Korteri fyrir kosningar.

 

Á að hífa upp fylgi ríkisstjórnarflokkanna, VinstriGræna yfir 5% og Samfylkinguna yfir 20%.

Eftir tvær skoðanakannanir í viðbót verður verðtryggingin afnumin, og eftir þá þriðju verða lán fólks leiðrétt.

Nema með því smáaletri að framkvæmd verði eftir kosningar.

 

En hinsvegar finnst mér fyrst að ríkisstjórnin er farin að opna budduna, rannsaka eða átaka, eða hvað þetta heitir á félagshyggjumáli, að hún ætti að láta leita uppi það fólk sem ennþá kýs VinstrGræna.

Hvort það sé ekki alltí lagi með það???

Hvort það sé ekki farið á taugum að vera svona sífellt í felum, óttast að samborgara þeirra fái vitneskju um flokkstryggð þeirra.  Því engan hef ég hitt sem viðurkennir í dag að kjósa þennan flokk svika og undirferla.  Og fólk sem ég hef talað við segir sömu söguna, sá síðasti sem spurðist til, flutti úr landi fyrir síðustu jól, ekki það að hann sætti aðkast, fólk er betra en það en að láta svona fötlun bitna á fólki, heldur vegna þess að hann var svo þreyttur á að biðjast sí og æ afsökunar á Steingrími og ESB fylgisspekt hans.

Allavega það er ekki hollt að vera inní skápnum til lengdar, það þekkir fólkið sem hóf baráttu samtaka 78 fyrir opnun skápa.

 

Þetta er þarfaverk og mun merkilegra en enn eitt loforðið sem stendur ekki til að efna.

Látum ekki sögu síðasta Geirfuglsins endurtaka sig, látum ekki síðasta kjósanda VinstriGrænna enda uppstoppaðan á safni.

 

Hann mætti vera lifandi.

Kveðja að austan.

 

 

Hlutur kvennastétta verður réttur

Sjávarútvegurinn þarf frelsi frá braskinu.

 

Kvótabraskið kemur fiskveiðistjórnun og hagkvæmum rekstri ekkert við.

Það hefur leitt til ofurskuldsetningar sjávarútvegsins og leiðir til þess að megin hluti arðsins fer í vasa lánardrottna.  Græðgin leiðir alltaf til þess að sá sem býður mest, eignast kvótann, og það er spilaborg sem hrynur alltaf þegar tekjur dragast saman.

Í dag eiga margir kvóta sem hafa lítið borgað í honum vegna þess að lán þeirra voru afskrifuð af stórum hluta eftir Hrun.  Svo veit enginn hvort þeir geta borgað restina þegar tekjur dragast saman líkt og útlit er fyrir núna.

 

Kvótabraskið er næst mestu afglöp fjórflokksins á eftir EES samningnum. 

Og það er tímabært að leiðrétta vitleysuna án þess að sú leiðrétting bitni á fólki sem er að reka fyrirtæki á forsendum rekstrar og hagkvæmni.

Tillögur HægriGræna virðast vera í þá áttina.  

Mogginn á heiður skilinn fyrir að kynna þær.

Eins ætti hann að kynna ágætar tillögur Dögunar, og fá síðan fram umræðu um kosti og galla.

 

Þjóðin lifir á fiski, það er hann sem fjármagnar eyðslu hennar.

Hagkvæmni greinarinnar kemur því öllum við.

 

Meir af þessu Moggamenn.

Kveðja að austan.

Vilja banna framsal og veðsetningar

Var ekki gengið að falla??

 

Kemur það ekki fram í verðhækkunum???

Nei, ekki þegar jákvæð spá er pöntuð.

Var ekki kaupið að hækka??  Kemur það ekki fram í verðhækkunum??

Nei, ekki þegar er verið að spá jákvæðri spá???

Eru ekki tekjur að dragast saman í sjávarútveginum??  Veikir það ekki gengið sem síðan leitar út í verðlagið??'

Nei, ekki þegar þarf að spá jákvætt fyrir kosningar??

 

Hefur einhver spá um hjöðnun verðbólgunnar staðist frá Hruni??

Og þar með varð mér á að spyrja eins og bjáni, eins og það sé eitthvað markmið í sjálfu sér???

 

Eins og einhver borgi fyrir rétta spá???

Kveðja að austan. 

