Össur elskar alla en hver elskar Össur??

 

Þar skal fyrst telja vogunarsjóðina því hagsmunir þeirra og Össurar fara saman.  

Össur er vitur maður og veit að fyrst þarf að brjóta þjóðina á bak aftur efnahagslega til að hægt sé að þröngva henni inní ESB.  Hefur svikalaust unnið að því allt kjörtímabilið og það hefði tekist ef Ólafur hefði ekki vísað ICEsave til þjóðarinnar.  

Einnig kom dómur Hæstaréttar í gengistryggingunni illa við Össur.

Og það sem tókst ekki á þessu kjörtímabili, eiga vogunarsjóðirnir að redda fyrir Össur á því næsta.  Það þarf ekki að taka það fram að þeir hafa ekkert á móti því og það er örugglega mjög sjaldgæft fyrir þá að hitta stjórnmálamann sem selur þjóð sína í skuldaþrældóm, án þess að þiggja greiðslu fyrir.

Ánægja vogunarsjóðanna með Össur er því gagnkvæm.

 

Bankarnir elska líka Össur. 

Þeir fengu að innheimta ólögleg gengislán óáreittir allt kjörtímabilið.  Þeir losnuðu við að leiðrétta forsendubrestinn, þeir máttu haga sér eins og þeir hefðu aldrei komið nálægt Hruninu og bæru enga ábyrgð á því ástandi sem varð eftir Hrun hjá heimilum landsins.

Og bankarnir vilja í ESB, það auðveldar fjármálabrask þeirra, undir kjörorðinu, "ég vildi að það væri árið 2007 alla daga".

 

En elskar einhver annar Össur??

Steingrímur, en hann er að þurrkast út af þingi.  

Björt framtíð???, varla þar eru menn sem vilja losna við hann úr Samfylkingunni, kallast að yngja upp.  Svo er Össur vitur, eitthvað sem er ekki gott fyrir egóið hjá framvarðasveit Bjartrar framtíðar.  Einnig getur hann verið fyndinn án þess að vera auli um leið.  Sem er heldur ekki gott fyrir egó þeirra.

Björt framtíð mun vilja Samfylkinguna, en ekki Össur.

 

Þar með er augljóst hvert Össur ætlar í hjónabandshugleiðingum sínum.  

Vogunarsjóðirnir elska Bjarna Ben, hann segir að þeir séu ekki til.

Bankarnir elska Bjarna Ben því hann telur verðtrygginguna stuðla að sátt og stöðugleika í þjóðfélaginu, vinni gegn verðbólgu og tryggi hagvöxt.  Hún sé lyftiduftið í þjóðarkökubakstrinum.

Bestu vinir Össurar hafa því ekkert á móti því að hann daðri við Bjarna.  ESB verður ekkert vandamál í tilhugalífinu, eins og Össur bendir réttilega á þá má Bjarni segja hvað sem hann þarf að segja til að tryggja völd sín í flokknum fram yfir kosningar.

Eftir kosningarnar er það vilji vogunarsjóðanna sem ræður, og þeir vilja í ESB.  Þar með mun næsta ríkisstjórn fara í ESB.  Þeir sem eiga, þeir ráða.  Þetta veit Össur, hefur engar áhyggjur af þeim tilbúna ásteytingarsteini.

 

Össur og Bjarni verða fín hjón.

Allir vinir þeirra verða ánægðir.  

 

En þjóðin, hún kaus, og sættir sig vonandi við það sem hún kaus.

Heitir lýðræði.  

 

Framtíðin, hún er allavega ekki mjög Björt.

En hverjum er ekki sama??

Kveðja að austan.

 

 

 

„Ég elska alla“

Furðulegar tilviljanir?

 

Það er tvennt sem ógnar tilvist íslensku þjóðarinnar í dag.

 

Innlimun amerísku vogunarsjóðanna á íslensku fjármála og atvinnulífi (bankarnir eiga öll stærstu fyrirtækin á einn eða annan hátt) og yfirvofandi hrun heimilanna þegar verðtryggingin fer í frjálst fall eftir að snjóhengjan fer af stað.

