Er verið að svæfa okkur á verðinum???

 

Að blekkja okkur eins og var svo oft reynt í ICEsave deilunni.??

 

Það er sjálf framtíð þjóðarinnar sem er í húfi, hin mikla vá eins og Tryggvi Þór Herbertsson kallaði það í frábærri grein í Morgunblaðinu nýlega.

Það tóku fáir stjórnmálamenn undir með Tryggva.   Þingmenn vinstriflokkana sögðu bara að Seðlabankinn ætti að sjá um þetta, Seðlabankinn sagði fátt, þó var haft eftir Má Guðmundssyni í Morgunblaðinu að vandinn væri ekki eins mikill og menn vildu vera láta og hinn mikli væntanlegi hagvöxtur (hann notaði töluna 3% í þessari frétt) myndi gera "endurfjármögnun!" evrulánanna vel mögulega.  Að mörgu leiti notaði Már sömu frasana og hann notaði í ICEsave á sínum tíma.  

"Ekkert mál, væntur hagvöxtur reddar öllu".  

Fyrir utan óraunhæfar væntingar um hagvöxt sem hafa ekki gengið eftir (núverandi er loftbóla, byggður á eyðslu) þá er það köld framtíðarsýn að ætla sér að frysta lífskjör þjóðarinnar um ókomna tíð vegna krónubréfaeignar vogunarsjóða.

 

Innan Sjálfstæðisflokksins hefur aðeins Illugi Gunnarsson  tekið undir málflutning Tryggva og hann hefur mælt með skiptigengi á hærra verði auk þess að greiða út eignir þrotabúanna í krónum.

Aðrir hafa eiginlega ekkert tjáð sig um þetta mál nema þá almennt og látið þá að með grósku í haga og blómstur í tún eftir valdatöku flokksins, að þá leysist öll svona mál farsællega.  

Forysta Framsóknarflokksins gerir sér grein fyrir vandanum en flokkurinn er of lítill til að hafa mikil áhrif.

 

Út í þjóðfélaginu eru það hins vegar sérfræðingar fjármálafyrirtækjanna sem hafa haldið þessu máli lifandi og notið til þess stuðnings Morgunblaðsins.

Ruv þegir, auðmiðlarnir þegja.

 

Samt er hægt að merkja vaxandi þunga í umræðunni og þessi frétt Moggans bendir til að hún sé farin að hafa áhrif.

Það er stórmerkilegt að þingmönnum skyldi takast að ræða um fjárlög án þess að ræða þennan grunnvanda sem þjóðfélagið stendur frammi fyrir.  Það er ekkert sem bendir til að þeir geri sér almennt grein fyrir umfang vandans.

En það gæti verið að bak við tjöldin sé eitthvað í gangi, en sporin hræða.

Er verið að blekkja, er verið að slá á umræðuna.

Veit ekki en ekkert annað mál á að ræðast fyrr en lausn er komin.

 

Og það erum við sem eigum að sjá til þess.

Kveðja að austan.

 

 

Kröfuhafar hopa

Verðbólgan hækkar lánin.

 

Segir Jóhanna af sínum mikla vísdóm og það er svo sem rétt hjá henni, svona eins langt og það nær.

Það getur enginn borið á móti því að hækkun vísitölu hækkar lánin, því þau eru verðtryggð.

Og það er alveg rétt hjá Jóhönnu að ef verðbólga mælist ekki, að þá hækka ekki lánin.  

Það er líka rétt hjá henni að í fjárlagafrumvarpinu er verðbólgan áætluð, og slík áætlun byggist á samspili margra þátta.

 

Einn slíkur þáttur er hækkun tóbaksgjaldsins.  

Hann getur haft áhrif á aðra neysluþætti, til dæmis að draga úr eftirspurn eftir mat eða víni, eða bensíni eða öðru og hin minnkandi eftirspurn getur leitt til lækkunar á viðkomandi vöru sem aftur hefur áhrif á vísitöluna, og það til lækkunar.

Það eru ekki bein tengsl á milli hækkunar á einni vörutegund og hækkunar á lánum fólks.  

Verðbólgan sem slík fer ekki á stað fyrr en það er komin víxlhækkun launa og verðlags, eða eitthvað hækki yfir línuna eins og vextir, og fyrirtæki velti því út í verðlagið.  

