Lög gegn glæpaklíkum.

 

Eiga ekki bara að ná yfir þann óþjóðalýð sem sérhæfir sig í að selja þjóðinni eiturlyf eins og rafrettur eða kókaín.

Eða nýta sér siðblindu frjálshyggjubandalagsins kennt við Evrópu að flytja inn bláfátækt verkafólk til að rústa íslenskum kjarasamningum líkt og gert er í byggingariðnaðinum í dag.

Mannsal, hvort sem það er í byggingariðnaði, flugrekstri hjá Wxx, eða í flutningastarfsemi eins og hjá Saxxxxxxx, á ekki að líðast.

Í nútímanum ganga glæpamenn ekki um með grímur þó Dalton bræður eða Bjarnabófar gerðu það í teiknimyndasögum hér áður fyrr.  Og því algjör tímaskekkja að miða löggjöf gegn glæpaklíkum að viðkomandi glæpamenn séu aðeins sekir um glæp ef þeir nota slíkan búnað.

 

Glæpir nútímans þrífast vegna þess að löggjöfin fjallar ennþá um glæpi fortíðar, og í raun virka lögin aðeins ef saksóknarar mæta á sýningu Þjóðminjasafnsins þar sem ennþá má sjá grímuklædda ræningja. 

Reyndar leikara.

Annars vaða glæpaklíkurnar uppi, endalaust, allsstaðar.

 

Og nýjasta dæmið má lesa um í þessari litlu frétt um svik og rangefndir þessa vafasama fólks sem nýtti sér fjármuni mjög svo vafasamra fjárglæfra manna til að ljúga sig inná þjóðina.

Og óskammfeilnin var svo mikil að  fulltrúi þúsunda milljóna afskrifta sagði að ríkisstjórn hans væri ríkisstjórnin sem myndi einhenda sér í að forða innviðum þjóðarinnar frá hruni, sem hann reyndar bar ábyrgð á sem fjármálaráðherra síðustu ríkisstjórnar.

 

Efndirnar gera síðan mesta lygahlaup hins skráða orðs, baróns Mundhausen að sannsöglum manni, þó var hann skálduð persóna.

Á sama tíma er lygahlauparíkisstjórnin að senda fólk til New York að endursemja við vogunarsjóði um ránsfeng þerra sem síðasta ríkisstjórn afhenti þeim af góðmennsku sinni.

Enginn veit hvað mörg þúsund milljónir eiga eftir að skipa þar um hendur, líklegast enginn nema þeir sem tengjast fjármálaveldi Engeyjarættarinnar, og jú hrægammarnir sem borga háa þóknun fyrir stefnubreytinguna.

 

Af hverju varðar það ekki við lög að fjárglæframenn nota misvel fengna fjármuni sína til að ljúga sig inná þjóðina??

Og þegar lygarnar eru afhjúpaðar, af hverju getur viðkomandi ráðherra gengið um sem frjáls maður???

Má allt ef maður er í Sjálfstæðisflokknum??

 

Og varðandi þann minnihlutahóp sem styður þetta athæfi, þessa endalausa aðför að forsendum sjálfstæðis okkar og velferðar, þarf þetta fólk aldrei að sæta ábyrgð gjörða sinna??

Það vill heilbrigðisþjónustu, kýs samt aðför að henni, það vill samgöngur, kýs samt holótta hestavegi, það vill lífskjör, en kýs samt gegn forsendum lífskjara.

Svo fjárglæframenn geti endalaust rænt og ruplað almenning, samfélagið, okkur öll hin.

Eru ekki allskonar lög sett af minna tilefni??

Menn mega til dæmis ekki efast um rétt samkynhneigðra til að kynfræða grunnskólabörn án þess að vera lögsóttir, eða leyfa fólki að tjá minnihlutaskoðanir sínar í útvarpi sem enginn hlustar á, þá mætir saksóknari rétttrúnaðarins og hótar ærumissi og fangelsisvist.

 

En þegar þingmenn og ráðherrar ljúga og ljúga, og ljúga sig svo fulla að slíkur lygaburður hefur aldrei áður verið skráður, þó hefur slíkt verið samviskusamlega verið skráð í yfir 5.000 ár, að þá er ekki einu sinni yppt öxlum.

Enda fórnarlömbin einhverjir útnárabúar.  Einhverjir Íslendingar sem ekki hafa globalvæðst í stórborginni einu við sundin blá og út um allar hennar heiðar.

Eins og það réttlæti lygarnar.

Og þá sem ljúga út í eitt.

 

En gerir það samt.

Því það segir enginn neitt.

Nema útnárabúarnir.

 

Sem aftur kannski útskýrir skortinn á lögum gegn skipulögðum glæpaklíkum.

Og að sírænd og rupluð þjóð telji óbreytta skipan heillavænlegust til að upplifa ekki óvissuna eða óttan við hið óþekkta, eins og að vera ekki sírænd og rupluð.

Skiptir engu þó gamlir menn segi að þetta hafi ekki alltaf verið svona.

