Morgunblaðið á sér marga bræður.

 

Sumir segja að veiran sé samsæri runnið úr ranni Bill Gates, það sé hann en ekki guð sem hafi búið til veirur.

Aðrir segja að veiran sé eins og hver önnur flensa, og vísa til stuðnings að flensa hafi drepið fleiri 2016-2018 en kórónuvírusinn hafi gert á sama tíma.

Sem og að í dag sé flensan að drepa fleiri í Bretlandi, og líklegast á Íslandi, svona miðað við fréttaflutning blaðsins eftir að hægri öfgar voru ráðnir til þess.

 

Skeggjuðu múllarnir sem eru ákærðir til að hvetja til hryðjuverka skila ekkert í þeim ásökunum.

Vita ekki til þess að þeir hafi drepið nokkra sálu.

 

Sama mun hægri öfginn á Morgunblaðinu segja ef honum tekst ætlunarverk sitt að grafa undan sóttvörnum þjóðarinnar.

Saklaus eins og engill með blóð á höndum er mottó þessa fólks.

Sem elur á hatri og dauða í heiminum í dag.

 

Hið sorglega er að hægri öfgarnar ná að sveipa illvilja sinn almönnum frösum um frelsi, eða þeir benda á fólk sem trúði en átti að vita betur.

Blóraböggull þeirra í Bandaríkjunum er Donald Trump, á Íslandi er það meint vinstri stjórn Katrínar Jakobsdóttir.

Donald átti að bregðast betur við en Evrópusambandið, sem hann reyndar gerði, Katrín og Bjarni sviku lit, að lokum tóku þau hag fjöldans fram yfir hag sérhagsmuna.

 

Blekkingin um Donald lifir sjálfstæðu lífi, en á Íslandi magna þeir upp fár gegn Bjarna fyrir að bregðast rétt við, að taka þjóð fram yfir greiðslur í vasa.

Af mjög dularfullum ástæðum telur Samherji ástæðu til að fjármagna þetta kjaftæði, þessa birtingarmynd illskunnar sem gerir hina skeggjuðu múlla af saklausum kórdrengjum í samanburðinum.

Og þá þarf mikið til.

 

Staðreyndin er sú að ekkert stjórnvald hefur brugðist eins mikið og Evrópusambandið.

Hin opnu landamæri þess til að tryggja frjálst flæði mannsals og félagslegra undirboða, hafa kostað hundruð þúsunda lífið.

Þar er sökin sem á að benda á.

 

Og Bjarni heldur haus.

Og hélt haus.

 

Tók ljós fram yfir myrkur.

Þjóð fram yfir flæði í vasa.

 

Bræður Moggans drepa samt.

En það er undir okkur komið að sá dauði sé ekki fluttur til landsins.

 

Ekki með því að segja upp Mogganum.

Heldur með því að tjá fyrirlitningu okkar og skömm.

 

Það eru álög uppá Móum.

Þau skýra, og þeim þarf að aflétta.

 

Þögnin gerir það ekki.

Kveðja að austan.

Héldu að kórónuveiran væri falsfrétt

Blaðamennska neikvæðninnar.

 

Fyrir utan einstaka hægri öfgamann, þá veit almenningur að heimsfaraldur geisar.

Fyrir utan einstaka vitleysing sem tilheyrir heimska hægrinu þá veit fólk að þessi heimsfaraldur er völdum hættulegs vírus sem getur verið banvænn fyrir fólk í áhættuhópum.

Flestir vita síðan að dánartölur segja ekki allt um alvarleika vírussins, margir sem fá hann glíma við skert starfsþrek, eftirköstin geta varið í mánuði og í raun veit enginn hve lengi vegna þess hve  stutt er síðan að .þessi vírus barst í mannfólk.

Færri vita síðan að systurveirur kórónuveirunnar voru mjög banvænar, en sem betur fer fyrir heimsbyggðina ekki mjög smitandi svo það tókst að hindra útbreiðslu þeirra með því að skera á smitleiðir.

Enn færri vita síðan að það var seinni bylgja spænsku veikinnar sem drap, sú fyrr var aðeins upphitun veirunnar til að læra á varnarviðbrögð mannslíkamans.

