Hrákasmíði

 

Er dómur reynds lögmanns, sem marga fjöruna hefur sopið, yfir vinnubrögðum lögreglunnar á Norðurlandi Eystra, og þeirrar ákvörðunar hennar að láta glæpafólk komast upp með glæpi sína.

 

Lögreglan viðurkennir að glæpur hefur verið framinn, að borgara þessa lands hafi verið byrlað ólyfjan þannig að gjörgæsla bjargaði lífi hans.  Með öðrum orðum, um banatilræði hafi verið að ræða.

Lögreglan viðurkennir að hópur blaða og fjölmiðlamanna hafi skipulagt eiturbyrlun og fengið til þess verks andlega veika manneskju.  Hlutverk hennar var síðan að stela farsíma af viðkomandi borgara, afhenda hann fulltrúa úr þessum hópi blaða og fjölmiðlamanna, þar sem farsíminn var afritaður og og hin stolnu gögn voru síðan notuð til að skálda frétt, frétt sem var liður í aðför viðkomandi blaða og fjölmiðlamanna að Samherja, stærsta sjávarútvegsfyrirtæki landsins.

Lögreglan segist ætla að láta viðkomandi glæpafólk komast upp með glæpi sína því það hefði eytt samskiptagögnum úr farsíma gerandans.

 

Hrákasmíði kallar lögmaðurinn þessi þekktu vinnubrögð réttarspillingar frá löndum þar sem glæpasamtök eiga réttarkerfið og þeirra fólk innan þess sér til þess að mál á hendur þeim séu ekki rannsökuð, eða rannsóknin á þann hátt sem lögmaðurinn lýsir hér að ofan.

Eftir stendur spurningin, sættum við okkur sem þjóð að svona sé fyrir okkur komið, að réttarkerfið þjóni einhverju öðru en almenningi??

 

Hvort sem skýringin á þessari hrákasmíð sé að lögreglan á Norðurlandi Eystra þorir ekki gegn þeirri mafíu sem hefur lagt undir sig Blaðamannafélag Íslands, mafíu sem er bökkuð upp af einhverjum annarlegum hagsmunum auðs og auðmanna, eða sú að skipun að ofan hafi neytt hana til að eyðileggja sína eigin rannsókn, skiptir ekki máli.

Þetta er ekki rétt, þetta er rangt.

Og við sem þjóð eigum ekki að láta bjóða okkur þetta.

 

Hingað og ekki lengra.

Takk.

Kveðja að austan.

Vissi ekkert hvað hún var að gera

Vér skattsvikarar.

 

Eiturbyrlarar og þjófar, furðum okkur á kattarþvotti sytralagsins, um aðför þess að réttarríkinu, að lög og regla gildi ekki um afbrotafólk úr hópi blaðamanna.

Hroki okkar er svo mikill að við sættum okkur ekki við kattarþvottinn, hinar aumkunarverður afsakanir sem systirin knúði í gegnum embætti sitt hjá lögreglunni á Akureyri og nærsveitum.

Við megum eiturbyrla, ógna lífi og velferð hins almanna borgara, stela símum þeirra, afrita, skálda síðan fréttir úr hinum stolnu gögnum, og ef viðkomandi fórnarlamb er með múður, þá megum við netníða hann, hóta birtingu á hinu stolnu gögnum sem við myndum síðan fá samverkafólk okkar í stétt blaða og fjölmiðlamanna, til að leggja út á hinn versta veg.

Við erum ríkið, við erum valdið, við erum hafin yfir lög.

PS. Ef enginn trúir okkur þá fjármagna auðmenn okkur sem sannarlega eru hafnir yfir lög og rétt, enda eiga þeir bæði stjórnmálin og fjölmiðla þjóðarinnar.

 

Þetta er fréttatilkynning Sigríðar Daggar, formanns Blaðamannafélags Íslands á mannamáli.

Um hana þarf ekki að hafa fleiri orð.

 

Nema mikil er skömm Morgunblaðsins að taka þátt í skrípaleiknum.

Það er eins og hið fyrrum borgaralega íhaldsblað stefni að feigð Sjálfstæðisflokksins, að hann eigi að þurrkast út eins og Vinstri Grænir.

 

Það er af sem áður var.

Kveðja að austan.

Furðar sig á ítarlegum lýsingum á Facebook

Þegar réttarríkið varð undir

 

Undanfarna vikur og mánuði hefur þjóðin upplifað harðsvíraðar aðfarir að réttarríkinu.

 

Mest æpandi eru mál sem tengjast flótta og mannsalsiðnaðinum, þar geta skipulagðar herferðir á samfélagsmiðlum og ríkisfjölmiðlinum komið í veg fyrir að þó hriplekri löggjöf um málefni meintra flóttamanna sé framfylgt.

Og fyrir opnum tjöldum getur þessi iðnaður starfað, brotið niður eðlilegt vinnuumhverfi, skekkt samkeppnisumhverfi fyrirtækja, þarf ekkert að óttast að því gefnu að fulltrúar heilbrigðiseftirlitsins detti ekki um sofandi menn í gluggalausum kjöllurum  og æðstu yfirmenn lögreglunnar geti þar með ekki þaggað niður málið, verða tilneyddir að rannsaka líkt og í vor í veitingabransanum.

Einn angi þessarar aðfarar að réttararíkinu er brottvikning ríkisaksóknara á Helga Magnússyni vararíkissaksóknara, hans raunsök var að vísa réttmætri kæru á meintum mútugreiðslum hjálparsamtakanna Solaris til baka til lögreglunnar með þeim vinsamlegu tilmælum að rannsaka kæruna því það giltu lög í landinu.