Að fyrir ekki svo mörgum áratugum hafi ríkisstjórnir Sjálfstæðisflokksins lagt mikla fjármuni í að byggja upp innviði þjóðfélagsins, byggt spítala, lagt vegi, sett fjármuni í hafnargerð, flugvelli, skóla, allt það sem er forsenda hagvaxtar og grósku.

Að þá áttu ríkir menn einhverja milljónir, ekki milljarða.

Og allt óx og dafnaði.

 

Nei, allt á sínar skýringar.

Þegar samkenndin hvarf, þá hvarf allt annað.

Náunginn sem okkur hætti að varða um, hann var ekki einn.

Hann var líka við hin, því aurinn eyrir engu. 

Á einn eða annan hátt urðu allir fórnarlömb hans.

 

Því á einhverjum tímapunkti erum við öll náungar.

Sem enginn finnur til með því okkur er alveg sama um þennan náunga.

 

Þess vegna vekur svona frétt enga athygli.

Því það var jú náunginn sem varð fyrir barðinu á lygamerðinum.

 

Í þetta sinn.

Kveðja að austan.

 

„Láta ekki bjóða sér þessa niðurlægingu“

Athugasemdir

[Eyjólfur Jónsson, 5.3.2017 kl. 02:37]

 Ojá Ómar, það er kominn tíminn sem þú hefur beðið eftir!Nú er bara að standa sig!!

[Jóhann Kristinsson, 5.3.2017 kl. 05:10]

Það átti að setja lög um að hrægammasjóðir og fyrirtæki þurfa að opinbera hverjir séu eigendur þeirra.

Þetta á sérstaklega við um hverjir eiga hrægammasjóði og fyrirtæki sem fá eignir íslenska ríkisins i bönkum landsins svo til gefins. 

Nú er Engeyjarættin að gefa vinum og ættingjum hluta ríkinu i Arion Banka og kanski hinna bankana líka og það er sama og ekkert rætt um þetta.

Hvernig fer Engeyjarættin að þessu? Jú, þeir láta landslíðinn þrasa um áfengisfrumvarp og fóstureyðingar meðan að Bankarán II fer fram.

Svona er hægt að fara illa með kjósendur aftur og aftur.

Kveðja frá Houston

[Ómar Geirsson, 5.3.2017 kl. 13:26]

Blessaður Eyjólfur.

Það er kannski ofmælt að segja að ég hafi beðið eftir þessari Ögurstund mannsins, en vissulega hef ég óttast að forspár þar um myndu rætast.

Allavega blasir við að hið skítuga fjármagn ógnar ekki bara mennskunni, heldur sjálfri tilveru mannsins.

Og við því þarf að bregðast.

En það er enginn eyland í þessari baráttu og til lítils að skammast ef ekkert er til að styðja.

Það vantar hreyfingu fólksins, það á eftir að stofna Hreyfingu lífsins.

Eftir þau tímamót verður gatan greið, og þá verður spýtt í lófana hér á Moggablogginu.

En þangað til, jamm og jæja.

Vonandi ekki steindauðinn.

Kveðja að austan.

[Ómar Geirsson, 5.3.2017 kl. 13:28]

Já Jóhann, það er óhætt að segja að glæpaklíkan kann sitt fag.

Kveðja að austan.

[Pétur Örn Björnsson (IP-tala skráð) 5.3.2017 kl. 15:46]

Heill og sæll Ómar

Já, nú styrkist krónan meira og meira, handvirkt, með hverjum deginum ... það er til að hrægammarnir og vogunarsjóðirnir fái sem mest fyrir krónurnar sínar í erlendum gjaldeyri. Það þjónar einnig vel þeim sem eiga böns af krónum eins og ríkispilsfaldabubbarnir sem stýra landinu og koma öllu sínu undan (þeir hafa nú séð til þess að þeir megi nú færa tugir milljóna íslenskra króna úr landi yfir í annan gjaldeyri, árlega, það hafa þeir sjálfir ákveðið fyrir sig og sína), það heitir byrjun á losun hafta og gangast þeim einum vel.

Um leið og þeir hafa komið sínu úr landi, fellur krónan eins og steinn, handvirkt,

ekki af því hún sé slæm í sjálfri sér, alls ekki,

heldur vegna þess að ríkispilsfaldabubbarnir sem stýra landinu er drullusama um allt nema eigið rassgat og drullusama þó þeir þynni svo lögeyri okkar að hann fellur sem steinn ... um leið og þeir hafa komið sínu og hrægammanna undan. Eftir þynningu og hrun krónunnar, kallað gengisfelling, áratuga gamalt trix til að skapa hér á landi ójafnvægi og óréttlæti, m.a. milli kynslóða og misvelstæðra hópa, valda sundrungu, koma þeir svo aftur og kaupa bankana á slikk, skv. einkavinavæðingar formúlinni.

