Ef Sjálfstæðisflokkurinn verður stærsti flokkurinn.

 

Þá getum við kvatt Ísland í þeirri mynd sem við þekkjum í dag.

Hvað við fáum í staðinn er svo spurningin.

 

Ástæðan er að flokkurinn stendur fyrir áður óþekktu lýðskrumi í vestrænni stjórnmálasögu.  

Skattfé almennings á að nýta til að greiða hinar stökkbreyttu skuldir, á sama tíma ætlar flokkurinn að skera niður ríkisútgjöld um áður óþekkta tölu til að ná tafarlaust hallalausum fjárlögum, en jafnframt ætlar hann að verja grunnþjónustu ríkisins.

Þversagnir sem ganga ekki upp.

 

Hvað tekur við er spurning því þegar almenningur áttar sig á lýðskruminu og að það er allt í þágu hinnar ofurríku, þá mun hann rísa upp.

Og gamla Ísland mun líða undir lok.

Sigur Sjálfstæðisflokksins mun því verða bálför yfirstéttarinnar.

 

En hvað svo??

Það veit tíminn einn.

Kveðja að austan.

Nánast jafnstórir

Athugasemdir

[Óskar Helgi Helgason (IP-tala skráð) 25.4.2013 kl. 15:22]

Heill og sæll æfinlega; Ómar !

Nokkurn veginn í hnotskurn; þessi framtíðarsýn þín, Austfirðingur góður.

Verði svo; má telja Íslendinga, til hvers annarrs ódannaðs Skrælingjalýðs, þaðan í frá - því landsmenn eiga jú það val, að kasta : A - B - D - S og V listunum fyrir róða, þann 27. Apríl næst komandi.

Með beztu kveðjum; sem jafnan, austur í fjörðu /

[Sigurður Gunnarsson, 25.4.2013 kl. 17:30]

Vandinn er fyrst og fremst að flokkurinn vinnur ekki vinnuna sína. Eins og vinstri menn unnu erfitt og óljúft skylduverk að skerða kjör almennings eftir að þjófar og bankaræningar höfðu stolið öllu steini léttara, þá er það skylduverkefni hægri manna (meina raunverulegra hægri manna, sem vilja að menn sem vinna og leggja fram hugvit fái góð laun, ekki þjóna glæpagengja) að endurskoða löggjöf og framkvæmd löggjafar í sambandi við viðskipti. Verður það ekki gert, er hætta á að það verði ekki bálför yfirstéttarinnar, heldur bálför Íslands, sem er lítið land og þolir ekki mörg slík áföll eins og yfir hafa dunið. Það er mannlegt að gera mistök, og slíkt ber að fyrirgefa, en ef menn hanna áfram á sömu braut, þá ættu þeir að verða bannfærðir af nýja páfanum, sem ber hag fátækra fyrir brjósti! Ég lít reyndar á slíkt aðgerðarleysi sem eins konar landráð, eins og það hefði verið landráð vinstri manna hefðu þeir neitað að vinna vinnu sína og láta Ísland fara undir hamarinn. (Reyndar fékk fráfarandi stjórn hjálp manna sem stoppuðu af Icesafe og yfirgang útlendinga.)

[Ómar Geirsson, 25.4.2013 kl. 18:51]

Valdið sá nú við því Óskar, mótleikur þess var hin óteljandi framboð svo fólk veit ekki sitt rjúkandi ráð.

Hins vegar fer ég ekki ofan af því að eina von valdastéttarinnar sé  stórsigur Framsóknar, og flokkurinn framkvæmi í kjölfarið stefnu sína.

En hún sér það ekki blessunin og því mun draga til tíðinda fljótlega eftir kosningar.

Verðtryggingin, svikin og raunveruleikinn sjá til þess.

Og það fyndna er að sjálfstæðismenn fatta ekki að þeir eru að undirbúa sína eigin jarðarför með lýðskruminu sem ég lýsti hér að ofan.

Eitt er að bulla, annað að trúa sínu eigin bulli.

En svona er þetta.

Allt hefur sinn gang.

Kveðja að austan.

[Ómar Geirsson, 25.4.2013 kl. 18:52]

Takk fyrir innlitið Sigurður.

Kveðja að austan.