"Mín leið er lík­ari margtugg­inni sænskri leið".

 

Sagði þingmaður Sjálfstæðisflokksins, Sigríður Andersen í forkastanlegu viðtali við Mbl.is þar sem hún útskýrði árásir sínar á stefnu íslensku sóttvarnaryfirvalda.

 

Tilefnið var yfirlýsing sem hægriöfgaveita, svona veita sem berst fyrir skattleysi auðmanna, réttlætir fjármagnsflutninga í skattaskjól, vil afnema samneyslu eins og ókeypis menntun eða heilsugæslu, afnema verkalýðsfélög auk annarra samtaka launþega, réttlætir útvistun starfa í þrælabúðir Kína og svo framvegis, fékk nokkra vísindamenn til að skrifa undir yfirlýsingu þar sem hvatt var til að veiran fengi svipað frelsi og alþjóðavæðingin hefur gefið auðmönnum til að ræna og rupla vestræn samfélög.

Frelsi sem óhjákvæmilega mun kosta milljónir Evrópubúa lífið, en hvað geri hægri öfginn ekki fyrir sínar minnstu lífverur eins og drápsveirur??

 

Enginn borgarlegur vestrænn fjölmiðill hefði birt þetta viðtal við Sigríði Andersen án þess að leiðrétta rangfærslur hennar með nýjum spurningum.

Nema Morgunblaðið því þar stjórnar fólk sem hefur barist gegn sóttvörnum þjóðarinnar, og allar slíkar árásir átt þar öruggt pláss, og yfirleitt hampað líkt og þetta símaviðtal Sigríðar Andersen við þessa vísindamenn hægri öfgaveitunnar sem berst fyrir þeirri leið að veiran fái frelsi til að drepa þar til hið svokallaða hjarðónæmi sé náð.

Líkt og lifandi fólk sé einhverjir gripir sem megi slátra.

 

Ég hef fjallað um helstu rangfærslu Sigríðar í síðustu 2 pistlum, vitandi vel að það les enginn svona skrif, útbreiðsla rangfærslnanna er ekki stöðvuð nema Mogginn sé dreginn til ábyrgðar, eða að Sjálfstæðisflokkurinn sé látinn svara til saka fyrir allt það tjón sem andóf hans gegn sóttvörnum þjóðarinnar hefur valdið.

Í því samhengi má ekki gleyma ábyrgð hans á því að landamærunum var lokað of seint í sumar, vegna tregðu flokksins að samþykkja tvær skimanir með sóttkví á milli, glæpsamlegt athæfi sem ber beina ábyrgð á andláti 14 samlanda okkar, auk allra þeirra hafta sem við höfum upplifað frá því að þriðja bylgju frönsku veirunnar hófst.

 

Franska veiran komst inní landið 14. ágúst, sóttvarnaryfirvöld náðu loksins að brjóta andstöðu Sjálfstæðisflokksins á bak aftur með lokun landamæranna 19. ágúst.

Ef Þjóðaröryggisráð hefði staðið undir hlutverki sínu og skipað ríkislögreglustjóra að handtaka þá þingmenn og ráðherra Sjálfstæðisflokksins sem börðust gegn sóttvörnum á landamærunum, þá hefði landamærunum verið lokað mun fyrr, og við værum ekki að berjast við núverandi bylgju.

Um þetta þarf ekki að rífast, núna síðast í dag staðfesti Þórólfur Guðnason að þriðja bylgjan væri öll vegna frönsku veirunnar, undantekningin væri 2 hópsmit sem hefðu verið staðbundin, og hefðist strax náð að einangrast.

 

Við sem þjóð erum lítilmenni ef við látum hægri öfga fólkið komast upp með þetta.

Við snérumst til varnar í Icesave, en látum þetta yfir okkur ganga.

Eins og ekkert okkar eigi feður, mæður, afa eða ömmur líkt og fólkið var sem féll fyrir kórónuveirunni

Þetta var ekkert shit happens, þetta var viljaverk, frá fyrsta degi hefur verið grafið undan sóttvörnum þjóðarinnar, þær sagðar ganga of langt, úr takti við alvarleik veirunnar eða það sem aðrar þjóðir gera.

 

Allt hefur sannast rangt, það eru allar þjóðir að loka.

Og núna í dag Svíar.

Síðasta haldreipið um það að það virki að gera lítið sem ekki neitt, sem er reyndar ekki rétt, sænsk stjórnvöld gerðu margt, en bara of seint, með þeim afleiðingum að þúsundir Svía féllu að óþörfu.

 

Féllu að óþörfu.

Samt er því mannfalli hampað af ákveðnum þingmönnum Sjálfstæðisflokksins, og sjálfur formaður flokksins sagðist vera stoltur af þeim röddum.

Og þetta er fólkið sem stjórnar okkur.

Það hampaði fjöldamorðum því þegar sænsk stjórnvöld gripu ekki til aðgerða þá var vitað hvað veiran var banvæn, þau brugðust þeirri grunnskyldu að vernda alla þegna landsins.

 

Í dag var sænska leiðin kvödd, síðasti naglinn í líkkistu hægri öfganna í Sjálfstæðisflokksins.

Í gær barst frétt frá Bretlandi um alvarleik veirunnar fyrir þá sem sýktust en lifðu;

"Talið er að um 60 þúsund Bret­ar glími enn við ein­kenni Covid-19 mörg­um mánuðum eft­ir að hafa greinst með kór­ónu­veiruna. Ung­ir og heil­brigðir ein­stak­ling­ar hafa sýnt ein­kenni líf­færa­bil­un­ar og skertr­ar lík­ams­starf­semi allt að fjór­um mánuðum eft­ir sýk­ingu. Ein­stak­ling­ar með langa Covid hafa lýst viðvar­andi ein­kenn­um á borð við þreytu, and­leysi, verki og heilaþoku".

Annar naglinn í stuðningi hægri öfganna í Sjálfstæðisflokknum við þær raddir sem gera lítið úr alvarleik kóvid farsóttarinnar.

"Hvað með þá sem fá veiruna og virðast lengi glíma við eftir­köst henn­ar? (spurning blaðamanns) „Það eru ein­hver dæmi um slíkt. Sér­fræðing­ar segja mér að það komi eng­um á óvart en það er ein­kenni á svona veir­um. In­flú­ens­ur hafi líka þess­ar af­leiðing­ar en sér­fræðing­ur benti á að þetta væri ekki í meira mæli vegna Covid en annarra veiru­sýk­inga".

