Hvernig átti að greiða ICEsave 1??

 

Skuldbinding sem var áætluð rúmlega 500 milljarðar.

Svona í ljósi þess að Seðlabankinn telur í dag að undirliggjandi viðskiptajöfnuður nægi ekki til að standa við afborganir af skuldum.

 

Það þarf að endurfjármagna LÍ bréfið, en í ICEsave samningnum stóð það skýrt að ef ríkissjóður Íslands myndi draga eina afborgun, eða endursemja um eina skuld (reyndar lágmark á upphæð, en hún var ekki há), þá mættu bretar gjaldfella allt lánið, og ganga að eigum íslensku þjóðarinnar.

Eignir gamla Landsbankans innheimtust betur en ráð var fyrir gert, en fyrst að þjóðin sagði Nei við ICEsave, þá höfðu bretar engan hag á að skemma fyrir þrotabúinu, til dæmis að þvinga það í hraksölu eigna.  Líkt og mörg dótturfyrirtæki íslensku bankanna þurftu að þola.

Hvað hefðu bretarnir gert ef þeir höfðu algjört tangarhald á íslensku þjóðinni???

Svona í ljósi fyrri framkomu þeirra???

 

Seðlabankinn laug þegar hann fullyrti að íslenska þjóðin gæti staðið við ICEsave 1. 

Raunveruleikinn hefur afhjúpað þá lygi.

Þessi frétt afhjúpar þá lygi.  

 

Hvernig geta lygarar og fjárkúgarar komist upp með að stjórna áfram??

Og beita alefli sínu gegn sanngjörnum kröfum heimilanna um leiðréttingu á hinum stökkbreyttu skuldum??

Af hverju ná ekki lög yfir stórglæpamenn inna valdaelítu landsins?'

Af hverju eltist réttarkerfið aðeins við smáglæpamenn??

 

Hvers vegna látum við bjóða okkur þetta sem þjóð??

Er svona gaman að vera skuldaþræll?  Að eyða ævinni að borga skítinn eftir útrásina á meðan gerendur Hrunsins velta sér í vellystingum út í hinum stóra heimi.

Og láta launaða leppa sína ráða öllum málum hér á landi.

 

Af hverju??

Hvers vegna??

Hvað er að okkur??

 

Sem þjóð, sem samfélagi, sem einstaklingum.

Hvers vegna látum við þjófa og fjárkúgara stjórna??

Hvers vegna unum við skuldaánauðinni??

 

Hvenær fáum við nóg??

Kveðja að austan.

Staðan neikvæð um 60% af landsframleiðslu

"Fá mál væru á dagskránni vegna skuldamála heimilanna"

 

Og öll neðarlega í umræðunni.

Verðbólgan æðir að stað, sjálfvirk vísitala hækkar lánin margfalt umfram verðmætasköpun, heimilin brenna, og þingheimur hefur ekki tíma í að ræða málin.

Hvað þá að gera eitthvað til að stöðva drápstækið sem engu eirir.

Hvers á þjóðin að gjalda, engar syndir eru það miklar að þessi skrípasamkunda sé réttlát refsing.

 

Upphróp, kosningakeilur, hávaði.

Þetta er ekki þjóðinni boðlegt.

Þetta er sárgrætilegra en nokkur grátur.

 

Þess vegna er þjóðin boðuð á fund næstkomandi miðvikudag.

Mætum og segjum; Hingað og ekki lengra.

 

Við höfum fengið nóg.

Kveðja að austan.

Deilt um ábyrgðina á þingstörfum

Skrípafólk með skrípatillögu.

 

Aðeins skrípi selja land sitt erlendum fjárkúgurum.

Aðeins skrípi ganga erinda vogunarsjóða.

Aðeins skrípi skuldaþrælka almenning.

 

Og þegar hallar á húsbændur þeirra fjármagnið, sjálf fjárfestingin í verðtryggingunni er í húfi, þá er rokið til með brambolti.

Hugsað til að vernda verðtrygginguna.

Í reynd til að skaða hina nýju formenn flokkanna, Katrínu og Árna.

 

Sem vinna að því hörðum höndum að breyta ímynd flokka sinna. 

Að það sjáist að skrípi séu ekki lengur við stjórn.

 

Sem skrípin geta ekki þolað.

Og eru þvi send á vettvang til að grafa og grafa.

 

Að grafa undan hinni nýju ímynd.

Það er ekki von að þjóðin sé boðuð á fund næstkomandi miðvikudag.

 

Um réttlæti, von, framtíð.

