Sóttvarnir eru ekkert án trúverðugleika.

 

Skammir út í hópinn sem virðir sóttvarnir, svona sirka 99,99% þjóðarinnar eru marklitlar ef ekki er bent á dæmin þar sem 0,01% klikkaði.

Eiginlega er svona framsetning í ætt við Strumpa, það er ef við göngum út frá að Strumpar voru börn, en ekki fífl.

 

Ha, fífl??

Hvaða árás er þetta á Strumpana?

 

En hvað er að fólki sem nýtur trúnaðar og kennir sig við almannavarnir, og segir sögur af brotum á sóttkví, og brotin eru án afleiðinga fyrir viðkomandi??

Eða án afleiðinga fyrir kerfið sem leyfði þessi brot.

 

Eins og þeir sem stýra sóttvörnum þjóðarinnar séu svona ligeglað bjánar líkt og Trúðarnir eða Klovns, og það sé allt í lag að fólk hagi sér eins og fífl.

Rökin á móti séu þá að við stelum af ykkur jólunum.

Reyndar ekki jólum sóttvarnarbrotaþegana, heldur jólum almennings.

Þessa 99,99% þjóðarinnar sem virtu allar reglur.

 

Strumpar biðja ekki um trúverðugleika.

Því þeir eru grínfígúrur.

Alvarlegra er þegar almannavarnir halda hið sama.

 

Almannavarnir eru fjármagnaðar af skattfé almennings.

Þær eru öryggisventill þjóðarinnar, fólkið sem þar ræður sig til vinnu, er í vinnu hjá þjóðinni, hjá almenningi.

 

Þær eru og eiga að vera óháðar vindum stjórnmálanna, ef þeir vindar blása á þann hátt að börnum sé falið ábyrgð í ríkisstjórn Íslands, eða að stærsti stjórnmálaflokkur þjóðarinnar sé undir banvænum áhrifum hægriöfga sem eiga allar sínar rætur í dauðaspeki þess í neðra, þá er frumskylda þeirra að andæfa.

Að benda á hið rétta, að verja þjóðina.

 

Stjórnmálamenn okkar hleyptu veirunni inn í landið.

Þá sögðu almannavarnir ekkert, eins og fólkið þar væri myndastyttur en ekki lifandi verur sem sóru að gæta að hag og öryggi almennings.

Læknarnir mótmæltu, hagfræðingar mótmæltu, en almannavarnir steinhéldu kjafti.

Og kalla sig samt Almannavarnir.

 

Þegar ljóst var að landamærin láku, þá var það forstjóri út í bæ, vinnumaður hjá amerískum auðhring, sem maldaði í móinn, svo kröftuglega að stjórnmálmennirnir þorðu ekki annað en að loka á landamæralekann.

Reyndar of seint, og við sem þjóð uppskerum dauða, og efnahagsleg áföll vegna þessarar seinkunnar.

Að ekki sé minnst á samfélag í höftum sóttvarna.

 

En almannavarnir steinhéldu kjafti.

 

Fréttir dagsins í dag benda til þess að fjórða bylgjan sé í uppsiglingu.

Og viðbrögð almannavarna er að ráðast á þessi 99,99% þjóðarinnar sem hafa staðið sína plikt.

Ekki er orði minnst á lekann á landamærum sem stjórnmálamenn okkar bera beina ábyrgð á.

Og sóttvarnaryfirvöld sem kóa með.

 

Aðeins er öskrað; "skammist ykkar".

En ekki er litið í eigin barm.

Og skammast sín.

 

Fyrir að hafa brugðist þjóðinni ítrekað.

Fyrir að rofið trúnað við fólkið sem það var bundið trúnað við.

Aðeins þjónkun við hægri öfga og mannvonskuna sem knýr þá áfram.

 

Svo segir þetta fólk.

Við ætlum að stela af ykkur jólunum.

 

Kemst kannski upp með það.

