Hvernig er hægt að tala um leiðtogakjör?

 

Þegar aðeins einn leiðtogi er í boði??

 

En Kjartan Magnússon á skilið Eljuverðlaunin fyrir þrotlausar tilraunir sínar, sem ná langt aftur á síðustu öld, til að ná æðstu metorðum innan borgarstjórnarflokks Sjálfstæðisflokksins.

Þetta kallast maður sko að gefast ekki upp.

En ég spái því að hann verði hættur að reyna þegar ný öld rennur upp, og þá ekki vegna skorti á staðfestu, heldur vegna líffræðilegra vandamála.

En þangað til mun hann ekki missa móðinn.

 

Hins vegar er fróðlegt að sjá hvort gamla fólkið muni ráða úrslitum.

Andstæðingar flokksins munu ekki gráta það.

Og ekki heldur holurnar í malbikinu.

Meiri svona spurning um flokkinn sjálfan.

 

En hvað um það, ég hefði kosið Elliða Vignisson ef hann hefði verið í framboði.

Það er töggur í honum, og hann talar mannamál.

Og er landsbyggðarmaður.

 

En ég er víst ekki með atkvæðisrétt.

Og Elliði ekki í framboði.

 

En samt.

Kveðja að austan.

 

 

Kosning hafin í leiðtogakjöri Sjálfstæðisflokksins í Reykjavík

Barnið hann Bjarni.

 

Skilur ekkert í þessu.

 

Ár eftir ár birtir hann töflur og gröf, jafnt frá útlendum sem innlendum, um hve þjóðin hafi það gott, hve batinn hefur verið mikill, að lífskjör þjóðarinnar séu í hæstu hæðum, og jafnvel hærri en það.

Og hann segist finna þetta á eigin skinni, hann sjálfur hafi aldrei haft það betra enda ríflega launahækkaður, og allir sem hann þekki hafi aldrei haft það betra.  Enda sér hann það á öllum þessum tækjum og tólum sem hann sér flæða út um allt, hvort sem það eru bílar eða rándýr rafmagns og heimilistæki.  Og auglýsingarnar styðji þessa skoðun hans, það er bara ekkert auglýst lengur nema eitthvað rándýrt.

Og barnið hann Bjarni skilur bara ekkert í af hverju fólk áttar sig ekki á þessu.  Hefur jafnvel efast um geðheilbrigði þess.

Hvað er eiginlega að fólki, hví er það ekki þakklátt og kýs Sjálfstæðisflokkinn??  Af hverju er fylgi hans ekki í hæstu hæðum eins og lífskjörin? Kýs fólk ekki lengur með buddunni eins og var á dögum Davíðs og Geirs Harde?

 

Og það er ekki von þó barnið ekki skilji.

Börn munu aldrei skilja þetta.

Þau skilja ekki að á öllu er endir, og sífeldur valdhroki og síspillingar umræða ganga að lokum af flokkum dauðum.

Þess vegna hættir börnum svo til að lemja hausnum í gólfið eða hlaupa út í horn í fýlu.  Þau jafnvel hefja vongóð nýja vegferð í ríkisstjórn með lík í farteskinu.

Skilja svo ekkert í af hverju það horfir enginn á þau, broshýr og glöð með allskonar gröf um hvað allir hafi það gott. 

Hafa ekki þroska til að skilja að þegar þú ferðast um með lík, þá er alltaf horft á líkið, og þó þú felir það í skottinu, þá er samt enginn að horfa.  Því allir eru að nusa.

Hvílíkt ógeð, hvílíkur valdhroki, hvílík spilling.  Annað kemst ekki að í huga fólks.

 

Stjórnmálamaðurinn Bjarni birtir ekki gröf, eða slær sér á brjóst og vitnar í frægð og frama í útlöndum.

Hann greinir vandann og tekst á við hann.

 

Og undir er flokkur og ríkisstjórn.

Kveðja að austan.

Ísland í öðru sæti hjá WEF

Trump er með þetta.

