Hið vanheilaga bandalag Davíðs og Jóhönnu.

"Er ríkisábyrgð á innistæðutryggingakerfi Evrópu eða ekki? Eftir málflutning fyrir EFTA-dómstólnum í Lúxemborg í Icesave-málinu er ljóst að enginn treystir sér til að segja það fyrir víst. Fráleitt er að ætla að hin margumrædda tilskipun 94/19/EC taki af tvímæli um það og nú verða menn að bíða næstu tvo til þrjá mánuði eftir að niðurstaða dómsins fáist."

Já, fráleitt er að ætla  að tilskipun ESB um innlánstryggingar taki af tvímæli um hina meintu ríkisábyrgð segir blaðamaður Morgunblaðsins.

Og tekur þar með þátt í farsanum hinn meinta vafa, farsa sem er lending ríkisstjórnar Jóhönnu Sig inní Evrópusambandið.

Blaðið hans Davíðs tekur þátt í þeim ljóta leik.

Hver hefði trúað að ægivald atvinnarekendaklíkunnar sem vill í ESB, til að fá evruna sína, sé svo mikið að Davíð, hvort sem hann er meðvitaður eða plataður, sé verkfæri Jóhönnu Sigurðardóttur????

 

Það er vitað að "viðunandi" lausn ICEsave deilunnar er forsenda þess að bretar samþykki aðild Íslands að bandalaginu.  Það er líka  vitað að Brussel vill okkur inn vegna hagsmuna bandalagsins á Norðuslóðum.

Og það er vitað að engin lausn er viðunandi nema Ísland játi brot sitt og lofi að borga. 

 

Það er líka vitað  að eftir Nei-in 2 var ákveðið að finna samningsflöt með því að viðurkenna greiðslur úr þrotabúi Landsbankans en deilan snýst um meinta vexti, sem þó eru aukaatriði miðað við meginkröfuna um að Íslandi játi sekt sína.

Það er líka vitað að EFTA dómurinn á að kveða upp svokallaðan Salómónsdóm í ICEsave, dóm sem íslensk stjórnvöld hafa lofað að lúta, en biðja um það eitt að möguleiki sé á að þau fái hann samþykktan heima í héraði.

 

Það er líka vitað að til þess að rangur dómur verði samþykktur, þá þarf að virkja allar áróðursvélar valdsins til að skapa vafa um hið augljósa, að nakti keisarinn gæti hugsanlega verið í fötum, það vita jú allir að ekkert er fyrirfram hægt að segja til um niðurstöðu dómsstóla.  

Sigrún  Davíðsdóttir hefur verið dugleg við þetta í Speglinum en hlutverk hennar er að koma með fóður fyrir vitgranna fjölmiðlamenn um hinn meinta vafa, að keisarinn sé í fötum þó enginn fái þau séð.

Það sem ekki var vitað var hvort Mogginn myndi spila með.

 

Jæja, það er vitað í dag.

Mogginn spilar sig hálfvita í málinu.

 

Við hin sem ætlum ekki að samþykkja ICEsave og ekki ganga í dauðabandalagið á meginlandi Evrópu skulum muna að rangt verður alltaf rangt þó til séu aðilar sem hafa hagsmuni að því að halda fram vafa í málinu og hafa til þess völd og ítök til að hinn meinti vafi sé alltaf í umræðunni.

Munum að reglugerð ESB er skýr, reglugerðir er það eina sem ESB gerir vel.

Reglugerð ESB um innlánstryggingar tekur ekki á þeim aðstæðum sem koma upp við hrun tryggingakerfisins, það var annað hvort talið svo ólíklegt eða seinna tíma vandamál sem þyrfti að setja reglur um.

En reglugerðin tók það skýrt fram að ef einstök aðildarríki settu á stofn tryggingakerfi sem uppfyllti ákvæði reglugerðarinnar, þá væru þau NOT í ábyrgð fyrir tryggingarkerfinu.  Fyrir því eru tvær ástæður, bæði hefði regluverkið aldrei verið samþykkt ef það fæli sjálfkrafa í sér ótakmarkaða ríkisábyrgð, sem og hið augljósa, Framkvæmdarstjórn ESB hefur ekki Réttarheimild til að ákveða ríkisábyrgðir fyrir einstök aðildarríki ESB, hvað þá fyrir EFTA þjóðir sem eru aðilar að evrópska efnahagssvæðinu.

Um þetta er ekki vafi, þetta er svona.  Orð geta alltaf dregið það í efa það sem er, orðum er alltaf hægt að stjórna.  En þau breyta aldrei staðreyndum, það vita allir þeir sem fengu 4,5 á prófi.  "Ég held eða ég tel" voru aldrei tekin gild sem rétt svör.

 

Öll umræða um að þetta eða hitt hefði átt að vera í regluverkinu, er óumræða, það sem gildir það sem stendur í regluverkinu og síðan hvað stendur í íslensku lögunum sem samin voru útfrá regluverkinu.  