En trúverðugleiki þess er enginn.

 

Það þagði þegar það átti að segja.

Það bendir á saklausa í stað þess að benda á sök.

 

Því var falið trúnað.

En það brást.

 

Hvað stendur þá eftir??

Kveðja að austan.

„Jákvæðar fréttir hafi verið að blinda okkur“

Athugasemdir

[Kristinn Bjarnason (IP-tala skráð) 27.11.2020 kl. 16:07]

Eins og talað úr mínum munni. Nema þetta með hægri öfgana.

[Sigurður I B Guðmundsson, 27.11.2020 kl. 16:20]

Það sem ég sagði í síðustu færslu þinni á líka við í þessari færslu.

[Esja frá Kjalarnesi (IP-tala skráð) 27.11.2020 kl. 17:11]

Sko til, nú blása skýrir Austanvindar.


Er það ekki lenska þeirra sem ráða að senda þeim tóninn sem fara að lögum en þora ekki í þau sem brjóta af sér. Þú manst fótalúna karlinn sem keypti sér flatskjá (sá var nú látinn skammast sín) og fjárglæfrakarlinn sem fékk úthlutaðar afskritir. Það er sama valdið yfir samfélaginu nú og þá og það er hvorki til hægri né vinstri heldur allan hringinn.

Almenningur tekur að sér að haga sér vel, fáir valda skemmdum og valdið er kjarklaust en treystir sér til að naga svona svolítið í þau sem ekkert hafa af sér brotið.

[Ómar Geirsson, 27.11.2020 kl. 17:56]

Blessaður Kristinn.

Það er ekki hægt að horfa framhjá fjöldamorðum hvort sem þau eru kennd við hægri öfga, eða eitthvað annað.

Kommarnir reyndu þetta, með mjög svo slaklegum árangri, nýnasistarnir reyna þetta, og hafa vissan meðbyr.

Það snertir ekki okkur.

Kveðja að austan.

[Ómar Geirsson, 27.11.2020 kl. 17:59]

Blessaður Sigurður.

Enda var ég svo sem að hnykkja á efni fyrra pistils, þá hafði ég 10 mínútur, gaf mér tíma í þennan pistil.

Hann gat svo sem verið betri.

Sjáum til.

Kveðja að austan.

[Ómar Geirsson, 27.11.2020 kl. 18:07]

Veit svo sem ekki Esja minn.

Í augnablikinu  er logn hér fyrir austan, ef út í það er farið, þá hafa vindar blásið hér lítt lengi.

Hins vegar held ég að nálgun þín sé um margt út úr kú við efni og nálgun pistils míns.

Hins vegar nenni ég ekki að greina þann mun.

Sem réttilega bendir til þess, að ég sé laus við pirring, og á von á kósý kvöld, ég bjó jú til fjölskyldu, það þarf mikið til að glepja mig á þessum tímapunkti.

Hygg hins vegar, að Trölli hafi stolið jólunum á morgun, en nálgun mín er hinsvegar óljós.

Veit samt að verkurinn er að ætt bölvunar karlmanna sem kenndur er við jólahreingerningu.

Eftir það fjölgar aðeins spurningunum.

Kveðja að austan.

[Ómar Geirsson, 27.11.2020 kl. 18:15]

Svo játar maður sig sigraðan þegar Ip tölur droppa niður.

Það sem ég hef að segja, nær ekki þeim mörkum, með þeirri undantekningu þegar DV auglýsti bloggsíðu mína, að ég nenni þessu í hinu svarta skammdegi.

Þetta fer einhvern veginn Esja minn.

Kveðja að austan.

[Þorsteinn Siglaugsson, 28.11.2020 kl. 11:14]

Ósköp ertu reiður við Sóttólf greyið. Hann reynir væntanlega að gera sitt besta, en það er kannski ekki nógu gott.