Viðbrögð við þessum vanda sker úr um hvort þjóðin fái þrifist, skera úr um hvort hún haldi sjálfstæði sínu.

Og mjög miklir fjármunir eru í húfi, gangi yfirtaka vogunarsjóðanna eftir þá eru þeir að uppskera hagnað sem þeir hafa aldrei uppskorið áður.

 

Það eina sem ógnar þessari fjárfestingu er lýðræðið, það er hægt að kaupa fjölmiðlamenn, það er hægt að kaupa stjórnmálaflokka, en það er of dýrt að kaupa hvern og einn atkvæðisbæran mann.

Staðreynd sem vogunarsjóðirnir gera sér mæta vel grein fyrir.

 

Skyldi það þess vegna vera tilviljun að stóra málið í ríkisfjölmiðli landsins núna fyrst eftir áramót hafi verið mál um kynferðisafbrotamann sem allar upplýsingar lágu fyrir þegar í árslok 2007??

Skyldi það vera tilviljun að stóra málið á Alþingi skuli vera ESB umræðan sem hefur legið fyrir í 4 ár???

 

Varla nema fólk trúi á tilviljanir og sé haldið þeirri fáfræði að vogunarsjóðir kunni ekki að vinna heimavinnu sína.

Spurningin er frekar, hvert er gangvirðið???

 

En varðandi ESB aðildina þá verður þjóðin ekki spurð eftir yfirtöku vogunarsjóðanna, evran auðveldar fjárflæði þeirra.  

Og þeirra vilji mun ráða.

Kveðja að austan.

 

 

Viðurkennt að málið sé í ógöngum

Kjósendur eru ekki fífl.

 

En ríkisstjórnin virðist álíta það.

Sérstaklega að slíkt gildi um kjósendur VinstriGrænna.

 

Og kosningarnar munu skera úr um hvort það mat sé rétt.

Kveðja að austan.

Hægt á viðræðunum við ESB

Var Már ekki ráðinn sem fagmaður??

 

Og er hann ekki fagmaður???

 

Hvaða fagmaður lætur svona út úr sér??

"Við vitum að gengi krónunnar er veikt,“ segir Már í samtali við blaðamann Bloomberg. „Það er vegna þess að innlendir aðilar eru að greiða niður erlend lán sem þeir hafa ekki getað endurfjármagnað á erlendum mörkuðum. Þess vegna verða þeir að skipta krónum yfir í erlendan gjaldeyri.“ ".

Hver tekur lán á þeim forsendum að þurfa ekki að endurgreiða þau???

Svarið er mjög einfalt, fífl og braskarar. 

Aðrir vita að það þarf að endurgreiða lán og það er fallvalt að treysta á sífellda endurfjármögnun.  

 

Seðlabankastjóri á að vita að það er frost og kuldi á alþjóðlegum fjármálamörkuðum.

Seðlabankastjóri á að vita að íslenska fjármálakerfið hrundi og lánardrottnar þess tóku á sig mikinn skell.  Hann ætti því að vita að endurfjármögnun er ekki það fyrsta sem kemur uppí huga erlendra bankamanna þegar íslenskur skuldari hefur samband og spyr hvort það sé ekki alltí lagi að borga ekki af skuldinni á gjalddaga.  

 

Það ætti því ekki að koma Seðlabankastjóra á óvart að íslenskir aðilar þurfi að greiða af skuldum sínum. 

Og hann ætti  að vita að þessar skuldir eru ekki greiddar með Hekluvikri, heldur beinhörðum gjaldeyri.  

Gjaldeyri sem verður aðeins til við afgang af vöruskiptum.  Fari þessi vöruskiptajöfnuður minnkandi, þá fellur gengið.  

Og það er það sem hefur gerst og flóknara er það ekki.

 

Það þarf ekki að vera fagmaður til að átta sig á þessu einfalda samhengi.

Spurningin er því hvaða tegund af manni var ráðin í stöðu Seðlabankastjóra???

 

Við skulum vona að Bloomberg fari rangt með því annars er þjóðin í mjög alvarlegum málum.