Það er óumræða að segja að fyrst að tryggingarkerfið hrundi vegna allsherjarhrun bankakerfisins að þá eiga stjórnvöld að gera svona eða svona.  Málið er að ef sá sem setti regluverkið, Framkvæmdarstjórn ESB, hefði viljað þessa eða hina athöfnina, til dæmis beina ríkisaðstoð við tryggingarkerfið, þá varð hún að taka það fram fyrirfram, ekki eftir á.

Því það er grundvallarregla réttarkerfisins að lög eru sett fyrirfram, ekki eftir á.  Það gildir sem stendur í lögum, ekki það sem hefði átt að standa.

 

Og lykilatriðið er, að það eina stendur í lögum sem viðkomandi löggjafi hefur heimild til að setja í viðkomandi lög.

Framkvæmdarstjórn ESB hafði ekki og hefur ekki Réttarheimild til að ákveða einhliða ótakmarkaðar ríkisábyrgðir fyrir einstök aðildarríki hins evrópska efnahagssvæðis.

Öll umræða sem byggist á "hefði" eða "ef" er óumræða sem kemur lagaframkvæmd ekkert við.

Lög geta vissulega verið óljós og þau þarf þá að túlka.  En mörkin eru að það er aldrei hægt að túlka inní lög það sem ekki stendur, hvað þá að túlka slíkt gegn skýrum lagatexta um það sem stendur.

"NOT" þýðir alltaf EKKI sama hvað Davíð Oddsson og Jóhanna Sigurðardóttir ákveða sín á milli. 

Gleymum því aldrei.

 

Það er sorglegt að þurfa að kveðja dyggan bandamann þjóðarinnar í ICEsave deilunni.  

En svona vinnur valdið, það herðir sín kverkatök þegar mikið er í húfi.

Og það sem er í húfi er innlimun Íslands sem beiningarkellingu inní sæluríki evrunnar, ESB.

 

Þangað vill Sjálfstæðisflokkurinn.

Þangað vill Samfylkingin.

 

En ekki ég.

Kveðja að austan.

 

 

 

 

Fjárhagsleg áhætta virðist hverfandi

Skyldi hún ganga á glervegg???

 

Orðræða Jóhönnu Sigurðardóttur um að ríkisstjórn hennar hafi engin loforð svikið er orðin mjög pínleg þegar hún hótar aðilum vinnumarkaðarins að hún sjái engan tilgang að leggja "aftur fram svo ítarlegt innlegg við gerð kjarasamninga, sem hún væri síðan eilíflega sökuð um að svíkja. "

Hvaða tilgang skyldi hið meinta ítarlega innlegg þjóna, ef aldrei var meining að standa við eitt eða neitt sem stóð uppá ríkisstjórnina að framkvæma???

Heldur hún að aðilar vinnumarkaðarins séu að fara fram á ný svik???   

Fattar hún ekki að það eina sem þeir biðja um er ærleg hegðun, að sagt sé satt frá og reynt sé að standa við gefin fyrirheit.

 

Það væri svo sem hægt að brosa af vandræðaganginum, og yppta öxlum yfir rökfærslu ráðherrans, þetta er nú einu sinni Hrannar að tala í gegnum leikbrúðu.

En þegar maður hugsar útí svo margt annað sem Jóhanna Sigurðardóttir hefur sagt og gert, til dæmis þegar hún sífellt fullyrti að Svavarssamningurinn illræmdi myndi í mesta lagi kosta ríkissjóð 75-100 milljarða þegar ljóst var að aðeins vaxtakostnaðurinn var mun hærri upphæð eða þegar hún ítrekað stendur á því að von Evrópu felist í evrunni, þá er ljóst að það er varla hlæjandi að forsætisráðherra Íslands.

Það er eins og hún sé ekki jarðtengd, skynji ekki raunveruleikann eins og annað fólk.

Maður fer jafnvel að velta því fyrir sér hvort hún sé alltaf að forðast glerveggi.

 

Þetta er hætt að vera fyndið.

Og mikil er ábyrgð þeirra sem láta farsann á Alþingi viðgangast.

 

Gæti AGS ekki skipað nýjan landsstjóra????

Kveðja að austan.

Aukin harka að færast í kjaramálin

Hver ber ábyrgðina á hinni grafalvarlegu stöðu heilbrigðiskerfisins??

 

"Niðurskurður á fjárframlögum til heilbrigðismála er komin út yfir þolmörk. Ábyrgð heilbrigðisyfirvalda er mikil. Læknasamtökin hvetja því yfirvöld til tafarlausra úrbóta áður en óbætanlegur skaði hlýst af.“

 

Er alltaf hægt að skamma ráðherra eða stjórnvöld???

Það er vitað að stærsti einstaki úgjaldaliður fjárlaga er vaxtakostnaður sem að stórum hluta er vegna  hruns sýndarhagkerfisins haustið 2008.

 

Atvinnulífið hrundi ekki, aðeins sýndarhagkerfi pappírsviðskipta.

Samt sitjum við uppi með um 80 milljarða í vexti vegna þessa sýndarviðskipta.

Ef vextir væru á svipuðu róli og til dæmis í Bandaríkjunum, eða Bretlandi, þá væri þessi kostnaður aðeins brotabrot af því sem hann er i dag.

 

Guð ákveður ekki vextina, það eru menn.  Lifandi fólk.