 

Núna síðast gaf lögreglustjórinn á Akureyri það út að ef þú ert blaðamaður, þá mátt þú skipuleggja þjófnaði til að nálgast gögn úr farsímum, við þá þjófnaði mátt þú byrla fólki ólyfjan, jafnvel þó það þurfi gjörgæslu til að bjarga lífi þess, og þú mátt síðan nýta gögn úr hinum stolnu farsímum til að netkúga fórnarlömb glæpa þinna.

Ef þú ert blaðamaður.

Og segist vera að vernda heimildarmenn.

 

"Síðasta orðið hefur ekki verið sagt" segir fórnarlamb.

Þjóðin, sem er fórnarlamb þessara sí-aðfara að réttarríkinu, tekur vonandi undir þau orð.

 

Snatar mannsals og flóttamannaiðnaðarins munu gala á torgum.

Systralagið mun skála í kampavíni í einhverju bakherberginu.

 

En þjóðinni er ofboðið.

Þessi þarna sem talar ennþá íslensku, er alin uppí góðum siðum, veit þar með að lög og regla er ekki til að fela hitt og þetta.

 

Hingað og ekki lengra.

Takk.

Kveðja að austan.

„Síðasta orðið hefur ekki verið sagt“

Bjarni talar tæpitungulaust.

 

Segir að honum" finnst það skipta öllu máli að þau skila­boð komi skýrt frá ís­lenska stjórn­kerf­inu að það verður ekki liðið að emb­ætt­is­mönn­um sé hótað eða ógnað með ein­hverj­um hætti".

 

Kæra Solaris, hinna meintu hjálparsamtaka, á hendur Helga vararíkissaksóknara er af sama meiði og hótanir sækopatans sem sat um Helga og fjölskyldu hans í mörg ár, og ríkissaksóknari lyfti ekki litla fingri til að styðja eða vernda undirmann sinn.

Kæra Solaris er hefndaraðgerð eftir að embætti ríkissaksóknara fyrirskipaði lögreglunni að framfylgja lögum um mútur og fjármögnun hryðjuverkasamtaka, pólitískur rétttrúnaður væri ekki æðri lögum.

Pólitískur rétttrúnaðurinn, sem grafið hefur um sig á toppi embættis ríkissaksóknara, var heldur ekki sáttur með þá afgreiðslu, kæra Solaris, samtaka sem ætti að rannsaka ofaní kjölinn, varð skálkaskjól þessa pólitíska rétttrúnaðar til að víkja Helga, eða réttara sagt að biðja dómsmálaráðherra að víkja honum úr starfi.

Greinilega treyst á systrabræðralagið.

 

Meinið er að Bjarni getur ekki tjáð sig skýrar en hann gerði, svo ég endurtaki hluta orða hans; " .. að þau skila­boð komi skýrt frá ís­lenska stjórn­kerf­inu að það verður ekki liðið að emb­ætt­is­mönn­um sé hótað eða ógnað með ein­hverj­um hætti.".

Hótanir Solaris og Sigríðar Friðjónsdóttur ríkissaksóknara eru greinilega líka undir.

Enda þarf Bjarni að fara að gera eitthvað áður en flokkur hans fer niður fyrir 10% markið.

Íhaldsfólk er búið að fá nóg af samfylkingunni innan Sjálfstæðisflokksins og rétttrúnaði þess.

 

Sigríði tókst að fylla þann kaleik.

Fleiru verður ekki kyngt.

Kveðja að austan.

Skýrt að hótanir verði ekki liðnar

Gapið.

 

Þegar svo er komið fyrir einni þjóð að vegna ranghugmynda í umhverfismálum getur hún ekki lengur lagt nothæfa vegi eða byggt hús sem endast, að þá er henni fyrirmunað að kjósa sér forseta sem heldur sig við raunveruleikann.

 

Íslensk þjóð á undir högg að sækja, markvisst hefur verið unnið að því að skipta um þjóð í landinu, hátt í þriðjungur hennar er af erlendu bergi brotinn, með farandvinnuafli slagar það hátt í helming.

Með til dæmis þeirri augljósu afleiðingu að íslensk tunga stefnir beint á válista, síðasta Pisa könnun gefur sterkar vísbendingar um það.

Vaxtabrjálæðingar eru síðan að gera landið óbyggilegt ungu fólki, rökin eru síþenslan á húsæðismarkaði höfuðborgarsvæðisins sem er bein afleiðing af þjóðarskiptunum, einhvers staðar þarf jú allur þessi innflutningur að búa.

Síðan eru sameignir þjóðarinnar hægt og rólega bútaðar niður og seldar eða kvótasettar.

Venjulegt fólk skilur ekki bullið sem vellur um á þingi dag og nótt, á meðan ekkert er gert til að takast á við vanda þjóðarinnar.

 

Á svona tímum hefur þjóðin ekkert að gera við forseta sem heldur að hún sé Vigdís, og árið sé 1980.

Og Morgunblaðið setur niður að taka þátt í þeim leik.

 

Það getur betur en þetta.

Kveðja að austan.

Þarf að sýna í verki að hún sé traustsins verð

Styður Halla forseti voðamenni Hamas??

