Fjárráðherra ríkisins, ekki meir ekki meir.

 

Orti Steinn Steinar á sínum tíma.  Eða var það Húsameistari ríkisins????, skiptir engu, í dag hefði hann sagt Fjárráðherra, miskunna þú oss.

Og þjóðin öll þarf að leggjast á hnén og biðja í auðmýkt um að vitið ljósti þetta ógæfufólk, sem stjórnar landinu, á síðustu stundu, svo það sjái að sér og skilji afleiðingar gjörða sinna.

 

Skilji og átti sig á sem raunveruleikinn segir því.

Skilji og átti sig á því sem sagan segir því.

Skilji og átti sig á því sem færustu hagfræðingar heims segja.

 

Skilji og átti sig á að óráð Alþjóðagjaldeyrisssjóðsins eru hálfvitanna ráð, sem hafa hvergi virkað fyrir efnahag þjóða, hafa það eina markmið að fjármagnið fái allt, þó það kosti blóð og líf almennings og almannaþjónustu.

 

Skattahækkanir í því ástandi sem er í dag, lækka tekjur ríkisins.

Vilji menn auka tekjurnar þarf að gera það sama og verslunarrekandi sagði í Mogganum í gær, það þarf að koma með tilboð, slá af, bjóða hagstæð kjör, og fólk opnar budduna.

Nákvæmlega það sama gildir um flesta tekjustofna ríkisins, þeir myndu skila meiru af sér ef þeir yrðu lækkaðir.  

 

Vilji ríkisvaldið sjá blómstrun í anda og efnahag núna í sumar, þá gerir hún tvennt, lækkar bensíngjald um  þriðjung, lækkar áfengisgjald um þriðjung.  Og fjármunir sem núna leita úr landi, i formi utansiglinga, það myndi koma heim, og ekki aðeins beinar tekjur ríkisins af þessum skattstofnum myndu aukast, þær óbeinu myndu margfaldast í formi meiri grósku í ferðaþjónustu og tengdum greinum.

Minni atvinnuleysi, meiri bjartsýni því það er staðreynd að hífaður landi á þjóðvegum landsins, dragandi skuldahalann á eftir sér, hann upplifir fegurðina og náttúruna beint i æð, fer heim og ......?????......

..... gerir byltingu.

Sem væri reyndar það besta sem hann gæti gert.

 

Líka fyrir ógæfufólkið, þá fengi það kærkomið frí sem það gæti notað til að endurheimta mennsku sína og æru, losna við ýldulykt AGS af klæðum sínum og rotnun ómennskunnar sem hefur yfirtekið líkamslykt þess.

Skattlækkun yrði því alltaf, öllum til góðs.

 

Óráð ómennskunnar eru ekki hið sjálfgefna i þessum heimi.

Í eðli okkar erum við skynsemisverur, sem viljum öðrum vel.

 

Íslandi þarf ekki að vera illa stjórnað.

Kveðja að austan.

 

 

 

 

 

Fundað um fjárlagagerð

Athugasemdir

[Þórarinn Snorrason, 8.7.2011 kl. 11:21]

"Heimildarmenn VG sögðu við Morgunblaðið að ljóst væri að endurskoða þyrfti ramman, ekki síst með tilliti til kjarasamninga, sem nýlega voru staðfestir".

eins og sá sem ritaði hér að ofan sagði þá verður þetta öfugt enda kommúnistahugsjón ríkisstjórnar hafta, miðstýringar og afturhalds að verki og herra fáviti sigfússon getur ekki hugsað sér að þegnar landsins rétti úr kútnum eða fari að getað lifað einhverju sómasamlegu lífi.  nei, hér skal öllu haldið í höftum okurskatta og afturhalds. ég þori að veðja að það hlakkar í karli núna. ég vil þessa óstjórn burt strax áður en hún eyðileggur landið mitt frekar.

[Ómar Geirsson, 8.7.2011 kl. 22:39]

Blessaður Þórarinn, það er verst að allflestir hagfræðingar landsins kóa með.  Þetta kommúnistaplan er jú aðgerðarplan AGS.  Og sem slíkt að eyða mörgum löndum í dag.

Þannig að lítil lausn er að losna við Steina ef AGS situr.

Kveðja að austan.