 

"Hann varaði hins veg­ar við því að ekki væri hægt að halda úti frjáls­um og opn­um viðskipt­um ef sum ríki mis­notuðu kerfið á kostnað annarra. „Við styðjum fríversl­un en hún þarf að vera sann­gjörn og hún þarf að vera gagn­kvæm".

 

Það er ekkert gagnkvæmt við viðskipti láglaunaframleiðslunnar, þar sem engar kröfur eru gerðar til umhverfis og mengunarvarna, þar sem auk skítalauna, nýtur verkafólk lítilla sem engra réttinda.

Ekki nema það sem stuðningsmenn Evrópusambandsins vilja, að vinnandi fólk Evrópu sé útvistað úr réttindum i þrælahald.

Þá getur Evrópa keppt á jafnréttisgrundvelli, en er sú draumsýn hins Svarta fjármagns, draumsýn okkar hinna??

 

Og það er spúkí að mest hataði maður af hálfu góða fólksins, skuli vera með þetta.

En það ekki.

 

En Trump er líka ágætur skemmtikraftur.

Og baulið er hans fagn.

Kveðja að austan.

Baulað á Donald Trump í Davos

Af hverju er ekki núna birtar myndir af grátandi börnum?

 

Og hryllingssögur sagðar af þjáningum fólks í myndtexta.

Núna þegar annað stuðningsríki glæpasamtakanna sem kenna sig við Ríki Islams stendur fyrir loftárásum á almenna borgara.

Saudar í Jemen og núna Tyrkir í Sýrlandi.

Er ekki sama hver á í hlut?

 

Eða er bara lapinn upp áróðurinn frá markaðsdeild Nató??

Er svona bein lína frá henni á skrifstofur fjölmiðla og sú lína kölluð Upplýsingaveita um allt sem gerist í heiminum?

 

Nei, núna reynir á að láta miðaldafólkið í einræðisstjórninni í Ankara ekki komast upp með áróður sinn og blekkingar.

Láta það ekki komast upp með að kalla fólkið sem berst gegn fóstri þess, Ríki Islams, hryðjuverkafólk eins og til dæmis fréttamenn Ruv éta linnulaust upp eftir því eins og hundur sem er æstur í að éta úr lófa eiganda síns.

Að sjá í gegnum blekkingarvefinn þegar það ræðst með fáheyrðri hörku einræðisstjórnarinnar á sitt eigið fólk og segist vera berjast við hryðjuverkasamtök. 

Eða afsakar atlögu sína að fjölmiðlum eða brottrekstur saklausra úr opinberum embættum með tilvísun í sviðsetta byltingartilraun.

 

Munum að þetta hefur allt gerst áður, í Moskvu og Berlín svo dæmi séu tekin.  Og þá var líka sama orðlagið notað.

Og munum að meðvirkni er líka stuðningur.

 

Fyrst að VinstriGrænir mega ekki lengi kyrja nallann og syngja Ísland úr Nató, herinn burt, þá gætu þeir þess í stað sungið Tyrkland úr Nató, tyrkneski herinn burt.

Og lagt tillögum þar um í ríkisstjórn.

 

Það er líka hægt að gera eitthvað þegar menn hafa völd.

Ekki bara gaspra úr öruggu skjóli valdleysis, vitandi að það hlustar hvort sem er enginn á mann.

 

Þetta er ekki flókið.

Þetta hljómar bara svona;

Tyrkland úr Nató, her þeirra burt.

 

Annað er nefnilega samábyrgð.

Kveðja að austan.

 

 

Kúrdar biðla til Assads um vernd

Dæmdur ráðherra rífur kjaft.

 

Og núna finnur skjólvörnin það út að það hafi fleiri gert.

Jamm og jæja.

 

En hvort er niðurstaðan sú að Jakob Möller er kominn með snert af minnisglöpum, eða var gamli refurinn að beina umræðunni að kjafthætti ráðherra.

Og las því þessa frétt hlæjandi.

 

Það er nú það.

Kveðja að austan.

Fleiri ósammála Hæstarétti

Það er viska að viðurkenna mistök.

 

Hinsvegar er það heimska að berja hausinn við stein.

