Jóhanna getur ekki lækað Ólaf.

 

Allt sem hann sagði um Brown, hefði hann líka getað sagt um Jóhönnu.

Þau voru nú einu sinni í sama liði.

 

En eins og tími Jóhönnu kom, þá er hann að líða.

Og næsta mánudag, dómsdaginn er hann liðinn.

Þá mun Jóhanna heyra sinn Skapadóm.

 

Og teljast heppin að enda ekki á sakamannabekk með Gordin Brown.

Kveðja að austan.

Telur forsetann hafa gengið langt

Hvaða góðu verk styður Jón áfram??

 

Aðförina að heimilum landsins??

Aðförina að heilbrigðiskerfinu??

Aðförinni að löggæslunni??

Yfirtöku vogunarsjóðanna á bönkunum???

Algjör yfirráð vogunarsjóðanna á efnahagslífi landsins???

 

Þessar spurningar og fleiri koma uppí hugann þegar maður hlustar á réttlætingu Jóns Bjarnasonar fyrir að yfirgefa VG á þessum tímapunkti.

Allt það slæma, allt það illa sem þjóðinni hefur verið gert af ríkisstjórn Alþjóðagjaldeyrissjóðsins virðist vera aukaatriði í hans huga.

Það eru svikin í ESB málinu sem eru hans ásteytingarsteinn, samt voru þau svik forsenda ráðherradóms hans.

Hélt Jón að það ætti að svíkja það líka, eins og allt hitt???  Að Steingrímur skyldi ekki geta svikið þetta loforð eins og öll önnur.  En það gat Steingrímur ekki, þetta loforð var hans helga vé, það var forsenda valda hans.

 

Í raun afhjúpar Jón tvískinnung ESB andstöðunnar, allt það slæma sem gert er þjóðinni, er alltí lagi, á meðan við erum sjálfstæð þjóð.   Samt er það þetta slæma sem fóðrar ESB stuðninginn, eignaupptökutæki eins og verðtryggingin kallar á lausn, jafnvel lausn eins og evruna ef ekkert annað býðst.

Sem aftur vekur upp spurningar um eðli þessara andstöðu. 

Eru hrægammasjóðirnir að starta enn einu framboðinu til að tvístra vörn þjóðarinnar gegn yfirtöku þeirra á eignum og framtíðartekjum þjóðarinnar??  Sjá þeir að Björt Framtíð og Dögun duga ekki til, á nýtt  vinstra framboð gegn ESB að ná restinni af því fylgi sem hefur fengið nóg af ráðsmennsku fjórflokksins.

 

Hugsandi fólk, fólk með þá náttúrugáfu að hafa það sem kallast heilbrigð skynsemi, sér að það er ekki nóg að benda á eitt sem er rangt, en styðja um leið annað sem er ekki síðra eða verra í rangindum sínum.

Það þarf að fara alla leið, annað hvort erum menn á móti rangindum eða ekki.  Það er enginn valkvíði í þessu vali, eða gildismat, að rangindi fari eftir því hvar flokkar þínir standa í viðkomandi máli.

 

Hugsandi fólk, fólk með þá náttúrugáfu að hafa það sem kallast heilbrigða skynsemi, er mikill meirihluti þjóðarinnar.  

Það vita vogunarsjóðirnir og því leggja þeir mikið kapp á að þyrla upp nógu miklu moldviðri til að hylja sýn á valkost hinnar heilbrigðu skynsemi.

Valkost sem segir, við ætlum að verja land okkar og þjóð gegn allri ásælni, gegn öllum ræningjum og þjófum þessa heims, og við ætlum að byggja upp gott samfélag hér á Íslandi.

Samfélag sem mælir þjóðarauðinn sem samtölu velferðar allra heimila landsins, því þau ala upp framtíðina.  Velferð þeirra er velferð þjóðarinnar.

Þar með erum við þjóð með framtíð, ekki skuldaþrælar, ekki eign annarra, hvort sem það er skrifræðisins í Brussel, innlendrar stóreignaklíku eða erlendra vogunarsjóða.

 

Hvort  moldviðri vogunarsjóðanna heppnist á eftir að koma í ljós.

Allt sem bendir til þess í dag, umræðunni er markvisst stýrt frá kjarna þeirrar ógnar sem blasir við þjóðinni í dag, af þeim sem ógna henni.