Fólk sem vinnur í umboði stjórnvalda.  Núverandi stjórnvöld sitja í umboði Alþjóðagjaldeyrssjóðsins, hans hlutverk er að sjá til þess að blóðmjólka íslensku þjóðina í þágu erlendra kröfuhafa íslenska sýndarhagkerfisins.

Það er líka lifandi fólk sem ákveður að svelta heilbrigðiskerfið, ekki guð almáttugur.

 

En þjóðin lítur samt svo á að um guðlegt verk sé að ræða.

Það eitt skýrir að hún kóar með þessum ósköpum.

Ekki eru það skriðdrekar, eða herskip á fjörðum sem neyðir fólk til að hlýða þessum þjónum andskotans.

 

Samt skammar þjóðin ekki guð, hún skammar stjórnvöld, ríkisstjórnina.

Örfáa menn með engin völd, með enga getu, með ekkert vit.

Meikar þetta sens???

 

Er ekki raunverulega bara við okkur að sakast.

Og hvað með læknana sem álykta að hætta sé á óbætanlegum skaða??

Hver er þeirra ábyrgð???

Af hverju láta þeir bjóða sér þetta???

Af hverju ganga þeir ekki út???

Af hverju kóa þeir með????

 

Eru þeir að bíða eftir því að allt hrynji??

Að skaðinn verði óbætanlegur????

Hvar eru mörkin samkvæmt Hippoeiði þeirra???  Að sjúkt fólk fái ekki bráðaþjónustu, eða þeir bjargi ekki fólki sem hægt væri að bjarga ef allt væri ekki að hruni komið???

 

Gera þeir sér ekki grein fyrir hvað þeir eru að segja???

Að þeir sinna starfi sem snertir sjálft fjöregg þjóðarinnar.  Starfi sem þolir ekki óbætanlegan skaða.

Eða eru þetta bara stóryrði, án nokkurrar merkingar annað en að vera æfing fyrir dramatíska árhátíð þar sem þeir skála dús með Birni og Guðbjarti???

Jafnvel leiksýning til að slá ryki í augu fólks, hugsanlega þá liður í kjarabaráttu???

 

"Óbætanlegur skaði", og þeir gera ekki neitt??

Hvaða ótti heldur þeim í svona heljargreipum að þeir þori ekki neinu???

Eru þeir hræddir við að vera látnir hverfa, skotnir, sendir til Sýrlands????

 

Það er ofsalega auðvelt að kenna alltaf Guðbjarti um eða Birni, en þetta eru bara tveir menn, og ekki sterkir.  Virka meira að segja frekar meinleysislegir.

Mjög ólíklegt að þeir gerðu einhverjum mein þó starfsmenn spítalanna settust niður og segðu við þjóð sína, "hingað og ekki lengra.  Við erum búin að fá nóg.

Fjársveltið til okkar er mannanna verk, ekki guðanna verk.

Gerið upp við ykkur hvað þið viljið, hvað skiptir ykkur máli í lífinu.

 

Ef það er velferð Björgólfs eða Jóns Ásgeirs, og allar hinna braskara landsins, þá gott og vel.

Við kóum ekki lengur með, við vinnum ekki lengur margfalt til að halda hinu dauðvona kerfi gangandi.

Þið skulið gera það upp við ykkur hvað þjónustu þið viljið fá, og hvað þið viljið borga fyrir hana.

Þetta er ykkar líf, þetta er ykkar dauði.

 

Ykkar er völin og kvölin, við erum hætt þessari vitleysu".

 

Og það er málið.

Það grenja allir, en enginn axlar ábyrgð.

Ábyrgð á hinum óbætanlega skaða.

 

En það er einn aðili sem getur aldrei axlað ábyrgð á ástandi heilbrigðiskerfisins.

Og það er þjónn Alþjóðagjaldeyrissjóðsins.

Hann er sá eini sem er með hreina samvisku.

Hann sinnir aðeins sinni vinnu.

 

Að blóðmjólka þjóðina.

Kveðja að austan.

 

 

 

 

 

 

 

 

 

Læknar hafna fullyrðingu ráðherra

Reikningurinn sendist Samfylkingunni, 101 Reykjavík.

 

Að frádregnum 3 milljónum.

 

Ef íslenskt fólk stjórnaði landinu, þá væri ICEsave málið fyrir löngu í úr sögunni. 

Deilan hefur alltaf verið kristaltær, bretar með Hollendinga sem aftanítossa, reyndu fjárkúgun sem mistókst.

Mistókst af tveimur ástæðum.  Vegna þess að hún var með öllu ólögleg, og þeir höfðu ekki afl til að framfylgja henni eftir að íslenska þjóðin sagði Nei í þjóðaratkvæðagreiðslu.

 

Ef allt væri eðlilegt, það er ríkisstjórn Íslands væri skipuð íslensku fólki, þá hefðu bretar látið staðar numið, enda smán þeirra algjör auk þess vofði alltaf sú hætta yfir breskum ráðamönnum að þeir yrðu ákærðir og settir í fangelsi því fjárkúgun af öllu tagi er stranglega bönnuð samkvæmt breskum lögum.  Eitthvað sem var nauðsynlegt til að brjóta írska lýðveldisherinn á bak aftur en fjárkúgn var hans megin tekjulind.