 

Innlendi viðbjóðurinn sem getur ekki fyrir sitt litla líf fordæmt voðaverk Hams, bæði gagnvart gyðingum sem sinni eigin þjóð, fullyrðir að Halla Tómasdóttir, nýsettur forseti þjóðarinnar, hafi sagt í kosningabaráttu sinni að "að hún teldi Ísra­els­her fremja þjóðarmorð á Gasa.".

Þetta er mjög alvarlegur rógur um Höllu og í raun fullyrðing að Halla sé viðrini, og ástæða spurningar minnar í fyrirsögn þessa pistils.

Að sjálfsögðu hvarflar ekki að mér annað en að þarna sé logið uppá Höllu, af fólki sem finnst það allt í góðu að voðamenni Íslamista, nauðgi, limlesti, drepi, svívirði lík, óháð aldri eða kyni þeirra sem þeirra telja réttdræpa í nafni trúar, og blóðslóðin liggur eftir þá í Bosníu, í Írak, í Sýrlandi og núna síðast í Ísrael þann 7. október síðastliðinn.

 

Það skal enginn draga það í efa að þjáningar íbúa Gasa eru gríðarlegar, en tilgangur voðaverka  Hamas var einmitt að valda þessum heiftarviðbrögðum Ísraela að sækja inná Gasa í tilraun til að uppræta voðamennin sem þar hafa hreiðrað um sig og víla sér ekki að nota samborgara sína sem mannlega skildi.

Fá þannig Góða fólkið til að fordæma varnarbaráttu 9 milljóna manna þjóðar sem Íslamistar vilja útrýma, en ekki voðaverk Íslamistanna sem skýra þá varnarbaráttu.  Hvað sem hefur gerst á síðustu 7 áratugum þá þarf fólk að vera mjög sjúkt á sál og sinni til að styðja voðafólk sem vill útrýma 9 milljóna manna þjóð.

Að telja það í góðu að friðsöm ungmenni á tónleikum, sem voru einmitt ákall um frið, séu svívirt, þau séu limlest, drepin, eða ungabörn séu skotin í bílstólum foreldra sinna, eða bútuð niður lifandi í rúmum sínum.

 

Skinheilög hræsnin sem veður ekki í vitinu, segir; Nei, nei, auðvitað fordæmum við þessi voðaverk, en hvað svo??

Áttu Ísraelsmenn bara láta þetta yfir sig ganga og bíða svo eftir næstu árás??  Og svo næstu??

Áttu sem sagt Sovétmenn að láta staðar numið eftir grimmilegt varnarstríð þeirra við nasista þegar þeir komu að landamærum Þýskalands því nasistarnir vörðust innan um óbreytta borgara??  Var sem sagt innrás þeirra í Þýskaland þjóðarmorð??  Sem og loftárásir Breta og Bandaríkjamanna á Þýskaland??, loftárásir sem voru hugsaðar til að lama baráttumátt þýsku hernaðarvélarinnar en kostuðu hundruð þúsunda mannslífa, að megninu til óbreyttra borgara.

Var mannfall þýskra borgara sem sagt Bandamönnum að kenna en ekki nasistunum sem hófu seinna stríð, og þegar það var tapað, þá gáfust þeir ekki upp heldur vörðust í borgum og bæjum Þýskalands með tilheyrandi mannfalli íbúa þar??

Alveg eins og Íslamistar Hamas sem hafa skotið þúsundum eldflauga frá íbúðablokkum  og flóttamannabúðum Gasa, víggirt skóla og sjúkrahús, allt gert til að valda óbreyttum borgurum Gasa sem mestum þjáningum.

 

Ef einhver er að fremja þjóðarmorð á Gasa þá er það Hamas á sínu eigin fólki.

Staðreynd sem blasir við öllu vitibornu fólki.

Og stríð drepa, þess vegna hefja menn ekki stríð.

 

Eins og ég segi hér að ofan, þá reikna ég með að innlendur viðbjóður sé að ljúga viðrinishætti uppá Höllu.

En það er hlutverk blaðamanna að komast að því.

Kannski sama blaðamanns og í viðtali við Svein Rúnar Hauksson, fyrrum formann félagsins Ísland-Palestína, afhjúpaði Svein Rúnar sem Ekki viðrini, það er að þegar á reyndi þá kaus hann fyrir hönd Ismail Haniyed að afneita þátt hans í voðverkunum 7. október.

Því ella gæti hann, það er Haniyed ekki verið góður maður.

 

Einfaldast væri að spyrja Höllu; Halla ertu viðrini eins og félagar í Ísland-Palestínu halda fram, en líklegast er það of gróft.

Fyrst mætti spyrja hana hvort hún fordæmdi voðaverk systursamtaka Hamas í Sýrlandi, Írak eða löndunum sunnan Sahara. Ef hún svarar því játandi, þá hvort hún fordæmi voðaverk Hamas, eða hvort hún telji þau á einhvern hátt réttlætanleg miðað við forsögu átakanna í Ísrael og Palestínu.

Ef hún fordæmir þau skilyrðislaust þá væri næsta spurning hvað hún teldi þá að stjórnvöld í Ísrael eigi að gera, að láta voðaverkin og gíslatökuna yfir sig ganga??, eða hvað??

 

Eða hvað??

 

Mér persónulega finnst engin skynsemi í hörku ísraelska hersins, eða menn telji það réttlætanlegt að sprengja tugi í loft upp til að fella einn eða tvo leiðtoga Hamas.

Og persónulega finnst mér það heimskt að halda þessu stríði áfram út í hið óendanlega, það er aðeins í þágu öfgamanna, beggja vegna landamæranna.