En í því er vonin fólgin, það líður engum vel í moldviðri og fólk sér einn æpandi sannleik.

Það er enginn að berjast við vogunarsjóðina, leppa þeirra og skreppa.

Það eru allir að tala um eitthvað allt annað.

 

Nema þegar skynsamt fólk bendir á vandann, þá er ekkert talað.

Þögn, þöggun.

Segir allt sem segja þarf um hverjir stýra Íslandi í dag.

 

Og þeir eru ekki til húsa við Austurvöll.

Kveðja að austan.

VG sveik stefnuna

Tveggja feisa Steingrímur.

 

Er svo klofinn persónuleiki að hann semur um óbreytt ástand gegn skaðabótum við fjárúlfa en rær á mið lýðskrumsins með vanhugsuðum árásum á sjávarútveginn.

Hvort skyldi vera hans raunverulega andlit??

Já, ég veit barnaleg spurning, hann væri ekki með tvö andlit ef svarið væri annað.

Steingrímur þjónar fjármálamafíunni en um leið kann hann ekki að afla sér fylgis nema með hávaða og látum.

 

En þetta er útidúr, fyrirsögnin og allt.

Sér enginn sjúkleikann við það að meta tæplegan 20% hlut í LÍ á yfir 90 milljarða.

Fyrir utan blóð heimilanna sem þarna er verðlagt dýrum dómi eins og almenningur sé sláturdýr þá blasir við í þessari einni tölu, 92 milljarðar, loftið sem ennþá er til staðar í sýndarfjármálakerfinu og er fjarri öllum verðmætum í raunhagkerfinu.

Sem er bein ávísun á annað hrun.

 

Ætlum við sem vitibornar manneskjur aldrei að skilja að fábjánar ráða för, fólk sem er ekki í neinum tengslum við raunveruleikann.  Og þá er ég ekki að tala um stjórnmálamennina, þeir eru keypt afleiðing.

Sýnd gervipeninganna er mesta ógnin við nútíma samfélög í dag.

Og það þarf að mæta þeirri ógn.

 

Og ekki með vettlingatökum.

Og ekki með mjálmi.

 

Hér dugar ekkert minna en alvöru klofbragð.

Kveðja að austan.

Óttuðust kvótabreytingar

Hvernig getur sannleikurinn ráðist á fólk???

 

Ef einhver stelur, þá er hann þjófur, ef einhver reynir fjárkúgun, þá er hann fjárkúgari.

Gordon Brown er fjárkúgari, það er ekkert flókið við það.  Bresk lög eru skýr þar um.  Sá sem reynir að hafa fé af öðru fólki með hótunum eða ofbeldi, hann er fjárkúgari.  

Ef slík hótun beinist að samfélögum fólks eða sjálfstæðu stjórnvaldi, þá er um hryðjuverk að ræða.  Skýrt í alþjóðalögum, þarf ekki að deila.

 

Ólafur er  kurteis maður og sleppir því að tillitsemi við bresku þjóðina að benda á þessa staðreynd.

Líklegast er það þess vegna sem Mbl.is segir að Ólafur hafi ráðist að Gordon Brown, hann sleppti því að segja satt um hann.  Benti aðeins á hið augljósa að fjárkúgun væri ekki fyrirgefin. 

Sem er líka satt, og sannleikur ræðst ekki á fólk.  Líklegast ætlast þá blaðamaður Mbl.is að Ólafur hafi átt að tilkynna lögsókn, að Brown yrði sóttur til saka fyrir glæpi sína.  Sem er líka augljóst þegar fjárkúgari og hryðjuverkamaður á í hlut.  

Hin meinta árás er þá að taka slíkt ekki fram, að segja ekki alveg satt fyrir kurteisi sakir.

 

Reynar óvenjuleg nálgun já Morgunblaðinu, en rökrétt ef maður hugsar út í það.  

Vandinn er samt sá að svona fyrirsögnum á eftir að fjölga, því margur segir ekki alveg satt.  Til dæmis Bjarni Ben þegar hann ætlar að baka köku á meðan vogunarsjóðirnir leggja undir sig efnahagslíf landsins.  Segir að það þurfi ekki að hafa neinar áhyggjur af vogunarsjóðunum.  

