Ung stúlka.

 

Gerði heiðarlega tilraun til að eyðileggja íslenska fótboltasumarið.

Og núna vogar hún sér að kæra þá sem sögðu frá því.

 

Afsökun hennar er sjálfsagt að vísa í blöndu af afglapahætti sóttvarnaryfirvalda og óvitskap þess óþroskaða fólks sem stjórnar landinu í dag.

En hvaða afsökun er það??

 

Að koma frá þekktu smitsvæði, umgangast smitað fólk.

Og smita.

 

Afglapaháttur annarra er ekki hennar afsökun.

 

Hennar eina afsökun eru viðbrögð hennar, þegar hún fattaði að hún gæti verið smitberi.

Því ber að þakka, hún sýndi meiri vit og þroska en þeir sem kinnroðalaust ákváðu að flytja inn smit til landsins.

 

Sú þökk afsakar hins vegar ekki að benda á þá sem bentu á sök hennar.

Hvað þá að kæra þá.

 

Eru engin mörk á meðvirkninni í þessari frétt??

Kveðja að austan.

Kæra fótbolta.net fyrir nafnbirtingu

Þegar hægrið gerðist heimskt.

 

Íhaldsmenn eru sómi hverrar þjóðar. Staðfastir, ráðsettir, ígrundaðir gjörða sinna.  Og þegar þeir hallast til hægri í stjórnmálum þá eru þeir stuðningsmenn borgalegs þjóðfélags og þeirra gilda sem vestræn siðmenning hefur ofið úr reynslu sögunnar.

Þeir eru náttúrulegir óvinir alræðis og öfga, hvort sem það er alræði öreiga kennt við komma, alræði einræðisherra kennt við fasisma eða alræði auðsins kennt við frjálshyggju.

Þeir börðust við fasista og kommúnista, þeir útrýmdu hagfræði andskotans með bandalagi sínu við sósíaldemókrata og lögðu þannig drög að velferð og velmegun nútímans. 

Í dag sjáum við Trump lemja á alþjóðavæðingunni, enda öllum íhaldsmönnum ljóst að velmegun og styrkur þjóða getur ekki byggst á samþjöppun auðs sem flytur arðinn í skattskjól og grunnframleiðsluna í þrælabúðir alþjóðavæðingarinnar.

 

Og það er í dýpstu rótum persónuleika íhaldsmanna að taka slaginn við skoðanakúgun og skoðanafasisma hvort sem við rekjum slíkt til menningarbyltinga alræðisstefna, púrítana einhvers trúarsannleiks, eða hina nýju menningarbylgju ofsókna og bókabrenna sem kennd er við rétttrúnað góða fólksins.

Íhaldsmenn eru salt jarðar, skýring þess að samfélög eru hnýtt böndum sem halda og skapa þar með öruggt umhverfi fyrir fjölskylduna að uppfylla þá einu kröfu sem lífið gerir til okkar, að að geta líf og koma því á legg.

 

En þegar íhaldsmönnum skortir styrka leiðsögn, þá eru þeir stundum svag fyrir vitleysu.

Við sjáum hvernig keyptir agentir spila með þá í lofslagsumræðunni, sem er kannski sök sér því þá eru þeir hluti af andófinu gegn ofurskattlagningunni (hugmyndafræði úr ranni frjálshyggjunnar að stýra notkun með skattlagningu eða notendagjöldum), en verra þegar einhver skemill náði að telja þeim í trú um að það væri frelsi að láta drepsótt ganga lausa.

Skemillinn var örugglega í vinnu hjá hagsmunaöflum sem í örvæntingu sinni reyna að halda starfsemi sinni á tímum kóvid veirunnar, en honum hefur aldrei órað fyrir að það yrðu pólitísk trúarbrögð að leyfa veiru sem engin lækning er við, sýkja samfélög og drepa fólk.

