Losum okkur við glæpagengið sem stjórnar þessu landi.

 

Þó fyrr hefði verið.

Þetta eru Leppar svartasta hluta hins alþjóðlega auðvalds, bandaríska vogunarsjóða og þeirra skrípa sem Alþjóðagjaldeyrissjóðurinn þjónar.

Illmenni, hrakmenni af verstu gerð eins og mýmörg dæmi undangenginna ára sanna.

Og Leppar þessa Óberma, ríkisstjórn  Íslands, meinar þjóðinni að bjarga sér.

Miðin eru full af fiski, en það má ekki veiða hann.  Tekjurnar af þeim afla gætu gert þann gæfumun sem þjóðin þyrfti til að ná sér upp úr kreppunni án þess að missa sjálfstæði sitt í hendur á erlendum ræningjum vogunarsjóða og spábraskara.

Það eru engin fiskifræðileg rök fyrir því að veiða ekki þennan fisk.  Reiknilíkan Hafró er vitlausara en það reiknilíkan Hrunstjórnarinnar að hún gæti ábyrgst skuldir bankakerfisins sem næmu rúmlega tífaldri þjóðarframleiðslu.  Sama akademíska heimskan í báðum tilvikum.

Fiskgengdin fyrir utan Snæfellsnesið er þvílík, að miðin þar fara langt með að hýsa allan þann fisk  sem Hafró hefur reiknað út að sé í sjónum.  En önnur mið eru líka full af fiski.   Netaveiðamenn hafa aldrei kynnst því áður að það megi varla vera dræsa á netunum, þá yfirfylli þeir báta sína.  Aðeins langskólagengnir fiskifræðingar, fyrst upp aldir í vernduðu umhverfi skólastofunnar, síðan lokaðir inní herbergjum fullum af reiknilíkönum, trúa því að yfirfull mið séu vísbending yfirvofandi hrun ef flotinn sé ekki bundinn við bryggju.

Og þeir einu sem trúa er lögfræðimenntaðir sérfræðingar sjávarútvegsráðuneytisins, þeir halda líka að reglugerðir veiði fisk.  

Og hagsmunaaðilar, með sinn yfirveðsetta kvóta, þeir dansa með því of mikil veiði, fellur veð þeirra og þá springur enn ein skuldablaðran.

 

Og á meðan blæðir þjóðinni.  Vinnumenn breta í verkalýðshreyfingunni, þeir krefjast bretaskattsins, og að bröskurum sé greiddar út krónur sínar á yfirveði, allt til þess  að hægt sé að taka hundruð milljarða af láni svo hægt sé að virkja, virkja ofaná sprungusvæði sem gæti gosið á morgun.  

Menn hafa ekkert lært af Kröflugosinu, menn hafa ekkert lært af afleiðingum yfirskuldsetningar útrásarvíkinganna.  Það eina sem var ekki yfirskuldsett, það var almannasjóður, núna  á að yfirskuldsetja hann svo hægt sé að framlengja líf gjaldþrota  verktaka um 4-5´ár.

Og á meðan syndir fiskurinn um glottandi, óveiddur.  

Og það þarf ekki að kosta til krónu í erlendum lánum til að veiða hann, það þarf bara  að sækja hann og senda hann til útlanda.

Fyrir utan þann ódýra fisk sem strandveiðiflotinn ætti að mega veiða svo fólk gæti étið fisk, í stað spaghettis og núðla og mæðrastyrks,  eins og Leppar AGS telja þjóðinni hollt.

Hvenær sjáum við í gegnum þennan skrípaleik, hvenær sjáum við að það er glæpagengi sem stjórnar þessu landi.

Og það vill okkur illt.

Kveðja að austan.

 

 

 

Alls staðar mokafli

Athugasemdir

[Ólafur Ingi Hrólfsson, 29.3.2010 kl. 09:23]

Rétt - það er óþolandi að menn séu að veiða fisk - og að koma með hann að landi er smán.

Þetta er að skapa atvinnu - verðmæti og stuðlar að uppbyggingu.

Hvar er Svandís???   Banna þetta - Núna.

