Kosningamál eru ekki afgreidd í fljótheitum.

 

Þau eru látin velkjast í þinginu því engin alvara er með að fá niðurstöðu í málíð, það er umræðan og sundrungin sem hún vekur sem er tilgangur kvótafrumvarpsins.

Ríkisstjórnin er með allt niðrum sig svo jafnvel ber bossi virkar ekki pínlegur miðað við ímynd hennar.

Hún hefur stutt fjármagnseigendur, hún hefur framkvæmt draum frjálshyggjunnar um algjört yfirráð vogunarsjóða yfir bankakerfi landsins, hún hefur níðst á fátækum, hún er vond ríkisstjórn.

 

En innan hennar eru snillingar áróðursins.

Þeir sjá sem er að fyrst ekkert er hægt að státa sig af, þá er um að gera að útbúa eitt stykki Falklandseyjastríð.

Og það stríð á að vera við sægreifa og meint tengsl þeirra við Sjálfstæðisflokksins.

Stríðið um auðlindir landsins, stríðið við Davíð, stríðið við allt sem sameinaði bölv vinstrimanna fyrir nokkrum árum síðan.

Stríð sem gefur stuðningsmönnum vinstri flokkanna eitthvað til að fylkja sér um.

 

Þetta er tilgangur kvótafrumvarpsins.

Eini tilgangur kvótafrumvarpsins.

Kveðja að austan.

Ekki afgreitt fyrir jól

Á þriðja hundrað að hætta.

 

Skýring;

Félagshyggja.

Félagshyggja ríkisstjórnar Jóhönnu Sigurðardóttur.  

Félagshyggja sem taldi nóg að hækka laun forstjórans, þá hlytu allir að una glaðir við sitt á spítalanum.

Félagshyggja sem ákvað að greiða eigendum krónubréfanna, amerísku vogunarsjóðunum hæstu vexti á byggðu bóli, á sama tíma og vextir voru keyrðir niður í núllið í hinum vestræna heimi.  

Félagshyggja sem tók hundruð milljarða að láni hjá AGS svo hægt væri að greiða krónueigendum út braskarakrónur sínar á yfirverði.  Eftir ICEsave andófið heyktist ríkisstjórnin á því en hefur greitt tugi milljarða í óþarfa vexti vegna þessa velgjörðarláns fjármagnseigandanna.

Félagshyggja sem hlúir að fjármagni en níðist á fólki.

 

Félagshyggja sem ættuð er úr neðra.

Kveðja að austan.

Á þriðja hundrað að hætta

Ef Vafningur fékk lánið??

 

Með hvaða rökum var það veitt???

Var Vafningur ekki skúffufyrirtæki??? 

Hver er greiðslugeta skúffufyrirtækja??  Hvaða veð standa að baki???, er það skúffan????, er hún gullhúðuð, eða eru það eigendur skúffunnar??

 

Eða Glitnisstjórar að halda því fram að þeim hafi þótt það eðlilegt að lána skúffu 10 milljarða??

Ef það var eðlilegt, þá hljóta mörg önnur dæmi vera um slíkar skúffulánveitingar.  Til hverja þá, á hvaða forsendum???

 

Ekki það að ég trúi neinu að þessu en lygi þarf að fylgja rökstuðningur.  Sá rökstuðningur segir mikið um þann hugsunarhátt sem ríkti hjá hinum föllnum bankamönnum.

Gæti hjálpað okkur til að skilja hið nýja bankakerfi því aðeins var skipt um toppa, ekkert annað.  Vinstri stjórnin okkar sá til þess.

Og ef við skiljum, þá eigum við auðveldara að verjast næstu atlögum bankakerfisins að almenningi.

 

Kerfi sem þjónar auðmönnum, ræðst alltaf að almenningi, fyrr en síðar.

Það breyttist ekkert 2008, það kom aðeins smá hlé.