Persónulega finnst mér líka eldárásirnar á Hamborg og Dresden í seinna stríði vera stríðsglæpur, og það er staðreynd að glæpir Rauða hersins gagnvart óbreyttum borgurum í Þýskalandi voru margfaldar að umfangi miðað við glæpi þýska hersins í Sovétríkjunum.

En stríð snúast aldrei um persónulegar skoðanir utanaðkomandi, þær lúta þeim almennum reglum að sá sem hefur stríð, ber ábyrgð á því, og dráp í stríði eru dráp í stríði þar til annar aðilinn gefst upp.

Svo einfalt er það.

 

Hamas hóf þetta stríð, og það er Hamas að enda það.

Þeirra er ábyrgðin á mannfalli óbreyttra borgara og engra annarra.

Að halda öðru fram er eins og að kyrja faðirvor andskotans.

 

Það er ljótt fyrir Höllu forseta að sitja undir því að vera talin viðrini.

Það er hennar að svara fyrir það.

Og það er skylda fjölmiðla að gera henni það kleyft.

 

Morgunblaðið sló tóninn í gær.

Það má slá annan tón á morgun.

 

Höllu vegna.

Þjóðarinnar vegna.

 

Næg er upplýsingaróreiðan samt í heiminum í dag.

Kveðja að austan.

 

 

 

„Takk, Halla forseti, fyrir að segja þjóðarmorð“

Innsýn í hyldýpi myrkursins

 

Á stundum hefur ein og ein skömmin fokið af þessari síðu út í blaðamennsku Morgunblaðsins, og fundinn upp blóraböggull til að skamma, þessi svo kallaði Femínisti á Morgunblaðinu sem ég þori að veðja um að enginn þar innandyra kannast við.

 

Svo les maður svona viðtal sem afhjúpar, skilur viðmælenda eftir á berangri sinna eigin skoðana, ljótleiki þeirra svo augljós að viðmælandinn kýs sjálfur að kannast ekki við þær.

Enginn ofsi, engin ágengni, viðmælandanum ekki gerðar upp skoðanir, hann einfaldlega fær að tjá sig, og er svo kurteislega spurður hvort hann standi við fullyrðingu sína að góður maður hafi verið drepinn.  Svona í ljósi þess hvernig viðkomandi meint góðmenni var i raun.

Sem Sveinn Rúnar Hauksson treysti sér ekki til, mátti þó eiga það.

Hvað getur maður sagt annað en tær snilld, blaðamennska þekkingar og heilbrigðar skynsemi er ekki útdauð eftir allt saman.

 

Það hefur alltaf sviðið að eiga samlanda sem réttlæta voðaverk Hamas með tilvísan í áratuga baráttu  Palestínuaraba fyrir tilvist sinni eftir að þeir urðu undir í stríðinu við gyðinga 1948.

Að það sé til fólk, sem hefur fengið mannsæmandi uppeldi, átt ömmu sem hefur kennt þeim muninn á réttu og röngu, á sjálft allflest vini og ættingja, jafnvel maka og börn, telur það réttlætanlegt að í nafni einhvers málsstaðar eða meintrar kúgunar sé gerður út herleiðangur með það eina markmiði, að drepa, að nauðga, að limlesta, óbreytta borgara, ungmenni, konur og börn.

Hvað hefur misfarist á lífsleiðinni??, hvernig gat svona mannlegur viðbjóður grafið um sig hjá fólki sem fékk sömu guðsgjafir og við hin til að vera nokkurn veginn eðlilegt og heilbrigt??

 

Allt eðlilegt, heilbrigt fólk veit að það er meintur málstaður út um allt, margur slíkur telur sig kúgaðan eða órétti beittan.

Með því að réttlæta einn óréttlætanlegan viðbjóð með vísan í meintan málstað eða meinta kúgun, þá erum við réttlæta allan viðbjóð þessa heims því sínum augum lítur hver á silfrið.  Við erum að réttlæta nýleg hnífamorð í Bretlandi eða þegar nýnasistar í Þýskalandi brenna inni konur og börn með vísan í að þetta eru innflytjendur, við réttlætum skotárásir ungmenna í skólum Bandaríkjanna, við réttlætum morð, nauðganir, við réttlætum allt.

Við réttlætum Anders Breivik

 

Og til að réttlæta það þarf eitthvað hyldýpi myrkurs sem ekki einu sinni tær illska getur útskýrt, hún er á vissan hátt skiljanleg, því hún er jú ill, en þeir sem réttlæta eða upphefja voðaverk Hamas, hafa ekki þá afsökun sem tær illska er, myrkur þeirra er allt annars eðlis og virðist ekki eiga sér nein takmörk.

 

Höfum þetta í huga þegar við lesum þetta snilldarviðtal við Svein Rúnar Hauksson, og munum líka að markmið voðverkanna 7. október var ekki drápin og viðbjóðurinn sem slíkur, heldur var markmiðið að vekja þau heiftarviðbrögð Ísraelsmanna sem heimurinn hefur síðan orðið vitni að á Gasa.

Hátt í 40 þúsund manns hafa fallið, margfalt fleiri særðir, byggðirnar í rúst, hið daglega líf horfið, kemur aldrei aftur.