Þar með er Bjarni að ráðast að vogunarsjóðunum með því að segja ekki satt um þá.  

Kannski verður stórfyrirsögn á morgun hjá Morgunblaðinu, "Bjarni ræðst að vogunarsjóðunum", segir að þeir ógni ekki efnahagslífinu.

 

Svo er það þegar Jóhanna segir frá efnahagsbatanum sem eru augljós ósannindi, þá verður þessi fyrirsögn, "Jóhanna ræðst að efnahagslífinu" og svo framvegis.

Og Steingrímur verður með stanslausar árásir því honum er fyrirmunað að segja satt orð eftir að hann varð ofurráðherra.

 

Þetta er fyndið hjá Mogganum.

Að lokum neyðast allir til að segja satt, annars verða þeir sífellt sakaðir um árásir.

 

Snilld ef maður hugsar út í það.

Kveðja að austan.

Forsetinn ræðst að Gordon Brown

Jón væri meiri maður.

 

Ef ill meðferð á heimilum landsins væri ásteytingarsteinninn.

En ef eitthvað sameinar ESB trúboðið og ESB andstöðuna, þá er það ástin á verðtryggingunni.

 

ESB trúboðið vill verðtrygginguna, hún er þeirra helsta vopn, til að sannfæra þjóðina um ágæti ESB.

ESB andstaðan samanstendur af hópi gamalmenna sem halda að verðtryggingin sjái fyrir þeim í ellinni, hafa ekki frétt að maðurinn lifir á brauði, ekki gulli.

 

Sem aftur vekur upp spurninguna, hve mikil alvara er að baki andstöðu þessara gamalmenna, í Heimsýn, hjá Vinstrivaktinni gegn ESB, hjá Evrópuvaktinni.

Ef hún bara ekki tómstundagaman í ellinni???  Svo einhver muni eftir þessum fyrrum leikurum á sviði þjóðmálanna. 

Veit ekki, en ef vottur af viti væri í þessu fólki, þá væri verðtryggingin þeirra helsit óvinur, því hún fæðir ESB trúboðið, útvegar fylgi og stuðning.

Þetta er svona svipað og berjast við eiturlyf, en krefjast um leið að eitursmyglarar njóti friðhelgi.  Hugsanlega sönn barátta, en án árangurs.

 

Vinstra fólk drepur ekki heimili hins venjulega manns, vinstra fólk verndar heimili fólks.

Undantekningin er vinstra fólkið sem fylgir Steingrími og Jóhönnu, það styður níð verðtryggingarinnar, og vinstra fólkið sem er á móti ESB, það styður líka níð verðtryggingarinnar.

Sem vekur upp spurningar um hvort allir eigi ekki að vera rétthendir, allavega á Íslandi.

 

Allavega þá er gott að Jón sé genginn til liðs við þjóðina í baráttu hennar við ógnaröfl fjármagns og siðlausrar græðgi.  

Hann þekkti ekki sinn vitjunartíma þegar Steingrímur sveik hugsjónir jafnaðar og félagshyggjufólks, en hann þekkti ESB skrímslið.

Sem þýðir að Össur hafi gert eitthvað gagn um ævina.

 

En hvers eiga heimilin að gjalda??

Kveðja að austan.

„Kornin sem fylltu mælinn“

Ákall um grið.

 

Var sent vinstri mönnum í dag.

Frá Landsspítalanum, þar sem lokun blasir við vegna uppsagna hjúkrunarfræðinga.

 

"Við hjúkrunardeildastjórar á bráðalyflækningadeildum Landspítalans við Hringbraut viljum skora á velferðar- og fjármálaráðherra að bregðast sem fyrst við uppsögnum hjúkrunarfræðinga með viðunandi hætti. Hver dagur sem líður skiptir sköpum. Landspítalinn er háskólasjúkrahús og sjúkrahús allra landsmanna, þar er veitt flókin, dýr og sérhæf meðferð. "

 

Mörgum vinstrimönnum finnst þetta ákall frekja, þeir vísa í aðhald frjálshyggjunnar á árunum fyrir Hrun, bæta svo við að það sé ekki til peningur.

Samt hefur ríkisstjórn vinstri manna og velferðar greitt fjármagninu um 300 milljarða í óþarfa vexti frá 2008.  Vegna velferðar vogunarsjóðanna.