 

Þeir sem fylgjast með fréttum vita síðan að veiran er að koma til baka í Evrópu, smit breiðast hratt út og í æ fleiri löndum er verið að grípa til harðari sóttvarna.

Skýringin er rakin til ferðalaga fólks, það komi heim með smitið og ógni síðan samfélögum sínum innan frá.

Mörg Evrópulönd hafa brugðist við þessari ógn með því að koma sér upp rauðum lista, en þeir sem koma þaðan þurfa að fara í 14 daga sóttkví við heimkomuna.

Aukin útbreiðsla veirunnar hér á landi kom Íslandi á þennan rauða lista og síðast þegar var talið þá voru flestir ferðamenn frá Danmörku og Þýskalandi, lönd sem voru talin örugg hér og fólk þaðan því ekki skimað við landamærin, sem og að Ísland var ekki komið á rauðan lista hjá þessum löndum.

Spurningin er hve lengi því líkur á annarri stórri hópsýkingu aukast í réttu hlutfalli við aukningu smita í heimalöndum ferðafólks.

Krafan um sóttkví er ekki bundin við Ísland, og það er hún sem hamlar ferðalögum fólks í miðjum heimsfaraldri.

 

Umræða um ferðamenn, og stöðu ferðaiðnaðarins, á öðrum forsendum en þeim sem ég rakti hér að ofan, er að ræða stöðuna út frá öðru en raunveruleikanum.

Er því áróður, þjónar einhverjum annarlegum tilgangi.

 

Morgunblaðið upplýsti í Reykjavíkurbréfi sínu þá skoðun sína að sóttvarnir væru tilgangslausar, veiran ætti að fá að ganga laus og mynda hjarðofnæmi.

Svona í ljósi frétta um að tilraunabóluefni er þegar komið í notkun þá er vandséð að annað liggi að baki nema von blaðsins um auknar tekjur vegna fjölgunar minningargreina í blaðinu.

Ferðaiðnaðurinn vill ekki falla óbættur frá garði sem skiljanlegt er, án aðstoðar samfélagsins mun greinin ekki lifa af.

Og mikið má vitlaust fólk stjórna þjóðinni er greininni verður ekki hjálpað í gegnum þessar erfiðleika, það kostar vissulega en hitt kostar bara miklu meira.

 

En að kalla út hjálparsveit á fimmta degi til að mála skrattann á veggi er ekki ferðamannaiðnaðinum til framdráttar.

Það er alveg ljóst að þessar ráðstafanir á landamærunum fækkar ferðamönnum en það er allt sem bendir til þess að þeim hefði farið fækkandi hvort sem er af þeim ástæðum sem ég taldi upp hér að ofan.

Hins vegar að grípa tímanlega inní skapast grundvöllur til að veiruhreinsa landið og gera því ferðalög til Íslands af fýsilegum ferðakosti þess markhóps sem er aðeins eldri en skemmtanafíknir krakkar, og metur öryggi sitt til fjár.

Er tilbúinn að fara í lengri ferðalög til öruggs lands og setur skammtíma sóttkví ekki fyrir sig.  Enda hún jú forsenda þess öryggis sem hann sækist eftir.

 

Tilgangur Morgunblaðsins með neikvæðni sinni er augljós, með illu skal grafið undan sóttvörnum.

En ef rétt er haft eftir ferðamálastjóra án þess að hann minnist á tækifærin sem fólgin eru í veirulausu landi, þá er maðurinn sem gegnir því starfi algjörlega vanhæfur.

Og ætti ekki að fá að sitja út daginn.

 

Það er ekkert pláss fyrir fífl á dauðans alvöru tímum.

Reyndar ekki hægri öfga líka.

 

En það er önnur saga.

Kveðja að austan.

 

 

 

Engar vísbendingar um mýkri lendingu

Kjaftshögg ferðaþjónustunnar.

 

Er síðasta hópsmitið sem tengja má við Hótel Rangá.

 

Í raun kraftaverk að þetta skyldi ekki hafa gerst fyrr, en þar eiga smitvarnir þakkirnar, skimun við landamærin hefur stöðvað á þriðja tug slíkra mögulegra smita.

Samt rífa menn sig og kenna ríkisstjórninni um heimsfaraldur kórónuveirunnar og afleiðingar hans.