Framtíð án skuldaánauðar, framtíð án skrípa sem selja samlanda sína í þrælakistur hins svarta fjármagns.

 

Mætum.

Og losum okkur við ruglið.

 

Afskrípum alþingi.

Kveðja að austan.

Með tillögu að auðlindaákvæði

Evrutrúboðið raðar upp mönnum sínum.

 

Vilhjálmur á að stýra útungastöðinni sem telur Eirík Bergmann fræðimann.  

Hvernig stendur á því?'

Er upplausn á Bifröst, náði einhver þar að gúgla orðin ESB+evra og fékk eintómar síður með disaster, harmageddon, help us, please help us og svo framvegis.  Og fékk síðan efasemdir um sæluríki evrunnar.  

Er óttast að sannleikurinn sé farinn að grafa um sig á Bifröst, með þeim skelfilegum afleiðingum að nemendur þar hætti að vera evrufífl???

Hver veit, Villi hefur séð það svartara, og vanur maður að berjast fyrir glötuðum málstað.  

 

Spurningin er hver tekur að sér að passa hagsmuni vogunarsjóðanna hjá Samtökum atvinnulífsins. 

Kannski gerir það enginn, kannski blása þar nýir vindar, manna sem telja atvinnurekstur snúast um verðmætasköpun, en ekki brask.

Hver veit, kannski var Vilhjálmur hrakinn burt.  

Og það þurfti að útvega honum nýtt starf í hvelli.

 

Annað eins hefur gerst, og mun gerast á meðan litla ljóta klíkan fær einhverju ráðið.

Minni þess vegna á fundinn á miðvikudaginn.

 

Þjóðinni er boðið.

Kveðja að austan.

Vilhjálmur verður rektor á Bifröst

Sterkara evrusvæði sýndi styrk sinn í gær.

 

Enn ein þjóðin var sett í kvörnina, kemur úr henni rúin eignum og framtíð.

Þó voru erfiðleikar Kýpur aðeins brotabrot af þeim erfiðleikum sem hér urðu haustið 2008.

Erfiðleikar Grikkja voru aðeins brot af þeim erfiðleikum  sem urðu hér haustið 2008.

Og menn vissu ekki einu sinni að Spánn ætti í erfiðleikum, jafnvægi var á ríkisfjármálum og hagvöxtur hafði verið mikill.

 

Rústir einar blasir við ungu fólki í þessum löndum í dag.

Atvinnuleysi um eða yfir 50%, æ fleiri þurfa að treysta á matargjafir Rauða krossins líkt og á hamfara eða stríðstímum.  Skólum er lokað, þeir sem eru opnir fá ekki rekstrarfé fyrir mannsæmandi kennslu.  Sjúkrahús hökta, við því að loka vegna fjárskorts.

Hvernig væri ástandið hér, ef við hefðum verið með evruna og þurft að sæta bjargráðum Evrópusambandsins, að skattfé almennings væri notað til að bjarga gráðugum fjármálamönnum en eftir stæði sviðin almannaþjónusta.

Hér væru ekki rústir, hér væri ekki neitt.  Gjaldþrota þjóð í örbirgð.

 

Samt segir utanríkisráðherra landsins það óhjákvæmilegt að við göngum í þessar hörmungar.

Og er ekki samstundis settur á hæli fyrir siðblindingja, fyrir þá sem eru haldnir dauðahvöt fyrir hönd annarra. 

Vegna þess að hann er ekki einn um þessa skoðun.  Að vilja rústa þjóð sinni, gera íbúa landsins endanlega að þrælum fjármagnsins.

 

Björt Framtíð fær 15% fylgi út á þessa framtíðarsýn hörmunganna.

Hennar eina kosningamál er rjúkandi rústir evrusvæðisins. 

Fjöldaatvinnuleysi ungmenna, ónýtir skólar, einkavætt heilbrigðiskerfi í dauðteygjum.

Matargjafir, matarbiðraðir.

 

Þið stáluð framtíð okkar segir ungt fólk í Evrópu í dag við stjórnmálamennina sem bera ábyrgð á hörmungunum.  

Á Íslandi kýs ungt fólk slíkan þjófnað, þjófnað á sjálfri framtíð þess, vegna þess að því finnst það fyndið.  

Björt framtíð er svo fyndin, þess vegna kýs það flokkinn.  Svo hristi maður hausinn yfir strákfíflunum í Gosa sem breyttust í asna og enduðu í námum vogunarsjóðanna.  Fannst það svo absúrd, of súrt til að eiga heima í ævintýri.  

Sér það svo raungerast á Íslandi í dag.  

