Skynsemi á Akureyri.

Það er skynsamlegt að starfsfólk ríkisstofnanna taki á sig launlækkun til að lágmarka uppsagnir starfsfólks.

Laun í dag eru 2007 eitthvað, og það eitthvað byggðist á fölskum kaupmátt erlendrar skuldasöfnunar. 

Í stað þess að eyðileggja starfsemi viðkomandi stofnanna, eða hreinlega leggja þær niður, eins og er draumur Hrunstjórnenda viðskiptaráðs, þá á starfsfólk þeirra að aðlaga útgjöldin þeim tekjum sem þær hafa á fjárlögum.

Þetta á að gera í trausti þess að kaupmátturinn komi til baka þegar efnahagslífið nær sér aftur á strik.

En forsenda slíkrar sáttar er mjög einföld.

Það er leiðrétting vertryggingar og afnám gengistengingu lána.

Því lengur sem það er dregið, því erfiðara verður að fá fólk til að standa saman um að gera það sem þarf að gera.

Það er kominn tími á heilbrigða skynsemi í þjóðfélagið.

Kveðja að austan.

 

 

 

Laun lækka að tillögu kennaranna sjálfra

Athugasemdir

[Pétur Örn Björnsson (IP-tala skráð) 16.2.2010 kl. 23:01]

Aldrei að segja aldrei, en ég á enn eftir að upplifa þann dag að ég sé ekki sammála þér Ómar, amk. í öllum megin-atriðum. 

Tek undir orð þín.  Við þurfum núna að sníða okkur stakk eftir vexti og þá er eins gott að hafa heilbrigða skynsemina með.  Allt annað stríðir reyndar gegn henni.