 

Hagsmunaöflin eiga fyrr eða síðar eftir að fatta að lífið og þau eru samherjar, að forsenda heilbrigðs efnahagslífs er og verður alltaf heilbrigt samfélag þar sem fólk getur áhyggjulaust lifað lífi sínu, sinnt fjölskyldu, störfum sínum og nýtt sér þjónustu annarra, jafnt í starfi sem leik.

Heimska er aldrei bandamaður hagsmuna, og nú er hinn napri raunveruleiki að kenna þeim að það var mistök að vanvirða fórnir almennings og fyrirtækja með því að opna þjóðfélögin of snemma, þetta snérist bara um tvær þrjár vikur í viðbót.  Og ennþá stærri mistök, eftir að veirunni var eða væri útrýmt, að hleypa henni inn með því að leyfa ferðir fólks frá sýktum svæðum án undangenginnar sóttkvíar.

Vegna þess að það þarf bara einn ef hann smitar innan fólksfjölda sem dreifir sér, það er þekkt og vitað eftir að sýktur einstaklingur sem kom frá Whuan mætti á trúarsamkomum og afleiðingin var faraldur sem stjórnvöld í Suður Kóreu glíma ennþá við.

 

En verra er með þá sannfæringu að drepsótt sé ekki drepsótt, að veirur smiti ekki, eða séu jafnvel ekki til, það sé bara vondir menn sem hafi magnað upp tilbúið fár til að ná alræðistökum á samfélögum, setja alla undir eftirlit, brjóta á bak aftur sjálfstæði einstaklings.

Sá sem því trúir, notar orðið kínaveiran, hann telur að sóttvarnir séu uppfinning kínverska kommúnistaflokksins, hundsar þar með árþúsunda reynslu mannkyns á sóttvörnum sem byggjast á því að einangra smitað fólk og skera á smitleiðir sjúkdóma.

Hann neitar að fara af fyrirmælum sóttvarnaryfirvalda, er til dæmis ekki með grímu þar sem þess er krafist, hundsar fjöldatakmarkanir, og styður apakettina sem berja á brjóst sér og segja; "ég er sterkari en veiran", eða vitleysingana sem í raun afneita tilvist veirufaraldursins.

Og það var birtingarmynd hans sem sagði við blaðamann BBC; "Ég trúði þessu ekki, ég var sannfærður um að þetta væri feiknews.".  En þegar sannleikurinn braust inn fyrir múra heimskunnar, þá var makinn dáinn en hann sjálfur skrimti eftir að vera illa veikur vegna kóvid.

 

Trump er einn af þeim stjórnmálamönnum sem sækir fylgi á þessar lendur forheimskunnar og hefur því verið beggja blands í baráttunni gegn kóvid.

En þó að hann hafi daðrað við hina og þessa vitleysuna, þá er það samt staðreynd að Bandaríkin voru ekki seinni að grípa til aðgerða en Evrópusambandið, og voru til dæmis fyrr að loka á smitleiðina frá Kína en við Íslendingar.

Þau voru vissulega ekki undirbúin, ekki frekar en Evrópusambandið, en það var kraftur í aðgerðum eftir að var gripið til þeirra. 

Og hvergi verður séð annað en Donald Trump hafi verið hlynntur öllum aðgerðum, og síðan var hann ekki einn um það að vilja opna of snemma, spurningin er frekar, hverjir gerðu það ekki.

 

Í dag felst eina von þeirra sem eru að sýkjast af seinni bylgjunni, í að lærdómur þeirri fyrri gagnist heilbrigðisyfirvöldum og læknum í að takast á við faraldurinn, og lágmarka mannfall drepsóttarinnar.

Hver dagur sem líður, er dagurinn sem dregst frá þeim fjölda sem tilraunabóluefnið skilar árangri.

Og ekki hvað síst að heimska hægrinu verði sagt að halda kjafti, að það verði þaggað niður í því eins og hverjum öðrum viðrinum.

