Fleiri verða dregnir fyrir dóm áður en yfir líkur.

 

Til dæmis þeir sem bera ábyrgð á fjöldamorðunum í Svíþjóð.

Og þeir sem hleyptu veirunni inní landið okkar eftir að það vor orðið smitlaust, munu þurfa að axla ábyrgð.

 

Af hverju ætti venjulegt fólk að sætta sig við að vera kippt úr út samfélaginu og sett í sóttkví vegna afglapaháttar yfirvalda??

Við erum kannski mörg, en ekki öll sem sættum okkur við að vera dregin í dilka líkt og sauðir, án nokkurs vilja, sítakandi ofan húfu og hatt fyrir valdinu, jarmandi í kór um að svona eigi samfélagið að vera.

Í herkví yfirvalda, lifandi í sífelldum ótta við hið innflutta smit.

 

Það mun einhver segja, það var frumskylda ykkar að vernda okkur, en þið gerðuð það ekki því þið tókuð hagsmuni fárra fram yfir hag fjöldans.

Og sú ákvörðun er ekki án ábyrgðar.

 

Hinsvegar skulum við öll vona að glópalánið komi enn einu sinni til hjálpar, og smit verði einangruð áður en þau nái til áhættuhópa með tilheyrandi hættu á mannfalli.

En verði mannfall..

Þá er það manndráp af yfirlögðu ráði.

 

Seinni bylgjan er mannanna verk.

Og hún verður aldrei órefsuð.

Kveðja að austan.

Vilja að viðbrögð Bolsonaro verði rannsökuð

Athugasemdir

[Guðmundur Jónsson, 28.7.2020 kl. 10:50]

Hvern viltu svo að hengja fyrir þetta.

https://www.mbl.is/frettir/erlent/2020/07/28/milljonir_barna_svelta_vegna_covid_19/

[Ómar Geirsson, 28.7.2020 kl. 12:47]

Þá sem ábyrgðina bera, hvað annað??

Kveðja að austan.

[Símon Pétur frá Hákoti (IP-tala skráð) 28.7.2020 kl. 13:41]

Það eru íslensk stjórnvöld sem bera alfarið þá ábyrgð að hafa hleypt veirunni inn í landið, frá og með 15. júní 2020. 

Ráðherra málaflokksins, heilbrigðismál, ber þar vitaskuld höfuðábyrgðina, Svandís Svavarsdóttir.

[Ómar Geirsson, 28.7.2020 kl. 14:04]

Blessaður Símon.

Úr því sem komið er skulum við krossa fingur og biðja almættið um að ekki reyni á ábyrgðina, en mig grunar að hún sé víðtækari en svo að Svanhvít beri hana ein á herðum sér.

Hins vegar finnst mér líklegt að ef samfélagið verði aftur sett á hold, núna vegna vítaverðra ákvarðana stjórnvalda, að fólk láti reyna á rétt sinn, eru ekki skaðabótalögfræðingar hálf atvinnulausir eftir fyrri bylgjuna því það fylgdi hægagang samfélagsins að færri voru á ferðinni og því færri slys og óhöpp??

Hvernig er hægt að hleypa veirunni viljandi inní landið, babla síðan óskiljanlega vitleysu líkt og Katrín gerði í viðtali hjá Ruv; "„Ég tel að skimunin hafi sannað gildi sitt. Það skiptir verulegu máli að við séum ekki með landið galopið og þar höfum við verið að læra af reynslunni" þegar ljóst er að óþekkt smit breiðir úr sér, og skella síðan skuldinni á þjóðina, að hún gæti ekki nóg að smitvörnum sínum.

Sökin er ykkar, ekki okkar sem sýktu ykkur!!!

Langlundargeð fólks er ekki óendanleg auðlind.

Kveðja að austan.

[Símon Pétur frá Hákoti (IP-tala skráð) 28.7.2020 kl. 15:00]

Já, flatskjár kenningin er stjórnvöldum afar kær,

núna, sem á tímum hrun- og helferðarstjórnanna.

Að sakvæða almenning fyrir syndir stjórnvalda.