Það fjarar undan forseta ASÍ

 

Grasrótin er farin að rumska og hún hefur eignast öflugan talsmann í Ragnari Ingólfssyni, formanni VR.

Fyrir var Vilhjálmur Birgisson Akranesi, löngum talinn síðasti geirfuglinn, en á daginn kom að stofn verklýðsforingja var ekki útdauður.

 

Og grasrótin krefst réttlætis, launa réttlætis, þess réttlætis að geta eignast eigið húsnæði en ekki vera á vergangi leigubraskara, þess réttlætis að þjóðfélagið sé líka fyrir vinnandi fólk.

Og ef Gylfi forseti skynjar ekki sinn tíma, þá er það hann sem endar eins og geirfuglinn, á safni.

 

Þess vegna dugar útspil ríkisstjórnarinnar ekki.

Gylfi þarf meira og hann er í engri stöðu til að semja.

 

Hann þarf.

Og ef hann fær ekki.

 

Þá verður enginn Gylfi á næsta ári til að semja við.

Kveðja að austan.

Dugar útspil ríkisstjórnarinnar?

Athugasemdir

[Símon Jónsson frá Koti (IP-tala skráð) 28.2.2018 kl. 09:35]

Á tímum þar sem forhert sjálfskammtandi og ábyrgðarlaus sjálftaka ríkisforstjóra, þingmanna, ráðherra og helstu embættismanna stjórnsýslunnar, skal engan undra að upp úr sjóði ... og kominn þá tími til.

[Ómar Geirsson, 28.2.2018 kl. 16:39]

Og það sauð uppúr.

En Gylfi kaus að fljóta ofaná.

Það eru spennandi tímar framundan.

Kveðja að austan.

[Ómar Geirsson, 28.2.2018 kl. 19:34]

Eða ekki.

Kemur í ljós.

Kveðja að asutan.