Spá verðhjöðnun í janúar

Hver kostar sundrunguna gegn fjármálamafíunni??

 

Vogunarsjóðirnir því þeir vilja yfirtaka efnahagslífið eftir kosningar??

Kippa þeir einhverjum vitleysingjum upp af götunni til að bjóða fram??

 

Evrópusambandið því það vill innlima landið til að tryggja aðkomu sína að norðurslóðum???

Björt framtíð er kostuð af sambandinu en er það með puttana í fleiri framboðum???

 

Eða er þetta hin tæra heimska tómhyggjunnar að fólk sér ekki þau ógnaröfl sem sækja af þjóðinni???

Margir af þessum einstaklingum sem leita á mið sundrungar hafa haft stór orð um það fólk sem kom landinu á kné, um frjálshyggjuna, bankamafíuna, lífeyrissjóðina, um allt sem það telur sig geta notað stóryrði yfir.

En er til nógu stórt orð sem lýsir  fólki sem skortir vit til að verja líf og framtíð barna sinna.  

Sem skortir döngun og hugrekki til að hindra fyrirhugaða skuldaþrælkun þeirra???

Á íslenskan til orð sem lýsir þessu fólki??

 

Bankamennirnir vissu þó hvað þeir voru að gera, þeir voru í þjónustu hinna ofurríku við að ræna okkur.  Þáðu fyrir það laun, og eru ríkir í dag.  Margt gerðu þeir en vanvit kemur ekki þar við sögu.

Hanna Birna og vinir hennar í Sjálfstæðisflokknum sem vilja endurvekja hið algjöra frelsi hinna ofurríku til að hirða restina af þjóðarauðnum, veit líka hvað hún er að gera.  Hún er í þjónustu hinna ofurríku við að ræna okkur.  Fær laun fyrir, völd og áhrif, enda verðandi forsætisráðherra landsins.

Mörg orð lýsa lífsskoðunum hennar og framgöngu í þágu vogunarsjóðanna, en vanvit kemur þar ekki við sögu.

 

En fólkið sem þykist vera á móti og notar vopn sundrungarinnar til að berjast við það sem það þykist vera á móti??

Hvað með það???

Sem getur ekki hist í stærri hópum en telur tvær manneskjur, því ef sú þriðja mætir, þá er kominn meirihluti og minnihluti, og síðan klofningur og nýtt framboð.

Hver er ábyrgð þess á því að yfir 90% þjóðarinnar ætla að kjósa yfir sig uppgjöf gegn yfirtöku vogunarsjóðanna á efnahagslífinu???

Hefur aldrei hvarflað að því að uppgjöf þjóðarinnar skýrist af því að hún eygir enga von, að enginn valkostur er í boði???

Nema stanslaus hávaði, brigsl og stóryrði.  

 

Hvar er skipulega verið að vinna gegn þessu ægivaldi fjármagnsins???

Hvar er vefmiðillinn Satt sem segir frá staðreyndum og afhjúpar allt falsið og rangindin sem knýr þessa á sókn fjármagnsins gegn almenningi áfram???

Hvar eru samtökin sem láta reyna á þau ákvæði hegningarlaga sem stuðningsmenn ICEsave fjárkúgunarinnar brutu??

Hvar eru samtök heimilanna sem ákærðu vaxtaþjófana fyrir þjófnað??

 

Hvar eru þeir sem létu hart mæta hörðu??

Sem höfðu manndóm til að verja sig og sína???

Hvar eru þeir??

 

Nei, íslenskan á ekkert orð sem nær yfir hið meinta íslenska andóf.  

Ekkert orð getur útskýrt það sem blasir við.  

Peningar geta það hinsvegar, en ekki nema að hluta.  

Það hefur ekki öllum verið mútað, bara sumum.

Restin á sér enga afsökun.

 

Mikill er máttur vogunarsjóðanna.

Mikill er máttur peninganna.

En hann er ekki yfirnáttúrulegur.

Getur ekki útskýrt allt.

 

Við spurningu minni í fyrirsögn þessa pistils er því ekkert svar.

Feigðin lýtur ekki lögmálum þessa heims.

Kveðja að austan.

 

 

Mikill fjöldi framboða til alþingiskosninganna

Um hvað á þjóðin að kjósa??

 

Brauðgjafir, súpueldhús, þessi þekktu birtingarmynd evrunnar???

