Jóhanna gaf húsbónda sínum skýrslu.

 

Og hefur sjálfsagt fengið klapp á kollinn.

 "... að deila þekkingu og reynslu af árangursríkum verkefnum" kallaði hún þetta.

Spurningin er hvort ICESave svik hennar séu árangursrík.  Vissulega hefur hún stuðning Sjálfstæðisflokksins, þannig að þingið er öruggt, en hvað um Ólaf???

Er hægt að tala um árangur þegar afstaða hans liggur ekki fyrir???

 

Líklegast er hún svona ánægð vegna þess að hún telur að þjóðin sé svo langþreytt að hún láti undan  samstilltri áróðurherferð fjórflokksins þar sem keyrt verður á að þjóðin hafi ekki efni á að hafna fjárkúguninni.

Á móti fjórflokknum, fjölmiðlum ESB og auðmanna, háskólaelítunni og kjaftastéttinni, er aðeins eitt blað, og þar líklegast aðeins annar ritstjórinn.

Og svo við öll sem samþykkjum aldrei þessa lögleysu og fjárkúgun.  

 

Og við hin erum í öllum flokkum, líka í Samfylkingunni.

Við erum hinn venjulegi maður sem þekkir muninn á réttu og röngu, og höfum þann innri styrk að standa við sannfæringu okkar.

Þrátt fyrir allar mútur heims, þrátt fyrir allan vælukór auðmanna.

 

Dugar það???

Hefur Jóhanna ástæðu til að fagna með Cameron????

Veit það ekki en Hádegismóri er öflugasta afturganga Íslandsögunnar frá því að Glámur var og hét.  Það þurfti sterkasta mann Íslandssögunnar til að leggja hann að velli.

Hefur auðmannakórinn þann styrk????

Ætli úrslit stríðsins séu ekki dálítið undir því komið.

 

Ég myndi allavega ekki skála fyrirfram í kampavíni eða monta mig með Cameron eins og við Íslendingar séum sigruð buguð þjóð.

Við lifðum af Móðurharðindin, við hljótum að lifa af ICEsave og AGS.  Ekki sem bugaðir aumingjar, étandi mola úr hendi kúgara okkar, heldur sem þjóð með reisn sem sendi hina erlendu kúgun upp í óæðri endann á sjálfri sér.

 

Og síðan verður ICEsave stjórnin eins og leggur sig lögsótt fyrir meint landráð.  Og þá verða réttarhöldin ekki skrípaleikur eins og þau sem rekin eru i dag.

Þá mun meint refsing hæfa glæpnum.

 

Fjárkúgun og þjóðarsvik eiga aldrei að líðast.

Kveðja að austan.

 

 

 

Cameron fræddur um íslenska fæðingarorlofið

Athugasemdir

[Helga Kristjánsdóttir, 21.1.2011 kl. 00:26]

 Nú bið ég almættið að ég fái að upplifa það.

[Loftur Altice Þorsteinsson, 21.1.2011 kl. 00:41]

Viðurkennið þó félagar, að það var góðverk af Hr. Jóhönnu að gefa Bretum ráð varðandi fæðingarorlof. Þetta húllum-hæ var bara til að höfðingarnir gætu notið næðis og sagt skemmtisögur. Eru valdastólarnir ekki einmitt til þess ætlaðir ? Er þessi frásögn ekki hugljúf:

"Hilton valdi einnig fundarstaðinn, Whitechapel listasafnið í austurhluta Lundúna, með það fyrir augum að þjóðarleiðtogarnir og forvígismenn í viðskiptum gætu átt notalegar samræður í óformlegu umhverfi."

Hagsmunir Íslendinga gleymdust enn eina ferðina, en sem betur fer veldur það ekki svefnleysi Hr. Jóhönnu og föruneytis.

[Jóna Kolbrún Garðarsdóttir, 21.1.2011 kl. 00:46]

Heyr, heyr

[Elle_, 21.1.2011 kl. 00:52]

Getur bara ekki annað verið en ICESAVE-STJÓRNINNNI verði komið fyrir kattarnef og dæmd harkalega.  Og Jóhanna lokuð inni með heimaköttunum.  Villikettirnir voru þeir vitru og verður ekki smalað. 