Einhver dæmi já, en þó blaðamaðurinn hefði ekki þessa frétt frá Bretlandi við höndina, þá átti hann að vita um þessar hliðaverkanir kóvid sýkingarinnar, svo mikið hefur hún verið í fréttu og umræðunni, bæði hér á landi sem og erlendis.

En kannski var hann eins og blaðakonan sem tók viðtalið við Khomein æðstaklerk, hún leyfði honum bara að tala, og það viðtal jarðaði ímynd hans hjá öllu vitibornu fólki, aðeins trúaröfgarnar kinkuðu kolli.

 

Samt var óþarfi hjá blaðamanninum að láta þessa setningu fara óátalda í gegn, allavega hefði Twitter ekki gert slíkt.

"Þess vegna er svo skrítið að menn hafi gefið í í þess­um sótt­varnaaðgerðum þegar líður á far­ald­ur­inn og þegar það er al­veg ljóst að menn eru að veikj­ast minna og höndla far­ald­ur­inn bet­ur. Þá er gripið til harðari aðgerða. Það þarf að út­skýra það".

Svona í ljósi þess að bara þennan mánuðinn hefur Mbl.is sagt á annan tug frétta um hertar sóttvarnir í löndum Evrópu, þar sem tilkynnt er um samfélagslegar lokanir af einhverju tagi.

Skoðanakannanir sýna að það eru einhverjir einfeldningar þarna úti sem trúa svona vitleysu, hundsa fréttaflutning en móta sér skoðanir út frá rugli og rangfærslum.

En það má víst ekki gleyma hinum nýráðna yfirmanni sem vill að svona rugl fari ómengað í gegn, tilgangurinn, að stuðla að ótímabæru andláti samlanda okkar, helgar víst meðalið.

 

Eftir stendur Alþingi sem líður svona lygaþvætting án þess að viðkomandi þingmaður sé knúinn til afsagnar.

Ásamt því að tafarlaust sé rannsakað hve margir þingmenn eru að baki þessu bulli og rangfærslum.

Tilgangurinn er augljós, það er verið að þrýsta á ótímabæru opnun landamæranna sem og að slakað verði of snemma á sóttvörnum.

Síðast kostaði svona atlaga 14 mannslíf, og ekki útséð um hvort þau verði fleiri sem tengja má við frönsku veiruna.  Enn og aftur, hún slapp inní landið 14. ágúst, tregðan við að loka á lekann við landamærin seinkaði augljósum aðgerðum til 19. ágúst.

Staðreyndir sem er ekki hægt að rífast við, eða rífast um.

 

Það er ekki að ástæðulausu að þeir sem afneita Helförinni eru sóttir til saka í Þýskalandi og Austurríki.

Þar brenna vítin sem þarf að varast beint á fólki.

 

En í alvöru, það er enginn minni glæpur að afneita alvarleik kóvid veirunnar.

Hún drepur ef það er ekki skorið á smitleiðir hennar, við eru aðeins í upphafi faraldursins, og enginn veit endinn fyrr en lækning finnst.

Að líða afneitunina er eins og að líða réttlætingu fjöldamorða.

 

Og ef afneitunin vinnur beint gegn sóttvörnum þjóða, þá er hún tilraun til slíkra morða.

Í upphafi vissu menn ekki, en síðan í vor hefur hafa menn vitað.

Aðeins annarlegur tilgangur grefur undan þeirri vitneskju.

 

Í dag var sænska leiðin kvödd.

En það er tími til kominn að fleiri séu kvaddir.

Til dæmis þeir sem ógna lífi og limum samborgara sinna.

 

Það hefur verið sagt bless af minna tilefni.

Kveðja að austan.

 

 

 

 

 

 

Átta manna samkomubann í Svíþjóð

Þau munu hittast í himnaríki.

 

Svo ég vísi í fyrirsögn á átakanlegri frétt sem birtist hér á Mbl.is og sagði frá harmleik fjölskyldu vestur í Utha í Bandaríkjunum, rætt var við móður sem missti bæði móðir sína og afa völdum kóvid veirunnar.

Og þar tel ég öruggt að þau munu ekki rekast á fólkið sem barðist hatrammlega fyrir ótímabærum dauða þess, eða annarra fórnarlamba kóvid veirunnar, jafnt í Bandaríkjunum eða í öðrum vestrænum löndum.

Því fólki er ætlað vist á öðrum stað.

 

Af hverju??

Þessi orð Lindsay Wotton, sem missti bæði móður sína og afa af völdum kórónuveirunnar í október segja allt sem segja þarf um það myrkur sem hefur fengið að skjóta rótum í hinum vestræna heimi og kemst óátalið upp með myrkrarverk sín.

""Það er erfitt þegar fólk ger­ir lítið úr kór­ónu­veirunni og seg­ir hana ekki vera neitt meira en flensu, því fyr­ir suma er það ekki þannig. Fyr­ir suma kost­ar þetta lífið. Börn­in mín fá ekki ömmu sína, mamma mín mun aldrei sjá barna­börn­in sín gifta sig."".

Það eru líka íslensk börn í þessari stöðu, það hafa 14 samlandar okkar látist vegna hins stöðuga nags gegn sóttvörnum þjóðarinnar, það munaði þremur dögum að þetta fólk hefði lifað, baráttan við myrkrið innan Sjálfstæðisflokksins stóð hins vegar yfir í nokkrar vikur áður en flokkurinn gaf eftir og samþykkti lokun landamæranna nema skimað væri 2 og 5 daga sóttkví þar á milli.

 

Og þetta fólk hefur ekkert lært, við sáum það á fréttum gærdagsins, þar sem hægri öfginn á ritstjórn Morgunblaðsins gerði það að aðalfrétt að fólkið sem berst fyrir ótímabærum dauða samlanda okkar, hélt símafund með þekktum vísindamönnum sem hafa lagt til uppgjöf gagnvart veirunni, að henni sé leyft að grassera og drepa þar til hjarðónæmi er náð. 

Milljónir munu óhjákvæmilega falla, tugmilljónir veiklast illa um langa framtíð sbr."Lingering symptoms like weakness, shortness of breath, trouble focusing and, in some cases, kidney and heart problems are much more common after COVID-19 than after influenza.".

En svo svört er sálin ekki hjá þessum vísindamönnum að þeir líki kovid við flensu, þeir viðurkenna alvarleik veirunnar; "Við vitum að dánarlíkur af COVID-19 eru meira en þúsundfalt hærri hjá öldruðum og veikum en ungu fólki"( þýðing Þorsteinn Siglaugsson).

