Jóhanna óttast hið hræðilega.

 

Að næsta ríkisstjórn rjúfi skjaldborg hennar, skjaldborgina um fjármagn og auð.

Að fólkið í landinu, almenningur fái sínar stökkbreyttu skuldir leiðréttar.  Að það verði ekki bara afskrifað fyrir auðmenn, heldur líka fyrir fólk, fyrir mig og þig, fyrir okkur öll, ekki bara fyrir suma.

Að fjármunir almennings fari í velferðarkerfið, ekki bara vexti. 

Að vogunarsjóðir verði hraktir úr landi, tómhentir, í stað þess að þjóðarauðurinn fylli fjárhirslur þeirra.

 

Að öll hennar óþurftarverk verði afmáð og bjartir tímar fyrir fólk og fénað renni upp.

Í sjálfstæðu landi, hjá sjálfstæðri þjóð.

Í landinu okkar.

Kveðja að austan.

„Það má ekki gerast“

Athugasemdir

[Jón Steinar Ragnarsson, 24.4.2013 kl. 20:01]

Þau eru byrjuð að falsa skoðanakannanir, svo þau eru að efna eitthvað.

[Pétur Örn Björnsson (IP-tala skráð) 24.4.2013 kl. 20:43]

Draumur Samfylkingarinnar er Hrunstjórn með "Sjálfstæðis"flokknum

og draumur "Sjálfstæðis"flokksins er Hrunstjórn með Samfylkingunni

og með útfryminu Bjartri framtíð.  Þetta er orðið algjörlega augljóst. 

[Sleggjan og Hvellurinn, 24.4.2013 kl. 21:02]

fyndna við þetta er að Framsókn studdi ekki tillögurnar sem eru nauðsýnlegar að þetta er hægt.

[Ómar Geirsson, 24.4.2013 kl. 21:52]

Er það hægt Jón Steinar??  Veit nokkur maður hvernig kosningarnar fara?? 

Gæti verið Pétur, allavega mun Framsókn enda líkt og danski jafnaðarmannaflokkurinn, eða VinstrGrænir, er þeir lofa og svíkja.

Blessuð Sleggja mín, þú ert svo djúpvitur núna, að jafnvel ég sem legg mig fram við að vera illskiljanlegur, það er á köflum, næ þér ekki núna.

En takk fyrir innlitið félagar.

Kveðja að austan.

[jón (IP-tala skráð) 24.4.2013 kl. 23:16]

það er nú ekki þannig að atvinnuleysi hafi minnkað þeirra vegna, það er fólksflótti

sem skýrir þá minnkun. Er fólk búið að gleyma því að þau ætluðu að kollvarpa

sjávarútveginum, og samþykkja icesave hlekkina ekki bara einu sinni heldur þrisvar!

Heilbrigðiskerfið er í sárum eftir langvarandi fjársvelti og illdeilur í launamálum,

vonandi fer fólk að opna augun því fyrr því betra.

[Pétur Örn Björnsson (IP-tala skráð) 25.4.2013 kl. 00:25]

Þar sem kosningadagur nálgast þá langar mig Ómar minn til að nota hér tækifærið

og leyfa mér bara að benda öllum þeim sem lesa hin frábæru bloggskrif þín,

en geta hugsanlega ekki hugsað sér að kjósa neinn af 4-flokknum (6-flokknum)

að minnast þessarar fréttar á mbl.is frá 8.4.2013:

„Menn geta náð kjördæmakjöri algerlega óháð þessum fimm prósentum,“ segir Þorkell Helgason, stærðfræðingur og fyrrverandi prófessor, í samtali við mbl.is

spurður út í þá ríkjandi skoðun að framboð til Alþingis þurfi að ná 5% fylgi á landsvísu til þess að ná fulltrúum inn á þing.

Þorkell segir að sá þröskuldur snúist eingöngu um möguleika framboða á því að því að fá jöfnunarþingsæti

en hafi hins vegar ekki áhrif á það ef framboð fær nægt fylgi í viðkomandi kjördæmi til þess að ná fulltrúa inn á þing.

Þannig megi taka sem dæmi að í Norðvesturkjördæmi þurfi 1/8 atkvæða til þess að vera öruggur með að fá mann kjördæmakjörinn eða um 12,5% og í Suðvesturkjördæmi sé hlutfallið 1/12 eða um 8,3% vegna mismunandi fjölda þingsæta í hvoru kjördæmi.