 

"Sorg að þessi góði maður" hafi verið drepin", "þetta viðbjóðslega morð", þeir sem helsærðust við að reyna að vernda börnin gegn óða hnífamanninum voru heppin að hafa ekki drepið hann í þeirri vörn, raddir meðal Góða fólksins hefðu örugglega fordæmt viðkomandi sem viðbjóðslega morðingja, að drepa svona ungmenni.  Og óða hunda má víst ekki aflífa lengur, réttur þeirra til að skaða og drepa fólk og skepnur er meiri en þeirra sem skaðast.

En það er ekkert heilbrigt við Góða fólkið.

 

Samt þegar á reyndi, ólíkt mörgum vinum Hamas á Íslandi, gat Sveinn Rúnar Hauksson ekki réttlætt voðaverkin, ekki ef hann ætlaði að standa við orð sín að hinn fallni leiðtogi voðasamtakanna Hamas væri góður maður.

Réttlætingin hélt vissulega ekki vatni eins og blaðamaðurinn benti honum kurteislega á, en réttlætingin sagði samt mikið um Svein Rúnar, voðaverkin og að þrátt fyrir allt, er ekki hægt að réttlæta allt.

".. ég held að það bendi nú í fyrsta lagi ekk­ert til þess að hann hafi leitt þess­ar aðgerðir sem voru 7. októ­ber".

Óþarfi að hafa fleiri orð um þetta, sumt segir sig bara sjálft.

 

Vil samt gefa Sveini Rúnari lokaorð þessa pistils; "Ég held að það sé Guðs að dæma ekki mín, hver sé góður og ekki góður. Það voru ekki mín orð að hann væri góður maður,“ seg­ir Sveinn".

 

Guð dæmir og þann dóm getur enginn flúið.

Hvernig sem menn reyna að réttlæta illvirki sín.

Kveðja að austan.

 

 

 

„Sorg að þessi góði maður“ hafi verið drepinn

Einu voðamenninu færra.

 

En það er bara svo með þetta skrímsli sem þrífst á morðum og drápum, að fyrir hvert höfuð sem er höggvið, spretta 10 upp.

Þó er ljóst að eitt viðbjóðslegasta ómennið í morðingja og hryðjuverkageiranum er fallinn frá, líkt og saklausu samborgara hans sem hann fórnaði miskunnarlaust fyrir draum sinn um útrýmingu ríkis gyðinga.

Eftir stendur arfleið átaka og ofbeldis sem engan enda ætlar að taka.

Og tekur engan endi á meðan Góða fólkið gengur í takt með voðamönnum og upphefur voðaverk þeirra.

 

Því Ismail Haniyeh var nútímamaður, hann áttaði sig á mikilvægi samfélagsmiðla og nútíma samskipta þar sem allt gerist í beinni, því hóf hann átökin 7. október með viðbjóðslegum drápum sem hann vissi að myndi knýja Ísraelsmenn til harkalegra aðgerða, aðgerða sem myndu kosta tugi þúsunda landa hans lífið.

Í öryggi sínu, sem reyndist víst ekki að vera mjög öruggt, taldi hann fórn samlanda sinna léttvæga ef drápin á þeim myndu færa Hamas sigur í áróðrinum, og þá skipti öllu máli að láta liðsmenn samtakanna vígvæða skóla og sjúkrahús, verjast innan um íbúa, skjóta eldflaugum frá íbúðablokkum, allt til að láta hernað Ísraela líta sem verst út á öldum ljósvaka og samfélagsmiðla.

 

Haniyeh er í raun höfundur að stríðinu; Dráp í beinni.

Og komst upp með það, tókst ætlunarverk sitt.

 

Hringavitleysa átakanna heldur áfram.

Menn óttast stigmögnun vegna drápsins á Haniyeh, en sú stigmögnun átti sér stað á upphafsdegi átakanna, eftir þann dag var eina spurningin hvort Góða fólkið gengi i takt með voðamennunum.

Því ef svo yrði þá myndi Hamas halda átökunum út í hið óendanlega, aldrei fallast á vopnahlé.

Og öfgamennirnir í ríkisstjórn Ísraels myndu ekki bregðast þeim.

 

Allt mat Haniyeh gekk eftir.

Dauðinn og drápin.

Meðvirkni Góða fólksins.

Skammsýni öfgagyðinga.

Allt ákaflega sorglegt, segir svo margt um vit mannskepnunnar.

 

Við Íslendingar eigum samt ekki að lúffa fyrir þessu skítapakki.

Það er komið inn fyrir landamæri okkar og herjar á stjórnkerfið.

Dularfulla saksóknaramálið er einn angi þess.

 

Mætum því.

Mætum Hamas.

 

Hamas á ekki heima hér.

Kveðja að austan.

 

 

 

Segja leiðtoga Hamas hafa verið drepinn

Aumar eru afsakanir aumra.

 

Svo aumar að viðkomandi átti aldrei að gegna embætti sínu.

 

Þá vísa ég í að til þess þurfti djúpstætt óeðli á pari við þekkt dæmi þegar lagafólk gengur erinda alræðis og ógnarstjórna, þó vissulega hafi ákæra Jóhönnu Sigurðardóttur gegn Geir Harde aðeins afhjúpað áður óþekktan sjúkleika á Íslandi, vissulega þekktur erlendis fyrr á árum, en líkt og flökkufiskar sem Hafró tilkynnir með auknu rennsli hlýsjávar til Íslands, þá nýlunda á Íslandsmiðum, sem og í okkar smáa samfélagi sem fram að því hafði aldrei upplifað óeðli mannaumingja í lögfræðistétt sem gengu erinda valds og alræðis.

