Maður verðtryggingar og ICEsave.

 

Talsmaður þess að almenningur borgi skuldir útrásarinnar.

Skilur ekkert í upplausn samfélagsins, að það sé barist um krónur sem ekki eru til.

Skilur ekki kröfuna að fólk vilji getað lifað af launum sínum og borgað skuldir sínar.

 

Hann ætlaði því bara að borga, þræla, vera ekki til.

Kveðja að austan.

Telur aðra setja sig í stellingar

Stóra spurningin er?

 

Af hverju sveik Steingrímur þjóð sína, stuðningsmenn, lífsskoðanir.

 

Af hverju hefur hann unnið í þágu vogunarsjóða frá því í byrjun árs 2009??

Af hverju samþykkti hann ICEsave???

Af hverju samþykkti hann forsendur ICEsave samningsins sem gerðu ráð fyrir glórulausri stóriðjuuppbyggingu???

Af hverju samþykkti hann skuldsetningu ríkissjóðs þar sem eina ráðið fyrir ríkissjóð var að selja seljanlegar eigur, þar sem Landsvirkjun, og einokun hennar á orkunýtingu, var krónudjásnið???

Af hverju???

Af hverju???

 

Við Íslendingar erum sérstakir en öll önnur dæmi í mannkynssögunni um slíkan viðsnúning, tengjast mútum, fégræðgi, gullþorsta.

Ónýtur flokkur, fylgislaus, rúinn æru og sóma.

Það er arfleið Steingríms.

 

Ef gullþorsti skýrir það ekki, hvað þá???

Kveðja að austan.

„Hvergi nærri hættur í pólitík“

Hvenær voru Sjálfstæðismenn rændir?

 

Viti sínu og skynsemi ef þeir láta bjóða sér svona málflutningi, á ögurstundu þjóðarinnar.

 

Samfélagið mun hrynja innan frá ef gjöreyðingartæki verðtryggingarinnar verður ekki tekið úr sambandi, jafnframt því að hinar stökkbreyttu skuldir verða leiðréttar.

Samfélagslegt hrun bitnar fyrst og síðast á þeim sem eiga, þú þarft að eiga til að geta misst.

Stökkbreyttu lánin hafa ekki bara þurrkað upp eigið fé heimila, þúsundir smá og millifyrirtækja hafa séð á eftir sínu eigin fé  í hendur bankanna, og í fyrirsjáanlegri framtíð mun allur afrakstur þeirra fara í lánahítina.  Ekkert verður eftir handa þeim sem eiga og reka fyrirtækin.

Aðeins einn aðili hagnast á hinni óendanlegri heimsku sem einkennir málflutning forystu Sjálfstæðisflokksins, og það eru vogunarsjóðirnir, eða aðrir fjárfestar sem ætla sér að fjárfesta í hinum blóðmjólkandi bönkum.

 

Flestir sem misstu sparfé sitt við hrun bankanna eru Sjálfstæðismenn. 

Unga fólkið á höfuðborgarsvæðinu sem verst fór út úr hinum stökkbreyttu lánum er að stórum hluta í kjósendahópi Sjálfstæðisflokksins.

Atvinnurekendurnir sem núna eru fláðir inn af skinni eru að stórum hluta Sjálfstæðismenn.

 

Ábyrgð Sjálfstæðisflokksins á Hruninu er algjör, en örugglega ekki ætlunin.

En að bregðast við afleiðingum Hrunsins af ábyrgð og festu, með einbeittum vilja til að rétta af hag þeirra sem illa urðu úti, og eru óvart að stærstu hluta stuðningsmenn flokksins, með sanngirni og réttlæti að leiðarljósi, og með þeim ásetningi að þjóðin komi sterk til baka, segir til um hvort aular stjórni flokknum eða fólk.

Aular halda áfram á sömu braut.  Læra ekkert, er til þess eins losaðir upp úr skafli til að brjótast áfram yfir kolófæra heiði, til að festast aftur, og aftur ef kjósendur flokksins eru samþykkir feigðarflaninu.

 

Á slíkri leið er forysta Sjálfstæðisflokksins í dag.

Stefna hennar í efnahagsmálum er samhljóða stefnu Evrópusambandsins, fastgengi og innri niðurskurður.  Með nákvæmlega sömu afleiðingum.

Endalokum efnahagslegs sjálfstæðis þjóðarinnar, fátækt almennings, örbirgð þeirra sem höllum fæti stóðu fyrir.

 

Eini vafinn, þó ekki mikill sé, er hvort um aulahátturinn sé meðfæddur, að þetta fólk ráði ekki við verkefni sitt, eða hvort hann sé áunninn.

Áunninn í þágu þeirra sem komust í feitt með því að kaupa upp skuldir gömlu bankanna á hrakvirði.

Aðeins þeir hafa beinan hag af niðurbroti þjóðar og samfélags.

