Sýnum þolinmæði..

 

Áður en yfir líkur munu bretar greiða okkur fúlgur fjár ef við látum kjurt liggja.

Sættumst á 507 milljarða og fyrirgefum þeim.  

Það tilboð mun koma undir miðnætti á næstkomandi föstudag.

Hvað sögðu Stuðmenn ekki, "réttlætið sigraði að lokum".

En við skulum sleppa því að hengja Svarta Pétur.  Hann var auðtrúa fífl sem hélt að þeir sem mæltu á útlensku hefðu alltaf rétt fyrir sér.  Hann var því í góðri trú þegar hann réðst á ríkiskassanna og hélt að hann mætti ræna skattfé almennings til að greiða þessum útlensku mönnum.

Svo las hann í útlensku blaði að þessir útlendingar, sem töluðu útlensku, og hann trúði á sem guðir væru, að þeir væru "bullying" og krafa þeirra væri not legal.

Auðtrúa fíflum á alltaf að fyrirgefa, gleymum þessari IcEsave vitleysu, daginn sem bretar reiða að hendi miskabætur sínar fyrir lygina og róginn, og notum féð til að endurreisa heimili landsins.

Minni á tillögur Hagsmunasamtaka heimilanna og þingsályktunartillögu Hreyfingarinnar og Framsóknar að reka Óbermin úr landi.

Snúum svo bökum saman og byggjum upp nýtt og betra Ísland, þar sem sögur af auðmönnum taka við af Grýlu sögum til að hræða börn til þægðar í aðdraganda jólanna.  Huggum þau og segjum svo að þetta séu bara Grýlu sögur, auðmenn hafi líka gefist upp á rólinu, og búi núna allir út í London, ekki á Íslandi.

Þetta er allt að koma hjá okkur, sýnum bara smá þolinmæði.

Ef ekki, þá segjum við Nei við ICEsave á laugardaginn.

Og látum City um að tukta Darling og Brown.  

Þá vildi ég ekki vera í þeirra spörum.

Kveðja að austan.

 

 

 

Bretar vilja ræða málin áfram

Athugasemdir

[Jón Steinar Ragnarsson, 3.3.2010 kl. 00:23]

Getur einhver uppfrætt mig ótýndan fábjanann á því hvers vegna Landsbankinn var lýstur gjaldþrota, þegar hann virðist hafa átt fyrir skuldum?  Það er hamrað á því daginn út og inn. Það er veruleikafirrtum fábjana eins og mér og 80% þjóðarinnarofar öllum skilningi. Var það vegna þess að eigið fé hans var tekið úr umferð með hryðjuverkalögum, sem breskur dómstóll hefur nú lýst ólöglegt?  Og er það löglegt að þeir hafi enn greipar sínar á þessu? Sérstaklega ef það voru þeir sjálfir sem keyrðu bankan meðvitað í þrot.

Ef fábjáninn ég skil það rétt, þá skulda bretar okkur hundruði milljarða í skaðabætur. Samt eru þeir að krefja okkur um lifur og lungu, handlegg og fót??

[Jóna Kolbrún Garðarsdóttir, 3.3.2010 kl. 00:53]

Ég hef þá trú að stjórnin þori ekki að slá þjóðaratkvæðagreiðsluna af, ekki héðan af....

[Ómar Geirsson, 3.3.2010 kl. 10:10]

Blessaður Jón Steinar.

Ég held að við bjánarnir þurfum að sætta okkur við að Landsbankinn hafi verið gjaldþrota.  Eins og allflestir bankar sem lögðu megináhersluna á fjármögnun eignarhaldsfélaga sem gömbluðu með hlutabréf, eða stunduðu skuldsettar yfirtökur.  Allt dæmi um starfsemi sem sagan kennir að fellur fyrst í kreppu.

Þegar talað er að hann eigi fyrir skuldum, þá er verið að tala um fyrstu forgangskröfu, sem eru innlán, ef ég skil málið rétt.  En hins vegar var dótturfyrirtæki hans í London, Herbal bankinn settur i þrot, og svo kom í ljós að hann gat borgað öllum allt.  Með örðum orðum þá var það glæpsamlegt hjá breska fjármálaeftirlitinu að yfirtaka hann.

Og bretarnir skulda okkur hundruð milljarða vegna þess tjóns sem hryðjuverkaárás þeirra olli, ekki bara á eignum Landsbankans, líka hjá hinum bönkunum sem og öll þau neikvæðu áhrif sem íslenskt viðskiptalíf almennt varð fyrir.

Svo má ekki gleyma ærumeiðingunum og rógnum, hann var mesta svívirðan.

Kveðja að austan.

[Ómar Geirsson, 3.3.2010 kl. 10:12]

Blessuð Jóna Kolbrún.

Við skulum vona að skynsemin ráði, en fréttir Ruv benda til annars.

Sjáum til.  Allavega þarf að standa vaktina fram á laugardag.

Kveðja að austan.