 

Þannig að Jóhanna sem slík er ekki að bulla þegar hún bendir á heildarsamhengið.  

Þingmenn sem skensa hana eru svo sem heldur ekki að bulla, það má leiða líkur að aukin skattheimta hækki lánin, en aðeins líkur.  

 

En bæði þingmönnunum sem gagnrýna Jóhönnu fyrir svar sitt, sem og Jóhanna sjálf, þeim sést samt yfir hið eina rétta svar.

Það eru ekki verðhækkanir sem hækka lán fólks, það er vísitölutenging þeirra.

 

Þar er meinið, þar er vandinn, þar er rótin af upplausn þjóðfélagsins.

En of augljóst til að þingheimur kveiki. 

 

Og á meðan hækka lánin.

Kveðja að austan.

„Hann er oft að leika sér í ræðustól“

Satt hjá Guðlaugi, en hver er hans Sýn??

 

Ætlar ekki að hækka skatta, hann ætlar að skera niður, og skera niður.  

Sem vissulega er ekki verðbólguhvetjandi, en mun hafa sömu áhrif og út í Evrópu, samdrátt, samdrátt, og enn þá meiri samdrátt.

Ofaná þann samdrátt mun bætast mikið útstreymi gjaldeyris til að borga út bestu vini Nýfrjálshyggjunnar í Sjálfstæðisflokknum, amerísku vogunarsjóðina, þessa vini sem formaður flokksins kallaði að væru eitthvað sem þyrfti ekki að hafa áhyggjur af í ágætu viðtali við Sigurjón Egilsson á Bylgjunni.  

 

Þetta útstreymi mun fella gengið, gengisfelling mun hækka vöruverð, jafnvel þó Guðlaugur vilji stöðugleika atvinnuleysisins.

Og lánin munu hækka því verðtryggingin er guðanna verk sem ekki má hrófla við að mati forystu Sjálfstæðisflokksins.

Guðlaugi finnst slæmt að tóbaksfíkn hækki lán heimilanna um 3 milljarða, sem ég er alveg sammála honum um, en hann sér ekkert athugavert við hækkun þeirra vegna góðmennsku flokksins við amerísku vogunarsjóðina, enda lærður mjög í fræðum Friedmans og Hannesar sem kveða á um að góðsemd við auðmenn sé ávísun á himnasælu í himnaríki.

Hækkun sem verður talin í hundruðum milljörðum króna.

 

Þessi Sýn, að  tala aðeins um það sem ekkert er, en ræða aldrei það sem er og er gerandi í ógæfu þjóðarinnar, er stefna Sjálfstæðisflokksins í hnotskurn.

Stefna sem menn lítilla sanda þora ekki að tala gegn því það er ávísun á hrakfarir í prófkjörum flokksins.  Fjármálamafían og ESB armurinn sér til þess.

Stefna sem vælir um krónur og aura á meðan milljarðar falla á þjóðina, á meðan milljarðar falla á kjósendur flokksins.

 

Því stefna Sjálfstæðisflokksins er stefna fjármálamafíunnar og stefna Evrópusinna. 

Sem er bæði sorglegt fyrir þjóðina sem og kjósendur flokksins.

 

Helstefna sem öllu mun í Hel koma.

Kveðja að austan.

Hækkar lán heimilanna um 3 milljarða

Hálfvitagreining sem segir allt um sorglega stöðu þjóðarinnar í dag.

 

Bjáni, talandi ensku með dönskum hreim, spáir einhverju, og því er slegið upp sem frétt.

Og það af Morgunblaðinu eða Heimsýn, samtaka einhverja sem þykjast vera á móti ESB.  

 

Er það gleymt að þessi bjáni mætti hér og sagði öllum sem hlusta vildu, og margir hlustuðu, að Ísland væri í ábyrgð fyrir ICEsave reikningum Landsbankans.  Þessi bjáni var ein af stóru röksemdum borgunarsinna, í hann var vitnað grimmt fyrir fyrstu þjóðaratkvæðisgreiðsluna um ICEsave.