 

Það eru rök að baki tillögum Barrington hópsins sem ekki verða rakin hér, en það sem knýr andófið gegn innlendum sóttvörnum er sú einfalda viðleitni að opna landamærin, og afnema strangar fjöldatakmarkanir sem og að leyfa alla starfsemi í samfélaginu.

Með þekktum afleiðingum hér, dauða líkt og reyndin um alla Evrópu og Bandaríkin.

Sé einhver efi þá var honum eytt í viðtali Morgunblaðsins við opinberan talsmenn þeirra þingmanna Sjálfstæðisflokksins sem standa í andófinu gegn sóttvörnum,  Sigríði Andersen.  Hún er ekki að eyða kröftum sínum að tala máli Barrington leiðarinnar, heldur að halda á lofti gömlum og nýjum rökum hennar gegn sóttvörnum þjóðarinnar.

Síðasti pistill er tengdur því viðtali, en gott að taka nokkur brot til upprifjunar.

 "Hvert ein­asta ár skap­ast neyðarástand á Land­spít­al­an­um út af in­flú­ensu og ýms­um kvill­um. Við höf­um séð, ef marka má orð sér­fræðinga, að fólk veikist minna þótt fleiri smit grein­ist.".

Inflúensa og ýmsir kvillar, vissulega hafa þeir reynt á Landspítalann en það deyja ekki 14 sjúklingar þó fólk með inflúensu mæti í vinnuna, alvarleiki veirunnar er sá að hún er bráðsmitandi, og það þarf ekki nema eitt smit, og margir geta fallið vegna þess.

 

"Þess vegna er svo skrítið að menn hafi gefið í í þess­um sótt­varnaaðgerðum þegar líður á far­ald­ur­inn og þegar það er al­veg ljóst að menn eru að veikj­ast minna og höndla far­ald­ur­inn bet­ur. Þá er gripið til harðari aðgerða. Það þarf að út­skýra það.".

Það berast stanslausar fréttir af hertum sóttvarnaraðgerðum um alla Evrópu sem og Bandaríkjunum. Nú þegar er dánartölur í veldisvexti í mörgum löndum. Sem þýðir á mannamáli að ef aðgerðir eru ekki hertar á þann hátt að gripið er til samfélagslegra lokana, þá hrynja heilbrigðiskerfin, og sinna hvorki veikum kóvid sjúklingum eða öðru illa veiku fólki. Ástand sem kallaðist mannfall hér á árum áður.

 

"Ég hef ekk­ert legið á mín­um skoðunum og þetta er ákveðin leið sem ég tala fyr­ir og óska eft­ir skýr­ing­um frá yf­ir­völd­um. Af hverju fara menn þessa leið? spyr Sig­ríður og bæt­ir við að sín leið sé lík­ari margtugg­inni sænskri leið, sem sótt­varna­lækn­ir hafi upp­haf­lega viljað feta."

Svíar eru með margföld dauðsföll miðað við íbúafjölda en önnur Norðurlönd, hér hefðu 200 manns látist ef árangur okkar væri sá sami.

Hver berst fyrir þessu??

Í alvöru talað.

 

Það er hins vegar rétt að læknavísindin ráða betur við að meðhöndla lungnapestina sem dregur flesta kóvid sjúklinga til dauða.

Og hver dagur sem líður mun bæta við þá þekkingu.

Eins eru nothæf bóluefni á lokastigi þróunar, þar hafa lyfjafyrirtæki með samhentu átaki gert kraftaverk.

 

Ekki innan svo langs tíma eigum við til meðöl, tæki og tól ráða við þessa farsótt, og þá er hægt að opna landamæri, slaka á sóttvörnum, og taka slaginn við þau tilvik sem óhjákvæmileg blossa alltaf upp.

Það væri mjög sorglegt að myrkrið hefði áður náð að naga það mikið undan sóttvörnum þjóðarinnar að veiran fengi frelsi til að stuðla að ótímabæru andláti samlanda okkar.

Hefði því tekist ætlunarverk sitt í vor, þá hefðu fleiri fallið en þeir 14 sem féllu á Landakoti ef svipuð hópsýking hefði komið þá upp.  Vegna þess að þá vissu menn ekki eins mikið, gátu ekki bjargað lífi eins margra.

Hefðu landamærin haldið í sumar, og þessir 14 samlandar okkar væru á lífi, en nagið hefði til dæmis brotið niður sóttvarnir í byrjun næsta árs, þá er líklegt að færri hefðu fallið þá svipuð sýking kæmi upp, enn og aftur þökk sé framförum.

 

Við eigum læknavísindunum, jafnt þekkingu þeirra á sóttvörnum sem og þekkingu þeirra að glíma við banvæna vírussjúkdóma, því að þakka að þúsundir landa okkar, líklegast talið í einhverjum tug, dóu ekki á fyrstu mánuðum kóvid faraldursins.

Í Evrópu má tala um milljónir, um allan heim ennþá fleiri milljónir.

Þekking vísindanna er ekki fullkomin, en samt sú besta sem við höfum.

Þetta er fólkið sem varaði við ótímabæri opnun landamæranna í byrjun sumar, öll þeirra varnaðarorð hafa gengið eftir.

Þetta er fólkið sem leiðbeinir okkur í dag, út frá sínu besta viti og þekkingu.

 

Og það væri ákaflega heimskulegt að hætta að hlusta á það.

Það var gert í sumar og haust um alla Evrópu, þar hafði nagið gegn sóttvörnum betur.

Afleiðingarnar eru líka þekktar, heilbrigðiskerfi á þolmörkum, dánartölur víða í veldisvexti, annars staðar í stöðugum vexti því smitið er ekki ennþá óviðráðanlegt, og ekki hvað síst, alls staðar er verið að loka.

 

Maður hlýtur að spyrja sig, af hverju dúkkar þessi umræða upp aftur og aftur??

Hvað gengur fólki til??

 

Og ekki hvað síst, af hverju kemst það upp með það??

Kveðja að austan.

 

Hverjir áttu að deyja??

 

Það er athyglisvert að þingmaður Sjálfstæðisflokksins og fyrrum ráðherra flokksins skuli gráta að íslensk stjórnvöld skuli ekki hafa fylgt hinni svokölluðu sænsku leið í sóttvörnum sínum.

Ef við hefðum fylgt fordæmi þeirra þá væru núna um 200 manns látnir úr veirunni, en ekki þeir 25 sem þegar hafa fallið.