 

Sjúkleiki fréttamennskunnar er síðan staglið um afbókanir, enginn spyr hvaðan koma þessar afbókanir??

Svona í ljósi þess að Íslandi siglir hraðbyri upp rauða listann um fjölda smita, og slík lönd lenda sjálfkrafa í kröfu um sóttkví við heimkomu.

Af ferðamannalöndum voru aðeins Danir og Þjóðverjar eftir á okkar örugga lista, og Þýskaland er ekki lengur talið öruggt land, ekki frekar en Frakkland, Bretland eða Spánn.

 

Alls staðar frá Evrópu berast fréttir um fjölda smita.

Og alls staðar er sama skýring gefin, hið heimska fólk sem ferðast í miðjum heimsfaraldri, það smitar við heimkomuna.

Það getur aðeins þakkað mildi tíðarandans að það skuli ekki vera tjarga og fiðrað við heimkomuna, eða grýtt eða hent útí næstu á.

Því dauðans alvara var dauðans alvara fyrir ekki svo löngu.

 

Út á þessa heimskingja vill íslensk ferðaþjónusta gera, og skiptir hana engu hvaða afleiðingar það hefur á mannlíf innanlands.

Í stað þess að feisa alvöruna, þá eru málaliðar fengnir til að bulla og rugla um sóttvarnir, núna síðast er málgagn stórútgerðarinnar keypt til þess.

Eins og þrugl um sóttvarnir, að ekki sé minnst á illskuna sem að baki býr við að tala þær niður, henti málstað Samherja í nýlegum deilum fyrirtækisins við Ríkisútvarpið.

 

En hvaða framtíð er í þessari óendanlegri heimsku?

Hvenær segir almenningur í Evrópu stopp við innflutningi á smiti??

Og þar sem mannvonska frjálshyggjunnar hefur yfirhöndina í stjórnkerfinu, hvenær tekur almenningur málin í sínar eigin hendur??

 

Sagan kann ekki eitt þekkt dæmi frá tímum drepsóttar, að fíflin komist upp með að smita náungann viljandi.

Af hverju ætti undantekning sögunnar að bjarga íslenskri ferðaþjónustu??

 

Er ekki mál að skurðgreftrinum linni.

Er ekki tími til kominn að láta umræðuna snúast um alvöruna.

Alvöruna sem blasir við öllu því fólki sem mun missa vinnuna vegna heimsfaraldursins??

 

Af hverju er ríkisstjórnin ennþá með fríspil hvað það varðar??

Af hverju er ekki búið að tilkynna um framlengingu hlutabótarleiðarinnar.

Og af hverju hefur ríkisstjórnin í samvinnu við Seðlabankann lagt drög að endurfjármögnun þeirra fyrirtækja sem örlögin sviptu rekstrargrundvöll á svipstundu??

Hvaða rétt höfum við til að láta þau fara á hausinn á þessum forsendum, og svipta fólk bæði eignum og lífsviðurværi??

 

Látum Hótel Rangá vera vítið sem vakti okkur til vitundar.

Til vitundar um bjargráð mennskunnar og mannúðarinnar.

 

Þetta er aðeins verkefni sem er auðvelt að leysa.

En til þess þarf vilja.

Kveðja að austan.

Smitrakning og raðgreining enn í gangi

Fólk með einkenni á ferðinni.

 

Og á meðan er skólum lokað, jafnt leikskólum sem grunnskólum.

Að ekki sé minnst á einangrun aldraðra á hjúkrunarheimilum.

 

Hver skyldi skýringin vera??

 

Hugsanlega sú að seinni faraldurinn hefur ekki ennþá bitið.

En hvaða úrkynjaður ræfill, þó karlmaður fullur á hormónum sé, vill sýkja sína nánustu, valda þeim skaða og jafnvel hinn endanlega dóm??

 

Fáir allavega en sjálfsagt einhverjir.

 

Eftir stendur falsið, blekkingin, áróður um að kórónaveiran sé meinlaus, og það sé hystería að berjast gegn henni.

Ekki það að ungt fólk lesi Morgunblaðið eftir að myrkrið hóf þar innreið, en það leggst margt á eitt.

Stanslaus suðandi áróður flærðarinnar sem grefur stanslaust undan sóttvörnum.

