Af hverju er Hanna Birna að gera grín að Guðmundi Steingrímssyni??.

 

Mega bara konur boða Bjarta Framtíð án þess að segja neitt??

Kveðja að austan.

Fólk öðlist trú á framtíðina

Já, hann Björn Valur.

 

Um hann má margt segja, og eflaust eitthvað gott.  

Þekki það ekki.

 

En vík varð milli Björn Vals og mennskunnar þegar hann stóð fyrir aðför að sjúkrahúsum landsbyggðarinnar. 

Þá vakti hann upp spurningu í huga mér sem ég orðaði í pistli sem hét, Hvað er gert við óða hunda???, og var það af gefnu tilefni.  Samt var ég ekki að hugsa neitt illa um óða hunda, þeir hafa ekkert gert mér.

En Björn Valur að boði Alþjóðagjaldeyrissjóðsins réðst á sjúkrahúsið okkar, og önnur sjúkrahús sem þjóna hinum dreifðum byggðum.  Með kjafthætti og ósannindum, sjálfum sér og flokki sínum til skammar.

En hér er pistillinn lítt breyttur, aðeins slípaður til, og þó ekki.

 

 

Lesið vandlega þau orð sem höfð eru eftir Birni Vali.

Þar er maður sem hefur kjark til að viðurkenna að ríkisstjórnin  sé brjáluð.  Og röksemdirnar eru af ætt geðvillinga, það er verið að byggja upp til framtíðar.

Sömu rök heyrðust fyrir nokkrum árum síðan í friðsælu landi af hópi fólks sem kenndi sig líka við vinstri.  Þar átti að byggja upp til framtíðar.  En fyrst var fólk rekið úr borgum og bæjum og það látið lifa við steinaldaraðstæður svo hægt væri að byggja upp, ekki á því sem það hafði, heldur rústum þess.

Aðeins geðvilltir menn, óðir menn haga sér  þannig.  Að þeir telji sig hafa rétt til að rústa, og kalla það síðan uppbyggingu.

Hvaða rétt hefur Björn Valur til að rústa áratugalangri uppbyggingu mannlífs á landsbyggðinni???

 

Hvað siðferðislegan rétt hefur maðurinn að vísa í AGS og Samtök atvinnulífsins þegar hann var kosinn út á andstöðu við gjörða og verka AGS og Hrunstefnu Samtaka atvinnulífsins.  Glæpur hans er ennþá stærri, því hann stal andstöðunni gegn þessu illþýðum niðurskurðar og eyðileggingar heilbrigðs mannlífs í þágu auðróna og auðræningja.

Hinir hafa aldrei borið á móti því að vilja illt, menn eins og Björn Valur þóttust vera annað.

 

Og heimska á bak við röksemdarfærsluna er algjör.  Ef menn eins og hann hefði leitt gyðingasamfélög Mið Evrópu í aðdraganda seinna stríðs, þá hefðu nasistar ekki þurft á öllum þessum mannafla að halda við gjöreyðingu gyðingasamfélaga, það hefði nægt að senda beiðni þar um og menn eins og Björn Valur hefði strax hafist handa við útrýma samfélögum sínum.

Rökin kristaltær, óvinurinn, sá sem vill okkur illt, hann bað um það.

 

Og fyrir þá sem horfa á óða hunda með þeirri hugsun, að líklegast verðum við að skera þetta niður, sérstaklega vegna þess að það er skorið niður hjá hinum,  og þess vegna sé þetta ekki æði  heldur grimmileg nauðsyn að eyða og eyðileggja, vil ég segja þetta.

Er ekki til heil brú af skynsemi í hugsun ykkar???

Hvaða hagfræðileg rök eða fjárhagslegur sparnaður réttlætir þetta brjálæði????

 

Í fjárlagafrumvarpinu eru skuldir ríkissjóðs sagðar vera rúmlega þrettánhundruð milljarðar.  Áætlaður sparnaður er 4,6 milljarðar, segjum að hann gangi allur eftir, hvað máli skiptir það fyrir ríkissjóð hvort skuld hans við Seðlabanka Íslands, skuld í innlendum gjaldmiðli, sé þessi upphæð til eða frá???  Eru 4,6 milljarðar meira virði en líf og limir samborgara okkar????

Þessir þrettán hundruð milljarðar eru að stofni til komnir vegna gjörða og afleiðinga af gjörðum fjármálakerfisins, þess kerfis sem núna stundar Útburð af miklum krafti.  Þetta sama fjármálakerfi vill að þjóðin, að almannasjóður borgi þessa skuld.

En almannasjóður er ekkert annað en fólkið sem vinnur fyrir hann.  Og þær tekjur sem duga til að borga lán í erlendum gjaldeyri koma frá landsbyggðinni.  Þessari sömu byggð sem ómennin ætla að rústa með þjónkun sinni við Alþjóðagjaldeyrissjóðsins.  

Hversu líklegt er að fólk á landsbyggðinni haldi áfram að vinna fyrir almannasjóð við gjaldeyrisöflun sína, ef menn njóta ekki grunnþjónustu samfélagsins eins og spítalaþjónustu????

Halda menn að það sé endalaust hægt að níðast á fólki án þess að það snúist til varnar, annað hvort með því hreinlega að yfirgefa byggðir sínar og reyna að lifa á innflutningi eins og restin af þjóðinni eða þá menn segja sig úr lögum við fólk sem lætur óða hunda stjórna sér.  Halda menn að það séu bara Baskar sem geta bara lýst yfir sjálfstæði????

 

Það er ekkert lögmál guðs að menn láti afætur rústa samfélögum sínum.  

Byltingar hafa sprottið af minna tilefni.

 

Hvernig sem á þetta er litið, þá hefur enginn hag á að lúta stjórn geðvillinga sem telja sig umkomna að brjóta niður til að byggja upp, eða stjórn auðæringja sem hugsa það eitt að blóðmjólka þau samfélög sem þeir ná tangarhaldi á.