 

Núna er lygin um velferð það eina sem eftir stendur.

Landsspítalinn er að deyja vegna niðurskurðar og sparnaðar.

 

Viljum við það??

Ef ekki, þá skulum við hlusta á ákall hjúkrunarfræðinga, og skilja að þeirra barátta er okkar barátta.

Við þurfum þá, og þeir þurfa stuðning okkar.

 

Skiljum það áður en það er of seint.

Þá er of seint iðrast.

Kveðja að austan.

 

Skoða ýmsa möguleika í kjaradeilunni

Eurokratinn er kynníðingur.

 

Ofaná allt annað.

Hann lætur sér ekki nægja að eyða innviðum samfélaga sem lent hafa í efnahagserfiðleikum, hann ræðst á garðinn þar sem hann er lægstur.

Hann ræðst á forsendur lífsins, ungar konur og stúlkur.

Í fílabeinsturni sínum sem veggfóðraður er með ótal reglugerðum, þá horfir hann á hörmungar evrunnar og hlær.

Svartari sál hefur Evrópa ekki upplifað frá þeim myrkum dögum þegar ráðist var á samfélög fólks og þjóðir til að arðræna og kúga.

Þessi svarta sál gengur aftur í dag.

 

Og velur sér fórnarlömb við sitt hæfi.

Ungar konur og stúlkur.

Kveðja að austan.

Kreppan bitnar harðast á ungum konum

Og fyrir hvað stendur Bubbi???

 

Vogunarsjóðina og þrælkun þjóðarinnar eins og Vilhjálmur Egilsson???

Eða von og framtíð???

Kveðja að austan.

Björgólfur sækist eftir formennsku í SA

Ríkisstjórn hrægammanna.

 

Er ríkisstjórn sem gerir ekkert til að vernda þjóð sína fyrir því versta af því versta sem mannleg græðgi og siðblinda hefur skapað  í sögu mannsins.

Kuldinn við að kaupa afskrifaðar skuldir á hrakvirði, og halda svo skuldaranum í ár og áratugi í helgjargreipum er ekki þessa heims, þetta er ómennska engu betri en sú ómennska sem þegar hefur verið lýst sem glæpur gegn mannkyni.

Ríkisstjórn Íslands bauð þessari ómennsku til landsins.

 

Ég vil minna á orð Tryggva Þórs Herbertssonar.

 

Til að borga kröfuhöfum þyrftum við að hafa í handraðanum á næstu árum um 1.200 milljarða króna aukalega í erlendum gjaldeyri. Við þá upphæð bætast síðan árlega um 70 milljarða vextir og arður af hlutbréfum í bönkunum. Upphæðin fer því hækkandi eftir því sem tíminn líður bak við gjaldeyrishöft. ....

Lífskjör myndu versna eftir því. Í mínum huga er sú leið algjörlega ófær. Hún myndi leiða til efnahagslegrar gjöreyðingar og fólksflótta. Þetta eru stór orð en því miður sönn.

 

Og ég vil vitna í grein Lilju Mósesdóttir um af hverju engin vettlingatök duga til að bjarga þjóðinni frá hinni efnahagslegri gjöreyðingu.

 

Nú standa yfir nauðasamningar við kröfuhafa Glitnis og Kaupþings en stór hluti þeirra eru að öllum líkindum hrægammasjóðir. Upphafleg hugmynd stjórnarflokkanna var að leyfa slitastjórnum að gefa út skuldabréf í erlendum myntum sem útborgun fyrir eignir gömlu bankanna. Ég hef ítrekað varað við þessari óraunhæfu lausn þar sem hún mun gera erlendar skuldir þjóðarbúsins ósjálfbærar. Þessi lausn þýðir í raun að hrægammasjóðir fá Ísland eða útflutningstekjur okkar um ókomna framtíð á silfurfati.

Í Morgunblaðinu hafa sérfræðingar hvatt til þess að Seðlabankinn fái yfirráð yfir erlendum eignum þrotabúanna, sem eru um 1.800 milljarðar króna, til að knýja fram hagstæða samninga eða viðunandi lausn á 850 milljarða króna innlendri eign búanna sem er hluti snjóhengjuvandans. Hættan við að láta þrotabúin greiða kröfur hrægammasjóða með íslenskum krónum er að mikið fé fer í umferð sem kynda mun undir verðbólgu og óstöðugleika. Hrægammapeningar munu flæða um hagkerfið í leit að skjótfengum hagnaði og glufum á gjaldeyrishöftunum.

