Lögmenn eru þjóðarógn

 

Þá er ég ekki að vísa í hina skipulögðu glæpastarfsemi sem þrífst í skjóli þeirra, sbr hinir 15 opinberu glæpahópa sem stunda ósnertir iðju sína fyrir framan nefið á lögreglunni, heldur hvernig fjársterkir hagsmunaaðilar kippa í spottana og senda þá um víðan völl hrópandi um meinta lögleysu lífsnauðsynlegra sóttvarna þjóðarinnar.

"Rann blóð til skyldunnar" segir einn pótintátinn þegar hann tilkynnti ókeypis málsókn.

Lögfræðingar að vinna frítt, kanntu annan betri.

 

Núna þegar hver þjóðin á fætur annarri er aftur að herða sóttvarnir, jafnvel grípa til samfélagslegra lokana, og við fáum fréttir frá Brasilíu að þegar er komið fram stökkbreytt afbrigði sem sýkir þegar sýkta aftur, þá er ljóst að aðgerðirnar á landamærunum eru ekki nógu harðar.

Það þarf ekki að ræða það, það eiga allir á faraldsfæti að þurfa sæta einangrun við komuna til landsins, alveg þar til öruggt er að þeir beri ekki smit til landsins.

Það er krafa þjóðarinnar, hin örfáu viðrini sem skeyta í engu um þá ógn sem óþarfa ferðalög þeirra eru samfélaginu, njóta ekki hljómgrunns nema hjá hægri öfgafólki og anarkistum, þeir fyrri eru snatar sem gelta þegar fjársterkur hagsmunaaðili segir voff voff, þeir seinni hafa gert heimskuna að mottói lífs síns.

 

Þjóðin er ekki tilbúin í endalausar samfélagslegar lokanir vegna samfélagslegra viðrina sem skeyta í engu un afleiðingar gjörða sinna fyrir heildina, þetta eru gaurarnir sem fara í mál ef þeir mega ekki grilla í skræfaþurrum skógum, hirða ekki upp hundaskít og míga í sundlaugar.

Svo eitthvað sé talið upp af þeirri andfélagslegri hegðun sem hrjáir þá.

 

Þjóðin vill að landamærin haldi og stjórnvöld geri það sem þarf að gera til að svo sé.

Ef það er rétt hjá voff voff snötum hinna þröngu fjárhagslegu hagsmuna að hin nýsettu sóttvarnarlög séu óskýr, þá þarf að keyra neyðarlög í gegn í kvöld sem taka af allan vafa.

Og til að koma í veg fyrir svona röfl og nöldur, að þá á að vera viðauki í þeim um að allir voff voff snatar í lögfræðistétt sé fjarlægðir úr samfélaginu líkt og hundar sem eru með hundaæði, og fluttir í öruggt skjól, til dæmis eru vel einangraðar búðir, ónotaðar uppá Gunnólfsvíkurfjalli, það er hægt að hleypa þessu liði til byggða um þarnæstu jól.

 

Það á ekki að líða þetta nöldur.

Það á að stöðva það í fæðingu.

 

Heimska er ekki mannréttindi á neyðartímum.

Kveðja að austan.

„Sóttkvíargúlag í Þórunnartúni“

Athugasemdir

[Esja frá Kjalarnesi (IP-tala skráð) 2.4.2021 kl. 16:57]

Og þér finnst það sæma að velja öllum lögfræðingum landsins háðsyrði byggt á talsmáta þessa eina manns sem rætt er við í fréttinni?

[Kalli (IP-tala skráð) 2.4.2021 kl. 18:10]

Heldur þú að besta lausnin sé sú að þú myndir ákveða hvenær fólk má sækja rétt sinn fyrir dómi?

Lög byggja landið vegna þess að það er dæmt eftir þeim en ekki duttlungum einstakra þjóðhöfðingja, presta eða kverúlanta að austan.