Og þá heyrðum við líka þessi rök, hann spáði fyrir hruni íslenska fjármálakerfisins.  Eins og það væri vísdómur að sjá hið augljósa, að fjármálakerfi byggt á skuldsetningu, margfalt af stærð þess hagkerfisins sem það byggði á, myndi hrynja.  Vissulega voru ekki margar raddir þar um, það margir hagfræðingar voru keyptir, hinir hræddir við að tjá sig, en bjáninn var einfaldlega í þjónustu þeirra sem höfðu tekið stöðu gegn íslenska fjármálakerfinu, og græddu óhemjufé á þeirri stöðutöku.

Vísdómur hans var vísdómur málaliðans.

 

Vísdómur hans í dag er vísdómur málaliðans.

Áður en lengra er haldið ætla ég að útskýra af hverju ég segi satt um Lars Christensen, að hann sé bjáni.  Bullið hans um ICEsave ræður þar mestu.

En spáin hans, þessi merkilega spá, er ekkert annað en teikniæfing í Power point eða öðru forriti þar sem menn geta leikið sér með grafík.

Engin rök, engin greining á aðstæðum í íslensku efnahagslífi.  Aðeins sagt að hann sé hagfræðingur, og síðan kálfur að allt sem hann segir sé ekki á hans ábyrgð og því þýðir ekki að lögsækja hann, eða bankann í Bandaríkjunum.  

 

Hvert er heilabú íslenskra fjölmiðlamanna að vitna í spá án röksemda, greiningu án þess að nokkur rök búi að baki önnur en þau að "við teljum".

Og sjá menn ekki tenginguna???

Sjá menn ekki tenginguna að einu sinni málalið í þjónustu ameríska vogunarsjóða, er alltaf málaliði í þjónustu ameríska vogunarsjóða.

Hvað er að fólki, eigum við ekki land sem þarf að verja, eigum við ekki börn sem eiga skilið mannsæmandi framtíð???

 

Fatta menn ekki hver bauð Christensen til landsins???  Glitnir eða Íslandsbanki eða hvað sem þetta skoffín amerísku vogunarsjóðanna heitir.

Hvert er meginhagsmunamál eiganda Íslandsbanka??'  ER ÞAÐ EKKI AÐ FÁ AÐ FARA MEÐ LOFTKRÓNUR SÍNAR ÚR LANDI Á KOSTNAÐ ÞJÓÐARINNAR????

Hvað er betra en að fá svona ligeglad spá, þvert á raunveruleikann, til að stjórnmálamenn okkar geti haldið áfram að rugla útí eitt fram yfir kosningar.

Kosningar sem eru endalok þjóðarinnar, eftir þær verða skuldahlekkir evruskuldabréfsins hamraðir á þjóðina, á almenning.  Afleiðing er endalok þjóðar okkar, endalok alls þess sem við höfum í dag, aðeins verstöðin Ísland mun verða eftir.  Verstöðin sem er gjaldeyrismaskína fyrir erlenda vogunarsjóði.

 

Það er illa komið fyrir þjóð þegar bull án innstæðu, í boði amerísku vogunarsjóðanna fær vægi í íslenskri þjóðmálaumræðu.

Það er eins og þjóðin hafi ekkert lært af Hruninu, að sömu bullverjarnir, að sami bjánahátturinn tröllríði allri umræðunni.

 

En ég er sammála málaliðanum, bjánanum í einu, þetta er leiðinlegt.

Það er leiðinlegt að fólk láti endalaust plata sig.

Það er leiðinlegt að við skulum ekkert hafa lært.

 

Því framtíðin getur verið svo skemmtileg ef við aðeins lærum og notum vit okkar og skynsemi til að byggja upp bjarta framtíð barna okkar í landi feðra okkar og mæðra.

Losum okkur því við leiðindin, losum okkur við bjánana.

 

Stöndum saman um Nýtt og betra Ísland.

Kveðja að austan.

 

 

 

Segir efnahagslífið leiðinlegt hérlendis

Saklaus Sjálfstæðismaður spyr!

 

"Hvað ertu að gera Svandís?"??

Ertu að samþykkja ESB reglugerði samkvæmt ákvæðum EES samningsins sem við Sjálfstæðismenn fengu Alþingi til að samþykkja??