Eða gjaldið sem fylgir evrunni, náðarfaðm ESB þegar skuldum einkabanka er komið á ríkissjóði þeirra landa sem njóta "björgunarpakka" Brussel.

 

Nú á að bjarga Kýpur með því að endurfjármagna einkabanka eyjunnar, og skuldsetning ríkisins fer aðeins í 180% núna.

Meira að segja Alþjóðagjaldeyrissjóðurinn sem hingað til hefur kinnroðalaust eyðilagt innviði þjóða vegna björgunar hins svokallaða fjármálakerfis, biður kýpversku þjóðinni grið.  

Að það séu takmörk fyrir öllu níði og mannhatri.

En Brussel vill borga út rússnesku mafíuna.

 

Þetta er náðarfaðmur ESB í dag.

Þess vegna beitti það íslensku þjóðina fjárkúgun vegna skulda einkabanka.

Þess vegna hringdi framkvæmdarstjóri ESB í Geir Harde og lýsti áhyggju sínum, ekki með almenningi á Íslandi, heldur að hrun bankanna mætti ekki bitna á evrópskum kröfuhöfum þeirra.  

Hann vildi kýpverskan björgunarpakka í ennþá ýktari mynd.

 

Þetta er siðleysið, þetta er rotnunin sem Samfylkingin þráir svo mjög.  

Og Björt Framtíð er stofnuð um.

 

Hinar evrópsku útrýmingarbúðir fjármálakerfisins.

Hvað fór úrskeiðis í uppeldi þessa fólks???

Kveðja að austan.

 

Kosið um ESB 2014 eða 2015?

Verður næsta rugl á dagskrá umræða um aðild að ESB???

Svona eftir þessa frétt sem má lesa um á Ruv.is " Börn svelta vegna fátæktar".

Þar sem segir meðal annars;

 

"Fjármálakreppan hefur haft alvarleg áhrif í Portúgal og þúsundir barna eiga í erfiðleikum með nám vegna hungurs. Yfirvöld leggja því aukna áherslu á að börn fái næringaríka fæðu í skólanum og taki jafnvel mat með sér heim.   ......

Í skólum landsins finna kennarar fyrir þeim áhrifum sem kreppan hefur á börnin. „Það leið yfir einn nemanda af hungri. Ég spurði hann hvað væri að gerast, hvort hún hefði borðað morgunmat. Hún sagði ne, vegna þess að það væri enginn matur til heima, ekki einu sinni þornað brauð,“ sagði Anabela Amaral kennari. Diana Silva námsráðgjafi þekkir fleiri dæmi um erfiðleika nemenda. „Þegar við hringjum í nemendur eða foreldra þeirra komumst við að því að ástæðan fyrir skrópi, eða því að börnin fylgist ekki með, er oft vegna fjárhagslegra erfiðleika heima fyrir. Ef nemandi fær ekki nóg að borða fylgist hann ekki nógu með í tímum.“

Yfirvöld halda skrá yfir 13 þúsund börn sem þurfa nauðsynlega á mataraðstoð að halda og þau verst settu fá mat til að taka með sér heim. „Þetta er ekki nóg fyrir okkur en þetta hjálpar,“ segir Fátima Brás, íbúi í Elvas í Portúgal. „En nú get ég í það minnsta keypt þau föt og skó sem ég þarf á að halda en gat ekki gert áður vegna þess að ég þurfti að kaupa mat.“".

 

Hér hrundi heilt fjármálakerfi, í Portúgal varð samdráttur.  

Ef Ísland hefði verið í ESB, þá væri hungurvofan farin að berja á dyr, almenningur hefði ekki í sig og á, tekjur þjóðarinnar færi í að borga út erlenda kröfuhafa útrásarbankanna.  Sem gátu verið í sinni útrás vegna regluverks ESB.

Hver sækir um aðild að hungri og neyð????   Vitfirringar, veruleikafirrt fólk???

 

Væri ekki nær að Alþingi ræddi alvarlega að veita þessu fólki hjálp, bæði læknisfræðilega og sálfræðilega.  

Er það ekki bara næsta stóra samfélagsverkefni, að hjálpa fólki að öðlast vitið sem evrutrúin hefur firrt???

Er það ekki bara mannúðarmál að hjálpa þessu fólki, og rífast ekki um kostnaðinn sem þeirri mannúð fylgir.  

