Siðblinda íslensku stjórnmálastéttarinnar mæld.

 

Að brúttóvirði 480 milljarðar.

Aðeins lægri ef óhjákvæmilegir vextir eru dregnir frá.

 

Ríkissjóður þjóðar með sjálfstæða mynt á ekki að endurfjármagna bankakerfið, slíkt er hlutverk Seðlabanka viðkomandi þjóðar.

Ríkissjóður Íslands var látinn fármagna bankakerfið, með peningum sem voru ekki til.  Sú gjörð er síðan kallaður halli á ríkissjóði og til að greiða hinn tilbúna halla, eru notaðir raunverulegir peningar, skattfé almennings.

Í raun er um þjófnað á almannafé, og svívirðilegan þjófnað því fjármunirnir eru teknir úr þegar blæðandi grunnþjónustu.

Og þessi svívirðilegi þjófnaður er stór hluti af hinum meinta halla ríkissjóðs.

 

En skýrir ekki allt, tvennt þarf að nefna í viðbót.

Stýrivextir Seðlabankans hafa frá hruni verið á bilinu 6-12 sinnum hærri en stýrivextir breska og bandaríska seðlabankans.  En bæði þessi lönd hafa glímt við afleiðingar þess að fjármálakerfið þeirra hefðu hrunið ef ekki hefði komið til inngrip seðlabanka viðkomandi landa.  Og þegar bankakreppan beit á evrusvæðinu, þá voru stýrivextir þar líka lækkaðir í einhver prómil.

Engin rök eru fyrir því að stýrivextir hérna séu hærri en í öðrum kreppulöndum, vandinn er sá sami og ráðin þau sömu.

Væru þeir á svipuðu róli þá væru vaxtagreiðslur ríkissjóðs margfalt lægri

Stjórnmálamenn sem vilja ná niður halla ríkissjóðs, taka fyrst slaginn við vaxtaófrekjuna áður en þeir skera niður Landsspítalann eða aðra lífsnauðsynlega grunnþjónustu.

 

Þriðja og síðasta atriðið sem ber að nefna eru hin erlendu gjaldeyrislán sem ríkissjóður hefur tekið til að mynda hinn svokallaða skuldsetta gjaldeyrisvarasjóð, auk skuldabréfaútgáfu Steingríms Joð sem átti að notast til að fjármagna fjármálakerfið.

Erlend lán eru aðeins réttlætanleg í verkefni þar sem sannarlega kemur gjaldeyrisöflun á móti og til að fjármagna nauðsynlegan innflutning á meðan hagkerfið er að aðlaga sig að skyndilegum samdrætti í útflutningi.  Fórnarkostnaðurinn við að allt stöðvist er þá hærri en framtíðarkostnaður af hinu meinta gjaldeyrisláni.

Núverandi gjaldeyrislán uppfylla ekki þessi skilyrði og því ekkert sem réttlætir tilveru þeirra.  Skuldsetta gjaldeyrisvarasjóðinn á að endurgreiða og semja um það eftir stendur.  Vissulega verða vextir eftir sem falla á ríkissjóð en ríkissjóður ber að bregðast við með því að nýta innlenda mynt til að örva útflutningshagkerfið, ekki draga úr því með niðurskurði sínum eins og gert er í dag.

 

Íslenskir stjórnmálamenn hafa öll þau tæki sem þarf til að ná niður skuldum ríkissjóðs án þess að skera niður grunnþjónustu samfélagsins.

Samfélagslegur rekstur þarf vissulega að spara og hagræða eins og aðrir á krepputímum.  Og það hefur hann gert.  Hagrætt inn að beini.

 

Stjórnmálamenn sem heykjast á að takast á við hinn tilbúna halla með því að ráðast að rótum hans, eru gungur, hafa ekki þann kjark sem þarf til að stýra þjóðinni á neyðartímum.

En þeir stjórnmálamenn sem afneita raunveruleikanum, afneita þætti sýndarfjármagnsins í hinum meinta hallarekstri,l og klifa í sífellu á að samfélagsleg eyðsla sé skýring hans, þrátt fyrir að þeir eigi að vita betur, þeir sýna einfaldlega siðblinda hegðun.