Áróður sem uppsker.

 

Aðgæsluleysi, hugsunarleysi.

Smit.

 

Þar liggur vandinn.

Flærðinni er ekki mætt.

 

Það er stærsti leki sóttvarna í dag.

Kveðja að austan.

Fólk með einkenni á ferðinni

"Minnkandi dánartíðni veirunnar".

 

Hvaða grimmi sjúkleiki hefur grafið um sig á ritstjórn Morgunblaðsins??

Sem fær blaðamann til að spyrja þessarar spurningar.

 

"Það er ekkert sem bendir til þess að veiran sé minna banvæn" sagði Þórólfur Guðnason sóttvarnalæknir og vísaði þar í upplýsingar að utan.

Ef blaðamaðurinn veit annað þá eiga þær upplýsingar að koma fram í aðdraganda spurningarinnar en ekki vera trikkspurning með fullyrðingu út í loftið.

Hugsuð til að koma því að þetta sé ekki svo alvarlegt eftir allt saman.

Og hver gerir slíkt þegar spurt er um dauðans alvöru?

 

Fólk hefur ekki dáið á Íslandi, ennþá, vegna þess að það hefur tekist að verja áhættuhópa, sem og að fólk í áhættuhópum passar sig miklu betur en yngra fólk.

Alvöru bylgja hefur ekki brotist út vegna sóttvarna, ekki vegna þess að veiran smitar minna.

Svo er eitthvað fólk þarna úti sem gagnályktar, að fyrst fólk hefur ekki dáið, þá eru sóttvarnir óþarfar, eða það má slaka það mikið á þeim að það er öruggt að nýr faraldur blossi upp.

 

Látum vera hvað myrkur hefur grafið um sig á ritstjórn Morgunblaðsins.

En að forsætisráðherra þjóðarinnar skuli ekki hafa döngun og kraft til að segja viðkomandi blaðamanni að skammast sín,leiðrétta hann og upplýsa síðan um hvað felst í hinni blekkjandi spurningu, er með ólíkindum.

Er hún virkilega farin að samsinna sig krakkahjörðinni í Sjálfstæðisflokknum, hví getur hún ekki staðið ístaðið eins og Bjarni Ben þessa dagana??

 

Skurðgröfturinn er dauðans alvara og fullorðið, heilbrigt fólk mætir slíkum skurðgreftri.

Mannsandinn er langt kominn með að þróa bóluefni gegn veirunni ásamt því að þróa lyf sem ná æ betur tökum á veirusýkingum.

Frekari úthald í sóttvörnum er því talið í mánuðum en ekki árum.

Að gefast upp á síðustu metrunum mun kosta mannslíf sem og heilsu samborgara okkar.

 

Og þeir sem vinna að slíkri uppgjöf eru engu betri en skeggjuðu illmennin sem senda ungt fólk með sprengjubelti um sig til að drepa og meiða saklaust fólk.

Illskan á sér nefnilega fleiri en eitt andlit.

 

Höfum það hugfast.

Kveðja að austan.

Verja bæði heilsu og hag

Hvernig ber að túlka véfréttina??

 

Þegar hægri sinnaðir stjórnmálamenn, eða ráðgjafar á vegum hægri sinnaðra stjórnmálamanna tjá sig um kórónuveirufaraldurinn þá er oft erfitt að átta sig á hvort þeir séu að fara eða koma, eða hvort þeir yfir höfuð hafi hugmynd um að drepsótt geisi í heiminum.

Einna helst er að skilja á þeim að heimsbyggðin sé að glíma við eitthvert dularfullt samsæri Bill Gates sem hafi fundið upp veiruna, og hóp kuklara sem hafi gert magnkaup hjá Nígerískum bréfaskóla og fengið titilinn sóttvarnalæknar og hafi með hjálp dáleiðslu og heilþvottar, og jú Bill Gates, náð yfirráðum í stjórnkerfum heimsins, og í krafti þessara yfirráða, komið á sóttvörnum.

Sóttvörnum sem eyða og drepa, jafnt fólk sem vinnu, að ekki sé minnst á skemmtanir og mannfagnað.

Það sé sem sagt sóttvarnarfaraldur sem gangi yfir heimsbyggðina, ekki drepsótt.

