Veit einhver faxnúmerið í stjórnarráðinu??

 

Í lok þessarar fréttar um viðbrögð verkalýðshreyfingarinnar við sjálftöku elítunnar er sagt að erlendar ferðaskrifstofur hafi áhyggjur af yfirvofandi verkfallsaðgerðum.

Sem með réttu eru eðlilegar áhyggjur.

Og þeir sem ábyrgðina bera þurfa að vita af þeim.

 

Það væri séns ef nógu mörg föx berast í stjórnarráðið, að þau nái að fylla upp í  fílabeinsturn hrokans svo fólkið sem þar dvelur gæti hugsanlega áttað sig á hvað er að gerast hérna úti í hinum raunverulega heimi.

Og fái jafnvel áhyggjur af forsendum sjálftöku sinnar, sem er að gullgæsin sem vinnandi fólk fóðrar á lúsarlaunum, hætti að verpa.

 

Kannski ekki svo miklar að það fari að gera eitthvað til góðs.

En mögulega hætti að efna til ófriðar.

 

Hver veit.

Eitthvað þarf að gera.

Kveðja að austan.

Raða niður verkfallsaðgerðum

Athugasemdir

[Örn Gunnlaugsson, 25.2.2019 kl. 10:11]

Þú virðist vera álíka meðvitaður um hvaða ár er og þingmenn okkar eru meðvitaðir um klúðrið sem þeir hafa búið til og engum þeirra datt í hug að koma í veg fyrir. Þeir sem nota fax í dag, ef einhverjir eru hafa ekki alveg haldið í við þróunina, ekki frekar en þingmennirnir okkar.

[Ómar Geirsson, 25.2.2019 kl. 11:23]

Þetta var ironia Önr minn, kallast kaldhæðni uppá okkar ástkæra ilhýra.

Kveðja að austan.