[Norðurbandalagsmaður (IP-tala skráð) 21.1.2011 kl. 03:22]

Norðurbandalagið er framtíðarleiðtogi heimsins. Það vita það allir sem hafa þekkingu þaðan sem hún er gildi. Lengi lifi Cameron! Hinn sanni Íslandsvinur, vinur mannkynsins! Það er yndislegt að Bretar hafi losað sig við hundinn Brown sem gat ekkert nema setið og staðið eftir fyrirskipunum Evrópubandalagsins og samkvæmt fyrirskipunum skuggalegra afla sem vildu enga samkeppni á fjármálamarkaðinum....Loksins fer MAÐUR með stjórn í Bretlandi, og eins og forverar hans höfðu vit á að sýna Rómverjum virðingu, þekkir hann hið sanna heimsveldi í burðarliðunum. Norðurbandalagið, verðandi Elítu og leiðarljós heimsins, leiðtoga í friði, orku og menningu, vitaljós fyrir allan heiminn. Lifi Norðurbandalagið! ...

[Ómar Geirsson, 21.1.2011 kl. 07:01]

Amen, enda ekki allar lofgjörðir á því???

Takk annars fyrir innlitið kæra fólk.

Vil taka það fram að  eiginlega var ég ekki að blogga um Jóhönnu, hún hóf aðeins þráðinn sem ég leiddi annað, að minningum tengdum mínum skaftfellska arfi.

Og hvernig við tökumst á við erfiðleika.

Sem aftur kemur að Jóhönnu, skriðtækni hennar mun ekki leiða þjóðina út úr Skuldaharðindunum.

Svo er hún einnig slæm fyrir hnén.  Vorkenni konu greyinu.

Kveðja að austan.

[Örn (IP-tala skráð) 21.1.2011 kl. 08:15]

Ég treysti á Ólaf, þann hugrakka manns, og hans góðu konu, sem elskar þessa þjóð og óskar okkur síst af öllu að verða einhverjir undirmálsmenn í Stór-Þýskalandi hinu síðara. Þetta er gott fólk, með stóra og hugrakka framtíðarsýn.

[Sigurður Haraldsson, 21.1.2011 kl. 11:46]

Blessaður þú ert Íslandsvinur góður flottur baráttuandi. Kveðja úr Reykjavík.

[Ómar Geirsson, 21.1.2011 kl. 14:20]

Takk Sigurður.

Örn, pistillinn fjallaði meira um hvort þjóðinni væri treystandi, tel engar líkur á en að Ólafur sé sjálfum sér samkvæmur.

En þjóðin, hún trúir stóriðjuheimskunni, trúir hún þá ekki þessu líka????

Kveðja að austan.

[Elle_, 21.1.2011 kl. 23:40]

Hvað ætli það þýði fyrir ICESAVE að Jóhannes Þór Skúlason úr InDefence hefur verið ráðinn sem aðtoðarmaður Sigmundar Davíðs Gunnlaugssonar, Ómar??  InDefence hefur alltaf viljað semja um ICESAVE.

[Ómar Geirsson, 22.1.2011 kl. 13:15]

Sigmundur líka, líka Þór Saari, en ekki á hvaða kjörum sem er.

Miðað við deyfðina í þjóðfélaginu þá sýnist mér að enginn inn á þingi sjái markað í að hjóla í þessa samninga.  Þú færð alla elítuna og vinnumennina á fjölmiðlunum, á þig.

Slíkt er varla gerlegt nema fyrir sterkustu menn.

Og með fullri virðingu fyrir þeim á þingi, þá sýnist mér þeir ekki í þeim hópum, að hafa kjark til að móta atburðarrás, í stað þess að berast með henni.

Ég held að næsta stríð sé í þjóðaratkvæðinu, Ólafur mun senda ICEsave í þjóðaratkvæði, annað er svo ótaktískt hjá honum.  

Og hann er ekki búinn að gleyma rógnum frá elítunni, það lið sem firrtist vegna þjóðaratkvæðisins, það er hvort sem er lið sem hefur tekið Ólaf út af sakramentinu.

Fari svo, sem allflest bendir til að kreppan skelli á fullum þunga þegar líða tekur á vorið, þá er Ólafur maðurinn, en elítan drullusokkar.

Og Ólafur hefur nægan sens fyrir pólitík til að lesa stöðuna þannig, hann hefur í raun engu að tapa með því að setja ICEsave í þjóðaratkvæði, verður jafn montinn hvort sem það fær brautargengi eður ei, en ef hlutir skipast á verri veginn, þá er hann maðurinn sem þorði að vernda hagsmuni þjóðarinnar.

De Gaulle kom aftur á gamalsaldri, hví ekki Ólafur????

Kveðja að austan.