 

Þessi helsti ráðgjafi breskra stjórnvalda hefur núna fundið það út að það sé verra fyrir börn að missa úr skóla en að smitast af kórónuveirunni.

Hvernig hann getur fullyrt það í miðjum heimsfaraldri þar sem enginn veit hvernig veiran hagar sér, fyrsta bylgjan lagðist á eldra fólk, sú sem núna er í gangi virðist leggjast meira á yngra fólk, enginn hefur hugmynd um hvernig þriðja bylgjan mun haga sér og ekkert er vitað um langvinn áhrif kórónusmits, af hverju??, jú það er ekki liðinn langur tími frá því að hún barst í menn, heldur stuttur.

Höfum það í huga að frænkur þessar veirur voru minna smitandi en bráðdrepandi, ekkert sem segir að einhver stökkbreytingin í kórónuveirunni geri hana ekki hættulegri yngra fólki, líkt og var með seinni bylgjuna af spænsku veikinni.

Samt á ekki að vernda börnin heldur leyfa þeim að smitast ef marka má þessa frétt, eða réttara sagt og er gefið i skyn í þessari frétt.

 

Síðan má spyrja, hvernig á að framkvæma þetta?

Ætlar breska yfirstéttarfólkið sem gerir út frjálshyggjuna  þar í landi, manna skólana, leggja sjálft sig í hættu við að kenna börnum, eða ætlar það láglaunafólkinu þar í landi að manna skólana, sem það nóta bene hefur skorið inn að beini með stanslausum niðurskurði og hagræðingu frá dögum Thatchers og Regans.

Ætlar það síðan að grípa inní og fóstra börnin ef foreldrarnir veikjast illa, því smit spyr ekki um kennitölu og smit í skólum mun óhjákvæmilega leita út í samfélagið.

Og mætir það síðan með vasaklút og snýtuklút við jarðaför afa og ömmu sem smituð börn vita að þau hafi smitað, eða höfðu menn hugsað sér að einangra börnin frá öðrum hluta samfélagsins??

 

Þetta er ótrúlegur málflutningur fólks sem brást í að ganga að veirunni dauðri þrátt fyrir miklar fórnir bresku þjóðarinnar.

Með því að opna fyrir smitleiðir bæði innanlands og að utan.

Horfir síðan framan í nýjan veirufaraldur aðeins nokkrum mánuðum áður en von er á fyrsta bóluefninu á markað.

 

Er þetta heimska??

Er þetta vitfirring??

Er þetta tær mannvonska eða illska??

 

Munum svo að í Whuan ganga börn í skóla án ótta.

Án óttans við að smitast, án óttans við að koma að foreldrum sínum alvarlega veikum, án óttans við að þurfa að mæta við útför afa eða ömmu.

Vegna þess að kínversku kommúnistarnir höfðu úthaldið til að fella veiruna, útrýma henni úr samfélaginu.

 

En á Vesturlöndum gróf frjálshyggjan undan sóttvörnum, mataði heimska hægrið á bábiljum og vitleysu, og knúði stjórnvöld flestra ríkja til að opna á veiruna áður en henni var útrýmt.

Af hverju??

Hvað gekk henni til??

 

Við því væri gott að fá svar.

Kveðja að austan.

Segir verra að missa úr skóla en fá veiruna

"Þetta er ásættanleg áhætta".

 

Eru fleyg orð ráðherra ferðamála þegar hún reif sig við prófessor Gylfa Zoega, eitt mesta lærdómsnörd Íslandssögunnar, og var þá kurteislega spurð af öðrum prófessor; "Ha, hvernig komst þú að þessari niðurstöðu, hún er þvert á mína útreikninga".

Þá var Þórdís Kolbrún látin þegja, nægan skaða hafði hún samt gert ríkisstjórn Íslands, og í raun fréttist ekkert af henni fyrr en hún fór út á lífið snemma morguns svo frægt er.

 

En núna játar hún að fullyrðing hennar var út í loftið, innan ráðuneytis hennar ver ekkert mat lagt á fórnarkostnaðinn við opnun landamæranna í júní, aðeins það huglæga sem kristallast í hroka ráðherra, "þetta er ásættanleg áhætta".