En Samfylkingin er í ríkisstjórn og í samráði við hana var útbúinn farsi sem heitir, "ákæra ESA" og EFTA dómurinn á að skera úr um.  Ráðinn var sirkushópur, kallaður "Verjandtím Íslands", með einhverjum óþekktum breskum lögfræðingum, auk nokkurra Íslendinga sem vantar aukavinnu.

Kostnaðurinn við sirkushópinn er áætlaður 153 milljónir, eitthvað sem er útí hött miðað við eðli málsins og málsrök ESA.

 

Málið er kristaltært, reglugerð ESB um innlánstryggingar eru skýr og eftir henni fóru íslensk stjórnvöld í einu og öllu á sínum tíma. 

Vissulega hefur ESA, ef það lætur nota sig í skítverk, rétt til að leggja fram bullákæru, en það kostar ekki nema nokkra þúsundkalla að svara henni.

 

Svarið er einfalt, ljósrit af reglugerð ESB nr. 94-19 ásamt undirstrikun á orðinu NOT, í textanum þar sem tekið er skýrt fram að ríkisvaldið er ekki í ábyrgð fyrir innlánstryggingunum sem eru fjármagnaðar af notendum tryggingarkerfisins, það er fjármálafyrirtækjunum sjálfum.

Eins þarf að ljósrita það ákvæði EES samningsins sem ítrekar neyðarrétt einstakra ríkja EES samningsins til að bregðast við aðstæðum sem ógna almannaheill eða efnahagslegum stöðugleika viðkomandi ríkja.  

Í niðurlaginu þarf síðan taka það kurteislega fram að dæmi EFTA dómurinn gegn þessum neyðarrétti að þá sé það um leið uppsögn á EES samningnum, því neyðarrétturinn, að geta brugðist við hinu ófyrirséða, er jú forsenda samningsins.

 

Líklegast tæki það meðalgreindan lögfræðing um það bil 2 klukkutíma að taka saman nauðsynleg málsgögn, síðan þarf að borga þýðingu, og loks þarf að senda einhvern út til að vera viðstaddur dómsuppkvaðningu.

Það er mjög ríflegt að ætla 3 milljónir í heildarkostnað við allt þetta ferli, reyndar alltof há tala en það verður að gæta sanngirnis gagnvart Samfylkingunni og flokksmönnum hennar.

 

Allt umfram þessar 3 milljónir, ásamt öllum fyrri kostnað við ICEsave, á þjóðin ekki að borga.  

Þeir sem stóðu fyrir svikunum, og sviku, þeir eiga að borga.

Þeir eiga ekki að koma sínum afglöpum eða sinni sviksemi yfir á almenning, eða almannasjóði.

 

Landsspítalinn er að hruni kominn, það er innri búnaður hans.

Fyrst fjármálaráðherra Samfylkingarinnar fann 150 milljónir umfram eðlilegan kostnað vegna ICEsave, þá er eðlilegt að þessar 150 milljónir fari til að bæta úr svo börn okkar og foreldrar fái nútíma læknisþjónustu.  Það er sko 2012, ekki 1912, það er nútími, ekki fortíð.

Rík þjóð lætur ekki spítala sína drabbast niður því hún kýs frekar að kosta svikastarfsemi stuðningsmanna erlendra fjárkúgara.

Þetta er svo augljóst, þetta er svo einfalt.

 

Núna er loksins komið tækifæri fyrir Samfylkinguna að sýna hvað í henni býr.

Hún gæti einu sinni gert eitthvað rétt, eitthvað ærlegt.

 

Gefum henni tækifæri.

Sendum henni reikninginn.

 

Hún gæti allavega sagt Nei við ICEsave.

Kveðja að austan.

 

 

 

 

 

153 milljónir fyrir málsvörn

Stjórnar Teboðshreyfingin Mogganum???

 

Er sama hálfvitaumræða um efnahagsmál í Morgunblaðinu og er hjá öfgafólki Rebúblikana kennda við Teboðshreyfinguna???

Lygar, blekkingar, hálfsannleikur.

Allt í því eina markmiði að gera hina ofurríku, ennþá ríkari???

 

Hvað þýðir þessi fullyrðing, að ríkisútgjöld hafi aukist að raunvirði um 47% milli áranna 2006 og 2013???

Er ekki magnaukning gefin í skyn??  Úþensla??  Sístækkandi ríkiskaka???

Felst það ekki í orðinu raunvirði??

 

Nú var hlutfall hins opinbera 41,6% árið 2006.  

Ef raunaukningin var 47% ætti hið opinbera í dag vera yfir 60% í dag.  

Í fyrra var hlutfallið 41,9%, þrátt fyrir samdrátt í efnahagslífinu.  Sem þýðir á mannamáli að ríkið dróg sig saman í takt við niðursveifluna.

Aukningin, þessi uppí 60% ætti því öll að hafa komið fram á þessu ári. Og hinu næsta.  

 

Hefur einhver séð þessa aukningu??

Fjölgun lögreglumanna???  Lækna, hjúkrunarkvenna????