Kveðjur úr höfuðborginni

[Guðmundur Ásgeirsson, 2.4.2021 kl. 19:25]

Nýsamþykkt 1. mgr. 15. sóttvarnalaga er reyndar mjög skýr um þetta: "Nú er tekin stjórnvaldsákvörðun sem sviptir einstakling frelsi sínu, svo sem þegar viðkomandi er settur í einangrun eða sóttkví, og skal þá gera honum tafarlaust grein fyrir ástæðum þess og veita honum leiðbeiningar um rétt hans til að bera ákvörðunina undir dóm."

[Þjóðólfur í Sóttkví (IP-tala skráð) 2.4.2021 kl. 20:37]

Öllum er gert þetta ljóst fyrir og við komuna til landsins, og heilvita menn skilja þessar aðgerðir.

[Guðmundur Ásgeirsson, 2.4.2021 kl. 20:49]

Þjóðólfur. Ertu alveg viss um að allir séu upplýstir um rétt sinn til að bera frelsissviptinguna undir dóm? Samkvæmt fregnum sem hafa borist frá fólki sem er innilokað á Fosshóteli fengu þau engar upplýsingar um neitt slíkt við komuna þangað. Einn bað um að fá að sjá reglurnar á prenti og fékk það svar að þær væru hvergi til.

[Grímur Kjartansson, 2.4.2021 kl. 20:50]

Nákvæmlega sömu reglur eru í gildi á flugvellinum í Osló

[Þorsteinn Siglaugsson, 2.4.2021 kl. 20:51]

Lög og mannréttindi eru þjóðarógn þegar fasisminn þarf sitt pláss.

[Ómar Geirsson, 2.4.2021 kl. 21:12]

Blessaður Esja minn.

Ekki í græna glóranum fatta ég hvernig þú leggur þetta úr af pistli mínum.  Ég meir að segja las hann yfir til að fá botn í orð þín.

Ég minnist hvergi á alla lögmenn landsins, ekki einu sinni aðeins þá sem eru félagar í Lögmannafélagi Íslands, ég er aðeins að tala um þá sem eru ógn við þjóðaröryggi.

Reyndar fékk kannski einn lögfræðingabrandari að fljóta með, það er lögfræðingar vinni frítt, og þar játa ég mig sekan að tala um hóp, eðli aulahúmorsins vegna.  En ég held að að sé vandfundinn sá lögfræðingur sem gæti móðgast, allavega þessir örfáu lögfræðingar sem ég hef haft einhver kynni af, eru manna duglegastir að segja brandara um stétt sína.  Veistu, ég hef meir að segja heyrt tannlækni segja tannlæknabrandara, og ótrúlega nokk, þeir eru fyndnir.

Og vissulega tengist þessi frétt því tækifæri mínu að nota nýjasta frasa minn, kanntu annan, en augljóst má vera út frá efnistökum pistils míns, sem og fyrri pistlum um svipað efni, til dæmis Krabbamein samfélagsins, að ég er að fjalla um atlögu háværs hóps lögfræðinga að  sóttvörnum þjóðarinnar, atlögu sem er svo augljóst að fjársterkir hagsmunir liggja að baki.  Þessi frétt var bara sú nýjasta sem fjallaði um þetta óeðli, og ég tengi pistla mína við fréttir, annars er nafni minn aukaatriði málsins.

Lögfræðingar eru ekki verr gefnir en annað fólk, þeir vita að það geisar heimsfaraldur, þeir vita hvernig hann hefur farið algjörlega úr böndunum í allflestum Evrópulöndum, þeir vita að sóttvarnir eru hugsaðar til að loka á veldisvöxt veirunnar.

Það er aðeins bissness fyrir þá að spila sig heimska.

Þannig er nú það bara Esja minn.

Kveðja að austan.

[Þjóðólfur í Faraldri (IP-tala skráð) 2.4.2021 kl. 21:18]

Einn bað um Whisky - það var ekki til... bara Svarti-dauði...

[Ómar Geirsson, 2.4.2021 kl. 21:23]

Jæja Kalli minn.

Þú ert bara búinn að tannbursta þig, og hættur að veita mér þá ánægju að minna mig á gamlan æskufélaga.

