Gylfi forseti vitnar í hagdeild ASÍ.

 

Sem segir ósatt í mati sínu á ICEsave.

Lúðvík Jósepsson kallaði það að ljúga með tölfræðinni þegar menn gæfu sér forsendur sem leiddu fyrirfram til ákveðinnar niðurstöðu.

Það er óhætt að segja að hagdeild ASÍ geri það sviklaust þegar hún vanmetur áhættuna af ICESave samningnum en ofmetur kostina.  

 

Vanmatið felst í því að vitna í eitthvað sögulegt samhengi með gengið þar sem það sögulega samhengi er ekki til.  Það hefur aldrei áður gerst að bankakerfi þjóðarinnar hafi fallið á sama tíma og heimurinn stefnir inn í alvarlega fjármálakreppu.  Á bandaríska þinginu ræða menn opinskátt um gjaldþrot alríkisins, í Evrópu neita þýskir skattgreiðendur að halda evrunni uppi, í Kína er stóra bólan að springa.

Á sama tíma féll bankarnir okkar og fornir viðskiptabankar þjóðarinnar erlendis töpuðu stórfé á því falli.  

Bara sú staðreynd segir að þjóðin á ekki von á erlendu lánsfé til að fjármagna viðskiptahalla eða til að endurfjármagna skuldir, núna vilja menn að hún borgi lán sín.

Með öðrum orðum mun fjármagn streyma út úr hagkerfinu, ekki inn, og slíkt er ávísun á veika krónu.  Þetta veit hagfræðingur ASÍ en samt kýs hann að gera lítið úr gengisáhættu IcEsave samningsins.

Og hann miklar þau lán sem standa til boða, ennþá er aðeins vitað um smálán frá Þróunarbanka Evrópu (eða hvað sem hann heitir).  

 

En að ljúga með tölfræðinni er eitt, en að segja hreinlega ósatt er annað.

 

"Áætlað er að Icesave samningurinn kosti ríkissjóð 27 milljarða þegar tekið hefur verið tillit til eigna Innistæðutryggingasjóðs".

 

Þessi fullyrðing stenst ekki.  Óháður greiningaraðili, Gamma greining mat samninginn á 67 milljarða þegar inneign Innistæðutryggingasjóðs hefur verið tekin með í dæmið.

Ef gengið styrkist um 2% ársfjórðungslega, þá fer samningurinn niður i 45 milljarða, og lægra fer Gamma greining ekki.

 

Hver er þá skýring þess að ASÍ kemst að þessari niðurstöðu sinni, 27 milljarðar og jafnvel ekki neitt í kostnað ef endurheimtur verða frábærar??

Jú, þeir reikna með að þrotabúið greiði vextina sem falla til af láni breta, en málið er að vextir geta aldrei verið forgangskrafa í þrotabúi og því er forsenda út í hött.  "(mínus tala þýðir að hluti greiðslna úr búinu ganga upp í vexti)".

Á meðan þessi forsenda er ekki útskýrð, þá verður að álykta að þarna sé verið að lækka meinta ICEsave skuld gegn betri vitund.

Það er verið að ljúga að félagsmönnum ASÍ, að fá þá til að samþykkja ICEsave með blekkingum.

 

Þess vegna er það öfugmæli hjá Gylfa að tala um hlutlaust mat, álíka öfugmæli eins og

"Það er hins vegar alveg ljóst að Alþýðusambandið sem stofnun eða samtök hefur ekki tekið afstöðu til þessa samnings."

Það er skrýtin ónáttúra ICEsave sinna að geta ekki sagt satt orð um samninginn, eða um stuðning sinn við hann.

Og misnotkun þeirra á samtökum launþega eða samtökum atvinnurekenda er æpandi.

 

En ég sem Nei maður græt það ekki.

Þessir menn eru sérfræðingar í að skjóta sig í fótinn.

Réttlætið hefur nefnilega alltaf sinn gang, ein leiðin er að vond samviska leiðir til rangra ákvarðana sökum þess að dómgreindin brenglast þegar innri orkan fer öll i að sannfæra sjálfið um að rangt sé rétt.

Þess vegna ljúga ICEsave sinnar svona mikið, og fyndnastir eru þeir sem tilkynna ákvörðun sína með lúðrablæstri og miklum yfirlýsingum að þeir hafi tekið faglega ákvörðun, og tala svo um samning upp á 30 milljarða eða minna.

Eða hina svakalega áhættu af dómsstólaleiðinni, leið sem bretar hafa ekki farið í rúm 2 ár, og gera varla héðan af sökum hinnar ólöglegu framgöngu þeirra í málinu því kúgun og þvingun varðar við öll lög, bæði bresk, íslensk eða lög ESB.

 

Af hverju láta ICEsave sinnar ekki bara "af þvi bara" rökin duga, það er ekki mikil lygi í þeim??? Ef svarið er svo bara, bara, bara, af því bara.

Já, það er ekki grín að vera þjófsnautur og maður ætti ekki að hlæja að þessu vonlausa liði.

En samt, ég mæli með því ef fólk vill hlæja, að það fari inn á Áfram feissíðuna, og lesi hana með opnum og fordómalausum hug.  Í alvöru talað, hún er drepfyndin.

 

En það er enginn húmor á bak við hinn breska stórþjófnað, ofaná þekkta fjárkúgun, hefur það sannast að þeir eru að rukka íslensku þjóðina fyrir lögbundna tryggingu breska tryggingasjóðsins.

Um það má lesa í greinum mínum hér að framan.

Og þar með breytist málsstaður Já manna úr brandarakeppni í blákaldan veruleika undirheima og glæpa, þeir eru aðstoða breta við þjófnað, og það er ekkert grín.

Vonandi vitkast menn áður en það verður um seinan að afturkalla þessa þjóðaratkvæðagreiðslu.

 

Það heldur engin þjóð þjóðaratkvæði um þjófnað.

Kveðja að austan.

 

 

 

 

 

Gylfi: Ekki afstaða ASÍ

Athugasemdir

[Jóna Kolbrún Garðarsdóttir, 7.4.2011 kl. 01:36]

Burt með Gylfa og Ólaf Darra... þeir eru ekki þjóðin.... 

[Guðmundur Pétursson, 7.4.2011 kl. 02:59]

Gylfi er erkifífl en Ólafur Darri er bara Alþýðubandalags kjáni sem hefur ennþá Svavar Gests sem sitt átrúnaðargoð.

[Jón Steinar Ragnarsson, 7.4.2011 kl. 06:20]

Nýjustu fréttir herma að samningurinn sé ekki skeinis virði því hann er ekki að fullu undirritaður. Þ.e. ógildur sem lagalegt plagg. Handskrifaðir viðaukar hafa ekki verið undirritaðir.  Ég vona samt ekki að það stöðvi þessa atkvæðagreiðslu né verði notað til þess þegar menn sjá afgerandi tilhneigingu til neitunnar. Verði hann hinsvegar með einhverjum ólíkindalegum naumindum samþykktur, þá má alltaf notast við þá staðreynd til að fella hann, þrátt fyrir það.

[Ómar Geirsson, 7.4.2011 kl. 07:57]

Takk fyrir innlitið kæra fólk.

Nei-ið vinnur en stjórnin situr á meðan enginn tekur af skarið.

Kveðja austan.

[Ásthildur Cesil Þórðardóttir, 7.4.2011 kl. 21:25]

Vonandi vinnur Neiið, en Gylfi þarf að víkja, honum er ekki treystandi fyrir forsvari við alþýðu þessa lands.