Fólk með einkenni á ferðinni.

 

Og á meðan er skólum lokað, jafnt leikskólum sem grunnskólum.

Að ekki sé minnst á einangrun aldraðra á hjúkrunarheimilum.

 

Hver skyldi skýringin vera??

 

Hugsanlega sú að seinni faraldurinn hefur ekki ennþá bitið.

En hvaða úrkynjaður ræfill, þó karlmaður fullur á hormónum sé, vill sýkja sína nánustu, valda þeim skaða og jafnvel hinn endanlega dóm??

 

Fáir allavega en sjálfsagt einhverjir.

 

Eftir stendur falsið, blekkingin, áróður um að kórónaveiran sé meinlaus, og það sé hystería að berjast gegn henni.

Ekki það að ungt fólk lesi Morgunblaðið eftir að myrkrið hóf þar innreið, en það leggst margt á eitt.

Stanslaus suðandi áróður flærðarinnar sem grefur stanslaust undan sóttvörnum.

Áróður sem uppsker.

 

Aðgæsluleysi, hugsunarleysi.

Smit.

 

Þar liggur vandinn.

Flærðinni er ekki mætt.

 

Það er stærsti leki sóttvarna í dag.

Kveðja að austan.

Fólk með einkenni á ferðinni

"Minnkandi dánartíðni veirunnar".

 

Hvaða grimmi sjúkleiki hefur grafið um sig á ritstjórn Morgunblaðsins??

Sem fær blaðamann til að spyrja þessarar spurningar.

 

"Það er ekkert sem bendir til þess að veiran sé minna banvæn" sagði Þórólfur Guðnason sóttvarnalæknir og vísaði þar í upplýsingar að utan.

Ef blaðamaðurinn veit annað þá eiga þær upplýsingar að koma fram í aðdraganda spurningarinnar en ekki vera trikkspurning með fullyrðingu út í loftið.

Hugsuð til að koma því að þetta sé ekki svo alvarlegt eftir allt saman.

Og hver gerir slíkt þegar spurt er um dauðans alvöru?

 

Fólk hefur ekki dáið á Íslandi, ennþá, vegna þess að það hefur tekist að verja áhættuhópa, sem og að fólk í áhættuhópum passar sig miklu betur en yngra fólk.

Alvöru bylgja hefur ekki brotist út vegna sóttvarna, ekki vegna þess að veiran smitar minna.

Svo er eitthvað fólk þarna úti sem gagnályktar, að fyrst fólk hefur ekki dáið, þá eru sóttvarnir óþarfar, eða það má slaka það mikið á þeim að það er öruggt að nýr faraldur blossi upp.

 

Látum vera hvað myrkur hefur grafið um sig á ritstjórn Morgunblaðsins.

En að forsætisráðherra þjóðarinnar skuli ekki hafa döngun og kraft til að segja viðkomandi blaðamanni að skammast sín,leiðrétta hann og upplýsa síðan um hvað felst í hinni blekkjandi spurningu, er með ólíkindum.

Er hún virkilega farin að samsinna sig krakkahjörðinni í Sjálfstæðisflokknum, hví getur hún ekki staðið ístaðið eins og Bjarni Ben þessa dagana??

 

Skurðgröfturinn er dauðans alvara og fullorðið, heilbrigt fólk mætir slíkum skurðgreftri.

Mannsandinn er langt kominn með að þróa bóluefni gegn veirunni ásamt því að þróa lyf sem ná æ betur tökum á veirusýkingum.

Frekari úthald í sóttvörnum er því talið í mánuðum en ekki árum.

Að gefast upp á síðustu metrunum mun kosta mannslíf sem og heilsu samborgara okkar.

 

Og þeir sem vinna að slíkri uppgjöf eru engu betri en skeggjuðu illmennin sem senda ungt fólk með sprengjubelti um sig til að drepa og meiða saklaust fólk.

Illskan á sér nefnilega fleiri en eitt andlit.

 

Höfum það hugfast.

Kveðja að austan.

Verja bæði heilsu og hag

Hvernig ber að túlka véfréttina??