Því útstreymið af gjaldeyri er rétt að byrja, ICEsave bréf Landsbankans er að koma á gjalddaga, útgreiðsla til vogunarsjóða mun hefjast á árinu.

 

Og þá mun gengið falla.

Mikið.

Kveðja að austan.

 

Már segir gengið óþarflega lágt

Vogunarsjóðirnir sækja að þjóðinni.

 

Og Alþingi ræðir hvernig hægt er að auðvelda þeim verkið.

 

Er þetta meðfædd heimska??

Er hún áunnin??  

 

Ef hún er meðfædd þá erum við að upplifa árið 1939 á ný þegar vestrænir stjórnmálamenn lokuðu augunum fyrir yfirvofandi árásarstríði nasismans sem mátti eiga að hann fór aldrei leynt með áform sín um að leggja undir sig og arðræna nágrannalönd sín.

Ef hún er áunnin þá er ljóst að vogunarsjóðirnir hafa fjárfest í stjórnmálamönnum okkar.

 

Hvorn möguleikinn hugnast okkur betur??

Kveðja að austan.

Óvíst hvenær umræða hefst

Nú er nóg komið - Réttlæti strax og verðtrygginguna burt!

 

Núna þegar ljóst er að formaður Sjálfstæðisflokksins, sem mun stjórna landinu eftir kosningar, hefur lýst yfir stríði á hendur heimilum landsins með því að virða að vettugi samþykktir landsfundar fólksins um leiðréttingu forsendubrestsins þá er ljóst að ekkert breytist, nema fólk sé tilbúið sjálft að mynda það afl sem þarf til að breyta.

Afl sem valdið óttast, afl sem valdið þorir ekki annað en að taka tillit til að ótta við að missa völd sín.

 

Yfirskrift þessa pistils er heiti á Feisbókarhóp sem vill réttlæti og verðtrygginguna burt.

Þessi hópur er kominn vel á fimmta þúsund og stækkar með hverri mínútunni.  

Ætla mætti að sjálfstæðismenn sem hlustuðu í forundrun á gamla fólkið klappa fyrir foringja sínum þegar hann kvað upp dauðadóm yfir íslensku samfélagi, að það hugsi sinn gang og sameinist öðrum fórnarlömbum verðtryggingarinnar í þessum hóp.

 

Hópinn má kynna sér á Feisbókinni en mig langar að vitna í orð sem þar komu fram og mér finnst lýsandi fyrir þá einföldu kröfu að geta lifað í landi feðra sinna með reisn hins frjálsa sjálfstæða manns en ekki hins þjáða rænda borgara eins og forysta Sjálfstæðisflokksins, Samfylkingarinnar og VinstriGrænna ætlast til í þjónkun sinni við vogunarsjóði og eign þeirra, stóru bankana þrjá. 

 

"Kynslóðin 40 -50 ára erum ekki unga fólkið sem varð fyrir tjóni bara samkv. endalausum áróðri Jóhönnu og Steingríms. Nei góðir hálsar.....Við höfum átt eignir okkar 20 til 30 ár og borgað og borgað og borgað og venjulega fjölskyldan með börn og meðaltekjur skulduðum 40% eða meira í eigum okkar OG ER ÞAÐ ALLT BRUNNIÐ UPP ! 60 % heimila á Íslandi eru á núllpunkti, ER ÞETTA EITTHVAÐ ANNAÐ EN EIGNAÞJÓFNAÐUR Á OKKUR ? Unga fólkið sem keypti sína fyrstu íbúð 2004 -2008 er haldið fram af stjórnvöldum að sé eini hópurinn sem tapaði eigum sínum, þetta er rangt ! Eldri kynslóðin er heldur betur komin í vandræði að borga líka af stökkbreyttum lánum sínum með ellilífeyrinum. ÞAÐ ER EKKI HÆGT AÐ HORFA AÐGERÐALAUS Á ÞJÓFNAÐINN AF EIGUM OKKAR. Nú er nóg komið - Réttlæti strax og verðtrygginguna burt ! OG LEIÐRÉTTIÐ LÁNIN OKKAR ! Borgum öll þjóðin hrunið ekki bara fólkið með lán, það verður engin sátt fyrr og stoppum fólksflóttann." (María Jónsdóttir).

