Hvernig er hægt að halda ræðu á 1. mai, án þess að hvetja almenning til að reka Leppa Alþjóðagjaldeyrissjóðsins frá völdum?????

 

Það er ríkisstjórn Íslands sem hefur varist öllum tilraunum almennings til að fá leiðréttingar á skuldavanda sínum.

Það er ríkisstjórn Íslands sem hefur útbúið kerfi skuldaþrældóms sem mergsýgur almenning svo amerískir vogunarsjóðir geti fitnað á striti launafólks.

Það er ríkisstjórn Íslands sem heldur Hrunskuldum auðmanna að almenningi með ólöglegri gengistryggingu og siðlausri verðtryggingu.  Hrunskýrsla Alþingis sannar forsendubrest hennar en samt er látið eins og ekkert hafi gerst.  Að Hrunið hafi verið hundsbit sem almenningur eigi að sætta sig við.

Svo talar formaður BSRB um að almenningur megi ekki festast í fátækragildru.  Svipuð lógík og hjá löggunni sem kom á skólalóðina þar sem fórnarlömb óðs byssumanns lágu í valnum, og í stað þess að skjóta hann eins og óðan hund, þá gekk hann að honum og spurði hvort hann væri með byssuleyfi, og bað hann síðan gæta sín á byssunni, hún gæti verið hættuleg.

 

En firring formanns BSRB er fyrst algjör þegar hún talar um "góða almannaþjónustu".  Fyrir hvað pening???  Fyrir peninginn sem samflokksmenn hennar vilja greiða bretum ólöglegan skatt???  Eða þann pening sem á að taka að láni hjá AGS og mun allur renna í hendur erlendra krónueiganda.

Hvaða velferðarþjónusta þrífst þegar um 60% af tekjum ríkisins fer í vexti og afborganir??  Og kreppan í kjölfarið mun koma því hlutfalli í 70%, alveg eins og í Argentínu.  Veit formaður BSRB ekkert um hvað hefur gerst í öðrum ríkjum þar sem þessi ómenni hafa náð að læsa klærnar sínar í efnahag þjóða???

 

Hvað sem gerist ef Leppstjórn AGS fær að vera lengur við völd, þá er ljóst að niðurstaðan verður ekki "góð almannaþjónusta".

Þetta vita allir, en samt lætur forysta BSRB eins og ógnin sé ekki til staðar.

Hvaða hagsmuni er verið að verja?????

Kveðja að austan. 

 

Innleiða þarf nýtt gildismat