Skömm þessa fólks er mikil.

Það að kljúfa þjóðina í herðar niður er ekki skynsamlegasta leiðin til að ná þeim markmiðum viðkomandi þingmanna að Íslandi gerist aðili að Evrópubandalaginu. 

Reyndar er þetta heimskulegasta leið sem hægt er að fara.  Mætti halda að eindregnir andstæðingar ESB hefðu stýrt för.

En það er ekki kjarni málsins.

Þjóðarskútan er á þessari stundu illa sigin og míglek á siglingu um boðaföll illvígrar rastar.  Samfylkingin vill steyta henni upp á sker ICEsave Nauðungar sem mun að öllu óbreyttu kosta þjóðina efnahagslegt sjálfstæði sitt. Vísbendingar um það komu skýrlega í ljós í skýrslu Seðlabankans, sem birt var í gær, en bankinn þurfti að gefa sér forsendur sem aldrei standast, til að geta útskýrt hvernig Nauðungin yrði hugsanlega greidd án þess að hér yrði landauðn.  Þar að auki þurfti að falsa tölur um skuldastöðu íslenska þjóðarbúsins til að ljá lyginni trúverðugleika. 

Hefði stjórnin fallið á þessu máli sem málaliðar Framsóknar gerðu að sínu, þá hefði þjóðin siglt framhjá Nauðungarskeri ICEsave og haldist á floti, um sinn að minnsta kosti.  Og komist i höfn ef Landráðar hefðu verið útilokaðir frá stjórn landsins um alla eilífð.  

En málliðar Samfylkingarinnar í Framsóknarflokknum studdu sitt lið og viðhéldu þar með hættu Nauðungarinnar gagnvart íslenskri alþýðu.  

Skömm þeirra er mikil.

Kveðja að austan.

Þrír framsóknarmenn styðja viðræður

Athugasemdir

[Jón Snæbjörnsson, 16.7.2009 kl. 14:26]

Siv af öllum  vissi ekki af þessari forsjáhyggjuþörf hjá henni

[365, 16.7.2009 kl. 14:34]

Núna er að hefjast nýtt tímabil í sögu þjóðar, komin tími til.

[geir (IP-tala skráð) 16.7.2009 kl. 15:27]

Þessir þingmenn geta ekki kallast alvöru Íslendingar!

[Ómar Geirsson, 16.7.2009 kl. 19:54]

Blessaðir félagar.

Svona er þetta, hvort sem það er nýtt tímabil eður ei.  En margir eiga eftir að þjást vegna ICEsave Nauðungarinnar.

Kveðja að austan.