 

Sjálfstæðismenn, sem hafa verið rændir eigum, en ekki viti, þeir eiga auðvelt með að svara þessari spurningu.

Hinir eiga virkilega bágt.

Kveðja að austan.

 

 

 

Nauðsyn að lækka skatta

Hve lengi enn??

 

„Hver á að borga?“ er gjarnan spurt þegar rætt er um leiðréttingu á stökkbreyttum verðtryggðum lánum og afnámi verðtryggingar. Aldrei er spurt hver eigi að borga ef lánin verða EKKI leiðrétt. Hver á að borga þegar heimilin gefast upp á að borga? Hver á að borga þegar heimilin fara á hausinn? Hver á að borga fyrir aðgerðarleysi síðustu ára? Hvernig verðmetum við vonina? Við vitum að heimilin hafa borgað reikninginn hingað til og við vitum að þeim er að blæða út fyrir verðtrygginguna. Það er komið að því að setja heimilin í forgang. Heimilin eru grunnstoð samfélagsins. Vegna þeirra þurfum við m.a gott heilbrigðiskerfi, gott skólakerfi, góða löggæslu og sterkt atvinnulíf. Við verðum að sameinast um það sem skiptir raunverulegu máli. Framtíð heimilanna í landinu!.  (Birgir Örn Guðjónsson).

 

Hver á að borga þegar samfélagið er rústir einar, heimilin á vonarvol, heilbrigðiskerfið í lamasessi, stöðug átök á vinnumarkaði, upplausn og sundurlyndi?

Hver borgar hin verðtryggðu lán, hver borgar skattana til samfélagsins??

Kannski einhverjir, en ekki þeir sem  hafa menntun og burði til að  hefja nýtt líf í nýju landi þar sem fólk er ekki fláð inn af skinni af miskunnarlausu fjármálakerfi.

 

Hve lengi enn ætlum við standa sundruð á meðan örfáir koma þjóð okkar á kné, ræna heimilin, ræna samfélagið.

Gagnvart illskeyttu afli dugar ekki að mótmæla.  

Mótmæli gagnvart ægivaldi vogunarsjóðanna, sem hafa fjárfest í verðtryggingunni, eru gagnsminni en tilraun hins einmana námsmanns á Torgi hins himneska friðar, sem stóð aleinn fyrir framan lest skriðdreka og lyfti upp hendi sem merki um að þeir ættu að stöðva.  Nokkrum sekúndum seinna varð hann að blóðugri klessu sem seinna var hreinsuð upp með fægiskóflu.

Hann varð táknmynd andófs, en andófs sem engu skilaði annað en minningunni um andóf.

 

Gegn skriðdrekum valdsins dugar ekki að segja, "ég mótmæli".

Það dugar ekki að segja, "ég er á móti".

Það dugar ekki að segja, "eigum við ekki að vera á móti".

Ekki þegar valdið er að smala í útrýmingarbúðir þaðan sem fólk á ekki afturkvæmt.  Útrýmingarbúðir verðtryggingar, vaxta og ofurskatta í vasa fjármagns.

 

Skriðdrekar valdsins eru siðblindir menn, menn sem hafa selt vogunarsjóðunum sálu sína fyrir vellaunað starf pískarans.

Þeir verja verðtrygginguna með falsrökum og blekkingum, þeir sundra umræðunni, ráðast á þá sem voga sér að benda á óréttlætið, sem voga sér að benda á hina efnahagslega kviksyndi sem sjálfvirk hækkun skulda er á kreppu og samdráttartímum.

Þeir stjórna fjölmiðlum, þeir fóðra álitsgjafa, þeir móta þjóðmálaumræðuna með stanslausum blekkingum og útúrsnúning.

Við þekkjum þessa menn, þjóðin mætti þeim í ICEsave.

 

Þá töpuðu þeir en reynslunni ríkari sækja þeir að okkur til að hindra að við náum að sameinast gegn þeim fyrir næstu kosningar.  

Þær eru ögurstundin, eftir þær munu vogunarsjóðirnir eignast verðtrygginguna, löglega þannig að aðeins blóðug uppreisn fær þá brotið á bak aftur.

 

Skriðdrekum valdsins er sama hvort fólk kjósi óvinsæla stuðningsflokka  ríkisstjórnarinnar eða Sjálfstæðisflokkinn, sama hvaðan gott kemur.

Þeir óttast ekki fólkið sem er á móti, það er bara á móti, svo mikið á móti að ef fleiri en þrír koma saman, þá er komið fram nýtt framboð sem segir, kjósið mig.

 

En Framsóknarflokkurinn pirrar þá óendanlega, hann vogar sér ennþá að minnast á að það þurfi að gera heimilum landsins kleyft að lifa af í þessu landi.  Að það eigi að leiðrétta hinar stökkbreyttu skuldir. 