 

Þar er Donald Trump að sýna gott fordæmi.

Megi þau verða fleiri.

Kveðja að austan.

 

 

 

Trump loks með grímu og nýtt smitmet

Frétt um hvað??

 

Það er út af fyrir sig tíðindi að ríkisstjórnin sé búin að fatta á ný Keynismann sem dreif áfram lengsta hagsældarskeið vestrænar sögu, en innihaldið í þessari frétt er froða.

 

Sigurður Ingi, sem laug flokk sinn inn á þing með yfirlýstri andstöðu við markaðsvæðingu orkuauðlina okkar kennda við Orkupakka 3, andstöðu við þau áform skynlausra skepna að flytja inn sýkla og veirur sem eru ónæm fyrir sýklalyfjum og kennt er við innflutning á ófrosnu kjöti og ekki hvað síst, andstöðu við þá arðránsstefnu peningamanna að gera samgöngumannvirki þjóðarinnar að féþúfu kennt við veggjöld.

Hann ætlar að rífa upp atvinnustigið með því að ráðast í bráðnauðsynlegar framkvæmdir í vegakerfinu og öðru sem kennt er við samgöngur.

Sem út af fyrir sig er gott mál, reyndar alveg mjög gott mál, jafnvel bara frábært.

Ef það væri ekki Hængur á.

 

Öll stórverkefni eru útboðskyld á Evrópska efnahagssvæðinu, og samkvæmt frjálshyggjulögmálum þess svæðis, þá er skylt að taka lægsta tilboði.

Sem í raunveruleikanum þýðir að sá verktaki sem fær verkið, lætur undirverktaka sem gera út á láglaunavinnuafl hins frjálsa flæðis, vinna flesta verkþættina.

Og íslenskt verkafólk vinnur ekki vinnuna sína á skítakaupi með sígarettu í kjaftinum talandi rúmensku eða búlgörsku

Stórframkvæmdir í dag eru ekki atvinnuskapandi fyrir innlent vinnuafl, þökk sé frjálshyggjunni sem við kennum við hið frjálsa flæði.  Og reyndar fækkar óðum störfum sem íslensku vinnuafli stendur til boða, atvinnurekendur leita í erlent vinnuafl sem þeir geta farið illa með. 

Allt í anda Friedmans og Hayek.

 

Hinn hængurinn er sá að Sigurður Ingi, þessi þarna sem laug sig inná þing, ætlar að nýta heimskreppuna sem fylgir farsóttinni, til þess að koma að blautlegum draumi frjálshyggjunnar um ofurskattlagningu á almenna borgara þessa lands.

Veggjöld ofaná hæstu eldsneytisskatta í heimi, leggjast þyngst á almennt launafólk, þar sem einna helst barnafjölskyldur (minnst aflögu fyrir aukna skattbyrði) og tekjulægri hópar geta ekki nýtt sér hin nýju samgöngumannvirki sökum ofurskattlagningar.

Veggjöld eins og öll tollhlið aðalsmanna í gamla daga, draga úr samskiptum fólks, ferðalögum og viðskiptum, þau kreppa að hagkerfinu, draga úr umsvifum, halda fólki í átthagafjötrum.

Það er eins og að menn hafi gleymt því að það var ekki bara gufuvélin og verslunin við fjarlæg lönd sem lagði drög að velmegun nútímans, viðskipti innan nærsamfélagsins sem og við aðra landshluta (í Evrópu, hér voru ekki tollhlið því hér voru ekki vegir eða viðskipti innanlands) margfölduðust við það eitt að hið miðstýra ríkisvald braut niður tollhlið svo vörur og þjónusta gátu flætt óhindrað innan landamæra hvers ríkis. 

Ofurskattlagning er alltaf til ills, en hún er sérstaklega slæm þegar hún heftir flæði fólks og framleiðslu, slíkt dregur alltaf úr þrótti efnahagslífsins, minnkar hagvöxt frá því sem hann hefði annars getað orðið.