Af hverju ferðu eftir lögunum sem við samþykktum Svandís???

Við meintum ekkert með þessu, allavega á meðan við erum í stjórnarandstöðu.

 

Ekki að ég sé sammála Gunnari, en ógæfa þjóðarinnar í dag er meintur hálfvitaskapur Sjálfstæðismann, þeir vita ekki hvað þeir gjöra, þeir halda að rangt sé rangt ef aðrir framkvæma óhæfuna.

 

Þess vegna er allt sem miður fer í þessu þjóðfélagi núverandi stjórn að kenna, enda vinstri stjórn, það er aukaatriði málsins að hún hefur vottorð frá Alþjóðagjaldeyrissjóðnum um að hafa framfylgt í einu og öllu efnahagsáætlun sjóðsins sem fyrr ríkisstjórn Samfylkingarinnar og Sjálfstæðisflokksins samdi um.

Hin ranga stefna er röng, ekki vegna þess að hún er röng, heldur vegna þess að rangur flokkur, VG kemur að framfylgd hennar.  Algjört aukaatriði að AGS hefur vottað að VG hafi samviskusamlega gert allt sem sjóðurinn bað um.

 

Sjálfstæðismaðurinn spyr  því hann heldur að svarið sé hjá aumingja Vinstri Grænum.  

Hann er svo ???, já ég held  að íslenskt mál eigi ekkert orð yfir hann, eitthvað sem er ekki í þessum heimi.

Maður án lífs, án framtíðar, hann á ekki líf sem þarf að verja.

 

Hann er ekkert, og hann spyr.

Og þjóðin ætlar að kjósa hann til valda.

 

Vegna þess að hún vill ekki óráð AGS.

En gleymir að það var Sjálfstæðisflokkurinn sem samdi um þau.

 

Hann er höfundur EES samningsins.

Hann er flokkurinn sem skrifaði undir óráð AGS.

 

Hann er sekur eins og syndin.

En fólk sem á ekki líf sem þarf að vernda er alveg sama.

 

Í þeirra huga er allt VG að kenna.

Sem kennir, að þú átt aldrei að taka upp óráð annarra, og vonast til að uppskera þakklæti.,

 

En Steingrími er alveg sama,  völd er hans uppskera.

Og á meðan blæðir þjóðinni.

Kveðja að austan.

Hvað ertu að gera Svandís?

Áhrif ameríska vogunarsjóða eru mikil.

 

Þeirra helsta vopn eru auðkeyptir hagfræðingar sem selja sálu sína fyrir gull, þeirra hlutverk er að sannfæra fólk um himnasælu þess helvítis sem þjóðir uppskera sem hafa lent í klóm þeirra.

Lars Christensen er lygari, mjög ómerkilegur lygari.

Áður en hann seldi sálu sína var hann hagfræðingur, til þess að vera hagfræðingur þurfa menn að læra, læra fræði sem byggjast á ákveðnum staðreyndum.

 

Staðreyndum eins og þeim að hagvöxtur verður ekki til úr neinu, hagvöxtur þarf sínar forsendur.

Forsendur hans er aukning á framleiðsluþáttum, eins og til dæmis vinnuafli, fjárfestingum, tækninýjungum, sem skapa það sem heitir framlegð.

Framleiðsluþættir vaxa, það er mælt og kallast hagvöxtur.

 

Forsenda alls er fjárfesting, þegar dregið er úr fjárfestingu, þá er það ávísun á samdrátt framleiðsluþátta í framtíðinni.

Fjárfesting á Íslandi er í sögulegu lágmarki.

 

Annað sem skiptir máli er virði framleiðslunnar sem selt er til útlanda. 

Það virði fer eftir mikilvægi þess sem selt er en almennt fer það eftir efnahagsástandi þeirra markaða sem kaupa.

Það er enginn virðisauki framundan í íslensku efnahagslífi, sjávarútvegurinn er fullnýttur, álverð fer fallandi, en það sem skiptir mestu máli, það er engar fjárfestingar í gangi sem skapa nýjar tekjur.'

Spá um hagvöxt byggja því á sandi.