 

Þegar hægri sinnaðir stjórnmálamenn, eða ráðgjafar á vegum hægri sinnaðra stjórnmálamanna tjá sig um kórónuveirufaraldurinn þá er oft erfitt að átta sig á hvort þeir séu að fara eða koma, eða hvort þeir yfir höfuð hafi hugmynd um að drepsótt geisi í heiminum.

Einna helst er að skilja á þeim að heimsbyggðin sé að glíma við eitthvert dularfullt samsæri Bill Gates sem hafi fundið upp veiruna, og hóp kuklara sem hafi gert magnkaup hjá Nígerískum bréfaskóla og fengið titilinn sóttvarnalæknar og hafi með hjálp dáleiðslu og heilþvottar, og jú Bill Gates, náð yfirráðum í stjórnkerfum heimsins, og í krafti þessara yfirráða, komið á sóttvörnum.

Sóttvörnum sem eyða og drepa, jafnt fólk sem vinnu, að ekki sé minnst á skemmtanir og mannfagnað.

Það sé sem sagt sóttvarnarfaraldur sem gangi yfir heimsbyggðina, ekki drepsótt.

 

Þessi helsti ráðgjafi breskra stjórnvalda hefur núna fundið það út að það sé verra fyrir börn að missa úr skóla en að smitast af kórónuveirunni.

Hvernig hann getur fullyrt það í miðjum heimsfaraldri þar sem enginn veit hvernig veiran hagar sér, fyrsta bylgjan lagðist á eldra fólk, sú sem núna er í gangi virðist leggjast meira á yngra fólk, enginn hefur hugmynd um hvernig þriðja bylgjan mun haga sér og ekkert er vitað um langvinn áhrif kórónusmits, af hverju??, jú það er ekki liðinn langur tími frá því að hún barst í menn, heldur stuttur.

Höfum það í huga að frænkur þessar veirur voru minna smitandi en bráðdrepandi, ekkert sem segir að einhver stökkbreytingin í kórónuveirunni geri hana ekki hættulegri yngra fólki, líkt og var með seinni bylgjuna af spænsku veikinni.

Samt á ekki að vernda börnin heldur leyfa þeim að smitast ef marka má þessa frétt, eða réttara sagt og er gefið i skyn í þessari frétt.

 

Síðan má spyrja, hvernig á að framkvæma þetta?

Ætlar breska yfirstéttarfólkið sem gerir út frjálshyggjuna  þar í landi, manna skólana, leggja sjálft sig í hættu við að kenna börnum, eða ætlar það láglaunafólkinu þar í landi að manna skólana, sem það nóta bene hefur skorið inn að beini með stanslausum niðurskurði og hagræðingu frá dögum Thatchers og Regans.

Ætlar það síðan að grípa inní og fóstra börnin ef foreldrarnir veikjast illa, því smit spyr ekki um kennitölu og smit í skólum mun óhjákvæmilega leita út í samfélagið.

Og mætir það síðan með vasaklút og snýtuklút við jarðaför afa og ömmu sem smituð börn vita að þau hafi smitað, eða höfðu menn hugsað sér að einangra börnin frá öðrum hluta samfélagsins??

 

Þetta er ótrúlegur málflutningur fólks sem brást í að ganga að veirunni dauðri þrátt fyrir miklar fórnir bresku þjóðarinnar.

Með því að opna fyrir smitleiðir bæði innanlands og að utan.

Horfir síðan framan í nýjan veirufaraldur aðeins nokkrum mánuðum áður en von er á fyrsta bóluefninu á markað.

 

Er þetta heimska??

Er þetta vitfirring??

Er þetta tær mannvonska eða illska??

 

Munum svo að í Whuan ganga börn í skóla án ótta.

Án óttans við að smitast, án óttans við að koma að foreldrum sínum alvarlega veikum, án óttans við að þurfa að mæta við útför afa eða ömmu.

Vegna þess að kínversku kommúnistarnir höfðu úthaldið til að fella veiruna, útrýma henni úr samfélaginu.

 

En á Vesturlöndum gróf frjálshyggjan undan sóttvörnum, mataði heimska hægrið á bábiljum og vitleysu, og knúði stjórnvöld flestra ríkja til að opna á veiruna áður en henni var útrýmt.

Af hverju??

Hvað gekk henni til??

 

Við því væri gott að fá svar.