 

Ef ætlunin er að draga úr atvinnuleysi, með því að framkvæma eftir reglum evrópska efnahagssvæðisins, eða undir formerkjum skattpíningar, þá er það eitthvað sem gengur ekki upp í raunveruleikanum.

Þetta er sýnd eða froða fólks sem annaðhvort veit ekki betur, eða það veit betur og er alveg sama.

Alveg sama um skattpíninguna og því er alveg sama um frjálshyggjuna sem knýr áfram hið frjálsa flæði hins evrópska efnahagssvæðis.

Því er alveg sama því hagsmunir almennings er bara ekki forgangsatriði hjá því.

 

Það þjónar elítu alþjóðavæðingarinnar.

Það er verkfæri þeirra sem líta á almenning sem bráð og féþúfu.

 

Gott og vel.

En þá eiga menn að segja hlutina hreint út.

Ekki nota atvinnustig eða hag almennings sem yfirskin.

 

Innflutningur á ódýru vinnuafli skaðar samfélagið, rýrir kjör og á krepputímum, keppir við störf þeirra sem fyrir eru.

Skattpíning, hversu nafni hún nefnist, lækkar atvinnustig.

Fyrir utan að vera áþján.

 

Einföld sannindi sem maður hefði haldið að borgarlegt blað eins og Mogginn fattaði, og léti koma fram í fréttum þar um.

Meir að segja Tvitter sá sóma sinn að leiðrétta Trump.

 

En óvitarnir fá að segja allt.

Hvað veldur??

Kveðja að austan.

 

„Spýta veru­lega í“

Kári með kjarnann.

 

Aðeins glópalán kom í veg fyrir að opnun landamæra án sóttkvíar hefði endað með ósköpum.

Orð hans eiga að feitletrast og vera send inná hvert heimili, og þaðan endursendist á óvitana sem ætla að hætta að skima við landamærin við fyrsta tækifæri.

"Þrátt fyr­ir að þess­ar til­kynn­ing­ar bær­ust höfðu þær þegar smitað fjóra hvor um sig. Ímyndaðu þér að þær hefðu ekki borist, og þær hefðu leikið laus­um hala áfram, báðar greini­lega með gíf­ur­legt magn af veirunni (e. viral load). Bara á grund­velli þess­ara tveggja ein­stak­linga fóru um 700 í sótt­kví, sem eru um 10.000 sótt­kví­ar­dag­ar. Er það ekki kostnaður fyr­ir sam­fé­lagið?“".

 

700 hundruð saklausir í sóttkví og það var ekki stjórnvöldum að þakka að upp komst um smitið.

Og núna er erkibiskupsins boðskapur að hætta að skima um mánaðarmótin.

 

Er þessu fólki sjálfrátt??

Kveðja að austan.

Röksemdir læknanna vegi ekki þungt

Firring eða ??

 

Það er ljóst öllum sem vilja vita að Landsvirkjun hefur lengi og ljóst unnið að því að hrekja stóriðnað úr landi, og á sama tíma hefur fyrirtækið átt í samstarfi við þá erlenda aðila sem stefnt hafa á lagningu sæstrengs til landsins.

Núna á alvöru tímum, þegar ein af þremur undirstöðum gjaldeyrisöflunar þjóðarinnar er horfinn í gin kórónuveirunnar, verð á sjávarafurðum hefur snarlækkað vegna minnkandi eftirspurnar og stóriðjan berst í bökkum líka vegna mikillar verðlækkunar, þá ybbar bara Landsvirkjun gogg.

Eins og hún sé eitthvað stikkfrí apparat sem kemur hagur lands og þjóðar ekkert við.

 

Í þessari djúpstæðu heimskreppu þar sem enginn veit neitt um framtíðina, þá felst mikilvægi stóriðnaðarins ekki í raforkusölu hans til Landsvirkjunar, heldur tekjuöflun og atvinnusköpun.