Ekki að Jóhanna greyið hafi verið nokkuð annað en leppur innlendra og erlendra hrægamma vogunarsjóðanna, talið trú um að svik hennar gegn landi og þjóð hafi þjónað þeim æðri markmiðum að koma hjálendu útrásarvíkinganna í skjól Evrópusambandsins, þá þurfti eitthvað sem þjóðin hafði aldrei áður upplifað, til að ákæra Geir eina manna.

Þar var lægst að öllu Sigríður Friðjónsdóttir, sérstakur saksóknari Jóhönnu, sem gekk erinda hennar í fáráðum málflutningsins gegn Geir.

 

Og eins og áður hefur verið minnst á, fyrir það lægsta af því sem lægsta sem þjóðin hafði aldrei kynnst áður, fékk Sigríður þá vegsemd að vera skipuð ríkissaksóknari.

Og jú, jú, gleymum því ekki, hún er kona.

Og örugglega ekki illa gefin, ádeilan snýst um það sem innra er, en aum, svona út frá almennu forsendum, en hún þurfti samt ekki að staðfesta þau almennu sannindi sem ég benti á í fyrri pistli mínum um ofurítök óttastjórnar Hamas á Íslandi, atlögu samtakanna af íslenskri stjórnsýslu og æðstu ráðamönnum þjóðarinnar, í beinu samstarfi við kostuð útibú mannsals og flóttamanna glæpaiðnaðarins á Íslandi, með því senda frá sér svona yfirlýsingu.

Þó hún sé aum.

 

Og aðeins aumur, sem varla er hægt að hæðast að, sendir frá sér svona tilkynningu, sem ég ætla reyndar aðeins að stytta, vegna þess að fáviskan er endurtekin.

"Áminn­ing, sem Helgi Magnús Gunn­ars­son vara­rík­is­sak­sókn­ari hlaut árið 2022, laut að fleiri til­vik­um tján­ing­ar hans en því sem beind­ist að hæl­is­leit­end­um og sam­kyn­hneigðum karl­mönn­um. Þetta árétt­ar Sig­ríður J. Friðjóns­dótt­ir rík­is­sak­sókn­ari í til­kynn­ingu til fjöl­miðla. Segir Helga Magnús ekki hafa bætt ráð sitt.  ..."Um nokk­ur til­vik var að ræða sem náðu aft­ur til árs­ins 2017. Rík­is­sak­sókn­ari tel­ur sér ekki heim­ilt að upp­lýsa nán­ar um þetta. Þá skal einnig tekið fram að kær­ur til­tek­inna sam­taka voru ekki ákvörðun­ar­ástæða fyr­ir fram­send­ingu máls Helga Magnús­ar til dóms­málaráðherra nú né held­ur þegar rík­is­sak­sókn­ari áminnti Helga Magnús" seg­ir rík­is­sak­sókn­ari enn frem­ur í til­kynn­ingu sinni.".

 

Vá, það að vera aumur þýðir samt ekki það sama að viðkomandi sé greindarskertur, og vissulega má ætla að Sigríður Friðjónsdóttir ríkissaksóknari sé það ekki.  En það lýsir samt ekki miklu viti að ætla almenning greindarskertan, þó viss rök megi færa fyrir að vitsmunir ákveðinna blaðamanna Morgunblaðsins séu ekki miklir, og eiginlega þá hefur Fréttastjóri Rúv fyllt upp í fréttastofuna með fólki sem vægast sagt veður ekki í vitinu í fréttum og fréttaskýringu sínum.  En ekki greindarskert engu að síður.

 

Sigríður, sem aldrei átti að vera skipuð ríkissaksóknari, og ég get rétt ímyndað mér þumalskrúfurnar sem Steingrímur Joð setti á Ögmund til að hann stæði við samkomulag Steingríms við Jóhönnu, virðist samt ganga út frá því að þjóðin sé greindarskert, að hún tengi ekki aðför hennar að Helga, við atburði nýliðinna vikna, þar sem Helgi gat loksins ekki þagað, og benti á augljós tengsl alþjóða glæpaiðnaðarins við innsta kjarna VinstriGrænna.

 

Þegar Sigríður fattaði að dómsmálaráðherra var ekki lengur Ögmundur Jónasson, að hún nyti ekki lengur skjóls helfararríkisstjórnar Jóhönnu og Steingríms, enda rúmur áratugur síðan að það skjól var til staðar, þá áttaði hún sig á, að aðför hennar að sannleikanum, var um leið aðför að restinni af trúverðugleik Sjálfstæðisflokksins.

Að þetta snérist ekki lengur um að hún gæti rægt Helga með þekktum Óráðum skriffinnskunnar, að gefa eitthvað í skyn en vísa í trúnað um einstök atriði, þekkt nálgun sækópata og stórlygara, því í á milli væri Sjálfstæðisflokkurinn undir.

Sjálfstæðisflokkurinn sem kyngdi beinni hryðjuverkaatlögu Svanhvítar Svavarsdóttur að lífsafkomu fjölda fólks, ef hann kyngdi líka atlögu örleifa ríkisstjórnar Jóhönnu Sigurðardóttur að embættismanni sem hefur gengt störfum sínum af trúmennsku við lög og stjórnarskrá landsins (þú skalt ekki erlendu valdi lúta, þú skalt ekki vinna í þágu alþjóðlegra glæpasamtaka) og hans eini glæpur var að segja satt um óhefta innflytjenda stefnu stjórnvalda, þá væri engin Sjálfstæðisflokkur til staðar í næstu kosningum.