Og þá miðað við þá forsendu að veiran hefði verið jafn lítið smitandi hérna líkt og hún var í Svíþjóð.

 

Það vill svo til að fólkið sem barðist gegn lokun landamæranna í sumar tókst að fresta lokun þeirra um hátt í hálfan mánuð eftir ljóst var að landamærin héldu ekki með einni skimun.

Hefðu heilbrigðisyfirvöldum borið gæfu til að loka landinu viku fyrr, þá værum við frjáls þjóð, laus að mestu við veiruna, mannlíf gengi hér nokkurn veginn eðlilega líkt og á Nýja Sjálandi eða Taivan, sem eru dæmi um lönd sem taka slaginn á landamærum sínum, en sleppi veiran í gegn, þá er barist gegn henni af fullum þunga þar til að öll smit eru uppræt.

 

Og 14 samlandar okkar, eldri borgarar sem áttu það inni hjá þjóð sinni að njóta öryggi á ævikvöldi sínu, væru á lífi.

Við þekkjum nöfn þeirra, fólkið sem dó vegna þess að illkynja æxli fékk að grafa undan sóttvörnum þjóðarinnar.

Illkynja æxli sem grætur það að fleiri hafi ekki dáið, eins slæmt og maður hefði haldið að dánartalan væri 73 af milljón, þá telur það eftirsóknarverðara að hún hefði verið 609 per milljón, og fer hækkandi hjá hinni norrænu bræðraþjóð okkar.

 

Sjónarmið vissulega.

Hlýtur að vera, annars væri formaður Sjálfstæðisflokksins ekki að mæra þessar raddir, þessi sjónarmið, þó því sé alltaf bætt við að hann og flokkurinn styðji núverandi sóttvarnir.

Samt, það þarf að gæta meðalhófs, og var það ekki það sem Svíarnir gerðu??

 

Sem Svíarnir gerðu reyndar ekki, þeir gripu bara seint og illa inní faraldurinn, ekki fyrr en hann hafði fellt fleiri en höfðu fallið í landinu í rúma öld eða frá hungursneyðinni miklu sem hrakti hundruð þúsunda Svía úr landi til Ameríku að leit að betra lífi.

Það voru sóttvarnir í Svíþjóð, og það harðar.

Blessaður hann bróðir minn sem á heima þar, mátti aðeins fara 2 kílómetra að heiman í sumarfríi sínu.  Það var lokað á allar heimsóknir á hjúkrunarheimili langt fram á sumar, og svo framvegis.

Og það dóu þrefalt fleiri í Svíþjóð en á hinum Norðurlöndum til samans.

 

"Sig­ríður Á. And­er­sen, þingmaður Sjálf­stæðis­flokks­ins, vill að hér á landi séu sótt­varnaaðgerðir frek­ar í ætt við þær í Svíþjóð og seg­ir það hafa verið svo hér þegar kór­ónu­veir­an steig fyrst á land. „Þess vegna er svo skrítið að menn hafi gefið í í þess­um sótt­varnaaðgerðum þegar líður á far­ald­ur­inn,“ seg­ir Sig­ríður í sam­tali við mbl.is."

Já, það er ekki öll vitleysan eins.

Eina landið þar sem stjórnvöld með slóðaskap sínum drápu þúsundir samlanda sinna, er fyrirmynd einhverra þingmanna í Sjálfstæðisflokknum þó aðeins einn sé það kjarkmikill að koma þeirri hugsun í orð á opinberum vettvangi.

Hinir bara naga bak við tjöldin.

 

Kjark ber að virða, en aumur er hann samt ef ekki er farið alla leið og sagt hverjir lifa í dag sem áttu að deyja í vor.

Og hverjir eiga síðan að deyja í haust og vetur fyrst barist er fyrir opnum tjöldum gegn sóttvörnum þjóðarinnar og hvatt til sænsku drápsleiðarinnar??

Það er ekki endalaust hægt að fela sig á bak við tölfræðina, þegar sú tölfræði fjallar um dauðann, og kvartað er yfir að "gefið er í" svo þeir sem hefðu dáið, fengju að lifa.

 

Svo ég spyr þessa þingmenn Sjálfstæðisflokksins.

Hverjir áttu að deyja.

 

Og ég hvet aðra til að spyrja þess sama.

Kveðja að austan.

 

Viðbót.

Eftir að ég henti inn þessum pistli þá varð mér hugsað til þessarar fullyrðingar Sigríðar; "Hvað með þá sem fá veiruna og virðast lengi glíma við eftir­köst henn­ar? „Það eru ein­hver dæmi um slíkt. Sér­fræðing­ar segja mér að það komi eng­um á óvart en það er ein­kenni á svona veir­um. In­flú­ens­ur hafi líka þess­ar af­leiðing­ar en sér­fræðing­ur benti á að þetta væri ekki í meira mæli vegna Covid en annarra veiru­sýk­inga,“ seg­ir Sig­ríður." og ákvað að spyrja Gúgla frænda um þessa fullyrðingu hennar.

Gúgli vísaði mér á grein Johns Hopkins skólans, þessi þarna sem heldur svo vel utan um Kóvid tölfræðina og þar er þessari spurningu blaðamanns Mbl.is svarað á annan hátt;

"Are there long-term health effects of the flu? How do they compare to increasing evidence about long-term health effects of COVID-19?

This is another area where the two viruses differ. COVID-19 survivors report many more long-term effects of the infection than influenza survivors. Lingering symptoms like weakness, shortness of breath, trouble focusing and, in some cases, kidney and heart problems are much more common after COVID-19 than after influenza. “Mild” COVID-19 illness has been described as “flu-like.” It’s important to remember that the flu is a pretty debilitating disease so “mild” COVID-19 is still a pretty significant disease. ".

Ekki beint sama svarið og það er lélegt hjá blaðamanni Morgunblaðsins að láta þingmann komast upp með annað eins þvaður þegar dauðans alvara er undir.

Eiginlega bara svona fúsk vinnubrögð.

Ég ákvað því að birta greinina í heild sinni í athugasemdarkerfinu, vona að hún peistist þolanlega.

Þarna er staðreyndum haldið til haga eftir þeirri bestu þekkingu sem við höfum í dag.

„Af hverju fara menn þessa leið?“

Farsótt sem drepur.

 

Ber sök, ekki vörnin gegn henni.

Þeir sem kenna vörninni um, ekki sóttinni, þjóna annarlegum hagsmunum, og eru svag fyrir fjöldamorðum.