 

Þetta hlýtur að vera plastinu í drykkjarföngum að kenna.

Það var vitað að það drægi úr æxlun karlmanna, en virðist úrkynja þá á mun alvarlegri hátt. 

Þeir missa hvötina að verja líf sitt.

 

Kjósa fjöldaatvinnuleysi, kjósa hörmungar, kjósa endalok þess samfélags sem við þekkjum.

Í stað þess að safna liði og losa sig við hið skítuga fjármagn í eitt skipti fyrir öll.  Sinna síðan kalli náttúrunnar, og gera það sem lífið ætlast til af þeim.  Að geta af sér líf og koma því á legg.

 

Svoleiðis var það fyrir daga plastsins.

En er ekki lengur.

 

Aðeins konur andæfa.

Aðeins konur skilja að það þarf að vernda lífið.

 

Konur munu leiða byltingu lífsins.

Það er fundur á miðvikudagskvöldið.

Kveðja að austan.

 

 

Óhjákvæmilegt að ganga í ESB

Hvað er Kýpur búið að vera með evruna lengi??

 

Hvað tók það evruna mörg ár að gera landið gjaldþrota??

Hvað tók það evruna mörg ár sem Tyrkjum tókst ekki um aldir??

 

Fjögur ár, svarið er fjögur  ár.

Og það fyndna er rökin fyrir skuldaþrælkun almennings er hin skelfilega hótun; "þá myndi Kýpur ekki lengur vera hluti af evruríkjunum".

 

Hvaða viðrini náðu að láta þjóðmálaumræðuna snúast um hvort íslenska þjóðin ætti fríviljug að gerast aðili að hörmunginni sem hin sameiginlega mynt ESB er.  

Þar sem þjóðir eru skornar upp þegar fjármagnið fær flensu. 

 

Svarið er þeir sem fjárfestu í verðtryggingunni, þeir sem keyptu afskrifaðar kröfur útrásarinnar á hrakvirði en ætluðu innheimta þær í botn, eða alveg þar til síðasta krónan væri horfin í vasa þeirra.

Efnahagsböðlar vogunarsjóðanna mættu strax á fyrsta degi, settu upp aðgerðamiðstöð á hótel Borg (bara líking) og hafa stjórnað síðan sundrungu þjóðarinnar.

Sem þeim hefur tekist mæta vel.

Eða alveg þar til þjóðin fékk nóg.

 

Hún vill ekki evru hörmungar.

Hún vill ekki tal um orð á pappír, þó orðin eigi að heita ný stjórnarskrá.

Hún vill ekki lýðskrum frjálshyggjunnar.

Hún vill ekki hin ótal framboð sem bjóða fram sérvisku og sundrungu.

Hún vill ekki lengur þetta rugl.

 

Hún vill réttlæti, hún vill von, hún vill framtíð.

Og hún vill fólk sem hugsar um hag þjóðar en ekki sinn eigin hag.

 

Og við því eiga efnahagsböðlar vogunarsjóðanna ekkert svar.

En reyndar andófið ekki heldur.

 

En Framsókn fattaði þetta.

Kannski.

Kveðja að austan.

 

Versti efnahagsvandi í 40 ár

Sér grefur gröf, sem grefur.

 

Og ekki er hægt að segja annað en að Samfylkingin sé dugleg við það þessa daganna.

Hún skipti um formann, til að losna við tenginguna við ríkisstjórn Jóhönnu Sigurðardóttur, og til að skapa sér ný sóknarfæri svo flokkurinn byði ekki algjört afhroð í komandi kosningum.

Til þess að það tækist er algjört grundvallaratriði að flokksmenn láti sem svo að þeir lúti hinum nýja formanni, að hann stjórni flokknum.

 

Árni Páll mat það að aðförin að stjórnarskránni hefði mistekist, að héðan af yrði að reyna að lágmarka skaðann.  Og hann mátti eiga að hann fann leið sem gerði flokknum kleyft að gleyma málinu án þess að ósigurinn virkaði algjör.  

Kallast í einhverjum fræðum að lágmarka skaðann.  

Og gera flokknum um leið að tala um eitthvað sem hugsanlega kæmi í veg fyrir að spá mín um 10% fylgið rætist.  Ekki það að Árni hafi heyrt af þeirri spá, en ef fallistalína skoðanakannanna er framlengd, þá er stutt í 10%.  Eitthvað sem blasir við.

Ekki það að það sér mikið skárra að tala um evruna og Evrópusambandið, en ástandið þar er þó annarra klúður, ekki klúður Samfylkingarinnar eins og allt sem núverandi ríkisstjórn hefur komið nálægt.