 

Sigríður lagði sem sagt höfuð sitt undir svo Guðrún Hafsteins gæti fórnað sínu eigin höfði, og höfði flokks hennar.

Vá!!, hvílíkt drama hjá fólki sem er ekki lengur í neinum tengslum við þjóð sína.

VinstriGrænir að þurrkast út, Sjálfstæðisflokkurinn í vafa hvort hann eigi að feta þau feigðarspor.

 

Fyrir þjóðina, það er þau okkar sem eru ennþá íslensk, er valið ekkert.

Það er ekki annað hvort Sigríður eða Sjálfstæðisflokkurinn.

 

Það er heldur ekkert val fyrir dúkkulísurnar sem Sjálfstæðisflokkurinn hefur verpt eins og gaukur í hreiður löggæslu þjóðarinnar.

Það gilda lög um hryðjuverk, um hryðjuverkastarfsemi, það vita allir þeir sem ætla að millifæra örfáar krónur til ættingja sinna utanlands, eða fá millifærslu frá þeim.  Þar er veggur sem segir, þú ferð ekki yfir, því þú, til dæmis níræð móðir mín, gæti verið að fjármagna hryðjuverkastarfsemi.

Svo getur Hamas vegið að íslenskum stjórnvöldum, haldið úti símótmælum til stuðnings Glæpum gegn mannkyni, ógnað fólki, hótað að ríkissaksóknari gangi erinda samtakanna.

Það er ókei en millifærslu mömmu er það ekki.

 

Svo er það einhver deild þarna sem dúkkulýsur Sjálfstæðisflokksins hafa æðsta vald yfir, sem á að berjast gegn skipulagðri glæpastarfsemi, þá sérstaklega gegn alþjóðlegum glæpasamtökum.

Samt starfar mannsals og glæpaiðnaðurinn beint fyrir framan nefið á viðkomandi deild, aldrei sagt orð, en sérsveitin kannski send á einhvern ógæfumanninn sem hefur fengið sér of mikið í tána, og skýtur úr byssu sinni út í loftið í einhverju fyllerísröfli.

Mannsals og glæpaiðnaðurinn getur líka treyst á erindarekstur núverandi ríkissaksóknara.

 

Og við sem þjóð þegjum.

Kyngjum þessu.

Eins og sú auma hafi rétt fyrir sér þegar hún telur okkur greindarskert.

 

Samt ekki, Sigmundur Davíð upplýsti á feisbókarfærslu að hann væri ekki greindarskertur, einn stjórnmálamanna.

Þungir pennar hér á Moggablogginu mótmæltu þessari aðför Sigríðar Friðjónsdóttur að staðreyndum.

Orð þeirra hafa verið lesin.

 

Því stundum ofbýður fólki.

Segir hingað og ekki lengra.

 

Hvort dómsmálaráðherra fatti það er önnur saga.

Það eina sem ég veit að hún mun aldrei komast upp með sögufölsun.

 

Í þessu máli er tími lyganna liðinn.

Kveðja að austan.

Áminning Helga laut að fleiri tilvikum

Ríkissaksóknari gengur erinda alþjóðlegra glæpasamtaka.

 

Það er leitun af aumari manneskju en Sigríði Friðjónsdóttur ríkissaksóknara.

 

Vegsemd hennar byggist á að hún gekk erinda óhæfu Jóhönnu Sigurðardóttur og ríkisstjórnar hennar þegar Jóhanna lét Alþingi samþykkja að Landsdómur myndi ákæra Geir Haarde einan manna vegna meintrar ábyrgðar ríkisstjórnar hans á bankahruninu.

Þar gekk Sigríður beint í fótspor mannaumingja í lögfræðingastétt sem hafa látið  nota sig í pólitískum ofsóknum alræðis og öfgastjórna gagnvart lög og rétti.  Mannaumingja eins og þá saksóknara sem unnu fyrir Stalín í Moskvuréttarhöldunum eða sem nasistastjórn Hitlers notaði til að þagga niður í réttlætisrödd Hvítu Rósarinnar, svo þekktustu dæmin séu nefnd.

Svo er Sigríður kona, það er reyndar ekki aumt, á að teljast til tekna, nema þegar það að vera kona, telst forsenda meintrar hæfni.

 

Solaris eru sögð hjálparsamtök.

Margtuggið og margnotað orð, margnotað skálkaskjól glæpa og hryðjuverkasamtaka.

 

Þegar æðsti og öflugasti fjármagnari haturs og hryðjuverka Íslamista um allan heim, krónprins Saudi Arabíu og raunverulegur stjórnandi landsins, Mohammed bin Salman lét myrða bandaríska blaðamanninn Jamal Khashoggi, sem var af Saudi arabískum ættum og hafði afhjúpað leyndarþræði hryðjuverkastarfsemi Íslamista sem Salman skipulagði og fjármagnaði og Salman lét myrða í sendiráði Saudi Arabíu í Istanbúl, þá fékk Salman yfir sig kastljós sem hann hafði fram af þessu getað keypt sig frá.

Eitt af því sem kom fram að upphaf hryðjuverka úr hans ranni mátti rekja til hjálpar og góðgerðasamtaka sem hann fjármagnaði í Bosníu.  Samtaka sem slógu jafnvel Serba út í grimmd og viðbjóði, og voru upphaf af voðaverkum sem Íslamistar Ríki Íslams og Hamas hafa síðan gert af kennimarki Íslamista.