Allavega yrði kostnaðurinn við aðild miklu meiri, hungur og vesöld kallar alltaf á fjármuni þeirra sem mega missa.  Betra að hjálpa í dag á meðan við getum öll misst eitthvað, áður en hin líknandi hönd ESB rústar þjóð og þjóðfélagi líkt og hún hefur gert í Grikklandi og stefnir í í Portúgal, Spáni og víðar.

 

Ef Alþingi ræðir ESB, þá skulum við vona að það verði ekki á forsendum hins vitfirrta sem sér ekki hvað er að gerast í Evrópu, og af hverju neyðin þar stafar, heldur á forsendum mannúðar þess sem vill hjálpa og linna þjáningar þeirra sem tengjast ekki veruleikanum á neinn hátt.

Nóg eigum við til af sálfræðingum og geðlæknum, sumir hverjir atvinnulausir vegna niðurskurðar hinnar norrænu velferðastjórnar, svo við ættum að geta hjálpað þeim sem eru hjálpar þurfi.

Og losnað við þessa ESB umræðu í eitt skipti fyrir allt.

 

Hjálpum þeim til að hjálpa okkur.

Kveðja að austan. 

 

Stjórnlagafrumvarp fallið á tíma

Já, það er húmor í þessu hjá Hollendingunum.

 

Menn eiga að kunna að geta gert grín að aðstæðum.

En það var enginn húmor í kröfum samlanda okkar í samtökunum, Já-borgum ICEsave.  

Þar er fólk sem vill fórna innviðum samfélags okkar fyrir pólitískan rétttrúnað Evrópusambandsaðildar.

Það er fólkið sem sagði, Við borgum, en átti við að samborgari þess borgaði.  Hélt að slík skylda fælist í orðinu samborgari. 

 

Þetta fólk vill borga, og það ætlar sér að láta náungann borga.  

Það veittist að forsetaembættinu með framboði Þóru Arnórsdóttur og það veittist að stjórnarskránni með framboði Dögunar, og það veitist að Alþingi með Bjartri framtíð um Neyð í Evrópusambandinu.

Eftir því sem fleiri fréttir berast til landsins um hungur í löndum Evrópusambandsins, því ákafar er það að skapa slíka manngerða hungursneyð á Íslandi. Það er eins og kommúnistarnir sem undu sér ekki hvíldar fyrr en landar þeirra voru hluti af þrælabúðakerfi kommúnismans.  Enda að hluta til sama fólkið eða afkomendur hinna gömlu hugsjónamanna Gúlagsins.

 

Stóri dómur þessa fólks verður kveðinn upp næstkomandi mánudag. 

Þá verður annað hvort það afhjúpað, eða sambandið sem það trúir á.  

Annað hvort verður það dæmt landráðafólk eða Evrópusambandið dæmt úr réttarsamfélagi siðaðra þjóða.  Fer þá miður góðan félagskap þriðja ríkisins sem einmitt kvað upp dóma án þess að byggja þá á leikreglum réttarríkisins, að fyrst séu sett lög, og síðan dæmt um framkvæmd þeirra.

 

Ef þetta fólk er tryggt sínum málstað, þá fagnar það landráðadómi, því hver vill að draumur sinn sé í félagsskap með þriðja ríkinu???

En sá sem hrópar Borgum, og ætlar að láta samborgara sinn borga, hann er ekki mjög heil persóna.  

Svo það er spurning um tryggðina.  Hún ristir kannski það grunnt að þetta fólk fagnar skapadómi ESB.

Að ESB verði dæmt úr samfélagi siðaðra þjóða.  Að það þurfi ekki að hafa réttarheimild til að fjárkúga þjóðir, aðeins hnefa hins sterka líkt og foringinn forðum.

 

Þetta skýrist 28. janúar.

Þegar örlagadómurinn verður kveðinn upp.

 

Án gríns??

Kveðja að austan.

 

 

 

 

Vilja rafmagn upp í Icesave

Veruleikafirrtir stjórnmálamenn væfla um stjórnarskrá.

 

Á meðan heimili landsins brenna á báli verðtryggingarinnar.

Á meðan "gjöreyðing efnahagslífsins" blasir  við eftir kosningar þegar vogunarsjóðir yfirtaka þrotabú gömlu bankanna.

Þessi fáráð hins algjöra vanvits geta aðeins peningar útskýrt.  

