Að sama tíma að ári.

 

Í leikstjórn Alþjóðagjaldeyrissjóðsins.

Persónur og leikendur, Steingrímur Joð og Jóhanna Sig.

Leikrit sem sló ekki í gegn.

 

Síðast fékk það 98% neikvæða gagnrýni, þrátt fyrir dómsdagsspár í bland við fullyrðingar að betra leikrit yrði ekki sett upp.

Í dag er notað sama handrit, en bætt var við aukaleikaranum, Bjarna Ben hinum ískalda við mishrifnar undirtektir aðdáandahóps hans. 

Mun persóna Bjarna skipta sköpum???

Mun fólk núna skilja snilld textans, skilja að betra leikrit er ekki í boði????

Og því ekki þörf að leit álits leikhúsgesta.  Eða er það óttinn við aðra kolfellda sýningu, að verða aftur að athlægi???

Hver veit, allavega eru frasarnir þeir sömu, snilldin augljós að eigin áliti en lítt hægt að gera við því ef aðrir eru á öndverðu meiði.

Þess vegna er best að spyrja ekki aðra álits, segir einn aðalleikarana, Steingrímur Joð.  Frú Jóhann segist ekki geta gert betur, og um það er ekki deilt.

Aukaleikarinn er ekki spurður, enda ljóst að þar er ekki vanur maður á ferð.

 

En valdið er hjá leikhússtjóranum, Ólafi Ragnari, mun hann vilja láta leikhúsgesti hafa síðasta orðið??

Það er stóra spurningin, ég spái að hann muni líka endurtaka sig.

Þetta er jú allt að sama tíma að ári.

 

Sömu orðin, sömu frasarnir, sama leiksýningin.

Kveðja að austan.

Styður ekki þjóðaratkvæði um Icesave

Athugasemdir

[Vendetta, 15.2.2011 kl. 15:48]

Leikhússtjórinn Ólafur Ragnar er mjög spenntur fyrir leikritinu, en vill ekki að aðrir viti það. Þannig að hann verður fjarverandi á frumsýningarkvöldinu og lætur leikstjórann, Ástu Ragnheiði um að sjá um fráganginn.

[Kristján Hilmarsson, 15.2.2011 kl. 19:16]

Þegar leiksýningar "floppa" þá eru þær venjulega teknar af "fjölunum" undantekningin gæti verið leiksýningar í fangelsum og einræðisríkjum, en að lappa upp á misheppnaða sýningu með mjög svo ósannfærandi viðbótarleikara er nýtt, held ég  fr´ðlegt að sjá hvort það virkar.

Góð samlíking Ómar !

MBKV

KH

[Ómar Geirsson, 15.2.2011 kl. 20:29]

Blessaðir félagar.

RTF, það held ég að sé það eina sem gerist ekki.  Þá fyrst rís þjóðin upp, og það vita bæði leikstjórinn og aðalleikarar.  Og leikhússtjórinn yrði rekinn.

Kristján, ég óttaðist viðbrögð þjóðar minnar, fannst deyfðin vera komin yfir allan þjófabálk, en núna mætti halda að það væri kosning á Kúbu, tölurnar streyma inn.

Ég á erfitt með að trúa að þeir fari gegn þjóðinni, en ég vona það.  Því fyrr fara þeir í grjótið.  

En ég telst víst vera Haukur, ét friðardúfur.

Kveðja að austan.

[Tómas (IP-tala skráð) 15.2.2011 kl. 23:16]

Steingrímur hlýtur að vera einn vitgrannasti maður allra tíma. Og það segi ég ekki honum til álösunar, heldur okkur hinum, sem greinilega þurfum að horfast í augu við okkur sjálf, og passa okkur að vanda betur valið á þeim sem við kjósum til valda, að dæma menn eftir einhverju raunverulegu, ekki hysmi og tómum orðum sem ekkert fylgir...sama hvað þeir þykjast standa fyrir.

Hvernig getur maðurinn, sem barðist svo mjög fyrir að Svavarssamningurinn yrði samþykktur, og játaði sig svo sigraðan af þjóðinni, og sparaði sá sigur þjóðarinnar milljarða á milljarða ofan......nú farið fram með nákvænlega sama söng, nákvæmlega, nákvæmlega sama svipinn, í nákvæmlega sama anda, jafn fullviss um að hann sé alvitur en þjóðin safn fífla. Á svona maður að hafa völd í lýðræðisríki? 

Þetta er sorglegt og við skulum passa okkur að endurtaka aldrei þau mistök að kjósa vanvita. Og meðan við höfum ráðrúm til. Förum á http://www.kjosum.is  !!!!!

Baráttukveðjur, 

fyrrum kjósandi Steingríms.

[Ómar Geirsson, 16.2.2011 kl. 00:26]

Tómas, hef engu við þetta að bæta, og ég er líka fyrrverandi, en ekki eftir 2007, leist betur á nafna minn.

Taldi síðan Steingrím vera manninn sem hélt jarðsambandi fyrst eftir Hrun.  Eða alveg þar til að hann gekk í stjórn sem laut forræði AGS.  Þá skyldu leiðir fyrir fullt og allt.

Og í mínum huga, blessuð sé minning hans.  Hann átti marga góða kosti.

Kveðja að austan.