Hlé sem fjármálabraskararnir notuðu til að endurskipuleggja sig.

 

Hrunið var þeirra tækifæri til að leggja undir sig allt þjóðfélagið.  Leppar þeirra munu eiga Alþingi eftir næstu kosningar og þá verður yfirtaka þeirra á þjóðfélaginu samþykkt.

Og síðan ekkert meir, aðeins skuldir og aftur skuldir, sem endalaust þarf að borga af. 

Draumaástand sníkilsins.

 

Það liggur við að maður haldi að Hrunið hafi verið part of programmið.

Það sem síðan gerðist getur ekki verið tilviljun.

 

Hvenær skyldi Steingrímur hafa fengið vilyrði fyrir silfursjóði sínum???

Kveðja að austan.

Minnislitlir starfsmenn Glitnis

Voru þeir nokkuð í vinnunni???

 

Sögðust þeir ekki alltaf fá svo lágt kaup, kaupaukar þeirra voru ekki stórir miðað við Wall Street.  Eða það sögðu þeir.

Svo ef maður rifjar upp myndir frá þessu tímum þá virðast þeir alltaf hafa verið í kokteil.  Eins og þeir hafi alltaf verið á djamminu.

Nei, ég skil það vel að þeir muni ekki neitt.

 

Spurning hvort Bjarni Ben muni þetta betur???

Kveðja að austan.

Á huldu hver lánaði Milestone

Væri hægt að biðja Japani að rannsaka Oddskarðsgöng í leiðinni??

 

Áður en þau hrynja endanlega.

 

Vissulega ætlar ríkisstjórnin að bora, en á næsta kjörtímabili, sem hún mun ekkert hafa um að segja.

Hvort það loforð hennar standi er ekki ljóst, það er allavega ljóst að þessa dagana er mörgu lofað enda eru þetta jólin sem kosningajólasveinn kemur til byggða.

Reynslan af þeim jólasveini er samt sá að fæst af því sem hann lofar, kemur til framkvæmda eftir kosningar.  Þá uppgötva menn alltí einu að öll loforðin voru á visa og kosningajólasveinninn hljóp frá öllu saman.

Kosningajólasveinn var hins vegar örlátur við velmegunargöngin fyrir norðan sem stytta hringveginn  um sirka 3-5 mínútur, nettó.  Hann er búinn að lána 8,7 milljarða í þau göng, lán sem ríkið mun aldrei fá til baka.  En vissulega eru velmegunargöngin í pant.

 

Á meðan hrynur og hrynur úr Oddskarðsgöngum, þar til einn daginn að allt hrynur. 

Það getur gerst í vetur, það getur gerst næsta vetur, það veit það enginn en það mun örugglega gerast.  Því frostið molar flögubergið.

Það er sjúkt stjórnvald sem fjármagnar lúxusjarðgöng en lofar uppí ermina á sér gagnvart framkvæmd þar sem líf og limir eru í húfi.  Í byggðarlagi sem skilar mestum, ekki miðað við hausatölu heldur mestum, útflutningstekjum landsins.  Ekki að það sé aðalatriði málsins en þjóðin er orðin svo firrt að hún skilur fá önnur rök en krónur og aura, líf og limir náungans ef hann býr einhverja metra frá höfuðborgarasvæðinu, eru ekki "inn" í umræðunni í dag.

 

En þetta er svo sem ekki skrýtið hjá ríkisstjórn sem hefur lagt metnað sinn í að vega að undirstöðum þjóðarinnar, hvort sem það er heilbrigðiskerfið, fjárhagur heimilanna eða þær atvinnugreinar sem halda þjóðinni gangandi.

Ríkisstjórn sem vill að beiningaþjóð sæki um náð og miskunn evrubandalagsins.

En það er jafn skítt fyrir það.

 

Það er margt að í þessu þjóðfélagi.

En siðblindan er alvarlegust.

Kveðja að austan.

