Halldóri þætti vænna um að Bjarna þætti vænt um þjóð sína.

23.2.2013 | 18:10

Halldóri þætti vænna um að Bjarna þætti vænt um þjóð sína.

Það er engin ágreiningur milli þessara manna, það er hyldýpi þeirra sem eiga skuldir, og þeirra sem eiga heimili, fjölskyldur og fyrirtæki.

Þegar þjóðin sótti að óhroðanum sem kennir sig við norræna velferð, þá vissu allir um hvað baráttan snérist, að hrekja þá frá völdum sem stóðu vörð um fjármagn, og fóðruðu það á blóði heimila landsins.

Þetta er dagur upprifjunar, ég ætla að sjá niðurstaða landsfundar Sjálfstæðisflokksins áður en ég tjái mig efnislega um í hvaða liði flokkurinn er. Ætla þess í stað að endurbirta pistil um hvað Halldór Gunnarsson stendur fyrir, pistil sem heitir Erum við ein þjóð???, og fjallar um hvað fólk, hvað mennskt fólk gerir eftir þær hamfarir sem gengu yfir þjóðina haustið 2008.

Mennskt fólk bjargar þjóðinni, fjármagnið ekki.

Finnum við til með öðru fólki???

Finnum við til með samlöndum okkar sem hafa lent illa út úr Hruninu???

Eru vinir okkar, ættingjar, vinnufélagar, nágrannar með snöru Útburðar um háls sér???

Finnst okkur þetta réttlátt???

Höldum við að það sé hægt að byggja upp nýtt og réttlátt Ísland með blóði meðbræðra okkar á samviskunni????

Ef svo er ekki, að við teljum þetta ranglátt og ekki siðaðra manna háttur að bera út fórnarlömb kreppunnar, kreppu sem auðræningjar komu okkur í, þá látum við ekki Leppa þessa sömu auðræningja stjórna þessari þjóð mínútu lengur.

Það er okkar að ákveða hvernig þjóðfélag við viljum.

Það er engin afsökun að sitja heima vegna þess að við teljum okkur svo smá að við getum engu breytt.

Við erum öll smá. Við erum öll vanmáttug gagnvart þeim illskuöflum sem leika laus í samfélagi okkar og engu eira.

En saman erum við sterk.

Við erum þúsundir, við erum tugþúsundir, við erum hundruð þúsundir, við erum nákvæmlega þrjú hundruð þúsund.

Þúsundir okkar horfa fram á gjaldþrot og missi heimila sinna.

Tugþúsundir þekkja vini eða ættingja, nágranna eða vinnufélaga sem hafa lenti í kvörnum Útburðarliðsins. Fólk sem er að bugast, að missa heimili sín, eða skrimtir sem réttlausir skuldaþrælar.

Hundruð þúsundir telja þjóðfélag okkar á rangri braut, telja að það sé rangt að meðhöndla samlanda sína sem skynlausar skepnur sem senda megi í sláturhús auðræningja.

Þrjúhundruð þúsund Íslendinga ætla að taka af skarið og segja hingað og ekki lengra.

Við látum ekki lengur Alþjóðagjaldeyrissjóðinn steypa þessari þjóð í glötun.

Við viljum ekki lifa í svona þjóðfélagi.

Það er betra að vera fátæk saman, og eiga von um betri tíð, en að sum okkar sleppi, aðrir skrimti, en fjölda samlanda okkar sé fórnað á altari siðleysis og grimmdar.

Fátæk saman eigum við von, og fátæk saman munum við rísa upp og byggja upp betra og réttlátara samfélag. Við þurfum aðeins að setja okkur það markmið að enginn farist vegna auðrána og vegna afleiðingar þess Hruns sem auðræningjar ollu.

En ef við lútum stjórn auðræningja og fórnum hluta þjóðar okkar svo auðræningja geti áfram makað sinn krók, þá mun þjóðin sundrast og bræður munu berjast. Og við munum öll glata því sem við eigum helgast, æru okkar og mennsku.

Valið er því einfalt.

Við erum öll á sama báti, og við viljum öll vera á sama báti.

Við mætum í kvöld og púum niður Útburðinn.

Við sendum auðræningjum skýr skilaboð að þeirra tími sé liðinn.