Málflutningur þeirra byggist allur á því að taka árangur sóttvarna, og álykta út frá því að sóttvarnir séu ekki nauðsynlegar.

 

Önnur fölsun er að taka lönd eða landsvæði þar sem veiran hefur ekki verið eins skæð, og álykta út frá því um önnur svæði þar sem hún bítur, segja þá að sóttvarnir viðkomandi landa virki, eins og til dæmis í Hvíta Rússlandi að drekka vodka, eða í Svíþjóð að hamla gegn útbreiðslu hennar með áherslu á persónulegar sóttvarnir sem og að hafa þær almennu mildari en í mörgum nágrannalöndum.

 

Sú þriðja, sem er ekki eins augljós er að taka alvarleikann í byrjun faraldursins þar sem sóttin virðist tiltölulega meinlaus fjöldanum, og álykta að þar með verði hún það áfram þegar hún nær almennri útbreiðslu.

Í upphafi faraldursins var þetta kannski eðlilega viðbrögð í löndum eins og Kína, Ítalíu, Bretlandi og víðar, en svo kom bara annað í ljós, yngra fólk fór líka að veikjast illa og aðeins bráðameðferð gjörgæslunnar bjargaði lífi þess.

Í dag veit fólk betur og aðeins þeir sem þjóna annarlegum hagsmunum og eru svag fyrir fjöldamorðum hamra á þessu.

 

Þetta fólk hefur hamast gegn innlendum sóttvörnum frá upphafi faraldursins hér á landi, hin sorglegu dauðsföll á Landakoti virðast ekki hafa slegið á þessa áráttu, maður hefði getað haldið að það sagt Yes, loksins, og yrði rólegt í einhvern tíma.

Nei, nú skal grafið undan sóttvörnum, og munum að slíkur skurðgröftur er alltaf tilraun til fjöldamorða, þó hægri öfginn líkt og bræður hans í kommúnismanum finni sér alltaf eitthvað innantómt orðskrúð til að réttlæta gjörðir sínar, var Maó ekki að kenna Kínverjum að taka stór skref? þegar hann fékk þá til að bærða stál í stað þess að yrkja akra, með þeim afleiðingum að enginn veit hvað margar milljónir dóu úr hungri, en þær voru taldar í tugum.

Og hvaða orðskrúð er betra en yfirskinið Ræða markvissa vernd viðkvæmra hópa?

Og hver er betri en hægri öfginn á Morgunblaðinu til að auglýsa slíkt.

 

Það er vísað í Barrington yfirlýsinguna þar sem hægri öfgaveita fékk nokkra vísindamenn til að skrifa á blað tillögur sínar um hvernig hægt væri að lifa með drepsótt, án þess að hún dræpi.

Sem er augljóst er mótsögn og getur aldrei gengið upp.

 

Drepsótt drepur, heilbrigðiskerfin springa, þeim sem hægt er að bjarga, verður ekki bjargað, ómældur mannauður reynslu og þekkingu glatast því þó aldurinn dragi úr líkamsþrótti þá kemur vitið, reynslan og þekkingin í staðinn.

Og svo ég vísi í hinn örmagna ítalska lækni sem sagði yngri samlöndum sínum að skammast til að fylgja sóttvörnum, "þið getið líka veikst illa", því eftir fyrstu bylgju eldra fólks, fór yngra fólk að hrannast inná spítalana.

Sem hefði ekki lifað af ef læknar og hjúkrunarfólk væri fallið frá, hvort sem það væri vegna sýkingar eða örmögnunar, fyrir utan að hármarksafkastageta er alltaf fasti sem útbreidd farsótt brýtur alltaf á bak aftur og þá þarf að velja.

 

Það er þekkt úr sögu farsótta að þær þurfa ákveðna útbreiðslu til að bíta, þess vegna hefur mannkyninu lærst að reyna að stöðva þær í upphafi.

Vísindamenn sem hundsa þess staðreynd, eru ekki vísindamenn, heldur eitthvað allt annað, til dæmis áróðursmenn í þágu annarlegra hagsmuna.

 

Það er líka vitað með kóvid farsóttina að fjöldi fólks í markhópi hennar, hinum svokölluðum áhættuhópum, getur farið yfir 20% af íbúafjölda margra landa, og í þeim hópi er líka heilbrigðisstarfsfólk, og því ómöguleiki að vernda allan þann hóp og láta allt mannlíf ganga sinn vanagang á meðan.

Nema menn hafi fundið upp eitthvað hjól sem hefur ekki verið fundið upp áður.

 

Slíkt hjól er ekki að finna í Barrington yfirlýsingunni, og þar með er vísvitandi verið að leggja til fjöldamorð undir yfirskini vísindanna.

Enda var Barrington yfirlýsingunni strax svarað af fólki sem er ekki svag fyrir fjöldamorðum og það rakið af hverju hugmyndafræði hennar gengi ekki upp.

 

Eftir stendur áróðurinn, tilraunin til að grafa undan sóttvörnum sem formaður Sjálfstæðisflokksins lýsti sig svo stoltan af að væri ástundað í flokki hans.

Enda mikilvægast í umræðunni að gæta meðalhófs og að sóttvarnir ættu sér skýrar lagaheimildir.

Tilgangur sóttvarna, að bjarga mannslífum, að forða samfélagshruni, það er ekki nógu gott ef einhver lagaþrasarinn finnur brotalöm í lagagrunninum.

 

Maður hélt að dauðinn á Landakoti hefði róað þetta lið.

En það er ekki.

Við lifum þá skrýtnu tíma að úrkynjunin er slík að fólk getur vísvitandi lagt á sig marga og mikla króka til að vega af lífi og limum samborgara sína.

Nagið þjónar þeim eina tilgangi að landamærin verði aftur opnuð fyrir nýju smiti, og að sóttvörnum verði aflétt á meðan veiran gengur ennþá laus.

 

Hinn þögli meirihluti styður Þórólf.

Hávær örhluti ræðst opinberlega á hann og stefnu hans, gerir allt til að skemma fyrir, með falsi, hálfsannleik og vísvitandi blekkingum.

 

Þórólfur er ósköp einn í þessu stríði.

Því á meðan hinn þögli þegir, þá virðist nagið svo fjölmennt.

Á meðan gengur dauðinn laus.

 

Þögn hefur oft verið rofin af minna tilefni.

Kveðja að austan.

Ræða markvissa vernd viðkvæmra hópa

Það dó fólk vegna mistaka.