Bæði beint sem og samlegðaráhrifin útí þjóðfélagið.

 

Það er tími til að gripið sé inní áður en næsta tilkynning um lokun verður í Straumsvík og þar næsta hérna fyrir austan en Fjarðaál rær lífróður þessa dagana.

Öruggt að staðan sé svipuð hjá Norðurál og Járnblendinu.

Bakki er þegar búinn að loka.

 

Ég veit að það er fullt af veruleikafirrtu fólki þarna úti sem finnst þetta fyndið en ég er hræddur um að að hláturinn koðni í hungurkorri þegar 2/3 af gjaldeyristekjum þjóðarinnar er horfinn.

Og gjaldeyrissjóðurinn mun ekki endast lengi ef hann er notaður til að halda uppi fölskum lífskjörum.

 

Það er ekki víst að það náist að bjarga rekstri þessara fyrirtækja, hringekja samdráttarins í heimshagkerfinu er rétt að byrja

En það er lágmark að reyna.

Það munar um þau þegar endurreisnin hefst.

 

Firringin og óvitaskapurinn þarf að taka enda.

Kveðja að austan.

 

 

Vangaveltur um tekjutap ótímabærar

Það er ekkert óvænt við annað útgöngubann.

 

Heldur er það fyrirsjáanlegt þegar veirunni er á ný hleypt inní samfélagið.

Einföld sannindi vegna veldissmits kórónuveirunnar.

 

Við Íslendingar værum í sömu sporum og íbúar Melbourne ef unga stúlkan sem bar smitið inní kvennaboltann, hefði ekki verið svona fyrirhyggjusöm þegar hún frétti af greindu smiti hjá manni sem hún hafði hitt rétt fyrir komuna til landsins.

Það var hún sem ákvað að biðja um aðra skimun.

Það er henni að þakka að hópsýkingin varð ekki óviðráðanleg.

Og í þessu samhengi megum við aldrei gleyma að hún ber enga sök í málinu, heldur þeir sem hleyptu henni inní landið án þess að hún færi í sóttkví áður.

 

Kórónusmit er þess eðlis að fólk getur verið einkennalaust fyrstu 5-10 dagana eftir að það smitast af veirunni, og á meðan er það öflugir smitberar.

Síðan getur fólk verið alveg einkennalaust en smitað samt.

 

Þess vegna eru valkostirnir tveir, annars vegar að leyfa smitinu að breiðast út í samfélaginu, fólk sinnir sínum persónulegu smitvörnum og krossar sig, eða það er algjörlega lokað á smit og smitleiðir.

Þriðja leiðin, að opna áður en smitinu er útrýmt, og eða hleypa því inní landið frá smituðum svæðum, virkar ekki.

Sama hvað hausnum er lamið oft í stein, sama hvað menn rífast mikið við raunveruleikann.

 

Og munum að frá því að veiran kom fram síðastliðið haust sem leiðinda flensa hefur hún magnast, hún er illvígari, fólk er að veikjast verr og eina von þess um að lifa af er sú hjálp sem nútíma læknisfræði veitir.

Ekki klórinn hans Trump, ekki vodkinn sem forseti Hvíta Rússlands ráðlagði löndum sínum að drekka sem fyrirbyggjandi, ekki hvítlaukur eða eplaedik, og ekki Tíminn.

Tíminn læknar margt, en hann læknar ekki hina banvænu lungnabólgu sem er einn sjúkdómurinn sem kórónaveiran veldur.

 

Útgöngubann í Melbourne í dag, í sumum héruðum Spánar í gær, á morgun hér og þar í þeim löndum sem opnuðu á smitleiðir veirunnar.

Ísland??

Tikk takk, tikk takk.

 

Aðeins spurning um tíma.