Hærri bætur, hærri laun????

 

Nei, að sjálfsögðu ekki. 

Það er verið að tala um krónutalshækkanir, ríkið er ekki að veita meiri þjónustu í dag en það gerði 2006, það er ekki að taka til sín stærri hluta þjóðarkökuna núna en áður.

Þensla ríkisins er spegilmynd þennslu hagkerfisins.

 

Augljóst mál sem skýrsluhöfundur veit, sem blaðamaður Morgunblaðsins veit.

En það er treyst á að það sé til nógu margir grunnhyggnir hægrimenn þarna úti sem falla fyrir svona falsi og blekkingum.

Og tilgangurinn er að tryggja stórsigur Sjálfstæðisflokksins sem keyrir á svona bull og lýðrskrum.

Sé flokkurinn síðan svo vitlaus að trúa sínu eigin bulli, þá sker hann niður grunnstoðir samfélagsins, sem mega ekki við meiri niðurskurði.

Og magnar þá upp kreppuna, líkt og til dæmis hægri menn á Spáni, Bretlandi og víðar hafa gert.

 

Heimska og lýðrskrum enda nefnilega alltaf á einn veg.

Í Hruni,.

 

Hruni millistéttarinnar, kjósendahóps hægri flokka.

Því hinir ofurríku þeir ræna þá sem eiga, ekki þá sem eiga ekki.

Gömul saga og ný, en aldrei áður hafa þeir fengið fórnarlömb sín til að kjósa yfir sig rán sitt í lýðræðislegum kosningum. 

Hingað til hafa þeir þurft að beita kúgun og ofbeldi en í dag dugar  máttur áróðursins sem höfðar til grunnhyggni fólks.

 

Frétt eins og þessi er liður í slíkum áróðri.

Og fylgistölur Sjálfstæðisflokksins sýna að hann virkar.

 

Hinir rændu vilja láta ræna sig á ný.

Kveðja að austan.

 

 

Ríkisútgjöld hafa aukist um helming á sjö árum

Er maðurinn virkilega svona heimskur??

 

Möguleiki á launaskriði með tilvísun í hækkun launa forstjórans.

Sem vill svo til að er hann sjálfur.

 

Ætlar hann í næstu kjaraviðræðum, sem þá einn af fulltrúum ríkisvaldsins, að benda á að þegar þekkt launskrið hjá LÍ, sem reyndar er aðeins bundið við eina persónu, hann sjálfan, og segja að það sé rök fyrir ríkisvaldið að hækka laun annarra??

Er hann þá að meina hjá öllum starfsmönnum, eða kannski bara hjá hinum ómissandi starfsmönnum í yfirstjórn spítalans????

 

Látum það kjurt liggja, en forsenda launaskriðs er að það séu fjármunir á lausu til að borga hækkun launa umfram kjarasamninga???

Hver eru þeir peningar í dag???

Allavega ekki í þessum fjárlögum, og samkvæmt því sem hann segir, ekki í fjárlögum ársins 2013.

Hvenær á þetta væntanlega launaskrið að verða???

 

Og hvernig ætlar hann að útvega fjármuni???

Fjármuni sem eru umfram hækkun kjarasamninga???

Hvernig getur fjármálaráðherra réttlæt slíkan umframpening, þegar hann stendur á bremsunni gagnvart sanngjörnum launkröfum heilbrigðisstétta???

Að það sé aðeins til peningur til að hækka laun hjá sumum, en ekki öðrum.  

Og hverjir eru þessir "sumir"???   Vinir og vandamenn, eða flokksbræður, jámenn eða er farið eftir stafrófinu þannig að laun séu hækkuð umfram kjarasamninga  hjá öllum stéttum sem byrja á til dæmis L???

Hvernig ætla menn að reka opinbera stofnun þar sem laun eru hækkuð eftir geðþótta en ekki ákvæðum kjarasamninga????

 

Heilbrigðisráðherra réttlætti hækkun launa forstjóra LÍ með tilvísun að um svo hæfan mann væri að ræða.

Það má vera, en þetta viðtal við forstóra LÍ er móðgun við almenna skynsemi fólks.

Það er ótrúlegt hvað einn maður getur lítillækkað sjálfan sig í vonlausri vörn sinni fyrir ranga ákvörðun sem aðeins er hægt að útskýra með einu orði.

 

Græðgi.

 

Sumir hefðu látið duga að vitna í Friedman.

Þá hefðu hugsanlega 2-3 drengir komið til hjálpar að verja hið óverjanlega.

 

En eftir þetta viðtal er forstjóri LÍ algjörlega einn á berangri heimskunnar.   

Vissulega er lágt risið á stuðningsmönnum ríkisstjórnarinnar, mörgu hafa þeir kyngt í stuðningi sínum við ríkisstjórn auðráns og óhæfu, ríkisstjórn Alþjóðagjaldeyrissjóðsins.

En það eru takmörk fyrir öllu.

Sjálfsréttlæting Björns Zoega fór yfir þau mörk.

 

Ef hann situr ennþá í forstjórastöðunni eftir helgi, þá er eitthvað mikið mikið að í þessu þjóðfélagi.