Þess vegna verður skynsamt fólk að grípa inní.

Það fyrsta sem það getur gert er að svara þessari spurningu sem kastað er fram hér í fyrirsögn þessa pistils, "Hvað er gert við óða hunda?".

Svarið er mjög einfalt, þeir eru lokaðir inná viðeigandi stofnunum.

 

Og sú stofnun er ekki niður við Austurvöll.

 

Sem betur fer er Austurvöllur að hreinsast af þessu fólki.

Vonandi þurrkast VinstriGrænir út.

 

Annað er smán fyrir þessa þjóð.

Smán fyrir hugsjónafólk sem vill velferð og jöfnuð.

Smán fyrir félagshyggju og vinstrifólk.

 

Og blettur á vinstrihreyfingum heimsins.

Kveðja að austan.

 

 

 

 

Björn Valur kjörinn varaformaður

Stalínsk kosning á rústum hugsjóna.

 

Og Katrín Jakobsdóttir mun fáu breyta.

Ógnaröflin sem við er að eiga ráða stjórnmálastéttinni, ráða fjölmiðlum, stýra þjóðmálaumræðunni.

 

Ég var að skoða í morgun gamla pistla af öðru tilefni, var að spá í verðtrygginguna, og rakst þá á þessa hugleiðingu um hvernig allt þróaðist á verri veginn eftir Hrun.  Ekki bara hjá VG, hjá öllum flokkum, það er eins og þjóðin hafi sogast út í hringiðu sem hún nær sér ekki út.  

Samt vill fólk vel, eina mínútu efa ég það ekki.  

Atburðarrásin tók af okkur völdin, það má líkja henni við ferð í skriðu, eitt skref tekið uppá við, endar alltaf í þremur aftur á bak.  

En hér er lungað úr pistlinum, hann hét Hvenær yfirgaf vitið okkur og er hádramatískur.

 

Íslenska þjóðin er á barmi upplausnar.  

Hún varð fyrir erfiðu áfalli haustið 2008, en það skýrir ekki upplausnarástandið, Hrunið var vissulega það sem hleypti atburðarrásinni af stað, en upplausnin er í okkar boði.

Boði okkar allra, því það eru við sem þjóð sem höfum brugðist að bregðast við ástandinu.  

 

Það er eins og vitið hafi yfirgefið okkur.

 

Grunnmistökin voru að leita til Alþjóðagjaldeyrissjóðsins og veita honum sjálfdæmi í stjórnun efnahagslífsins.  Þar með leyfði þjóðin yfirstéttinni, sem kom okkur að fyrra bragði i þessa erfiðleika, að gera vont ástand verra.  Rök yfirstéttarinnar voru skiljanleg, þetta var hennar tilraun til að vernda sitt fyrir afleiðingum Hrunsins.  Alþjóðagjaldeyrissjóðurinn er jú sérhæfður í að koma afleiðingum efnahagskreppa yfir á almenning.

En af hverju lét þjóðin blekkjast???  Dugði virkilega að Hrunverjar beittu fyrir sig sömu aðilum innan háskólanna, og innan fjölmiðlanna sem þeir höfðu í vinnu við að dásama útrásina, til að telja fólki trú um að óráð AGS væru ráð?? 

Samt blekkti Alþjóðagjaldeyrissjóðurinn engan, í aðgerðaráætlun sjóðsins var strax gert ráð fyrir um 60% skuldahlutfalli ríkissjóðs og að um það bil allar nettógjaldeyristekjur þjóðarinnar færu í afborganir erlendra lána.  Hann laug því aldrei til að gengið myndi styrkjast eins og til dæmis foringjar atvinnulífsins, þeir Gylfi forseti og Vill Egils, hann benti strax á það augljósa orsakasamhengi að miklum skuldum fylgdi lágt gengi því það væri enginn peningur eftir fyrir innflutning á neysluvörum.  Og í viðtali við Boga Ágústsson sagði fulltrúi sjóðsins að vissulega væri heildarskuldastaða þjóðarinnar slæm, en það kæmu eignir á móti. 

Menn tala ekki um eignir á móti, nema þeir ætli að láta þær ganga upp í skuldir, og eignirnar eru til dæmis erlendar eignir lífeyrissjóða, almannaveitur og fleira sem hægt er að selja einkaaðilum.  

Allt þekkt stefna Alþjóðagjaldeyrissjóðsins og afleiðingarnar eru líka  þekktar.  Sú þjóð sem fékk síðast að kynnast þessari skuldsetningu, Argentína,  var næstum komin í samfélagslegt þrot, áður en hún vísaði Alþjóðagjaldeyrissjóðnum úr landi og tók mál sín í eigin hendur.  Þar hefur allt blómstrað síðan en Íslendingum var talin í trú um, þvert á skjalfestar staðreyndir, að þar hefði allt farið á verri veginn þegar sjóðnum var gert að hypja sig.  

 

Núna þegar þjóðin horfir framan í afleiðingarnar af stefnu sjóðsins, og samsvörunin við samfélagshrun Argentínu er augljós, þá er yppt öxlum, og annað hvort sagt að við sáum ekki þetta fyrir, eða þetta er vegna þess að það tókst ekki að skuldsetja þjóðina í ICEsavedeilunni, ennþá.

Þeir sem afneituðu staðreyndum upphaflega, eru líka að afneita þeim í dag, og það hvarflar ekki að þeim að skipta um kúrs.  Og þeir sitja ennþá í valdastól.

 

Núna þegar þjóðin er á barmi upplausnar þá fengu stjórnvöld aðvörun, þúsundir mættu sjálfskipað fyrir utan Alþingi og mótmæltu ástandinu.  Þúsundir hafa líka mótmælt aðgerðaráætlun Alþjóðagjaldeyrissjóðsins  út um allt land.

Hver eru viðbrögð yfirstéttarinnar við þessum mótmælum???