Kveðja að austan.

Segir verra að missa úr skóla en fá veiruna

"Þetta er ásættanleg áhætta".

 

Eru fleyg orð ráðherra ferðamála þegar hún reif sig við prófessor Gylfa Zoega, eitt mesta lærdómsnörd Íslandssögunnar, og var þá kurteislega spurð af öðrum prófessor; "Ha, hvernig komst þú að þessari niðurstöðu, hún er þvert á mína útreikninga".

Þá var Þórdís Kolbrún látin þegja, nægan skaða hafði hún samt gert ríkisstjórn Íslands, og í raun fréttist ekkert af henni fyrr en hún fór út á lífið snemma morguns svo frægt er.

 

En núna játar hún að fullyrðing hennar var út í loftið, innan ráðuneytis hennar ver ekkert mat lagt á fórnarkostnaðinn við opnun landamæranna í júní, aðeins það huglæga sem kristallast í hroka ráðherra, "þetta er ásættanleg áhætta".

Og það á að bæta úr;

"Ráðherr­ann lagði minn­is­blað fyr­ir rík­is­stjórn­ina á þriðju­dag­inn síðastliðinn, þar sem hún lagði áherslu á að unnið yrði að ít­ar­legri efna­hags­grein­ingu á sótt­varn­araðgerðum og lagt yrði heild­stætt mat á þjóðhags­leg­an kostnað og ávinn­ing af mis­ströng­um sótt­varn­ar­regl­um - ann­ars veg­ar á landa­mær­un­um og hins veg­ar inn­an­lands. ".

 

Og maður veit ekki hvort maður eigi að hlæja eða gráta.

Þú bætir ekki úr þeim afglöpum að hafa ekki lagt mat á fórnarkostnaðinn fyrir opnun smitleiða inní landið, núna þegar ljóst er að seinni bylgjan er að springa framan í Evrópu, einmitt vegna þess að opnað var fyrir smitleiðir um landamæri.

Því bein afleiðing af því er að hvert landið á fætur öðru mun loka á pestarbæli því smitvarnir innanlands eru tilgangslitlar ef ekki er lokað fyrir aðstreymi veirunnar inní löndin.

Ferðalög án sóttkvíar leggjast því að, ekkert flóknara en það.

Þannig að maður spyr sig, væri ekki bara betra að hafa ráðherrann ennþá út á lífinu, eða í sóttkví inní skáp, svona út frá stöðu ríkisstjórnarinnar og þeirra alvarlegu vandamála sem blasa við um allt vegna afleiðinga heimsfaraldursins?

 

Jú, jú auðvita vaða raddir heimskunnar uppí í Sjálfstæðisflokknum og Bjarni hefur ekki ennþá haft kjark til að hringja í Þórólf og biðja hann um sóttkví á þetta skaðlega fólk.

En þjóðin á betra skilið en svona vitleysu.

Ríkisstjórnin hefur verk að vinnast sem átti að vera búið að vinnast.

Sem er mótun tillagna um allsherjarátak þjóðarinnar við að halda lífi í ferðamannaiðnaði okkar, sem og að skapa lífsgrundvöll fyrir það fólk sem hefur misst atvinnu, og sér fram á eignamissi, bæði fyrirtækja sem og heimila.

 

Það er neyðarástand þarna úti, og það er bara vonast til að það hverfi með því að ræða það ekki, eða láta eins og allt reddist bara.

Og einhver útópíu umræða um ferðamenn sem munu ekki koma því ferðalög milli landa er það fyrsta sem dettur upp fyrir í heimsfaraldri, stjórnar umræðunni.

Ef fólk er svona heimskt, eða svo stjarft af áfallinu að öll rökhugsun hefur yfirgefið það, af hverju er þá bara ekki gengið alla leið og leitað af gullinu fyrir enda regnbogans??

Eða fjármálaráðherra látinn fara með ríkiskassann til Las Vegas og látinn gambla með hann??

 

Veiran er vágestur en þannig sé ekki þjóðarvá.

Þjóðarváin verður ef hluti samfélagsins er látinn bera allar byrðar vegna hennar, fólkið sem var svo óheppið að starfa við eða eiga rekstur í þeim atvinnugreinum sem hafa orðið illa fyrir barðinu á ströngum sóttvörnum.