 

En hann nýtur ekki til þess stuðnings, að það sé reynt að bjarga flokknum frá algjöru afhroði.

Forysta hans er vefengd, og Árni ekki bógur til að takast á við fólkið sem mannar skurðgröfurnar við að grafa undan honum og flokknum.

Hefur ekki manndóm til að gera upp við Jóhönnu eins og Khrushchev hafði  þegar hann gerði upp við hörmungartíma Stalíns.

 

Og eymdin í forystu flokksins blasir öllum við.  

Fíflin sem eru svo samdauna ruglinu í sjálfu sér fá að eyða því litla sem eftir er af fylgi flokksins.

Tala um kökur þegar fólk vill brauð.

Tala um stjórnarskrá þegar fólk vill réttlæti.

Berjast innbyrðis þegar fólk vill að það sé barist við fjárræningjana sem herja á strendur landsins.

Sýna að flokkurinn er algjörlega duglaus þegar kemur að leysa vandamál þjóðarinnar.

 

Fólk treystir ekki fíflum, ekki þegar sjálf tilvera þess er í húfi. 

Krakkabjánar kjósa vissulega Píratana og einhverjir sem halda að lífið sé lélegur brandari elta Gnarristaflokkinn.  

Samtals svona rúmlega 10% af þjóðinni, en það eru þegar til flokkar sem sérhæfa sig í þessu fylgi.

Þess vegna er það svo glatað að tala um stjórnaskrá þegar fólk talar um verðtrygginguna, um hin stökkbreyttu lán, um afskriftir auðmanna, um vogunarsjóði sem ætla að mergsjúga efnahagslífið í gegnum þrotabú gömlu bankanna.

 

Árni Páll hefur rétt fyrir sér.

En ræður ekki við lifandi drauga fortíðarinnar.

 

Ghostbusters.  

Skyldu þeir vera á lausu.

Kveðja að austan.

 

 

 

Óánægja innan Samfylkingarinnar

Svo taktlaust, svo sorglega taktlaust.

 

Hvað brennur á fólki í dag??

Smá hint, það er ekki ESB, svo ágæt sem sú umræða er að sækja um aðild að dauðabandalaginu sem skuldaþrælkar almenning í þágu fjármagns og auðmanna.  

 

Lesið  þessa annars ágætu fréttaskýringu, það er ofsalega margt sagt, en hvergi minnst á heimili eða vanda þeirra, hvergi minnst á svikin við fólkið, við fólkið í landinu.

Ef þessir heiðursmenn hefðu minnstu grænu glóru um hvað vinstri mennska snýst, um hvað býr að baki félagshyggju og velferð, þá hefðu þeir strax yfirgefið VG eftir að ljóst var að flokkurinn tók að sér böðulsverkið fyrir Alþjóðagjaldeyrissjóðinn, því þá voru hin helgu bönd við mannúð og mennsku slitin.

Aðeins þeir sem þekkja ekki muninn á réttu og röngu taka að sér verktaka vinnu fyrir hið skítuga alþjóða fjármagn sem er langt kominn með að eyða velferð og velmegun Vesturlanda, og er langt komið að breyta heiminum í eitt stórt þrælahagkerfi.  

 

Og það er greinilegt að þeir félagar þekkja ekki þennan mun, að þeir hafa ekki ennþá hugmynd um af hverju siðað fólk gerir ekki sumt, étur ekki fólk, drepur ekki náungann, vinnur ekki í verktöku hjá AGS við að eyða innviðum samfélaga.  

Það er ekki spurning um lagaboð að siðaður maður lætur ógert fyrstu tvö atriðin sem ég taldi upp  og það síðasttalda er ekki leyfilegt þó lögin banni ekki slíkt. 

Sumt er einfaldlega ekki gert, ekki ef maður er siðaður, ekki ef maður þekkir muninn á réttu og röngu.

 

Þess vegna skiptir það engu máli þó VG hefði lagst gegn ESB, og meint það, og það skiptir engu máli þó VG hefði bannað alla olíuleit á Drekasvæðinu.

Fylgi flokksins hefði samt farið í um eða undir 5%.

Því siðblinda er ekki mjög algengi, og vinstri flokkur sem svíkir mennskuna, er ekki flokkur sem vinstra fólk kýs aftur.  

Fólkið sem sá ekkert rangt við þrælabúðir Stalíns eða telur að vandi Rauðu Kehmranna hafi verið ímyndunarvandi, þá kýs VG áfram, aðrir ekki.