Miklir peningar.

Í eigu vogunarsjóða.

 

En fjárfesting í stjórnmálamönnum útskýrir ekki jarmið á fundum sjálfstæðismanna þegar formaðurinn heldur tölu sína um stækkun þjóðarkökunnar eða fíflaganginn þegar fólk segist ætla að kjósa Bjarta Framtíð hinnar tæru heimsku.

Það útskýrir ekki kuldann og tilfinningaleysi okkar gagnvart hlutskipti nágrannans sem blóðsugur bankakerfisins ásækja dag og nótt.

Það útskýrir ekki að við skulum ekki hafa þann manndóm að rísa upp gegn fjárfestingu vogunarsjóðanna og taka örlög barna okkar í eigin hendur.

 

Að því gefnu að fólk geti ekki framvísað kvittun frá vogunarsjóðunum líkt og þeir þingmenn sem ætla að ræða stjórnarskrána þá á það sér enga afsökun.

Enga afsökun.

Kveðja að austan.

Funda í dag um stjórnarskrána

Það er engin þjóðarsátt nema verðtryggingin sé slegin af.

 

Hvenær ætla menn að fatta það, að skilja það.

Að eyðingaráhrif hennar verða ekki lengur liðin. 

Að fólk sættir sig ekki við tæki sem sjálfkrafa rænir það vegna verðlagsbreytinga sem koma meintri verðbólgu ekkert við.

Þetta þjófatæki hefur þegar rænt heimilin um 400 milljarða frá Hruni, hlutfallslega stærsti þjófnaður mannkynssögunnar. 

Allar kjarbætur fara strax í hít hennar, allar verðhækkanir heimsins fara í hít hennar.

Það verður ekki unað við hana lengur, og það verður ekki sátt fyrr en ránsfeng hennar er skilað.

 

Það er hin nýja þjóðarsátt.

Kveðja að austan.

Fyrstu skref að nýrri þjóðarsátt í dag

Þegar fjármálamafían yfirtók Andófið.

 

Hét niðurstaðan Dögun.

Hvernig gat það gerst, hvað þurfti til þess??  Eru spurningar sem ég hef oft spurt mig að.  

Vegna þess að í Dögun er mikið af fólki sem strax reis upp til varnar þjóðinni gegn fyrirhuguðum skuldaþrælkun þjóðarinnar sem stjórnmálaelítan samdi um við Alþjóðagjaldeyrissjóðinn og aðeins einörð andstaða þjóðarinnar hefur frestað að gengi eftir.  Fólki, sem ekki er hægt að afgreiða sem fávíst eða innantómt, enda er það ekki í Bjartri Framtíð,  og það er ekki hægt að saka það um að vita ekki hvað er að gerast alltí kringum okkur þar sem hervirki fjármálamafíunnar blasa allsstaðar við.

Það vildi vel en endar svona, hvað veldur???

 

Dögunarmenn hafa margar sjálfsréttlætinguna skrifað til að réttlæta stuðning sinn við ríkisstjórn Jóhönnu Sigurðardóttir eða snatahlutverk sitt í aðförinni að stjórnarskránni.  

Flestar eiga þær það sammerkt að halda hvorki þræði rökhugsunar eða tengingu við raunveruleikann, og skrifaðar af fólki sem heldur að Jóhanna Sigurðardóttir sé í Sjálfstæðisflokknum. 

En feisið vakti athygli mína á bloggpistli eftir einn mætasta mann andófsins, Gunnars Skúla Ármannsson læknis, mann sem hefur ötullega unnið að því að kynna samsvaranirnar við óhæfu AGS hér á landi og í öðrum löndum þar sem skítugar krumlur hans hafa komist í að taka samfélög fólks kverkataki.   Þegar ríkisstjórn Jóhönnu reyndi að eyðileggja áratuga uppbyggingu í heilbrigðiskerfinu á landsbyggðinni, þá var Gunnar ötull í baráttunni gegn því hervirki, "lífið getur verið styttra en ferðin suður" er slagorð sem honum er eignað.  Hann er einn af stofnendum Attac á Íslandi og það er ekkert nema gott um hans baráttu að segja.  