Hluti ríkisstjórnarinnar, að því að virtist með stuðningi Jóhönnu Sigurðardóttir en gegn vilja Steingríms Joð Sigfússonar, vildi leita sátta við almenning og í gang fóru viðræður við Hagsmunasamtök heimilanna.  Og þær snúast bara um eitt, skuldaleiðréttingu heimilanna, um þær leiðir sem færar eru.

Strax var óvægin áróðursherferð sett á stað gegn þessum viðræðum, þeim var ekki einu sinni gefið tækifæri til að þróast og sjá hvað kæmi út úr þeim.  Fremstur i flokki fór gjammari Steingríms og Ruv lét nota sig í skítverkin eins og venjulega.  Síðan var náð í einhverja gáfumenn sem upp hófu sönginn um galna menn og galnar hugmyndir.  Mestu vonbrigði mín í morgun var að lesa viðtalið í Morgunblaðinu við skynsemisveru, Arnar Sigmundsson, sem kvað almennar skuldaleiðréttingar ganga gegn hagsmunum lífeyrissjóða.

Arnar er ekki fífl eins og mennirnir sem Ruv talaði við  og því eru það vonbrigði að hann skuli taka þátt í skollaleiknum.  Honum er fullkomlega ljóst að eignir lífeyrissjóða eru ekki í gulli, þær eru pappírar sem eru einskis virði ef greiðsluvilji almennings hverfur.  Allar tillögur til að viðhalda þeim greiðsluvilja eru því lífeyrissjóðum í hag.  Hafi hann betri tillögur, þá á hann að koma með þær.  En að leggja til óbreytt ástand þegar 70.000 heimili stefna í þrot, það er ekki skynsamlegt.

Og það er ekki hagur lífeyrisþega að hér verði landauðn ef skuldaþrælarnir gefast upp og yfirgefa landið.  Þeir þurfa hjúkrun, þeir þurfa umönnun.  Og það er lífandi fólk sem veitir slíkt, ekki pappírar.

Eins mætti hann hugsa um hvað kemur út úr næstu hrinu mótmæla, falla þá stjórnvöld og poppulistar taka við.  Menn sem myndu valda lífeykissjóðunum óafturkræfu tjóni???

Nei, vitsmunaveran Arnar Sigmundsson hefði undir öllum eðlilegum kringumstæðum haldið öðruvísi á málum.  Vissulega þarf að verja hagsmuni lífeyrissjóða, það er sem slíkt ekki lausn að láta þá taka við lánavandanum af skuldurum, málið er flóknara en það.  En menn nota vit sitt til að finna sameiginlega fleti sem taka á vandanum og öllum aðilum málsins hugnast.

Til þess eru jú vitibornir menn.  En???

 

Annað dæmi um ógöngur umræðunnar er pistill Brynjars Níelssonar lögmanns í Pressunni og Morgunblaðið sá ástæðu til að birta á Mbl.is.  Brynjar bendir á að það gilda gjaldþrota lög í landinu og að skuldugt fólk, sem ræður ekki við skuldir sínar, það eigi að fara í gegnum það ferli sem lögin geri ráð fyrir.  Ekki væla um almenna skuldaleiðréttingu, því það sé brot á eignarrétti annarra.

Með öðrum orðum þá treystir hann lögfræðingum landsins til að gera rúmlega helming kjósenda þess gjaldþrota, eða setja þá í nauðungarsamningsferli, án þess að þessir rúmlega helmingur kjósenda noti lýðræðislegan rétt sinn til að verja sig.

Menn sem tala svona í núverandi ástandi eru ekki einu sinni vitfirrtir, allt samband við vitið er hreinlega horfið.

Og það sama má segja um ástandið í hnotskurn.

 

Þegar að kemur að því fólki sem núna er í stjórnarandstöðu, þá tekur lítið skárra við.  Vissulega fékk formaður Framsóknarflokksins ágæta hagfræðinga til liðs við flokkinn að móta skynsamar efnahagstillögur, en það er eins og flokksmenn sjálfir skilji þær ekki.  Annars myndu þeir ekki koma nálægt tillögum um frekari stóriðjuuppbyggingu sem er haldreipi Sjálfstæðisflokksins.

Menn ætla að endurreisa landið með því að virkja orku sem er ekki til staðar í allar þær hugmyndir sem eru í gangi, með því að skuldsetja hálfgjaldþrota orkufyrirtæki í gjaldþrot, og hafa almannasjóði og almannaveitur undir.  

Er hægt að komast lengra í heimskunni????

Að læra ekki neitt af Hruninu og eitruðum afleiðingum þess að geta ekki greit skuldir sínar til baka.

 

Andstaðan mótaði sér farveg innan Borgarahreyfingarinnar, en margklofnaði síðan.  Hagur þjóðarinnar var ekki meiri en að fólk tók persónulegan metnað og persónulegar krítur fram yfir þá vá sem blasti við almenningi.

Og Andstaðan var algjörlega taktlaus.  

Hún vildi mæta árás AGS á lífskjör almennings, þar sem ICEsave kröfur breta voru múrbrjóturinn til að eyðileggja varnir þjóðarinnar, með því að boða til stjórnlagaþings, eins og réttlausir skuldaþrælar hefðu eitthvað við nýja stjórnarskrá að gera.  

Og henni bar ekki gæfu til að afla hugmyndum sínum um skuldaleiðréttingu fylgis.  

Hreyfing sem er með þetta 10-15% fylgi getur margt ef hún er heiðarleg og einörð í málfltuningi, en hún kemur engu í gegn á eigin spýtur.

Og beinar árásir á fjórflokkinn voru beinar árásir á 40% þjóðarinnar.  Allt tal um uppgjör með sakamálarannsókn voru síðan ávísun að þeir sem tilheyrðu hinu gamla kerfi, að þeir áttu allt sitt undir að kæfa allt sem frá þessu fólki kom, sérstaklega góðu tillögurnar, því þær voru ávísun á völd sem aftur yrðu notuð til að ákæra.