 

Höfum það á hreinu, afneitum því ekki svo hægt sé að þróa umræðuna áfram út frá þeim raunveruleika varðandi húsnæði, mönnun, verkferla og allt annað sem er, fáum sumu breytt, öðru ekki eins og húsnæðið, en aðalatriðið er að lærdómur er ekki lærdómur á meðan endalaust er rifist við hann.

Það voru mistök að hólfaskipta ekki Landakoti og þau mistök eru víða.

Allt annað sem skýrir, fær ekki skýrt þau mistök.

 

Á þeim mistökum eru skýringar líkt og landlæg undirmönnun sem er bein afleiðing þeirra heimsku að vanþroskuð illa menntuð börn sem hafa gráðu í viðskipta eitthvað, hafa lagt undir sig ráðuneyti og stofnanir og gera sífeldar kröfur um hagræðingu.

Tal sem illa gefnir stjórnmálamenn hafa gert að sínu.

Með þeim afleiðingum að allt kerfið er óskilvirkara, dýrara, og ekki hvað síst, viðkvæmara fyrir öllu áreiti og breytingum, því þegar eitthvað rétt skrimtir frá degi til dags, og varla það, þá ræður það ekki við aukið álag.

Eins og gerðist á Landakoti, að undirmönnun og úrelt húsnæði leiddi til þess freistnivanda að fagfólk fór á milli deilda, eitthvað sem má ekki gerast þegar barist er við hljóðláta, agnarsmáa veiru.

 

Á einhverju tímapunkti þarf að sækja þessa stjórnmálamenn heimskunnar til ábyrgðar vegna langvarandi skemmdarstarfsemi þeirra sem og að lúsahreinsa opinberar stofnanir af illa menntuðu börnum sem sækja sér bónusa með niðurskurði andskotans.

En dagurinn í dag er ekki sá tímapunktur.

Dagurinn í dag er sá tímapunktur sem við lærum.

 

Þann lærdóm geta stjórnendur Landsspítalans ekki flúið, eða breytt yfir, eða talað sig frá.

Því þá bara gerist þetta bara aftur, og svo aftur.

Því veiran lýtur sínum lögmálum og henni er alveg sama um afsakanir okkar eða afneitun á raunveruleika hennar.

Hún sýkir fái hún til þess tækifæri.

Hún drepur ef hún hittir viðkvæma, og drápsgeta hennar eykst í beinu línulegu hlutfalli við útbreiðslu hennar.

Punktur.

 

Við sem þjóð getum heldur ekki flúið þennan lærdóm.

Ríkisstjórn Íslands tók vísvitandi þá ákvörðun að hleypa veirunni inní landið þvert gegn aðvörunum helstu sérfræðinga þjóðarinnar bæði læknanna á Landspítalanum sem og okkar mætustu hagfræðinga sem bentu á að þjóðhagslegt tjón vegna þessa galgopaháttar yrði margfalt á við þann meinta stundarávinning ferðaþjónustunnar áður en öllu yrði lokað á ný,

Mistökin á Landakoti, það að hafa ekki hólfað deildir, skýrir að hluta útbreiðslu farsóttarinnar en aðeins að hluta.

 

Eftir því sem smit er útbreiddara í þjóðfélaginu, þá aukast líkur á smiti innan hjúkrunarstofnana, í raun er það kraftaverk að tilfellin séu ekki miklu fleiri, þar hefur gæfa þjóðarinnar verið þanin til ýtrasta.

Og jafnvel þó smit sé ekki útbreitt, þá veit enginn hvar veiran stingur sér niður næst, hvort sem það er á vinnustað þar sem þúsundir vinna, eða í smáfyrirtæki þar sem meint hópsmit nær aldrei til fleiri en örfárra starfsmanna og aðstandanda þeirra.

 

Nema það rífst enginn við líkindin, þó lítil séu, þá aukast þau í beinu hlutfalli við fjölda, hvort sem það er smit yfir landamæri með auknum fjölda ferðamanna, eða smit inná viðkvæmar stofnanir eftir því sem það er útbreiddara í samfélaginu.

Staðreynd sem jafnvel keypti kvennasjúkdómalæknirinn í Harvard gat ekki afneitað í debati sínu við Kára klára, þess merarhjarta sem gat ekki staðið í lappirnar í debati sínu við hægri öfga Frú Andersen .

 

Það dóu vissulega fleiri vegna mistaka Landsspítalans, en allir sem dóu, dóu vegna hinnar röngu ákvörðunar ríkisstjórnar Íslands.

Lömun samfélagsins er líka á hennar ábyrgð.

Fjárhagslegt tjón þeirra sem misstu atvinnutækifæri sín eru líka á hennar ábyrgð.

Og þau sem ábyrgðina bera, þau ulla bara framan í okkur,

Nema að í það minnsta Sjálfstæðisflokkurinn mun virkja skítadreifaradeild sína í þeim tilgangi að klína ábyrgðinni á lækna okkar sem vöruðu við, tóku slaginn, og þurftu að gera það besta úr þeirri stöðu sem niðurskurðarhagræðingarkrafa síðustu ára hafði komið Landspítalanum í.

 

Einföld staðreynd sem er lærdómur stjórnmálasögu þjóðarinnar.

Einfaldur lærdómur um skort á ábyrgð fólks sem þiggur laun fyrir ábyrgðina en axlar hana aldrei þegar á reynir, reynir þó samt alltaf að hafa skúringarkonu í vinnu sem hægt er að skella skuldina á.

 

Mistök eða rangar ákvarðanir eru samt hluti af því sem við köllum raunveruleika, eða lífið sjálft.

Einbeittur vilji til að gera mistök líkt og þegar stjórnvöld hundsuðu varnaðarorð sérfræðinga, hvort sem það var á sviði læknavísinda eða hinnar einföldu skynsemi hagfræðinnar, eru líka þekkt.

Stjórnmálamenn telja sig oft vita betur, og því miður á sú vissa og sannfæring sér oft rætur í þeim hagsmunum sem hafa kostað feril þeirra og frama.

Að ekki sé minnst á hugmyndafræðilega heimsku og hálfvitaskap sem útskýrir viðhorf barnanna sem ímyndunarfræðingar Sjálfstæðisflokksins settu í ráðherrastól.

 

Breytir samt því ekki að það sem var, var, og það eina sem við getum gert er að feisa nútímann, og takast á við þær áskoranir sem hann býður okkur uppá.

Og það væri illa sagt að segja annað en að stjórnvöld hafi reynt að gera sitt besta til að takast á við þann vanda sem heimska þeirra og vanvit skópu.