Í landi þar sem óvitar stjórna með sinn einbeitta vilja að opna landið fyrir drápsveirunni á ný.

 

Þar fær Þórólfur engu um breytt.

Kveðja að austan.

Annað útgöngubann í Melbourne

Ásættanlegt segir sóttvarnarlæknir.

 

En hver greiðir gjaldið þegar allt fer úr böndum??

Því samkvæmt lögmáli Murphys, það er þessi jákvæði, þá býður hættan sér í heimsókn ef dyr eru skildar opnar.

 

Þá er saklaust fólk sett í sóttkví.

Ekki sóttvarnarlæknir, ekki ráðherrar, ekki þeir sem ábyrgðina bera.

 

Heldur sá sem hefur þá einu sök að hafa verið nálægt smituðum einstaklingi á einhverjum tímapunkti. 

Hann er sviptur sínu daglega lífi, allar áætlanir, öll plön, vinna eða sumarfrí, allt sett á hold.

Dugi sóttkvíin ekki að einangra smitið, þá er næst skellt í lás hjá gamla fólkinu, sem og að fólk með undirliggjandi sjúkdóma lokar sig frá öllu mannlífi.

 

Það sem var öruggt, reyndist ekki öruggt.

Hvernig heldur fólk þá að það sem er ásættanlegt reynist??

Núna þegar næsta bylgja er á leiðinni??

 

Óvitarökin eru að það hafi svo fáir greinst með smit við landamæraskimun.

Sem er mikið rétt, með óheyrilegum fórnum almennings í mörgum vestrænum löndum tókst að skera á smitleiðir veirunnar og þar með væri saga hennar öll ef menn hefðu haft úthald nokkrar vikur í viðbót.

En veira sem smitast með veldishraða, þarf ekki marga smitbera til að smita á ný heilu samfélögin.

Það hefðu ekki margir greinst með veirusmit við landamæraskimun ef það hefði verið skimað fyrir henni í desember eða jafnvel janúar.

 

En hvað gerðist svo??

Hvað gerðist svo??

 

Allavega ef illa fer, þá mun fólk deyja vegna þess sem sóttvarnarlæknir telur ásættanlegt.

Munum samt að það er hann sem heldur aftur af óvitunum að opna landið, hann er ráðgjafinn sem veit að einvaldurinn er kolkreisý en það má lauma að honum góðum ráðum og telja honum í trú um að þau séu hans.

 

Fullorðið fólk sem á líf sem það sór að vernda, má aldrei gleyma að sama dag og ríkissjónvarpið sýndi fréttaskot frá Texas þar sem læknir á bráðamóttöku sagði að veiran væri illvígari, hún virtist smita meira og fólk veiktist verr en áður, að þá var líka viðtal við dómsmálaráðherra.

Sem greinilega var ósátt að ekki væri opnað á Bandaríkin í þessari lotu, minnti á hin sterku efnahagslegu tengsl við landið.

Firring, vitfirring, skiptir ekki öllu, á milli var Þórólfur sem gaf ekki eftir.

 

Við sem þjóð erum í miðju fellibylsins og trúum að lognið sé komið til að vera.

En þeir sem hafa komist í miðju fellibylsins og lifað af, segja að hann sé skæðari þegar hann skellur á ný.

Við búum vissulega að þekkingunni og reynslu sóttvarnaryfirvalda og Kóvid deildarinnar á Landsspítalanum, en við höfum líka sömu óvitana.

 

Óvitana sem skilja ekkert í af hverju allt er ekki galopnað.

Ha, meinlaus flensuskítur, er eitthvað að óttast, það dóu svo fáir!!

Það þarf að fá efnahagslífið í gang.

 

Meinið er að efnahagslífið er í gangi, svona eins og það getur verið á tímum heimskreppu í miðri drepsótt.

Og það mun ná fullum styrk þegar veirunni hefur verið útrýmt.