 

Það verður engin sátt fyrr.

Kveðja að austan.

 

 

Stjórnmálastéttin stóð sem klettur með bönkunum.

 

Þegar efasemdir vöknuðu um lögmæti gengistryggingarinnar.

Snatar flokkanna geystust fram á ritvöllinn og höfðu ekki heyrt meiri fjarstæðu.  

Flokksforingjarnir lyftu ekki litla fingri til að aðstoða Hagsmunasamtök heimilanna til að fá úr skorið um hið meinta lögmæti.

Alþingi brást við dómi Hæstaréttar með kolólöglegum lögum sem heimiluðu vaxtaþjófnað.

Framkvæmdarvaldið, með þegjandi stuðningi Alþingis, hefur ekki hafið aðgerðir gagnvart hinum beina þjófnaði bankanna eða sett lög sem hjálpa fórnarlömbum þeirra að ná rétti sínum.

Ákæruvaldið hefur ekki lögsótt vaxtaþjófanna.  

 

Það eina sem stjórnmálastéttin hefur gert er að eigna sér ávinninginn af því að gengislán voru dæmd ólögleg.  

Það þurfti 2 dóma til að ná fram réttlæti, í bæði skiptin sló stjórnmálastéttin skjaldborg um hagsmuni fjármagnsins.

 

Og þetta er fólkið sem þjóðin kýs, sem þjóðin ætlar að kjósa til að þjóna hina nýja valdi, vogunarsjóðunum.

Eigum við ekki að segja að Ágúst Ólafur sé minnsta vandamálið í þessu máli öllu saman.

Kveðja að austan.

Þetta eru ekki verk forsætisráðherra

Er veruleikafirringin úthugsuð???

 

Ef ekki er tekist á við amerísku vogunarsjóðina blasir við efnahagsleg gjöreyðing segir þingmaður Sjálfstæðisflokksins.  Og bæti við, leið Sjálfstæðisflokksins, að gefa út langtíma skuldabréf, er ekki að virka.

Verðtryggingin er kljúfa þjóðina í herðar niður og er út af fyrir sig svipað efnahagslegt gjöreyðingarafl eins og amerísku vogunarsjóðirnir.

Og svar formanns Sjálfstæðisflokksins í miðri heimskreppu er að stækka kökuna.  

 

Er hann ekki af þessum heimi, eða er hann í hinu liðinu??

Liðinu sem ætlar að gjöreyða efnahagslífinu.

Það hvarflar svona að manni.

 

Hinn möguleikinn er svo mikil lítilsvirðing.

Kveðja að austan.

„Við viljum stækka kökuna“

Á maður að gráta, eða hlæja??

 

Sjálfstæðisflokknum best treyst??

 

Í hvað heimi lifir þetta fólk, hefur það ekkert heyrt um þann vanda sem hrjáir þjóðina og mun binda endi á sjálfstæði hennar líkt og gerðist á Sturlungaöld forðum??

Það er ef fólk heldur áfram að styðja Ekki fólk með Ekki skoðanir.  

Burtséð frá því hvernig hugmyndafræði frjálshyggjunnar, hið algjöra frelsi hinna ofurríku til að braska og eyðileggja framleiðslu og verðmætasköpun með þessu frjálsu braski sínu, olli Hruninu og þessi hugmyndafræði gegnsýrir Ekki fólkið með Ekki skoðanir, þá þarf að takast á við skuldavanda heimilanna, við sjálfseyðingu verðtryggingarinnar og vænta gjöreyðingu efnahagslífsins vegna útborgana til amerísku vogunarsjóðanna svo ég vitni í þingmann Sjálfstæðisflokksins, Tryggva Þór Herbertsson.  

 

Eru Sjálfstæðismenn búnir að gleyma hvað Tryggvi sagði?? 