Þess vegna tel ég að ég sé ekki að ráðast á garðinn lægstan þó ég taki skrif hans fyrir og noti þau sem grunn til að fjalla um rökleysuna sem knýr baráttu Dögunar áfram í dag.  Þetta rökleysi er í þágu fjármálamafíunnar og er mesta ógn sem blasir við þjóðinni í dag.  Það er svo mikill misskilningur að halda að ógnin felist í óvininum, hann er þekkt stærð.  Og honum þarf að verjast, yfirbuga, sigra. 

Hin raunverulega ógn felst í þeim sem sundra vörninni og tryggja þannig sigur fjármálamafíunnar.

Pistillinn heitir Það sem er í askana látið... og má lesa um á Eyjunni þar sem Gunnar bloggar reglulega.

 

Fyrst skal telja Bullið;

 

"Var í Portúgal um daginn og hitti fólk frá ýmsum löndum. Hef verið á ýmsum fundum í Evrópu og það sem mest er spurt um er nýja stjórnarskráin okkar Íslendinga. Evrópubúum finnst fáranlegt að valdið, Alþingi, skuli hafa eitthvað um stjórnrskrána að segja. Hef þurft að útskýra fyrir þeim ferlið og að hópur þingmanna er að sinna skyldum sínum við auðvaldið og er með öllum ráðum að koma í veg fyrir að ný stjórnarskrá líti dagsins ljós. Stjórnarskrá snýst um það að setja valdinu skorður og því líkar það illa og berst þess vegna gegn þjóð sinni, að sjálfsögðu. Þeir Evrópubúar sem ég hef hitt á fundum mínum eru grænir af öfund út í nýju stjórnarskránna okkar og bíða spenntir eftir niðurtöðu. Ef íslenska þjóðin sigrar þá mun það verða byr í seglin fyrir álíka umbætur á lýðræðislegum réttindum almennings innan Evrópu. Eitt sterkasta ákallið í Evrópu í dag er aukið lýðræði því upplifun flestra er að bankarnir og stórfyrirtækin stjórni öllu en almenningur blæðir.".

 

Ég ætla ekki að draga í efa að Gunnar hafi hitt fólk sem hafi rætt við hann um stjórnarskrár, en fólk í Evrópu er ekki að berjast við stjórnarskrár sinna landa, þó það yrði talað við milljón manns  þá myndi enginn minnast á það.  Það er annað sem hrjáir íbúa Evrópu og það er yfirtaka fjármálamafíunnar á þjóðfélögum þeirra.  Fólk lítur til Íslands eftir Nei-ið við ICEsave, og tilgangur fjármálamafíunnar með því að siga Dögun á stjórnarskrána er einmitt að koma í veg fyrir að svona Nei berist aftur um Evrópu.

Rökleysan í þessu er svo að hin svokallaða nútímavæðing stjórnarskráarinnar sækir fyrirmyndir til Evrópu, einmitt þar sem hervirki fjármálamafíunnar eru komin lengst.  Neyð almennings í Grikklandi er vegna yfirráða fjármálakerfisins yfir stofnunum ESB, og þrátt fyrir hina ítarlegu mannréttindalöggjöf sem kveður á um öll heimsins réttindi fólks í löndum ESB.

Eitt Bull getur ekki verið augljósara þegar staðreyndir málsins eru skoðaðar.

 

Kjarninn í sjálfsréttlætingunni kemur síðan fram í þessari klausu; 

"Lýðræðisleg réttindi eru mikilvæg og aukið vald almennings skapar réttlæti til framtíðar. Samtímis þurfa að koma til pólitískar hugsjónir og ákvarðanir til að rétta hlut þeirra sem farið hafa halloka.".

Hver getur ekki tekið undir þessi orð, en þessum orðum þarf að fylgja framkvæmdir, annars eru þau innantóm.  Og þá framkvæmdir í þágu þeirra hugsjóna sem þau tjá. 

Eins og andefni er andstæða þess sem við köllum efni, þá er atlagan að stjórnarskránni algjörlega andstæð innihaldi þessara orða.

 

Tökum fyrst fyrir vinnubrögðin.

Ofríki meirihlutans gagnvart minnihluta er einn helsti ágalli vestræns lýðræðis og er því verri sem ákvarðanir eru keyrðar í gegn með "minni" meirihluta.  

Slíkt ofríki meirihlutans var ein helsta meinsemd áranna fyrir Hrun, og við þekkjum afleiðingarnar þegar aldrei var hlustað, en þjóðin klofin í herðar niður með einstrengilegum ákvörðunum.  