 

En fái hún að grassera, þá mun kreppan aðeins dýpka.

Eitthvað sem fullorðið fólk skilur, en er ofviða börnunum.

 

Þess vegna eiga börn að vera í skóla, og læra, sama á hvað aldri þau eru.

Það er bara svo.

Kveðja að austan.

 

Ákvörðun ÍE ekki tilefni til að stíga til baka

Er vanhæfnin að ná nýjum hæðum??

 

Jafnvel svo að Mount Everest verður eins og Himnabjargið í samanburðinum??

Eða hvað á maður að halda þegar maður les þessi  orð verkefnastjóra forsætisráðuneytisins??

 

"Páll seg­ir það auðvitað óvenju­legt að ekki hafi verið gerður skrif­leg­ur samn­ing­ur við Íslenska erfðagrein­ingu um aðkomu fyr­ir­tæk­is­ins að landa­mæra­skimun, „en það má velta fyr­ir sér um hvað ná­kvæm­lega sá samn­ing­ur ætti að vera.“ Sam­komu­lag við ÍE sner­ist í gróf­um drátt­um um að hjálp­ast að við að koma landa­mæra­skimun á lagg­irn­ar. Hann seg­ir að ekki hafi staðið til boða að gera skrif­leg­an samn­ing við ÍE. ".

 

Jú það er óvenjulegt að það hafi ekki verið gerður skriflegur samningur en það hafi aldrei staðið til, líklegast vegna þess að menn vissu ekki nákvæmlega um hvað slíkur samningur átti að vera??

 

Datt þeim ekki að spyrja skúringarkonuna??, hún hefði kannski sagt þeim að stjórnvöld vildu opna landamærin, sóttvarnaryfirvöld vöruðu við því nema skimað væri fyrir veirunni, og þar sem ÍE væri eini aðilinn sem hefði tæki og mannskap í það verk, og verkið þar með ekki unnið án aðkomu fyrirtækisins, að þá væri sniðugt að gera samning við ÍE um að vinna verkið.

Svona ósköp svipað og ráðningasamningur hennar væri.

Ekkert flókið við þetta, vefst ekki fyrir neinum.

Nema náttúrulega óvitunum sem stjórna landinu og liðinu sem þeir hafa safnað í kringum sig.

 

Heimskan og barnaskapurinn á bak við Orkupakka 3 var engin tilviljun, eða að leyfa skynlausum skepnum að flytja inn fjölónæma sýkla auk búfjársjúkdóma, á tímum þar sem það er aðeins tímaspursmál hvenær hinir fjölónæmu verða helsta heilsufarsleg ógnin sem blasir við öllu mannkyninu.

Þá opnum við bara landið fyrir þeim og látum sjúkdóma slátra innlendum búfjárstofnum.

Firring þessa fólks, og svo náttúrulega barnaskapur barnanna, að það er engu logið uppá það.

Það ver ekki hagsmuni þjóðarinnar því það hefur ekki vit til að skynja þessu sömu hagsmuni.

Og það er algjörlega ófært að leiða þjóðina á dauðans alvöru tímum.

 

Það er ekki skrýtið að Kári sé búinn að fá nóg af þessu liði, og reyndar alveg ótrúlegt hvað hann hefur enst lengi í samstarfi við það.

Síðan er það deginum ljósara að ef sóttvarnarsjónarmið ráða einhverju, þá verður ekki fleirum hleypt inní landið en hægt er að skima, ætli menn taki ekki númer eins og gert er í dag í öllum betri búðum.

En meinið er að óvitarnir skilja ekki hvað felst í orðinu sóttvörn, eina ástæða þess að þau tóku tilliti til sjónarmiða Þórólfs og Ölmu, var að almannatengillinn sem tyggur ofaní þau orð og stefnu, sagði þeim að það væri ekki gott fyrir fylgið að fara gegn hetjum dagsins.