Þjóðarváin er þá mannanna verk.

 

Viljum við það.

Kveðja að austan.

 

 

Gagnrýnin á fullan rétt á sér

Ginnungargapið.

 

Það er ljóst að það er ekkert annað en ginnungagap á milli þeirra sjónarmiða að vilja vernda líf, og leyfa því að drepast ef einhver ytri ógn bankar á dyr.

Sóttvarnir, barátta við skógarelda, flóðvarnir, allt er þetta hálfvonlaust í þeirri merkingu að baráttan endar aldrei, það gjósa alltaf upp nýjar pestir, nýir eldar kvikna í sífellu, og alvarlegum flóðum fjölgar sífellt með hækkandi hitastigi jarðar.

Eðlilegt að yfirstéttin spyrji sig, er þetta kostnaðarins virði, dugar ekki að ég hugi að mínu öryggi og láta hitt hafa sinn gang.

Einu sinn þarf jú hver að deyja og segir að almúginn, sérstaklega sá hluti hans sem á varla fyrir skeiðinni, hvað þá hnífnum, er hvort sem er alltaf að berjast við ótímabæran dauða.  Eða hvaðan koma hinar myndrænulýsingar að vera á horriminni eða rétt að skrimta.

 

"Eigi veit ég um hin dýpri rök" sagði hlýðin eiginkona ein við matarboð eiginmannsins þar sem hann og aðrir ræddu kostnaðinn við einhvern óþarfann og að það væri gegn vilja guðs að grípa inní fátæktina, "ég veit hins vegar hver er skylda mín sem kristin manneskja".

Þar með var ginnungagapið milli frjálshyggju og íhaldsmennsku fært í orð, og íhaldsmenn höfðu betur í Manchester þegar sameiginlegir sjóðir voru notaðir til að berja niður kóleru en til þess þurfti að leggja skólp í jörð og útvega öllum aðgang að rennandi vatni.

Auðvitað bölvað bruðl og grét margur góðborgarinn yfir skattinum sem hann borgaði til að fjármagna framkvæmdirnar, hann sá ekki samhengið milli launanna sem hann borgaði og þess að hinn stritandi vinnulýður var ekki aflögufær í sameiginlega sjóði.

 

Mér flaug þetta ginnungagap í hug þegar ég renndi yfir Reykjavíkurbréf Davíðs núna í morgun.

Þar sá maður af hverju Morgunblaðið hefur gefið heimskunni rödd og rær núna með dauðanum.

"Freistandi er að líta á þetta tal sem ábendingu um að við verðum að grípa næsta kostinn á eftir „hjarðónæminu“ sem rætt var um og einhenda okkur í að fletja út yfirferð veirunnar og segja það upphátt og gæta þá einungis þeirra sem varnarlausastir eru. Því það er næstum óhugsandi að þetta þýði að við gætum þurft að skella hundruðum eða þúsundum manna reglubundið í fjölbreyttar tegundir af sóttkví, sem sífellt verður ólíklegra að haldi, af því að við séum enn að reyna að gera landið algjörlega veirulaust. Taka verður af skarið ekki seinna en strax.".

 

Fyrir utan það að það er rangt að sóttvarnir virki ekki, eða ætli kóleran, kýlapest eða ebóla geysi þarna á Móunum, þar er jú hrjóstrugt og afskekkt svo hugsanlega hefur það ekki frést, en held samt ekki, þá er er það ljóst að meint hjarðónæmi kostar mörg mannslíf, mikla veiklun vegna alvarlegra veikinda, að enginn er óhultur, og stór hluti þjóðarinnar mun kjósa að loka sig inni vegna smitótta.

Og hvernig er hægt að vera svo heimskur að halda að slíkur fylgi ekki efnahagslegur kostnaður sem er margfaldur á við tekjurnar sem hægt er að hafa af milljónamæringum að veiða rafrænt í Rangá og öðru fengsælum laxveiðaám. 

Rafrænt því það mun ekki finnast það fífl sem heimsækir pestarbæli í miðri farsótt.