Þrátt fyrir óendanlegar kárínur og háðglósur síðastliðin fjögur ár, þá hefur hin nýja forysta hans ekki látið segjast, hún talar máli fólks en ekki fjármagns. 

Og er dauðsek fyrir bragðið.

 

Einnig óttast valdið mjög hóp skynsams fólks, sem hefur náð að mynda hóp á Feisbók, "Nú er komið nóg-  Réttlæti strax og verðtrygginguna burt".  Tilvitnun mín hér að ofan er í einn ágætan meðlim þessa hóps.  

Orð sem eru bæði sönn og réttlát.

 

Rakkar valdsins eru gerðir út gjammandi á þetta fólk, tvístrandi og sundrandi.  

ICEsave viðrini eru dregin fram með endurunnar háðglósur og faglegt vændi í þágu fjármagnsins.

Undirróður á öllum stigum mætir fólki vonar og réttlætis.

Undirróður sem dugar til að tryggja fjármagninu sigur í næstu kosningum.

 

Nema ef fólk hættir að mæta skriðdrekum valdsins með hendi á lofti verðandi að blóðugum klessum á strætum þjóðmálaumræðunnar.

Hættir að vera sundruð hjörð sem tvístrast í allar áttir þegar valdið ræðst til atlögu.

Og snýr bökum saman með einbeittum vilja að mæta skriðdrekunum og hrekja þá á flótta eins og litla Slóvenía gerði þegar skriðdrekar Serba réðust inní landið, og þeim var mætt af einurð og þeir hraktir á flótta.  Fyrir vikið var Slóvenía eina landið sem slapp við hörmungar borgarastríðsins í fyrrum löndum Júgóslavíu.

Því valdið sigrar aðeins sundraða hjörð, ekki sameinað afl fjöldans.

 

Undirróðurinn gegn voninni og réttlætinu, er sami undirróðurinn og bresku fjárkúgararnir beittu fyrir sig í ICEsave.

Og í því liggur von heimila landsins.

 

Undirróður gegn samfélögum fólks, velferð þeirra og velmegun, varðar sem slíkur ekki við lög, það er ekki ennþá búið að banna siðblindu, mannvonsku, og mannhatur.  

Arðrán og blóðmjólkun heimilanna er lögleg, að eiga stjórnmálamenn og stjórnmálaflokka er löglegt.  Að ráða einhverja mannaumingja í vinnu á fjölmiðla landsins til að tala gegn samfélögum fólks, til að upphefja arðrán verðtryggingarinnar, til að níða niður vonina og réttlætið, er löglegt.

Eiginlega er öll mannvonska útrýmingarbúða fjármagnsins lögleg, að því gefnu að gas er bannað, þykir ekki gott fyrir ímyndina.

 

En undirróður í þágu erlends valds eftir að sama vald hefur ráðist á landið, varðar við lög.

Fjárkúgun varðar við lög.

Hlutdeild í fjárkúgun varðar við lög.

Að blekkja fólk í þágu fjárkúgara varðar við lög.

 

Með öðrum orðum, skriðdrekar fjármagnsins brutu lög í ICEsave fjárkúguninni og með því að kæra þá  samkvæmt lögum landsins, þá splundrast þeir og undirróður vogunarsjóðanna verður að engu.

Í stað þess að vonin og réttlætið sé sífellt að verjast atlögum undirróðursins, þá þarf undirróðurinn að verjast gyðju réttlætisins.

Í þessu er von heimila landsins fólgin.

 

Og ég spyr, Hve lengi enn á sú von að vera falin í dáðleysi og ótta?

Þeirra sem virkilega vilja verja heimili landsins.

 

Hve lengi enn?

Kveðja að austan.

 

 

 

 

 

Ég vil líka.

 

Er óp sem barst um allan Landsspítalann þegar Samfylkingin komst að því að hennar auðmjúkur þjónn í erfiðu starfi böðulsins, var ekki nógu vel haldinn.  Og minnug þess að valdsmenn fyrri tíma vissu að enginn var böðullinn ef ærleg var ekki þóknunin, að þá hækkaði hún laun hins bágstadda.

En gætti ekki að sér, fórnarlömbin voru ekki hlekkjuð við bás sinn eins og á þeim tímum þegar böðlar valdsins voru þarfastir þjónar, þau gátu farið.

Og þau fóru.

 

Það dugði ekki að draga böðulshækkunina til baka, fórnarlömb valdsins voru ekki lengur tilbúin að láta skera sig niður, ekki lengur, ekki lengur í þágu vogunarsjóða og fjárbraskara.

Og tímarnir voru ekki bara breyttir hvað varðar lausung fórnarlamba, fórnarlömbin hafa vald til að ákveða vald valdsmanna.  Þau hafa kosningarétt, fórnarlömb vogunarsjóðanna og fjárbraskara hafa kosningarétt.  