 

Augljóst öllum nema þeim skoffínum sem hafa selt sálu sína til að aðstoða hið siðblinda fjármagn vogunarsjóða við að skuldaþrælka þjóðir.

Að baki liggja fræði sem enga vísan eiga í raunverulegar staðreyndir.

Það er logið, það er bullað, það er sagt sem á engar stoðir í raunveruleikanum.

 

Við þekkjum svona lygar, það var fólk sem laug til um himnasælu Sovétsins, það var fólk sem sá grósku í þrælabúðum nasistana.

En þar sem við þekkjum lygarnar, þá eigum við að þekkja skoffínin sem selja sálu sína fyrir nýjar lygar, sem þjóna illsku og hatur, sem þjóna kúgun og arðráni.

 

Íslendingar standa frammi fyrir Ógn, Ógn sem engin eru dæmi til um áður.

Ógn sem heitir skuldsetning þjóðarinnar í evrum fyrir krónubraskarafé ameríska vogunarsjóða.

Slík fjársuga eyðir öllu efnahagslífi, aðeins þrælabúskapur auðlindaarðránsins fær lifað.

Slíkt þrælaþjóðfélag skilar engum hagvexti, aðeins auðn og dauða þess þjóðfélags sem á ekkert, sem er arðrænt og mergsogið af fjársugum vogunarsjóðanna.

 

Skoffín mála framtíð slíkra þrælaþjóðfélaga ljósrauðum litum, skoffín eru keypt til að ljúga og blekkja fram yfir næstu kosningar.

Þeir sem eiga ekki líf sem þarf að vernda, gætu látið glepjast, það var til fólk sem sjálfviljugt fór í fangabúðir Stalíns og níddist á samföngum sínum í þágu málstaðarins.

Aumt fólk hefur  alltaf verið til.

 

En við sem eigum líf sem þarf að vernda, eigum að halda vöku okkar.

Við eigum að þekkja skítafýluna sem leggur af þeim sem áttu sálu og seldu hana fyrir aur, fyrir silfuraur.

Við eigum að þekkja lygara sem segja það sem gæti verið satt, ef enginn skoðar forsendur lyga þeirra.

Við eigum að þekkja vélarbrögð andskotans, við eigum að þekkja þá sem ógna lífi og framtíð barna okkar.

 

Við eigum að þekkja leiguþý hinna amerísku vogunarsjóða.

Þau eru ekki bara á Alþingi.

 

Þau eru allstaðar þar sem föl sál er til sölu.

Kveðja að austan.

Hagvöxtur á bilinu 2,2-2,9%

Hvenær lauk umræðum á Alþingi í nótt???

 

Spyr vegna þess að þar gengur ræningjaflokkur laus sem ætlar enn að auka ránsálögur sínar á almenning.

Sem ætlar að verja rán verðtryggingarinnar með kjafti og klóm.

Sem hefur svarið amerískum vogunarsjóðum hollustueið um að þeim verði gert kleyft að ræna og rupla gjaldeyristekjur landsmanna um ókomna tíð.

Sem hafa rænt framtíð barna okkar.

 

Og munar ekki um að bæta við afrekslista sinn.

Kveðja að austan.

Vopnað rán á Laugavegi

Skyldi öryrkinn sem stefndi stjórnvöldum vera sammála??

 

Kvaðst ekki geta lifað af bótum sínum, kvaðst vera svangur, hungraður.

Kvaðst ekki geta lifað á fögrum orðum og fögrum fyrirheitum.

Þyrfti mat, þyrfti lyf, þyrfti að hafa efni á læknisþjónustu.

Skyldi hann vera sammála þessari fullyrðingu Magnúsar Orra Schram???

 

Veit ekki en það dettur engum í hug að spyrja hann.

Kveðja að austan.

Besta fjárlagafrumvarp stjórnarinnar

Lífróður er skýringin á gerðum Glitnismanna.

 

Útrásarbólan var Hrunin og eftir var aðeins lífróðurinn.

Í þessum lífróðri var margt misjafnt gert sem núna er ákært fyrir.  

Það liggur í eðli manna að róa lífróður, það vill jú enginn farast.  Nái menn ekki landi, þá sitja menn í súpunni.