Þegar  þjóðarvá blasir við og jafnvel útrýming samfélagsins (minni á orð Evu Joly), þá hafa menn ekki efni á sundrungu og taktleysi.  

Ekki ef menn ætla sér að bæta og breyta.  

Það er eins og vitið hafi verið skilið eftir þegar lagt var af stað.

 

Vitið hvarf einhvers staðar í aðdraganda Hrunsins, eða eftir Hrunið.  Afleiðingarnar af vitleysunni blasa við öllum.  Þjóðin er á barmi upplausnar.

Þeir sem núna stjórna, halda að þeir geti gert það í andstöðu við meginþorra þjóðarinnar.  Þeir sem vilja taka við, þeir halda að þeir geti keyrt á stefnu sem sundrar og þar með í andstöðu við hina. 

Enginn virðist gera sér grein fyrir því að það hefur engin fylking afl til að kúga fram sína stefnu, og þeir sem leiða hinar mismunandi fylkingar hafa ekki vit og þroska til að rúfa víthring deilna og vitleysu.

Og þjóðin lætur endalaust menn sem kalla spilling, spilling spila með sig og kallar jafnvel á þá til forystu í utanþingsstjórn.  Menn eins og Þorvald Gylfason prófessor sem hefur það eina markmið í lífinu að leggja á þjóð sína skulahlekki ICEsave og AGS.  Og allflestir álitsgjafar fjölmiðlanna spila sömu plötu.

Og þjóðinni virðist vel líka því hún hlustar á þessa menn, hún treystir til dæmis Ruv.  En henni virðist ekki líka það ástand sem fylgir skuldaþrældómnum.  

 

Það rekur sig sem sagt hvert á annað horn.   Samhengi hlutanna virðist vera okkur víðsfjarri.  Þeir sem mótmæla til dæmis niðurskurði heilbrigðisþjónustu, þeir studdu sína menn í ICEsave deilunni, og þeir telja AGS máttarstólpa endurreisnarinnar.

En þeir mótmæla afleiðingunum að allar tekjur ríkisins fara í skuldir.  

Samhengið, ó nei.

Vitið er víðs fjarri.

 

En það grátlegast við þetta er að við eigum öll börn.  Við eigum líf sem við viljum koma til þroska. 

Er líf skuldaþrælsins það líf sem við viljum handa börnum okkar???  Að þau alist upp í þjóðfélagi sundrungar og deilna???'

Ef svarið er Nei, þá er tími til kominn að fara út og leita.

Vitið hlýtur að vera þarna einhvers staðar.  

Kveðja að austan.

Katrín fékk 98% í formannskjöri

Það sem ekki verður sagt á landsfundi VG

 

Ekki vegna þess að það þyrfti ekki að segja það, heldur vegna þess að það er enginn flokksmaður eftir til að segja það.

Og því ætla ég að birta það orðrétt hér á þessu bloggi.

 

"Átta  tesur" eftir Véstein Valgarðsson.  Áður fluttar á flokksráðsfundi Vinstrihreyfingarinnar -- grænsframboðs á Hvolsvelli 28.-29. ágúst 2009.

 

Ríkisstjórnarseta skiptir miklu, en til eru mál sem veg of þungt til að eftirgjöf sé ásættanleg.

1. Sá sem vill ekki ganga í Evrópusambandið sækir hvorki um aðild að því né kýs flokk sem gerir það.

2. Sá sem vill stöðva stóriðjustefnu lætur hvorki álversframkvæmdir í Helguvík halda áfram óáreittar né kýs flokk sem gerir það.

3. Sá sem lætur sér annt um jafnrétti kynjanna sker ekki niður kvennastörf á sama tíma og hann skapar karlastörf.

 4. Sá sem trúir hægrimönnum trúir að kreppan stafi af siðferðisbresti, klaufaskap eða kynhormónum, en sósíalisti veit að kreppa er innbyggð í auðvaldsskipulagið og er hvort háð öðru. Leiðin út úr kreppunni liggur út úr auðvaldsskipulaginu.

5. Sá sem heldur með fjármálaauðvaldinu lætur skattborgara greiða spilaskuldir þess og einkavæðir bankana aftur, en sá sem vill sjá hag almennings borgið hlífir heimilunum við óréttlátri eignaupptöku.

6. Sá sem hlítir ráðum Alþjóðagjaldeyrissjóðsins byggir ekki upp neitt „norrænt velferðar“-neitt-neitt, heldur sker niður í opinberri þjónustu.

7. Sá sem sættir sig ekki við þjóðfélagsástandið byrjar á að kjósa umbótaflokk, en dugi það ekki stendur valið milli landflótta og byltingar.

8. Sá sem er í vinstristjórn framfylgir vinstristefnu, en stjórn sem framfylgir hægristefnu er ekki vinstristjórn. Hugsjónir eru ekki skiptimynt fyrir ráðherrastóla og hótanir um stjórnarslit koma ekki í stað endurgjalds fyrir eðlilegar málamiðlanir.

Höfundur var rekinn eftir flutning.

 

Kveðja að austan.

 

VG mikilvægasti flokkurinn

Lítið dæmi um afhverju ríkislögreglustjóri.

 

Brást embættisskyldum sínum.

Þegar hann gerði ekki áhlaup á Efstaleit og handtók stjórnendur Ruv eftir að þessi frétt var send út þann 19.02.2010.

 

Breskur ágreiningur um Icesave.