Svo geta þeir líka notað Borgunar gjafagjörning sinn til að sölsa undir sig einn og einn banka af óhóflegri græðgi, sukki og svínaríi. 
Nei, valdastéttinni í landinu er drullsama um sauðsvartan almúgann. Allt þetta þolir þjóðin aftur og aftur ... eins og hún elski að láta niðurlægja sig, ræna sig aftur og aftur. Og samhliða hækkar valdastéttin laun sín um 45%. Það er vægt til orða tekið að þetta sé ógeðslegt, nær væri að segja að þetta er einbeittur glæpavilji valdherra gegn þjóðinni. Þannig valdherrum óska ég, ef ég á að vera alveg hreinskilinn, að þeir megi, sem þjóðníðingar, rotna fyrr en síðar í helvíti!

En líkast til er þrælslund þjóðarinnar slík að hún segist ekki skilja um hvað málið snúist og Þóra mætir í kastljósið og ræðir um misgróna tánögl á Bjarna og að honum líði svo illa, krókódilatár á hvarmi og þjóðin kaupir smjörklípuna eina ferðina enn. Já, það er absúrd þegar þjófar, lík og falar konur ræða saman.

[Ómar Geirsson, 5.3.2017 kl. 15:56]

Blessaður Pétur Örn.

Það er eins og ég hafi einhvers staðar lesið þennan boðskap þinn áður og það skapaði um leið hugrenningartengsl við boðskap Skáldsins eina kennt við lífið.

Og þess vegna tek ég mér það bessaleyfið að birta mögnuð orð hans um lög og rétt, til innblástrar öllum þeim sem láta sig lifið varða.

Vona að Skáldinu sé alveg sama.

Nokkur orð um lög manna:

Höfum það strax á hreinu:
Hér eru engir guðir á ferð.
Og engir menn eru guðir!

Mannfólkið semur lög.
Mannfólkið dæmir.
Bara við - já - bara við.

Lög eiga eingöngu
að vera vitnisburður
um sam-visku okkar allra
... hvað er sanngjarnt.
... hvað er réttlátt.

Grunnatriði lífsins
eru okkur öllum augljós:
hvar og hvernig við megum vaka
hvar og hvernig við megum sofa
hvar og hvernig við megum borða
hvar og hvernig við megum elskast
hvar og hvernig við megum iðja
hvar og hvernig við megum spinna
... okkar mannlega örlaga-vef ...

Höfum það enn á hreinu:
Hér eru engir guðir á ferð.
Og engir menn eru guðir!

Lög eru ekki einkamál
þeirra sem telja sig æðri.
Lög mega aldrei verða svo flókin
að þau séu torskildir bálkar
og túlkunar leikvöllur
lagatækna að skrumskæla
sjálft réttlætið
norður og niður.

Réttlætið má aldrei
leyfast fólki lævísu
að toga það og teygja
í skítlega skrumskælingu
því réttlætið er hornsteinn
samfélagsins
og án réttlætisins
ríkir enginn friður.

Munum það alltaf
að lög eru sáttmáli
um sameiginlegan skilning
og traust okkar mannfólksins
á hvað réttlætið er.

Traust býr til traust:
Að treysta hvert öðru
án túlkunar-vanda.

Höfum það alltaf á hreinu:
Hér eru engir guðir á ferð.
Og engir menn eru guðir!

Lög eiga að vera svo einföld
að við öll getum sagt ...
... og dæmt án nokkurs vafa
og án nokkurs túlkunar-vanda:
Þau eru sanngjörn.
Þau eru réttlát.

........

Hafi Skáldið mikla þökk fyrir.

Kveðja að austan.

[Pétur Örn Björnsson (IP-tala skráð) 5.3.2017 kl. 17:21]

Heill og sæll kæri vinur

Mér er miklu meira en sama, minn er hvorki meira né minna en heiðurinn ef þér finnast orð mín einhvers virði.

Gleðst mjög yfir því að þú sért byrjaður aftur að blogga eftir eins mánaðar hvíld og upphleðslu baráttuþreks.

Þá hefur maður a.m.k. eitthvað vitrænt að lesa hér á bloggsíðu moggans.

Með kærri kveðju

[Eyjólfur Jónsson, 5.3.2017 kl. 19:16]

Ómar! hópurinn er þegar til, en fjöldinn verður ekki fegin upp. Það er með þessi fyrstu skref sem fólk þorir ekki að taka, en þau eru miklu léttari en fólk heldur og hef ég góða reynslu af því að koma fólki af stað erlendis og ætti ekki og er ekki verra hér en þar að stíga fyrstu skrefin. Nema að það sé ekki til þessi gikkur í íslendingum að koma sér af stað' sagan okkar er með endalausar frásagnir um að menn hafi safnað liði og haldið þing og þannig komist áfram. Kannski fólk haldi að stjórnarbylting sé blóðugur bardagi og ekki bara að annað fólk tekur til starfa í opinbera geiranum og að fólkið ráði ferðinni og ekki glæpaklíka eins og núna.

[Ómar Geirsson, 6.3.2017 kl. 09:23]

Blessaður Eyjólfur.

Margt mikið til í þessu, og vissulega eru þarna úti hópar sem reyna sitt besta að andæfa glæpaklíkunni og auðræðinu.

En hópurinn sem mun hafa þetta er ekki ennþá til.

Því miður.

Kveðja að austan.