Við sendum umheiminum skýr skilaboð að frjáls þjóð fórni ekki hluta meðbræðra sinna svo siðspillt auðmagn fái frjálsar hendur með arðrán sitt og kúgun.

Við sendum mannkyninu þau skilaboð að nú sé tími til kominn að hinn venjulegi maður segi hingað og ekki lengra. Að tími arðráns og kúgunar hinna ofurríku sé liðinn.

Að við séum öll á sama báti og ætlum öll að bjargast.

Og byggja upp betri heim.

Það þarf bara einhver að byrja.

Við byrjum í kvöld.

Kannski byrjar Sjálfstæðisflokkurinn á morgun.

Ég veit allavega að það er fólk í flokknum.

Alvöru fólk, alvöru manneskjur.

Og það fórnar ekki þjóðinni í gin vogunarsjóða, í gin óseðjandi græðgi og mannvonsku.

Jafnvel þó flokksforystan skipar því að gera það.

Það sagði Nei við ICEsave.

Það segir Nei við hið dauða fjármagn.

Kveðja að austan.

	„Þykir mjög vænt um þig Halldór“
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Það er dálítið magnað að fylgjast með þessum landsfundi svona úr fjarlægð.

Maður hefur á tilfinningunni að sjónarmið Halldórs fái ekki mikinn hljómgrunn. Það stefnir í að landsfundurinn sem átti að snúast um heimilin dragi heldur í land með stefnuna í skuldamálum miðað við það sem síðasti landsfundur samþykkti og þingflokkurinn treysti sér ekki til þess að fylgja eftir.

En sjallarnir eru merkilegt fiðurfé. Þeir boða kapítalisma en trúa bara á hagnaðinn en ekki tapið. Þeir treysta sér einungis til þess að reka fyrirtæki þegar þeir fá auðlindirnar gefins, ríkisfyrirtækin fyrir ekkert, einokun á markaði og svo framvegis. Ef það stefnir í tap einhver staðar þá eru þetta sósalistar dauðans. þetta er í raun ekkert annað en aumingjavæðing viðskiptalífsins.

Afstaða þeirra til verðtryggingar er af sama meiði. Óttinn við að þurfa að læra á markaðinn og fá ekki alltaf örugglega fjárframlagið til baka, alveg sama hversu heimskulegar ákvarðanir maður tekur, trompar klárlega réttlæti og samúð þeirra með samborgurum sínum.

Með formann sem nýtur hvergi trausts og veika afstöðu í skuldamálum heimilanna er búið að opna á að flokkurinn verði minni en Framsóknarflokkurinn eftir næstu kosningar að því gefnu að kosningaþátttaka verði góð. Því það er eitt öruggt í þessum heimi og það er að sjallarnir eiga ekkert í óákveðna fylginu ef þeir ætla að leggja af stað í kosningabaráttu með þessa moðsuðu. Þetta fattar Halldór en restin af landsfundinum virðist vera úti á þekju.

Seiken (IP-tala skráð) 23.2.2013 kl. 19:18

Aldrei er góð vísa of oft kveðin og aldrei er þessi spurning of oft sett fram:

"Erum við ein þjóð??" ... eða ekki? "Í þágu heimilanna" ... eða ekki?

Ég hef sömu tilfinningu fyrir landsfundinum og Seiken, að niðurstaðan verði ... tvöfalt "ekki"

og ég spái því að þá muni sjóða upp úr og Sjálfstæðisflokkurinn endanlega klofna.

Th Deep Throat (IP-tala skráð) 23.2.2013 kl. 19:37

Litli Sjálfstæðisflokkurinn, Samfylkingin er klofin í alls kyns útfrymi. Vg er hrat út í horni.

Hér varð hrun haustið 2008. Djúpstæð gjá myndaðist.

Í ljósi ummæla flokkseigenda Sjálfstæðisflokksins um "hið svokallaða hrun", þá ætla ég að almennir, venjulegir og óbreyttir sjálfstæðismenn kunni því álíka illa og þegar Steingrímur J. talaði um hinn mikla eignabruna sem hefði orðið, en samt ekki hjá "venjulegu fólki".

Ég tek undir þau orð að mér sýnist vel geta stefnt í endanlegan klofning milli flokkseigendanna og hinna almennu og venjulegu sjálfstæðismanna.

Nonni (IP-tala skráð) 23.2.2013 kl. 20:23