Fyrirskipa rannsókn á jarðgöngum

Listin að gefa er ekki öllum gefið.

 

Jón Gnarr sýndi það í stórgóðu viðtali í Morgunblaðinu að hann kann þá list. 

Hann er ekki sá fyrsti sem lendir í einelti og útskúfun sem barn og unglingur, og verður ekki sá síðasti.  En í viðtalinu  gaf hann af sér visku og innsýni sem gæti hjálpað mörgum af þeim sem á eftir koma.

 

"En auk tilviljana, sem Jón lýsir sem bjargvætti, segir hann að það hafi skipt miklu máli að gefast ekki upp. »Ég reyndi að vera alltaf gefandi. Það hafði mikil áhrif á mig að lesa Bókina um veginn þar sem stendur að gott launa ég með góðu og illt launa ég líka með góðu, því þannig eflist hið góða. Ég hef reynt að lifa eftir þessum orðum. Ofbeldi hefur mér alltaf fundist frekar glatað og að hefna mín kom ekki til greina. Ég óttaðist að meiða einhvern og hann mundi svo launa mér með meira ofbeldi. Ofbeldi sem leiddi af sér meira ofbeldi var engin lausn og hreinlega of mikil fyrirhöfn fyrir lítinn árangur.«"

 

Og hið nýja kúgunartæki nútímans fær líka sína greiningu og umsögn.

 

"Á einum stað talar hann um að hinir menntuðu standi saman í því að hleypa hinum ómenntuðu ekki að í samfélaginu. »Af hverju er til kynbundið ofbeldi? Það er því að karlmenn hafa líkamlega yfirburði til að yfirbuga konur. Mennt er máttur, þannig að sá sem hefur menntun - hann hefur meiri tækifæri til þess að beita menntunarlegum yfirburðum og notfæra sér þá til það til að fá sínu framgegnt á kostnað þeirra sem hafa ekki menntun.

Ég er þeirrar skoðunar að eitt stærsta vandamál okkar sem þjóðar, sem við stöndum frammi fyrir í dag, er að það er búið að setja hinni ómenntuðu alþýðu svolítið þröngar skorður. Fólk vantar jafnvel orð. Það á ekki lengur orð til að útskýra hugsanir sínar, af því að það þekkir ekki orðin. Þetta er mjög alvarlegt. Þannig að akademían hefur tekið svolítið orðin frá fólkinu og orðin og vísindin eru öll í háskólanum.

...........

En hugtakaleysið eykur á reiði, kvíða og ofbeldi. Af því að fólk á ekki orð til að lýsa því hvernig því líður og getur ekki tjáð sig öðruvísi en með dónaskap eða því að skemma eitthvað.« ".

 

Já "Mennt er máttur, þannig að sá sem hefur menntun - hann hefur meiri tækifæri til þess að beita menntunarlegum yfirburðum og notfæra sér þá til það til að fá sínu framgegnt á kostnað þeirra sem hafa ekki menntun".  Ætli evran, kúgunartæki hinnar menntuðu yfirstéttar sé ekki besta dæmið um það.  Hún ein og sér er búin að valda Vesturlöndum meiri skaða en skriðdrekum Sovétsins tókst nokkurn tímann, og hún bitnar á almenningi sem veit að eitthvað er að en skortir orð og þekkingu til að tjá skoðanir sínar.

Því við lifum í heimi í dag þar sem brjóstvit og heilbrigð skynsemi er eins og óhreinu börnin hennar Evu, ekki til sýnis á betri heimilum.

Reiðin fær síðan stuðning við ofbeldi og óeirðir eða stuðningi við öfgaflokka sem stefna á bál og brand.

 

Jón Gnarr er líka beinskeyttur gegn skilvirkninni sem öllu tröllríður á viðkvæmustu mótunarárum mannsins.  Það er aldrei tími til að staldra við, þróa skoðanir og hæfileika.  Fólk verður því einsleitar og hæfileikalausara þrátt fyrir formlega menntun sína. 