Og það á að bæta úr;

"Ráðherr­ann lagði minn­is­blað fyr­ir rík­is­stjórn­ina á þriðju­dag­inn síðastliðinn, þar sem hún lagði áherslu á að unnið yrði að ít­ar­legri efna­hags­grein­ingu á sótt­varn­araðgerðum og lagt yrði heild­stætt mat á þjóðhags­leg­an kostnað og ávinn­ing af mis­ströng­um sótt­varn­ar­regl­um - ann­ars veg­ar á landa­mær­un­um og hins veg­ar inn­an­lands. ".

 

Og maður veit ekki hvort maður eigi að hlæja eða gráta.

Þú bætir ekki úr þeim afglöpum að hafa ekki lagt mat á fórnarkostnaðinn fyrir opnun smitleiða inní landið, núna þegar ljóst er að seinni bylgjan er að springa framan í Evrópu, einmitt vegna þess að opnað var fyrir smitleiðir um landamæri.

Því bein afleiðing af því er að hvert landið á fætur öðru mun loka á pestarbæli því smitvarnir innanlands eru tilgangslitlar ef ekki er lokað fyrir aðstreymi veirunnar inní löndin.

Ferðalög án sóttkvíar leggjast því að, ekkert flóknara en það.

Þannig að maður spyr sig, væri ekki bara betra að hafa ráðherrann ennþá út á lífinu, eða í sóttkví inní skáp, svona út frá stöðu ríkisstjórnarinnar og þeirra alvarlegu vandamála sem blasa við um allt vegna afleiðinga heimsfaraldursins?

 

Jú, jú auðvita vaða raddir heimskunnar uppí í Sjálfstæðisflokknum og Bjarni hefur ekki ennþá haft kjark til að hringja í Þórólf og biðja hann um sóttkví á þetta skaðlega fólk.

En þjóðin á betra skilið en svona vitleysu.

Ríkisstjórnin hefur verk að vinnast sem átti að vera búið að vinnast.

Sem er mótun tillagna um allsherjarátak þjóðarinnar við að halda lífi í ferðamannaiðnaði okkar, sem og að skapa lífsgrundvöll fyrir það fólk sem hefur misst atvinnu, og sér fram á eignamissi, bæði fyrirtækja sem og heimila.

 

Það er neyðarástand þarna úti, og það er bara vonast til að það hverfi með því að ræða það ekki, eða láta eins og allt reddist bara.

Og einhver útópíu umræða um ferðamenn sem munu ekki koma því ferðalög milli landa er það fyrsta sem dettur upp fyrir í heimsfaraldri, stjórnar umræðunni.

Ef fólk er svona heimskt, eða svo stjarft af áfallinu að öll rökhugsun hefur yfirgefið það, af hverju er þá bara ekki gengið alla leið og leitað af gullinu fyrir enda regnbogans??

Eða fjármálaráðherra látinn fara með ríkiskassann til Las Vegas og látinn gambla með hann??

 

Veiran er vágestur en þannig sé ekki þjóðarvá.

Þjóðarváin verður ef hluti samfélagsins er látinn bera allar byrðar vegna hennar, fólkið sem var svo óheppið að starfa við eða eiga rekstur í þeim atvinnugreinum sem hafa orðið illa fyrir barðinu á ströngum sóttvörnum.

Þjóðarváin er þá mannanna verk.

 

Viljum við það.

Kveðja að austan.

 

 

Gagnrýnin á fullan rétt á sér

Ginnungargapið.

 

Það er ljóst að það er ekkert annað en ginnungagap á milli þeirra sjónarmiða að vilja vernda líf, og leyfa því að drepast ef einhver ytri ógn bankar á dyr.

Sóttvarnir, barátta við skógarelda, flóðvarnir, allt er þetta hálfvonlaust í þeirri merkingu að baráttan endar aldrei, það gjósa alltaf upp nýjar pestir, nýir eldar kvikna í sífellu, og alvarlegum flóðum fjölgar sífellt með hækkandi hitastigi jarðar.

Eðlilegt að yfirstéttin spyrji sig, er þetta kostnaðarins virði, dugar ekki að ég hugi að mínu öryggi og láta hitt hafa sinn gang.