Réttum hrægammasjóðum ekki hjálparhönd!

Hrægammasjóðir munu við slit þrotabúa Glitnis og Kaupþings, eignast Arion banka og Íslandsbanka. Það dugar ekki að keyra þrotabúin í gjaldþrot því hrægammarnir munu kaupa hlut þrotabúanna og ríkisins í nýju bönkunum til að tryggja stöðu sína. Á Alþingi er frumvarp til umfjöllunar sem veitir fjármálaráðherra leyfi til að selja eignarhlut ríkisins í nýju bönkunum. Frumvarpið er skýrt merki um að stjórnvöld átta sig ekki á hættunni sem stafar af hrægammasjóðum. Á meðan hver og einn hrægammasjóður er minnihlutaeigandi í nýju bönkunum eru þeir hæfir eigendur samkvæmt íslenskum lögum. Hins vegar er ljóst að bankar í eigu margra hrægammasjóða munu ógna fjármálastöðugleika þjóðarbúsins. Hrægammasjóðirnir munu sem eigendur bankanna beita öllum tiltækum ráðum til að hámarka endurheimtur og flýja með fé sitt út úr hagkerfinu um leið og tækifæri gefst.

Ég er þeirrar skoðunar eftir að hafa kynnt mér sögu hrægammasjóða að það þjóni engum tilgangi að semja við þá. Þeir munu ekki fást til að semja um að fá aðeins rétt rúmlega það sem þeir greiddu fyrir kröfurnar þar sem þeir hafa engra hagsmuna að gæta hér á landi. Ef alþjóðaþrýstingur myndast á þá að semja við okkur, þá er alltaf hætta á að þeir flyti kröfurnar sem þeir hafa samið um lækkun á yfir í nýtt eignarhaldsfélag (sbr. Líbería). Nýja eignarhaldsfélagið kemur svo með kröfu um fulla endurgreiðslu krafnanna. Marinó G. Njálsson hefur lagt til að ríkið yfirtaki kröfur á þrotabú föllnu bankanna með eignarnámi. Eignarnámsvirðið sem ríkið þyrfti að greiða fyrir kröfurnar yrði sennilega mun hærra en verðið sem hrægammasjóðirnir greiddu fyrir þær. Eignarnámið fælir hrægammasjóðina frá bankakerfinu en ekki frá landinu, þar sem þeir eiga kröfur á önnur fjármálafyrirtæki, aflandskrónur og ríkisskuldabréf sem borið hafa háa ávöxtun frá hruni. Ísland losnar ekki undan hrægammasjóðunum nema með því að taka upp nýkrónu. Hrægammarnir sitja þá uppi með kröfur og eignir í gömlum krónum sem þeir þurfa að skipta yfir í nýkrónu á gengi sem endurspeglar verðið sem þeir greiddu fyrir upphaflegu kröfuna og lita sem enga ávöxtun eftir hrun.

 

Það dugar ekki að borga þeim út í krónum nema það séu gerðar ráðstafanir að þær krónur komi hvergi nálægt íslensku efnahagslífi. 

Lilja kemur með athyglisverða lausn sem tæklar allan vandann. 

Aðrar lausnir gætu gert það sama, en það dugar ekki að þær gangi aðeins hálfa leið, nái ekki utan um allan vandann.

 

Alþingi sem ræðir ekki ógnina af hrægömmunum og leiðir til lausnar fyrir land og lýð, er Alþingi hrægamma.  

Lýtur stjórn þeirra, bugtar sig fyrir valdi þeirra.

Þeir þingmenn sem það gera, allir sem einn, án undantekninga, eiga aldrei að fá að stíga aftur inn fyrir dyr Alþingis, þeim á að henda á dyr við næstu kosningar.

Því menn selja ekki þjóð sína.

 

Jafnvel ekki fyrir 30 silfurpeninga.

Kveðja að austan.

Stórbankar meðal kröfuhafa

Það tók 4 ár að eyðileggja heilbrigðiskerfið.

 

Fjögur ár að eyðileggja áratuga uppbyggingu.

