu viðskiptaþjóð okkar.  Hún hafði nefnilega heyrt Trump tala um að þar væri smit í rénum og faraldurinn þar því sem næst genginn yfir.

En þessar skimanir á landamærunum eru aðeins tímabundnar, tilslakana er að vænta þegar líður á sumarið.

Og þá brosti ráðherra þó engar fréttir hafi borist af hlátri Marbendils.

 

Í dag fagnar forsætisráðherra að ennþá sé skimað við landamæri og að landið sé ekki galopið.

Slíkt bull er aðeins sagt ef viðkomandi valdsmaður hefur íhuga að hætta skimunum og galopna landið.

 

Sem leiðir hugann að þeirri staðreynd að óvitar með eldspýtur hætta ekki að kveikja í þó þau hafi þegar valdið eldsvoða, þeir hætta þegar eldspýtur eru teknar af þeim.

Á meðan það er ekki gert, þá er slökkviliðið á vakt.

Og almenningur í herkví óttans.

 

"Kamilla sagði mik­il­vægt að fara vel yfir all­ar regl­ur og leiðbein­ing­ar og að al­menn­ing­ur fari í nafla­skoðun varðandi sín­ar ein­stak­lings­bundnu sótt­varn­ir, auk þess sem hún hvatti vinnustaði, þjón­ustu­fyr­ir­tæki og versl­an­ir til að skoða sína stöðu.".

Hvar endar þetta??

 

Hvenær verða eldspýturnar gerðar upptækar??

Kveðja að austan.

Tvö nýju smitanna ótengd öðrum

Fleiri verða dregnir fyrir dóm áður en yfir líkur.

 

Til dæmis þeir sem bera ábyrgð á fjöldamorðunum í Svíþjóð.

Og þeir sem hleyptu veirunni inní landið okkar eftir að það vor orðið smitlaust, munu þurfa að axla ábyrgð.

 

Af hverju ætti venjulegt fólk að sætta sig við að vera kippt úr út samfélaginu og sett í sóttkví vegna afglapaháttar yfirvalda??

Við erum kannski mörg, en ekki öll sem sættum okkur við að vera dregin í dilka líkt og sauðir, án nokkurs vilja, sítakandi ofan húfu og hatt fyrir valdinu, jarmandi í kór um að svona eigi samfélagið að vera.

Í herkví yfirvalda, lifandi í sífelldum ótta við hið innflutta smit.

 

Það mun einhver segja, það var frumskylda ykkar að vernda okkur, en þið gerðuð það ekki því þið tókuð hagsmuni fárra fram yfir hag fjöldans.

Og sú ákvörðun er ekki án ábyrgðar.

 

Hinsvegar skulum við öll vona að glópalánið komi enn einu sinni til hjálpar, og smit verði einangruð áður en þau nái til áhættuhópa með tilheyrandi hættu á mannfalli.

En verði mannfall..

Þá er það manndráp af yfirlögðu ráði.

 

Seinni bylgjan er mannanna verk.

Og hún verður aldrei órefsuð.

Kveðja að austan.

Vilja að viðbrögð Bolsonaro verði rannsökuð