Þeim er sama um mannlegar hörmungar á meðan húsbóndi þeirra, fjármagnið færi sína blóðpeninga.

 

Og það nöturlega er að á Alþingi í dag virðast allir flokkar, og allir alþingismenn vera þátttakendur í hinum kyrjandi kór, "spörum, skerum niður".

Þó allar skuldirnar ættu sér eðlilegar forsendur og um raunverulegan halla væri að ræða, þá er það samt hagfræðilega heimskt að ýta undir kreppu með því að ná hallalausum fjárlögum.  Því viðbrögð við uppskerubresti er ekki að setja minna niður að ári.  Slíkt gæti endað í vítahring dauðans eins og búandi menn liðinna kynslóða geta borið vitni um.

En þegar fjármálagjörningar eru meginskýring vandans, ekki umfram eyðsla ríkissjóðs, þá er ekkert sem réttlætir hinn blóðuga niðurskurð.

Og þjóðin á ekki að láta Alþingi komast upp með gjörðir sínar.

 

Við vorum blekkt, við vorum plötuð.

Núverandi stjórnarflokkar meintu ekkert með gagnrýni sinni á niðurskurð og skattahækkanir síðustu ríkisstjórnar.  Þeir höfðu allan tímann sama markmiðið, hallalaus fjárlög án þess að kryfja vandann neitt frekar.

Þeir voru kosnir til valda á fölskum forsendum, þeir rændu lýðræðinu.

Við sem þjóð eigum ekki að láta bjóða okkur þetta.

 

Okkur ber skylda til að verja samfélag okkar, verja það gegn óeðli og siðblindu hins sígráðuga fjármagns.

Okkur ber skylda til að rísa upp gegn þessu fólki sem gengur erinda þess á kostnað samfélags okkar.

Við eigum ekki að líða því að breyta Alþingi í sláturhús.

 

Það er komið nóg.

Mikið meir en nóg.

 

Og við þurfum að gera eitthvað í því.

Kveðja að austan.

 

 

 

 

Hátt í 480 milljarðar í vexti frá 2009

Kosningabarátta Jóns Gnarr er hafinn.

 

Og er óvenjuleg eins og vænta má af hans hendi.

Fyrir utan og ofan  þann veruleika sem atvinnustjórnmálamenn þrífast í.

Vandséð er hvernig þeir geta mætt Jóni, tungutak hans hljómar eins og pólýnesíska í þeirra eyrum.

 

Ef Jón passar sig á að minnast ekki orði á borgarmálefni þá er nokkuð ljóst að hann mun vinna kosningarnar næsta vor. 

Andlitslausir frambjóðendur fjórflokksins hafa ekkert í Jón að gera.  Fólk man ekki hvað þeir heita, man ekki einu sinni fyrir hvaða flokka þeir bjóða sig fram.  Grillir aðeins í þá þegar birtan af Jóni fellur á þá.

 

 

Eina spurningin er hve miklar hrakfarir borgarstjórnarflokks Sjálfstæðisflokksins verður.

Og þeirri spurningu ætlar Bjarni Ben að svara fyrir jól.

Ef hann nær fjárlagafrumvarpi sínu lítt breyttu í gegn, þá þurfa sveitarstjórnarmenn flokksins ekki að hafa miklar áhyggjur af kosningabaráttunni, þeir verða fyrirfram dæmdir úr leik.

Það kýs enginn flokkinn sem slátraði heilbrigðiskerfinu.

 

Þá mun Gnarrinn fá hreinan meirihluta.

Og Davíð mun hafa nóg til að skrifa um næstu 4 árin.

Okkur hinum til skemmtunar.

 

Fjárlagafrumvarp Bjarna er því Fjárlagafrumvarp dauðans í fleiri en einni merkingu.

Og gráglettnin er að sjálfstæðismönnum er það ekki ljóst.