Einnig hættur að ljúga upp á virðulega sóttvarnalækna, skömm skárri að þú ljúgir uppá mitt breiða bak, ég er jú í aðstöðu að bera af mér rangar sakir.

Samt fæ ég engan botn í þessa setningu þína; "Heldur þú að besta lausnin sé sú að þú myndir ákveða hvenær fólk má sækja rétt sinn fyrir dómi?", annað en aulahúmor sé smitandi, það vantaði aðeins að þú bættir við; kanntu annan.

Svo ég ætla ekki að svara þér, það er einhver pirra þarna úti sem hefur lagst þungt á Esja minn frá Kjalarnesi, á svona drottins dýrðar sólardegi er óþarfi að bæta í hana.

Svo finnst mér þú rosalega gáfaður þegar þú settir fram þessa staðhæfingu þína; "Lög byggja landið vegna þess að það er dæmt eftir þeim en ekki duttlungum einstakra þjóðhöfðingja, presta eða kverúlanta að austan.", kannski þarf ég að efast um þetta þegar mér fannst þú vilja sanna fyrir mér að þú værir ekki bara bjánaprik.

Þetta er bara stórgáfað hjá þér.

Kveðja að austan.

[Esja frá Kjalarnesi (IP-tala skráð) 2.4.2021 kl. 23:07]

Þú þurftir bara að lesa fyrirsögnina: þína eigin fyrirsögn, til að fatta.

Og þrátt fyrir húmmoríska tannlækna og brandarana þeirra þá er fyrirsögnin ekki fyndin.

Ekki frekar en tálsmáti lögfræðingsins sem talað er við í fréttinni.

[Gunnar Heiðarsson, 2.4.2021 kl. 23:37]

Sæll Ómar

Það er spurning hvort ekki sé hægt að fá pro bono hjá einhverjum lögfræðingi til að fara í mál við ríkið vegna opnunar landamæranna. Síðasta sumar kostaði slík opnun mörg mannslíf og spurning hvað verður nú. Í raun er búið að opna landamærin á sama hátt og þá var gert, einhver litakóði látinn ráða. Síðasta sumar var sami litakóði notaður og sömu reglur, að undaskildu því að þá var fólki treyst til að halda sóttkví. Staðreyndin er að ekki er hægt að treysta fólki, svo eina lausnin er að setja á þvingaða sóttkví, eins og nú hefur verð gert. En eftir stendur að slík þvingun á einungis við fólk sem kemur frá "dökkrauðum" svæðum. Hvað með hin, þessi rauðu og gulu? Þar er smit á ferðinni og fólk frá þeim löndum þarf ekki að sæta sóttkví, getur valsað hér um að vild.

Það er mannréttindabrot að landsmenn geti ekki treyst því að veirunni sé ekki hleypt inn í landið, að sjúkdómnum sé viðhaldið hér á landi, að ástæðu lausu. Stjórnvöldum ber skilda til að verja þegna landsins og geri þau það ekki er full ástæða til að láta reyna á slíkt fyrir dómstólum.

Kveðja af Skaganum

[Ómar Geirsson, 3.4.2021 kl. 09:56]

Blessaður aftur Esja minn.

Fyrirsögnin er tvíræð, hefði vissulega getað skerpt á henni með því að bæta "sem" inní hana, en þá hefði hún náttúrulega ekki verið tvíræð lengur, og þjónað verr efni pistilsins, allt hefur nú sinn tilgang.  En þú ert alltaf að rugla í glóru minni, þessari sem er græn, hver sagði að hún hefði átt að vera fyndin??

Eitt er lélegur aulahúmor, annað er að lenda í að útskýra hann, tvisvar. En í honum er eina alhæfingin um lögfræðinga sem heild, ég benti þér bara á að vandfuninn væri sá lögfræðingur sem gæti móðgast, því þeir eru manna grimmastir að segja brandara um stétt sína.  Síðan þér til upplýsingar þá sagði ég þér frá, líka alveg frítt, að tannlæknar, sem vinna þannig sé algjörlega ófyndna vinnu, segja líka tannlæknabrandara.  Þú þurftir kannski ekki að fá að vita það, og mér sýnist að það hafi ekki gert þér sérstaklega gott heldur. 