Og heimskast af öllu er að byggja spítala fyrir næstu öld, á svæði sem þegar var of lítið á síðustu öld.

 

Á allri heimsku eru skýringar, en heilbrigðisráðherra VinstriGrænna ætti ekki að vera bundinn af misráðnum ákvörðunum fortíðarinnar.

Og ef hún gerir það ekki, og lepur upp óráðsrök þeirra sem höfðu hagsmuni af að byggja á  hinum alltof litla byggingarreit við Hringbraut, þá mun Svanhildur aðeins reisa sér minnismerki sem mun lifa langt fram yfir miðja þessa öld.

Um forheimsku þeirra sem börðu hausinn við stein.

 

En endanlega mun nýr spítali vera byggður miðsvæðis, þar sem pláss er fyrir hann.

Þetta er eins og í den, þegar skriffinnar hins gamla tíma reyndu að hindra lagningu járnbrauta, með þeim rökum að það væri líka hægt að stækka hestvagna.

Og í alvöru, þeir reyndu það.

En urðu að lúta í gras fyrir framþróun tímans.

 

Svandís spyr þingheim, "er ykkur alvara með að vera ekki fífl??".

"Mér er alvara".

 

Og sá einbeitti vilji hennar er enn ein staðfesting þess að vilyrði um nýja tíma, er aðeins froðusnakk sem keyptur almannatengill var látinn semja, en Katrín mátti eiga að hún flutti vel.

Öll þekkt hjólför sem bæði þing og framkvæmdarvald komust ekki uppúr, eru þrædd með einbeittum vilja þess sem sér ekki tilganginn með því að feta ótroðnar slóðir breytinga og framþróunar.

Til hvers að kjósa, til hvers að skipta um flokka í ríkisstjórn, ef málflutningurinn er alltaf sá sami??

Kerfislægur, án nokkurs vilja til breytinga.

Öll gagnrýni, allur vilji til að gera betur, hverfur um leið og menn ganga upp tröppurnar á Bessastöðum.

Í raun sami flokkurinn eins og um einflokk sé að ræða.

 

Til hvers þá að kjósa??

Þegar öll atkvæði enda á einn veg.

Að gæta hagsmuni auðs og kerfis.

 

Ekki að Svandís sé ekki þegar skóluð.

Í að svíkja hugsjónir og þjóna auð.

 

En samt, það hvarflaði að manni að ICEsave stjórnin hefði verið nauðung, og aðeins vantaði tækifæri til að sýna sinn innri mann.

En það er eins og það sé einbeittur vilji til að glutra því tækifæri, eins og tækifæri vaxi á trjánum, og það sé alltaf hægt að plata kjósendur til að veita nýtt umboð til að tína niður það næsta.

 

Rétt eða rangt, það er hvort VinstriGrænir fái alltaf annan sjéns?

En tækifæri dagsins í dag, kemur aldrei aftur.

 

Og dagurinn í dag, var góður dagur til breytinga.

Það var lag eins og menn sögðu í gamla dag, og komust heilu og höldnu í gegnum brimgarðinn.

En þeir sem fórust, sáu ekki lagið.

 

Það er eins og það sé að endurtaka sig.

Kveðja að austan.

 

Spurði hvort þingmönnum væri alvara

Auðurinn á ekki nógu mikið.

 

Þó hann eigi milljarða, stjórnmálamenn og fjölmiðla, þá gleymdist að gefa auðnum Ruv.

Eiginlega allt annað fór inní risastóru viðskiptablokkirnar í árdaga Hrunsins, og féll allt eins og spilaborg, nema að spilaborg var aldrei svo fallvölt eins og hin risastóru fyrirtæki útrásarvíkinganna.

 

Nú öskra þjónar auðsins á að Ruv víki, svo þeir geti átt allt.

En af hverju látum við þá komast upp með öskur sín??

 

Viljum við fara aftur á hausinn?

Viljum við að arftakar Baugs og Jóns eigi alla fjölmiðla??

Viljum við að 25% fólkið ráði öllu??

 

Svarið við því síðast nefnda er á ábyrgð VinstriGrænna.

