Hvað er kokið á Steingrími stórt???

 

Það vita allir að það er stórt, hjúgst stórt en nær það til að kokgleypa enn einni móðgun Samfylkingarinnar???

Þetta er pólitísk spurning dagsins í dag.

Vegna þess að það vita allir að pólitískt nef Steingríms er sprungið.

Hann virðist ekki skynja eða fatta, að Samfylkingin er beint að ögra honum.  Bæði vegna þess að hún er afbrýðisöm vegna styrks hans og vinsælda, þjóðin upplifir hann oft eina ráðherra  ríkisstjórnarinnar.  En líka vegna þess að Samfylkingin vill ekki verða 5% flokkur eins og allar skoðanakannanir benda til að verði innan ekki svo langs tíma.

Forysta Samfylkingarinnar skynjar að ESB mál hennar er dautt.  Og það er hún sem er að tapa á ICEsave svikunum, ekki VG.  Þess vegna er hún tilbúin með annað leikrit, kvótaleikritið.  

Og hún er tilbúin með söng vinnumanna breta hjá ASÍ og Samiðn, að hér sé allt í kulda og norðanátt vegna þess að VG klúðraði ICEsave skattinum.  Og lygamerðir Háskóla Íslands taka undir sönginn að hér sé kaldi og trekkur vegna þess að þjóðin fær ekki að taka lán upp á 500 milljarða, ofaná 800 milljarða AGS og 507 milljarða bretaskattsins, til að virkja eldgosahita Reykjanessins.

Og það er treyst á meðfædda heimsku fjölmiðlamanna við að útbreiða boðskap breskra vinnumanna og þjóna AGS hjá Háskóla Íslands.

Það er vonað að þjóðin trúi plottinu fram yfir vorkosningar hinar seinni.  Og lýðskrum kvótabombunnar á að koma hjörðinni í atkvæðabúr spunakokkanna sem auðmennirnir lánuðu Samfylkingunni til að tryggja áframhaldandi ítök sín yfir íslensku þjóðlífi.

 

En fyrst þarf að sprengja stjórnina, og aðferðarfræðin er fengin að láni úr James Bond myndum, illmennið fórnar alltaf fyrst auðtrúa meðreiðarsveinum, áður en hann reynir að drepa Bond og í framhaldinu gera almenningi allan þann miska sem hann hefur tök á.

Nema í raunveruleikanum eru engar hetjur sem vilja stoppa illskuflærð auðleppa og sálarlausra lýðskrumara, aðeins tregir meðreiðarsveinar og mikill vilji til að níðast á þjóðinni, því ætti plottið að takast.

Aðeins eitt  er í vegi, og það er kokið á Steingrími, mun hann ná til að kyngja fyrirlitningu samstarfsflokks síns?????

Ef honum tekst það þá mun stjórnin lifa út vikuna, og allt þar til ný atlaga hefst að VG liðum.

Samfylkingin ætlar út úr  þessari ríkisstjórn, en plottið er að láta órólegu deild VG að sprengja.

Aldrei hefur ein þjóð átt eins mikið undir einu koki og Íslendingar í dag.  Þar sem þjóðinni er að blæða út, þá legg ég til að brjóstaminnkunarlæknar verði fengir með tæki sín og tól niður í fjármálaráðuneyti, og þeir saumi fyrir kokið á Steingrími, eins og var gert fyrir gæsir í den. 

 

Það gengur ekki að eitt pólitískt kok haldi mestu illvirkjastjórn Íslandssögunnar við völd mikið lengur.  

Það vilja allir þessa ríkisstjórn burt.

Kveðja að austan.

 

 

 

 

Gremja í herbúðum VG

Athugasemdir

[(IP-tala skráð) 29.3.2010 kl. 09:55]

Takk fyrir þín góðu og skemmtilegur skrif. Hef samt trú að að  þetta verði gleypt eins og annað. Kannski örlítið gott á SF því það er slæmt að engjast í snörunni, en slæmt fyrir þjóðina að sama skapi. Held það sé hárrétt túlkun hjá þér að samfylkiningin reynir allt orðið til að losna úr stjórninni, þeir vilja bara ekki verða til að sprengja hana, þá verður svo erfitt að réttlæta orð og gjörðir við að  rifa niður samstarfsflokkinn seinna meir.

[Ómar Geirsson, 29.3.2010 kl. 13:35]

Blessuð Sigurlaug.

Takk fyrir hressinguna, þetta eru skrýtnir tímar sem krefjast vissrar spénálgunar, í bland við dauðans alvöru sem ég skynja.  

Fyrir tveimur árum síðan hefði ég aldrei trúað því að fyrsta vinstristjórn Íslands, hefði það helst að markmiði að afla sér vina og bandamanna hjá siðlausasta hluta, hins siðlausa alþjóðlegs auðvalds og vera bara nokkuð stolt af því.

Og slík vinátta kostar alltaf blóðfórnir, miklar blóðfórnir.

Hvernig VG og Samfylkingin lenti inn á þessa braut, hef ég ekki hugmynd um, en vænna þætti mér að þau snéru til baka í tíma og vitkuðust.  Þetta er gott fólk, við Íslendingar eru ágætisfólk, svona inn við beinið, þó við séum vissulega mis þykk eins og gengur og gerist, jafnt á holdi sem í anda, en samt það er gott að eiga Íslending að.

Ég lít á skrif mín sem afruglun, VG liðum svíður auðvaldstengingin, þó mér sé fyrirmunað að skilja að þeir skuli ekki sjá hana sjálfir, dygði að ég hélt ekki að vera með lokuð augu til að losna við að sjá hana, og finna náþefinn sem af henni lekur.  Og þó þeir æmti ekki hér hjá mér, þá eru þeir þarna úti, kveinkandi sér yfir vonsku mannanna, og bloggara sem skilja ekki fórn þeirra fyrir alþýðuna.

Og ég vona að Samfylkingin finni nógu stóran bita fyrir Steingrím, eða að Ögmundur sendi hann í kokþrengingu, skiptir ekki máli.

Við þurfum að losna við þessa stjórn sem fyrst, og þegar fram líða tímar, jafnvel strax eftir páska, þá myndi stjórnarliðar líka blessa daginn í dag, ef stjórnin félli.

Það líkar engum við þessa stjórn.

Engum.

Kveðja að austan.