Í alvöru, út frá raunveruleikanum, út frá lífinu þá erum við heppin með forystu stjórnvalda, þau reyna sitt besta og gera mikið, eitthvað sem er ekki sjálfsagt út frá þeirri hugmyndafræði þess í neðra sem hefur gegnsýrt vestræn samfélög síðustu áratugi, eða allt frá níunda áratug síðustu aldar.

 

Sú staðreynd, og hana eigum við sem þjóð að þakka fyrir og virða, breytir samt því ekki að þetta er fólkið sem ber beina ábyrgð á ótímabæru andláti samlanda okkar, sem og öllum þeim skaða sem hlýst af þjóðfélagi í fjötrum sóttvarna.

Sem er ábyrgð sem þarf að axla.

Sem fólk, alvöru fólk axlar.

 

Til dæmis með því að segja AFSAKIÐ.

Viðurkenna þar með að röng ákvörðun var tekin.

Og sú viðurkenning  er um leið fullvissa um að lærdómur hafi verið dreginn.

 

Því það dó fólk vegna mistaka.

Feður, mæður, afar og ömmur, langafar og langömmur.

Fólk sem hafði skilað sínu og bað um það eitt að það fengi öruggt ævikvöld.

Eitthvað sem við sem samfélag höfum reynt að uppfylla eftir bestu getu.

 

Það dó ekki vegna þess að Shit happens, það dó vegna rangra ákvarðana.

Jafnt stjórnenda Landspítalans sem og ríkisstjórnar okkar.

 

Landspítalinn lýsti því yfir að hann hefði lært, og mynd læra.

Í raunveruleikanum, þessum sem geldingarstefna rétttrúnaðarins hefur ekki afskræmt, þá er ekki hægt að biðja um meira.

Ríkisstjórnin hins vegar þegir.

 

Það er miður.

Og er ávísun á forherðingu án lærdóms.

 

Nema ég veit að svo er ekki,

Kveðja að austan.

„Sýkingavarnir eru ekki sexý"

Ráðumst á fortíðna.

 

Hundsum nútíðina.

Til dæmis þá spurningu að formaður Sjálfstæðisflokksins talar um að það hafi reynt á meðalhóf lagagrundvallar sóttvarna, en axlar ekki ábyrgð á opnun landamæranna í vor, þvert gegn aðvörun lækna Landsspítalans, opnun sem hefur þegar kostað 14 manns lífið, og ekki er séð úr um hvar Dauðinn gefur eftir.

 

Fyrir 1971 gerðist ýmislegt sem á sér sína sögu, bæði í tíðaranda, sem og algjöru aðstöðuleysi fyrri ára og áratuga.

Að velta sér uppúr því núna er í besta falli aumkunarvert, en lýsir í raun heimsku og fáráð þeirra sem stjórna okkur í dag.

 

Vita fíflin ekki að margt hefur breyst til batnaðar, meðal annars vegna lærdóms fortíðar.

Ef fíflin eru ekki að vitna í að ástandið sé svipað eða verra í dag, eða hafi batnað lítillega, þá eru þau bara hreinræktuð fífl.

Fífl sem horfa algjörlega framhjá skyldum sínum og ábyrgð í dag.

 

Hvað er að fjölmiðlafólkinu sem veltir sér uppúr hálfrar aldar gömlu sögum, eða þaðan af eldri??

Ætlar það að leita uppi afa sína og ömmur, eða fara útí kirkjugarð, og öskra; skammist ykkar??

 

Af hverju steinhélt þetta sama fólk kjafti þegar mjög þröngir fjárhagslegir hagsmunir Bláa lónsins, sem og annarra auðmanna sem eiga hönk uppá bak á ráðherrum Sjálfstæðisflokksins, opnuðu landamæri þjóðarinnar fyrir nýrri bylgju kóvid veirunnar.

Var það svo heimskt að það skynjaði ekki alvarleik farsóttarinnar??

Eða krefjast eigendur fjölmiðlanna að ekki sé fjallað um núið, heldur að frétt sé aðeins frétt ef hún vísar nógu langt til baka, eða er upphlaup og hávaði líkt og svo margar fréttir Ruv??

 

Það er samt 12. nóvember í dag.

Opnun landamæranna í sumar hefur þegar kostað 14 manns lífið.

Fyrir utan ómælt tjón á hagkerfi þjóðarinnar, sem og lokun alls þess sem tengist samskiptum milli fólks.

 

Fíflin, hálfvitarnir, sem nóta bene eru ráðherrar í ríkisstjórn Íslands, sögðu að meiri hagsmunir væru undir, en þeir að vernda innlenda hagkerfið, mannlíf okkar sem og líf þeirra sem eldri eru.

Fíflin, hálfvitarnir höfðu rangt fyrir sér.

Og engin spyr þá um ábyrgð.

 

Meir að segja formaður Sjálfstæðisflokksins réttlætir þau sjónarmið að mikilvægast sé að virða meðalhóf í sóttvörnum, sem er fínt lagamál um að grípa seint og illa til nauðsynlegar aðgerða, með tilheyrandi fórnarkostnaði fyrir líf og samfélag.

Og hann kemst upp með það, berandi ábyrgð á þeirri ákvörðun sem þegar hefur kosta líf samborgara okkar.

 

Hve firrt er fólk??

Hve heimskt er fólk??

Þegar það er í góðu, að gamlar sögur taka yfir umræðu dagsins..

 

Það er ekkert sem afsakar svona fréttamennsku.

Ekkert.

Kveðja að austan.

Yfirhjúkrunarfræðingur hafi dregið fólk í dilka

Ekki Trump vann Trump.

 

Eftir stendur klofinn þjóð í herðar niður, án leiðtoga, án lýðræðislegrar forystu.

Valdataumarnir eru hjá mönnum bakherbergjanna sem tóku sovésku leiðina á þetta, völdu þann elsta og hrumasta, sem gegnir aðeins embættinu að nafninu til.

 

Hvernig á slíkt að sameina þjóðina??

Hvernig byggir slíkt brýr á milli stríðandi fylkinga sem eru aðeins nokkur augnablik frá því að láta vopnin tala??

Að ekki sé minnst á hvaða líkur eru á að menn bakherbergjanna, beintengdir Wall Street og glóbal auðnum, takist á við rótina sem skýrir að gikkur eins og Trump fékk þetta mikið fylgi að það þurfti bein inngrip fjölmiðla til að leggja hann að velli, og það með naumasta mun?

