Hvern krefur Bjarni næst svara??

 

Svona í tilefni þess að brátt mun blása um vinnumarkaðinn og því lag að sýna þá samfélagslegu ábyrgð að reyna hamla gegn ofurlaunahækkunum.

Verður það forseti Alþingis, forsætisráðherra, eða hreinlega hann sjálfur.

Kannski hægust heimatökin að byrja á sjálfum sér.

 

Samtal sem gætti einhvern veginn verið svona; "Bjarni, af hverju hækkuðu laun þingmanna og ráðherra svona mikið fyrir um ári síðan??  Já, engar afsakanir Bjarni, það þýðir ekkert að skýla sér á bak við nefnd útí bæ, nefnd sem þú sjálfur skipaði í, og fór beint eftir þeim fyrirmælum sem þú gafst henni.  Og þessi nefnd fer ekki með löggjafarvaldið, þið hafið sett lög á stéttarátök af minna tilefni??

Gerir þú þér ekki grein fyrir því Bjarni hvað áhrif þetta hefur á vinnumarkaðinn, núna vilja allir láglaunahópar fá þingmannahækkun??  Hugsið þið ekkert???  .....".

 

Eigi Bjarni hins vegar ekki þetta samtal við sjálfan sig, þá virkar það dálítil hræsni að hringja uppí Landsvirkjun.

Það er nefnilega þannig með fordæmin, þau virka ekki almennilega ef þau eru sett fyrir annarra manna hönd, og það hvarflar ekki að viðkomandi að fara eftir þeim sjálfur.

Svona svipað eins og þegar foreldrarnir nota símana sína til að senda börnum sínum skilaboð á samskipaforritum um að þau megi ekki vera of mikið í símanum, að þau eigi líka að gera eitthvað annað.

 

Staðreyndin er nefnilega sú að hringekja víxlhækkana toppa atvinnulífsins og toppa stjórnkerfisins eru komin framúr öllum vitleysisgangi, hún lifir sjálfstæðu lífi þar sem annar reynir að ná skottinu á hinum, og sá réttlætir sínar hækkanir með því að hinn sé alveg að ná skottinu.

Og þegar þessir toppar snúa svo bökum saman og tala um hóflegar launahækkanir fjöldans, þá virkar það hreinlega viðrinislegt.

Ekki beint mennirnir sem geta lagt öðrum línurnar.

 

Og þessa hringekju þarf að rjúfa.

Og það er ekki gert með því að taka aðra á teppið.

Heldur með því að taka sjálfan sig þangað.

Sýna þar með fordæmi og leiðsögn.

 

En til þess þarf náttúrulega leiðtoga.

Kveðja að austan.

 

 

Bjarni krefur Landsvirkjun um svör

Athugasemdir

[Símon Jónsson frá Koti (IP-tala skráð) 27.2.2018 kl. 22:49]

„Ég geri ráð fyrir að við munum fá til okkar í ráðuneytið skýringar á því hvernig svona hlutir gerast.

En aðalatriðið í mínum huga er að ríkisfyrirtæki eiga ekki að vera leiðandi í launaþróun í landinu.“ 

Þetta segir Bjarni eins og hann viti ekkert um eigin sjálfskömmtuðu ríkis kjara launahækkun um 52%.

[Ómar Geirsson, 28.2.2018 kl. 07:44]

Já kæri Símon, svo skilja menn ekkert í þverrandi virðingu Alþingis.

Af hverju nær þetta fólk sér ekki uppúr hjólförum vanans og sýnir alvöru leiðsögn??

Skynjar það ekki að það er á síðasta séns??

Kveðja að austan.

[Símon Jónsson frá Koti (IP-tala skráð) 28.2.2018 kl. 11:16]

Því miður er því sama um allt nema eigin sjálfskömmtun, og notfæra sér ríkisvaldið til að mylja undir sig ... engar hugsjónir, ekkert, bara glórulaus sjálftaka og rán.  Ekkert, bara ógeð. 

[Ómar Geirsson, 28.2.2018 kl. 16:36]

Og allt á sinn endi.

Fyrsti kaflinn var skráður í dag.

Núna er kominn tími á skæruliðana.

Kveðja að austan

[Ómar Geirsson, 28.2.2018 kl. 19:33]

Oft ratar kjöftugur satt orð að munni, Gylfi var alltaf aukaatriði málsins, en gat vissulega tekið yfir orðræðuna svo gamlir lúnir skæruliðar héldu til byggða og fengu sér jafnvel tesopa, og létu æskuna um þetta.

En það ER kominn tími á skæruliðana.

Kveðja að austan.