Ef það væri ekki svona mikið í húfi, þá myndi ég segja áfram Bjarni.

En menn grínast ekki með dauðans alvöru.

 

Menn koma í veg fyrir hana.

Kveðja að austan.

Fólk slakar á ef ég er með vínglas

Ef Elliði þarf að segja af sér.

 

Þá er það algjörlega óháð bloggpistli mínum hér á undan, þar sem þessi meitlaða spurning var spurð; "Sagði Elliði af sér???".

Hún reyndist vera klámhögg, án tilefnis.

Vísa í athugasemd Elliða, og er þakklátur að hann skyldi ómaka sig við að leiðrétta mig.

 

Ætla ekki að reyna að afsaka mig með tilvísun í varnarbaráttuna sem hér er háð gagnvart því afli sem  rænt hefur þjóð okkar.

Mér varð á, og ég biðst afsökunar á því.

Kveðja að austan. 

Sagði Elliði af sér??

 

Eftir að hann undirritaði samninginn og játaði þar með ósigur Nýfrjálshyggju Sjálfstæðisflokksins.

Eru engin takmörk fyrir því hvað sjálfsæðismenn geta skitið á sig án þess að axla ábyrgð??

Hugmyndafræðileg heimska er ekki afsökun, fyrirfram var varað við henni.

 

Skatttekjur Vestamannabæjar voru gerða af féþúfu, og núna þegar mistökin eru staðfest, með ómældum kostnaði fyrir sveitarfélagið, þá er látið eins og ekkert hafi gerst.

Svona eitt stykki mislukkaður brandari.

Líkt og lokun skurðstofunnar á sjúkrahúsinu vegna sömu hugmyndafræðilegu heimskunnar.

Í boði sama flokks og Elliði tilheyrir.

 

Vestmannaeyingar töldu sig vera fólk.

En það er greinilegt að músagildrur hræða stóran hluta bæjarbúa.

Sem hlæja þar með að hinum mislukkaða brandara, og styðja sína menn. 

Fram yfir landamæri lífs og dauða.

 

Aumingja þeir.

Kveðja að austan.

 

PS.  Svarið við þessari spurningu er Nei, og skýringuna er að finna í athugasemd Elliða hér að neðan.

Ásamt afsökunarbeiðni minni.

Kveðja að austan.

 

Eyjamenn eignast aftur 9 fasteignir

Vigdís reyndist bjáni.

 

Og uppsker samkvæmt því.

Til hagsbóta fyrir þá sem eiga hundruð milljarða innlyksa í krónum, og vilja sinn aur með hraði.

Þeim kemur vel að umræðan snúist um bjánaskap Vigdísar. Skaðar ekki að hún var einarður stuðningsmaður þjóðarinnar í gagnvart ICEsave svikum stjórnmálastéttarinnar.

Það skaðar ekki að umræðan snúist um fólk sem vild vel, en sveik, vegna þess að því var skipað að svíkja.

 

"Strax" er teygjanlegt hugtak, en það er ekki hægt að teygja hina algjöra heimsku.

Vigdís er klaufi en hún skrifar ekki greinar um hallalaus fjárlög.

 

Elín Hirst skrifaði grein í málgagn auðræningja, undir yfirskriftinni, "Ríkissjóður blæðir", og afhjúpaði sjaldgæfa heimsku, sem er stefna Sjálfstæðisflokksins, en þó ekki afhjúpuð á þann hreinskilna hátt sem Elín Hirst gerði.

En fjölmiðlar hinna stelandi stétta ræða ekki hina algjöra heimsku, þeir ræða klaufaskap góðrar manneskju sem var plötuð til að styðja óhæfu.

Dreifa umræðunni um víða völl að boði húsbænda sinna sem aðeins hafa illt í hyggju.

 

Vigdís er bjáni, það er rétt.

En hana má ekki finna á lendum hinnar algjöru heimsku.

Hún er ekki í Sjálfstæðisflokknum.

 

Hún fær ekki grein á Mbl.is, en sú grein segir allt um blaðamanninn og þann miðil sem varpar ljósi á bjánaskap, en hlífir hinni algjöru heimsku.