Því þessar kosningar snérust ekki um mismun eða misskiptingu heldur sjálfa lífsafkomuna, að fólk hafi vinnu til að hafa í sig og á.

Menn sem viðurkenna ekki vandann eða gera sér ekki grein fyrir alvarleik hans, eru ekki líklegir til að leysa hann.

 

Ekki Trump vann en bandaríska þjóðin tapaði, hvernig sem á það er lítið.

Ósigur hennar var staðfestur þegar ljóst var að auðurinn sem á lýðræðið gat ekki boðið þjóðinni upp á valkost við Trump.

Eftirleikurinn hefur síðan bara verið skrípaleikur, aðeins hefur vantað stundina þar sem aðstoðarmaðurinn þurfti að rétt upp handlegg leiðtoga sem ekki var ennþá meðal vor, og láta hana,það er höndina veifa mannfjöldanum.

 

Sú stund var endalok Sovétríkjanna, þó það skrimti að nafninu til nokkur ár í viðbót.

Sigrar sem kosta menn allt þannig að stríðið er gjörtapað, eru oft kallaðir Pyrrhosarsigur eftir grískum konungi sem missti ríki sitt og krúnu eftir einn slíkan sigur.

 

 

Sigur Bidens er ekki slíkur sigur.

Hann er verri en það.

Kveðja að austan.

 

Joe Biden sagður kjörinn forseti Bandaríkjanna

"Viljum bara það sem virkar"!

 

Segir Logi, hinn nýendurkjörni formaður Samfylkingarinnar.

Og einhver hefði haldið að hann væri að boða grundvallarstefnubreytingu í málefnum Samfylkingarinnar.

Tryggð við krónuna og beina yfirlýsingu um að Samfylkingin hefði séð villu síns vegu gagnvart Evrópusambandinu

Enda vandséð hvernig menn geti minnst á jafnaðarstefnu í öðru orðinu og dásamað hið frjálsa flæði Friedmans sem er hornsteinn innri markaðar evrópska efnahagsvæðisins.

 

Nei, nei, Logi reyndi bara að toppa andlegt atgervi Bidens.

Þó með vottorð um að hann hafi aldrei verið tekinn í meðferð niðri í kjallara.

 

Aumt er þetta.

Aum er arfleið Héðins og Bríetar, þegar grímulaus frjálshyggja hins frjálsa flæðis, flæðis fjármagns í skattaskjól, félagslegra undirboða, mannsals og alþjóðavæðingarinnar er kennt við klassíska norræna jafnaðarstefnu.

Að stefna andstæðinganna, þeirra svörtustu og alverstu, liberal 19.aldar sé orðin kennisetning arftaka þeirra.

Lítið hefði orðið úr verkfallinu um vökulögin ef það hefði dugað að flytja inn nokkra atvinnulausa fátæklinga frá Austur Evrópu til að vinna með bros á vör dag og nótt líkt og það verkfall snérist um.

Faðirvor andskotans í sinni tærustu mynd.

 

Ekki hjá strákunum hans Hannesar.

Heldur hjá þeim sem tóku við kyndli jafnaðarmennskunnar og enduðu svona.

Og hafa ekki einu sinni elliglöp sér til afsökunar líkt og Biden.

 

Það er svo.

Þessu fólki er ekki viðbjargandi.

Kveðja að austan.

„Viljum bara það sem virkar“

Það er slegist við veiruna um allan heim.

 

Sífellt verið að herða aðgerðir.

Svo sitjum við hér uppi með kjaftæði þar sem stúlkukrakki segir við sér eldri og reyndari mann, mann sem hefur leitt baráttu þjóðarinnar gegn veirunni, "Mér hugnast ekki breytingar þínar".

 

Við sitjum uppi með þing sem röflar um réttarheimildir sóttvarna, en ekki faraldurinn og afleiðingar hans fyrir heimili og fyrirtæki. 

Af hverju er ekki búið að frysta verðtrygginguna?, það er óeðlilegt að heimsfaraldur veiru hækki húsnæðislán fólks.

Og af hverju er ekki búið að setja neyðarlög sem stöðva innheimtuhringekjuna??

 

Af hverju er það ekki rætt sem þarf að ræða og um leið þaggað niður kverúlöntum hægri öfganna.

Af hverju er slíkt fólk í ríkisstjórn Íslands??

 

Já, af hverju.

Kveðja að austan.

Örþrifaráð í Ósló

Eru engin takmörk á heimsku??

 

Eða fávitahegðun  barnanna sem sitja í ríkisstjórn Íslands í umboði Sjálfstæðisflokksins??

 

Þjóðin lagði gífurlega mikið á sig í vor til að losna við veiruna, og þá illu heilli náðu fjársterkir hagsmunir að beygja vit og skynsemi og opnað var fyrir veiruna á ný.

Ávinningurinn enginn, en fórnarkostnaðurinn gífurlegur.

Fyrir fólk, fyrirtæki, almenning.

 

Núna sameinast þjóðin, í óþökk barnanna í Sjálfstæðisflokknum, í óþökk hægri öfga og þeirrar siðblindu sem þeir standa fyrir, að útrýma aftur veirunni úr íslensku samfélagi.

Ásættanlegt er nýsmit innan við 5 á dag sagði tölfræðiprófessorinn við Háskóla Íslands.

 

Þá segir krakkinn, barnið sem Sjálfstæðisflokkurinn skipaði yfirmann Almannavarna, að stefnt sé að frjálsri för til Íslands frá svokölluðum grænum löndum.

Löndum þar sem smit eru færri en fleiri.

Smituð engu að síður.

 

Við sem erum í miðjum faraldri þar sem eitt smit, eitt veirusmit inn fyrir landamæri okkar, varð að næstum því óviðráðanlegum faraldri, þurfum að hlusta á svona kjaftæði.

Að opnað sé á nýja hringekju faraldursins.

 

Til hvers eru almannavarnir??

Til hvers er ríkislögreglustjóri?'

Til hvers er þjóðaröryggisráð??

 

Ef svona börn fá að ganga laus í ábyrgðarstörfum??

Til hvers eru fóstrur og leikskólar ef börn sleppa í gegnum ungliðahreyfingu Sjálfstæðisflokksins, og enda sem ráðherrar, en þroskinn og vitið er ekkert??

 

Þetta á ekki að líðast.

Annað hvort er Sjálfstæðisflokkurinn með okkur.

Eða ógn.

 

Það er ekkert þar á milli.

Kveðja að austan.

Frjáls för til Íslands frá grænum löndum