 

"Lífskjör myndu versna eftir því. Í mínum huga er sú leið algjörlega ófær. Hún myndi leiða til efnahagslegrar gjöreyðingar og fólksflótta. Þetta eru stór orð en því miður sönn. ",

 

Halda þeir að Tryggvi hafi verið að djóka??

 

Hvaðan kemur þessi blinda gagnvart þeirri miklu vá sem blasir við??

Ætla ekki að hafa fleiri orð þar um, ætla að láta miðstjórnarmann í Sjálfstæðisflokknum hafa þau orð.  Raunsönn orð, mælt af þunga manns sem ástundar ekki sjálfsblekkingar.  Og ættu að lesast af öllum sjálfstæðismönnum, áður en það verður of seint.

" Hinir forystumenn flokkanna sögðu ekkert nýtt í greinum sínum og endurspegluðu rifrildishefð Alþingis í Kryddsíldinni. Skilgreindu þeir vandamálin? Hvað á að gera í hrikalegum vanda þjóðarinnar?

Síhækkandi skuldir ríkissjóðs, gjaldeyrishöft, eignir gömlu bankanna erlendis og hér heima. Eignir banka, vogunarsjóða, jöklabréf og aðrar eignir sem leita út með allan okkar gjaldeyri, þannig að þjóðargjaldþrot blasir við, sé höftunum sleppt. Um tuttugu og átta þúsund einstaklingar eru í verulegum greiðsluerfiðleikum og áttatíu þúsund einstaklingar eiga ekkert á bankareikningum sínum. Þeir sem eru á aldrinum 22-42 ára eru með eignastöðu upp á mínus 82 milljarða króna. Getur hagkerfið gengið án eftirspurnar og skattgreiðslna þeirra í framtíðinni? Vandi þeirra sem tóku verðtryggð húsnæðislán, sem hafa hækkað um 450 milljarða frá hruni, og vandi 5.000 heimila, sem geta ekki greitt húsnæðislán sín er alþekktur.

Er hann ekki líka þekktur sá mikli mismunur sem er á þeim sem eiga von um 30% leiðréttingu gengislána og hinum sem eru að missa eignir sínar og sjá engan tilgang í að greiða af verðtryggðum lánum áfram? Hefur ekki legið fyrir í tvö ár, að gengislánin voru dæmd ólögmæt af Hæstarétti? Alþingi tók afstöðu með bönkunum gegn fólkinu, en það var einnig dæmt ólöglegt. Bankar bíða enn með útreikninga og vilja fleiri dóma Hæstaréttar.

Hefur ekki verið greint frá staðreyndum um veiðigjaldið, sem hefur ekkert með afkomu hvers fyrirtækis að gera og að óbreyttu mun leggja nær allar minni útgerðir niður og leggja af fiskveiðar, þar sem aflinn er unninn úti á sjó?"

 

Séra Halldór er ekki að djóka, ekki frekar en Tryggvi.

Ekki fólk með Ekki skoðanir mun Ekki leysa vandann.

Kveðja að austan.

Sjálfstæðisflokknum best treyst

ICEsave fræðimennirnir.

 

Halda áfram að segja ekki satt.

Þeir töpuðu 98-2 þrátt fyrir fræðilegan stuðning sinn við fjárkúgun breta.

Þeirra lærdómur var að ráðast gegn því vopni almennings sem þeir gátu ekki þaggað niður, stjórnarskrá Íslands.  

Hvað ætli Svanur Kristjánsson hafi komið oft fram í Speglinum til að níða niður stjórnarskrána vegna þess að hún leyfði þjóðaratkvæðagreiðslu um mál sem elíta landsins hafði þegar ákveðið???

Þessir menn eru ennþá að vinna fyrir breta, Evrópusambandið ásamt því að lúta höfði í auðmýkt fyrir hinum nýju húsbændum landsins, amerísku vogunarsjóðunum.

 

Spurning er hvað er fólkið sem þóttist vera á móti ICEsave að gera í þessum hópi???

Í þessum stuðningsmannaliði breta og ríkisstjórnarinnar???

 

Til að tryggja að fjárkúgarar framtíðarinnar verði ekki truflaðir við iðju sína???