Eins og blaðamenn Morgunblaðsins eigi hvorki börn eða foreldra, og munu alltaf vera á þeim aldri sem veikindi og sjúkdómar láta í friði.

Og hrun heilbrigðiskerfisins snerti þá ekki neitt.

 

Þannig er komið fyrir blaði Sigurðar og Matthíasar, það segir sögur af bjánum, á meðan hin saga hinnar algjöru heimsku er sögð á óskrifuðum blöðum sem aldrei eru birt..

Morgunblaðinu til háðungar.

Þjóðinni til helsis.

 

Vigdís er bjáni, en hún er ekki höfundur Fjárlaga dauðans.

Hennar bjánaskapur er vörn hins óverjanlega.

Sem er ekki hægt að verja, án þess að uppskera stimpilinn Bjáni.

Auðþjófum til hagsbóta, þjóðinni til tjóns.

 

En er Vigdís bjáni??

Ef "strax" er teygjanlegt, þá er svarið Nei.

 

Henni urðu á mistök.

Hún reyndi að verja hið óverjanlega.

Uppskar háðung sem þjófarnir kynntu undir.

Lærdómur þess að leggja lag sitt við vondan félagsskap.

 

Næstu dagar skera úr um þetta strax.

Vigdís getur verið bjáni, en hún þarf ekki að vera bjáni.

Hún getur verið manneskja sem varð á.

 

Hennar næstu skref munu skera úr um hvað hún er.

Stuðningur við Fjárlög dauðans eða stuðningur við fólk, við þjóðina, við framtíð þess lífs sem við ólum af okkur.

 

Vigdísar er valið, og það val mun kveða upp hennar dóm.

Dóm sem hún mun sjálf kveða upp.

Kveðja að austan.

 

 

„Strax“ getur verið teygjanlegt hugtak

Hver fjármagnar svona lygi??

 

Uppúr hvaða öskustó er Ísland að rísa??

Er hrun heilbrigðiskerfisins upprisa??

Fjársvelti menntakerfisins??

Útburður barna og kvenna af heimilum sínum???

Rán verðtryggingarinnar???

Stöðnun í hagkerfinu þrátt fyrir sögulegt góðæri í útflutningsatvinnuvegum þjóðarinnar??

 

Felst hin meinta upprisa í þeirri nöturlegu staðreynd að peningabraskarar fengu skuldir sínar afskrifaðar en á sama tíma og almenningur er féflettur inn að beini??

Að fjármagnið hefur fengið yfir 400 milljarða úr ríkissjóði frá Hruni vegna tilbúinna skulda???

Eða er verið að vísa í upprisu Hrunflokkanna???

 

Hráskinnsleikur mikill er í gangi.

Það er verið að blekkja þjóðina til að trúa að það eigi að takast á við vogunarsjóðina.

En það er lygi, bláköld lygi.

 

Vogunarsjóðirnir munu afskrifa hluta af krónueignum sínum, en aðeins þann hluta sem engin verðmæti finnast uppí þegar búið er að mergsjúga þjóðina.

Þeir innheimta ekki það sem ekki er til, það munu þeir afskrifa, en að náð sinni leyfa leppum sínum básúna það sem mikinn sigur.

Sigur í stríðinu mikla sem aldrei var háð.

 

Vogunarsjóðirnir stjórna landinu í dag, illu heilli lét þjóðin blekkjast.

Þeir fjármagna lygarnar, fóðra blekkingarnar.

Svo enginn mótmæli ráninu, svo enginn rísi upp.

 

Þeir vita hvað þeir eru að gera.

Kveðja að austan.

„Ísland rís upp úr öskustó hrunsins“

Þegar haltur hitti blindan.

 

Og þeir fóru að leiðast á þann hátt að sá blindi réði stefnunni en sá halti göngulaginu, þá varð útkoman lofgjörð um hallalaus fjárlög.

Heilbrigðiskerfið í rúst, skólastarf í uppnámi, vaxtarsprotar kæfðir.