Andóf sem gerir það sama hefur glatað siðferðislegri skírskotun sinni.  Það er ekkert betra en það sem það gagnrýnir, og þessi eina ástæða er næg til að fordæma allt bröltið með stjórnaskrána.  

Síðan ef menn virkilega trúa að þeir berjist fyrri nauðsynlegum breytingum, þá þurfa þeir að afla því fylgis, það sem er samþykkt í ófriði með minnsta mögulega meirihluta er dæmt til að falla þegar pendúll hins þrönga meirihluta sveiflast í hina áttina.  

Vinnubrögðin eru því ekki bara siðferðislega röng, þau eru líka heimsk.

 

Næst er það innihald hinnar nýju stjórnarskrár.

Stjórnarskrá er umgjörð um stjórnskipan landsins og hún er líka grunnplagg um ákveðna samfélagssátt.  

Stjórnskipuninni er umbylt án umræðu, og án þess að menn hafi nokkra hugmynd um útkomuna.  Það út af fyrir sig gerir ekki vitiborið fólk, ekki nema það hafi hagsmuni af upplausninni sem fylgir í kjölfarið, eða hagsmuni af hinni nýju stjórnskipan.

Hverjir græða á upplausninni??? Fjármálamafían.

Hverjir græða á hinu nýja fyrirkomulagi?  Fjármálamafían.  

Hið svokallaða beina lýðræði og persónukjör, eins falleg og hugsunin er, nýtist í raunveruleika lífsins fyrst og fremst þeim sem hafa aðgang að fjármagni eða aðgang að öflugum hagsmunasamtökum.  Eitthvað sem er veikleiki flokkakerfisins í dag en verður algild regla með hinu nýja kerfi.  

Þess vegna hefur beint lýðræði hvergi gengið upp, hagsmunir fárra eiga svo auðvelt með að yfirtaka það.

 

Samfélagssáttin er síðan rofin.  

Það eru skýringar á ójafnvægi í atkvæðum, skýringar sem þarf þá að takast á við á annan hátt, til dæmis með aukinni sjálfsstjórn líkt og tillögur um þriðja stjórnsýslustigið er hugsað að gera.  Ef menn hundsa þetta og leggja áherslu á jöfnuð, þá verður sá jöfnuður að gilda á öllum sviðum.  Þá taka Reykvíkingar ekki ákvarðanir um nýtingu auðlinda, þeir ráða ekki fiskveiðistjórnarkerfinu á Vestfjarðarmiðum, á Austfjarðarmiðum svo dæmi sé tekið.  

Landshlutarnir ráða þá sinni auðlindanotkun og þeir ráða hvað þeir gera við þann gjaldeyri sem auðlindir þeirra skapa.  Af hverju ættu þeir að sætta sig við ranga gengisskráningu krónunnar í þágu innflutningshagkerfis Reykjavíkur??? Af hverju ætti sunnlendingar að sætta sig við að orka Þjórsár sé nýtt á höfuðborgarsvæðinu??  Af hverju ætti bóndi sem sætir jöfnuði í aðra áttina og ójöfnuði í hina að sætta sig við smánarverð fyrir land sitt sem tekið er eignarnámi fyrir vegi eða raflínur???

Sá sem rífur samfélagssátt, hvort sem það er í nafni frjálshyggju eða lýðskrums, hann opnar öskju Pandóru sem enginn ræður við.

 

Þriðja sem ætla að nefna og það sárasta við fall þessa ágæta baráttufólks, er lýðskrumið.

Aðför auðstéttanna undir merkjum frjálshyggjunnar er beintengd við stjórnarskrá þjóðarinnar, alveg litið fram hjá að ólíkar þjóðir, ólík menning, mismunandi stjórnarform hafa sætt sömu kárínum, og það geisar stríð í heiminum í dag þar sem fjármálakerfið er að leggja undir sig samfélög fólks, eyða innviðum þeirra og skuldaþrælka hinn venjulega mann.

Allt sem miður hefur farið í alþjóðvæðingunni, í frelsisvæðingu braskaraviðskiptanna er tengt inní stjórnarskrána, eins og eitthvað orðalag þar beri ábyrgð, eða geti hindrað það sem hefur átt sér stað.  Og ekki bara það, ófullkomleiki raunveruleikans, kerfismistök, misrétti, misskipting, fátækt, sukk og svínarí auðmanna, allt þetta er tengt við núverandi stjórnarskrá, og á að lagast ef við fáum nýja.  