 

"Jón flosnaði upp úr skóla og að lokum er haldið á þær slóðir, vangaveltur um hvert áttavilltir krakkar á Íslandi fara. »Annars staðar á Norðurlöndum eru til dæmis lýðháskólar fyrir krakka sem vita ekki hvert þau stefna eða hvar þau eiga heima en á Íslandi eru engir alþýðuskólar. Hér fara áttavilltir krakkar í meðferð. Mjúkur skóli þar sem fólk er afslappað og tekur sér tíma myndi henta svo mörgum og skila fólki fókuseruðu þaðan út. Við þurfum að færa vísindin út til fólksins, sýna vísindaþætti í sjónvarpinu, eins og Nýjasta tækni og vísindi var hér áður fyrr. Og bjóða börnum upp á fjölbreytni. Ekki endalausar sögur sem eru alltaf sama sagan í lestrarefni. ".

 

Viðtalið við Jón Gnarr er mjög gott, sýnir að þegar hann er á réttri hillu þá er hann gefandi og skapandi fyrir samfélag sitt og fólk.

Það er sorglegt að hann skuli vera meðreiðarsveinn eða líklegast fórnarlamb þeirra sem hann gagnrýnir, hrokafullra menntamanna sem hafa bundið trúss sitt við það svartasta af öllu því svarta sem til er í dag, fjármálamafíuna sem engu eirir.

Og fyrstir til að falla eru þeir sem fyrir standa höllum fæti í samfélaginu.

 

En Jón Gnarr er ekki fyrsta hrekklausa góðmennið sem illskuöfl notfæra sig, saga síðustu aldar er  full af slíkum dæmum.  

Vonandi finnur hann rotnunarþefinn í tíma og honum verði ljóst að þar sem er ýldulykt, þar er ýlda. 

Og hann muni taka sér spúl í hönd, og spúla út hroðann.

 

Jón Gnarr á líf sem þarf að vernda.

Amerískir vogunarsjóðir munu ekki vernda þau líf.

 

Það eitt er víst.

Kveðja að austan.

Vanmeti ekki Jón Gnarr

Hve langt nær lýðræðislegur réttur fólks??

 

Til að skaða samfélag sitt eða vinna gegn sjálfstæði þess???

 

Til dæmis eru nýnasistahreyfingar bannaðar í mörgum löndum. Til dæmis í Þýskalandi og víðar þar sem fólk ætlar ekki að taka áhættuna á nýjum útrýmingarbúðum.

Eins er bannað að hvetja til hryðjuverka eða styðja samtök sem slíkt gera.  Allavega í Bretlandi og Bandaríkjunum.  

 

En hvað með þá sem leynt og ljóst vinna að því að leggja niður þjóðríkið, er það frjálst???  Mættu Serbar til dæmis styðja slíkan stjórnmálaflokk í Króatíu???

Ég þekki ekki slík dæmi, þetta er til dæmis leyft hér á Íslandi, hér fær erlent vald frítt spil að múta fólki og flokkum í því markmiði að Íslendingar gangi því á hönd.  Meira að segja ríki sem reyndu að fjárkúga þjóðina gátu grímulaust keypt sér stuðning við þá tilraun.

 

En er það eðlilegt???  Hefði uppgangur nasista orðið eins og hann varð, ef til dæmis Austurríkismenn hefðu bannað starfsemi þarlendra nasista sem unnu leynt og ljóst að því að landið gæfi upp sjálfstæði sitt og gengi Þjóðverjum á hönd.  

Tékkóslóvakía var á sínum tíma mjög öflugt ríki með einn best búna her í Evrópu.  En landið hafði sinn Trójuhest sem var þýski minnihlutinn í landinu, um þriðjungur þjóðarinnar.  Hann stundað skipulagðan undirróður gegn þjóðríkinu, kostaður til þess að þýskum nasistum, og hafði til þess lýðræðislega rétt.