Einhverjar meltingartruflanir í kjölfarið.

Svo skil ég ekki heldur af hverju þú ert að hnýta í nafna minn, að hann hafi verið leiðinlegur, mér persónulega fannst viðtalið við hann vera hressilegt, og sniðugt svona markaðslega.

En svona er þetta Esja minn, þessi Langi er að baki, upprisan framundan, megi ganga vel með meltingu þína þann dag, og næstu daga.

Með sólar og hitakveðjum hérna að austan.

[Ómar Geirsson, 3.4.2021 kl. 10:01]

Blessaður Guðmundur.

Það eina sem ég minnist á sóttvarnarlög er að ef þau eru óskýr, þá á að nýta kveldið til að skerpa á þeim með bráðabirgðalögum. 

Það sem ég er hins vegar að pistla um er aðför fjársterkra aðila að sóttvörnum þjóðarinnar, þar sem þeir nýta sér voffvoffsnata til verka.

Það er engin tilviljun að þessir einstaklingar stíga fram og hvetja til málsókna, tilgangurinn er að grafa undan tiltrú fólks á sóttvörnum, lagagrundvelli þeirra, og til að skapa úlfúð og leiðindi, sérstaklega hjá fólki sem er fyrirmunað að hlíta reglum, þó kannski ekki allir í þeim hópi telji það mannréttindi að fá að míga í sundlaugar, kannski smá fært í stílinn þar.

En að það sé ekki réttarríki á tímum sóttvarna, hvaða bull er þetta??

Kveðja að austan.

[Ómar Geirsson, 3.4.2021 kl. 10:03]

Já og víða Grímur.

Svo fáum við fréttir af allsherjar lokun á Ítalíu um páskana, hjá þeirri miklu fjölskyldu og vinaþjóða.

Þurfum svo að hlusta á þennan fíflaskap stýrt af almannatengli sem virkjar snata sína í fjölmiðlastétt til að búa til tilbúinn storm í fjölmiðlum.

Svei attan.

Kveðja að austan.

[Ómar Geirsson, 3.4.2021 kl. 10:04]

Blessaður Þorsteinn.

Gaman að sjá að þú ert ennþá í kófinu, var hálfpartinn farinn að sakna þín.

Segðu.

Kveðja að austan.

[Ómar Geirsson, 3.4.2021 kl. 10:09]

Blessaður Þjóðólfur.

Að sjálfsögðu lágu reglur fyrir og fólk sem er svo naví á tímum farsóttar að fylgjast ekki með breytingum á reglum, á tímum þar sem alltaf er verið að breyta reglum vegna þróun faraldursins, það situr í súpu, og slíkur sauðsskapur á ekkert erindi í fjölmiðla.

Enda er hönd sem stýrir hinum tilbúna storm í vatnsglasinu.

Kveðja að austan.

[Ómar Geirsson, 3.4.2021 kl. 10:17]

Blessaður Gunnar.

Skýring þess er einföld, þjóðin er dreifð í einstaklinga, þar sem hver og einn hefur ekki þá fjárhagslegu hagsmuni eða fjárhagslega burði til að leita réttar síns gegn ofríki hinnar Örfáu sem stýra landinu í gegnum eignarhald sitt á ákveðnum stjórnmálamönnum og jafnvel flokkum.

Lögmenn (úps sumir lögmenn) elta fjármagn, ekki almannahagsmuni.

Annars hafðu mikla þökk fyrir að draga fram kjarna síðustu pistla minna, þessu sem ég sagt vildi hafa ef ég þyrfti ekki alltaf að segja hlutina eins og ég segi þá.

Mig langar því að endurprenta athugasemd þína.