Þá einfaldlega geta menn leyft sér hvað sem er, með hvaða rökum sem er.

 

Og þá er stutt í endalokin.

Kveðja að austan.

 

 

 

Sá möguleika á launaskriði

Sofandi þjóð er rænd, aftur og aftur.

 

"Þegar við heyrum um átján milljarða yfirfærslu á gjaldeyri, þá vaknar sú spurning hvort Seðlabankinn sé að nota lánsfé til að fjármagna þessa yfirfærslu. Þá er búið að taka skuld einkaaðila og breyta henni í skuld skattgreiðenda,“ segir Lilja Mósesdóttir."

 

Af hverju gerum við börnunum okkar þetta????

 

Kveðja að austan.

 

 

Fékk að flytja um 15 milljarða úr landi

Undanhald samkvæmt áætlun.

 

Þegar gjöspilltir stjórnmálamenn, sem hafa fá önnur markmið í lífinu en að halda völdum, ráða lögfræðing sem er sammála rökum andstæðingsins,  þá er ljóst að tilgangur varnar Íslands er aðeins einn, og það er að vera sammála síðasta ræðumanni.

Síðasti ræðumaður er Framkvæmdarstjórn ESB.

Framkvæmdarstjórn ESB vill að ríkisábyrgð sé á íslenska tryggingarsjóðnum en ekki öðrum tryggingarsjóðum Evrópu.

Hlutverk EFTA dómsins er að dæma eitthvað slíkt bull.

 

Í því ljósi verður að skoða megininntak fréttar MBl.is um skrípamálaferlin í Lúxemborg.

"að eftir fimm stunda málflutning fyrir dómnum í Icesave-málinu í Lúxemborg virtist enginn treysta sér til að segja til um hvað innstæðutryggingakerfi Evrópu þýðir í raun".

Það er verið að vekja vafa um augljósan hlut.  Tilgangurinn er síðan að fá fólk til að sætta sig við rangan dóm, með þeim orðum að þetta sé vel sloppið, við hefðum getað fengið á okkur miklu verri dóm, til dæmis að greiða allar ICEsave innstæður, og líklegast mun Jóhanna halda blaðamannafund og telja að jafnvel hefði allur evrukostnaðurinn geta fallið á íslenska ríkið, og þá vegna óbeinna áhrifa íslenska Nei-isins á hag evrunnar.

Svo verður bullað og bullað og bullað.

 

Bullið er þegar hafið.

Hver segir að það treystir sér enginn til að segja til um hvað innstæðutryggingarkerfi Evrópu þýðir í raun???  

Er þetta allt saman ólæsir vitleysingar sem koma að þessum réttarhöldum???

Reglugerð ESB er skýr, og íslenska tryggingarkerfið fór eftir henni.

 

Hugsunin á bak við tryggingarkerfið  er skýrt, klassísk nálgun á hlutverk tryggingarkerfa. 

Að notendur leggi í sjóð sem er ætlað takast á við tjón.

Það er í eðli slíkra sjóða að þeir ráða aðeins við tjón upp af ákveðnu marki, út frá því eru iðgjöld reiknuð.   Verði tjón um fram það, þá verða þeir gjaldþrota.

Ef það er síðan ríkisábyrgð á viðkomandi tryggingasjóði, þá er kveðið á um það í viðkomandi lögum.  

Ef ekki, þá er ekki ríkisábyrgð.

 

Augljóst mál, líka fyrir hálfvita, líka fyrir illa greinda hálfvita, jafnvel mjög illa greinda hálfvita.

Þegar menn halda öðru fram, eins og bullið í þessari frétt, "enginn treysta sér til að segja til um hvað innstæðutryggingakerfi Evrópu þýðir í raun"þá  er það ekki vegna þess að menn vita ekki betur, það er enginn svo vitlaus í raunheimi, heldur er það vegna þess að menn vilja aðra niðurstöðu en þá sem stendur í hinum skýra lagatexta.

Augljóst mál, þarf ekki að ræða.

 

Eina spurningin er af hverju blaðamaður Morgunblaðsins lætur eins og hann sé algjör vanviti, af hverju skrifar hann fréttaskýringu sem hefur algjört bull sem meginútgangspunkt????

Nú ætla ég ekki manninum þennan vanvitahátt, og jafnvel svo væri, þá á hann sér sína yfirmenn, sem líka eiga sína yfirmenn.  Tölfræðilega er það útilokað að örblað í örlandi sé mannað eintómum vanvitum.

Svo spurningin er, hvað gengur Mogganum til???

 

Minnugur jarðteiknanna eftir fyrsta Nei þjóðarinnar, þegar forysta Sjálfstæðisflokksins vildi alltí einu ólm skera Jóhönnu niður úr snörunni og  hélt svo að stað með henni til Lundúna að semja um ICEsave skuld Björgólfs og Björgólfs, að þá dettur mér einna helst í hug að núna hafi öflin á bak við Bjarna Ben, mennirnir sem ráða flokknum, snúið uppá hendur Óskars Magnússonar, og hann hafi síðan neytt Davíð til að láta Moggann taka þátt í bullinu.

