Æ, þetta segir ekki neitt, elsku bestu fjölmiðlamenn.

Í guðanna bænum látið ekki stjórnmálamenn og Þórólf prófessor ekki plata ykkur með því að núna sé ástandið að skána.

Spyrjið þið þá hjá Atvinnulífinu, þeir þekkja stöðuna og segja að hún sé hrikaleg.  Hamfaravetur er framundan ef Alþjóðagjaldeyrissjóðurinn verður ekki rekinn úr landi og þjóðin tekur málin í sínar hendur.  

Hvað sagði Villi, áður helsti uppklappari sjóðsins, á fundi í síðustu viku.  "Verst unna áætlun" sjóðsins og þá erum við að tala um eitthvað hrikalega slæmt því ennþá hefur ekki fundist vitræn efnahagsáætlun frá sjóðnum eftir að falsspámenn Chicago náðu þar völdum.  Þær hafa allar gert ill verra, og oft slæmt óviðráðanlegt, nema náttúrulega fyrir alþjóðlegt auðmagn, sem er bæði siðblint og siðlaust í gjörðum sínum gagnvart fátækum þjóðum.

En af hverju erum við ekki að tala um fjöldagjaldþrot????

Hafi menn ekki ennþá fattað það, þá er allt í lagi að upplýsa það.  

Bankarnir geta ekki gert þá upp sem borga ekki skuldir sínar.  Þá fara þeir sjálfir á hausinn.

Það eru of margir í vanda, of margir sem eru gjaldþrota.

En kerfið gekk eftir Hrunið vegna þess að ennþá var svo mikið fjármagn í umferð í hagkerfinu, milljónaþjóðir hefðu verið stoltar af því peningamagni sem hér flæddi um götur og torg.

En núna er þetta fjármagn að þorna upp.  Það er ekkert innstreymi af nýju fjármagni til landsins og erlendir lánardrottnar vilja endurgreiðslur sinna lána, tími sífelldra endurfjármagna er liðinn.

Þess vegna er harðindaveturinn mikli framundan í íslensku efnahagslífi.  Verri en sá sem skall á New York í myndinni "Day after".

Og núverandi ráðamenn eru alls ófærir að leiða þjóð sína í gegnum þann vetur.  

Jafnvel flokkshestarnir vita það í hjarta sínu.

Kveðja að austan. 

 

 

12 fyrirtæki í þrot í ágúst