Einu sinn þarf jú hver að deyja og segir að almúginn, sérstaklega sá hluti hans sem á varla fyrir skeiðinni, hvað þá hnífnum, er hvort sem er alltaf að berjast við ótímabæran dauða.  Eða hvaðan koma hinar myndrænulýsingar að vera á horriminni eða rétt að skrimta.

 

"Eigi veit ég um hin dýpri rök" sagði hlýðin eiginkona ein við matarboð eiginmannsins þar sem hann og aðrir ræddu kostnaðinn við einhvern óþarfann og að það væri gegn vilja guðs að grípa inní fátæktina, "ég veit hins vegar hver er skylda mín sem kristin manneskja".

Þar með var ginnungagapið milli frjálshyggju og íhaldsmennsku fært í orð, og íhaldsmenn höfðu betur í Manchester þegar sameiginlegir sjóðir voru notaðir til að berja niður kóleru en til þess þurfti að leggja skólp í jörð og útvega öllum aðgang að rennandi vatni.

Auðvitað bölvað bruðl og grét margur góðborgarinn yfir skattinum sem hann borgaði til að fjármagna framkvæmdirnar, hann sá ekki samhengið milli launanna sem hann borgaði og þess að hinn stritandi vinnulýður var ekki aflögufær í sameiginlega sjóði.

 

Mér flaug þetta ginnungagap í hug þegar ég renndi yfir Reykjavíkurbréf Davíðs núna í morgun.

Þar sá maður af hverju Morgunblaðið hefur gefið heimskunni rödd og rær núna með dauðanum.

"Freistandi er að líta á þetta tal sem ábendingu um að við verðum að grípa næsta kostinn á eftir „hjarðónæminu“ sem rætt var um og einhenda okkur í að fletja út yfirferð veirunnar og segja það upphátt og gæta þá einungis þeirra sem varnarlausastir eru. Því það er næstum óhugsandi að þetta þýði að við gætum þurft að skella hundruðum eða þúsundum manna reglubundið í fjölbreyttar tegundir af sóttkví, sem sífellt verður ólíklegra að haldi, af því að við séum enn að reyna að gera landið algjörlega veirulaust. Taka verður af skarið ekki seinna en strax.".

 

Fyrir utan það að það er rangt að sóttvarnir virki ekki, eða ætli kóleran, kýlapest eða ebóla geysi þarna á Móunum, þar er jú hrjóstrugt og afskekkt svo hugsanlega hefur það ekki frést, en held samt ekki, þá er er það ljóst að meint hjarðónæmi kostar mörg mannslíf, mikla veiklun vegna alvarlegra veikinda, að enginn er óhultur, og stór hluti þjóðarinnar mun kjósa að loka sig inni vegna smitótta.

Og hvernig er hægt að vera svo heimskur að halda að slíkur fylgi ekki efnahagslegur kostnaður sem er margfaldur á við tekjurnar sem hægt er að hafa af milljónamæringum að veiða rafrænt í Rangá og öðru fengsælum laxveiðaám. 

Rafrænt því það mun ekki finnast það fífl sem heimsækir pestarbæli í miðri farsótt.

 

Smitvarnir virka ef skorið er á smitleiðir, að vísa í árangursleysi þeirra þegar slíkt er ekki gert, er dæmi um aðra heimsku.

Það væri enginn í sóttkví í dag ef stjórnvöld hefðu virt fræðin haft landamærin áfram lokuð nema að undangenginni sóttkví.

Smitsjúkdómar geta blossað upp þrátt fyrir það, þá er tekist á við slíkt ástand, líkt og er gert á Nýja Sjálandi í dag, eða gert var víða um heim þegar kílapest eða Svarti dauði blossaði upp víða um heim seinni hluta síðustu aldar.

 

Og ekki hvað síst, mannsandinn slæst við sjúkdóma og hefur lagt marga að velli.

Hvaða ungt fólk í dag þekkir á eigin skinni það sem kallað var barnasjúkdómar um miðja síðustu öld??

Eða hafa menn ekki heyrt af því að Stóru bólu hefur verið útrýmt?

Og mannsandinn mun finna lækningu við kóvid, ekki síðar heldur bráðum.

 

Á meðan er það að þrauka.

Og hleypa ekki röddum heimskunnar.