Að láta líta út að það sé óvissa í kristaltæru máli.

Davíð fái vissulega að gaspra eitthvað í leiðurum, og jafnvel að skrifa eins og eitt Reykjvíkurbréf gegn vitleysunni, en að fréttaflutningur blaðsins taki þátt í sýndarleiknum.

Að útbúa leiktjöld um það sem ekki er.

 

Það væri fróðlegt að vita hverju Óskari var lofað, eða hótað, sjálfsagt tengist það skuldaeftirgjöf, eða láta Baugsfortíð hans órannsakaða eða eitthvað.

Allavega þarf eitthvað spúki til að láta heilt blað spila sig hálfvita.

 

Við hin skulum muna að ESB ákveður ekki ríkisábyrgð þjóða, viðkomandi þjóðir gera það sjálfar.

Og gangi dómur EFTA dómsins gegn sjálfstæði íslenska löggjafarvaldsins, þá er það sjálfkrafa riftun á EES samningnum.

Það er engin óvissa um skýrar reglur.  Óvissan er aðeins hjá þeim sem vildu að reglurnar hefðu verið öðruvísi.  Sem þær gátu aldrei verið, ESB hefur ekki réttarheimild til ákveða einhliða  ríkisábyrgð einstakra ríkja evrópska efnahagssvæðisins, og jafnvel þó Alþingi hefði samþykkt ríkisábyrgð á tryggingasjóði innstæða, þá hefði sú samþykkt verið ólögleg samkvæmt íslensku stjórnarskránni.

Vegna þess að ótakmörkuð ríkisábyrgð er bönnuð samkvæmt stjórnskipan landsins.

Vegna þess að í lýðræðisríki geta kosnir fulltrúar ekki sett lög sem gera þjóð þeirra sjálfkrafa gjaldþrota.  Og líklegast er leitun á einræðisríki þar sem stjórnvöld hafa slíkt vald.

 

Látum ekki gera svona lítið úr vitsmunum okkar með svona bullfréttaflutningi.  

Við þiggjum ekki laun við að spila okkur hálfvita.

Og það er samfélag okkar sem er undir.

 

Við erum ekki fórnarlömb, við erum fólk.

Kveðja að austan.

 

 

 

Óljóst hvað tryggingakerfið þýðir

Innviðirnir samfélagsins eru að hrynja.

 

Og hver er frétt dagsins???

Jú, ber brjóst á einhverri prinsessu.

Ekki vegna þess að blaðamennirnir geri sér ekki grein fyrir alvöru málsins, til að geta skrifað frétt eins og þess, þurfa þeir að fanga athygli almennings, fjöldans, með frétt um ekki neitt.

Meinið í þjóðfélaginu er nefnilega ekki ríkisstjórnin eða önnur þau skaðræðiskvikindi sem ganga laus þessa dagana.

Meinið liggur hjá okkur sjálfum.  Í dýrkun okkar á tóminu.  Að hafa ekki skoðanir á neinu, að hugsa ekki um neitt.  Að vera brosandi fórnarlöm svína sem engu eira.

Að vera sátt við að vera rænd.

 

Þar til einn daginn að barnið okkar fær ekki lífsnauðsynlega læknisþjónustu.

Það verður enginn eftir til að veita hana.

Síðasta neyðarkallið er þagnað.

 

Og þá munum við segja, "Ha, var eitthvað að???"

Kveðja að austan.

 

 

Álagið eiginlega ómannlegt

Er ESA að ná jarðsambandi???

 

Ef marka má þessa frétt Morgunblaðsins þá virðist Eftirlitsstofnun EFTA, ESA hafa gefist fyrirfram upp í málatilbúnaði sínum fyrir EFTA dómnum.  

"Krafa ESA er aðeins sú að Tryggingasjóður innstæðueigenda tryggi innstæður upp að 20.887 evrum".

Það stendur skýrt í lögum um  Tryggingasjóð innstæðueiganda að hann ábyrgist innstæður upp að 20.887 evrur. 

ESA virðist gera kröfu um að það sem standi skýrt í lögum, standi.  Og ESA gerir ekki kröfu um að það sem stendur ekki, að ríkissjóður ábyrgist Tryggingasjóðinn, að það standi.  Aðeins fulltrúar ESB haldi sig við slík fáráð.  

 

Eftir stendur sú spurning, til hvers er þá ESA að stefna íslenskum stjórnvöldum, fyrst stofnunin viðurkennir skýran lagatexta???

Í fréttinni er vikið að einhverju sem kallast mismunun, og þá að íslensku neyðarlögin hafi mismunað einhverjum innan evrópska efnhagssvæðisins.  Málið er að EES samningurinn er skýr um neyðarrétt ríkja til að bregðast við aðstæðum eða atburðum sem ógna tilveru þeirra, og slíkur neyðarréttur er í höndum sjálfstæðs ríkisvalds EFTA ríkjanna.  

Sé neyðin viðurkennd, þá getur enginn dómsstóll dæmt gegn þeim gjörðum sem ríkisvaldið telur nauðsynlegt til að bregðast við viðkomandi neyðarástandi.  Þess vegna er broslegt að halda fram einhverri óvissu gagnvart hugsanlegum dómi EFTA dómsins varðandi skýrum ákvæðum ESS samningsins um neyðarrétt þjóða.  