Meint hjálpar og góðgerðarsamtök voru síðan megin fingraför fjármögnunar Sauda auk annarra miðaldaríkja Persaflóans við hatursútbreiðslu Íslamista, voðaverk þeirra og hryðjuverk.

 

En Salman fann ekki upp þessa misnotkun á orðinu hjálpar- og góðgerðarsamtök, allir unnendur James Bond muna að heróínsalinn í Live and Let Die myndinni dreifði eiturlyfjum sínum í gegnum eitthvað álíka fyrirbæri.

Bíómynd vissulega, en byggðist á grjóthörðum raunveruleik hinnar skipulögðu glæpastarfsemi eiturlyfjahringanna.

Raunveruleik sem virkar vel fyrir glæpa og hryðjuverkasamtök til að búa til skálkaskjól um starfsemi sína.

 

Í dag, á eftir eiturlyfjaiðnaðinum er mannsals og flóttamannaiðnaðurinn sá glæpaiðnaður sem skilar glæpafólki mestum tekjum og gróða.

Verkfæri hans eru margs konar en mikilvægust eru ýmiskonar hjálpar og góðgerðasamtök ásamt tibúnum þrýstihópum, sem auðvelda mannsalið og sístreymi flóttafólks til vestrænna landa.

Þessi verkfæri stjórnar umræðunni, láta eins og enginn sé morgundagurinn og að auðugri samfélög Vesturlanda geti endalaust tekið við afurðum glæpaiðnaðarins, fólki fátækra landa sem er að leita að betri lífskjörum, eða fólki í flóttamannabúðum sem borgar glæpaklíkum fyrir að koma sér þaðan eftir þekktum flóttamannaleiðum til Vesturlanda, og þá er tikkað í box samvisku og góðmennsku, því hver vill ekki hjálpa fólki í neyð?

Á Íslandi í dag tala þessi verkfæri þannig að okkar rúmlega 300 þúsund manna þjóð, geti léttilega orðið að 400 þúsund manna þjóð, svo 500 þúsund, og svo, og svo, það er jú bara aðeins 100 milljónir flóttamanna í heiminum, og svo kannski 500-800 milljónir í viðbót sem vilja flýja slæm lífskjör heimaslóða, og í raun ekkert mál fyrir 300 þúsund manna þjóð að taka við þeim öllum.

 

Sú síbylja dynur á þjóðinni dag eftir dag, að baki liggur ekki hin augljósa heimska fáráðarinnar að 300 þúsund manna þjóð geti leyst allan flótta og lífskjaravanda heimsins, það er ekkert fólk svona heimskt nema kannski einn og einn fréttamaður á Mogganum og á Rúv, heldur er þetta fólk í vinnunni.

Það brýtur niður viðspyrnu og heilbrigða skynsemi þjóðarinnar. Í samkrulli við einhver ógnaröfl glóbalvæðingarinnar sem fjármagna forheimsku rétttrúnaðarins á Íslandi.

Þjóð án viðspyrnu er auðveld bráð.

 

Sekt Helga felst í að benda á sannleikann.

Benda á hlutverk hinna meintu hjálparsamtaka, benda á hlutverk atvinnugóðmenna, sem nýtt hafa sér bágindi heimsins til að útbúa svikamyllu handa sér og sínum, mergsjúga úr kerfinu fjármuni sem annars gætu farið í að hjálpa flóttafólki, börnum þess, útvega þeim heilbrigðisþjónustu og menntun þar sem þau dvelja í flóttamannabúðum.

En ekki hvað síst þá ber Helgi líklegast ábyrgð á því að Góða fólkið innan lögreglunnar komst ekki upp með samsekt mútugreiðslna og hins meinta stuðnings hinna meintu hjálparsamtaka við voðamennin í Hamas og voðaverk þeirra.

Líklegast hans stærsti glæpur að hafa krafið Góða fólkið innan lögreglunnar skýringa á þeirri samsekt að rannsaka ekki augljós brot á lögum um mútugreiðslur og stuðning við hryðjuverkasamtök.

 

Það er tímanna tákn að sá einstaklingur sem mest æpir í þágu þessa glæpaiðnaðar, ítrekaður sekur um hatursorðræðu gegn þjóðinni sem hýsir hann, skuli geta pantað svona aðför að íslensku réttarkerfi.

Komist hann upp með það, komist ríkissaksóknari upp með að ganga erinda glæpaiðnaðarins og vega af þeim embættismanni sem þorir að benda á staðreyndir mála og þorir að snúast gegn rétttrúnaðinum þegar hann gengur svo langt að halda hlífiskildi yfir mútugreiðslum og augljósum stuðningi við hryðjuverkasamtök Hamas, þá er ljóst að núverandi dómsmálaráðherra er ekki starfi sínu vaxin.

Aðeins enn ein brúðan úr ranni Valhallar, þjónandi einhverjum annarlegum hagsmunum glóbalsins, með alls ófær um að standa ístaðið fyrir þjóðina sem þó veitir henni þann trúnað að vera æðsti yfirmaður dóms og réttarkerfis þjóðarinnar.

 

Þá er runnin upp Ögurstund þjóðarinnar.

Spurning um sjálft sjálfstæði hennar og tilveru.

 

Spurningar sem krefjast uppgjörs.

Um hver stjórni í raun Íslandi.

Kveðja að austan.

 

 

Helgi verði leystur frá störfum tímabundið