Til að tryggja að skuldamál heimilanna verði skipað að hætti ESB, að almenningur borgi sinn síðasta eyri til banka og fjármálafyrirtækja???

Til að tryggja draum þeirra Þorvalds og Svans um innlimun landsins í ESB, annað mál sem þessum meintu íslensku fræðimönnum er fyrirmunað að segja satt um???

 

Kling, kling, kling, kling er kannski skýringin á þessari umvendingu og þó, örugglega hjá sumum sem mega ekkert silfur sjá án þess að athuga hvort eitthvað sé ekki óselt af sálinni.

En ekki öllum, ekki hjá öllum. 

 

Sumar sálir eru ekki til sölu.

Þær þarf að blekkja. 

 

Sjálfsblekkja, því enginn er það öflugur blekkjari að hann geti talið heiðarlegri sál í trú um að óhæfa sé hæfa, að stuðningur við ríkisstjórnina sé stuðningur við heimilin, að verktaka fyrir vogunarsjóðina sé í þágu barna landsins, eða að þeir séu í góðum félagsskap þegar þeir eru í félagsskap með Svani Kristjánssyni, Þorvaldi Gylfasyni og Eiríki Bergman, ICEsave fræðimönnum landsins.

Svipuð sjálfsblekkja og greip heiðarlega vinstri menn þegar þeir fylgdu flokksforingjum sínum í forræði núverandi ríkisstjórnar.  Steingrímur og mini mini hans seldu sál sín fyrir kling kling, en ekki góða heiðarlega fólkið sem elti þá inní hina svörtu frjálshyggju sem níðist á fólki og fénaði.

Það blekkti enginn það fólk, það blekkti sig sjálft.

 

Svona sjálfsblekking er vist algeng þegar fólk tekst á við aðstæður sem það getur ekki höndlað.

ICEsave andstaðan tók á fólk, það er erfitt til lengdar að vera á móti elítunni,og á móti  fallega  góða fólkinu  og eiga svo ekki möguleika að komast í þáttinn hjá Sirrý.  Menn hafa bugast af minna tilefni.

Svo eru amerísku vogunarsjóðirnir ægilegur andstæðingur, þeir eru sko erlendir.  Heimsfrægir, virtir, hafa mikla reynslu í að méla andstæðinga sína.  Það þarf hugrekki og þor að standa gegn þeim, eitthvað sem öllum er ekki gefið.

 

Þá er gott að fá svona mál eins og stjórnarskrána og  nota það sem fóður sjálfsblekkingarinnar.

Svo er það kvótinn og öll sterku orðin í beinskeyttu stefnuskránni, meira segja hægt að endurvinna þau úr stefnuskrám VinstriGrænna sem eiga nóg til að fögrum fyrirheitum.

Já, það er hægt að blekkja sjálfan sig með þessu án þess að klingið komi til, óþarfi að vogunarsjóðirnir hafi of mikinn kostnað af yfirtöku Íslands.

 

En fyrst að fólk er að spara fyrir vogunarsjóðina, notar ókeypis sjálfsblekkjara í stað þess að selja sálu sína á heiðarlegan hátt eins og þingmenn Dögunar, af hverju þá þessir tveir flokkar.

Það er miklu dýrara fyrir vogunarsjóðina að fóðra 2 flokka en einn, af hverju dugar ekki Björt Framtíð.

 

Af hverju þarf 2 flokka fyrir þennan hóp sjálfsblekkjara???

Af hverju þessi rígur, af hverju geta menn ekki unnið saman???

Af hverju þarf 2 aðskilda vagna á leiðina í sláturhúsið???

 

Maður skilur þetta eiginlega ekki þegar maður fer að hugsa út í þetta.

En ég hef svo sem heldur aldrei skilið fólk sem þarf að blekkja sjálft sig þegar því brestur kjark til að fylgja hugsjónum sínum og lífsskoðunum.

Hvað er að því að hætta þegar menn geta ekki meir???

 

En sumt er manni ekki ætlað að skilja.

Þannig er það bara.

Kveðja að austan.

 

 

 

 

 

 

Segir fræðimenn skorta heiðarleika