Mikill ágreiningur var innan breska fjármálaráðuneytisins um hvort lána ætti Íslandi þrjá milljarða punda í október 2008 til að hægt væri að endurgreiða eigendum Icesave-reikninga innistæður sínar. Lundúnablaðið Times hefur fengið að sjá bréf sem gengu milli Darlings, fjármálaráðherra, og MacPhersons, ráðuneytisstjóra, vegna málsins. Þar kemur fram að ráðuneytisstjórinn og Englandsbanki lögðust gegn láninu. Engin vissa væri fyrir því að það fengist endurgreitt og það fæli í sér að breska stjórnin gengist í nánast ótakmarkaða ábyrgð á innistæðum í öðrum erlendum bönkum í Bretlandi. Darling hafði mótmælin að engu og fyrirskipaði að lánið skyldi veitt.

 

Fullyrt er að hin breska fjárkúgun sé lán.

Þó eru skýr lög um hvernig lán eru tilkomin, það þarf að biðja um þau, semja og undirrita pappíra þar um.  

Ekkert slíkt var til staðar þegar þessi frétt var flutt af fréttaritara Ruv í London, aðeins lá fyrir einhliða krafa breta um að íslensk stjórnvöld greiddu sannarlega tryggingu Landsbankans vegna ICEsave hjá breska tryggingasjóðnum, FSCS.

Og þar með gekk fréttarritari Ruv og ríkisútvarpið erinda breskra stjórnvalda.  

 

Íslendingar trúa engu á íslensku, það er líklegast skýring þess að ICEsave landráðin hafa ekki þegar leitt til réttarhalda og fangelsisdóma, samkvæmt skýrum ákvæðum laga.

En þeir trúa mjög á enska texta, og menn sem mæla enska tungu.

Um þetta athæfi Ruv segir í Wikipedium í grein sem fjallar um High Treason sem er breska útgáfan á ákvæðum hegningarlaga nr. 86 og 87, sem eru á íslensku, og enginn les.  Ekki einu sinni ríkislögreglustjóri.

High treason is criminal disloyalty to one's government. Participating in a war against one's native country, attempting to overthrow its government, spying on its military, its diplomats, or its secret services for a hostile and foreign power, or attempting to kill its head of state are perhaps the best known examples of high treason. High treason requires that the alleged traitor have obligations of loyalty in the state he or she betrayed, such as citizenship, although presence in the state at the time is sufficient.  High treason is considered a very serious crime. 

 

Ég ætla ekki að þýða textann, aðeins feitletra það sem beint á við.  

Vegna þess að íslenska er ekki mál embættismanna, þeir skilja ekki íslenska lagatexta.

 

Og kannski slapp Ruv vegna þess að fréttin var á íslensku.

Kveðja að austan.

 

Drög að aftöku þjóðar undir merkjum háðs.

 

Sjálfstæðisflokkurinn samdi við Alþjóðagjaldeyrissjóðinn um gjaldþrot íslensku þjóðarinnar.  

Áætluð greiðslubyrði var þannig að þjóðin reis ekki undir því.

Heimild, viðskiptablað Morgunblaðsins.

 

Eftir að  forystu flokksins mistókst að fá samþykkta tillögu um aðild að Evrópusambandinu, ákvað fjármagnið  að skipta flokknum út, og amtörar fengnir í staðinn inní ríkisstjórnina.

Þeim mistókst að gera þjóðina gjaldþrota.

 

Í dag hófst landsfundur Sjálfstæðisflokksins þar sem frjálshyggjuarmur hans leggur beint til aftöku þjóðarinnar.

Efnahagsáætlunin sem forysta flokksins leggur til, er þrautreynd hjá Evrópusambandinu, 30% samdráttur, yfir 50% atvinnuleysi hjá ungu fólki, 20-30% atvinnuleysi almennt, launalækkanir, örbirgð.  

Stefna sem heitir að ná jafnvægi í ríkisfjármálum með niðurskurði.  

Í henni er reyndar viss miskunnsemi fólgin, amatörarnir sem núna stýra þjóðinni, hafa verið sakaðir um að taka heilbrigðiskerfið af lífi á hægan og kvalafullan hátt, Sjálfstæðisflokkurinn ætlar bara að taka það af lífi, strax, án kvala, án þess að um hægfara dauðastríð verði að ræða.

Fá plúss fyrir að þykjast ekki vera annað en þeir ætla vera.

 

"Gjöreyðing efnahagslífsins" blasir við ef ekki er tekist á við vogunarsjóðina sagði Tryggvi Þór Herbertsson, þingmaður flokksins í alvöru grein, ekki froðusnakki, og uppskar pólitíska aftöku.  Vogunarsjóðirnir kunnu ekki að meta sannsögli hans.

Forysta Sjálfstæðisflokksins segir að snjóhengjan sé ekkert vandamál, vogunarsjóðirnir séu ekki svo vondir, og svo ég vitni í gúrú flokksins, þá eykur það hagvöxt á heimsvísu að fjármagn sé flutt úr íslenska hagkerfinu og fjárfest fyrir það í hinu alþjóðlega hagkerfi, þrælabúðum Kína eða Víetnam.  

Hannes sagði þetta reyndar þegar sægreifarnir sugu fé úr sjávarútveginum og skildu skuldir sínar eftir, en rökvísi hans á líka um það athæfi vogunarsjóða að ryksuga upp hagkerfi, það fé sem þeir sjúga til sín, kemur fram sem fjárfesting fyrr eða síðar á öðrum stöðum þar sem blóðarðs er von.

Svo hefði efnahagsstefna Evrópusambandsins sett landið hvort sem er á hausinn, svo ég vitna aðeins í Bjarna formann, í viðtali við Sigurjón Egilsson, "vandinn er ekki eins alvarlegur og af er látið".

Og það er stefna flokksins gagnvart vogunarsjóðunum, stefna sem framkallaði þessi alvarlegu orð Tryggva.

 

En hæðnin nær áður óþekktum hæðum, slær við  húmornum í Sovétinu þegar auðn sveita Úkraínu var kölluð framþróun,  þegar flokkurinn setur Heimilin í brennidepli.

Verðtryggingin er að sliga heimili landsins, og Sjálfstæðisflokkurinn kann ráð við því.  