 

Smitvarnir virka ef skorið er á smitleiðir, að vísa í árangursleysi þeirra þegar slíkt er ekki gert, er dæmi um aðra heimsku.

Það væri enginn í sóttkví í dag ef stjórnvöld hefðu virt fræðin haft landamærin áfram lokuð nema að undangenginni sóttkví.

Smitsjúkdómar geta blossað upp þrátt fyrir það, þá er tekist á við slíkt ástand, líkt og er gert á Nýja Sjálandi í dag, eða gert var víða um heim þegar kílapest eða Svarti dauði blossaði upp víða um heim seinni hluta síðustu aldar.

 

Og ekki hvað síst, mannsandinn slæst við sjúkdóma og hefur lagt marga að velli.

Hvaða ungt fólk í dag þekkir á eigin skinni það sem kallað var barnasjúkdómar um miðja síðustu öld??

Eða hafa menn ekki heyrt af því að Stóru bólu hefur verið útrýmt?

Og mannsandinn mun finna lækningu við kóvid, ekki síðar heldur bráðum.

 

Á meðan er það að þrauka.

Og hleypa ekki röddum heimskunnar.

Röddum dauðans inní umræðuna.

 

Það er líklegast stærsta smitvörnin í dag.

Kveðja að austan.

 

Ginnungagap á milli sjónarmiða

Og ennþá rífst fólk og lætur eins og ekkert sé.

 

Þrátt fyrir alvarleikann, þrátt fyrir að vitað sé að þessi veira er bráðsmitandi, óútreiknanleg, eina stundina virkar hún næstum meinlaus, þá næstu fellir hún fólk.

Fyrir utan alla sem hún veiklar.

Það er eitthvað mikið að fólki sem lætur svona.

 

Prinsipp spurningar þarf samt að ræða, og það þarf kjark til þess.

Það er auðveldara að glata frelsi og borgarlegum réttindum, en að ávinna sér þau.

Það má bara ekki gerast á röngum forsendum þar sem lítið er gert úr alvarleik veirunnar, eða jafnvel logið til um staðreyndir.

Þær þurfa að ræðast út frá alvarleikanum, staðreyndum, jafnt um veiruna og hvað er í húfi.

Hvað er í húfi gagnvart lífi og heilsu, en einnig hvaða áhrif sóttvarnir hafa á lif almennings, atvinnu sem og rekstur fyrirtækja.

 

Við sem erum hlynnt sóttvörnum eigum að virða ótta fólks um atvinnu og eignir.

Og við eigum að gera þá kröfu að samfélagið hjálpist að, að þetta séu sameiginlegar byrðar, ekki aðeins byrðar þeirra sem fyrir barðinu verða og kafna jafnvel undan því.

 

Ríkisstjórnin upplifir núna á eigin skinni að sóttvarnir hennar eru réttar.

Að innflutningur á smiti er aðeins tímasprengja sem springur fyrr eða síðar, og því rétt að bregðast við á þann hátt sem hún gerði.

Hún upplifir einnig afleiðingar sóttvarna, smitgátt og jafnvel óttann um að vera smitaður, eða hafa smitað aðra.

Frá þeirri upplifun er stutt í aðra, óttann um lífsafkomu sína.

 

Vonandi verður þetta til þess að hún stígur skrefið sem á eftir að stíga.

Þjóðasáttina um að deila byrðum.

Að við séum öll eitt, ein þjóð í einu landi, og við látum okkur hvort annað varða.

 

Þá var fundurinn á Rangá til góðs.

Kveðja að austan.

 

 

Ríkisstjórnin í tvöfalda skimun og smitgát

Hvernig getur maður sem gerir.

 

Fyrrum aðalritara Sovéska kommúnistaflokksins, þá Bresnjev og Andropov líflega í samanburði þó á grafarbakka væru, verið boðberi vonar og ljóss.

 

Hálfdauður maður er ekki slíkur boðberi, hann er staðfesting á tilvist gírugrar valdaklíku sem treystir engum frambærilegum og vill stjórna öllu bak við tjöldin.

Biden er því leikbrúða eða statisti, framboð hans gjaldþrot lýðræðisins vestan hafs.

Það er ef flokksklíkan kemst upp með þetta athæfi sitt.

 

Skiptir ekki máli hver mótframbjóðandinn er.