Fólk kallar það uppgjör við Hrunið, að ákæra þá sem réru lífróður fyrir eigendur sína, þó þeir hafi gert það með þegjandi samþykki kerfisins, sem vissi alveg hvað gekk á.

Það spyr ekki um ábyrgð eigendanna, það spyr ekki um ábyrgð kerfisins, hvað þá að það spyrji um ábyrgð þeirra sem skópu þetta fjármálakerfi feigðarinnar.

 

Það voru ekki bara bankamenn sem lögðust í lífróður snemma árs 2009.  

Stjórnmálamenn okkar tóku líka í árarnar.

Þeir héldu til útlanda og sögðu að íslenska bankakerfið væri traust, þó þeir vissu betur.  

Þeir sögðu líka þjóðinni að allt væri í stakast lagi. 

Og tiltrú þeirra varð til þess að fólk slakaði á, og hélt áfram að fjárfesta í hlutabréfum, hélt áfram að fjárfesta í dýru húsnæði.  Hélt áfram að lifa hátt.

 

Eðlileg  viðbrögð eða algjört glapræði????

 

Hvað með hagfræðingana okkar sem áttu að sjá þetta???

Hvað gerðu þeir???  Hvað sögðu þeir???

Eða fjölmiðlamenn okkar??? Sem unnu á fjölmiðlum útrásarinnar, hvað sögðu þeir??  Reyndu þeir að upplýsa fólk um ástandið???

Þögðu ekki allir með örfáum undantekningum??  Undantekningum sem heyrðust ekki innan um alla lofrulluna.

 

Það eru margir sem báru ábyrgð, margir sem bera ábyrgð.    Á einn eða annan hátt.

Þeim mislíkar ekki þessi réttarhöld yfir framkvæmdarstjórunum sem var skipað að róa.

Þeir eru minnugir heilræði Pílatusar að ráðið við að axla ábyrgð sé að þvo sér um hendur.

Enginn af þeim hefur stigið fram og sagt satt, einhverjir hafa sagt sumt satt, en aldrei allt satt.

Þar með hefur enginn beðið þjóð sína fyrirgefningar af neinni alvöru.

 

Margir af þeim eru ennþá gerendur í núverandi ógæfu þjóðarinnar.  

Þeir hafa tekið þátt í að hamra skuldafjötrana sem á henni hvíla og fjötrana sem á hana verða lagðir eftir kosningar.

Gjörðir þeirra sýna að þeir iðrast einskis.

 

Og þeim líður vel núna þegar Glitnismenn verða hengdir eftir nokkra daga.  

Þeir vita sem er að lýðurinn vill hengingar, og hvað er þá betra en að láta hengja nokkra fyrrverandi verkamenn útrásarinnar.  Það kemur sér líka vel að dreifa athyglinni frá Endapunktinum eina, hinar fyrirhuguðu yfirtöku amerísku vogunarsjóða í íslensku fjármálakerfi, á eignum og skuldum þjóðarinnar.

Það þjónar allt sínum tilgangi.  Og þjónusta í þágu fjármagns er alltaf vel borguð.

 

Lífróðurinn, já lífróður Glitnismanna skilaði þeim ekki að landi.

Af því súpa þeir seiðið í dag.  Fá makleg málagjöld gjörða sinna.  Þannig fer oft fyrir þeim sem selja sálu sína fyrir fé og frama í þágu græðgi og sérhyggju.  

En útgerðarmenn þeirra hafa frítt spil, þeir verma sína hægindi, spilandi Mattador með líf og eigur þjóðarinnar.

Hrunið var þeim ekki áfall, heldur nýtt tækifæri til algjörar drottnunar yfir íslensku samfélagi, tækifæri sem þeir hafa nýtt sér til fulls.

 

Eftir stendur hnípin þjóð í vanda, rænd og svívirt.

Og börn okkar án framtíðar.

Kveðja að austan.

 

 

„Ekkert sérstaklega mikið gamanmál“

Er ekki til trúverðug skýring á þessu minnisleysi???

 

Hvað með hvíta duftið??

Var ekki allt fljótandi í því???

Og var það víðtækara en okkur grunar???

 

Allavega er minnisleysi þekkt hliðarverkun.

Kveðja að austan.

Þokukenndur dagur í febrúar 2008