"Það er spurning hvort ekki sé hægt að fá pro bono hjá einhverjum lögfræðingi til að fara í mál við ríkið vegna opnunar landamæranna. Síðasta sumar kostaði slík opnun mörg mannslíf og spurning hvað verður nú. Í raun er búið að opna landamærin á sama hátt og þá var gert, einhver litakóði látinn ráða. Síðasta sumar var sami litakóði notaður og sömu reglur, að undaskildu því að þá var fólki treyst til að halda sóttkví. Staðreyndin er að ekki er hægt að treysta fólki, svo eina lausnin er að setja á þvingaða sóttkví, eins og nú hefur verð gert. En eftir stendur að slík þvingun á einungis við fólk sem kemur frá "dökkrauðum" svæðum. Hvað með hin, þessi rauðu og gulu? Þar er smit á ferðinni og fólk frá þeim löndum þarf ekki að sæta sóttkví, getur valsað hér um að vild.

Það er mannréttindabrot að landsmenn geti ekki treyst því að veirunni sé ekki hleypt inn í landið, að sjúkdómnum sé viðhaldið hér á landi, að ástæðu lausu. Stjórnvöldum ber skilda til að verja þegna landsins og geri þau það ekki er full ástæða til að láta reyna á slíkt fyrir dómstólum.".

Kjarninn; "Það er mannréttindabrot að landsmenn geti ekki treyst því að veirunni sé ekki hleypt inn í landið,".

Aumkunarverður er sjá fjölmiðlamaður sem fattar það ekki og ljáir röddum voffvoffsnata sérhagsmunanna eyra, eins og þeir séu ekki hluti af þessari þjóð.

Þar er skömmin, ekki hjá málaliðunum sem slíkum, því það er eðli þeirra að vinna fyrir hæstbjóðanda.

Megi fólk sjá í gegnum þetta leikrit.

Kveðja að austan.

[Símon Pétur frá Hákoti (IP-tala skráð) 3.4.2021 kl. 13:02]

Föstudagurinn langi er dagur Krists á krossinum.

Föstudagurinn langi er helgidagur kristinna manna, rauður á lit á dagatölum, allar verslanir og stofnanir lokaðar, en einnig dagurinn sem dómari við Héraðsdóm Reykjavíkur dreif sig í að svara strax óskum lögfræðinga.

Annarlegur er flýtir dómarans á föstudeginum langa.

Var erindið brýnna en allt annað, sem í engu er sinnt?

[Guðmundur Ásgeirsson, 3.4.2021 kl. 13:29]

Símon Pétur. Það er ekkert annarlegt við þennan flýti dómara á frídegi. Alvanalegt er að dómarar séu kvaddir til á frídögum ef úrskurða þarf um gæsluvarðhaldsbeiðnir og jafnvel á hinum ýmsum tímum sólarhrings með mismiklum flýti eftir aðstæðum. Slík tilvik koma nefninlega oft upp utan venjulegs dagvinnutíma skrifstofufólks.

[Símon Pétur frá Hákoti (IP-tala skráð) 3.4.2021 kl. 13:38]

"Var erindið brýnna en allt annað, sem í engu er sinnt?"

[Ómar Geirsson, 3.4.2021 kl. 14:04]

Vel mælt Símon, vel mælt.

Munum svo að ef samsærið gegn sóttvörnum þjóðarinnar á landamærunum nær inní dómarastéttina, þá verður að bregðast við því með skóggangsdómi.

Lögfræðistéttin sem slík hefur of lengi komist upp með að hluti hennar þjónar fjársterkum annarlegum hagsmunum, á meðan hinn hlutinn þegir, sú þögn er í raun samsekt.

Einokun hennar á réttarkerfinu sem hefur leitt til þess að hún selur sálu sína hæstbjóðenda, er undir ef hún vegur að þjóðinni á neyðartímum.

Slíkt verður ekki liðið, samsekir stjórnmálamenn verða þurrkaðir út.

Í kosningum reyndar, engan Mússólíní hér.

Þetta er ekki bara Ögurstund veirunnar.

Kveðja að austan.