Og líklegra er að landið verði opnað uppá gáttina með vísan í einhver meint örugg ríki.

 

Því heimskan er algjör og gleymdur sá lærdómur að eftir að samevrópski embættismaðurinn sem bar ábyrgð á sóttvörnum álfunnar lýsti því yfir 28. febrúar að ríki sambandsins réðu við faraldurinn og ekki kæmi til greina að loka landamærum innan þess, að þá leið ekki mánuður þar til orð hans voru merkingarlaus skrípaorð, faraldurinn breiddist út á veldishraða og ríkin skelltu í lás hvert af öðru.

Og það sama er að gerast í dag.

Nema að óvitarnir hafa ekki frétt af því.

 

Ætli Mount Everest sé ekki frekar eins og mauraþúfa í samanburðinum.

Og hún af smærri gerðinni.

Kveðja að austan.

Ekki stóð til boða að gera skriflegan samning

Afturábak nornaveiðar.

 

Smán allra sem taka þátt í þeim.

Og litlu skárra að þvo hendur sínar með því að vísa í tengil.

 

Það er margt villidýrið sem hefur gengið laust í gegnum tíðina.

Villidýri sem hefur átt sér vini og samstarfsmenn, sumum fullkunnugt um athæfi þess, öðrum ekki.

 

Og villidýrin hitta marga, umgangast marga, vegna starfa sinna og stöðu.

Vinir þeirra og samstarfsmenn, hitta líka marga af sömu ástæðum.

 

Að það sé nýtt til að koma skít á venjulegt fólk, sem er jafn breyskt og við hin, og jafn fjölbreytt í breyskleika sínum og flóra mannlífsins er, er hins vegar lágkúra.

Lágkúra eins og hún gerist lægst.

Og er að verða alvarlegt eitur í nútíma samfélagi.

 

Svei attan Moggi.

Skammist ykkar.

Kveðja að austan.

Ólafur og Dorrit á mynd með Maxwell

Vítin eru til að varast.

 

Sú sláandi heimska og veruleikafirring að halda að samfélög fólks geti þrifist í miðri drepsótt á rætur að rekja til Mammons, þessa blóðuga guðs græðgi og auðsöfnunar;

Boðskapur hans vel orðaður í þessari frétt;

"Síðan var ný­lega látið und­an þrýst­ingn­um frá hags­muna­öfl­um og borg­ur­um um að koma efna­hagn­um aft­ur í gang, með of­an­greind­um af­leiðing­um.".

Eins og fólk átti sig ekki á að Mammon er falsguð, boðskapur hans blekking og sýnd.

Það blómstrar ekkert efnahagslíf í miðri drepsótt.

 

Í dag er frétt frá Balkanlöndum, að fórnir síðustu vikna og mánaða hafi að engu orðnar vegna forheimskunnar og græðginnar.

Í gær voru fréttir af fyrstu einangrun samfélaga á Spáni.

Áður voru fréttir frá Leicester, Texas, Arizona, drepsóttin grefur um sig á ný.

Óhjákvæmilegt því fals rífst ekki við raunveruleikann.

 

Þessi víti ættu að vera þjóð okkar lærdómur.

Ekki óvitunum sem stjórna okkur, heldur okkur, almenningi.

 

Það er hugsanlegur möguleiki, sem aðeins tíminn einn veit, að við höfum aðeins fengið aðvörun, að það hafi tekist að einangra fyrst hópsýkinguna, en slíkar aðvaranir verða ekki margar í viðbót.

Við þurfum að fara út í samfélagið með opin augun, það er hvergi verið að spritta sig eða halda fjarlægðarmörk, ef það er smit þarna úti þá er það að breiðast út.

Og aftur verður allt lok lok og læs og alltí stáli.

 

Til hvers??

Til hvers í fjandanum??

 

Ég bara spyr.

Kveðja að austan.

Sláandi tölfræði frá Balkanskaganum