Fyrir utan þessi þekktu vinnubrögð sem Göbbels gerði að list og kommúnistar beittu óspart í áróðri sínum, þá er þetta svo mikil lítilsvirðing gagnvart vitsmunum fólks, og svo mikil vanvirða gagnvart þeim sem hafa farið hallloka í núverandi kerfi, að nýta sér þjáningar þeirra til að skapa svona múgæsingu gagnvart alls ótengdum hlut og beina væntingum fólks inn í fals valdabröltsins.  

Þetta er ámælisverðast í málflutningi Dögunarfólks, mun alvarlegri en samstarfið við þau öfl sem ógna þjóðinni.  Því þetta er eiginlega það lægsta af því lægsta.  Göbbel á ekki að vera fyrirmynd andófsmanna sem þykjast berjast fyrir bættum heimi.

 

Ekkert af þessum vinnubrögðum tengjast bættu lýðræði eða lýðræði yfir höfuð.

 

Síðan má ræða félagsskap Dögunar.

Fyrir hvað standa Þorvaldur Gylfason, Illugi Jökulsson, Guðmundur Andri Thorsson, Eiríkur Bergmann, Hallgrímur Helgason eða Jónas Kristjánsson???

Stuðning við Alþjóðagjaldeyrissjóðinn og ICEsave fjárkúgun breta.

Fyrir hvað stóð Attac og stendur???  

Andstöðu við AGS og ofbeldi fjármagnsins.

Þetta er eitthvað sem er ósamræmanlegt en Dögunarliðar þykjast ekki sjá það.  Þeir átta sig ekki á hvað félagsskapurinn segir um þá og trúverðugleik þeirra.  

Er líklegt að slíkur trúverðugleiki dugi til að afla flokknum fjöldafylgi fólks sem berst við þessi ógnaröfl??  Svarið er Nei, og í því Nei-i er mikill skaði fólginn fyrir andófið og er aðeins ávinningur fjármálaaflanna.  Hverju skilar það baráttunni fyrir betri heimi???

 

Loks er það brandarinn, brandarinn eini.

 

"Samtímis þarf að gera grundvallarbreytingar á lánamálum landsmanna. Afnema verður verðtrygginguna og leiðrétta lán þeirra sem veðjuðu ekki á kreppuna. Útrýma verður fátækt hvað sem það kostar og skapa börnum örugg upvaxtarskilyrði".

 

Hver er það sem ógnar almenningi á Íslandi í dag??  Neitar að leiðrétta lán fólks, ýtir undir misskiptingu og fátækt.  Hefur endurreist hið gamla kerfi auðróna.

Svarið er ríkisstjórn Jóhönnu Sigurðardóttir sem þjónar fjármálaöflunum dyggilega.

Með hverjum starfar Dögun í stjórnarskráarmálinu???  Hver mótaði vinnubrögð sundrungar og ósamlyndis í þessu annars ágæta máli???  

Svarið er ríkisstjórn Jóhönnu Sigurðardóttir.

Þingmenn hvaða flokks verja þessa sömu ríkisstjórn falli þegar hennar eigin þingmenn gátu ekki lengur unað samstarfinu við AGS???  

Svarið er þingmenn Dögunar.

 

Enginn er svo vitlaus, enginn þjáist af þvílíku vanviti að sjá ekki þetta samhengi, að þeir sem þykjast vera á móti, að þeir í raun styðja óhæfuna.

Enda mælist Dögun aðeins með um 3% fylgi, og það er líklegast allt komið frá kjarnafylgi gamla Frjálslyndisflokksins.  

Til hvers er þá leikurinn gerður, hvað býr undir???

 

Hvað fjármálaöflin varða þá skiptir það þau miklu máli að andófið nái ekki að mynda sterkt afl sem hindrar yfirtöku vogunarsjóðanna á efnahagslífi landsmanna.  

Dögun fellur eins og flís við rass við þau áform.  

Það er Dögunarmanna að játa þau tengsl eða gera sér upp hið vanvit sem aldrei hefur verið skilgreint áður í 5.000 ára sögu mannsins.  

Þeirra er valið.  

 

En aumt er það val.

Kveðja að austan.