[Árni Karl Ellertsson (IP-tala skráð) 29.3.2010 kl. 11:37]

Byltingu strax og losum okkur við glæpa/snobbpakkið endanlega, ég er að tala um alvöru hreinsun.

[Toni (IP-tala skráð) 29.3.2010 kl. 12:24]

Þetta er allt saman rétt og satt hjá þér Ómar. Þessi kreppa er fyrst og fremst skuldakreppa gjaldeyris og spákaupmanna. Efnahagsáætlun IMF er sérhönnuð til að draga úr meintu tapi auðugra sjálftökugeifa sem fóru mikin í veðmálum sínum gegn almenningi um allan heim.

Við eigum okkar sjálftökuaðal hér á íslandi og það er hann sem grenjar hvað hæst eftir samstarfi við IMF og snögga afgreiðslu á icesave kröfunni.

Það er minna mál að taka á þessu en sérhagsmunaaðilarnir vilja láta í veðri vaka og bendir þú á það í þessum pistli.

Það sem mæðir fyrst og fremst á almenningi er ólögleg og siðlaus hækkun gengistryggðra lána, fasteignabóla sem bankarnir öðrum fremur sköpuðu og heimskuleg verðtrygging.

Við þetta má að sjálfsögðu bæta að einkaréttur útvaldra að verðmætasköpun byggða á aðgengi að náttúruauðlindum okkar í hafi og á landi er ekki skila sér til þjóðarbúsins vegna vaxtakostnaðar við erlenda banka.

Þeir sem hafa fengið aðgang að auðlindinni hafa tekið lán út á þessi sérréttindi sín og sett í óskildar fjáfestingar sem núna eru tapaðar.

Við erum að borga vextina af þessum lánum, en stórskuldug forrétindastéttin berst um á hæl og hnakka við að halda öllu sínu og til að hún geti það þarf hún meira lánsfé, sama hvaðan það lánsfé kemur. Brátt verða hanskarnir teknir af, tími málamiðlanna er nær liðin.

Bestu kveðjur að sunnan, Toni

[Ómar Geirsson, 29.3.2010 kl. 14:09]

Blessaðir félagar og takk fyrir innlitið.

Ólafur, það er margt skrýtið í kýrhausnum.

Árni, eini gallinn við hreinsun, er að maður þarf að vita hvað maður ætlar að hreinsa, og hvað maður vill fá í staðinn.

Er ekki búinn að gleyma kröfu Borgaramanna um stjórn sérfræðinga, þá líklegast með ástmögur AGS, Þorvald Gylfason í fararbroddi.  Það er til lítils að skipta um leikmenn ef alltaf er spilað eftir sama leikkerfinu.  Og það sem kemur í staðinn má ekki vera jafn slæmt og það sem fyrir var.

Ekki það að mér er alveg sama um núverandi gerendur, og fyrrverandi, lít á þá sem óvita sem þarf að hindra að haldi áfram að vinna sjálfum sér og öðrum skaða.  Til dæmis er kók í nef mjög hættulegt til lengdar, sem og verðtryggingin.

Ég vil skipta um kerfi, og víða bloggað um það með engum árangri.  En ég segi eins og maðurinn sem lét setja á legseins sinn, "ég sagði ykkur að ég var veikur", ég hef vís rétt fyrir mér.  Og hana nú.

Gaman að heyra í þér Toni, innslag þitt er mun vandaðra en pistill minn, en dagurinn í dag er dagur vonar og vonar og vonar, um að fegursti söngur sem eyru mín gætu numið, yrði sunginn i dag.

"Stjórnin er sprungin, og það var allt hinum að kenna."

En ég tók smá spéspegil á mesta skuldahjálpara sögunnar, manneskjuna sem alltaf er að skoða, og alltaf er jafn hissa á að fólk fatti ekki hvað hún er búin að gera mikið.  

Mitt framlag til að halda umræðunni gangandi um skuldavandamál heimilanna.  Og sú umræða yrði öflugri og markvissari, ef þessir skuldugu þarna úti hefðu vott af áhuga á henni.  

Þar liggur meinið og svarið við spurningu dagsins sem ég spurði fyrir hádegi.

Kveðja að austan.