Hugsanlega væri þó hægt að ná kjördæmakjörnum manni með aðeins minna fylgi eftir því hvernig atkvæðin dreifðust. Það er að segja hve mikið fylgi félli niður dautt eins og það er stundum orðað. Þó ekki aðeins vegna minni framboða sem ekki næðu fulltrúum inn á þing heldur einnig vegna stærri framboða sem vantaði tiltölulega lítið fylgi upp á að ná næsta manni inn. Það fylgi falli einnig dautt niður.

„Fimm prósenta talan er í rauninni óháð því hvort þú nærð kjördæmiskjörnum manni eða ekki. Þetta breyttist árið 2000. Áður þurfti eins konar móðurskip, það er að ná einhvers staðar kjördæmakjörnum manni til þess að eiga möguleika á jöfnunarþingsætum. Sú regla er hins vegar ekki lengur í gildi. Fimm prósenta reglan segir einfaldlega að ef framboð kemst yfir 5% á landsvísu þá á það rétt á þátttöku í slagnum um jöfnunarsætin og þá skiptir engu máli hvort það hafi fengið kjördæmiskjörinn mann eða ekki,“ segir hann.

Það sé þó ekki þar með gefið að framboð sem nái 5% fylgi á landsvísu fái jöfnunarþingsæti, þau eigi aðeins möguleika á þeim. Kosningakerfið virki hins vegar þannig að minni framboð séu líklegri til þess að fá úthlutað jöfnunarsætum en þau sem stærri eru."

[Þorsteinn Finnbogason (IP-tala skráð) 25.4.2013 kl. 00:25]

falsa skoðanakannanir? Hvað hefurðu fyrir þér í því Jón Steinar? Hefur þú einhvern tíma undirbúið eða framkvæmt skoðanakannanir?

[Seiken (IP-tala skráð) 25.4.2013 kl. 05:29]

@Sleggja/Hvellur.

Þú hefðir trúlega gott af því að lesa það sem Lúðvík Júlíusson skrifar um þessi lög frá því í mars 2012.

http://ludvikjuliusson.blog.is/blog/ludvikjuliusson/entry/1294534/

Það er á honum að skilja að þessi lög hafi verið sett til þess að bjarga því klúðri/ásetningi að velferðarstjórnin var búin að opna þessa gátt með lagasetningu 2011.  Það væri svo sem í fullu samræmi við ásetning þeirra um að skuldsetja þjóðina fyrir þeim gjaldeyri sem þarf til þess að kröfuhafar geti farið hamingjusamir úr landi.

[Sandy, 25.4.2013 kl. 07:04]

Góðan dag. Ég er nokkuð hissa á að það hafi yfirleitt komið að kosningum,ég er um nokkurn tíma búin að velta því fyrir mér hvort Jóhanna Sigurðardóttir mundi ekki bara segja ég ætla ekki að hætta það er svo mikið sem á eftir að klára.

Svo er það annað sem ég hef furðað mig á um langan tíma og skil ekkert í, og þætti gott ef einhver gæti sagt mér hvort stæðist stjórnarskrá, og það er hann Guðmundur Steingríms, man einhver til þess að Björt Framtíð hafi verið kosin á þing í síðustu kosningum? Um nokkurt skeið hefur þessi maður sprangað á þingi sem formaður þess flokks, mætt á formanna fundi, kosið í nefndum sem slíkur og ekki kæmi mér á óvart að hann fengi greidda styrki fyrir þennan flokk sinn eins og aðrir flokkar á þingi, en að mínu viti skekkir það stöðuna á milli nýju framboðana sem verða að keppa um hilli kjósenda. 

[Sleggjan og Hvellurinn, 25.4.2013 kl. 12:43]

Seiken

Það er bara dálitið skondið að menn einsog Ómar sem gjammar hérna á hverjum degi veit ekkert um þetta mál

http://smugan.is/2013/04/sigmundur-david-maetti-ekki-i-atkvaedagreidsluna/

[Ómar Geirsson, 25.4.2013 kl. 18:43]

Og?????, mín kæra Sleggja, ætlar þú þá ekki að upplýsa fávísan gjammara?

Kveðja að austan.