Prestar vilja vígaferli.

 

Þau hafa reynst svo vel í kirkjunni.

Þeir sjá ekkert athugavert við að sekt fólk tekur nokkra fyrrverandi þingmenn út úr hópnum og ákærir þá fyrir sömu sakir og margir núverandi þingmenn bera ábyrgð á.  

Þeir sjá ekkert athugavert að kljúfa þjóðina í herðar niður á tímum þar sem erlend ógnaröfl eru að ræna hana, enda allflestir þessara presta stuðningsmenn breta í ICEsave deilunni.  Telja eins og margir kirkjuleiðtogar hér á árum áður að leiðin til himna sé mörkuð fátækt og útburði fjölskyldunnar af heimilum hennar.

Og þetta sannkristna fólk með helgislepju á tungu hefur aldrei heyrt minnst á hvernig leið sannleiks og réttlætis getur gert upp svona atburði eins og íslenska Hrunið varð.  Enda við hverju að búast af fólk sem styður fjárkúganir og rán, og má helst ekki sjá annan kirkjunnar mann án þess að munda rýtinginn í ermi sér.

Nei, miklar eru villigötur kirkjunnar ef þetta er hennar eina innlegg til uppbyggingar landsins eftir Hrunið.

Og meðal annarra orða, hefur hópur presta komið opinberlega fram  og mótmælt útburði samlanda sinna??????

Hvar er kirkjan þegar þjóðin þarf á henni að halda????

 

Æ, hvernig læt ég, var búinn að svara þessari spurningu fyrr.  

Þeir eru auðvitað að brýna rýtinga sína.

Kveðja að austan.

Prestar furða sig á niðurstöðu um landsdóm