Hverju á að fórna fyrir forsætisráðuneytið??

 

Æran var þegar seld.

En hvað um restina??

Kveðja að austan.

Ríkisútvarpið „fíllinn í stofunni“

Hræsni.

 

Er þegar eitthvað hefur gerst í langan tíma, en er afneitað í dag vegna kastljós fjölmiðla.

Munum að gerendur þrífast vegna þess að þeir komast upp með gjörðir sínar.

Og í þessu tilviki þurfti þiggjanda.

 

Þiggjandinn er ekki hluti af þriðja kyninu, þessu veikara, sem lætur bjóða sér allt, og hefur aldrei heyrt um lög og reglur.

En skemmtir fjölmiðlafólki með frásögnum af nauðgunum og öðru kynferðisofbeldi, og telur það merka uppgötvun að slíkt megi kæra.

 

Þiggjandinn vissi alla tímann hvers eðlis fjáröflunarsamkoman var, eini diffinn er að núna  mætti blaðakona á svæðið.

Og þá er gripið til kattarþvottarins, í boði fjölmiðlafólks sem telur að vit sé ekki til að vaða í.

Sama fólkið sem spyr aldrei afhverju kærðirðu ekki, af hverju seldur þú þig fyrir frama og upphefð, það hneykslast í dag.

 

En fyrir fólk sem á líf sem þarf að vernda, þá er fréttin mun alvarlegri.

Þuklarirnir voru flestir fjármögnunaraðilar hins skítuga fjármagns.

Og hafa í áratugi keypt stjórnmálamenn sem fabúlera út í eitt um frelsi einstaklingsins, þegar þeir í raun tala um frelsi auðmanna til að haga sér eins og skepnur.

 

Bresk frétt.

Því á Íslandi fara auðmenn erlendis til að haga sér eins og skepnur.

En þeir gleyma samt ekki að fjármagna frjálshyggjuna og frjálshyggjuviðhorf.

 

Afhverju halda menn að svo margir komi embættisafglöpum til varnar?

Kveðja að austan.

Þiggja ekki fjárgjöf eftir þuklsamkomu

Hve heimskir þurfa menn að vera??

 

Sem snúa út úr málefnalegum rökum um faglega skipan dómara.

Það er þeir sem ekki hafa stjórnleysi anarkismans sem lífsskoðun.

Hver er tilgangur þessarar götustrákahegðunar??

 

Vitnum aðeins í Jakob Möller, margreyndan lagaref og formann dómnefndar um hæfi umsækjenda um dómarastörf;

"Sagði Jakob Íslend­inga hafa tvær leiðir þegar kæmi að skip­un dóm­ara. Ann­ars veg­ar að hverfa aft­ur til fortíðar þar sem skip­un­ar­valdið væri hjá fram­kvæmda­vald­inu og dóm­ar­ar skipaðir af póli­tísk­um ástæðum eða hins veg­ar að lögð væri áhersla á mál­efna­leg sjón­ar­mið og að hæf­asti um­sækj­and­inn um dóm­ara­embætti yrði fyr­ir val­inu."

 

Með hvaða rökum geta menn verið ósammála þessu??  Vilja menn virkilega þá gömlu tíma þegar "Dóm­ar­ar hefðu iðulega verið skipaðir eft­ir flokkslín­um hér áður á for­send­um þeirra sem verið hefðu við völd hverju sinni". 

Eða vilja men þriðju leiðina, að krafan um faglega skipan gildi aðeins þegar aðrir en ráðherrar Sjálfstæðisflokksins eiga í hlut?