 

Og nýr flokkur sem leggur ekki höfuðáherslu á vanda heimilanna, verður ekki kosinn, sama hvað annað verður sagt, um þarft sem óþarft.

Nýr flokkur um sérvisku, eða þá súperlausn, að vandi þjóðarinnar felist í að viðkomandi séu ekki við stjórnvölinn, mun ekkert fylgi fá.

En hann þjónar einu afli.

 

Viðurstyggðinni sem sýgur til sin öll verðmæti frá heimilum og fyrirtækjum, og skilur eftir sig sviðna jörð þar sem fólk hefur vart í sig og á.

Hinni svörtu frjálshyggju sem ógnar tilveru mannsins.

 

Hin ótal framboð eru engin tilviljun.

Skrípaumræðan um stjórnarskrána er engin tilviljun.

 

Þetta eru vanir menn.

Kveðja að austan.

 

 

 

 

Sýður upp úr hjá VG vegna ESB

Er vinstridraugurinn síðasta hálmstrá Bjarna.

 

Ef það hann sem á að bjarga fylgi flokksins á elleftu stundu.

Fattar hann ekki að þegar fer sem horfir þá myndar Framsókn framsóknarstjórn, ekki vinstri eða hægri stjórn.

Því þjóðfélagið er að kafna undan skuldum hrunsins, leiðrétting á hinum stökkbreyttu skuldum er eina von efnahagslífsins, eina vona þjóðarinnar.

 

En það er rétt hjá Bjarna að þjóðin óttist nýja vinstri stjórn, fylgistölur ríkisstjórnaflokkanna undirstrika það.  Þeir verða ekki aftur kosnir í núverandi mynd, til þess voru svik þeirra of mikil, þjónkun þeirra við hið svarta fjármagn algjör.

En þjóðin vill ekki heldur  lýðskrum Bjarna Benediktssonar, vill ekki sjá það.

Þjóðin sér alveg í gegnum skrumið sem þessi orð hans tjá.

 

"Við ætlum að tala fyrir lækkun skatta og munum leggja áherslu á kraftmikið atvinnulíf og raunhæfar aðgerðir fyrir heimilin sem steypa ekki fjármálum ríkisins í algjört óefni. ".

 

Ofurskuldsett  atvinnulíf verður aldrei kraftmikið, skuldirnar kæfa það.

Heimilin álíta það ekki raunhæfan valkost að vogunarsjóðirnir fái líka sparnað þeirra ofaná alla blóðpeningana, og mæður og feður eru ekki tilbúin að láta loka spítölum svo hægt sé að nýta skattkerfið til að greiða hinar stökkbreyttu skuldir.

Og stefna Sjálfstæðisflokksins mun einmitt koma fjármálum ríkisins í óefni.  Það gilda sömu náttúrulögmál hér og í öðrum löndum.  Stefna Sjálfstæðisflokksins, að skera niður til að ná jafnvægi í ríkisfjármálum, er þrautreynd á evrusvæðinu, og alltaf með sömu afleiðingum.  Ósjálfbær ríkisfjármál því samdrátturinn í efnahagslífinu sem honum fylgir kallar alltaf á nýjan og nýjan niðurskurð, auk skattahækkana, þekktur vítahringur skuldakreppunnar.

 

Þjóðin sér í gegnum  skrumið og vill ekkert með Sjálfstæðisflokkinn vita.

Þjóðin vill réttlæti, hún vill von, og hún vill framtíð.  

Hún vill ekki gömlu stjórnmálaklíkunnar sem hygla aðeins auðfólki, og skríða í duftinu fyrir hrægömmum hins skítuga svarta fjármagns sem hefur sótt að þjóðinni frá Hruni.

Þjóðin vill ekki lifa í skuldaánauð, eymd og örbirgð, arðrænd og kúguð í sínu eigin landi af fjármagni og fjárúlfum.

 

Hún vill lifa hér sjálfstæð, stolt og með reisn hins frjálsa manns.

Sem var einu sinni stefna Sjálfstæðisflokksins en er það ekki í dag.

 

Síðasta hálmstráið mun ekki duga.

Kveðja að austan.

„Lágmarksreisn fyrir þingið“

Sátt um heimilin í sjónmáli??

 

Áður en Sjálfstæðisflokkurinn, Samfylkingin og VinstriGrænir bíða sögulegan ósigur.

Hver veit, annað eins hefur nú gerst.  

Menn seldu heimilin fyrir völd, kannski kaupa þeir þau til baka til að halda völdum.

Hver veit.

Kveðja að austan.

Sátt í sjónmáli?