Hvort hann er skemill, skelfilegur eða siðblindingi.

Þess þá heldur að bjóða fram valkost, lágmarkið allavega að farmbjóðandinn sé lifandi.

 

Það er ótrúlegt að sjá þetta.

Ekkert hatur á Trump getur réttlætt að fólk taki undir eða styðji þessa grímulausu aðför að lýðræðinu.

Þennan fingur sem kjósendum er gefið uppí óæðri endann.

 

Takist þetta, ef Biden verður kosinn, þá er í raun um valdarán að ræða.

Að fólk, sem hefur ekki til þess lýðræðislegt umboð þjóðarinnar, hafi öll völd eftir kosningarnar, og stjórni í umboð manns sem augljóslega hefur ekkert í það að gera, og hans eina hlutverk er að setja X á blað.

Og jú, deyja ekki.

 

Þeir sem mótmæla hástöfum kosningum hér og þar, ættu núna að líta í eigin barm.

Því trúverðugleiki er undir.

 

Sem og sjálft lýðræðið.

Kveðja að austan.

Biden: Að velja von

Þegar heimskan fékk rödd.

 

Þá var vitnað í prófessor í stjórnmálafræði sem og stjórnleysingja, og frjálshyggjumann.

Heimskan sagði, það eru svo fá smit, og það eru borgarleg réttindi fólks að fá að vera heimskt, og smita aðra.

 

Víkjum að því fyrra, fá smit, staðfesta að sóttvörn er að virka, sem er jú tilgangur þeirra.

Þær eru jú til lítils þegar smit er orðið útbreitt, það liggur í veldisaukningu veirusmits og þá er eina ráðið að skella í lás, líkt og yfirvöld í Kína, á Ítalíu og Spáni neyddust til að gera.

Hinn möguleikinn var að láta drepsóttina hafa sinn gang, og drepa.

Sem er jú hvatning til fjöldamorða og ætti að liggja við þung refsing, líkt og hvetja til hryðjuverka, þjóðernishreinsana eða annars viðbjóðs.

 

Á neyðartímum eru borgarleg réttindi það fyrsta sem víkur, rétturinn til að vera heimskur, til að ganga úr takt, er ekki liðinn.

Til dæmis er það geirneglt í sjórétti að í sjávarháska eða öðru sem ógnar öryggi skips og áhafnar, að skipstjóri hafi þá alræðisvald, og hann má aflífa þá sem ganga gegn skipunum hans á neyðarstundu.

Án þess að ég viti það alveg, þá held ég að sama gildi um borð í flugvélum, þó prófessor í stjórnmálafræði, stjórnleysingi og frjálshyggjumaður segi að það sé borgarleg réttindi þeirra að fá að opna neyðarútgang á flugi til að fá sér ferskt loft, þá er það bara ekki svo, og áhöfn, sem og aðrir farþegar mega beita öllum ráðum til að hindra heimsku þeirra og afglöp.

Jafnvel þó rödd þeirra fái dálka á síðu Morgunblaðsins, sem aftur vekur reyndar spurningu um hvaða óværa hefur grafið þar um sig.

 

Í samkeppni þjóðanna eða baráttu þeirra fyrir tilveru sinni, þá er réttur stjórnvalda á neyðar og stríðstímum ótvíræður, fólk hlýðir eða er fjarlægt, jafnvel hengt uppí næsta tré ef þörf þótti, öðrum fíflum til aðvörunar.

Að öllu jöfnu er það borgarlegur réttur fólks að fá að kveikja ljós á kvöldin, en það var allt að dauðasök á Englandi á meðan flugvélar Görings flugu yfir og leituðu upp skotmörk sín.

Eins hefur það verið talinn sjálfsagður réttur að senda bréf og fréttir yfir landamæri til vina og ættingja, en amman sem vildi ólm segja Gunther frænda fréttir um manna og skipaferðir í nágrenni sínu á því herrans ári 1941 í gegnum transistortæki sem hann hafði skilið eftir nokkrum árum áður, hún fékk val, reyndar ekki lýðræðislegt val, heldur val um gálga eða senda Gunther falsaðar fréttir, annað var ekki í boði, þó hún væri gráhærð, amma og vildi nýta sér borgarlegan rétt sinn til að segja fréttir.

