Það er ekki sama hver á í hlut.

 

Hver stelur.

Hvort þú stelur frá almenning eða hvort þú stelur frá útrásarlepp.

Svo skiptir líka miklu máli að vera búinn að borga í kosningasjóð réttra flokka og frambjóðanda, svo lögum sé breytt áður, þannig að það sem var beint lögbrot, er núna óljóst, á hinu svokallaða gráa svæði, og gjörningur þinn orðinn "ekki lögbrot".  Löglegt spurning, en örugglega ekki bannað.

Kallast löglegur þjófnaður á mannamáli.  

Á þessu klikka smáþjófarnir og því fer fyrir þeim sem fer, þeir fá alla athygli réttarkerfisins, enda hannað fyrir smáu, ekki þá stóru.

 

Það er nefnilega ekki það sama hver á í hlut.

Og það er algjört aukaatriði málsins að sá sem stolið var frá, átti ekkert í þeim peningum sem var stolið.

 

Hann á lögin.

Kveðja að austan.

Tók milljónir út af korti Magnúsar

Athugasemdir

[Haraldur Haraldsson, 7.12.2012 kl. 12:05]

Einhvernvegin kemur manni í hug sagan og bíómynd um Hróa hött sem maður las sem barn og þóttin hann góði karlin!!!/kveðja að sunnan!!!!!

[Ómar Geirsson, 7.12.2012 kl. 12:50]

Allavega er samúð mín takmörkuð.

Kveðja að austan.

[josef asmundsson (IP-tala skráð) 7.12.2012 kl. 13:01]

Hrói Höttur er góður en mér dettur líka í hug þættirnir ALIAS.Maður vissi aldrei hverjir voru vondu kallarnir(eða gellurnar) og hverjir hinir góðu.Kveðja frá Noregi.

[Eyjólfur G Svavarsson, 7.12.2012 kl. 13:10]

Mér dettur í hug Apabúr, þegar ég heyri og sé inná alþingi í Sjónvarpinu.

[josef asmundsson (IP-tala skráð) 7.12.2012 kl. 14:15]

Ertu að reyna að toppa okkur Eyjólfur?

[Guðmundur Pétursson, 7.12.2012 kl. 15:17]

Stal frá þjófi og glæpamanni? Að öðru. Jón Steinar Gunnlaugsson er á því að íslendingar séu heiðarlegasta þjóð í heimi og sé eina landið þar sem hvítflibbaglæpir þekkjast ekki. Þess vegna hefur enginn verið dæmdur fyrir innherjasvik eða markaðsmisnotkun á Íslandi. Jú, reyndar Baldur en það var bæði svindl og samsæri skv. áðurnefndum Jóni. Einnig finnst Jóni og Brynjari vin hans Nielson, að það sé hrein tíma- og peningaeyðsla að sækja menn til saka fyrir hvítflibbaglæpi á Íslandi. Sönnunarbyrðin sé flókin og yfirleitt eru þetta ágætis gæjar og vinir þeirra sem verið er að sækja til saka.

[Ómar Geirsson, 8.12.2012 kl. 10:19]

Takk fyrir innlitið félagar.

Kveðja að austan.