Hvernig var með þá menn sem fengu greiðslur frá Moskvu við að vinna að afvopnun Vestur Evrópu svo rússneskir skriðdrekar gátu rúntað til Parísar ef þeir kusu svo.  Rússarnir höfðu allavega áætlun þar um, æfðu hana reglulega og varla voru Kremlverjar að kosta áróðurinn fyrir afvopnun vegna þess að þeir áttu svo mikla peninga og vissu ekki hvað þeir áttu við þá að gera.

 

Hvað má og hvað má ekki, hvað má valda samborgurum sínum miklum skaða???, eða þjóðríkjum sínum???  Má þiggja mútur og vinna gegn sinni eigin þjóð???

Er það lýðræði að leyfa slíkt???

 

Við þessu er sjálfsagt ekki einshlítt svar og ég ætla ekki að svara því hér.  

En tilefni þessa pælinga eru pistlar mínir tveir um Tómhyggju Bjartrar Framtíðar.  Tómhyggju sem gagnast aðeins þeim sem ætla landsmönnum illt og ætla að skuldþrælka hana um aldur og ævi.

Vissulega er það lýðræðislegur réttur fólks að styðja Tómið, að vera Tómt.  Að hugsa ekki, að skynja ekki alvöruna og ógnina sem blasa við þjóðinni.  Það er réttur þess að kjósa yfir sig tortíminguna sökum helbers bjánaskapar.  

 

En hefur það rétt á að kjósa framtíð barna okkar í gröfina???

Hver er réttur barna til framtíðar???  Eiga þau ekki rétt til heilsugæslu, menntunar, velferðar, alveg eins og við í okkar æsku???  Hvernig getum við fyrir þeirra hönd tekið ákvörðun um að gera þau að þrælum ameríska vogunarsjóða???  

Hver er réttur fólks til að hundsa raunveruleikann, til að hundsa fyrirliggjandi staðreyndir og kosið þá sem hafa það eitt til mála að leggja að vera fyndnir en hafa ekkert að segja, ekki einu sinni vitlausar tillögur, aðeins EKKERT.??

 

Við vitum yfirvöld grípa inní er grunur leikur á að börn sæti misþyrmingum eða öðru miður góðu atlæti.  

En barnaverndaryfirvöld grípa líka inní ef þarfir barna eru vanræktar sökum almenns áhugaleysis að sinna þörfum þeirra.   Að foreldrar gæti ekki að heilsu þeirra eða öryggis sökum almenns nennuleysis.  Klæði þau ekki eða fæði eða hirði ekki um þau því það er fyrirhöfn.

Þú mátt ekki hvað sem er ef þú átt börn.  Börn eiga sinn rétt.  Rétt til lífs, til góðs atlætis, til menntunar og heilsugæslu.  Að fá að lifa mannsæmandi lífi.

Samt mátt þú kjósa yfir þau ameríska vogunarsjóði því þú nennir ekki að verja þig og þína.   Og með kosningarétti þínu færð þú tækifæri til að hindra að aðrir sem nenna því, sem ætla allavega að reyna að verja framtíð barna landsins, að þeir fái til þess tækifæri.

 

En þú ert ekki bara að skaða framtíð þinna barna, nennuleysi þitt og tómhyggja skaða framtíð allra annarra barna á landinu.  

Er lýðræðislegur réttur ekki þar með farinn að skaða aðra???

Ætla ekki að svara því en ég veit að það er hægt að útrýma framtíð barna á fleiri vegu  en að stuðla að uppsetningu útrýmingarbúða.  

 

Í framhaldi af þessu má velta fyrir sér hvað má gera börnum, ef maður er stjórnvald.  

Dugar að setja réttindi þeirra inní stjórnarskrá, og eða samþykkja almenna mannréttindasáttmála, en svipta þau rúmum sínum og heimilum vegna fjárglæpa fjárglæframanna???