Og framtíðin engin.

Svikin loforð, algjör þjónkun við fjármagn og auð.

 

Sigurjón á Sprengisandi er aumingjagóður þegar honum tókst að finna veruleikafirrtari mann en núverandi fjármálaráðherra, og leiddi þá saman.

Loksins fékk Bjarni Ben klapp á bakið fyrir þann einbeitta vilja sinn að fórna þjóð fyrir fjármagn.

Frá vönum manni sem veit hvað er að svíkja allt og alla fyrir stundardýrð valdastólsins.

 

Já, Sigurjón er aumingjagóður maður.

Stuðningur Steingríms hlýtur að gleðja mjög hinn óbreytta sjálfstæðismann.

 

Það fannst einn sem skildi visku þeirra.

Kveðja að austan. 

Kyrrstöðuframtíð í fjárlagafrumvarpi

Hvor lýgur, forsætisráðherra eða forstjóri Landsspítalans??

 

Sigmundur segir að að niðurskurði sé lokið í heilbrigðismálum, nýráðinn forstjóri Landsspítalans segir að spítalinn þurfi að skera niður um einn og hálfan milljarð.

Fyrrverandi forstjóri sagði upp vegna hins meinta niðurskurðar, sagðist ekki vilja vera maðurinn sem færi með spítalann fram af hengifluginu.

Er Sigmundur Davíð að meina að þessir tveir menn séu svo treggáfaðir að þeir þekki ekki niðurskurð frá uppbyggingu???

 

Af hverju fellur forsætisráðherra í þessa lágkúru??

Hvað er að sannleikanum, bítur hann???

Og þá sérstaklega þá stjórnmálamenn sem komast í stjórnarráðið??  

Kannski hræddir við að lenda á sjúkrahús vegna þess að sannleikurinn bíti þá svo illa.

Og þar verði enginn til að sinna þeim því allir eru farnir, sökum uppbyggingar sem hinir treggáfuðu starfsmenn upplifa sem niðurskurð.

 

Sorglegt, mjög sorglegt.

 

En stóra spurning er sem fólk þarf að spyrja sig, af hverju eyðileggur Sigmundur Davíð trúverðugleika ríkisstjórnarinnar áður en komið er að slagnum mikla við vogunarsjóðina??

Út af pólitískum kreddum og barnaskap forystu Sjálfstæðisflokksins???

Eins og hann vilji tapa fyrirfram þeim slag??

 

Í gamla daga hét þetta maðkur í mysunni.

Og ég held að það heiti það ennþá í dag.

 

Það er maðkur í mysunni í ríkisstjórn Íslands.

Úldinn, illa lyktandi, af hrægammaætt.

 

Krumlur vogunarsjóðanna eru auðþekktar.

Kveðja að austan.

Hætt við legugjald ef 200 milljónir finnast

EES samningurinn gerði Ísland gjaldþrota.

 

Það var hann sem losaði um allar hömlur og öll höft sem kolbrjálaðir bankamenn nýttu sér til hömlulausrar útrásar.

Ef íslensk stjórnvöld reyndu að malda á móti, þá var kært til ESA, með þekktum afleiðingum.

 

Gleymum ekki staðreyndum.

Kveðja að austan.

Íslendingar tóku gagnrýni sem árás

Aumari geta rök ríkisstjórnarinnar ekki orðið.

 

Krabbameinssjúklingar eru látnir blæða út fjárhagslega, og þar með þarf að finna þá hópa sem ennþá sleppa við blóðtökuna.  

Allt í nafni réttlætis.

Ekki hvarflar að ráðherra að draga úr gjaldtökunni á krabbameinssjúklinga.

SVo ég vitni í uppháldsrök sjálfstæðismanna þegar þeir létta álögum af auðfólki, þá skila þessir peningar sér inn annars staðar.

 

Ég endurtek, ég ítreka, stuðningsmenn þessarrar ríkisstjórnar eiga bágt.

Mjög bágt.

Kveðja að austan.

Vill jafna greiðsluþátttökuna