Hvaða vit er til dæmis í því að láta fólk hírast í hnapp fyrir utan mörg þúsund fermetra verslanir, kvefast þar og smita hvert annað, í stað þess að hleypa því inn? Er eitthvað meiri smithætta inni í byggingarvöruverslun en í matvöruverslun af sömu stærð og með sama fjölda viðskiptavina? Auðvitað ekki. Hvers vegna er þetta þá gert? Jú, það er vegna þess að einhvers staðar var einhvern tíma ákveðið að loka öllu nema búðum sem selja nauðsynjavörur. Og þessu vill Sóttólfur apa eftir, en í stað þess að loka þá bara þessum búðum býr hann til svona smit- og kvefpolla fyrir utan þær.

[Símon Pétur frá Hákoti (IP-tala skráð) 28.11.2020 kl. 13:31]

Varðandi aths. nr. 7

Ástæður þess að "IP tölur droppa"

gæti verið sú að viðmót mogggabloggsins hefur gjörbreyst, til hins verra, a.m.k. séð af skjám farsíma.

Einungis örfá bloggskrif koma núna upp, en ekki nær öll eins og áður var.

Skyldi það vera með vilja gert, á þessum síðustu og verstu þöggunartímim?

[Ómar Geirsson, 28.11.2020 kl. 20:58]

Láttu ekki svona Þorsteinn, núna var Almannavarnavaldur hirtur, fyrir að sinna ekki almannavörnum.

En það er punktur hjá þér hvort menn hafi nýtt sér reynsluna sem þjónustuaðilar hafa öðlast við að skipuleggja sóttvarnir þannig að það sé hægt að veita þjónustu á viðunandi hátt innan ásættanlegra marka áhættunnar.

Hins veistu Þorsteinn að öll óþægu börnin fara í jólaköttinn svo núna er tíminn til að haga sér vel og halda sig í kófinu.

Annað ekki áhættunnar virði.

Kveðja að austan.

[Ómar Geirsson, 28.11.2020 kl. 21:09]

Blessaður Símon Pétur.

Eru lesendur Moggabloggsins nokkuð á þeim aldri að vera sífellt í símanum??

Ég held að breytt viðmót sé eitthvað sem smáir skjáir kalli á og er ekki bundið við Moggamenn, og eins og þú veist þá eru þeir vinir smáfuglanna, hlusta á söng þeirra en sussa ekki á þá.

Held það þetta sé meir svona þreyta á einmáli mínu, og skil ég það vel, ég er hálfþreyttur líka.

Nenni hins vegar ekki að blogga um annað því það er ekkert í gangi sem kallar á að bloggið sé virkt, meir að segja Sigurður Ingi hefur þagað um veggjöld sín eftir að hann áttaði sig á að allar vegaframkvæmdir hans voru bein ávísun á innflutning á ódýru vinnuafli, sem er ekki beint sniðugt á tímum farsóttarinnar.

Það er eiginlega bara ekkert í gangi, ekki einu sinni Trump til að skemmta manni.

En þetta er aðeins ládeyða lognsins í miðju stormsins, efnahagslegar afleiðingar farsóttarinnar hljóta að fara vega þyngra í umræðunni og þá hefst baráttan um brauðið.

Uppgjörið við þann í neðra og alla vinnumenn hans.

En á meðan er það jólin Símon,  vonum að þau verði ekki blásin af.

Kveðja að austan.

[Þorsteinn Siglaugsson, 28.11.2020 kl. 21:45]

Hver er jólakötturinn Ómar? Er það Víðir Reynisson? Og heldurðu í alvöru ennþá að veiran bara hverfi ef enginn fer út í búð?

[Ómar Geirsson, 28.11.2020 kl. 23:28]

Vertu ekki svona hvumpinn Þorsteinn, núna í byrjun aðventunnar.

Þú veist að jólakötturinn er kötturinn hennar Grýlu, ekkert dýpra þar að baki.

Kveðja úr kófinu fyrir austan.