Fjársvelti, fjársvelti, fjársvelti, fjársvelti.

Og uppskeran eftir því.

Uppsagnir, flótti úr landi.

 

Á sama tíma, 80 milljarðar árlega handa fjármagninu úr ríkissjóð.

Sem segir tvennt, að nægir eru peningarnir og fjármagn er tekið fram yfir fólk.

 

Samt er ennþá til  fólk í mannúðarstéttum sem styður þessa ríkisstjórn velferðar.

Líkt og það styður niðurbrot evrunnar á samfélögum Suður Evrópu.

Hvernig fer það saman að vilja líkna og hjálpa, og styðja helför á hendur velferðarsamfélaginu á sama tíma.

Til skamms tíma voru það ungir uppar með skjalatösku í hendi og græðgiglampa í augum, sem mönnuðu helferðarsveitirnar.

Það hefur saxast úr þeim hóp en fólk úr mannúðarstéttum fyllir skörðin.  Býður sig fram fyrir VinstrGræna, býður sig fram fyrir Samfylkinguna.  

Ræðst á það sem það sór að verja.

 

Þetta hefur gerst áður, en það er sorglegt að sjá þetta gerast aftur.

Eins og manneskjan geti ekkert lært.

Að þeir sem vilja öðrum illt geti endalaust fengið fólk í skítverkin fyrir sig.

 

Siðrof er alltaf grafalvarlegt mál.

Siðrof félagshyggjufólks gagnvart íslensku þjóðinni á sér fá fordæmi.

Yfirleitt níðast menn á íbúum annarra landa, annarri stétt, fólki sem það þekkir ekki neitt.

Hér brosa menn framan í skjólstæðinga sína á daginn, bjóða svo Jóhönnu og Steingrími krafta sína á kvöldin.

 

Verðtryggingin, útburður barna af heimilum sínum, skuldaánauðin, aðförin að heilbrigðiskerfinu.

Hvert og eitt atriði sem ekkert ærlegt fólk bendlar sig við.

 

Ef það væri peningaskortur á Íslandi, náttúruhamfarir, hrun atvinnuvega, lokaðir markaðir.

Þá væri hægt að afsaka margt, þó byrðum yrði alltaf að dreifa á sanngjarnan hátt.  

En það er engin svoleiðis afsökun.

Aðeins grímulaus valdagræðgi og siðblinda.

 

Fjögur ár er ekki langur tími, en þegar ríkisstjórnarár Steingríms og Jóhönnu verða gerð upp, þá mun sagan dæma þau sem einn lengsta tíma Íslandssögunnar.  

Aðeins móðuharðindin verða talin lengri.  Þá var ekkert við ráðið, fátækt land, fátæk þjóð varð fyrir búsifjum vegna fordæmalausra náttúruhamfara. 

Í dag varð rík þjóð fyrir áfalli, en lenti í klónum á valdasjúklingum sem plötuðu sig inná hana undir yfirskini velferðar og skjaldborgar um heimili landsins.

Verðtryggingin sló skjaldborgina, velferðin var um þá sem áttu, og vildu ekki missa neitt.

Tjónið lenti á þjóðinni, almenningi, samfélaginu.

 

Fjögur ár er ekki langur tími, en þessi fjögur ár munu munast á meðan einhver man eitthvað á íslenskri tungu.

Árin sem þjóðin var svikin um réttlæti af stjórnvöldum, var rænd af siðblindu fjármagni, var svívirt af fóli sem laug sig til valda.

 

Fjögur ár sem reyndust bautasteinn íslensku vinstriflokkanna, endalok þeirra og smán.

Og til hvers??, til hvers???

Hvað fengu stuðningsmenn þeirra í staðinn??

Annað en óbragð í munninn???

 

Er eitthvað gott sem þeir geta bent á, eitthvað sem gerir þá stolta??

Eitthvað sem þeir geta seinna meir notað til að réttlæta þessi smánarár þegar flokkar þeirra voru snatar fjármagnsins??

 

Ef það er eitthvað, þá er það hulið sjónum siðað fólks. 

Og tengist hvorki mannúð eða mennsku.

Á rætur í sjálfsblekkingu og sjálfsréttlætingu.

 

Fjögur ár.

Senn á enda?

Kveðja að austan.

 

 

 

Maður kemur ekki í manns stað