Hvað réttlætir Útburð barna á Íslandi á 21. öldinni???

Má allt ef rökin eru að það þjóni fjármagninu???

Eða vísa í rómverskan rétt um Útburð frá því um aldamótin 0??? 

 

Ég veit það ekki en einhvers staðar eru mörk.

Og þau þarf að virða.

Fyrsta skrefið til þess er að ræða hvað má og hvað má ekki.

 

Og ég veit að siðuð manneskja hefði ekki gert neitt af því sem íslensk stjórnvöld hafa gert frá hruni í þágu fjármagns gegn heimilum landsins.

Siðaða fólk gerir ekki hvað sem er, til dæmis níðist það ekki á börnum.

 

En er það lýðræðislegur réttur Óberma að gera slíkt???

Ég bara spyr, því þessarar spurningar þarf að spyrja.

 

Hvað má ganga langt í ómennsku og illvilja gagnvart náunganum??

Hvað má ganga langt í þágu fjármagns??

 

Hvað má gera sínum minni bróðir???

Hvað má gera náunganum??

 

Í nafni lýðræðis.

Kveðja að austan.

 

"Flokkur skynsemi og nýrra vinnubragða".

 

Er lýsing Guðmundar Steingrímssonar á Bjartri Framtíð.

Látum það vera milli hluta að Björt Framtíð er beint afsprengi Já hópsins um ICESave fjárkúgun og er það sem kallast "kostuð auglýsing" fyrir Evrópusambandið og skoðum innistæðuna á bak við þessa fullyrðingu Guðmundar.

Það er ljóst að hann hefur alveg rétt fyrir sér um "ný vinnubrögð", það er vissulega þekkt í heiminum að stórveldi geri út flokka til að vinna að hagsmunum sínum og jafnvel brjóta niður sjálfstæði ríkja, nærtækasta dæmið er kommúnistaflokkar Evrópu sem unnu leynt og ljóst að því að Sovétríkin næðu yfirráðum yfir löndum þeirra, en slíkt er í fjarlægðri fortíð.  Bretar gerðu til dæmis margt til að brjóta á aftur íslensku þjóðina í þorskastríðinu en þeim datt aldrei í hug að stofna til þess sérstakan flokk og kosta hann til að tala um álfa og tröll og la la og þá einu konkret tillögu að það þyrfti ekki að berjast fyrir landhelginni því alþjóðleg segðu að bretar mættu veiða uppí landgrunn.

Bretar mátu þetta sjálfsagt þannig að það myndi engin þjóð stuðla að sinni tortímingu enda var þetta fyrir daga Tómhyggju velmegunarinnar.

 

En skynsemi, það er umdeilanlegt, nema þá hjá þeim öfugsnúnu sem upphefja feigð fram yfir framtíð.

Það er margur vandinn sem blasir við á Íslandi í dag og á þeim hafa menn skoðanir, misgáfulegar.

En Björt Framtíð hefur enga skoðun, allavega hefur flokkurinn ekki kynnt þær, og sannarlega hefur hann hvergi sést þar fólk hefur verið að tala um vanda heilbrigðiskerfisins, um fátækt, um skuldavanda heimilanna, um ítök og yfirtöku amerísku vogunarsjóða á fjármálakerfinu, eða annað sem brennur á almenningi þessa lands og ógnar tilveru þjóðarinnar.

Og það getur ekki talist skynsemi.

 

Þegar farsótt herjar og ógnar tilveru samfélaga þá reyna menn að verjast henni með þeim ráðum sem þekkt er.  En að láta eins og hún sé ekki til, að það sé ekki Kúúlll að skipuleggja varnaraðgerðir því það er svo miklu skemmtilegra að leika sér eða segja gnarrara, það er þekkt en alltaf kennt við heimsku en ekki skynsemi.