 

Eða hafa menn ekki vitsmuni til að skilja hvað felst í þessari gagnrýni Jakobs;

 Gagn­rýndi hann Sig­ríði And­er­sen dóms­málaráðherra fyr­ir að hafa lýst þeirri skoðun sinni, eft­ir að Hæstirétt­ur komst að þeirri niður­stöðu fyr­ir jól að hún hefði ekki upp­fyllt rann­sókn­ar­skyldu stjórn­sýslu­laga við skip­an fimmtán dóm­ara við Lands­rétt, að hún væri ósam­mála niður­stöðunni. Vildi hann meina að sú afstaða væri fá­heyrð. Þannig sagðist Jakob ekki vita til þess að lög­fræðing­ar, hvorki hann né aðrir, hafi lýst því op­in­ber­lega yfir að þeir væru ósam­mála Hæsta­rétti þegar dóm­ur hefði fallið þótt þeir væru óánægðir með niður­stöðuna. Nauðsyn­legt væri að halda Hæsta­rétti við efnið með hvassri fræðilegri gagn­rýni en annað væri að gera hon­um upp ann­ar­leg­ar hvat­ir.

 

Hvað það er alvarlegt að hnútukastast við æðsta dóm þjóðarinnar.  Hvort sem maður er í ábyrgðarstöðum eður ei.

Hve langt þurfa menn að vera sokknir í pólitískri meðvirkni með lýðskrumi, eða hægriöfgum sem vega að lýðræði fjöldans í þágu sérréttinda auðsins, til að skilja að svona gerir ráðherra ekki?  Og þetta er rétt, burtséð frá því hver segir, má þess vegna vera Óli vitavörður eða Guðmundur ruslakarl (báðir þekktir róttæklingar hér á árum áður).

 

Og til hvers eru fagnefndir, skipaðar samkvæmt lögum sem Alþingi hefur samið, ef dómsmálaráðherra fer ítrekað gegn áliti þeirra??  Og gera það svo klaufalega að þeir eru trekk í trekk dæmdir brotlegir fyrir??

Og er það ekki löngu tímabært að taka það upp í stjórnarskrá, að það séu ekki bara dómarar sem þurfa að fara eftir lögum, heldur ráðherrar líka.  Eða svo ég vitni í Jakob; "Lagði hann hins veg­ar til að gerðar yrðu breyt­ing­ar á stjórn­ar­skránni þar sem ekki væri aðeins kveðið á um að dóm­end­um bæri að fara að lög­um held­ur gildi það einnig um ráðherra.".

 

Farsi Sjálfstæðisflokksins og götustrákahnútukast ráðherra hans útí dómara og dómstóla landsins er óþægilega farinn að minna á Trump nokkurn og lýðskrumstakta hans. 

En Trump er einhverfur fjármálasnillingur sem hefur ekki vit til að skilja orð þau sem hægriöfgarnar leggja honum í munn.  Það yrði aldrei réttað yfir honum ef til þess kæmi.

En hver er afsökun Sjálfstæðisflokksins?

 

Mun hann vísa í söguna að mætir fasistar eins og Napóleon þriðji eða Mússólíni komust upp með svona málflutning, og náðu með honum að ganga að lýðræðinu, sem kom þeim til valda, dauðu.

Er þetta sem sagt valdafíkn, að þegar kjörfylgið minnkar, að þá eigi að ná alræðisvöldum á þekktri slóð lýðskrumsins??

Sem sagt ekki heimska, heldur illviljuð atlaga að lýðræðinu??

 

Veit ekki, þeir sem hlut eiga, verða að svara því.

Hvort þeir eru fasistar eða heimskir.

Nema náttúrulega hvorutveggja sé.

Þó held ég að þeir séu ekki heimskir, ekki hef ég orðið var við það.

En hvað veit ég.

 

Hins vegar veit ég það, að ef Sjálfstæðisflokkurinn kemst upp með þessa atlögu að grunnstoð lýðveldisins, sem sjálfstæði dómsstóla er, þá er illt í efni fyrir þessa þjóð.

Og þar sem ítrekuð spilling og hagsmunagæsla hefur komið fylgi flokksins niður í um fjórðungs fylgi, þá er ljóst, að hann kemst ekki upp með þennan einleik sinn, nema að hann njóti til þess stuðnings annarra flokka.

Sem slíkur er flokkurinn áhrifalaus, nema!!!!!

 

Og þetta nema geta hvorki Sigurður Ingi eða Katrín Jak hundsað mikið lengur.

Því þetta er hætt að vera fyndið.

 

Og það er ekkert mál stærra eða alvarlega en atlaga að sjálfu lýðræðinu.