Og það á að kjósa í vor.

 

Þess vegna var samið út í loftið, án fjárveitinga, án innstæðu.

Því það eru ekki til peningar í fólk, aðeins fjármagn.

En fyrir kosningar eru slegnir kosningavíxlar í þeirri von að minni fórnarlamba er minni Alzheimersjúklingsins, að muna fortíðina þegar valdið var mennskt, en gleyma nútíðina þegar það er blóðugur þjónn fjármagns og græðgi.

 

Þess vegna var fólk platað til baka með krónum sem eru ekki til, sem munu brenna á báli verðbólgunnar og fóðra þannig skrímsli verðtryggingarinnar.

En ópið er ekki þagnað.

Ég vil líka.

 

Ég vil líka.

Kveðja að austan.

Hækkanirnar nái til allra

Líknandi hönd óskast.

 

Sem vill losa ESB undan þessari áþján sinni að þurfa að semja, í stað þess að kúga.

Einhver stjórnmálamaður eða flokkur sem sér aumur á skriffinnum Brussel.

Og segir upp EES samningnum.

Það væri náungakærleikur.

Kveðja að austan.

„ESB hundleitt á EES-samningnum“

"Útrétta sáttahönd framsóknarmanna"

 

Hvað skyldi þessi sáttahönd kosta þá sem hafa fjárfest í verðtryggingunni og hafa alla hagsmuni að þingmenn snakki innantómt snakk um ómál sem engin vitiborin manneskja fær nokkur botn í.

Enda geymdu Bakkabræður botninn uppí Borgarfirði.

Skyldi þessi kostnaður vogunarsjóðanna vera frádráttabær frá skatti á öreyjunni þar sem pósthólf þeirra er skráð??

Skyldi vera sérstakur bókhaldslykill yfir slíkan kostnað??   Að forheimska þjóðmálaumræðuna???

 

Samt er þingmaður sem spyr.

Ekki með útrétta sáttarhönd til ríkisstjórnarinnar.

 

"Við erum fallin á tíma. Arðgreiðslur, afborganir, vaxtagreiðslur og leigugreiðslur til erlendra aðila verða stöðugt hærri og veikja krónuna. Það verður að koma fram raunhæf áætlun um afnám gjaldeyrishafta. Sú áætlun verður að byggja á mati á öllum tillögum sem liggja fyrir um hvernig hægt sé að leysa snjóhengjuvandann.".

 

Hvað skyldi þöggunin um hann kosta??

Kveðja að austan.

 

Væntir liðsinnis frá framsóknarmönnum

Sú sem stjórnar með hótunum.

 

Óttast ekki hótanir.

Ekki nema þegar henni er hótað að hún geti ekki lengur hótað.

Þess vegna sagði Jóhanna ekki satt.

Kveðja að austan

Hafnaði því að stjórnast af hótunum

" Með beinum afleiðingum fyrir íslenska fjármálakerfið"

 

En við Íslendingar þekkjum þessar beinu afleiðingar.

Íslenska fjármálakerfið hrundi vegna þessa innri markaðar ESB.

Evrópa þekkir þessar afleiðingar..

Fjármálakerfi álfunnar eru rústir einar, lifa á peningaprentun Seðlabanka álfunnar.

 

Við þekkjum afleiðingar þessa innra markaðar, við vitum fyrir hvað hann stendur.

Hann stendur fyrir hrossakjöt.

Kveðja að austan.

Fjármál utan við innri markað?

Kosningaredding.

 

Til að fólk rísi ekki upp gegn fjármagninu fyrir kosningar.

Til að atkvæði þess leiti í flokka vogunarsjóðanna.

 

Flokka sem eiga eitt sameiginlegt, að vilja ekki hrófla við verðtryggingunni.

Vilja ekki leiðrétta forsendubrestinn.

Vilja vernda froðueignir sýndarfjármálakerfisins sem engin rauneign stendur að baki.

 

Landsspítalinn er að hrynja, og mun hrynja eftir kosningar.

Þá skiptir það engu máli fyrir vogunarsjóðina, þá eiga þeir Ísland, Sjálfstæðisflokkurinn og Samfylkingin munu sjá til þess.

Því það er eins og einn bankamaðurinn sagði fljótlega eftir Hrun þegar hann var spurður um hvort einhver þjóð yrði eftir til að vinna fyrir fjármagnið, án nútíma heilsugæslu, án nútíma menntunar fyrir framtíðina.  "Jú, það mun alltaf fást fólk í staðinn fyrir þá sem flytja að landi brott, ástandið er ekki gott í Mið Asíu.".

 

Þjóðarskipti heitir þetta.

Í boði kjósenda þessa lands.

Kveðja að austan.

Að hluta tekið úr rekstrinum