Þegar ræningjar og ribbaldar herja á samfélög, þá reyna menn að verjast, byggja varnargarða, safna vopnum, mynda varnarhópa og svo framvegis.  Menn fela þeim ekki völdin sem segja. "hva er þetta maður, hví ertu að þessu, af hverju ferðu ekki bara á Gaukinn að spila á fiðlu" eða "hva er þetta maður, hví lokar þú borgarmúrunum, ég þarf að komast út, ég má hafa hliðið opið".

Menn auðvelda aldrei ribböldunum verkið en það er nákvæmlega sem Tómhyggja Bjartrar Framtíðar gerir, vörn hennar gegn amerísku vogunarsjóðunum er enginn enda öruggt að þeir eru í hópi kostunaraðila hennar.

Samfélagið okkar mun hrynja ef ekki er tekist á við þau vandamál sem blasa við, með skelfilegum afleiðingum fyrir allan almenning.

 

Tómið er því sjálfseyðing og þó lýðræðið banni ekki innri aðför að samfélaginu þá getur slík aðför seint talist til skynsemi.

Nema hugsanlega hjá þeim sem dýrka feigðina.

 

Ég vil líka minna á að alla sína hunds og kattartíð á síðasta kjörtímabili að þá hefur Guðmundur Steingrímsson aldrei gert ágreining við óhæfuverk ríkisstjórnarinnar, eini þekkti ágreiningur hans var við þá aðila sem stóðu fyrir málþófi gegn ICEsave ólögum ríkisstjórnarinnar.  

Samþingmaður hans, Róbert Marshall var gerandi í þessum óhæfuverkum.

Þeir félagar studdu aðförina að sjúkrahúsum landsbyggðarinnar, þeir styðja fjármagnseigendur í aðförinni að heimilum landsins, þeir hafa stutt alla þá krafta sem hafa dregið þrótt úr efnahagslífinu og þeir hafa stutt endurreisn fjármálakerfisins sem fól amerískum vogunarsjóðum eignarhald á fjármálakerfi landsins.

 

Skjaldborg auðmanna hefur verið þeirra skjaldborg.

Þar eru ræturnar, þaðan kemur þeirra lífskraftur.

 

Ný vinnubrögð, já, skynsemi, nei.

En markaðssetningin er vel heppnuð.

Kveðja að austan.

 

Eru evruríkin hernumin???

 

Hvernig á að skilja svona orðalag, að "ríki fái að yfirgefa evrusvæðið"??

Erum við ekki að ræða um Evrópu, lýðræðisríki??

Þar sem almenningur ræður örlögum þjóða sinna?

Eða erum við að tala um kúgunarbandalag þar sem ógnanir og hótanir halda ríkjum saman???

Svona andlega þýska skriðdreka???

 

Ég held að firring Eurokratans sé að ná nýjum óþekktum hæðum.

Stalín er ekki hér, en það er stutt í endurkomu hans.

 

Fyrr en okkar grunar.

Kveðja að austan.

Ríki fái að yfirgefa evrusvæðið

Fyrir hvað stendur Björt Framtíð??

 

Evrópusambandið, Evru, Orðavaðal.???

Nei, ekkert að þessu er satt, það er ekki einu sinni svo gott.

Og ég skal útskýra mál mitt.

 

Ég er einn af þeim sem batt vonir við Guðmund Steingrímsson, fannst hann vera ferskur, fyndinn, og fyrst og fremst mannlegur.

Svo fór hann á þing fyrir Framsókn og var í stjórnarandstöðu.  Og svo kom ICEsave, Svavarssamningurinn margfrægi.  Þá gerðist dálítið sem opnaði augun mín fyrir þessum ágæta dreng.