 

Svona má lengi lengi telja, á stríðs og ófriðartímum víkja borgaleg réttindi fyrir hagsmunum ríkis og þjóðar.

Í sjávarháska er það allir fyrir einn og einn fyrir alla.

Á tímum farsótta hefur enginn rétt til að sýkja aðra, hvað þá að dreifa smiti og sjúkdómum.

Einfaldlega forsendan til að lifa af.

 

 

Úrkynjun velmegunarinnar fær oft fólk til að gleyma þessum einföldu sannindum.

Eins  er vel þekkt að annarlegir hagsmunir drífa oft einstaklinginn áfram gegn heildinni, þó fjöldinn tapi getur einstaklingurinn oft grætt á upplausn og sundurlindi.

Eitthvað slíkt hlýtur að vera í gangi í dag því það er svo óendanlega heimskt að nota árangur sóttvarna sem rök gegn þeim.

Hvað þá að berjast fyrir frelsi drepsóttar til drepa náungann.

Þessu væri ekki einu sinni logið uppá Satanista í þriðja flokks hryllingsmynd.

Hvað þá að svona umræða fengi skjól á rótgrónu borgarlegu blaði eins og Morgunblaðið er.

 

Þetta er með ólíkindum, að loksins þegar árangur næst, og óttinn við að smitast eða smita náungann er að hverfa úr samfélagi okkar, að þá eru forsendur þess árangurs nagaður niður á síðum Morgunblaðsins.

Að kverúlantarnir skuli fá rödd sem er tengd við gjallarhorn niðri á torgi.

Slíkt hefur ekkert með lýðræðislega umræðu að gera, ekki frekar en myndbönd Ríki Íslams eða dreifirit Al Qaeda sem útskýrðu skilmerkilega hundrað og eina aðferð við drepa vantrúaða, sérstaklega ef hann bjó í nágrenninu. 

 

Við erum í miðjum heimsfaraldri veirusýkingar sem ógnar lífi samborgara okkar, og enginn veit hvernig mun hegða sér fái hún að ganga laus.

Næsta bylgja getur verið mildari, en hún getur líka verið illvígari líkt og var með Spænsku veikina forðum.

Og í stað þess að ræða varnir þjóðarinnar, og hvernig við sem þjóð eigum að takast á við afleiðingar hennar svo byrðum sé jafnt axlað, þá er miskunnarlaust grafið undan sóttvarnayfirvöldum með kjaftæði um borgaleg réttindi eða alvarleiki veirunnar talað niður með því að vísa árangur sóttvarna, og nota það sem rök fyrir því að hún sé ekki svo hættuleg eftir allt saman.

Fávitahátturinn er slíkur að það vantar aðeins að samtök Íslamista krefjist réttar til að búa til bílsprengjur eða sprengibelti fyrir opnum tjöldum, með vísan í borgaleg réttindi til hryðjuverka, og rökin að sprengjur sem lögregla nær að aftengja í tíma, sanni að sprengjur hryðjuverkamanna ógni ekki lífi og limum fólks.

 

Það er mál að linni.

Meðal annars með því að graftarkýlið sem skaut nýlega rótum á Morgunblaðinu verði hreinsað út.

Borgarlegt blað getur aldrei verið griðastaður öfga og mannhaturs, til þess var jú Neistinn eða Stéttarbaráttan í gamla daga, þar voru jú Pol Pot og Maó formaður lofsungnir.

Það var enginn söknuður af þessum blöðum, það var enginn söknuður af þeirri pólitík sem mærði fjöldamorð og fjöldamorðingja.

 

Það ætti ritstjórn Morgunblaðsins að hafa bak við eyrað.

Slík iðja er engu skárri þó hún kenni sig við frelsi.

Aðeins nýjar umbúðir um sama innihald.

 

Aðför að borgarlegu samfélagi.

Aðför að mannhelgi.

Aðför að öllu því sem Morgunblaðið hefur staðið fyrir í gegnum árin og áratugina.

 

Hvað breyttist??

Af hverju er Mogginn kominn í stríð við lesendur sína??

 

Mér er spurn.

Kveðja að austan.