Beita skattakerfinu og auðvelda fólki að taka út lífeyrissparnað sinn svo það geti greitt hinar stökkbreyttar skuldir.

 

Stalín rændi bændur og seldi afurðir þeirra á erlendum mörkuðum, því honum vantaði skotasilfur til að fjármagna fyrstu 5 ára áætlun sína um uppbyggingu stóriðnaðar.   Og kallaði það rán, og þau hungurmorð sem því fylgdu, framþróun, uppbyggingu, en samt, iðnaðurinn var í brennidepli, hann fékk peningana, sveitirnar voru bara í framþróun minnkandi framleiðslu og óáran. 

Sjálfstæðisflokkurinn afhendir vogunarsjóðum heimi landsins sem beitarlönd verðtryggingarinnar, og til að það sé öruggt að þeir fái sitt, þá er ríkissjóður fenginn til að létta heimilum landsins að standa í skilum með það sem sjálfstæðismenn kalla, "skuldir" fólks, en er klár þjófnaður rangra verðbólguútreikninga.

Og ef ske kynni að það ætti einhvern aur inná reikning, sem vogunarsjóðirnir gætu ekki náð í við gjaldþrot fólks, þá er fólki gert kleyft að framlengja dauðastríð sitt með því að tæma þessa reikninga og afhenda vogunarsjóðunum það sem inná þeim er.

 

Og hæðnin er algjör, auðnin og dauðinn er í þágu heimilanna.  Þau er í brennidepli, ekki sá sem hirðir aurinn eins og var hjá Stalín.

Svona er framþróun áróðursins, eitt skrímslið lærir af öðru.

 

Og forysta Sjálfstæðisflokksins getur sagt með sanni, að á eftir stóð EKKI hnípin þjóð í vanda.

Það stóð engin þjóð eftir.

Hún var tekin af lífi í útrýmingarbúðum fjármagnsins.

 

Þannig endaði arfleið Bjarna Benediktssonar og Ólafs Thors.

Endaði í skrímsli sem eirði ekki þjóð sinni.

 

Eða hvað??

Er ennþá fólk í Sjálfstæðisflokknum.

Fólk sem er sjálfstætt, sem er heilt, sem er ærlegt, og sem er mennskt.

Fólk sem hefur alið af sér líf, og vill að það lífi eigi rétt til lífs.

 

Sem frjáls maður, sem sjálfstæður maður.

Sem Íslendingur, búandi í landi feðra sinna.

Í landi sem er frjálst og sjálfstætt.

 

Úr því verður skorið á landsfundi Sjálfstæðisflokksins núna um helgina.

Svo ég geri orð Leifs Muller af einkunnarorðum þessa mikilvæga landsfunds.

 

"Býr Íslendingur hér".

Ég held það, en ég get haft rangt fyrir mér.

Kveðja að austan.

 

 

 

 

Heimilin í brennidepli

Hver er Baltasar Garzon??

 

Fyrir utan að vera maðurinn sem bar ábyrgð á að Pinochet mætti ekki í afmælið hjá Hannes Hólmsteini.

Jú, hann er maðurinn sem tilkynnti heimsbyggðinni að valdsmenn væru ekki hafnir yfir lög.  Að glæpir þeirra og ódæði fyrndust ekki.

Heimsbyggðin hváði, hvað var spænskur saksóknari að krefja  breskt dómsvald að framselja mann sem framdi glæpi sína í heima fyrir??  En fall Pinochets fólst í þeirri staðreynd að hann lét drepa spænska ríkisborgara, og þar með hafði spænski saksóknarinn lögsögu yfir honum.  Og í milli Spánar og Bretlands var samningur um gagnkvæmt framsal á glæpamönnum.

Og lögin giltu, sama hvað bresk stjórnvöld reyndu að humma málið af sér, sama hvað þarlendir frjálshyggjumenn hneyksluðust á að fyrrum bandamaður þeirra væri látinn sæta slíkri meðferð.

 

Baltasar Garzon sýndi heimsbyggðinni að lög giltu, ekki geðþótti stjórnmálamanna.

 

Baltasar Garzon er þörf áminning þeirra stjórnmálamanna sem heykjast á því að kalla saman Landsdóm og láta rétta í landráðum þeirra Jóhönnu Sigurðardóttur og Steingríms J. Sigfússonar.  

Lagatextinn er það skýr að það þarf ekki að skeyta orðinu "meint" fyrir framan orðið landráð.  

Með hótunum og þvingunum reyndu þau að knýja fram samning um ICEsave, sem var bein fjárkúgun samkvæmt laganna hljóðan, í þágu erlends valds, og í þeim samningi voru ákvæði sem sviptu landsstjórnina sjálfræði yfir fjármálum ríkisins, og ef forsendur samningsins þróuðust á verri veginn, þá batt samningurinn endi á sjálfstæði þjóðarinnar.

Alvarlegri geta landráðin ekki verið.

 

Glæpir Pinochet gagnvart chilönsku þjóðinni gátu heldur ekki verið alvarlegri, en hann nýtti sér hervald til að komast hjá lögsókn.

ICEsave fjárkúgararnir nýta sér ógnvald fjármagnsins yfir fjölmiðlum og framkvæmdarvaldinu til að sleppa við lögsókn.  

Það þorir enginn málsmetandi maður að rísa upp og segja satt.

 

En alveg eins og Margrét Thatcher gat ekki þaggað niður framsalsbeiðni Baltasar Garzonar, getur ógnarvaldið sem heldur þjóðinni í heljargreipum, ekki þaggað niður réttarríkið.

Þó ríkislögreglustjóri bregðist skyldu sinni við að hindra hryðjuverkaárás breta á landið með því að handtaka ekki útvarpsstjóra og helstu stuðningsmenn breta innan stofnunarinnar, og ríkissaksóknari bregðist skyldu sinni með því að ákæra ekki helstu áróðursmeistara breta fyrir hlutdeild í fjárkúgun, og tilraun til að blekkja fólk til að skrifa undir fjárskuldbindingar sem því ekki bar, þá eru þeir aðeins að skipa sér á sakabekk þegar þar að kemur.