Röddum dauðans inní umræðuna.

 

Það er líklegast stærsta smitvörnin í dag.

Kveðja að austan.

 

Ginnungagap á milli sjónarmiða

Og ennþá rífst fólk og lætur eins og ekkert sé.

 

Þrátt fyrir alvarleikann, þrátt fyrir að vitað sé að þessi veira er bráðsmitandi, óútreiknanleg, eina stundina virkar hún næstum meinlaus, þá næstu fellir hún fólk.

Fyrir utan alla sem hún veiklar.

Það er eitthvað mikið að fólki sem lætur svona.

 

Prinsipp spurningar þarf samt að ræða, og það þarf kjark til þess.

Það er auðveldara að glata frelsi og borgarlegum réttindum, en að ávinna sér þau.

Það má bara ekki gerast á röngum forsendum þar sem lítið er gert úr alvarleik veirunnar, eða jafnvel logið til um staðreyndir.

Þær þurfa að ræðast út frá alvarleikanum, staðreyndum, jafnt um veiruna og hvað er í húfi.

Hvað er í húfi gagnvart lífi og heilsu, en einnig hvaða áhrif sóttvarnir hafa á lif almennings, atvinnu sem og rekstur fyrirtækja.

 

Við sem erum hlynnt sóttvörnum eigum að virða ótta fólks um atvinnu og eignir.

Og við eigum að gera þá kröfu að samfélagið hjálpist að, að þetta séu sameiginlegar byrðar, ekki aðeins byrðar þeirra sem fyrir barðinu verða og kafna jafnvel undan því.

 

Ríkisstjórnin upplifir núna á eigin skinni að sóttvarnir hennar eru réttar.

Að innflutningur á smiti er aðeins tímasprengja sem springur fyrr eða síðar, og því rétt að bregðast við á þann hátt sem hún gerði.

Hún upplifir einnig afleiðingar sóttvarna, smitgátt og jafnvel óttann um að vera smitaður, eða hafa smitað aðra.

Frá þeirri upplifun er stutt í aðra, óttann um lífsafkomu sína.

 

Vonandi verður þetta til þess að hún stígur skrefið sem á eftir að stíga.

Þjóðasáttina um að deila byrðum.

Að við séum öll eitt, ein þjóð í einu landi, og við látum okkur hvort annað varða.

 

Þá var fundurinn á Rangá til góðs.

Kveðja að austan.

 

 

Ríkisstjórnin í tvöfalda skimun og smitgát

Hvernig getur maður sem gerir.

 

Fyrrum aðalritara Sovéska kommúnistaflokksins, þá Bresnjev og Andropov líflega í samanburði þó á grafarbakka væru, verið boðberi vonar og ljóss.

 

Hálfdauður maður er ekki slíkur boðberi, hann er staðfesting á tilvist gírugrar valdaklíku sem treystir engum frambærilegum og vill stjórna öllu bak við tjöldin.

Biden er því leikbrúða eða statisti, framboð hans gjaldþrot lýðræðisins vestan hafs.

Það er ef flokksklíkan kemst upp með þetta athæfi sitt.

 

Skiptir ekki máli hver mótframbjóðandinn er.

Hvort hann er skemill, skelfilegur eða siðblindingi.

Þess þá heldur að bjóða fram valkost, lágmarkið allavega að farmbjóðandinn sé lifandi.

 

Það er ótrúlegt að sjá þetta.

Ekkert hatur á Trump getur réttlætt að fólk taki undir eða styðji þessa grímulausu aðför að lýðræðinu.

Þennan fingur sem kjósendum er gefið uppí óæðri endann.

 

Takist þetta, ef Biden verður kosinn, þá er í raun um valdarán að ræða.

Að fólk, sem hefur ekki til þess lýðræðislegt umboð þjóðarinnar, hafi öll völd eftir kosningarnar, og stjórni í umboð manns sem augljóslega hefur ekkert í það að gera, og hans eina hlutverk er að setja X á blað.

Og jú, deyja ekki.

 

Þeir sem mótmæla hástöfum kosningum hér og þar, ættu núna að líta í eigin barm.

Því trúverðugleiki er undir.

 

Sem og sjálft lýðræðið.

Kveðja að austan.

Biden: Að velja von