Gleymum því aldrei.

 

Það er við sem erum ekki fasistar eða hægriöfgamenn.

Kveðja að austan.

 

 

 

 

Vald ráðherra fyrst og fremst formlegt

Samtrygging hinna samspilltu.

 

Er knúin áfram af þeirri vitneskju að það sem þeir gerðu, hefðum við gert, og munum örugglega gera í framtíðinni.

Þess vegna eru embættisafglöp Sigríðar Andersen hvítþegin með upphrópunum, endalausum umræðum, eða meintri rannsókn, sem heitir að láta einhverja nefnd Alþingis skoða málin. Á þann hátt að raunveruleikinn komi aldrei uppá yfirborðið.

Það er sótt að nema með vopninu eina sem bítur.

Sannleikanum.

 

Það er nefnilega þannig að flest í mannanna hegðun lýtur fyrirframgefnum lögmálum, sem skýra hegðun okkar og breytni.

Stjórnmál eru þar ekki undanskilin.

Og ein regla er þar algild, sem er "að þegar um óútskýranlega stjórnsýsluákvörðun er að ræða, að þá liggur eitthvað að baki".

Og þetta að baki er rannsakað hjá öllum siðuðum þjóðum

 

Og gerendur rannsaka sig ekki sjálfir.

Þess vegna eru stofnaðar óháðar rannsóknarnefndir um allan heim, og slíkar nefndir fella valdamenn, ráðherra og jafnvel forseta.

Það sem er rannsakað eru fjárhagsleg tengsl, vinartengsl, flokkstengsl, þeirra sem þiggja ávininginn, og þeirra sem veita hann.

 

Að sjálfsögðu á að rannsaka þessa spillingu ofaní kjölinn.

Flokksdómarnir fjórir eiga að njóta stöðu grunaðra einstaklinga.

Þeir eru ekki fórnarlömb pólitísks hráskinnaleiks í þessu máli, ef svo er þá hefðu þeir aldrei þegið dómarastöður sínar, enda ekki til meira óeðli í dómarastétt en að lögbrot þurfi til að fá embættið.

Og fólk skal ekki ímynda sér að það búi ekki mikið að baki fyrst ríkisstjórn Katrínar Jakobsdóttir leggur líf sitt að veði til að hylma yfir spillinguna.

 

Við getum alveg rifjað upp síðasta mál sem felldi ríkisstjórn.

Það var óeðlilegt frá fyrsta degi hvað aðilar tengdum Sjálfstæðisflokknum lögðu á sig til að þagga niður í aðstandendum fórnarlamba dæmds barnaníðings, beitt samblandi af rógi og þöggun.

Síðar kom ástæðan náttúrulega í ljós, sem voru óheppileg fjölskyldutengsl formanns flokksins við barnaníðinginn. 

En Alþingi upplýsti ekki um málið, það var þrýstingur fólksins, þrýstingur hins almenna manns.  Sem átti engra annarra hagsmuna að gæta en þeirra, að vilja fá að vita sannleikann.

Hver svo sem hann var.

 

Ef við sem þjóð látum Alþingi um að svæfa spillinguna í Landsréttarmálinu með orðaskaki og pólitískum keilum, þá er það ekki bara að sannleikurinn verði áfram hulinn.

Við sitjum þá áfram í súpunni.

Sömu spillingarsúpunni og við höfum upplifað undanfarna áratugi þar sem flokks og vinartengsl ráða embættisveitingum, en ekki hæfni og mannkostir.

Ekkert breytist, allt við það sama.

 

Viljum við það??

Þá skulum við halda kjafti.

 

Viljum við það ekki, þá látum við heyra í okkur.

Ekki bara með gagnrýni á sitjandi ríkisstjórn, heldur líka með því að gefa stjórnarandstöðunni engan afslátt á málsmeðferðinni.

 

Þetta snýst ekki um pólitískar keilur.

Þetta snýst um sannleikann.

 

Og framtíðina.

Að hún verði ekki eins og fortíðin.

Kveðja að austan.

Vill fá vantraust fram strax