Vegna þess að það þarf aðeins eina kæru, með réttri tilvísun í skýra lagatexta.

Jafnvel í Rússlandi eru embættismenn ákærðir fyrir að bregðast skyldu sinni vegna þrýstings frá stjórnmálamönnum eða mútugreiðslna.  Því jafnvel í spilltustu ríkjum gilda lög.

 

Þegar kæran berst, loksins þegar einhver lögfræðingur þorir að stíga fram, þá verður réttarríki ekki stöðvað.

Dómsstólar taka efnislega afstöðu, lesa lög, alveg eins og þeir lásu lögin um verðtrygginguna sem bönnuðu önnur viðmið en lánskjaravísitöluna, alveg eins og þegar þeir lásu lög um framkvæmd kosninga og dæmdu þjóðaratkvæðið um stjórnlagaráð ógilda, alveg eins og þegar EFTA dómurinn las lögin um innlánstryggingu, og kvað úr um að ríki væru ekki í ábyrgð fyrir innlánstryggingasjóði sína.

Og þeir munu dæma.  

Sekur.  

Því lögin eru skýr.  Alveg eins og Baltasar Garzon hélt fram allan tímann.

 

Alþingi er að falla á tíma, svíkist það um að vernda stjórnarskrána, að vernda lýðræðið, þá uppsker það aðeins samsekt.

Ólafur Ragnar Grímsson er líka að falla á tíma.  Grípi hann ekki inní til varnar lýðræðinu og sjálfstæði landsins, þá verður hann ekki forsetinn sem bjargaði þjóðinni í ICEsave, heldur forsetinn sem sat, þegar hann átti að rísa upp.  Smánin mun fylgja nafni hans um ókomna tíð.  

Þó við séum heilþvegin af fjölmiðlum valdsins, af fjölmiðlum þjófanna, þá mun slíkur heilþvottur ekki ná inní framtíðina.  Blekkingarvefur lyganna mun rakna upp, og hinn nakti sannleikur, hinn dæmdu landráð mun móta dóm næstu ára.  

Þetta veit Ólafur, en ægivaldið er hrikalegt, keyptir stjórnmálamenn, keyptir fjölmiðlar, keyptir álitsgjafar, og hjarðhugsunin að elta valdsmenn fram af bjargbrúninni.

 

En eins og í ICEsave deilunni, þá er ekkert val.  

Sjálfstæður maður stendur gegn lögleysunni.  Sjálfstætt ríki stendur gegn fjárkúgun.  Sjálfstæði þjóð sækir landráða til saka.

Lög og réttur er hornsteinn lýðræðis.

 

Sá hornsteinn mun ekki molna.

En tíminn gerir æ fleiri seka.

Kveðja að austan. 

 

 

Vilja umræðu um vantraust í dag

Björt Framtíð grefur sér gröf.

 

Ef hún aðskilur sig ekki frá ríkisstjórninni.

Setur vegg á milli sín og ódæða hennar.

Vaxtaþjófnaðinn, níðingsskapinn gagnvart heimilum landsins, landsalan í ICEsave.

 

Vegna þess að undiraldan í þjóðfélaginu mun beina umræðunni á þessar brautir.

Endar ná ekki saman, fólk er reitt, fólk vill úrbætur, ekki orðavaðal. 

 

Fylgi Guðmundar hefur byggst á einni taktík, hann þegir.  Þannig afhjúpar hann ekki sinn stóra veikleika, hann hefur ekkert að segja, um eitt eða neitt, en góður er hann sem stýrir á þorrablótum og öðrum mannamótum.  Viðkunnanlegur, góðlega fyndinn.

Með því að þegja, og vera góði gæinn, áttu óvinsældir ríkisstjórnarinnar að útvega honum öruggt þingsæti, og hugsanlega þokkalegan þingflokk.

En þegar hann er orðinn lífæð ríkisstjórnarinnar, þá eru óvinsældir hennar, stimplaðar á ímynd Guðmundar.

 

Og hann neyðist til að tala um Bjarta framtíð, ný vinnubrögð, ESB.

Málið er að á meðan Guðmundur þagði, þá kaus Samfylkingin sér nýjan formann, og skipti um nafn.

Árni Páll, sem kann að tala, og gerir það vel, hann leggur áherslu á bjarta framtíð, ný vinnubrögð, og ESB.

Og hann var rekinn úr óvinsælustu ríkisstjórn sögunnar, hann er ekki lífæð hennar.

 

Árni á mikið undir að stjórnin lafi, að hinir dæmdu fjárkúgarar hamri á bergstálinu í iðrum jarðar svo þau nái að grafa sína gröf ennþá dýpri en áður hefur þekkst.

Eftir nokkrar vikur verður ríkisstjórnin aðeins kross á herðum Árna, sem hann með þjáningarsvip lætur krossfesta sig á.  Þannig verður synd Jóhönnu hreinsuð af hinum nýja flokki jafnaðarmanna.

Og enginn man eftir Guðmundi, nema hugsanlega eitthvað átthagafélag sem þarf að redda sér veislustjóra á síðustu stundu þegar löngu pantaður maður lenti í alvarlegu hæsi og kemur ekki upp orði.

 

Og það verður ekki hægt að treysta á Gnarrinn, hann mun lenda alveg óvart í mörgum eineltismálum, virka pirraður og svekktur og fæla tómið frá Bjartri framtíð yfir í bjarta framtíð Árna.

Sjálfstæðisflokkurinn kann það sem hann er bestur í, að grafa undan.

 

Guðmundur ræður ekki við einföldustu lógík, kall anginn, sumum er ekki ætlað að slá í gegn.