Það er augljóst að dæmi EFTA dómurinn gegn slíkum rétti, og gegn skýrum ákvæðum EES samningsins, þá er hann að dæma EES samninginn ógildan, að hann sé marklaust plagg sem enga lagþýðingu hefur.  Eða með öðrum orðum, hann dæmir gegn þeim samningi sem löghelgar dóminn.

Slíkt er rökleysa sem þjónar engum tilgangi.  Aðeins geðþóttarvald einræðis myndi reyna slíkt.

 

Það er því ljóst að ESA ætlar ekki að axla ábyrgð á röngum dómi, stofnunin er alveg hætt að reyna að ljúga í ICEsave málinu. 

Það er ekki ríkisábyrgð í ICEsave, ekki vegna þess að það stendur ekki í viðkomandi reglugerð, heldur vegna þess að ESB hefur ekki réttarheimild til að ákveða slíka ríkisábyrgð fyrir einstök aðilidarríki hins evrópska efnahagssvæðis.

Falli dómur um annað, þá er það ekki rangur dómur, heldur algjör lögleysa, á sér enga tilvísun í lög og reglur réttarríkisins.

 

Það alvarlegasta í þessari frétt Morgunblaðsins er sú fullyrðing að "Þegar spurt er um hugsanlega niðurstöðu er talað varlega. ,,Sá sem segist vita það, veit ekki hvað hann er að tala um,“ eru einu svörin sem fást.".  

Á bak við þessa heimsku er hin algjöra uppgjöf tómhyggjunnar að vald ákveði niðurstöðu dómsstóla í réttarríki, ekki lög og reglur.  

Þetta er eins og að segja að morð og rán séu háð eftirátúlkun framkvæmdarstjórarn ESB, ef það henti Brusselvaldinu, til dæmis að fjarlæga Jón Bjarnason eða Daryl Hannah, að þá megi drepa þá ef vísað er í stöðugleikasáttmála evrunnar.  

Að allt megi, ef Brussel valdið segi svo.  

 

Það er ótrúlegt að hugsa til þess að það sé til svo heimskt fólk sem gerir staðleysu að hugsanlegri staðreynd með því að tengja við hana óvissu með tilvísan að ekkert sér skýrt í lögum og reglum, að allar hugsanlegar niðurstöður séu líklegar í dómsmálum.

Líka þær röngu.  

Að þú megir keyra yfir á rauðu eða drepa mann. 

Þetta sé allt spurning um fjármuni þína, hvað þú hafir efni á góðum lögfræðing, eða hagsmuni þína, að ef lögbrot þitt þjónar valdi eða kerfi, að þá sé það aðeins forgangsatriði að dæma í málinu. 

Vegna þess að valdið eða peningar, hafi alltaf réttinn sín meginn.

 

Ef við lifum í skáldskap, ef MBl.is er hugverk einhverra manna, þá má afsaka svona framsetningu.

En í raunheimi afsakar ekkert svona tómhyggju. 

Vissulega ljúga fjölmiðlar eins og Fréttablaðið eða Ruv, en það er vegna hagsmuna eiganda eða stjórnenda þeirra.  Það ætlast enginn til að ríkisfjölmiðill Norður Kóreu segi satt um ástandið í landinu, það ætlast enginn til að auðmiðlar Íslands segi satt í málefnum sem tengjast Evrópusambandinu.

En slík hagsmunatengsl eru ekki til staðar hjá Morgunblaðinu, þess vegna er svo grátlegt að lesa svona heimsku.

 

Að það ríki óvissa um skýr lög og reglur.

Og þegar jafnvel ESA er búið að ná vott að jarðtengingu, þá er virkar þessi frétt Morgunblaðsins ennþá meir út úr kú.

Þó Kim Il Sung geti flogið samkvæmt ríkisfjölmiðlum NorðurKóreu, fyrir eigin vöðvaafli, þá er það ekki frétt í fjölmiðli sem heldur sig við staðreyndir óháð hagsmunum þess sem þarf að ljúga.  

 

Það ríkir engin óvissa um EFTA dóminn.

Eina óvissan er hvort um dómsstól er yfir höfuð að ræða eða hvort dómurinn er annað birtingarform Framkvæmdarstjórnar ESB.

Um þá óvissu má fjalla, og útskýra.  

En að láta eins og skýr lög séu ekki skýr, það er heimska sem bæði niðurlægir Morgunblaðið sem fjölmiðil sem og lesendur blaðsins.  

Eitthvað sem maður hélt ekki að Mogginn myndi ekki gera, ekki fyrir ESB.

 

Vonandi nær Mogginn líka jarðsambandi. 

Nógu margir hafa glatað æru og tiltrú vegna ICEsave fjárkúgunar breta.

Og reyna jafnvel að endurheimta æru sína, líkt og ESA virðist vera gera fyrir EFTA dómnum.

 

Við höfum Jóhönnu, við höfum Steingrím. 

Er það ekki nóg????

Kveðja að austan.

 

 

 

Snýr að lágmarkstryggingunni