 

Þetta var í þingumræðum þegar Jóhanna og Steingrímur voru farin að kvarta yfir "Samstöðunni" sem Ögmundur beitti sér fyrir um að leiðrétta helstu ágallana við Svavarssamninginn.  Og aðeins af þeirri hófsemd að það voru sett inn ákvæði um að árlegar greiðslur mættu ekki fara yfir ákveðið hlutfall af þjóðarframleiðslu enda annað ávísun á beint gjaldþrot þjóðarbúsins.  

Í þessu sambandi er nauðsynlegt að vita að ef aðeins greiðsla ríkissjóðs eða ríkisfyrirtækja færi fram yfir gjalddaga þá máttu bretar gjaldfella alla skuldina.

Guðmundur kom þá í pontu og pirringurinn lak af honum, hann kvartaði yfir málþófi, ekki bara samþingmanna sinna í Framsóknarflokknum, heldur líka hjá þeim stjórnarliðum sem beittu sér fyrir lágmarks öryggisventli gagnvart þjóðargjaldþroti.

Hann sagði að það væri búið að semja, og fyrir þeim samningum væri þingræðislegur meirihluti, og Alþingi ætti að fara að ræða um eitthvað annað, eitthvað þarft.   Eins og gjaldþrota þjóð hefði eitthvað að segja um ráðstöfun fjármuna sinna.

 

Jæja, ég varð hissa og já hugsi.

En svo vildi það til að 2 dögum seinna þá lenti ég óvart að hlusta á beina útsendingu frá Alþingi þar sem var verið að ræða málefni fatlaðra, mig minnir félagsþjónustu, gæti hugsanlega verið búsetuúrræði eða annað sem sannarlega kostaði ríkissjóð aukin útgjöld.  

Þá kom Guðmundur uppí pontu og hélt ágæta ræðu um nauðsyn þess að kjör fatlaðra yrðu bætt og lagði til einhverjar tillögur í þessum málum sem sannarlega voru útgjaldaaukandi.

Nýbúinn að skamma þingheim fyrir málþóf þegar reynt var að hindra þjóðargjaldþrot, og núna vildi hann bæta í útgjöld.

Fyrir hvaða pening???  Þessa 30 til 60 milljarða á ári sem voru áætlaðar í ICEsave, ofaná þegar alltof mikinn halla ríkissjóðs????

 

Þá kveikti ég á perunni fyrir hvað Guðmundur Steingrímsson stendur fyrir.  

Orð eins og algjör heimska, algjört vanvit, fáviska, ekkert að þessum orðum ná að lýsa stjórnmálamanninum Guðmundi Steingrímssyni.

Orðið er EKKERT,  það er ekkert fyrir innan umbúðirnar.

 

Það er það sorglega í dæminu.

Og þetta EKKERT er að fá 8,6% fylgi, á tímum þar sem heimili landsins eru að kikna undan verðtryggingunni og ljóst er að ef þjóðin snýst ekki samhent til varnar, að þá munu amerískir vogunarsjóðir yfirtaka efnahagslífið.

 

Þegar framtíð unga fólksins er í húfi, líf þess og lífskjör, þá kýs það EKKERT.

Þá kýs það Tómið, umbúðir án innihalds.

 

Það hefur eitthvað mikið farið úrskeiðis einhversstaðar.

Jafnvel DúDú fuglinn er ekki svona gerður þó hann sé talinn heimskasta lífvera sem uppi hefur verið.  Enda átti hann enga náttúrulega óvini og gat bara verið stór og heimskur.

En fólk sem á lífið framundan.  Fólk sem ætlar sér að eiga börn.

Það hefur ekki einu sinni vit á að gera tilraun til að verja sig og sína.

 

Meira að segja Steingrímur Joð og flokksbrot hans er valkostur miðað við EKKERT.

Það er allt valkostur miðað við EKKERT.

Því EKKERT er andstæða lífsins.

 

Það er EKKERT Bjart yfir framtíð þessa unga fólks.

Það á enga framtíð gangi vilji þess eftir.

 

Aðeins Tómið.

Kveðja að austan.

Björt framtíð með 8,1%