Hann áttar sig ekki á því að það er að fjara undan Bjartri framtíð, og það hratt.

 

Það vantar aðeins hækjur á Landsspítalanum.

Kveðja að austan.

Guðmundur ætlar að sitja hjá

Dögun er til sölu.

 

Hvað annað, hún er hvort sem er aðeins kennitöluflakk frá Hreyfingunni.

Eða svo ég fari rétt með, sama kennitala, en annað nafn, eða var það Borgarahreyfingunni, man það ekki, fólki þar innanborðs helst illa á nafni flokka, en ekki kennitölu.

Og eins og kennitalan er föst í hendi, þá er annað prinsipp ekki síður öruggt.

 

Dögun er til sölu, sölu á sannfæringu sína fyrir stuðning við ríkisstjórnina.

Svona seldi hún heimili landsins, og núna annað af sitt helgu véum, stjórnarskrána.

Verðmiðinn er alltaf sá sami, klór á bakið.

 

Ég spái því að klórið sé feitur biti handa Þór Saari,  sem hæfir hæfileikum hans.

En játa að ég þekki ekki til, það gæti alveg hugsast að Margrét vilji líka snúð.

Og smá klór.

 

En rosalegur er ótti Þórs fyndinn, að hafa fyrir því að semja þessa ályktun svona seint að kveldi, og ræsa út mann til að skrifa undir.

Eins og að hann haldi að hann sé ekki auðlesanlegur og það sé til sá maður innan ríkisstjórnarinnar sem viti ekki að hann sé til sölu, að hann vilji bara klór.

Eins og það sé frétt að hann er tilbúinn að draga vantraustið til baka.

 

En núna er það erfiðara fyrir hann.

Menn semja með hótun um vantraust, en hafa vantraustið ekki sem söluvöru eftir að það er komið fram.

Það er eins gott að samningsaðilinn á ekki mörg prinsipp eftir að brjóta, búinn að selja sinn síðasta söðul sem hann gat dottið úr.

Dæmdir fjárkúgarar og vaxtaþjófar.

 

En Bjarni Ben mun semja fyrir Þór.

Kosningar hvað??

Kveðja að austan.

 

 

Getur bjargað sér undan vantrausti

Björt Framtíð mun fella ríkisstjórnina.

 

Annars er hún búin að vera sem valkostur við fjórflokkinn.  

 

Guðmundur er blankur, má ekki við að vera lengi tekjulaus, eða það sagði hann í viðtali við DV.

Hann fórnar ekki framtíðar þingsæti fyrir Jóhönnu Sigurðardóttir.

Það sama gildir um Róbert Marshal, hann vill á þing, og hann vill verða ráðherra í ríkisstjórn Sjálfstæðisflokks, Samfylkingar og Bjartrar Framtíðar.

 

Þess vegna er það rangt mat hjá Mogganum að allt velti á Þráni.  

Svo aumt er lýðræðið ekki.

 

Hins vegar hefur enginn spurt þeirrar spurningar sem blasir við út frá alkunnri staðfestu Þórs Saari.

Er hann ekki að djóka???

Vantar honum ekki smá klór á bakið, til dæmis vilyrði frá væntanlegri ríkisstjórn Samfylkingar, Bjartrar Framtíðar og Sjálfstæðisflokksins um feitt embætti sem hæfir færni hans eftir kosningar.

Til dæmis staða hjá AGS???

 

Eða spurt annarrar augljósrar spurningar, væri ekki vantraustið komið fram fyrr ef fjórflokkurinn hefði minnsta áhuga að flýta kosningunum.

Jóhanna og Steingrímur fengu jú á sig dóm, og ættu að sitja í gæsluvarðhaldi ef réttur ríkti í landinu.

Sek eins og syndin um að hafa selt þjóð sína.

 

Af hverju var ekki þá boðuð vantrausts tillaga á ríkisstjórn bresku fjárkúgaranna??

Fjárkúgun og landráð eru ekki smá mál, eiginlega gerast glæpir fólks ekki mikið stærri.

Jafnvel vitgrannasti fjölmiðlamaður sá í gegnum yfirklórið um að það væri tilgangslaust því Hreyfingin og Guðmundur myndi verja ríkisstjórnina falli.

Slíkt hefði nefnilega verið draumastaða Framsóknar og Sjálfstæðisflokksins, vopnin slegin úr höndum andófsflokkanna sem gætu reitt af þeim fylgi.  Afhjúpaðir sem stuðningsmenn fjárkúgara og landráðafólks, verðtryggingar og skuldaánauðar.

Síðan formleg þingsályktunartillaga um kvaðningu Landsdóm til að ákæra og síðan dæma hin seku.  Það þarf ekki að rífast um sekt þeirra, hún blasir við út frá skýrum lagatexta.

 

Af hverju gerðu Bjarni og Sigmundur þetta ekki, þegar þeir áttu kastljósið??

Er það trúlegt að þeir vilji slíkt núna undir skugga Þórs Saari??

Furðulegt að það skuli vera hægt að gera heila, ítarlega fréttaskýringu án þess að benda á hið augljósa.  

Að það vill enginn þau Jóhönnu og Steingrím frá.

 

Nema að eitthvað sé undir yfirborðinu sem þoli ekki dagsljósið, og því sé farsi settur á svið, með Þór Saari sem aðalleikara, einleikara, og eina leikara.

Það skyldi ekki vera kæra á leiðinni um ICEsave, frá  almenningi. 

Er vörnin gegn sannleikanum strax hafinn???

Er verið að slá vopnin úr höndum Ólafs sem örugglega hefur þrýst á Alþingi að axla ábyrgð á fyrsta ICEsave samningnum?? 

Kom hótun frá Bessastöðum um að þing yrði rofið??

 

Hvað sem er í gangi, þá er það ekki á yfirborðinu.

En það þarf ekki að kafa djúpt.

Kveðja að austan.

Líf ríkisstjórnar hangir á bláþræði