 

Þrengt að borgaralegum réttindum

Það er eitt sem vantar í sóttvarnarlög.

 

Og það er kafli sem fjallar um ábyrgð stjórnvalda gagnvart því fólki og fyrirtækjum sem verða fyrir höggi vegna sóttvarnarráðstafana.

 

Það var glópavon að treysta á að erlendir ferðamenn myndu streyma inn á tímum heimsfaraldurs, og þar með hyrfi vandi ferðaþjónustunnar og hún héldi áfram eins og ekkert hefði í skorið.

Sumarið átti að nýta til að móta og þróa úrræði fyrir ferðaþjónustuna, afþreyingariðnaðinn og svo framvegis.

 

Hefðu stjórnvöld kynnt slík úrræði um leið og hertar aðgerðir á landamærunum, þá væri sátt og hægri öfgarnar eins og hver önnur ískrandi viðrini út í horni, tuðandi eitthvað sem enginn hlustar á.

Í stað þess að gera út á örvæntinguna og fá þannig hljómgrunn hjá örvingluðu fólki.

En ekki þessum 14-15 manna stuðningskjarna sem annars hefði lagt við eyru.

 

Væri skyldan skýr í lögum, þá hefðu þessi mistök ekki átt sér stað.

Þau þarf að leiðrétta.

 

Fundir eru góðir en fundir koma aldrei í stað aðgerða.

Þar er meinið.

Og þar varð stjórnvöldum á.

Kveðja að austan.

 

Sóttvarnalög endurskoðuð

Leiðtoginn.

 

Bjarni Ben hefur stigið fram sem rödd skynseminnar innan Sjálfstæðisflokksins.

 

Hann hefur staðið þétt að baki heilbrigðisráðherra varðandi þá ákvörðun hennar skipa fyrir um 5 daga sóttkví auk skimunar við landamærin og ásamt seðlabankastjóra hefur hann nýtt styrk þess að hafa sjálfstæðan gjaldmiðil til að koma landinu út úr brimskafli heimsfaraldursins.

Krónan var bjargvættur okkar eftir Hrunið 2008 og krónan mun verða bjargvættur okkar núna ef henni er beitt á réttan hátt.

Hún mun sjá til þess að innlend eftirspurn haldist og að hjól atvinnulífsins snúist.

 

Stærstu mistök ríkisstjórnar Jóhönnu Sigurðardóttur, svona fyrir utan ICESave og uppgjöfina gagnvart hrægömmunum, var að þegar hún með annarri hendinni dældi krónum inní hagkerfið, þá fjarlægði hin þær jafnóðum með skattahækkunum og enginn veit hvernig hefði farið ef ekki hefði komið til göngur makríls og ferðamanna.

Bjarni ætti að læra af þessari reynslu og leggja til umtalsverðar skattalækkanir á fyrirtæki, til dæmis að lækka tryggingargjald niður fyrir það sem það var áður Steingrímur skaut því uppí himingeiminn.

Hann ætti líka að leggja til tímabundnar aðgerðir sem gagnast veitinga og gistihúsum, til dæmis lækkun virðisaukaskatts á veitta þjónustu, jafnvel að afnema hann tímabundið.

Og sjá, dulin eftirspurn mun spretta fram.

 

En þó Bjarni sé rödd skynseminnar þá á hann eftir að sýna að hann sé leiðtogi flokksins.

En ekki bara formaður.

 

Leiðtogi roðnar ekki þegar minnst er á í Kastljósviðtali að helsti leiðtogi stjórnarandstöðunnar á Íslandi, sé hans eigin þingmaður.

Hann tekst á við það.

Segir að í Sjálfstæðisflokknum sé aðeins pláss fyrir einn leiðtoga.

 

Það að hann roðnaði sýndi reyndar að það er svo í dag.

Og það er ekki gott, hvorki fyrir flokkinn eða þjóðina.

 

Reyndar er stjórnarandstaðan handónýt, en samt, óþarfi að Sjálfstæðisflokkurinn reddi því fyrir hana.

Það veit Bjarni en hann þarf þá að rísa upp.

Sem leiðtogi.

 

Þar er ekkert val.

Kveðja að austan.

Veiruhallinn ekki glatað fé